رواية جنون بنكهة العشق الفصل الثاني 2 بقلم الكاتبة حبيبة

2- الصحبة الصادقة خير

كان يحلم هذا صاحب الشعر الأصفر والعيون الزرقاء وينام بشكل فوضوي للغايه فكانت يده اليسرى على جبهته ويده اليمنى تتدلى للاسفل وشعره مبعثر للغايه وفمه مفتوح واللعاب يسيل منه بشكل مثير للضحك وكان الغطاء على قدم اليسرى فقط والقدم اليمنى فكانت تتدل الاسفل ايضا وهذا الشكل الفوضاوي بمثابه نومه جميله وهانئه بنسبه له ولكنه لن ينعم بهذا النوم الجميل فقد ارتفع صوت رنين هاتفه يخبره ان هناك من يتصل عليه ولكنه لم يفتح عينه بل رفع زراعه وضغط على زر اغلاق الخط واكمل نومه مره اخرى

ولكن " تاتي الرياح بما لا تشتهيه السفن" فقد ارتفع رنين الهاتف مره اخرى بشكل ازعج هذا الرجل بشده فتح عينه بغضب ومد يده وامسك الهاتف وفتح الخط وضعه على اذنه دون ان يرى من المتصل وأجاب:

ايوه يا زفت الطين على الصبح في ايه

ولكن جاءه الرد من الجهه الاخرى بصوت الجهوري الغاضب: نعم يا روح امك قلت ايه دلوقتي

مجرد ان سمع مروان الصوت حتى انتفض من على الفراش ووقع الارض على وجهه فاطلق تأوهًا عالياً ولكنه قال : والله يا ليث باشا مش كنت اعرف انه انت

قال ذلك هو كاد يبكي حقا

ليث بغضب : 'لا بجد حسابي معاك بعدين المهم دلوقتي يلا تعال على كافيه ....... انا مستنيك هناك بالعربيه

مروان بضيق : يعني يوم الوحيد اللي اخذته في اجازه من الشغل مهبب ده والمدير اللي قرفني في عيشتي اصحى فيه بدري ليه ان شاء الله وبعدين انت عايزني في ايه

ليث ببرود :

تعالى وانت تعرف

مروان بضيق وهو ينهض من علي الارض: استغفر الله العظيم طب هو ما ينفعش تديني ربع ساعه حتى الحق اخد دش حتي والبسلي اي حاجه كده واجي

جاءه رد اخر هذه المره هو يقول :يعني انت هتلحق تستحمي في 10 دقائق يعني

مروان بضحك : يزن حبيب قلبي والله ليك وحشه يا راجل

وصل له رد اخر وهو يقول بقرف :

حبيب قلبك !!! انا بدأت اشك فيك اصلا

مروان بفزع : يخربيتك يايزيد يخربيت دماغك ده ايه ده اتهبلت يابني

جاءه صوت ثالث هذه المره وهو يقول :لحظه بس انت وهو انت تستعبط يلا انت لسه سايبه امبارح بالليل على القهوه '

يزن : وفيها ايه يعني يا عم يوسف ما هو عدى ساعات كثيره وبعدين هو حرام نوحش بعض ولا ايه

ليث بنفاذ صبر : يا الله يا ولي صابرين ما خلاص بقى كفايه رغي وانت يا اللي اسمك مروان تيجيلي حالا

مروان : 'يا عم ابوس ايدك اديني ربع ساعه والنبي ربنا يخليك عيالك يا شيخ

ليث :'عيال مين معلش انا مش متجوز اصلا هتستعبط بروح امك

مروان بضحك:خلاص ربنا يخليلك حور يا عم حلو كده ينفع تديني ربع ساعه طيب '

ليث ببرود : ربع ساعه وليك قدامي

مروان :امرك يا باشا سلام انا بقى يا جدعان

واغلق مروان الخط ولكنه لم يذهب ليرتدي ملابسه بل ارتمي علي الفراش مره اخرى ويتأفف بضيق لأنه لم ينم جيدا البارحه ايضا

زفر بضيق وعاد للنوم وهو يحتضن وساده ويبتسم ولكن تأتي الرياح بما لا تشتهيه السفن مره اخرى فقد فُتِح الباب بعنف ثم دخلت إمرأه تمسك بيدها صينية كبيره وهي تضرب عليها بكلتا يديها

: عند بيت ام فاروق هاي هاي والشجره طرحت برقوق هاي هاي وعند بيت ام صلاح هاي هاي والشجره طرحت تفاح هاي هاي

نظر لها مروان والقى عليها الوساده وقال : وانا مال امي بالشجره طلعت ايه ده ايه ده الواحد مش عارف ينام خمس دقايق على بعض ايه يا امي ده حد يدخل يصحي حد علي ام فاروق انتي لازم تدخلي عليا وانتي بتزغرطي هتجيب معايا نتيجه انا بقولك اهو

قال ذلك بسخريه وهو يرمقها بغيظ

الام : ايه يا عم في ايه بتزعق ليه الحق عليا اني كنت عايزه اصحيك عشان تفطر معايا وانا عملالك فطار ملوكي هتاكل صوابعك وراه

مروان بسخريه :لا بجد فطار ايه ده ان شاء الله عاملالي طاجن باللحمه مفرومه على الفطار ولا ايه

الأم :لا يا اخويا هو عادي زي كل مره بطاطس مقليه وفول وطعميه وبتنجان مقلي وكام رغيف

عيش عادي يعني

مروان : امال ايه الفرق طب ما هو كل يوم كده ايه الملوكي في كده يعني '

الام بغمزه :في فرق يا عم اني هاكل معاك

مروان بسمه وهو يقبِّل جبهتها : صح هيبقي احلى فطار ولا ايه تسلم ايدك يا زوزو يا قلبي

زينه بحنان وهي تربت علي شعره : طب يلا ياحبيبي روح اتوضي وصلي الصبح كده وتعالي كل يلا

مروان بفزع: يا نهار ازرق ده باقي 10 دقايق من الربع ساعه

زينه باستغراب : ربع ساعه ايه؟

مروان : ليث قالي اجيله بعد ربع ساعه

وركض ناحيه المرحاض مسرعا

ضحكت زينه بصخب وخرجت هي الاخرى من الغرفه

................................................................

كانت تنام هذه صاحبه الشعر الاحمر بأمان وهي تحلم حلم جميل فهي كانت تحلم انها قد سافرت الى احد جزر المالديف وتجلس على الشاطئ وشعرها يتطاير بفعل الرياح لكن تاتي الرياح بما لا تشتهيه السفن اذ استيقظت على دلو من الماء يُسكَب عليها فانتفضت بفزع وهيا تقول : اععععععاااااااااااا بــــــغـــــــرق

نظرت بجانبها وجدت اصدقائها على الارض ويضحكون بشده على شكلها وكانت تارا تمسك في يدها دلو وهي تضحك بصخب هي الاخرى

نظرت لهم بشر

فقالت شمس بسرعه : اجروا يا جدعان هنموتتتتت

قامت ميار حتى تضربهم جميعا لكنها لم تلحق لان تارا القت الدلو بوجهها فارتدت هيا للخلف وسقطت الناحيه الاخرى من الفراش

فأسرعت تارا وهي وباقي الفتيات للخارج سريعا فنهضت ميار وهي غاضبه وبشده وقالت بصوت عالي:

يا كـــــلاب والله لأوريكم ياجذمه منك ليها

اسرعت الفتيات يجرون في انحاء الشقه

مها بصوت عالي :الحقنا يا عبد المجيد بنتك هتموتنا

خرج عبد المجيد من غرفته يفرك عينيه ويتثاءب بتعب وقال :

فيه ايه على الصبح وكل يوم كده و...

لم يكمل جملته بسبب الدلو الذي اصطدم بوجهه وجعله يرتد للخلف بصدمة

ميار باحراج :احم لا مؤاخذه يا عبده كنت عايزه اجيبه بالبت اللي وراك دي بس

عبد المجيد بغضب:لا بجد تسدقي انتي تستهلي ضرب الجزمه على دماغك

خرجت والده ميار من المطبخ وهي تقول :

في ايه بتزعقوا على الصبح ليه

ولكن توقفت وهيا تري تارا وتسنيم ومها يضحكون بشده وهو علي الأرضيه وشمس تقف خلف زوجها وميار شعرها مبتل بالماء وهو على وجهها وملابسها ايضا مبتله

فضحكت هي الاخرى بصخب على شكلها

فقالت ميار وهي تلوي ثغرها: حتى انت يا ميمو ده انا كنت فاكر ان انتي اللي فيهم يعني

مريم : بصراحه شكلك يضحك اوي

ثم نظرت لزوجها وقالت :ايه اللي مصحيك بدري كده يا عبده ده انا كنت هخلص الفطار وهصحيك

عبد المجيد بحنق :هو في غيرهم يعني هم الجزم دول بصحى عليهم كل يوم بقيت حاسس انهم المنبهات بتاعتي

تارا : يعني انت عاملنا المنبهات بتاعتك ماشي يا سيدي براحتك

عبد المجيد بضحك :ما انتوا اللي كل يوم مشكله على الصبح اعمل ايه انا يعني

ميار :ما خلاص يا حاج انت هتذلنا ولا ايه وبعدين قوليلي يا ميمو عامله ايه النهارده

مريم : انا الحمد لله يا حبيبتي والله

ميار بغباء : الحمد لله ايه انا قصدي انت عامله اكل ايه النهارده

تشنجت ملامح مريم بينما ضحك عبد المجيد بشده مريم بغضب : حتى انت يا عبده تضحك طب خدي دي يا جزمه انت كمان والقت عليها ملعقه الخشب

فاسرعت ميار وجارت للناحيه الاخرى فاصطدمت الملعقه بالمزهرية التي تحبها مريم بشده فغضبت مريم اكثر

تراجعت ميار للخلف وهي ترفع يدها وتقول :انا مليش دعوه حضرتك اللي رميتيها وناس دي تشهد اهي

وقالت ذلك وهي تشير الجميع حولها

عبست ملامح مريم وتحولت للحزن فقال عبد المجيد هو يقترب منها :خلاص ياقلبي فداكي ياروحي انا هجيبلك غيرها مش مهمه دي

مريم بحزن : دي غاليه عليا اوي يا عبده وانت عارف

عبد المجيد :طب خلاص خلاص انت هتعيطي ولا ايه تعالي انا وانتي نعمل الفطار مع بعض ونتكلم كلمتين كده ها

وانهي كلامه بغمزه

مريم ووجهها بدأ بالاحمرار : احنا كبرنا علي الحاجات دي على فكره

صفرت مها وقالت بصوت عالي : الله الله الله الله على رومانسيه يا ناس اي نعم كبرتوا بس والله ولا كأنكوا لسه بالعشرينات '

تسنيم :' تسدقي صح بصي كده علي عبده عضلات ايه وشعر ناعم ايه وغمازات ايه قمر ياناس

تارا وهيا تشاركها الحوار :ايوه ايوه ولا البت ميمو دي كمان ملامحها زي ما هي من وهي صغيره ما تغيرتش ولا ايه صحتها بومب ده انا بوطي عشان الم التراب بالمقشه والجاروف ضهري بيتقطم

مريم بفزع : يخربيتك هتحسديني يا بنت حامد

ثم تحولت ملامحها للشرار وهي تقول : انتم قاعدين بتعكسوا في جوزي وانا واقفه والله لاوريكم يا كلبه انت وهي

وهمت كي تنقض عليهم ولكن امسكها عبد المجيد من خصرها وقال : ايه يا حبيبتي في ايه دول عيال هبله سيبك منهم دلوقتي ويلا احنا على المطبخ الكلمتين محبوسين في زوري من بدري

ضحكت مريم وذهبت خلفه للمطبخ

مها :ابوك ثبتها بكلمتين واخده بالك

ميار بضحك :ايوه ايوه ده كل يوم على فكره ما تقلقيش يعني

شمس : حلوين اوي وهما مع بعض كده

ميار بغمزه لها : ده انتي اللي حلوه

ضحكت شمس فقالت تارا : بت احنا بدأنا نشك فيكي من اللي عملتيه الاسبوع اللي فات

شمس باستغراب :ايه اللي حصل الاسبوع اللي فات

ميار ضحك : يخربيتكم بلاش فضايح هتسوئوا السمعه كده يا جماعه

تارا بضحك : لا متقلقيش هي لوحدها بايظه من غير

حاجه

شمس بفضول: طب ايه اللي حصل انا فضولي زاد على فكره

تسنيم بضحك :ماشي بصي يا ستي الاسبوع اللي فات لما كنا بناكل المطعم وانت مش كنت معانا

F.B

كانت الاربع فتيات يأكلون بالمطعم ويتحدثون ويضحكون

وفجأة قالت ميار: ايه الشياكه دي يا بت يا مها ده انت قمر 14 النهارده

مها بضحك: بجد لا ده انا كده هتحسد بقي

ميار وهي تقترب منها :ايوه يا سكر انت قوليلي بقى منين الروج ده عشان حلو اوي على شفايفك يا سكر

مها ببعض الريبه :ايه يا بت بتقربي كده ليه وبعدين ده روج اللي انت جايباه معايا اصلا

ميار وهيا تضع يديها الاثنتين حول رقبه مها من الخلف : اوبااا ده انتي شكلك تحفه باللبس ده كمان

وغمزت لها

ابتعدت مها بسرعه وهي تقول : في ايه يابت انتي شاربه حاجه علي الصبح ولا ايه

ميار بضحك : شاربه مايه ياختي وبعدين مردتيش عليا بقولك شكلك عسل اوي النهارده

مها بصراخ : الحقونيييييييي ياجدعان

ميار بضحك اعلي :يخربيتك هتفضحينا

مها بصراخ : ابعدي يابت انتي شكلك شاربه حاجه والله

ميار بضحك اكبر : بموتتتتتتتتتتتتتتتتتتتتتتتتتتتتتتتتتتتتتتتتتت ده كان مقلب يخربيتك

مها بعصبيه : نعم يا روح امك ده انا قلبي وقع في رجلي وانتي بتقوليلي مقلب

و كل هذا يحدث تحت ضحكات تسنيم وتارا الذين كانوا يضحكون بشده على هذين الأثنين حتي نظر اليهم الناس وهم يستغربونهم

مها : ايه ياختي منك ليها بتضحكوا علي ايه

تارا :يالهوييييييييييي بموتتتتتتتتتتتتتتتتتتتتتتتتتتتتتتتتتتت من الضحك خلاص مش قادره

تسنيم :الأكل شرق في زوري بسببكم

مها بحقد :طب خلاص بدل ما اقلعكوا اللي في رجلي

تارا وهيا تكتم ضحكتها بصعوبه :طب خلاص خلاص هنكمل طفح تاني اهو

توقفت تسنيم عن الضحك بصعوبه وميار التي كانت تضحك علي ملامح مها المدهوشه والغاضبه بنفس الوقت حتي الأن

B.

شمس بضحك :ههههههههههههههههههههه يالهوييي كل ده حصل وانا معرفش ياجذم انا مش متخيله شكلك ياموها والله

مها بغضب : طب كفايه بقي لحسن اقوم اضربك دلوقتي '

شمس بفزع :ضرب ! ضرب ايه انا معلمتش حاجه والله انا بضحك بس

ذهبت تارا لها عانقتها وقالت : ايه ياشموسه في ايه ده البت مها بتهزر بس والله وبعدين ضرب ايه انتي نسيتي انك تكوني اختنا قبل ما تمكوني صحبتنا ولا ايه

شمس بحزن :طب مانا اخته بجد وحقيقي وبيضربني برضه

مها وهيا تعانقها : اششششش خلاص ياقلبي مكنش

قصدي اني اخوفك وبعدين ان شاء الله كل حاجه هتتحل وربنا عارف انك مظلومه ياحبيبتي '

+

.........................................................

نهايه غريبه بصراحه بس مقدرتش اكمل ايدي وضهري خلاص في ذمه الله

يارب البارت يعجبكم &