رواية احببتها بشدة ولكنها لم تحبني الفصل العاشر 10 بقلم ياسمين محمد
اهلا بكم في مدونة مكتبة حواء نقرأ لكم ونكتب من اجلكم
الفصل العاشر بقلم ياسمين محمد
نوفيلا احببتها بشده ولكنها لم تحبني
صباح امل جديد دخلت سوسن وفتحت الشباك
سوسن: الحلوه لسه نايمه ولا ايه
فتحت نرمين عيونها:صباح العسل
سوسن:صباحك ورد قومي يلا صلي عشان نفطر
بعدها ابتسمت وقالت: الطير وقع في العش
نرمين بعدم فهم:يعني ايه
سوسن بزهق من غباوه نرمين:محمد برا قومي
بعدها سبتها ومشيت
نرمين رجعت بضهرها ورا وقالت في نفسها:هحاول افتحلك قلبي يامحمد وابقي معاك هحاول اخاف انك تبعد عني بجد قربك مطمني بس والله غصب عني ربنا يقدم اللي في الخير
وقامت صلت ولبست هدومها وطلعت عشان تفطر مع محمد
***************
انما تحت في شقه عايده
ريناد بتحضر الفطار مع عايده
عايده:بقولك ياهبله روحي صحي يوسف وادعلي عليه عشان يكون ذي الخاتم في صباعك يلا
ريناد ببتسامه:حاضر ياعمتو
وفعلا دخلت وصحت يوسف وهزروا شويه مع بعض وقام خد شاور وطلعوا فطروا مع بعض
وفجاه جه رساله ع فون ريناد بصلها يوسف شاف توترها
يوسف: مالك متوتره ليه
وقبل ما تتكلم ريناد سبقتها عايده:تلاقيها اتخضت من الرساله يابني في ايه انت هتقف علي الواحده يا حول لله وسبته ودخلت المطبخ
يوسف فضل باصص ل ريناد شويه بشك وبعدها كمل اكل
ريناد اتكلمت: جو
يوسف:نعم ياقلب جو
ريناد:عايزين نخرج بعد الشغل ونتغدا برا
يوسف بتنهده:والله الشغل كتير انهارده ولو بقي عندك طاقه تخرجي عيوني ليكي
قامت وبستوه من خده وخدت شنطتها وطلعوا من الشقه علي نازله محمد ونرمين
يوسف: صباح الخير
اتكلم محمد:صباح النور
ووقف محمد قصاد يوسف يتكلم معاه
نرمين: محمد ممكن مفاتيح العربيه استناك فيها لو سمحت
محمد ابتسمت: اتفضلي
ونزلت نرمين من غير ما توجه كلمه ل يوسف ولا ترد عليه الصباح ودا ذاد غيظ ريناد اكتر
وبعدها بشويه نزل محمد وركب جنبها ونزل يوسف وريناد وركبوا العربيه بتاعتهم
محمد ووهو سايق:يوسف عزمنا علي الخروج انهارده
نرمين: امممممم
محمد:مالك بانونو
نرمين وهي بتبص في عيون محمد بتحاول تقرا اي حاجه هو مخبيها ناحيتها:مفيش
محمد: يعني هو بصراحه مش يوسف اووي اللي عزمنا هي ريناد
ابتسمت نرمين بتريقه:يصراحه كنت متوقعه اصل يوسف ميقدرش يعمل حاجه من غير ريناد ورايها
محمد بصلها بس هي كانت بصت قدامها: حصل حاجه ضايقتك
نرمين بتنهيده:ابدا
بعدين كملت كلامها وقالت:الموقع بعيد
محمد: لا
**************
في عربيه يوسف
يوسف بستغراب:فكرتك مش بتحبي نرمين
ريناد بصتله بستغراب:ومش احبها ليه هي بس عنيها منك ودا بيضايقني
يوسف ضحك وقال:فكرتك واثق اكتر من كدا
ريناد بغرور:وهو مش من حقي اغير ع حبيبي ولا انا مش بنوته
يوسف ابتسم وقال:احلي بنوته ف الدنيا دي كمان
بس ليه عزمتيهم برضو
ريناد بثقه:عشان اوريك انها عينها منك
بوسف: اووووووووف بقي مش هنخلص من الموضوع دا شكله
ريناد بضيق:يوسف وقف هنا انا هنزل وبدات تبكي
يوسف بضيق :بتبكي ليه طيب ياحبيبي
ريناد:عشان انت مش بتحبي خالص
وبدا يوسف يهدي ريناد ويطيب خاطرها،
***************
في نص النهار الساعه 4بعد العصر
الباب بيخبط بعنف
عايده: ياساتر استر في ايه فتحت الباب شافت سوسن فقالت اه البومه ادخلي ادخلي
دخلت سوسن وقالت بنبره تهديد:بصي يا بوز الاخص ياعايده لو مشلتيش نرمين من دماغك هقلب الترابيزه ع الكل فاهمه
عايده ضحكت بصوت عالي: اعلي ماخيلك اركبي ويلا من غير مطرود والبيت دا متدخلوش تاني يارب نفهم بقي
بصتلها سوسن بضيق وقالت:اللي مش بيفهم هو انتي اللي لسه عايشه ع ذكره جاد اللي عمره ما حابها واللي مش بيفهم هي اللي كانت بترمي نفسها ع راجل متجوز وبتشمت ف موت بنت عمها ياحرام حتي بعد ما ماتت مختركيش بالعكس دا كرهك اكتر واتجوزني انا وحبني انما انتي كنتي ذي الكبري بس بعدين قالت يلا معطلكيش بعدين وقفت وقالت لو مطلعتيش نرمين من دماغك ابقي لمي كرامتك قدام عيالك يا حقوده وسبتها وطلعت شقتها،
كل دا وعايده هتتجنن ازاي ازاي عرفت كل دا وقعدت وسرحت بذاكرتها لسنين ورا يوم ما سمعت جاد وهو بيطلب ايد سوسن
في اليوم دا كان عايده لابسه عبايه شفافه وطالعه شقه جاد اتصدمت لما شافت الباب مفتوح وسوسن قاعده استخبت عشان محدش يشوفها ف نفس الوقت تسمع هيقولوا ايه
دخل جاد وقدم العصير لسوسن وقال:متشكر جدا بجد ع وقفتك جنبي ططول الفتره دي بس نرمين محتاجه عنايه البنت لسه صغيره
سوسن بصدق:متقلقيش يا جاد نرمين ف عنيا دي بنت الغاليه
جاد باحراج: طالب منك طلب بس ياريت تفكري كويس والله مش بستغلك في طلبي انا بجد حاسس اتجاهك بمشاعر وطالب ايدك للجواز وطبعا ممكن مش تصدقيني عشان ساره جوايا لسه بس انتي بنفسك هتغيري كل حاجه
وشه سوسن احمر من الخجل وقامت وقفت وقالت انها ماشيه
جاد:لو طلبي ضايقك اعتبريني مقولتش حاجه
سوسن: هفكر وارد عليك
رجعت عايده للوقع تاني وفي ف شده غظيها وكيدها وبتفكر تعمل اي مع نرمين وازاي تكسر قلبها ذي ما ابوها كسر قلبي
**************---**
بعد ما الشغل خلص اتصل يوسف ب محمد وقالوا علي عنوان المطعم وراح محمد مع نرمين كانت بتحاول تضحك مع ان قلبها مليان حزن
وفعلا وصل محمد ونرمين ورحب بيهم يوسف
وقعدوا وجه الجرسون وكل واحد طلب اكلته المفضله وفضلوا قاعدين يتغدوا بهدوء وبعد الغدا طلب محمد 2عصير مانجا واحد ليه والتاني لنرمين
ريناد بسخريه:طيب مش تسال السنيوره تشرب ايه ولا بتطلب وخلاص
قبل ما يرد محمد كانت نرمين متكلمه:محمد عارف عني كل حاجه يا ريناد ذي ما يوسف عارف عنك كل حاجه برضو ولا دي حاجه تضايقك
ضحكه ريناد وقالت:لا طبعا يا نونو اضايق ليه
بعدها طلب يوسف 1عصير جوافه 1نسكافيه
بعدين قام محمد وقال:هنمشي احنا بقي
ابقي روحوا انتو براحتكم
اتكلمت نرمين ببراءه:نروح ليه لسه بدري وبكرا مفيش شكرا
محمد كان بيحاول يبعد نرمين من قدام يوسف وريناد بس مش عارف فكملت نرمين كلامها وقالت:تعال ننمشي ع الكرنيش شويه اي رايك
محمد ابتسم وقال:موافق يلا
وفعلا مشي محمد ونرمين وفضل يوسف وريناد قاعدين
ربناد بضيق:بت غلسه
يوسف بضكك;مش انتي اللي عزمتيها اشربي بقي
ريناد بضيق;وانت كمان غلس وسبته ومشيت
