رواية جنون بنكهة العشق الفصل الثالث 3 بقلم الكاتبة حبيبة

3- عاشق الإنمي

ويلا نبدأ بسم الله

1

..................

خرج مروان من المرحاض وهو يجفف شعره وعندما خرج وجد والدته تشاهد التلفاز بانتباه شديد وهيا تمسك الطبق بيدها اليسري وبديها اليمني تأكل بنهم ودون حتي ان تشعر بأبنها

ابتسم بسخريه وقال في سره:' ماهو واضح انك هتاكلي معايا فعلا'

ثم قال بصوت عالي:' ايه يا امي ده الراجل ده انا كرهته من كتر مانتي بتتفرجي عليه'

لم تجب عليه زينه لانها كانت منتبه معه بشده ثم بعد دقيقه صمت قالت:' وماله الشيف الشيربيني ياخويا مش عاجبك ولا اايه ده حتي اكله خطيررر'

مروان وهو يجلس علي مائده الطعام:' لسه فاكره تردي وبعدين يريتك بتعملي حاجه من اللي بيقولها ده انتي نفخاني اندومي لحد ما خستلي عشره كيلو'

زينه دون النظر اليه: 'لا بجد امال مين اللي كان عامل ورق عنب من شهرين ده انا قعدت فيه يوم كامل وانت ولا فارق معاك'

ضحك مروان بشده وقال:' شهرين!! ده بجد مش شايفه انها مده بعيده شويه بس يعجبني فيكي يازوزو انك صريحه اوي'

زينه وهيا تهز كتفها بعدم اهتمام:' طبعا يابني الصراحه راحه برضه'

ضحك مروان واكمل طعامه ثم امسك هاتفه وفتح احد مواقع التواصل الأجتماعي او ما يدعي بال ( face book) ظل يقلب فيه بملل حتي مل من هذا وفتح احد حلقات الأنمي المفضل له اتسعت ابتسامته وهو يفتح الحلقه ولم ينتبه علي الوقت الذي مر منه نص ساعه تقريبا

............................................

كانت هذه المرأه التي لا يطيقها احد تقف بجانب زوجها وهيا تبكي بشده او نقول انها تتصنع وتمثل هذا البكاء وقالت

:'شوف ياعاصم ابنك عمل ايه'

ولم تكمل لأنها بدأت بالبكاء مره اخري

يلا السخريه حقا انتي تستطيعين التمثيل سيدتي

غضب عاصم بشده وقال:' قوليلي ايه اللي حصل بالظبط كده'

شاهيناز وهيا تتصنع الشهقات والبكاء:' هو جه من بره مسكني من شعري جامد وبعدين قعد يهددني ورماني زي الكلبه وبعدها اخذ حور وطلع قعد يجي نص ساعه هناك او اقل وبعديها لقيته بيدخل اوضتي برجله و....

F. B

خرج ليث من غرفه حور وتحولت ملامحه الي مرعبه ووجه اخر غير هذا الحنون الذي كان بالداخل اتجه حيث غرفه "شاهيناز" ودخل بقدمه فانتفضت هيا وقالت:

'ايه محدش علمك تخبط علي الباب قبل ما تدخل'

نظر لها ليث نظره مرعبه وابتسامه ارعب جعلتها تبتلع ريقها وتلعن نفسها علي ما قالته الآن

اقترب ليث منها بسرعه فتفاجأت هيا من سرعته ورجعت للخلف وقالت:' لو قربت تاني هقول لأبوك والله'

ضحك ليث ضحكه مرعبه جعلتها ترتعش بمكانها حتي اقترب اكثر من ذي قبل وامسكها من شعرها بقوه جعلتها تصرخ بألم وقال بصوت فحيح:

'غلطي غلط كبير اوي اوي لما قربتي من حور ولا كمان شتمتيني تؤ تؤ مش انا اللي اتشتم'

شاهيناز بخوف:

' ومين قالك اني شتمتك اكيد حور اختك المعف....

لم تكمل جملتها بسبب الصفعه التي اخذتها من ليث جعلتها تسقط علي الأرض وهيا تصرخ

نزل هو لمستواها وقال:

' انا هعدي شتيمتك ليا بمزاجي انا تشتمي حور فدي مش هتعدي'

ليث بصوت عالي ارعبها اكثر:

' اسمع حور بتعيط بسببك او بتشتكي من معاملتك الزباله دي ليها مش عارفه هيحصلك ايه بصي انتي تتقي شرّي عشان انا تكه وهطلع شياطيني كلها عليكي ومحدش هيقدر يمنعني ولا حتي ابويا'

ضحك ضحكه ساخره واردف:'

ابويا لو كان اب مكنش اتجوزك اصلا بس علي العموم لو زعلتي حور تاني هتزعلي مني اوي وانا زعلي وحش اوي فأحسنلك تبعدي عنها سامعه؟'

هزت رأسها برعب

فتركها ليث وقال:' اعتبري ده البدايه بس عشان لسه فيه كتير هيحصل واللي حصل ده تحذير مني للي جاي'

ثم خرج دون ان يسمع منها اي رد

B.

ضربني ياعاصم وابنك ده مترباش خدلي حقي منه

قالت ذلك وهيا تمثل البكاء مره اخري نهض عاصم بغضب وقال:' انا هوريه ابن ال**** ده ماشي ياليث'

ثم نظر لها وقال:' ادخلي انتي دلوقتي وحسابي معاه لما اشوفه'

هزت رأسها وقالت بدلع:' شكرا اوي يا حبيبي مش عارفه من غيرك كنت عملت ايه'

ابتسم عاصم لها وبادلته هيا البسمه ثم غادرت لكن تحولت بسمتها الي بسمه خبيثه وقالت في نفسها:' غبي اوي الصراحه بس اللعبه دي حلوه اوي وعجبتني جداا'

..........................................

' ايه يا جماعه ده احنا هنا عشان نفرح وننبسط مش نعيط ونزعل'

وكان هذا صوت تسنيم وهيا تري مها تعانق شمس وهيا تعتذر لها لجعلها تخاف منها

ميار بحنق:' يخربيتك فصلتيني من المود ياشيخه بس انتي صح وعندك حق يلا يابت انتي وهيا بره عشان اغير اللبس اللي اتبل بسببكوا ده'

مها بغمزه وبسمه مستفزه:' طب ما تغيري هنا عادي واحنا هنا حد منعك ولا ايه'

ميار بتشنج:' انت يبتردهالي ولا ايه بره يازفته بدل ما اديكي بالجزمه'

مها بضحك:' حاضر حاضر خلاص يلا يا جماعه لحسن البت دي تعملها بجد انا عارفاه مجنونه وهتعملها عادي'

ضحكت الفتيات وخرجن من الغرفه.

شمس باستغراب:' ايه ده هو عبده وميمو فين'

تارا بضحك:' في المطبخ ياختي'

ضحكت مها بشده وقالت:' تعالوا نشوف بيعملوا ايه'

تسنيم بضحك اقوي:' لا استني هما اكيد بيعملوا حاجه غير الفطار'

ضحكت باقي الفتيات بشده وقالت تارا:' قصدك ايه يابت انتي ايه ياسطا الكلام ده بجد'

مها وهيا تضربها بخفه علي رأسها:' قصدك ايه ياسطا الدماغ دي'

ضحكن جميعا وذهبوا للمطبخ وجدوا عبد المجيد يستند بظهره علي الطاوله ( الرخامه) ويضع يده اليسري علي صدره ويده اليمني تمسك جزرا ويأكل منها بين الحين والأخر وهو يقول كلاما جعل مريم ( زوجته) تحمر خجلا

تارا وهيا تكتم ضحكتها:' ايه ياعم ده طب اعتبر ان احنا ليدز هنا ومحترمين ومؤدبين وانت المفروض راجل عاقل مش تودينا للوساخه'

انتفض عبد المجيد بفزع وقال:

' الله يخريبيتكوا خضتوني ياكلاب حد يخض حد كده بجد'

مها وهيا تضرب زراعها بزراع تارا:' بصي يابت البت ميمو عامله ازاي'

وكان صوتها عالٍ فنظر الجميع ناحيه مريم وحتي عبد المجيد ورفعت مريم رأسها بخجل

تسنيم وهيا تجلس علي الكرسي بجانب المائده:' يخربيت وشك المحمر ده'

مريم بصوت خافت وهيا تضع يدها علي خدها:' هو محمر للدرجادي'

ترا بضحك:' ده انتي شيه الطماطميه ياشيخه'

مريم وهيا تنظر لعبد المجيد بغضب:' شوفت خليتهم يتكلموا علينا ازاي'

ضحك عبد المجيد بشده وقال وهو يحتضنها من ظهرها من الخلف:' سيبك منهم ياحبيبتي تعالي احنا نكمل كلام'

شمس بضحك:' ياعم احنا موجودين علي فكره'

دخلت ميار عليهم بعد ذلك وهيا تقول:' ايه ده ايه ده ايه ده بتضحكوا من غيري'

ولكنها نظرت لوالدتها وجدتها تحمر خجلا اكثر ووالدها يهمس في اذنها ببضع الكلمات فانفجرت هيا بالضحك

وانفجرت باقي الفتيات ايضا

ابتعد عبد المجيد عن مريم وهو يضحك علي ملامحها الغاضبه منه وخجلا ايضا وقالت:' يعني عجبك كده خليت اللي يسوي واللي ميسواش يضحكوا علينا'

ميار بضحك :' ياعم مش هنا في حاجه اسمها اوضه نوم علي فكره '

عبد المجيد بضحك :' صح عندك حق يابت والله حبيبه قلب ابوكي والله افكارك عسل '

ميار بضحك وغرور :' طبعا من غير ما تقول '

ضحك هو بشده وضعت مريم الطعام علي المائده بعنف وقالت بغضب :' اتفضلوا اطفحوا '

تارا :' ايه ده ده لو انتي مش طيقانا مش هتقولي كده '

مريم بعصبيه :' قسما بالله اللي هتضحك فيكوا تاني لكون مكسره المطبخ ده كله علي دماغها '

كتمت الفتيات ضحكهن بصعوبه الا عبد المجيد الذي ظل يضحك اكثر نظرت له بغضب

وقال هو :' ايه هو الكلام ده ليا انا كمان '

هزت هيا رأسها بغضب بمعني " نعم "

فقال بضحك وهو يجلس :' لا يحبيبتي مش ليا عشان هقول كلام هيخليكي تسيحي وتنصهري دلوقتي '

توسعت عيناها واحمرت اكثر وكادت تركض للخارج لولا صوته وهو يضع الطعام بفمه :' لا تعالي اقعدي كلي انتي كمان بدل ما اقول الكلام بصوت عالي يسمع الجيران '

وهنا لم يتمالك الفتيات انفسهن فانفرجوا بالضحك مره اخري ولكن بقوه اشد

شمس :' لا مؤاخذه ياميمو بس بجد مقدرناش '

اتجهت مريم صوب المائده وهيا تمتم بضع الكلمات بغيظ وبينما عبد المجيد بجانبها يضحك وهو يأكل

انتهي الجميع من الطعام وجلسوا جميعا بالصاله حتى قالت ميار :' ابويا حبيبي اللي مهنيني'

عبد المجيد ببرود :' اخلصي عايزه كام '

ميار بضحك :' احسن حاجه انك فاهمني والله احم احم اي حاجه كده على ذوقك يا باشا بس تكون حلوه والنبي '

عبد المجيد برفعه حاجب :' هو انا كنت بقولك اختاري شيكولاته اللي عايزاها وبعدين انا لسه مديكي 500 جنيه الاسبوع اللي فات صرفتيهم في ايه '

ميار :' لا ما احنا خرجنا بقى وانت عارف خروجتنا وبعدين احنا رحنا مطعم كده وجبنا ايس كريم وحاجات كتير كده '

وعلى ذكر المطعم انفجرت شمس وتسنيم وتارا بالضحك

قالت مها وهي تعلم سبب الضحكه :' ايه يا اختي انتي وهي اتجننتوا بتضحكوا علي ايه '

تارا وهي تكتم الضحكه بصعوبه :' لا ولا حاجه'

نظر عبد المجيد لهم باستغراب فقالت ميار :' سيبك منهم يا عم يلا ركز معايا هتديني كام وخليك كريم عشان خاطري '

ونظرت له بعيون القطط نظر لها ببرود واخرج محفظته وقال :' 500 زيهم اهم هيتصرفوا في حاجات هبله مش عايز سمعاني '

هزت راسها سريعا واخذتها منها والتفتت وشكرته ولكنها استدرات له مره اخرى ترمقه بنفس العيون وهي تقول :' مش ينفع مفتاح العربيه كمان '

.............................................

اما عن هذا رجل عاشق الانمي فكان يشاهد الحلقه حتى جاءه اتصال جعله ينتفض من المقعد ويسقط على الارض

زينه فزع :' ايه يا ابني في ايه '

مروان بفزع ايضا :' ل..لي..ليث بيتصل يانهار اسوحححححح '

زينه :' طب وفي ايه ما ترد يا جحش انت'

مروان وهو يلطم :' ما انا لو رديت هتهزق ولو ما رضيتش هتهزق برضه اعمل ايه '

زينه :' يا ذكي رد عشان ما تتهزقش اللي اعرفه ان ليث مش بيحب حد ميردش عليه و....

لم يكمل بسبب صرخه مروان عندما قال :' يالهويييييي المكالمه قفلت '

زينه :' انا مش فاهمه دي حاجه حلوه عشان مش...

لم تكمل لان الهاتف قد رن بأسم ليث مره اخرى

اجاب مروان سريعا وجاءه الرد بصوت بارد وهز يقول :' ما بتردش ليه '

مروان بقلق :' ها...انا ....اصل ...يعني ...انا

ليث ببرود :' ايه هعلمك الكلام كمان متقول جمله مفيده '

مروان وهو يا يكاد يبكي :' احلفلك بايه اني كنت باكل وربنا '

جاءه صوت ضحكات عاليه وبشده وهو يقول:

' لا بجد طب الله يرحمك مقدما '

نظر له ليث نظره اخرسته

فقال مروان بحنق :' ياعم اتنيل مش ناقصاك هيا كمان'

ليث ببرود :' قولتيلي كنت بتاكل صح '

مروان :'اه والله حتى خد اسال امي اهي '

ليث :' وانا اسال امك ليه؟؟

مروان بغباء :'عشان تتأكد اني كنت باكل '

ليث بنفاذ صبر:' حالا تكون قدامي'

مروان براحه قليلا :' حالا اكون عندك طياره يا باشا

واغلق الخط وقال وهو يركض لخارج :' انا همشي ها سلام'

زينه بدون النظر له :' خد الباب في ايدك '

اغلق مروان الباب بسرعه وركض صوب سيارته وهو يتمتم بغيظ وبعدها جاء اعلان على التلفاز فنهضت هي بغضب ولكن وقعت عينها على غرفه مروان فابتسمت بخبث وتوجهت نحوها

After 10 minutes later......

'

هو الواد ده اتأخر ليه '

وكان هذا صوت يوسف وهو مع ليث وباقي الشباب بالسياره ورد عليه ليث :' هنشوف دلوقتي وهوريه الحيوان ده بس هو يجي'

ثم بدون سابق انذار فُتِح الباب بعنف ودخل وهو يتنفس بعنف (ينهج) ويضع يده عند صدره ووجهه متعرق بشده

يزن :' ايه يا ابني ده هو انت بتنهج كده ليه اوعي تقول ان انت جيتها جري '

هزَّ مروان راسه وقال وهو ياخذ من يزيد زجاجه مياه :' ايوه العربيه معرفش ايه اللي حصل لها مش رضيت تشتغل الصبح مش عارف بجد ايه القرف ده ده انا جيتها صاروخ '

نظر للمرآه وجد ليث ينظر له نظره حاده فقال وهو يبتلع المياه:

'ايه في ايه بتبص كده ليه'

ليث :' لا بفكر هعاقبك ازاي بس '

مروان :' عقاب !! عقاب ايه'

يوسف :'مش وقته يلا يا ليث نلحق نروح '

مروان:' يا جدعان حسوا بيا لوجه الله حتى'

ليث:' حسابي معاك بعدين انا مستنيلك غلطه كمان وهتشوف الوش الثاني '

مروان بفزع :'لو على ايه احنا اسفين يا باشا'

يوسف :'هتجلطني انت وامك والله'

يزيد:' ما هو طالع لأمه مش شايف هيا هبله ازاي ولا كانها لسه صغيره '

يزن هو يضحك بشده:' طب والله دي ست عسل دي اتخنقت معايا لما اخذت شيبسي منها '

يزيد:' وانا بتاخد منها ليه انت عارف انها مش بتطيق حد يلمس اكلها اصلا '

مروان بحنق:' بس ياض انت وهو هتفضلوا تتكلموا عن امي كتير كده اسكتوا بدل ما اقوملكوا '

يوسف بسخريه:: قوم كده يا اخويا '

مروان بضحك:' لا ياكبير ده انا بكلم التيران اللي جنبي دول'

يزن وهو يضربه على رقبته من الخلف :' الطور ده هو انت يا اخويا'

مروان وهو يفرك رقبته :' ايه يا جدع ايدك تقيله وبعدين انت ترضي اتكلم عن امك يعني ولا هو حلال ليك وحرام عليا ولا ايه'

يزيد بغضب :' طب اتكلم كده وانا اشعلقك '

مروان بضحك :' ايه يا عم قفشت كده ليه ده انا بهزر معاك ياض'

يزيد بحنق :' طب ما تهزرش تاني يا اخويا'

وكل ذا يحدث ويزن بالمنتصف يضحك بشده

ليث بحنق :' صبرني يارب جايب ولاد اختي معايا وما خلاص كفايه ضحك يلا بقى صدعتني اكتر ما انا مصدع من الحمار الثاني ده'

مروان وضحك :'وانا مالي يا لمبي'

نظرله ليث بشر فقال مروان:' خلاص يا معلم احنا اسفين يا كبير'

توقف يزن عن الضحك بصعوبه وقال :' هو احنا رايحين فين صحيح؟'

...............................

حور عاصم للسيوفي

ـ٧سنين ، شعرها اصفر مائل للذهبي وطويل, عيونها عسلي، طيبه ومجنونه بشده ، اكثر شخص تحبه هو اخاها الكبير فهو يعتبر الصديق والوالد بالنسبه لها ، لم تري امها يوما لأن امها ماتت يوم ولادتها وهيا فقط تراها من خلاص الصور على هاتف ليث تتمني بداخلها انا تراها يومها وجها لوجه وهذا فالجنه ان شاء الله, تشبه امها كثيرا نفس الملامح حتي نفس الأسم فقد اسامها ليث بهذا الأسم ليذكره بوالدتها ، تبكي بسرعه ايضا وهيا تعتبر نقطه ضعف ليث فأن اقترب احد منها فسوف يكون يومه جحيما ، قصيره بعض الشيء ولكنها مرحه للغايه تحب اصدقاء ليث بشده وخصوصا مروان ويزن فهم يشبهانها بنفس الشخصيه ايضا

ـ٧سنين ، شعرها اصفر مائل للذهبي وطويل, عيونها عسلي، طيبه ومجنونه بشده ، اكثر شخص تحبه هو اخاها الكبير فهو يعتبر الصديق والوالد بالنسبه لها ، لم تري امها يوما لأن امها ماتت يوم ولادتها وهيا فقط تراها من خلاص الصور على هاتف ليث تتمني بداخلها انا ترا...