رواية أيستحق التضحية الفصل الثالث 3 بقلم ناهد خالد
امال ايه لازمه القعده اللي بتكون قبل الخطوبه؟ مش بنحط فيها نقط على الحروف عشان الموضوع يبقى عرض وطلب, لو كان قال لك في القعده دي انه مش موافق على شغلك كنت انت هتفكري في الموضوع, يا هتقبليه يا هترفضيه! لكن ما فيش حاجه اسمها انه يغير كلامه بعد كده, وبعدين هو كلامه عن شغلك لسه بادئ قريب؟
- لا, ده من وانا حامل في روز, وفعلا انا وقتها اخذت اجازه واستمرت بعد كده اجازه وضع ورعاية طفل, فطبعا انا لسه راجعه الشغل زي ما انتي عارفه بقالي سنه ونص.
-اه يعني هو اصلا المده اللي انت اشتغلتيها كلها من بعد الجواز السنه ونص دول؟
- لا وكان في سبع شهور بعد الجواز يعني قولي اجمالي سنتين.
-برضو مده مش كبيره, اصل انا فكرت انك طول الخمس سنين جواز اشتغلتي مثلا 3 سنين منهم! لكن هو بادئها بدري اوي, وحاسه اصلا انه من البدايه كان حاطط في دماغه انك ما تكمليش شغل بعد الجواز.
- بصي هو بعد ما رجعت شغلي بعد الجواز باربع شهور تقريبا, وهو بدأ يتكلم معايا في الموضوع ده, وبدأ يبان انه مش متقبل الشغل.
-وانتِ كنت بتعملي ايه؟
- يعني كنت بمشي الدنيا بكلمتين, والموضوع يعدي يسكت شويه بعدين يرجع يتكلم تاني وهكذا.
- طب تفتكري هو ليه رافض شغلك؟ رغم انه من الاول عارف انك هتشتغلي بعد الجواز؟
- الاجابه بسيطه جدا, عشان هو عاوزني زي الاباجوره في البيت, وقت ما يرجع يلاقيني, وقت ما يحتاجني في أي مشوار او في أي حاجه يلاقيني, ابقى متاحة له طول الوقت, لكن فكرة اني ابقى مشغوله وان حياتي مش متمركزه على البيت وعليه مجنناه, حتى موضوع بنتي اللي هو اتكلم فيه ده حجه لانه اصلا ما فيش ولا مره جاب سيرتها في كلامه عن موضوع الشغل, رغم انه الاولى يطلب مني اسيب الشغل عشان اهتم ببنته, لكن لا هو اهم حاجه عنده نفسه.
بصتلها ريم بتفكير وبعدين سألتها:
- طب قوليلي انتِ مش عايزه تسيبي الشغل عشان فعلًا بتحب شغلك وده كان اتفاقكم من الاول انك هتكملي فيه؟ ولا في سبب تاني؟
سكتت شويه وبان عليها التردد لكن في النهايه قالت بصدق:
- لا في سبب تاني, ان انا مش واثقه, واتعلمت كتير على مر حياتي وتجارب الناس اللي حواليا ان ما ينفعش تحطي ثقتك كلها بحد, او تعتمدي اعتماد كلي على شخص واحد, قوليلي لو انا دلوقتي سبت شغلي وقدمت استقالتي, وحصل مشكله بيني وبين حاتم, مشكله كبيره وخلاص انا قررت اني هسيبه واخد بنتي واروح بيت اهلي, تفتكري وقتها انا وضعي هيكون ايه؟ انا عارفه ان اخواتي وعيلتي عمرهم ما هيكلوا مني, لكن الوضع عندي في بيت اهلي مختلف, يعني والدي عايش على المعاش بتاعه اللي يادوب بيكفي, واخواتي ال3 كل واحد منهم متجوز ومعاه عيلين, اللي في مدرسه واللي في حضانه واللي لسه بيرضع, وكل واحد فيهم برضو مش شغال مدير بنك, مرتباتهم مش عاليه, لكن انا لما اروح بيت اهلي وانا مش معايا وظيفه ولا عندي دخل, هعتمد على مين؟ على ابويا اللي المعاش بتاعه يا دوب بيكفيه؟ ولا على اخواتي اللي ممشيين حياتهم يا دوب؟
اتنهدت وكملت بدموع بانت في عينيها:
- ظروف الحياه مش حمل ان شخص يتحمل عبء زياده, وانا وبنتي هنبقى عبء زياده حتى لو هم قابلين بينا, لكن انا ليا احتياجاتي وليا مصاريفي, بنتي هيكون ليها احتياجاتها ومصاريفها وتعليمها, هيبقى كسره ليا ان انا ابقى مستنيه حد يشيل مسؤوليتي انا وبنتي, فازاي اسيب الوظيفه اللي بتضمنلي حياتي في المستقبل؟ اللي بتضمنلي عيش حياة كريمة مكنش محتاجه فيها لحد!؟
- بس انتِ معنى كلامك وكأنك واثقه انك مش هتكملي مع حاتم!؟
- مش ثقه, بس حاتم متقلب جدًا, وله تصرفات كتير اوي غريبه ومش مفهومه, وبخلاف الشغل ساعات بيحصل بينا خلافات تانيه, بحس انه عاوزني فعلا متاحه له طول الوقت وكأنه اتجوزني بس عشان ابقي مكرسه حياتي له, حتى لما بطلب اروح لأهلي كام يوم عشان اشوف احتياجات بابا بيقبل بس بيكون مغصوب لانه مش عاوز يرفض فيحصل بينا مشكلة, ويفضل طول الايام اللي انا فيها هناك بيكلمني وحش ومش طايقني, والدليل على كده ان هو كل ما يكلمني يقولي اومال انا اتجوزت ليه؟ انا عندي يقين ان حاتم مش عاوز يكون ليا حياة منفردة, وتكون كل حياتي هي بيته وهو وبس.
-تمام بس انتِ شايفه ان ده ممكن يكون سبب انكم ما تكملوش مع بعض؟
- تقصدي على ايه؟ على موقفه من الشغل؟ ولا على تفكيره عموما؟
- لا اقصد على انه عاوزك تكوني له هو بس بكل حياتك.
- مش هقدر اقبل ده, لاني كده هكون بلغي شخصيتي, بلغي حياتي, هكون عامله زي الانسان الالي اللي عايش عشان ينفذ طلبات اللي مصنعه! هو اصلا ينفع هيبقى في حد عنده حياه كده؟ الغي كل رغباتي واتنازل عن كل الحاجات اللي بحبها وابقى بس عايشه عشان يرجع من الشغل يلاقيني قاعده في البيت, ووقت ما يحتاج مني أي حاجة يلاقيني موجوده! هو في كده؟ انا فاهمه ان في ستات كتير بتتقبل الوضع, وفعلا عايشه بالطريقه دي من بعد الجواز, لكن انا مش من النوع ده, انا من قبل ما اتجوز وانا ما كانتش طموحاتي ابدا ان الجواز يوقف حياتي المهنيه او الشخصيه, انا حتى كنت عاوزه اعمل ماجستير ولحد الان مش عارفه اعمله, كنت مقرره ان انا اروح لبابا في الاسبوع على الاقل مرتين عشان اشوف احتياجاته, لكن في فتره الاجازه اللي اخدتها من الشغل ما كنتش بروح له غير في الشهر مرة واحدة, بسبب المشاكل اللي كانت بتحصل بيني وبين حاتم لما بروح عنده يوم ولا يومين وارجع, هو لخبط ليا كل خططي, ومع ذلك كنت ساكته واقول انها ظروف حياة وبتتغير وطبيعي الواحد يتأقلم معاها, بس مش لدرجه انه يخليني اخسر شغلي الحاجه الوحيده اللي فيها ضمان مستقبلي.
- بصي انا مش ضدك, وانا قلتلك من الأول ان هو مالوش حق يرجع في كلامه بعد ما كان في اتفاق ما بينكم, بس حاولي تهدي الامور شويه عشان خاطر بنتك.
بصت قدامها وقالت من غير نفس:
- هحاول…..
وفعلا هي ما كانش عندها طاقه تحاول, لأنها لا ناسيه كلامه معاها أخر مره ولا ضربه ليها ولا قادرة تواجهه حتى.
—------
من وقت اللي حصل بينهم اخر مره, وهو حاسس ان الموضوع كبر اوي وانه بشكل او أخر اتهور, حتى لو هي غلطت وتمادت لكن الغلط كان بدايته من عنده, والحقيقه انه كان ناوي يحاول يصلح الأمور شوية, بس فكرة انها فضلت 3 ايام تاخد شغل بالليل جننته, وكانت الحسبة الوحيده للموضوع ده عنده, انها بتعمل ده عِند وبتعمل الحاجه اللي هو بيكرهها, وده زود المشاحنات جواه, واللي زودها اكتر ابوه.
- ما هي بقى كل ما تكلمني تقولي ان انا من اول الخطوبه كنت موافق على موضوع شغلها وده كان اتفاقنا فماليش حق دلوقتي اني ارجع في كلامي.
رد ابوه برفض:
- لا طبعا ما فيش الهبل ده, انت جوزها ومن حقك تمشي عليها كلامك في أي وقت, ماشي في الأول كنت موافق بس دلوقتي لقيت ان الموضوع مش مناسب حياتك ولا بيتك يبقى من حقك تقول لها لا و تقعدها, على فكره انا من اول ما اتخطبتوا وانا بقولك البت دي عاوزه تفرض شخصية, واهو بتعملها دلوقتي بقى في واحدة جوزها يقولها اقعدي من شغلك وتفضل مستمرة في شغلها طول الفتره دي ومش سائله فيه! اصلا هي مش المفروض تشتغل, هي اتجوزت يبقى تقعد في بيتها تخدم جوزها وعيالها وتاخد بالها منهم وتشوف مصلحتهم ومصلحه بيتها, او ماكنتش اتجوزت بقى من الأول وفضلت لشغلها وحياتها.
اتنهد بحيره وهو بيقول:
- مش عارف والله يا بابا, الموضوع عامل بينا مشاكل كبيره اوي وبدأت توسع مش عارف اعمل ايه, بتمسكني من ايدي اللي بتوجعني لما بتقولي ان الكلام اللي بينا في الأول كان اتفاق والمفروض كلمة رجالة تتربط بيها.
- لا يا حبيب ابوك مش تمسكك من ايدك اللي بتوجعك ولا حاجه, انتَ لازم تكشم لها, ما هو مش معقول يعني هي اللي هتمشي كلامها وتفضل ماشيه في شغلها وانتَ رافض, وبعدين مش المطلوب منك تقبل ان بنتك تتربى في بيت غريب, اه هم اهلها, بس بنتك المفروض تتربى في بيت ابوها مش بيت جدها! وبعدين احنا ما احناش عارفين لما بتسيبها هناك بيعاملوها ازاي ولا بيعلموها ايه.
بصله بضيق وقال له:
- ما انا لما قلت اخليها تسيب البنت هنا لكم انتَ اللي ما رضيتش وقلت احنا مش هنقعد نربيلها بنتها.
يتبع...
- لا, ده من وانا حامل في روز, وفعلا انا وقتها اخذت اجازه واستمرت بعد كده اجازه وضع ورعاية طفل, فطبعا انا لسه راجعه الشغل زي ما انتي عارفه بقالي سنه ونص.
-اه يعني هو اصلا المده اللي انت اشتغلتيها كلها من بعد الجواز السنه ونص دول؟
- لا وكان في سبع شهور بعد الجواز يعني قولي اجمالي سنتين.
-برضو مده مش كبيره, اصل انا فكرت انك طول الخمس سنين جواز اشتغلتي مثلا 3 سنين منهم! لكن هو بادئها بدري اوي, وحاسه اصلا انه من البدايه كان حاطط في دماغه انك ما تكمليش شغل بعد الجواز.
- بصي هو بعد ما رجعت شغلي بعد الجواز باربع شهور تقريبا, وهو بدأ يتكلم معايا في الموضوع ده, وبدأ يبان انه مش متقبل الشغل.
-وانتِ كنت بتعملي ايه؟
- يعني كنت بمشي الدنيا بكلمتين, والموضوع يعدي يسكت شويه بعدين يرجع يتكلم تاني وهكذا.
- طب تفتكري هو ليه رافض شغلك؟ رغم انه من الاول عارف انك هتشتغلي بعد الجواز؟
- الاجابه بسيطه جدا, عشان هو عاوزني زي الاباجوره في البيت, وقت ما يرجع يلاقيني, وقت ما يحتاجني في أي مشوار او في أي حاجه يلاقيني, ابقى متاحة له طول الوقت, لكن فكرة اني ابقى مشغوله وان حياتي مش متمركزه على البيت وعليه مجنناه, حتى موضوع بنتي اللي هو اتكلم فيه ده حجه لانه اصلا ما فيش ولا مره جاب سيرتها في كلامه عن موضوع الشغل, رغم انه الاولى يطلب مني اسيب الشغل عشان اهتم ببنته, لكن لا هو اهم حاجه عنده نفسه.
بصتلها ريم بتفكير وبعدين سألتها:
- طب قوليلي انتِ مش عايزه تسيبي الشغل عشان فعلًا بتحب شغلك وده كان اتفاقكم من الاول انك هتكملي فيه؟ ولا في سبب تاني؟
سكتت شويه وبان عليها التردد لكن في النهايه قالت بصدق:
- لا في سبب تاني, ان انا مش واثقه, واتعلمت كتير على مر حياتي وتجارب الناس اللي حواليا ان ما ينفعش تحطي ثقتك كلها بحد, او تعتمدي اعتماد كلي على شخص واحد, قوليلي لو انا دلوقتي سبت شغلي وقدمت استقالتي, وحصل مشكله بيني وبين حاتم, مشكله كبيره وخلاص انا قررت اني هسيبه واخد بنتي واروح بيت اهلي, تفتكري وقتها انا وضعي هيكون ايه؟ انا عارفه ان اخواتي وعيلتي عمرهم ما هيكلوا مني, لكن الوضع عندي في بيت اهلي مختلف, يعني والدي عايش على المعاش بتاعه اللي يادوب بيكفي, واخواتي ال3 كل واحد منهم متجوز ومعاه عيلين, اللي في مدرسه واللي في حضانه واللي لسه بيرضع, وكل واحد فيهم برضو مش شغال مدير بنك, مرتباتهم مش عاليه, لكن انا لما اروح بيت اهلي وانا مش معايا وظيفه ولا عندي دخل, هعتمد على مين؟ على ابويا اللي المعاش بتاعه يا دوب بيكفيه؟ ولا على اخواتي اللي ممشيين حياتهم يا دوب؟
اتنهدت وكملت بدموع بانت في عينيها:
- ظروف الحياه مش حمل ان شخص يتحمل عبء زياده, وانا وبنتي هنبقى عبء زياده حتى لو هم قابلين بينا, لكن انا ليا احتياجاتي وليا مصاريفي, بنتي هيكون ليها احتياجاتها ومصاريفها وتعليمها, هيبقى كسره ليا ان انا ابقى مستنيه حد يشيل مسؤوليتي انا وبنتي, فازاي اسيب الوظيفه اللي بتضمنلي حياتي في المستقبل؟ اللي بتضمنلي عيش حياة كريمة مكنش محتاجه فيها لحد!؟
- بس انتِ معنى كلامك وكأنك واثقه انك مش هتكملي مع حاتم!؟
- مش ثقه, بس حاتم متقلب جدًا, وله تصرفات كتير اوي غريبه ومش مفهومه, وبخلاف الشغل ساعات بيحصل بينا خلافات تانيه, بحس انه عاوزني فعلا متاحه له طول الوقت وكأنه اتجوزني بس عشان ابقي مكرسه حياتي له, حتى لما بطلب اروح لأهلي كام يوم عشان اشوف احتياجات بابا بيقبل بس بيكون مغصوب لانه مش عاوز يرفض فيحصل بينا مشكلة, ويفضل طول الايام اللي انا فيها هناك بيكلمني وحش ومش طايقني, والدليل على كده ان هو كل ما يكلمني يقولي اومال انا اتجوزت ليه؟ انا عندي يقين ان حاتم مش عاوز يكون ليا حياة منفردة, وتكون كل حياتي هي بيته وهو وبس.
-تمام بس انتِ شايفه ان ده ممكن يكون سبب انكم ما تكملوش مع بعض؟
- تقصدي على ايه؟ على موقفه من الشغل؟ ولا على تفكيره عموما؟
- لا اقصد على انه عاوزك تكوني له هو بس بكل حياتك.
- مش هقدر اقبل ده, لاني كده هكون بلغي شخصيتي, بلغي حياتي, هكون عامله زي الانسان الالي اللي عايش عشان ينفذ طلبات اللي مصنعه! هو اصلا ينفع هيبقى في حد عنده حياه كده؟ الغي كل رغباتي واتنازل عن كل الحاجات اللي بحبها وابقى بس عايشه عشان يرجع من الشغل يلاقيني قاعده في البيت, ووقت ما يحتاج مني أي حاجة يلاقيني موجوده! هو في كده؟ انا فاهمه ان في ستات كتير بتتقبل الوضع, وفعلا عايشه بالطريقه دي من بعد الجواز, لكن انا مش من النوع ده, انا من قبل ما اتجوز وانا ما كانتش طموحاتي ابدا ان الجواز يوقف حياتي المهنيه او الشخصيه, انا حتى كنت عاوزه اعمل ماجستير ولحد الان مش عارفه اعمله, كنت مقرره ان انا اروح لبابا في الاسبوع على الاقل مرتين عشان اشوف احتياجاته, لكن في فتره الاجازه اللي اخدتها من الشغل ما كنتش بروح له غير في الشهر مرة واحدة, بسبب المشاكل اللي كانت بتحصل بيني وبين حاتم لما بروح عنده يوم ولا يومين وارجع, هو لخبط ليا كل خططي, ومع ذلك كنت ساكته واقول انها ظروف حياة وبتتغير وطبيعي الواحد يتأقلم معاها, بس مش لدرجه انه يخليني اخسر شغلي الحاجه الوحيده اللي فيها ضمان مستقبلي.
- بصي انا مش ضدك, وانا قلتلك من الأول ان هو مالوش حق يرجع في كلامه بعد ما كان في اتفاق ما بينكم, بس حاولي تهدي الامور شويه عشان خاطر بنتك.
بصت قدامها وقالت من غير نفس:
- هحاول…..
وفعلا هي ما كانش عندها طاقه تحاول, لأنها لا ناسيه كلامه معاها أخر مره ولا ضربه ليها ولا قادرة تواجهه حتى.
—------
من وقت اللي حصل بينهم اخر مره, وهو حاسس ان الموضوع كبر اوي وانه بشكل او أخر اتهور, حتى لو هي غلطت وتمادت لكن الغلط كان بدايته من عنده, والحقيقه انه كان ناوي يحاول يصلح الأمور شوية, بس فكرة انها فضلت 3 ايام تاخد شغل بالليل جننته, وكانت الحسبة الوحيده للموضوع ده عنده, انها بتعمل ده عِند وبتعمل الحاجه اللي هو بيكرهها, وده زود المشاحنات جواه, واللي زودها اكتر ابوه.
- ما هي بقى كل ما تكلمني تقولي ان انا من اول الخطوبه كنت موافق على موضوع شغلها وده كان اتفاقنا فماليش حق دلوقتي اني ارجع في كلامي.
رد ابوه برفض:
- لا طبعا ما فيش الهبل ده, انت جوزها ومن حقك تمشي عليها كلامك في أي وقت, ماشي في الأول كنت موافق بس دلوقتي لقيت ان الموضوع مش مناسب حياتك ولا بيتك يبقى من حقك تقول لها لا و تقعدها, على فكره انا من اول ما اتخطبتوا وانا بقولك البت دي عاوزه تفرض شخصية, واهو بتعملها دلوقتي بقى في واحدة جوزها يقولها اقعدي من شغلك وتفضل مستمرة في شغلها طول الفتره دي ومش سائله فيه! اصلا هي مش المفروض تشتغل, هي اتجوزت يبقى تقعد في بيتها تخدم جوزها وعيالها وتاخد بالها منهم وتشوف مصلحتهم ومصلحه بيتها, او ماكنتش اتجوزت بقى من الأول وفضلت لشغلها وحياتها.
اتنهد بحيره وهو بيقول:
- مش عارف والله يا بابا, الموضوع عامل بينا مشاكل كبيره اوي وبدأت توسع مش عارف اعمل ايه, بتمسكني من ايدي اللي بتوجعني لما بتقولي ان الكلام اللي بينا في الأول كان اتفاق والمفروض كلمة رجالة تتربط بيها.
- لا يا حبيب ابوك مش تمسكك من ايدك اللي بتوجعك ولا حاجه, انتَ لازم تكشم لها, ما هو مش معقول يعني هي اللي هتمشي كلامها وتفضل ماشيه في شغلها وانتَ رافض, وبعدين مش المطلوب منك تقبل ان بنتك تتربى في بيت غريب, اه هم اهلها, بس بنتك المفروض تتربى في بيت ابوها مش بيت جدها! وبعدين احنا ما احناش عارفين لما بتسيبها هناك بيعاملوها ازاي ولا بيعلموها ايه.
بصله بضيق وقال له:
- ما انا لما قلت اخليها تسيب البنت هنا لكم انتَ اللي ما رضيتش وقلت احنا مش هنقعد نربيلها بنتها.
يتبع...
