رواية صراع قاصر كامله وحصريه بقلم نوسه حمد
اهلا بكم في مدونة مكتبة حواء نقرأ لكم ونكتب من اجلكم
الفتره الاخيره حسيت اني م طبيعيه بحس بصداع م طبيعي بياخد معاي نص ساعه بالكتير بلعت بندول ما نفع والمشكله ما هنا المشكله بعد يخف مني الصداع بكون ما فاهمه انا وين والجنبي منو حتي لو كانت الجنبي امي بقول ليها انتي منو وابوي كمان م بعرفو ولا اخواني كانو بقولو لي انتي مدلعه وبتدي المرض اكتر من حقو ومستحيل صداع يعمل كده بعد ساعه من الوقت حتي استحضر انا منو ووين والحوليني منو اهلي كانو بشوفني اني بستهبل عليهم وعايزه اتخفا ورا المرض رغم انو الحاله البتجيني م تخفي ورا المرض انا م بكون عارفه الحاصل شنو الحاله دي بتاخد معاي زي ساعتين بالكتير وبتتكرر معاي كتير وكنت بعاني منها ف المدرسه وحتي الاساتذه م كانو بصدقوني وبعتبروني عايزه ادك باقي الحصص ورغم اني كنت الاولي ف دفعتي بس الحاجه الجاتني دي
اهلا بكم في مدونة مكتبة حواء نقرأ لكم ونكتب من اجلكم
اثرت معاي شديد حتي في علاقتي مع زميلاتي بحسو اني بستهبل وجهه نظر الناس للحاله العندي كانت مدمره بالذات اهلي ناس المدرسه اشتكو مني امي وابوي اتناقشو معاي قالو لي انتي شكلك دايره العرس لو دايره العرس قولي لينا م تعملي لينا درامات وهستريا طبعا انا م كنت فاهمه هستريا شنو قلت ليهم خلاص احتمال انا عندي هستريا يمه ارح نمش الدكتور نوريهو نقول ليهو انا عندي هستريا امي جاطت فيني قالت لي اسكتي دايره كمان تفضحينا قلت ليها يمه افضحك كيف انا مالي عملت شنو انا زهجت وبقيت ابكي واتجرستا شديد وفي حالتي ديك الصداع زاد علي وطشيت شبكه ولي سوء حظي جات عمتي داخله علينا وانا في عدم وعي داك علقت في كلمه امي الاخيره واقول ليهم انا عندي هستريا ودوني الدكتور والحاله لمن تجيني انا بكون ابكي باعلي صوت
اهلا بكم في مدونة مكتبة حواء نقرأ لكم ونكتب من اجلكم
اهلي بقفلو علي الغرفه عشان صوتي م يكون عالي بعد مسافه من الحاله رجعت لي طبيعتي وعمتي قالت لي امي البت دي لو عندها هستريا وديها الدكتور عشان م تفضحنا كل مره امي قدر ما حاولت تقنعا انو الكلمه دي قلناها ليها وهي علقت فيها وبقت تقول ليها هي بتي قدر شنو لمن تجيها هستريا بت جاهله مافاهمه شي عمتي م صدقت قالت لي امي انا عمتها وستر وغطاء عليها مالو لو عرفت مرضها ف المرض دا تدسدسي فيهو امي قالت ليها انتي هو بتصدقي خلاص مسكتي في كلمه بتي لمن كانت م واعيه ودايره باي طريقه تبقي عندها هستريا وعمتي بقت تتشاكل مع امي كل واحده اكعب من التانيه انا وسطيهم غلبنب البعملو لغايه م جا ابوي شاكل امي وطرد عمتي وجا اكورك فيني قال لي انتي السبب دايره تفضحيني انا ف الحله سمعتي زي السيف في الاخر انتي تجي تخربيها لي كلامو نزل علي زي الصاقعه وعشت نفسيات وكنت مواظبه علي صلاتي كنت بدعي ربنا انو الحاله دي م تجيني وكانت بتجي غصبا عني وحالتي الصحيه ادهورت ومستواي ف المدرسه ادهور وبعد كنت بجي الاولي بقيت امر ف المواد مرور وحتي ناس المدرسه نظرتهم للحاجه العندي انها هستريا وانا هستريا هي شنو م كنت عارفه 
لغايه ما سألت وعرفت انها اضطراب عصبي تمثيلي للفت الانتباه انا الوحيده العارفه كميه الحاجه الجواي والصداع البجيني وللاسف حتي الدكتور شخص حالتي كده وبقيت ف نظر الناس انو انا مصابه بالهستيريا حاولت أصارع الحاجه البتجيني بس فشلت لانها كانت بتجي غصبا عني وانا بكون في دوامه ساعتين ما فاهمه اي شي بعد كانت بتجيني مرتين ف الاسبوع بقت تجيني كتير شديد وانفصلت من المدرسه
لغايه ما سألت وعرفت انها اضطراب عصبي تمثيلي للفت الانتباه انا الوحيده العارفه كميه الحاجه الجواي والصداع البجيني وللاسف حتي الدكتور شخص حالتي كده وبقيت ف نظر الناس انو انا مصابه بالهستيريا حاولت أصارع الحاجه البتجيني بس فشلت لانها كانت بتجي غصبا عني وانا بكون في دوامه ساعتين ما فاهمه اي شي بعد كانت بتجيني مرتين ف الاسبوع بقت تجيني كتير شديد وانفصلت من المدرسه اهلا بكم في مدونة مكتبة حواء نقرأ لكم ونكتب من اجلكم
بسبب الحاجه العندي كنت ببكي ليل نهار وانا انحرمت من المدرسه وكنت روحي فيها شديد بس ما بي يدي شي الدكاتره قالو لينا تمشي تتعالج بره بس ابوي رفض وقال لي تعرسي بس قلت ليهو ابوي اعرس شنو انا صغيره وانا بالحاله دي فجاه اتزكرت كلام محمد لي قال لي نوسه انا مسافر عشان اتزوجك واجي القاك بقيتي كبيره محمد دا ود عمتي الاتشاكلت مع امي سافر بريطانيا وانا م كانت عندي معاهو علاقه بس لمن جا مسافر قال لي الجملتين ديل وفات م فكرت احبو ولا اتواصل معاهو ولا كنت فاهمه حب وزواج يعني شنو ولمن ابوي قال لي تتزوجي بس اتزكرتو وقلت بكلم محمد