رواية نوائب شام الفصل الثاني 2 بقلم الكاتبة ايلول
نوائب_شام
21
بقلم ايلول 💚
20
بلكي نمُوت ..
خلصنهَ العُمر لچَمات
مَحد يفهم شبينه
الوجَع لاحَكنه من كل صُوب
حَافظ حَتى أسامِينهَ
170
شام :: غمضت عيني برجفة التفتت على مصدر الصوت داخلي الف فكرة ، تباوعلي بخزر رافعه حاجبها ، بنين بت خالي مسحت وجهي ساكته وهي منتظرتني اجاوب تقربت يمها لباب المطبخ باوعت بوجهه وسحبت نفس بقوة الراح احجي يا يوديني ورا الشمس يا ينقذني. .
204
- بنين عاجبج اني عايشه يمكم يعني متقبله هالشي ؟
83
ضحكت تهز بأيدها رفعت اصبعها تأشر بتهديد
8
بنين :: ما عاجبني طبعًا ولو بأيدي اطردج بالشارع !
161
- ساعديني واني اطلع منا واخلصي من عندي !
50
عكدت حاجبها باستفهام وسحبتني من ايدي نترتها منها ومشيت وراها دخلنا الغرفتها سدت الباب ووكفت على جهه هزت راسها تسأل
13
-شلون اساعدج ؟ قصدج اشردج ؟ ترا الباب مفتوح اشردي محد يلزمج ؟
204
شام :: هزيت راسي لا امسح بوجهي عركت من كد ما متوتره
9
- لا ما اريد اشرد باوعي اريد اوصل الاعمامي ويمكن اكدر الكاهم عن طريق الفيسبوك اذا كدرتي تساعديني راح تخلصين منعندي .
43
عدلت وكفتها متسائلة :: اذا لكيتي اعمامج بعد ما اشوف خلقتج
211
- نهائيًا .
5
- وليش حتى اساعدج تعرفين شكد اكرهج شنو اليخليني اساعدج مقابل شنو بله
67
- مقابل ما تشوفيني بعد !
4
- ههههه على أساس مهتمه لوجودج خلك خدامة شخسرانة اذا اشوفج كل يوم !
279
شام :: عضيت شفتي محتركة حرك هي تحجي واني مغمضة عيني وادعي وكلبي يرجف مو يدك فجأة صَفكت أيد بأيد بحماس وكعدت على الجرباية سحبت تليفونها وگالت
شام :: سكتت وتقربت وكفت يمها فتحت التليفون ودخلت على الفيس وعلى حساب ابوها رفعت راسها تحاجيني !
5
- اي هسه شلون نلكاهم ؟
26
- شوفي بنت عم امج متزوجة ابن عمي هيج سمعت خالتج گالت الامي يعني هسه اكيد اعمام امج مصادقين اعمامي على الفيس مو صح ؟
294
هزت راسها موافقة سوتلي مكان كعدت بصفها وهي تدور على حسابات اعمام امها لكت واحد منهم دخلت على حسابه كالت
46
- شنو اسماء اعمامج ؟
1
- حيدر و حسين
326
رفعت راسها باوعت بوجهي كالت
1
- نوب ثنين ومحد سائل عليج !
156
- اي خطيه احتمال حسبالهم عندي خال كفو ومأمنين !
652
رفعت راسها ما قابلة واني لو ما مصلحتي يمها الا اشبعها مسبه هي وابوها بقت تدور بحساب عم امها وتدخل على كل واحد اسمه حسين لو حيدر ويطلعون شباب قفلت التليفون وكالت
15
- كومي كومي اطلعي التهي بيج اني اريد انام انتِ بطرانة تردين تلكين اعمامج من الفيس دوخري
141
وكفت على جهه عيني على تلفونها عفتها وطلعت رجعت للمخزن كوه رهمتله قفل شوية وحسيت اليده تتحرك وصوت احمد يهمس
37
- شام بس احاجيج .. شام تندمت مديت ايدي عليج
967
بقيت ساكته ما رديت عليه شوية وراح واني دايخه بهمومي كمت رجعت لغرفة بنين بهدوء امشي وخطوتي ترجف تعبت ، لكيتها نايمه وتليفونها مشمور بصفها سحبته بهدوء كعدت بالزاوية والتليفون بأيدي استجمع ذاكرتي واسترجع الرمز من اول تجربة نفتح رجعت للفيس ادور بحساب خالي من حساب خالي ادخل لحساب اعمام زوجته وابقى ادور بحساباتهم بالساعة ونص واني ما واصله الاحد نسطرت سطر وبدت تتضائل امالي ، كلت اخر حساب ادخل عليه واكوم انام بقيت ادور باصدقائة امشي سريع وحسيت لمحت اسم رجعت بسرعة واشوف صورة شاب صغير يجي عمره ١٤/١٥ مكتوب
86
مصطفى حيدر خالد
336
اذا ماغلطانه ابن عمي
42
دخلت الحسابه ارجف وصلت وصلت معقولة هم معقولة لكيتهم دخلت لحسابه على صورته الشخصية دخلت للتعليقات كلها تعليقات شباب ما استفاديت منهن اي شي رجعت دخلت للأصدقاء عسى ولعل الكه دليل ولو صغير ولو حساب واحد يثبت هذا ابن عمي اگلب سريع واباوع على بنين خاف تفز عين عليها وعين على التليفون والمح صورة شگت گـــلبي . فتحت عيني كلها وكوه مسيطرة على التليفون سديت حلكي بأيدي ودموعي نزلن دخلت للحساب مكتوب حيدر خالد والصورة ، الصورة نسخه من أبوية دخلت عليها اركز بملامحه وابجي گـــلبي .احس دكاتة بأذني لكيتهم يا رب لكيتهم بس حفظت الأسماء قفلت التليفون عفته يمها ورجعت ركض للمخزن .
239
ضميت روحي بالفراش گـــلبي . يدك حيل وكل ما اتذكر ملامح عمي ابجي شلون انطاهم كلبهم ما يسألون بنت اخونا وين وشصاير بحالها ولا يوم رف گلبهم عليَ .
109
نمت ورا تعب التفكير وكعدت على صياح زوجة خالي طلعت لكيتها متخوصرالي بباب المخزن أشرت بحاجبها وهي تگول
15
- يله يله بسرعة اريد البيت يلمع
34
- والله ما احط ايدي وانظف شي منه ترا اني اشتغل حتى اروح للمدرسة مو الخاطرج وهسه تردين تحرميني من المدرسة ولا انظف .
62
فتحت عينها بصدمة ومدت ايدها على صدري زنگتني جلبت بأيدها دفعتها حيل وهي من البيت فارغ تخاف انتبهتلها كالت
33
- احمد الگال اكسر رجلها لو طلعت باب البيت بعد ، انسي المدرسة واطلعي نظفي لا اجنزج
134
شام :: دفعت ايدها من عندي وطلعت احجي ويا نفسي لازم اروح امتحن اليوم دوامي ظهري عندي امتحانين اعادة مال الايام الغبت بيهن وشفت اغلب المُدرسات متساهلات وياي لان ست خولة حجتلهن عن وضعي دخلت للمطبخ اسويلي ريوك اجت وراي تصيح
10
- شووووكت تنظفين .
17
- من اشبع انظف .
68
هزت راسها متحلفة والماسحة بأيدها خايفة لان بس اني وياها بالبيت كملت ريوك ونظفت المطبخ مسحت الصالة ورجعت للمخزن بدلت اخذت كتبي طلعت واني ادعي يا رب انت قادر على كل ظالم وتنصر كل مظلوم يا رب لا تعوفني بأيدهم اني اقاوم وما استسلم بس لا تعوفني يا رب لا تعوفني
92
طلعت للصالة وهي بس شافتني بملابس المدرسة ضحكت وكالت
21
-فنج الرحتي
102
عفتها ورحت للكراج اريد افتح باب الشارع مقفول التفتت عليها واكفه بباب المطبخ وتفر بالمفتاح وبأيدها الثانية صونده طابكتها مرتين ، غمضت وجريت نفس جزعانة
26
- افتحيلي الباب امتحن واجي بس امتحن !
8
- تحلمين تشوفين الشارع بعد واذا تردين المفتاح تعالي اخذيه
44
حجتها واشرتلي بالصونده عفت جنطة الكتب بالگاع وتقدمت عليها بسرعة رفعت الصونده وضربتني على رجلي ررروحي شاطت بس لزمت المفتاح من ايدها اجر بيه وهي بايدها الثانية الصونده تضرب بكل قوتها احس جلدي نسلخ بقيت مجلبة بالمفتاح وروحي مفرفحة فقدت جلبت بشعرها بثنين ايديه شعرها واذاناتها بكل قوتي اهزها واصيح ابجي دفعتها ليوره والمفتاح بإيدي مسحت دموعي وهي تريد تگوم من الگاع .
247
مشيت بسرعة اريد اطلع واحجي بحركة ، موو اماانة عندج امانة الله اكبر عليج الله اكبر
وهي تصيح وراي تريد تلحكني خليت المفتاح بالباب اريد افتحه وما اشوف من الدموع صيحت بحركة
12
-يا أبو فاضل امي امنتي عندك ، يا رب مو وصيت باليتيم اشوو عايفني ملطشة بأيدهم
331
بجيت والتفتت عليها كامت على حيلها طبكت الصونده عدل واجت عليَ واني احاول افتح بالباب شوية بعد وتوصلني التفت عليها استسلمت حضرت ايدي للضرب لان ادافع بيهن عن جسمي شوية بعد وتوصلني ما احس الا صرخت وتزحلكت تصررخ لازمه ايدها اباوع ايدها صايره ليوره اندارت كلها من يم المرفق وهي بكل حيلها تصرخ
2.7K
مسحت دموعي وهي تصيح عليَ تريد اساعدها درت على الباب فتحته وطلعت گـــلبي . يدك حيل عفتها تتلوى بالگاع ما ساعدتها لا خابرت على خالي يجي يساعدها ولا على ابنها امشي بالشارع وامسح بدموعي ارجف .
125
دخلت للمدرسة وبسرعة رحت للحمامات اباوع الجسمي ازرك ومنين ما الزمه انوجع غسلت وجهي عيوني حمر وايدي بعدها ترجف ، رجعت دخلت لصفي امتحنت وثاني درس اجت علي ست خولة
8
طلعت وياها لغرفتها بس سدت الباب كالت
- شنو شام گلبتي نلعب احنا ها موافقة ها بطلت ؟
128
- ست اني ليش قبلت وكتلج اي اتزوج ؟ مو حتى اكمل دراستي ؟ شنو يگلي ما تكملين وجسمج صار الي ومدري شيحجي ست ترا اخوج مايعرف الحرام من الحلال رأسًا لزمني ، لو ابقى مذلولة طرل عمري يم بيت خالي ما اسلم نفسي الإنسان مثله .
87
رفعت حاجبها ما قابله متفاجئة بكلامي كالت بصدمة
4
- تتهمين اخوي شام ؟ تتهمنيه واحنا غايتنا نساعدج ونطلعج من الانتِ بيه مع الأسف والله
309
- ست انتِ ما قصرتي ومحد وكفلي مثلج بس مستحيل أقبل باخوج
3
هزت راسها موافقة كالت
2
- هاي هي الموضوع انسد تبقين طالبة عندي وواجبي اساعدها لا اكثر
74
استأذنت وطلعت من يمها هموم الدنيا كلها على اكتافي افكر برجعتي للبيت شنو الراح اشوفة شنو الراح اتحمله من ضرب
21
الامتحان الثاني المُدرسة كالت تعالي تمتحنين يمنا بالغرفة طلعت وياها بأيدي الورقة والاقلام دخلت لغرفة المُدرسات كعدت على القنفة وهي خلت طبلة كدامي تضحك ويا باقي المُدرسات وتردلي أسئلة كالت
14
- يله حلي
6
هزيت راسي موافقة اريد اركز واعرف اجاوب ما اكدر جسمي يوجعني واتخيل من ارجع انضرب نفس الضرب ايدي ترجف وما سيطرت عليها احاول ما ابجي ما اكدر كمت ما اسيطر حتى على النفس اشهك واجر نفس بقوة ودموعي على خدي التفتن المُدرسات متفاجأت يحاجني واني اشهك كوه شربت ماي وبجيت بقهر والله جنت استهظم احد يشوف دموعي هسه ما اكدر اضمهم
132
حارن بيه بيهن يباوعن من بعيد وبيهن حسبالهن ما دارسة بس اكو يعرفن شنو قصتي واسمعهن يهمسن للبقية كعدت يمي ام الماده الامتحن بيها كالت
4
- يله ماما لا تبجين خليج سباعية هي هاي الدنيا ما بالأيد حيله لازم نمشي وياها وانتِ جاي تحاربين حتى تكملين دراستج لا تستسلمين صيري سباعية
147
هزيت راسي لا ، اريد بس اسكت شفايفي يرجفن وروحي تلوب تلوب من كد ما مستهظمة المدرسة الثانية كالت بصوت واضح
10
- شام ماعندج احد غير خالج اني حجتلي ست خولة كلش نقهرت والله
107
بقيت ساكتة مدنكة دك الجرس وكلمن راحت الدرسها بقن بس ثنين وام الماده الجاي تمتحني ست زينب كاعده يمي عافتني براحتي استجمعت نفسي ورجعت للورقة اكتب الاجوبة وكل شوية دموعي يغدرني وينزلن كملت الامتحان نطيتها الورقة كعدت صححتها يمي ورغم عندي أخطاء خلتلي درجة عالية كمت اريد اروح كالت
127
- تعالي نطلع بالساحة شوية لا ترحين للصف اني احاجي المدرسه
52
كمت طلعت وياها خجلانة منها كعدنا ورا كالت
1
- ما ترحين على اعمامج ليش باقية هنا ؟
12
- ست ماجاي اكدر اوصللهم
2
- ما تندلينهم وين ؟
- اعرف المحافظة بس ما اعرف منطقتهم
2
تحسرت محتاره كالت
6
- والله أتمنى اساعدج بالقران گـــلبي متگطع عليج اني هم تيتمت بعمرج بس اعمامي خلوني بعيونهم كبرت وتزوجت وهم ما يمر يوم اذا ما سألوا عليَ اكول بلكت عسى ولعل اعمامج هم يطلعون زينين
221
شام :: بقيت مدنكة ساكته گـــلبي نار رفعت وجهي الها مسحت دموعي كتلها
1
- ست اني عرفت حساب عمي على الفيس بس ماكدرت اتواصل وياه
3
-شلون عرفتي ؟
4
- عرفته كدرت
- والله يا شام ما ادري يعني هسه اذا نراسله من تليفوني خاف اتورط شوي زوجي صعب ما يحب هاي لسوالف اذا سوولي مشكلة .
52
سكتت محتارة حقها الكل يريد يساعدني والكل يخاف يتورط بقينا شوية ساكتين كالت
2
- نسوي حساب وهمي ونشوف ؟
144
بسرعة هزيت راسي موافقة دخلت للفيس تسوي حساب كالت
1
-خاف ما يجاوبون ؟
1
- اجرب لان ماعندي غير حل
1
- شنو نسمي الحساب ؟
12
- بأسمي الكامل حتى بلكي الاسم يجذبهم ويجاوبون
146
وفعلًا سوت الحساب باسمي ودورنا على حسابهم دزت طلب العمي حيدر وطلب الابنه كتلها اكتبي على الخاص العمي اني شام بنت اخوك محتاجتكم اذا بيكم ذرة نخوه وغيره .
212
وراها رجعت للصف كملت الدرس الرابع وبالدرس الخامس جاي نكتب واجت ست زينب دكت الباب وكالت من رخصتج ست اريد شام شوية ، وكفت وكلبي تخربطت دكاتة وهي مبتسمه البنات يباوعلي وصلت يمها خلت ايدها على كتفي طلعتني وسدت الباب غمضت عيني بخوف شنو الراح اسمعه كالت
6
- جاوب ولج وصار ساعة يتصل .
605
رفعت عيني بصدمة تخربطت مشي بعد ما عرفت امشي دخلنا للغرفة جانن بس كم مدرسة كاعدات وكلهن مراقباتني ومنتظرات وتليفون ست زينب يدك اتصال ماسنجر خلته بأيدي واني ارجف واجر نفس بقوة بس فتحت الاتصال وخليته على اذني اجاني صوته
13
كعدت على ركبي ابجي بصوت ما ادري شبيه وهو يصيح الو الو
12
- الوو
3
- يا هي انتِ
78
بجيت حيل
- شام اني !!! بنت اخوك ليش عايفني ليششش مو بت اخوكم ليش عايفنييي
63
صيحت وابجي فقدت واسمعه هو هم يصح
- ولك حسين ولك البت تبجي ، عمي حاجيني بوية
914
- عموو
11
- ها عمي هاا
106
- عمو فدوه تعالوا اخذوني ترا بالقرآن تعبت ليش ما تسألون عليَ اكو اخو ما يسأل على بنت اخوه
54
- عمي جا عايفنيج عد غريب؟ غير يم خالج ومن اجه عليج عمج حسين كاله البت ماتريدكم ولاترضى تشوفكم
253
- جذب والعباس جذب عمو جذب ميته اني ميته يمهم حتى من المدرسة يردون يبطلوني صار شكد بس احاول اوصللكم
7
- هسه شني التردينه بويه نجيج؟
193
- اااي تعالوا اخذوني يمكم هسه تعالوا عفيه
3
- جايين عمي جايين
345
- مو تعوفوني عمو لا تصدگون من يگلولكم ما تريدكم
65
- لا بويه لا ها اهاه هل طالعين ساعه ساعتين احنا يمكم
1.1K
شام :: سديت التليفون وحضنت رجلية الصدري ابجي هيج واخلص ، تشكرت من ست زينب وطلعت بعد ما كدرت اركز بأي درس فرحة وخوف لنهاية الدوام لميت كتبي وطلعت هستوني نزلت من بايات درج المدرسة لمحت اخو ست خولة عبرت من يمه ما اهتميت
42
امشي مدنكه وسريعه وبگلبي اكول على شنو مستعجلة على الكتل هسه الكاهم متحضرين وصلت لباب البيت وبقيت واكفة ونبض گـــلبي . يتسارع بس هالمره انضرب بس هالمره واخلص .
106
فتحت الباب ودخلت بهدوء لكيتهم بالاستقبال ايدها مصبوبة وهي تون تبجي وبنتها يمها واحمد يمها وخالي كاعد على القنفة يتوعد بس لمحني وكف على حيله واجه عليَ بسرعة يغلط لزم شعري والحجاب يجر بيه للمخزن چلبت بأيده صاكه سن على سن وساكته دفعني للمخزن الحزام بأيده يصيح
26
-ملفيج وما مقصر بشي وياااج وتكسرين اين مرتي عار عارر مايوكف شي بعينج مثل امج
204
شام :: رجعت على الحايط وهو يتقدم اباوع بوجهه بهدوء كتله
- حتى ايدي ما رافعتها عليها هي زلگت
35
رفع الحزام ضربني على رجلي صرخت ودنكت كعدت على حيلي الزم برجلي واصرخ رجع مره الثانية هم ضربني اجت الضربة بوجهي رووووحي شاطت
159
مدري منين اجتلي القوة دفعته بكل حيلي طاح واجلب برگبته خانگته وابجي بصريخ مچلب بأيدي يجر بيها وعيونه طلعن حمر جر ايدي من ركبته واني مثل التحفر بگاع باضافري اخرمش بوجه فاقدة
238
ثواني ونشاليت ليفوك من شعري ضاك النفس بصدري بعد ايدي ما كدرت ارفعها احمد وخالي وما ادري الضرب منين يجيني وبنين بالباب تصيح
- بابا امس لكيتها بايكه تليفونك تريد تخابر عمامها
842
وهو تخبل بقيت لامه روحي حاميه وجهي برجلية مستسلمه احس جسمي تخدر بعد شكد ما يضربون ما انوجع وصوتي ما طلع بس ابتعدوا طحت على صفحة فاتحة عيني واباوعلهم واحد واحد طلعو من الغرفة خدي على الكاشي اباوع قريب على وجهي دم ينزل على الكاشي واني ايدي ما اكدر احركها بقيت بمكاني بس فاتحة عيني.
140
ما حسيت بروحي من نمت وجسمي يوم علي فزيت من الوجع باوعت للساعة ب٣ الفجر. بنص الوجع ضحكت ودموعي نزلن كال ساعة ساعتين يمج جا وينهم
318
كمت غسلت كوه امشي اباوع صفحة من وجهي زرگة وخشمي يابس علي الدم غسلت وجوه ركبتي ازرك زنودي ورجلي كل جزء بجسمي ماخذله ضربة رجعت للمخزن اسحل بروحي سحل فرشت السجادة صليت رفعت ايدي ودعيت بشهگة ودموع
41
- اللهي مسني الضر وانت ارحم الراحمين ، وحدك القادر على رد الظلم ، اللهي وكلتك امري يا رب يا رب اخذ حقي اقسم عليك بدمعة كل يتيم أخذ حقي نظلمت هواي تعبت اللهي ارحمني .
300
بجيت وتمددت على السجاده مغمضة عيوني وخدي على التربة وبرودتها ، شوية واسمع صياح احمد بخيال يصيح مال واحد محروك كلبه فتحت باب المخزن اباوعله بالصالة يدك بباب غرفة اهله ويصيح
34
- احتررررركن المحلات يابه احتررك حلالناااا
3.7K
اباوعلهم ساكته وهو طلع يركض وخالي وراه وبنين تبجي وتلطم على خدها اباوعلهم بهدوء طلعت خالده من الغرفة تبجي وكوه تمشي تتصل عليهم ومحد يجاوب كعدت بالصالة وبنين تليفونها بأيدها تفتر وتتصل بالساعة يله جاوبوها بجت سدته وكالت الامها
41
- المحلات صايرات رماد تماس كهربائي وحاركهن
467
خالده بايدها الثانية ضلت تضرب على وجهه وتصيح بحركة الحد ما تخربطت وطاحت وبنين تخبلت تبجي رفعت راسها كالت تعاالي ساعديني ، بقيت بمكاني واكفه ولا تقربت وهي جرت حجابها وطلعت للشارع دخلت الجوارين اخذوها هي وامها وراحوا للمستشفى .
83
بقيت وحدي كاعده على بايات الدرج هسه كون احركلهم البيت هم واصفيهم بالشارع اباوع للساعة صارت بالسبعة وهم محد بين للسبعة ونص اندك الباب
96
ضحكت هسه يرجعون عليَ يجوز احمد لو خالي كمت اعرج وخطوتي كوه امشيها فتحت الباب وصرت وراه محد دخل بقيت بوكفتي سمعت صوت رجال گال
11
حيدر :: يا الله
591
شام :: مديت راسي بسرعة فاتحة عيني كلها وشهكت اباوع بوجه وخنگتني العبره بجيت وصيحت
6
- عموو
39
دخل للكراج حضنته بكل حيلي ابجي واشم بيه مثل الچانت مضيعه اهلها وهسه لكتهم اعتب بصياح
108
- وينكم عني وووينكم
23
وهو يمسح على ظهري ويكلي
4
- يله يابه يله اجينا
296
وخرت من حضنه اشهك بصفة رجال هم بيه شبهه من ابوي بس مو كد عمي حيدر كال هذا عمج حسين حضنته طايره بيهم طايره عبالك حاضنه بابا عمي حسين كال
99
- وين هذا خالج الچلب اجيت لباب بيته من امج ماتت كال ما تريدكم وانا متكفل بعيشتها امانه خلتها امها يمي
85
- عمو والله كلساع يضربوني وهاي الاثار تشهد
6
ابجي واراويهم بالزراك البجسمي كل هذا واحنا بالكراج ما داخلين للبيت مسحوا على راسي متحلفين بخالي ما قبلوا يدخلون بقوا بالكراج كالوا جيبي اغراضج وتعالي
66
رجعت للمخزن الم بملابسي وكتبي واغراض امي طلعت صارت بوجهي غرفة زوجة خالي عفت اغراضي بالباب ودخلت گلبتها گلاب الحد ما لگيت مفتاح الكنتور فتحته ادور لكيتهن مشدودات بعلاكة بتوت امي الذهب وفلوس اخذت بس بتوتها وطلعت
1K
لكيت اعمامي كاعدين بالكراج منتظريني بس طلعت ابتسملي عمو حيدر ورفع ايده اجيت يمه خله ايده على كتفي واني اجر باغراضي ويا كل خطوة گـــلبي . يدك بفرح صعدت ليورا وعمي حسين هو يسوق .
38
يسألون واجاوبهم شوية ودك تليفون عمي حسين كال
1
-خالج هذا
21
بقيت ساكته وهو جاوبه بس سلم علي گاله
1
حسين - عمي بعد احنا بينا القانون ،، بايگتكم ؟
41
شام :: رفع عينه عمي باوعلي بالمراية كتله
1
- جذاب عمو ما بايكه شي بس بتوت امي الذهب اخذتهن منهم
37
حسين ::ارفع عليها دعوى كون بيك خير انا هم ارفع عليك دعوه طاكها ومعذبها ونشوف ويامن الحك ،،، ديله كون ما تتراوالي بعد
523
شام :: سد التليفون يسب بيهم وصدمني من غلط حتى على امي فتحت عيني بصدمة وساكته اباوعله بالمراية عمي حيدر كال
374
- هاي هي يولون ما بلازم العيشه يمهم اعمامج بخير ويشمون الهوه تعيشين بخيرهم بوية
229
هزيت راسي موافقة ومدنكه عيني عمي حيدر گال
2
- شني سالفة بتوت امج ؟
172
- عمو هي امي نطتهن الهم على اساس حتى اعيش وياهم ويخلوني اكمل دراسة وهم بس يضربون ويردون يبطلوني من المدرسة وهسه من اجيتوا علي جبتهن واجيت
2
حيدر :: زين تسوين سباعيه يبقن ذخر الج
232
ابتسمت وهزيتله راسي اي كال
- وينهن شو اشوفهن
1.4K
التفتت طلعتهن من الجنطة اراويهن اله دار وجهه الي يباوعلهن گال
5
- اذا تردين اضمهن الج يم مرت عمج ؟
2K
سكتت اباوع بعينه هزيت راسي لا
19
- لا عمو اريد البسهن احس بأمي من البسهن
162
حجيت وخليتهن بأيدي لبستهن رغم ما احب البس بس ما اريد انطهن الاحد بقى ساكت
95
واني رجعت راسي ليورا صح تعبانة بس ما خايفة ومطمئنة خليت راسي على الجنطة من التعب غفيت بدون قلق لاول مره بعد كل هالفترة
31
شوية وفزيت على طبة قوية بقيت مغمضة بلكي ارجع انام صار شكد ما نايمه هيج بدون خوف بقيت على نومتي واسمع سوالف عمامي شوية وعمي حيدر گال
2
حيدر:: خليها عندك ويا البنيات
98
حسين :: اهاه جا ليش مو عندك
664
حيدر :: انا لا عندي بنات لا شي وولدي زلم هم اخاف عليها
321
شام :: دك گـــلبي حيل معقولة هيج يحجون وواحد يشمرني على الثاني واحنا بعدنا بالطريق ما واصلين لبيوتهم تبخرت كل ذرة اطمئنان بگلبي ورجع الخوف تملكني اضعاف تحمحمت وكعدت نطوني ماي يحجون وياي كمت ارد بهدوء مو نفسها لهفتي بالبداية
100
وصلنا المنطقة زراعية البيوت البيها مسيجة دخلوا السيارة للگراج نزلت اباوع للبيت بسيط وساحة صغيرة داير ما دايرها سياج من بلوك عمي حيدر كال
55
- شام عمي هذا بيت عمج حسسن تضلين هنا معززه مكرمه وانا بيتي مسافة عنكم
91
بقيت ساكتة سلم وراح ، عمي حسين باوعلي گال
1
- يله بويه تعالي
5
مشيت ورا ما اعرف افسر خطواتي ندم خوف قلق وكفنا دك الباب شوية ونفتح ساحة اصغر من القبلها ضمن البيت مو مثل الخارجية
باوعت للبنيه الفتحت الباب وماكدرت اشيل عيني عنها هاكد حلوه شو اني ماطالعة عليهم هيج تبين اصغر منعندي هي بس حيل حلوه
250
درت عيني منها للباب مره واكفة مربعة ايديها وراها بنيه مشيت اتبع خطوات عمي وصلنا يم المره همست
35
- السلام عليكم
6
باوعتلي من فوگ ليجوه گالت
502
- هلا
ورجعت باوعت لعمي حسين بعتب خله ايده على كتفي يمشيني وياه دخلنا للاستقبال كعدت يمه متحنطه نظراتهم كرهتني بالساعة الخابرتهم بيها اجت وحده من البنات جايبة ماي انطت الابوها وانطتني وراه ابتسمت بوجهه دنكت عينها ساكته حتى ماردتلي الابتسامة اكلني القلق عمي گال
118
- منا ورايح هذا بيتج بوية
9
حجاها و گام راح الغرفته واني بعدني بمكاني كاعده محتاره زوجته گالت
1
- تعالي غسلي
110
كمت وياها للمغسلة والبنات ثنينهن ورانا فتحت شالي وغسلت وجهي اباوعلها بالمراية درت عليها گالت
2
- غطي شعرج ابني طاب طالع انتبهي
291
عدلت شالي كتلها
- اي أن شاءالله
3
عافتني احجي ودارت على البنات كالتلهن
1
- غزل اخذن اغراضها للغرفة الفوك
315
البنيه فتحت عينها بصدمة والچبيرة گالتلها
32
- خليها ويانا بغرفتنا !
233
دارت عليهن خازرتهن وتخوصرت تحجي من بين اسنانها
5
- كلت بالغرررفة الفوگ
71
شام :: وهن ثنينهن دنكن ساكتات كالت
2
- جيبي اغراضج وتعالي
3
رجعت للصالة اريد اجيب اغراضي واباوعلها من بعيد رافعه اصبعها بوجهن تحذرهن بصوت ناصي رجعت تقربت عليهن سمعت اخر شي من كلامها كالتلهن
8
- ما اشوف وحده تحجي وياها
402
بس هذا السمعته منهن صعدت على الدرج وياي البنيه الفتحتلنا الباب واحنا على الدرج سألتها
1
- شنو اسمج انتِ ؟
4
بقت ساكته والتفتت ليورا تباوع ما جاوبتني الحد ما صعدنا للطابق الثاني همست بصوت ناصي
5
- اسمي غزل احم واختي رويده
854
- فدوه تخبلين انتِ واسمج
56
ابتسمت وتباوع ليورا خايفة بقت واكفة بمكانها واشرتلي على باب غرفة هن ثلث بيبان وصاله صغيرة الباب الاشرت عليه قفله مشلوع
باوعتله ساكته وهي تطوي بملابسها وترجع تفتحهن خجلانه ما اعرف متوتره بقت واكفة بمكانها واتي اتجهت للغرفة جنطتي بأيد وجنطة الكتب بأيدي الثانية دفعت الباب على كيف رفعت نظري وبقيت متصنمه بمكاني عاضه شفتي مصدومة درت على غزل رأسًا نزلت عينها خجلانة
50
رجعت اباوع للغرفة ضحكت هم مخزن وين ما اروح هههه اباوعله بوفية صغيره عليها فراشات وزوالي هواي وگواني من هاي الشليف اليلفون بيهن ملابس الباله هم كلش هواي وباقيه مسافة صغيره مابيها شي دخلت عفت الجنط وكعدت ايدي على حلكي مدري اضحك مدري ابجي
308
هاي يمكن امي شامره سري بمخزن ، حمدت ربي وشكرته يله ميخالف المهم عيشة بدون مذلة وادرس
297
شوية ونفتح الباب رفعت عيني البنيه الأكبر من غزل ومبينه حتى اكبر منعندي گالت
9
رويده :: تجين تتغدين ؟
99
ابتسمت وهزيت راسي اي وكفت امشي بصفها ، تحسرَت بقهر وهَمست
3
-شجابج هنا ؟
604
رفعت راسي اباوع بعينها بصدمة وهي دنكت ساكته ملامحها حاده وبدون اي إبتسامة عافتني بصدمتي ونزلت نزلت وراها والله حسيت رجلي ترجف صابين سفرة وكاعدين اكو جهال ثنين صغار بنيه وولد وثنين كبار سلمت عليهم الولد رد والبقيه سكتوا باوعتلي امهم گالت
22
- شام ، هاي زهراء بنتي مدللت البيت هاي ثالث متوسط
692
بقيت اباوعلها ساكته شمعنى عرفتني بس عليها وبناتها الكبار حتى اسمائهن ما كالتهن كعدت بصف غزل كوه اكلت وبس كامت غزل كمت وياها رأسًا حجت امهم
97
- شيلي صحنج وياج !
126
باوعتلها وباوعت العمي ياكل ما مهتم بس غزل ورويده يباوعلي شلت الصحن ورحت ويا غزل للمطبخ اجت ورانا رويده بقيت واكفة على جهه وهن وحده سوت چاي وحده بدت تنظف على الساكت ما يحجن حتى بينهن ما يسولفن واني واكفة مثل الصنم
37
اجت زهراء بأيدها صحن عافته على السنگ كالتلهن
22
- رايحه ادرس جيبولي الچاي الغرفتي
1.1K
فتحت عيني بصدمة تتأمر عليهن رويده ضحكت باستهزاء لو ابتلت على روحها وكفت زهراء متخوصره وتصيح
16
- شنوو ست رويده لازم حجيت نكته
73
رويده :: اششش بدون بطولات تحركي الغرفتج
97
غزل :: روحي اني اجيبلج الچاي
41
شام :: اباوعلهن ساكته احاول افهم ، زهراء رفعت حاجبها هزت كتفها كالتلهن وهي تتموع
14
زهراء:: غصبًا عليج شغلج هذا .
470
حجت وعافتهن وراحت للغرفة وهن كملن شغل ساكتات اجت امهن شايله باقي الاغراض شافتني واكفه على جهه گالت
5
- شام اخذي چاي الزهراء!
210
بقيت اباوعلها ساكته غزل رأسًا صبت كوب وكالتلها
6
- اني صبيتلها
15
حجت واخذت الكوب وراحت ورويده نظفت وعزلت المطبخ واني باقية على وكفتي غزل اخذت چاي للبقية شوية وصاحت امهن
6
- رويده كملي البأيدج ودرسي اخوانج
39
ورويده ساكته ما ترد لا تقبل ولا ترفض تحمحت وهمست
2
- رويده!
9
بقت ساكتة منطيتني ظهرها وتجلف بالسنگ دخل اخوها شاب بگد احمد شمر عليها قميص گالها
181
- اكوي عندي طلعه
702
حجه وطلع سحبت نفس بقوة وزفرته كذلك ما حجت شي درت اطلع من يمها عقلي ضرب كلشي ماجاي افهم طلعت للصالة عمي كاعد وزوجته وجهاله وغزل تصبلهم چاي كتله
8
- عمو بس علمود النقل شوكت تنقلني لان فترت امتحانات
1
حك شعره عاف الكوب كال
31
- ان شاءالله ان شاء الله اشوف شوكت يصيرلي مجال
85
- عفيه عمو استعجل راح تفوتني دروس
ما رد ردت اصعد خجلت كعدت على جهه أراقب المن يكعدون سوا اذا ما يسولفون لمحت رويده بأيدها صينية غدا صعدت فوك للطابق الثاني ، المنو هاي ؟
783
درت عيني اباوع للغرف الجوا وغزل شويه شوية تتقرب يمي حجيت بهمس
- غرف منو ومنو هاي ؟
4
باوعت الامها احنا صايرين وراها بظهرها همست
- هاي زهراء ومنسه ولبصفها كرار وحسن وهذيج اليم الدرج اني ورويده وهاي غرفة بابا
303
- يعني بس اني بالطابق الثاني ؟
231
سألتها رفعت راسها باوعت بعيني ودنكت ساكته هزت راسها اي بهدوء وتردد ، تصرفاتهم تقلق وتسطر ما أفهمهم
243
گام ابوهن دخل الغرفته التفتت امهن علينا اني وغزل وأشرت الغزل تعالي تقربت غزل يمها وهي رأسًا مدت أيدها على اذنها جرتها تلوي بيها وتحجي وياها همس اباوع لغزل هي شحمه من گد البياض اذنها صارت ورديه وعيونها مدمعات سحبت ايد امها نترتها دفعتها ووكفت
176
أخذت الكوابة وراحت للمطبخ واخوها الچبير كرار كاعد ما حجه حرف ولا اهتم ولا باوعلها أصلًا نزلت رويده من فوگ واجت گبل للصالة كعدت بين حسن ومنسه تدرسهم ثنينهم ثالث إبتدائي
61
نظراتي تراقب الكل ليش هيج قاسية ويا بناتها الكبار وحنينه ويا الصغار اباوع واتفحص الحد ماصارت عيني بعين كرار يباوعلي مضيك عيونه رأسًا عدلت الحجاب وكعدتي گام دخل الغرفتة اني هم وكفت اريد اصعد فوگ هستوني على بايات الدرج وسمعت صوتها
101
سجود :: وين ؟
384
التفتت عليها
- ها عمه راح اصعد انام
- بس بالليل تصعدين فوگ ، نامي هنا بالصالة اذا نعسانه
497
بقيت واكفة على بايات الدرج ساكتة شفت رويده تباوعلي ومن امها خزرتها رأسًا دنكت تدرس اخوانها كعدت على بايات الدرج محتارة وين اجيت اني وين شمرت روحي شوية وطلعت غزل من غرفتها كتابها بأيدها بس شفته عرفتها كتاب سادس علمي توقعتها اصغر من عندي طلعت اكبر ، اجت الرويده تسألها ورويده تأشرلها بالقلم على المهم ، اخذت كتابها ورجعت للغرفة
217
كمت كعدت قريب على رويده امهم شوية ودخلت ورا عمي ورويده بقت تدرس اخوانها الحد ما كملت واجباتهم راحوا كلمن الغرفتة وهي كامت كمت وراها امشي مدري وين رايحه هي وصلت الغرفتهن دخلت وبقت واكفه بالباب واني واكفه باوعتلي وهزت راسها لا بأسف وخجل دنكت راسي خجلانه من نفسي رجعت للصالة كعدت صدك جذب هسه هو مخزن شنو ما تقبل اصعد اكعد بيه الا بالليل ، اعاند واصعد لو مو من اول يوم اسوي مشاكل ، أستغفر الله ، حيره يا ربي حيره
110
بقيت كاعده بمكاني شوية وطلع كرار بس بالشورت دنكت عيني والمح بس رجلية كعد على الدرج درت وجهي اغلط بداخلي شلون يطلع هيج گال
198
- يا صف انتِ
101
بقيت ساكته
- وصخونه ما تحجين ؟
805
رفعت عيني بعينه خازرته
- صخونة تصخنك احترم نفسك شوية
313
حجيتها وكمت اصعد للمخزن وشيصير خلي يصير هو كاعد على بايات الدرج ولازم افوت من يمه وكفت
3
- ممكن توخر اريد اصعد
هز راسة لا وفتح رجلية حتى يسد المكان كله ، عفته ورحت الغرفة رويده وغزل فتحت الباب بدون ما ادكه ودخلت باوعلي بصدمة غزل جانت بحضن رويده وتبجي بقيت مستنده على الباب اباوعلهم رأسًا حجيت
91
- نجبرت ادخل اخوج يفتر بس بالشورت بدون خجل وماخلاني اصعد فوگ نجبرت ادخل يمجن اسفة
35
وكفت رويده بسرعه سحبتني من ايدي بعدتني من الباب وطلعت راسها تباوع رجعت دخلت تباوع بوجهي لزمتني من زندي وتحجي بتحذير
- ارجعي منين ما اجيتي شنو الجنتي عايشته اهون بهواي من العيشه هنا
656
- ما اكدر ارجع انضرب
درت عيني الغزل مسحت دموعها ونزلت من الچرباية تحجي بهدوء
- على اساس احنا الما ننضرب .
185
سكتت اباوع بوجهن رويده كالت
- اطلعي ما تقبل نحجي وياج اذا كسرنا كلامها أذيه الج والنا
69
عفتهن وطلعت رجعت كعدت بالصالة رغم نعسانه بس ماكدرت انام بقيت خايفة وقلقانه شوية وكلهم بدوا يطلعون من غرفهم البنات راحن للمطبخ يحضرن العشا كمت توضيت اريد اصعد اصلي بس خليت رجلي على الدرج صاحت
سجود :: وين
163
درت عليها بنفاذ صبر بدت طاقتي تخلص كتلها
2
- اصلي .
- بالمطبخ روحي .
283
درت عيني العمي ابد ولأ كانُ يسمع رجعت للمطبخ لكيت حرام الصلاة وسجادة وكفت اصلي وهن يفترن يسون عشا كملت وبقيت يمهن شوية شوية الحد ما لكيت نفسي واكفه يم الطباخ واقلي وياهن
وهم مثلهن ما احجي شي نقلنا الاكل للصالة وطلعت زهراء من غرفتها غسلت واجت تاكل خنگوني حرف مايحجون وحتى الجهال ساكتين
816
كملنا عشا هم شلت الصحون الكدامي ورحت للمطبخ واباوعلهن عادن نفس شغل الظهر نظفن وكملن كعدن يمهم بالصالة واني بقيت اغفي عمي وابنه طلع اني هم وكفت كتلها
- عمه اني نعسانه راح اصعد للمخزن انام
2
باوعت للساعة كالت
- بالعشرة تصعدين و وراساً تنامين بالليل ما تطلعين ولا تفترين منا ومنا . وبالسبعة الصبح تنزلين
299
- عفوًا بس ممكن توضحين احنا بسجن ؟
223
فتحت عينها بصدمة خازرتني كالت
- هالمره طايحتلج مره الثانية جربي تردين بوجهي حتى ارجعج منين ما اجيتي !
176
جاي احجي وشفت غزل تأشرلي اسكتي اسكتي بلعت الحجي وسكتت بقيت اراقب الساعة بس صارت بالعشرة صعدت دانعل ابو العيشة اليمكم الجنت فرحانة بيها ،
جريت فراش شمرتة وتمددت روحي محتركة حرك هدوء وبس صوت دكة گـــلبي جريت نفس غمضت وكمزت على ضربة باب قوية گـــلبي حسيته انشال من مكانة ثواني ورجع الباب نضرب بقوة فتحت باب المخزن على كيف اباوع ادور مصدور الصوت صار هدوء وفجأة شخص صيح بصوت عالي من الغرفة المقابيلي رجعت ليورا خايفه رجع هدوء دقايق واني واكفة بمكاني اباوع ، جوا الباب اشوف خيال احد يروح ويجي .
وكلبي ويا كل ثانية تزيد دكاتة فجأة صار يصيح بوجع عبالك احد يعذبة رجعت ليورا ايدي على گـــلبي . خايفه هيج دقايق وسكت بقى هدوء معقولة ماجاي يسمعون منو هنا وليش ما صعدوا على صوته طلعت من المخزن على اطراف اصابعي وارجف باوعت للطابق الارضي شفتهم مطفين الاضوية باوعت للغرفة اليجي منها مصدر الصوت
تقدمت بخطوات ترجف خايفة ومتردده وصلت للباب گـــلبي . يدك بصورة سريعة وصوت النبض اسمعة تنفست بقوة احاول اتمالك نفسي واسيطر على خوفي بلعت ريك بخوف احاول اسمع شي ماكدرت تقربت اكثر هستوني اخلي اذني على الباب وفزززيت
على...........
يتبع
