رواية نوائب شام كامله وحصريه بقلم الكاتبة ايلول
نوائب_شام
382
بقلم ايلول
179
(1) .
226
يا سيدي المجنون الغريب ضمني بين طيات جنونك ، انا الهاربة من العاقلين أليك لا يعنيني قربهم ولأ اتزان عقلهم لقد فاقت طاقة تحملي لأذيتهم ، تشبعت روحي من سمومهم ، تجرح جسدي من نظراتهم .
هاربةً
هاربةً اليك ضمني ،
"""""""""""
482
أآلى مجنونًا تلجئين ؟ غبيةً انتِ ام تستغبين ؟ اذهبي واستطرقي ملجئاً غيري ، اذ وقفتي على بابي وخطيتي لقربي تُسجنين ، لا يدفعك فضولكِ لأستكشافي دعيني اخبرك لأوفر عليك رحلة البحث ، ظالماً انا ولست مظلومًا ، والان اذهبي ، او ادخلي !!
464
"""""""""
481
(الله أكبر ...الله أكبر )
2.8K
-صوت الآذان هز مسامعنا رفعت راسي من الجنطة والتفتت للبنات اغلبهن مخليات ايدهن فوك الكتب ونايمات رجعت التفتت للمدُرسة بعدها تكتب على السبورة ما مهتمة منو مركزة وياها منو لا ، المهم عدها محد تحجي وهي تدخل تكتب وتطلع لا احنا فاهمين شنو كتبت ولا هي مهتمة اذا فهمنه او لا .
2.1K
ندك باب الصف ونفتح بهدوء بنية من الدوام الظهري لابسة عكس لبسنا احنا نيلي وهمه رصاصي باوعت للمُدرسة وحَجت بابتسامة واحترام
349
-العفو ست إنتهى دوامكم واحنا عدنا امتحان اول درس نريد نحضرله .
364
شام:: تقدمت المُدرسة سدت الباب بوجه البنية بدون ما تحجي والتفتت لنا كالت .
647
-يله اكتبوا وباجر حلن تمارين .
206
رشا:: ست مانلحك نكتب !
398
-مشكلتكم تعلمن على السرعة ، هاي عود بعدكم خامس ، بالسادس شتسون؟
شام - عوجت حلكها تعيب سدت قلم السبورة والتَفتت للباب بمجرد طلعت ، عج صوت البنات بالغلط عليها لان مستحيل نلحك نكتب يا دوب نجمع كتبنا ونطلع قبل لا يدخلن بنات الدوام الظهري.
رشا:: وعلي بطني تسب بيه على كد الجوع هسه الكه امي مسوية ذاك التشريب الزين بوية وبصل وخضرة اغط غطوط اوصل الزفر الراسي .
شام :: هههههه بس فضيها خلي نطلع .
332
طلعنا من المدرسة نمشي بأحد الشوارع ، بمشاعر بارده وتفكير مرهق يا ترُى لو أبوي عايش يخليني امشي كل هالمسافة لو يخصصلي خط ،خطوات متعبة ومشاعر متضاربة ، خاصة هالفترة افكاري كلها من اخلص امتحانات الخامس لازم استغل العطلة وادرس للسادس ، رغم شكد ما ادرس واتعب واجتهد درجاتي على كدي جان حلم عندي اخذ تسعين وميه فززني من تناقض افكاري سؤال رشا .
569
رشا :: خالج هم رجع عليكم ؟
337
باوعت بوجهه نظرة سريعة ورجعت عيني للشارع هزيت راسي لا مستذكرة كل مواقف الايام المضت ، وعذابي وعذاب امي ببيت خالي من يوم المات أبوية وعشنا ويَ بيت خالي شفنه الذل الحد ما يوم من الايام مرتَ خالي تعاركت ويَ امي لان اني اجيت من المدرسة متاخرة واكلت الغدا الباقي بالجدر وهيه طلعت ضامته الابنها بيومها تريد تكتلني بس امي اكتفت من السكوت ولأول مره ترادد خالي وتخلي النقط على الحروف من كالتله انطيني حصتي من ورث أهلي ، وتعاركت وياه ، أخذتني وطلعنا من البيت رأسًا رفعت عليه دعوه واخذت حقها بالمحكمة بيومها گالها للموت لا اعرفج ولا تعرفيني سكتت امي بس دموعها تسولف ، اشترت بيت بمنطقة زراعية وعشنا مرتاحين البال بس اني وياها ومصرفنه من الراتب العافه أبوية ،
والحمد الله على عيشه هادئة.
795
ابتسمت ورجعت اباوع لرشا سارحة بافكارها وهي تمشي ضربتها على كتفها اضحك
53
شام :: وين وصلتي ؟
45
باوعتلي عاضة شفتها تهز رساها بتحلف
رشا :: وعلي افكر بالغده بس اغسل ايديه واركض للمطبخ اكل وانام يابه فد جوعانة ونعسانة
381
شام :: جا يمه والصلاة شوكت تصلينها ؟
243
باوعتلها رافعه حاجبي ، تحسرت تجر ونات كالت .
51
رشا :: وره الامتحانات هسه ما الحك وارجع تعبانة والله يا دوب اكل وانام واكعد ادرس .شايفه من اخلص دراسة شسوي ؟ اول شي اصلي كل صلاة فايتتني واصوم ثلث اشهر بالسنة بس خلي اخلص من الدراسة هسه رب العالمين يعرف شكد مشغولة عاذرني .
1.5K
هزيت راسي رافضة طريقة تفكيرها بهالاثناء وصلنا لمفترق الطرق اني انزل على الشارع الياخذني البيتنا وهي تكمل مسافة وحدها رفعت ايدي اسويلها بيباي وهي تشمرلي بوسات بالهواء صحت عليها
28
شام:: ديربالج من الجلاب الشارع فارغ يتغدن بيج وانتِ تعرفين الجوع شيسوي .
189
ضحكت وصاحت
10
رشا :: مصاحبتهن لاتخافين عشرت عمر اني وياهن
304
ضحكنا ولاخر مره رفعنا ايدينا اشرنه لبعض باي درت وجهي اباوع البيتنا هذيج امي تخبز بتنور الطين ،
بين لحظة توهم وادراك ، رفض تقبل وخوف ، سمعت صوت بريك سيارة نسحب بقوة وصوت طبة قوية عيني على امي رافضة التفت للشارع الوراي واشوف مصدر الصوت گلبي تضاربت دكاتة ووشة صارت بأذني من شفت امي شمرت البأيدها وركضت باتجاهي
644
التفتت واني اتوسل نظراتي تكذب الراح اشوفة هنا هنا حسيت روحي ركضت قبل رجلية هنا ما عرفت شلون وصلت الرشا وشلون خليت راسها بحضني والدم تارس الشارع عيوني تتلفت الشخص النزل من السيارة جان طفل يباوع وفاتح حلكه بصدمة وامي تعثر وترجع تركض النا ورشا رشا متمدده بحضني بس صوت شخطة النفس ببلعومها مچلبة بأيدي تحرك شفايفها وما يطلع صوتها .
1.7K
واني بس مخليتها بحضني وضايعة ارفع راسي اباوع للشارع وارجع اباوعلها روحي جاي تطلع ويا جرة نفسها اخر كلمة سمعتها منها اخر كلمة هزت مسامعي وهي تحجيها بغصة وشهكة
85
رشا :: ما ... لحكت ... اص .. اصلي .
4.9K
نطقتها وفلتت ايدها من ايدي اخر لمسة استذكرها واخر نظرة لوجهه وبعدها ما حسيت بشي ماتت صاحبتي بحضني ،
وماتت وياها هواي احلام ضاع حلمها وحلمي ،
767
ايام فاتحتها انا عايشة بالمستشفى ما مستوعبة وامي التعبانة مكابلتني وزدت تعبها اضعاف ، من رجعنه للبيت وشفت المكان الندعمت بيه رجع الموقف نرسم بعقلي . ما صدكت وصلت للبيت وختلت بفراشي
49
مغمضة عيني ودموعي تنزل على المخده واني اسمع امي تحجي بصوت تعبان
16
-لج يمه شلون تموتيها الروحج يعني؟ مو حرام هيج تسوين عذبتي نفسج وعذبتيني والله عذبتيني شام يمه ،
205
التفتت عليها نار تحرك بروحي نار طكت على رجليها بحيرة وحركة حجيت صوتي كوه يطلع
9
شام :: روحها نسلبت وهي بايدي بااايدي يمه صاحبتي هاي .
204
-الله يرحمها قابل انتِ ارحم من الله عليها ؟ راحت للرحيم بدل حزنج ومرضج كعدي اقريلها قرأن ، فدوه لعينج بنيتي حبيبتي كومي سلبتي روحي .
150
مسحت وجهي وكعدت لخاطر امي وانا مابيه حيل روحي، مهدوده هد كامت هي جابت حليب دافي شربته كدامها مدت ايدها تلمست شعري بحنية ودفو عينها بعيني تلمع مدمعة وذاك هو الحزن بيها غمضت عيني تعبانه كالت
52
-هاي المُدرسة ست خولة اجت امس عليج ورجعت وهسه هم راح تجي عيب منها يمه لازم تطلعين وترجعين تداومين وين حلمج مو كلتي يمه اكبر واعوضج تعبج ؟ هسه انا ما رايده تعوضيني اريد بس تنجحين وتلزميلج شهادة تسندين روحج بيها ولج يمه ما دايمتلج انا ما دايمه،
251
المرض من كل صوب بيه والنوايب ملتمات عليَ ، شام يمه .
551
مسحت دموعي وسحبت ايدها بستها وهي تبجي كمت غسلت وبدلت وصدك شوية واجت ست خولة هاي المعاونة تحب كل الطالبات وتسأل عنهن وتروح لاهلهن حيل حنينة ،
الكهرباء طافية امي فرشت بالساحة بفي البيت طلعت سلمت عليها سحبتني كعدتني بصفها تنصح وتشجع ارجع اداوم وانا بس اهز براسي ساكتة دقايق وكامت كمنا وياها جان اخوها منتظرها يم السيارة مدري شلون عيني صارت بعينة اشو هذا كبل بحلك عيونه يخزر جريت نفس بخنگة درت عيني ، الست راحت صعدت وهو هم صعد حرك السيارة وانا احمد ربي واشكره
1.6K
قررت مثل كل مره اضم حزني وارجع الحلمي داومت بدون روح وواهس ، شكد حاولت اتناسه ما اكدر كل لحظة اتذكرها كعدتنا بنفس الرحلة طلعتنا بالساحة ركضتنا للحانوت ، نزل مستواي بقت فرصتي امتحانات نصف السنة اشد حيلي بلكي ارجع اعدل شي منهن .
134
بس مستحيل يمشي شي مثل ما اريدة ،
12
ويا الامتحانات امي تغيرت لا تحجي وياي لا تكعد وتعبانة وتهم وتنوعي بنفس نواعيها
87
( النوايب ادركني مَدركتهن عليه تلملمن وستصعبتهن ، شويمه هلاه يمه ، إعزاز ماضلتنا ونلوذ بسدهم والأخوة عرباين والنسوان تگودهم ااخ يمه يحبيبة يمه )
809
شمرت الكتاب وكمت كعدت كدامها
7
-نعلعله اخوتج دخيولون شبيج يمه شبيج ؟
661
مسحت وجهه وكامت من يمي اول مره اشوفها هيج تعبانة واول مره ما تشاركني شنو المتعبها بقت بهالحال الحد أخر امتحان رجعت لكيتها لامة أغراضنا بلعت ريك وكلبي تسارعت دكاتة وهي عيونها حمر والشفايف بيض ما تخلي عينها بعيني وانا شنو خوف شنو رجفة روحي روحي حسيتها تطلع من جسمي بكل ثانية تمر ، شمرت الكتاب نزعت حجابي خايفة أسأل وانصدم .
63
-خير يمه شادة الاغراض وين تردين بينا؟
41
دارت وجهه من عندي وردت بخنك صوتها مبحوح والعبرة خانگتة كالت
3
-نرجع ويا خالج !
533
فتحت عيني بصدمة وضحكت ضحكت من كل گـــلبي . اضحك ودموعي تنزل وكلبي احسه طير وفجأة نذبح صيحت بغصة
35
-يمه ههه شتحجين انتِ ما صدكنا على الله خلصنة منهم شبيج يمه وترا كالج للموت ما اريد اشوفج بعد ؟؟
29
مسحت وجهه بالشيلة وكالت
3
-لا رحتله اطيته بتوتي الذهب وبعت هذا البيت رجعت فلوس الورث اله وكال تعالن هلا بيجن .
1.4K
غير شطت من الحركة الطم خلتني وانا أحلف ما ارجع وهي لابستني وتلم بالمواعين فرفحتني صيحت ابجي بخبال يابة شوية بعد وكلبي يوگف كد ما وجعني بذيج الساعة
50
-ما اروح وياااااج وديني لعمامي .
308
ابتسمت ابستامة جانبية والدموع تصب هزت أيدها باستهزاء وما جاوبتني
عجزت اقنعها لمن اجه خالي وابنه وانا ادردم وابجي ميته من القهر خالي صاح
27
-وهرش وحريشي الهالصوت .
1K
مديت راسي الامي اريد اكلها ها شوفي ، لكيتها تباوع الخالي بنظرات عجزت افسرها والدموع احسهن دم ينزلن من عيونها شنو من حيرة شفتها بنظرتها شنو من كسرة وقهر وذل نظرتها تحجي هوووواي ماعرفت افسرها والشهكة البصوتها ذبحتني .
سكتت حايرة شنو الجابرج يمه شنو ، لميت باقي الاغراض وياها ورجعنا منين ما اجينا مهضومين حيل ومذلولين ، من غير شماتت زوجة خالي ونظراتها النا كعدت امي بالمخزن الكنا عايشين بيه سابقًا ، مديتلها فراش وتغطت منطيتني ظهرها كلمة ما حجت وياي عفتها وطلعت للحمام أغسل وجهي ولمحتني بنت خالي اصغر من عندي بسنتين صاحت
245
-تكول امي اطلعي اغسلي الكراج .
551
عضيت شفتي بقهر ساكتة وهي تباوعلي باستحقار طلعت للگراج جلفته جلف خرب بيه من وكت بس لو اعرف شنو من گلب عند عمامي وماسألوا وين بنت اخونا شنو العايشتة ، ماعندهم غيره ولا بيهم زلمة ،
613
ابجي واحجي بگلبي ومدنگة اجلف بالكاشي وانهد رفعت راسي لمحت ابن خالي واكف بالباب الداخلي فاتح حلكة ، وعيونه!!! وين عيونة ماتباوع الوجهي كمت بسرعة شمرت الفرشة من ايدي ولفيت الشال على صدري عدل ، خزرتة رفع عينه لعيني بلع ريك وحجة بصوت يرجف
1K
-شلونج شام
285
دنكت فركت وجهي ايدي تهتز كلها همست بدون مبالاة
19
-هلا احمد .
885
حجيتها وسحبت الماسحة انشف بس ردت يروح من كدامي جسمي تصلب من نظرتة احس بيها شكد قذرة لان متعرضة لكذا موقف وياه قبل لا نطلع من يمهم شوية وفات جريت نفس دخيلك يا اللهي احفظني من كل شر ، دخيلك يا علي .
561
وبدت أسوء ايام حياتي امي ما تطلع من فراشها بس گد الحمام مريضة حيل ولا تقبل تروح مستشفى ، وزوجة خالي خلت رجل على رجل وتتأمر سوي هذا وسوي هذا من غير كلام بنتها ونظرات ابنها القذرة الي ، ومسبة خالي الابوي بكل يوم ، اسبوع فات ومتت خوف على امي ، طلعت ارجف خالي كاعد بالصالة دار عينة الي ما مهتم واني احس گـــلبي . يدك براسي من الخوف حجيت بصوت يرجف
118
-خالو فدوة امي بس تون ما ادري شبيها حتى اكل ما قبلت تاكل .
66
احجي وابجي روحي مفرفحة وهو ولا مهتم ولا واحد منهم مهتم الي رجع دار عينة على الشاشة وگال
65
-وين تردين اوديها تراه بمرحلة متقدمة ما يرهملها لا علاج ولا عملية وهي تدري بروحها مواته .
639
فتحت عيني واحس وشة صارت بأذني كمت اسمع دكات گـــلبي . اريد ابلع ريكي ما اكدر اهز راسي ما مستوعبة وكلبي گـــلبي . احسه يدك براسي بصورة مرعبة
14
-ش شنوو شنو هوه البمرحلة متقدمة؟
30
صاحت زوجتة
8
-كافي عياره الورم البراسها جا شنو ؟
962
حجاية هي حجاية واحسها شالتني من الدنيا واخذت روحي طلعتها من جسمي كمت بس اباوع لحلكهم اشوف شفايفهم تتحرك بس ما اسمع صوتهم مثل الصفارة صارت بأذني وكلبي حسيته بعد ما يدك هيج روحي بدت تطلع وسواد شوية شوية يسد عيوني واحس براسي نرگع بالگاع بقوة
178
وين يله حسيت فتحت عيني بوجع اشم ريحة امي واحس بدفو ايدها على راسي ضميت روحي الحضنها حيل وبجيت بجيت بقهر وين اروح وين شتريد من عندي الدنيا ماعندي غيرها هي بس امي الي ، يا مرض القبل يسكن راسها ما كسرت خاطره
350
تمسح على شعري وتهمس
5
-خلي ايمانج بالله قوي ما يترك عبده ان رحت منج انا عندج الارحم والاحن مني كادر على قلب السماء والارض لأجل عبد مظلوم
لا تظنين يعوفج بوحدج .
440
شهكت اضم روحي الها حيل واحجي بصوت مبحوح
6
-ليش يمه ليش ما تحجيلي ، ليش مارحنا للدكتور فكري بيه الخاطري حبابة الخاطري كومي خلي نروح للمستشفى
56
-رحت وراجعت ، السفر والعلاج بالخارج مو گد استطاعتنا خلينا تحت رحمة الباري هو إرحم بحالنا ، ماتهون عليَ دموعج وقهرج رجعتج هنا حتى لو رحت ما تبقين وحدج ، وحتى لو هم مو زينين وماينشد بيهم ظهر بس ينگال عنهم اهل .
223
-اهليش يمه اهليش هذول المأمنَ و جايبتني يمهم فدوه اروحلج يمه فدوه كومي نروح للمستشفى ها حاجيني اهون عليج تعذبيني يمه اني شام شام الما هان عليج دمعها لا تعوفيني هسه متعذبه .
178
كعدت على حيلي وهي متمدده ابوس بأيدها واحجي ودموعي ااخ نار نار تنزل من عيوني سحبت ايدها منعندي ودارت وجهه للحايط انطتني ظهرها رافضة حتى تسمعني .
69
كمت من يمها الزم بالحايط الدنيا مفتره بيه وين اودي وجهي وين اروح يا گاع من بعد حضن امي تلمني
151
اختنكت النفس كام مايوصل الگلبي اشهك وايدي على صدري ورجليه ما ادري وين ماخذتني روحي احس تنشال وتنوگع من الحركة مدري شلون اتحرك برجفتي وخنگتي بس كعدت اتنفس بقوة وصوت نفسي يصفر الحد ما هدأت مسحت دموعي وانتبهه الروحي كاعده بالسطح ، رفعت راسي ليفوگ وغمضت عيني ما اريد شي بس امي لا تروح ، ارجف واسحب نفس عسى ولعل يبرد گـــلبي
98
هدوء المكان بس الهوسة بداخلي بعقلي وكلبي معارك هستوني ارفع ايدي امسح دموعي وفزيت على طكطكة وراي التفتت فازة واشوف احمد ابن خالي وراي على بايات الدرج صعد بهدوء تقدم كعد بصفي بينا مسافة صغيرة درت وجهي اباوع گبل وساكته گال .
143
-كسرتي گـــلبي ما كافي بچي ؟
2.2K
بقيت بنفس هدوئي واحجي بداخلي بس عوفوني دخيل ربكم كافي شبعت يا جذب حجيكم المايعبر عليَ
139
-شام هاي أرادة الله بعد البجي والنوح ما يغير شي يله اسكتي وصيري قوية .
480
حجاها ومد ايده فوگ ايدي نترتها بسرعة وابتعدت اباوعله بخزر عض شفته يباوع لعيوني واني منتفضة وخازرته روحي تلعب منه ولا انسه مواقفة واستغلاله لطفولتي ،باوع بعيني لم شفته لداخل حلكه متحسف ونظراتة مراقبة عيني گال
178
-انتِ ليش هيج نافره من يمي اذا على سوالف قبل ترى مراهق وطايش غلطت بس انتِ سباعيه وكفتيني عند حدي وعلمتيني درس ما انساه من دفعتيني من الدرج وكسرتي رجلي .
1.2K
درت وجهي بغضب احجي الكلمة واحسها تشحط حنجرتي
6
-لا تدور مبررات التصرفاتك القذرة مراهق وطايش لا تستخدم هالمصطلحات حتى تغفر لفعلك ماكو شي بهالدنيا اسمه سويت هيج لان فترة مراهقة وطايش اكو عقل انت مو حيوان ، ترا بس الحيوان تتحكم بيه غريزته ، وكل ذكر سمح النفسه يستغل طفلة ويفتح عيونها على هيج سوالف بسبب غريزته هذا حيوان ويبقى طول عمره حيوان .
740
ارجف واحجي بعصبيه متنرفزه ابتسم يباوع بوجهي
6
-شكد حلوه من تتعصبين
1.9K
فكيت عيني كلها مصدومه بتفكيره وجهله كمت من يمه رجعت يم امي ضميت روحي وياها بالفراش حست عليَ ودارت حضنتني احس التعب البروحي ماينحجي تعب خوف وتعب تفكير .
39
ثاني يوم رجعت اتوسل بامي بس كون تقبل نروح للمستشفئ ماكو فرفحت من البجي كدامهه ولا قبلت نفتح الباب علئ غفلة رفعت عيني زوجة خالي واكفة بالباب متخوصره مسحت عيوني بسرعة كالت
13
-معزله اليوم عيني البيت خاس متكَومين تنظفين .
518
هستوني اريد اجاوبها وحجت امي
5
ام شام::-خالده الانسان ممكن يؤذي ويحقد ويستغل ويحارب شخص يكرهه بدون سبب بس الانسان البكَلبه ذرة انسانية وذرة خوف من الله اذا صارت بركًبته امانة مستحيل مايحافظ عليها وانا اليوم اكلج شام امانة يمج لا اطلب منج تعاملينها مثل بنتج ولا اكلج لا تخلين شغل البيت عليها بس اطلب شي واحد عامليها في مايرضي الله ودراستها امانة الله ورسوله ما تبطلينها منها لو شما يصير دراستها دراستها هاي الاريده منج والله يجزيج خير ومسامحتج على كل مر عيشتينياه .
527
شام :: يابه راح انجلط من تفكيرها ليش هيج مستسلمة تلاغيت ويا زوجة خالي لان تنتر على امي عافتنه طلعت وهي تصيح بسرعة كومي نظفي درت على امي بحركة
22
- يمه شبيج منو هي وتأمنيني يمها منو يمه ليش هيج مستسلمه للمرض حاجيني
11
ابتسمت وكالت
1
- انا ادري بروحي واحس اسكتي ولا تلوميني على اي شي احجي .
125
شام - رفعت ايدي مسحت عيوني بحركة وكعدت كدامها الزم بأيديها واحجي
- ما الومج على اي شي بس لا تگولين الهاي مأمنه شام عندج تمردين گـــلبي يمه جاي تطحنين بروحي طحن انتِ .
67
ابتسمت بتعب سحبت ايدها من ايدي ورفعتها برجفتها لخدي حضنت وجهي بدفو ايدها كالت
2
- انتِ امانة الكفل اخته مأمنتج عند ابو الفضل
2.1K
سكتت اباوع بعينها گـــلبي . يدك حيل وهي عيونها يرمشن بثگل وايدها ترجف سحبت روحها ورجعت لفراشها ، سحبت ردني مسحت دموعي لفيت حجابي وكمت انظف بعصبية كل ركعة اركع البيبان كل دفره ادفر الكاونتر وخالده تصيح وتغلط ما هتميت فتحت باب المطبخ گالت
101
-بت الفكر شبيج نوب ما راضية فوك ما ملفينج
138
شام :: درت عليها بحركة
- منو بت الفكر ؟ اني بنت عز وخير وانتِ اكثر وحده تشهدين على هالشي من جان ابوية ما مخلينه بعازه جنتي تطلبين ملابسي الصغيرة البنتج ، امي جانت تفصل دشاديش وتجيبلج وانتِ حتى ايدها تبوسينها ، هسسسسه صرنا فگر هسسسه ؟ اي والله وكت وخله عيشتنه بأيدج وووكت خايس الرجعنه يمج .
690
سبتني وتقربت تريد تضربني دفعت ايدها تلازمت وياي يابه والله ماخليج تضربيني ، حميت نفسي لا ضربتها ولا خليتها تضربني دفعتها وابتعدت
173
رجعت بسرعة للمخزن اريد اشوف امي والكاها متكومة يم الباب لا تحرك ايد ولا رجل تخبلت الطم واصرخ روحي راحت زوجة خالي خابرت عليهم بين ما اجو بين ما طلعوها من البيت كعدت بالسيارة خلو راسها بحضني حضنتها على گلبي فاتحه عيوني على وسعهن يا رب لا تفجعني يا رب دخيل اسمك ابوس بيها واحجي بخنك لا تعوفيني يا روحي لا تعوفيني يمه يا روحي يمه يا ضي عيني لا تخليني وحدي بهالدنيا مالي غيرج يمه فدوه اروحلج فدوه اروحلج فتحي عينج حاجيني. .
533
احضنها بكل قوتي وهي منتهيه ومسبله ايديها ماكو اي حركة منها
اشهك گمت واغص بالنفس بس وصلنا للمستشفى اخذها من حضني احمد نزلت وراه اركض واعثر لزمني ماخلاني افوت وراها ، هاي جانت اخر مره شفت بيها وجهه امي
1.4K
لا البجي فاد ولا الدك والطم ولا الصريخ ماكو شي يرجعها الي مكتوبلي باقل الشهر انفجع مرتين ، اااخ يا روحي الدوم محتركة شنو اليطفيها
197
فاتحة فاتحة استكثروا يسوولها ايام بقيت كاعده بالمخزن ابجي واون محد فتح الباب وگال خلي نشوفها ميته عدله وانا بفراشها مخلصتها بجي ونوح
214
شيرجعج بعد واكعد حذاج و بسدج
يمه نوايب الماعافنج مايعوفن بنتج
1K
ضميت وجهي بالمخده اشمها وابجي رفعت راسي من نفتح الباب على كيف بس لمحت وجهه احمد كعدت عدل لميت البطانية على رجلي ومسحت دموعي تقدم وكعد بصفي ببعد شبر بقيت اباوع گبل ساكته وهو ساكت شوية وگال
46
- ما كافي حزن ، راحت الدار حقها واحسن من عذاب المرض .
470
شام :: ضحكت باستهزاء وحجيت بصوت مبحوح
- ما ماتت من المرض موتها القهر وكلام امك
79
حجيتها ودرت عيني عليه سكت يباوعلي ويترقب يابه احس جسمي يتصلب من يجي يمي هاكد اكرهه ، گال
27
احمد :: كل هالحجي ما يفيد بعد شدي حيلج شومه القوية ،
ارجعي لمدرستج بلشوا دوام وانتِ بعدج نايمه بحزنج لشوكت ؟
380
شام :: درت وجهي منه ساكته ودموعي تنزل حاضنة ركبي لصدري مد ايده فوك أيدي ابتعدت بسرعة ورفعت عيني اله بخزر ابتسم گال
27
- ما اعوفج وحدج لا تخافين !
413
- ههه انت بس عوفني وحدي واني ما راح اخاف
101
- وجودي يخوفج ؟
52
- اي صعب اتواجد ويا حيوان بنفس المكان !
534
دنك ساكت هز راسة موافق ورجع باوعلي شكد ما يحاول يخلي نظراتة بريئة اني اشوفهن نفس النظرات النكسة الجانت تباوعلي بالطفولة گال
90
احمد :: اذا تحبين باجر اوصلج للمدرسة ؟
49
شام :: بمجرد نطق نفتح الباب ودخلت امه تهلهل بالغلط والحجي
41
- يا مدرسة عيني يا مدرسة تاكل تبن وتنثبر هنا حدها باب الكراج تغسلة وتجي تنطم هنا
560
شام :: ضحكت ودنكت ساكته ما ادري شبيه هاكد بارده صرت وما مهتمه اني ضحكت وهي تخبلت هدت تريد توصلني وكف احمد بوجهه لازمها اخر شي دفعها حيل وصيح بصوت عالي يقلد الزلم المخنث ، گالها
801
احمد :: كافي شنو تخبلتي حالها حال بنتج تداوم مو كلتي هيج امنتها امها حتى الأمانة ما تردين تصونينها ، انا اخذها وارجعها للمدرسة وبالج تعترضين والا والله حتى بنتج اكعدها الج بالبيت .
1.6K
شام :: ضحكت بصوت عالي التفتوا علي ثنينهم متفاجئين اضحك وارفع ايدي امسح بدموعي وهي متخبله بس تريد توصلني وهو يدفعها يريد يطلعها من الغرفة عفتهم وتمددت دايرة وجهي على الحايط واحمد طلع امه وطلع وياها مدري بيا تعب غفت روحي.
147
فزيت ويا الصلاة كل جسمي يرجف وريكي ناشف لان ما ماكله شي كمت كوه توضيت صليت وطلعت للمطبخ اكلت على اعصابي وكعدت بمكاني افكر شلون راح اعيش بدون امي وين اريد اوصل بعد ،
26
طريقي طووويل واني حيل ما بيه ، استسلم ؟ ؟؟؟ شلون واني الگلت عن نفسي شام القوية .
115
محتارة محتااارة شلون اكمل حياتي وبأي طريقة ، اكول الخالي يوديني الاعمامي ؟ خاف انذل يمهم واتعذب اكثر لو بيهم خير جا ودتني امي وماعافتني يم اخوها وهي تعرفة شنو ، اسايرهم بين ما اكمل دراستي واخذ شهادتي وقتها اكدر اطلع من يمهم ؟ لو شلون وشنو الحل
217
رفعت راسي ليفوگ يا رب دُلَني تعبت من الضياع
77
كمت بتعبي وهمي المكتوم سبحت وطلعت للگراج غسلته ، اكمل تنظيف حتى من اريد اروح للمدرسة زوجة خالي ما تفك حلكها
سويت چاي وهم بدوا يكعدون عفتهم ورحت لبست ملابس المدرسة وطلعت لكيتهم بالصالة يتريكون خالي بس لمحني كال
11
- وين موليه ؟
105
قبل ما اجاوبة حجه احمد
- للمدرسة يابه هاي وصية امها
131
خالده :: شفت ابنك شلون صاير محامي .
122
شام :: اباوعلهم ساكتة راح يتكاطعون بيناتهم عفتهم وطلعت كعدت بالكراج جنطة الكتب بكتفي شوية وطلع احمد بأيده سويج السيارة باوعلي أبتسم كال
25
- يله تعالي اوصلج مو كتلج اني وياج لا تخافين .
751
كمت ساكتة ما اثق بيه منا لهنا مو بيدي گـــلبي . ما يأمن له على الشفته منه بالطفولة ما اكدر اغفر وانسه لو يشعل اصابعه شمع هم ما انسه صعدت ليوره ساكتة حرف ما نطقت وحتى من يحجي ما ارد عليه نزلي بباب المدرسة وراح احمد ربي واشكرة الف مره بنت خالي بغير مدرسة ما اتحملها واتحمل مغثتها
268
درسين واجت علي ست خولة المعاونة اخذتني الغرفتها لكيت روحي احجيلها كلشي كلشي ودموعي مغطية وجهي اشهك كامت حضنت راسي الصدرها مصبره ومهونه عليَ شوية وابتعدت كعدت بالكرسي المقابيلي كالت
167
- اهم شي هسه حافظي على مدرستج لا تخلينهم يبطلونج
3
- لا لو اعرف اشبع كتل ما اعوف المدرسة وصية امي هاي
37
- عفيه عليج ماما واي شي تحتاجينه بس تعالي كوليلي وتدللين
80
شام :: ابتسمت إلها وكمت وكفت
- شكرًا ست بمجرد حجيت وانتِ سمعتيني هالشي كلش كافي الي
4
كامت فترت يم جنطتها طلعت خمسة وعشرين واجت يمي رجعت ليورا كالت
15
- مصرف الج
52
- لاا ست عندي والله راتب بابا موجود ما محتاجة اني .
101
بقت تحاول واني ارفض اخذ منها شي عفتها وطلعت رغم ما اعرف اذا راتب التقاعد راح اكدر أستلمه اني لو لا بس طلعت من الدوام صارت بوجهي سيارة اخو ست خولة واكف بصف الباب اايده بجيبة وايده الثانية يفر بالسويج بس لمحني هم خزرني فريت ايدي باستهزاء وعبرته امشي محد هامني واسمع هورن وراي التفتت لكيته احمد رجعت صعدت ليورا كال
828
- مو كتلج اجيج ارجعج ليش طلعتي ؟
42
- طلعت للباب ومالكيتك !
- حتى لو ابقي بلمدرسة وانا اجيج
79
درت وجهي على الجامه لحد ما وصلنا لبيتهم نزلني بالباب وراح اول ما دخلت لكيت امه ساحلة الصونده وواكفة ترش بالحديقة كلت اسلم عليها واسايرها مجبورة عيشتي يمهم فتت من يمها وكفت سلمت عليها بدون ما ترد كالت
2
- اوكفي
25
وراحت سدت الماي ورجعت الصونده بأيدها بدون اي كلمة شالتها وضربتني على رجلي شهكت مفرفحة روحي ومصدومة طاحت جنطتي واني امسح برجلي واكمز رجعت رفعت الصونده بسرعة رفعت ايدي لزمتها سحلتها من ايدها وشمرتها لبعيد وهي تغلط وتصيح
245
- تعودي تعودي كل يوم تنكتلين كل ما تعاندين تنكتلين كل ما تقصرين بشي تنكتلين كل ما تستغليبن طيبة أحمد تنكتلين خاف عبالج تگلبين ابني ضدي واسكت اشبعج كتل .
614
شام :: دنكت سحبت الجنطة شلتها واني احس رجلي مشتعله نار روحي محتركة وصلت الباب المطبخ ودرت عليها تباوعلي بحقد وتغلط ابتسمت بنص الوجع
2
- ترحمي الامي لو ما تربيتها واكفة بعيني جان هالضربة رجعتلج اضعاف .
382
اجت هاده عفتها ورحت بسرعة دخلت للمخزن وهي تغلط وتصيح اشوفج توصلين للمدرسة الا اكسر رجلج ، كعدت ورا الباب رفعت الملابس اباوع الرجليي خط صاير اثر الصونده زفرت النفس احس نار بروحي مشتعلة وحتى دموع ماكو تطفيها بقيت ورا الباب بدون اي حركة لا ابجي ولا اعاتب .
36
الحد ما سمعت صوت خالي كمت بسرعة بدلت وطلعت لكيته يضحك ويا بنته التفت من شافني مسحت وجهي وحجيت بهدوء
1
- خالو الله يساعدك !
68
باوعلي من فوگ ليجوا وكعد على القنفة بدون ما يرد علي َ گال البنته
162
-روحي بابا حبيبتي بدلي وتعالي .
168
عضيت شفتي مقاومة ما ابجي ما ابجي تقدمت كعدت گدامه احجي بهدوء واجت زوجتة انطته ماي تباوعلي بحقد متحلفة
2
-خالو اذا مستثگلين عيشتي يمكم ، وديني الاعمامي اقلها مجبورين يتحملون بزرهم غصبًا عنهم . عفيه بس وصلني الهم
45
بعدني ما مكملة كلامي ورفع ايده ضربني راشدي بكل حيلة باوعتله فاكه عيني على وسعهن شحجيت شكلت وانضرب. شكلت صارت زوجته بيني وبينه عود تمنعه يضربني وهو يغلط ويصيح
235
-بت الفكر هو ياهو سأل عليج همه ما صدگوا مفتكين من مسؤوليتج وانا المبتلي بعيشتج اصرف وارد ليوره ما تقدرين مايوكف بعينج مربيلي حيه حيه تاكل يگلب ابني والله ثم والله اذا شفتج صوب احمد الا اعلگج بت الفكر
539
شام :: كمت على حيلي ايدي على خدي الاحسه نار عيوني فاتحتهن حيل بس ارمش تنزل دموعي وصوتي اختنك بعبرته كوه احجي
7
- عايشة بفلوس امي ما مسوي فضل عليَ انتَ ولو تنطيني هوية راتب بابا هم ماراح احتاج منعندك شي خالو ومع هذا كله اكلك وديني الاعمامي بس وصلني الهم .
45
ورغم حجيت بهدوء رجع ضربني هالمره ما حميت نفسي ولا صرخت ولا رفعت ايدي يضربني وانلطش بالگاع ويرجع يسحبني ويضربني واني احس فصل عقلي وكل تفكيري اهلي لو يشوفوني هسه شنو احساسهم ليش عافوني ثنينهم احس الضرب ما يوجع جسمي كد ما الشعور يوجع گـــلبي .
427
شوية وحسيته نسحب مني رفعت عيني بثگل شفت احمد واكف طول بطول ويا ابوه احمد صار يحميني بس اباوعله شلون يتلاغه ويا ابوه وامه وهم يصيحون تضحك عليك مستغلتك تدافعلها شاده ظهرها بيك
397
كمت من الگاع اعرج وجسمي يرجف كوه اسحل بروحي دخلت للمخزن تمددت بفراشي بس فاتحه عيني نضربت بس بيا سبب؟ شنو الجريمة المرتكبتها حتى انضرب بهالطريقة رفعت عيني امسح الدم من خشمي واسمع صوتهم بعدهم يتعاركون ويا احمد ، احمد الاستغل كل طفولتي هسه صار يحميني من وحشية اهله .
401
شوية وندفع باب المخزن صاح
2
- كعدي شام كعدي خلي اشوف وجهج .
301
كعدت على حيلي باوعت بوجهه ساكته كعد كدامي بأيده الشاش رفع يراويني ويحجي بصوت ناصي
4
- بس اعقم خشمج
227
هزيت راسي اي مسح الدم من خشمي ومن يم حاجبي باوعت بعينه
أبتسم
4
- لا تخافين انا ادافعلج
830
لميت رجليَ الصدري هن والغطا وخليت راسي عليهن وهو بقى كاعد مقابيلي شوية وگام وصل لباب الغرفة مسحت وجهي وحجيت بتعب
3
- شكرًا احمد .
157
بقى واكف يباوعلي مبتسم رجعت تمددت يله هو طلع من الغرفة
ثاني يوم ماكدرت اكوم من الفراش وراح عليَ الدوام ، ومن اجت خالده وبقت تصيح كمت نظفت كلاوات كالت
18
- اطبخي
1
- طبخي مو طيب حتى اذا انطي للچلاب ما تقبل تاكله !
164
باوعتلي خازرتني محتاره ، تجبرني اطبخ لو تغلس سحبت الجدر اجت أخذت من ايدي كالت
1
- شتسوين ؟
1
-ها غير اطبخلكم
1
- لااا ، ما اريد طبخج مو تكولين حتى الچلاب ما تاكله ؟
33
-اي كلت الچلاب ما تاكله ، ليش اخذتي على نفسكم ؟
1K
سكتت عاكده حاجبها تفكر دفعتني ووكفت يم الطباخ عفتها ورجعت للمخزن ، بالليل دخل احمد بأيده علاكة ادوية اخذتهن منعنده وشكرته شكد ما ماضيه اسود يمي وكفته شفعتله وحسيته فعلًا متندم وعقل ، اخذت الادوية مسكنات شربتهن وتمددت افكر باجر شلون راح اداوم لو اعرف اطلع من البيت غصب عنهم هم اداوم
405
نمت بعد هوسة التفكير شوية واحس الغطا ينرفع منعندي واكو احد تمدد بصفي لحظة عدم ادراك لان نايمه ما مستوعبه احلم او واقع ومتعوده على حضن امي هيج واحس بأيد طوقتني ونفس برگبتي فززيت بسرعة مرعوبة دفعته منعندي انكث بروحي مفرفحة وهو يجر بايدي ويحجي بهمس
1.3K
احمد :: بس شوية شام بس شوية اش اشش صوتج
2.7K
صيحت مفرفحه وافلت بروحي منعنده متخبله وهو يسد بحلكي ويتقرب الرگبتي تخبلت ادفر بكل حيلي دفرته ورجعت ليورا ازحف وابجي ايدي على أذني متهسترته فقدت
93
- حيوان حيوان حيووان ما تتغير انت ما تتغير وخرر وخر عني وخرر
97
دخلت امه للغرفة على صوتي وهو وكف نكث الغطا منعنده يفرك بوجهه وطلع ورا امه ، الم بملابسي حيل بجيت بجي سنين وين اروح وين احمي روحي شسووي شسووي للصبح بقيت دمعتي ما نشفت
95
كوه كمت صليت وغفيت على السجادة فزيت الصبح اباوع الساعة ب8 الله ينتقم منكم ركض لبست ملابس المدرسة اخذت جنطتي وطلعت من المخزن صارت بوجهي خالدة صاحت
3
- وووين عيني وين تعالي نظفي .
21
عفتها تحجي وتغلط وراي طلعت للمدرسة امشي بسرررعة وصلت مختنكة وكوه اجر النفس دخلني الحارس للإدارة لان متأخرة
15
المديرة والمعاونات جانن يضحكن ومن دخلت ولمحتني ست خولة شهكت ووكفت مصدومة اجت علي تريد احجي واني بس اشهك واجر نفس بقوة سحبتني من ايدي الغرفتها فتحت بطل ماي وكفت تغسل بوجهي وكعدتني طاير كلبها بجيت واني احجيلها كلشي كلشي صار حتى على احمد
106
- بالطفولة جان يخليني اشوف اشياء بالتليفون واني طفلة ما اعرف شي جان يلزم بجسمي ومستغلني ابشع استغلال لحد ما كلت الامي علي ومن كبرت شوية تهجم علي وكوه خلصت روحي منعنده وهسه رجع تهجم وربي خلصني بس تعبت ست تعبت لشووكت
مدرسة ما يخلوني اجي تدرين هسه من ارجع راح انضرب بس لو الكه اعمامي واروح يمهم واخلص عفيه ست ساعديني بس الكيلي اعمامي
572
اجت يمي تمسح بدموعي وتتحسب عليهم كتبت اسماء عمامي وكالت اني اوصللهم كمت اريد اطلع رجعت كعدتني كالت
- شام عندي حل يخلصج من كل هذا طبعًا اذا تقبلين !
490
سكتت اباوع بعيونها منتظرتها تكمل كلامها كالت
- اخطبج الاخوي اسمعيني ولا تستعجلين ، هو مطلق صار سنتين صارت عنده عقده من اهل البنيه لان اهل طليقته راووه الويل وشلعوا گلبه حلف لو راد يتزوج مره الثانية كون مكطوعة من شجرة ، شوفي والله عنده خير بيت بيه بس هو واخوي الثاني وامي وعنده سيارة ويخليج بعيونه وهم تكملين دراسة وهم رجال شاريج ويصونج وهم تخلصين من هالظلم العايشته .
1.3K
شام :: اباوعلها ساكته گـــلبي . يدك حيييييل وروحي رايحه محتارة بدون ما احجي شي طلعت من يمها رحت الصفي طول الدوام افكر بكلامها اقبل لو ارفض ، ليش ارفض ؟ وليش اقبل ؟ بس بس ماعندي غير هالحل هذا الطريق الوحيد الراح يخلصني من بيت خالي . لو ابقى مصره الكه اعمامي واروحلهم بس شلون واذا طلعوا اسوء من خالي ومعاملته اذا هنا ماكله تبن مره يمهم اكل تبن تربيع ويطيح حظي اضعاف
210
فزيت على صوت المُدرسة ، رزلتني لان ما محضرة وفايتني امتحان امس لحكتها الغرفتها اقنعها تعيدلي الامتحان كالت احسبلج درجة الشهر الثاني شهرين
19
هستوني اريد ارجع وطلعت ست خولة ابتسمت تباوعلي اجت يمي دنكت عيني ساكته كالت
4
- فكرتي شام ؟
14
رفعت وجهي باوعتلها محتارة كالت
1
- اشوفة انسب حل وهم بعد ما تتغيبين عن المدرسة وتفوتج امتحانات حرامات يضيع مستقبلج
47
تحسرت وهزيت راسي موافقة ضحكت. هي وكالت
26
- قبلتي ؟
1
- ماعندي غير حل ست
387
- ما راح تندمين ماما
542
سكتت ورجعت لصفي بنهاية الدوام طلعت ويا هوسة البنات شفته وعبرته بدون ما اهتم مشيت بالشارع وحدي شوية وحسيت احد خفف يمي درت وجهي صاحت ست خولة كاعده يم اخوها
38
- تعالي ماما شام نوصلج بطريقنا
- لا ست متعوده امشي شكرًا .
- تعاالي على طريقنا يله عيب مخليتنا واكفين بالشارع
18
- لا والله ست ما اكدر شكرًا روحوا
9
بس حجيت هيج هي بعدها تحجي وياي وهو شخط السيارة وراحوا رجعت للبيت وكفت بالباب استجمع القوة يا رب صبرني دخلت بهدوء اسمع خالدة تسولف واكو مره ثانية ترد عليها دخلت سلمت طلعت اختها ، خالدة كبل كالتلها
165
- هههههههه هم عمامي هم ازواج ماشافوا ابو هاي شني من طينه ردوا انطوا مره الابن اخوه
527
شام :: سكتت بس اباوعلهم اختها ماقابله وبس تعضلها شفه صاحت خالده امشي بدلي بسرعة وتعاي بعدين نتحاسب على طلعتج ، رحت للمخزن بدلت ورجعت ساكتة ما اريد اتلاغة وياها خليني محترمة نفسي اشتغلت على الساكت بس اسمع سوالفها واحفظ اسماء عسى ولعل تفيديني وهن يحجن ناس مصادقة ناس على الفيس وصايره عركه على هالشي يعني من اعمامي يعني ممكن من الفيس اكدر اوصللهم .
81
وكفت صافنة وكلبي دك حيل من الفكرة الاجت ببالي . شلون اكدر اوصل التليفون خالي عن طريق الفيس مالته اكدر اعرفهم لان اكيد مصادق اعمام زوجتة الي عرفتهم بالاسم من سوالفهن واكيد همه مصادقين أعمامي الي كذلك اعرف اسمائهم وهيج راح اكدر اوصللهم يا رب يا رب ساعدني
80
بقيت اشتغل طول اليوم وافكر شلون اوصل التليفون خالي الحد العصر جنت اقرأ وندفع باب المخزن دخلت بنت خالي تصيح وتغلط صوتج عالي وماكدر ادرس من وراج كتلها
40
- تمام راح انصي صوتي
16
تقدمت جرت الكتاب من ايدي ما انطيته مدت ايدها تريد تضربني دفعتها رجعت تلازمت وياي شمرت الكتاب وجلبت بشعرها دتعالي اطلع كتل امج بيج ماكدر امد ايدي عليها اقلها انتِ اكدر ملختها رغم هي هم ضربتني الحد ما اجت امها وخالي على صوتها
183
ماكدرت احمي نفسي منهم ضربات خالي توجع گـــلبي . اكثر من جسمي من كد ما انقهر ما ابجي بس ابقى متمدده بفراشي
30
وبقيت الثاني يوم كاعده وجسمي يون دوامي ظهري كوه كمت بدلت وطلعت اعرج صاحت خالدة والله اذا وصلتي الباب رجلج اكسرها وكفت متخوصره وتصيح
7
- هل اني واكفة اذا بنت امج اعبري الباب وروحي للمدرسة
34
عفتها وطلعت شتريد تسوي بعد تعلمت على الكتل كوه داومت وكملت دوامي طلعت بباب المدرسة صارت ست خولة بوجهي سحبتني من ايدي وياها وهي تتحسب على خالي بقيت امشي ساكتة ما الي طاقة صعدتني بالسيارة وصعدت هي يم اخوها تحجيله على بيت خالي وهو ساكت كالتله تعرف عليها باسرع وقت حتى نحطب خوية لا يرحون يسوون بالبنيه شي
226
اسمعهم يحجون واني فاصلة مالي حيل حتى افكر الحد ما وكفت السيارة عبالي بشارع اخوالي نتبهت نزلت ست خولة وفتحتلي الباب نزلت ما ادري وين أحنا أصلًا كالت
3
- تعالي كدام حتى تسولفون وتتفقون بين ما يوصلج للبيت .
141
هزيت راسي لا ولبست الجنطة
- شكرًا ست اني اكمل مشي
1
استغفرت ما قابله ودفعتني ليكدام
1
- دصعدي صعدي يا امي قابل راح ياكلج بس يحاجيج كلمتين .
207
باوعتلها ساكته سدت الباب واني حاضنه الجنطة الصدري حرك السيارة بدون ما يحجي گـــلبي . يدك حيل ليش صعدت وياهم شلون قبلت افكار وتناقضات اكلت عقلي اكل فززني صوتة كال
- تلبسين عباية منا ورايح
2.3K
درت اباوعله دار عينه الي رافع حاجبة وهز راسه هاااا
39
رجعت اباوع للشارع ساكتة كال
2
-تكملين سادس وبس ماكو جامعة
1.5K
ضحكت وحجيت
-نزلني نزلني ، الظاهر ست خولة مفهمتك خطأ
210
بقى يمشي ما مهتم قربنة نوصل الشارع بيت خالي كال
- هذا العندي انا .
- إذًا ماكو نصيب
- مو بكيفج انطيتي كلمة بعد
394
- نززززلني كتلك
لزم بريك بقوة وبسرعة مد ايده سحلني عليه خانگني ويصيح بغضب
167
- جسمج التتفتلين بيه من نطقتي وكلتي الخولة موافقة صار الي من ساعتها حرررررف بعد ما اسمع
3.2K
. فرفحت روحي اسحب بايده واريد بس افلت نفسي منه مد ايده على رجلي يتلمس بيهم
1K
تخبلت ادفر واصيح وصوتي مكتوم ثواني ونفتح الباب نسحل منعندي نزلت اركض واتلفت اشوف احمد متلازم وياه ركضت للبيت ابجي دخلت وركض رحت للمخزن لامه روحي وابجي جسمي ينتفض دقايق ودخل احمد وجهه يصب دم اجه علي ضربني ويصيح
275
-ويامن صاعده يمي مستشرفة ويم غيري بايعتها
643
دخلت امه سحلته منعندي واني بقيت بمكاني متمدده اناشغ وروحي تنازع الموت ، وصلت للمرحلة التمنيت بيها الموت غفيت وفزيت من الوجع كوه كمت غسلت ورجعت اباوع الساعة ب2 كلهم نايمين
18
اذا احرك البيت عليهم احد يلومني ربي هم يحاسبني ؟
616
وفجأة تذكرت سالفة الفيس وعمامي اروح اخذ تليفون خالي اشو اعرف رمزه بس شلون اخذة من غرفته اذا نلزمت اشبع كتل ديله على اساس هسه ما مكتولة اقلها اجازف بشي يستحق انكتل علي هيج واكدر اوصل لأعمامي هيج واخلص من هالبيت والبيه
91
سحبت نفس بقوة ورحت بخطوات ترجف وداخلي يدعي يا رب ما انلزم يا رب بس وصلني الواحد من عمامي يا رب ساعدني
21
وصلت الباب غرفة بيت خالي غمضت عيني وايدي على يدة الباب ودكات كلبي شعلوها بلعت ريك بخوف هستوني احركها وسمعت صوت وراي فزز كل ذرة خوف بداخلي
69
- شتسوووين ؟
يتبع ...
