رواية ندبات الملا بابل كامله وحصريه بقلم زينب جعفر
روايــــــة ندبات الملا بابل🐺
الڪاتبه زينب جعفر🤎🌿
3
صلوا على محمد وال محمد
"قراءة ممتعه"
14
في تلك الدار التي لم تعرف الطمأنينة إليها سبيلاً ... كان الصمت يطبق على أفواهه ساكنيها
3
بينما قلوبهم تصرخ وتفيض بالآلام
هناكَ
حيث تسلط أب عُرف بطغيانه وجبروته،
كان على ذلك الطفل البريء أن يتعايش قسراً مع ظلم والده حتى أصبحت الندبات وشماً أساسياً ينحت جسده الصغير ...
17
شب الطفل والوجع يكبر معه، ولم يترك الطغيان له سوى ذلك السكون الذي يلوذ به في حضنِ أمه ..
3
فهل يا ترى يستمر هذا السكون في دمه ويستسلم للقدر؟
أم يصد ذكريات عقله ومرارة قلبه بـسيف إرادته؟
3
هي حكاية صبر أسطوري، وصراع بين
" رماد الماضي ونار الثأر ! "
23
⊱━━━━⊰✾⊱━━━━⊰
2
تبــدأ الحكايه في بابــــــل"
111
كل شيء بدء في تلك السنه ١٩٨٩..
شهــــر رمضــان يوم ١٩..
199
_بنص الشوارع البابليه والغيوم تغطي ضلام السماء جانت الجهال تفتر وره ابو طبل وضحكه مرسومه على وجوههم
19
ابو طبل_سححورررر ... ياعباد الله سححورر
16
رددوا وراه الجهال وهمه يصفكون
_سححورررر.... ياععيني سححوررر
5
من بينهم الجاهل بي ندبه جايه من طرف جفن عينه النهايه حاجبه !
جان يصفك وعينه على ضحكتها صفن يتأملها بالع ريكه
53
مسلام_عشير
29
دار وجه بسرعه يكح..
مسلام_هههههه
2
عشير_شبيك؟
مسلام_دعوفها للطفله اكلتها اكل بعيونك
19
عشير_مامباوع هاي سوالفك الك
6
مسلام_اخخ اصب على ايدي سمنتات اذا ماطلعت هايمهاا
28
باوعله بطرف عينه متنهد مكمل مشي ويه ابو طبل...
فيحاء_نايمه بفراشي شابگه مخدتي الصغيره قوي وعيني على الشباك
50
اشواق_نگعد ماما هسه لو لا
9
كمت من المخده رافعه شعري مسويته كبايه
فيحاء_مانمتي
اشواق_ما أجاني النوم
فيحاء_ولا اني
2
اندارينه ثنينه على امي نايمه وايدها على بطنها الجبيره شايله بيها اخونه الصغيرون..
فيحاء_كومي بعدين نگعدها
طلعنه بسرعه من غرفه بالاساس موغرفتنه بس لان امي حامل ماتكدر تصعد الغرفتها واحنه وياها ننام من ابوي ماموجود
5
طلعت البيض ودله جبيره باوعت الاشواق طلع الاجبان
فيحاء_صبيع
همست عاكده حواجبها..
اشواق_گبرر جم مره اكولج لاتصيحيلي صبيع
25
فيحاء_دصيحي اخوج لايجي ابوج ويدري بي طالع
5
اشواق_ههسه شدعواه ابوي وين رايح هوه مثلا تلكينه براس الفرع يفتر ويه الزعاطيط
ضحكت وهيه لبست عبايتها ودردم وتهز بـ ايدها مثل العجايز
فيحاء_كافي لاتحجين على ابوج اموتج اذا تعيدين هل سوالف
5
طبطبت على حلكها
اشواق_سكتنه ياكلمه وارجعي المكانج ها أها..
15
اندارينه ثنينه سامعينها تكح قوي
فيحاء_يلا ولج يمكن راح تكعد بيبي
4
اشواق_رايحه... ردت اطلع من بيتنه واجت عيني على حب ابيض بجيس
بيدي اخذت گمشه بايگته وطلعت اركض
17
ضليت اكرز وادور عليه
اشواق_شنوهاي شو عابر الحدود مو كل مره برأس الفرع يكعد
9
ام حسن_بنت حنون
5
باوعتلها لكيتها جيرانه لابسه ربطتها وكاعده هيه ونسوان بلباب ابتسمت رحت بست راسهن وحده وحده
4
ام كريم_شنوهاي بيدج
2
مديت ايدي منطيتها من الحب واخذته نصه فتحت عيني على حيلهن
12
ام حسن_دورين على عشير
احجي وأخوزر بـ ام كريم
اشواق_اي خاله اي ماشفتي؟
11
ام حسن_راح هوه وجهال ويه المطبلجيه
1
ام كريم_خوش حب هذا اخذي ام حسن
6
ضليت اعضعض بشفايفي احجي بداخلي
اشواق_خلصتي حباتي هوه اني بايگتهن وراح اترزل عليهن هم امداني حتى بلبوگ مالي حظ
26
ام حسن_لا اصلا موزين عليج ولج
2
اشواق_اي خاله موزين ماشاءالله دا اباوعلج هل ايام تاكلين اهواي عين باررررررده
9
ام كريم_ياا شو دروحن ماتعرفن تحجن منين ماكله مخليات عيونجن
ضحكت ام حسن تأشرلي ناحيه فرع ثاني
ام حسن_روحي هناك اخوج
تسلمت منها ورحت امشي سريع واكرط بـاظافيري ضليت ادور ومالكيته ضربت على فخذي خايفه لايدري بي ابوي رجعت للبيت وشفت بابنه مسدود وسياره ابويه مطبوگه صفح
زلغت خدودي اصيح
اشواق_راحت روحج صبيع
38
گبل بطني مغصتني من الخوفه مشيت على كيفي ناحيه طبله الخشب بيت جيرانه جدهم يكعد عليها بلعصريه بگتها وخليتها كبال حايطنه طفرت انا وعبايتي
2
عطت فازه
اشواق_ولچ يييييمه !!
15
عذيه_خايبه وين وليتي ها حيواانه
25
طرف عبايه خليتها على حلكي دايره منها
عذيه_عاينيني مو احاجيج ادبسز اخلي ابوج يلوي اذانج صبيعه
1
اشواق_بيبي شنو سالفه شعاين
ضربتني بعوچيتها كمزت مفرفحه
عذيه_ماعاجبج حجيي ولج هااا
3
اشواق_لعد هيج تضربيني
عذيه_اي اطكج واطك ابوج حنييييييييين
4
حجتها تچر بلحرف چر تعيب مشيت سريع واحجي بهمس
اشواق_غير ابنج روحي باوعيله شعليه اني ها شعليه
1
عذيه_السانج احجي وين دحتي
اشواق_وداعت راسج الماحلف بي جذب وداعته...
55
قبل لا اكمل كلامي كامت تضربني بلعوچيه اقوى
عذيه_خخايببه ترديين تفطسيني تحلفين بيه ياهوه رايد حلفانج
19
شردت منها فايته للمطبخ لكيت عَشير كاعد يلعب بيده دعابل
اشواق_انكتلت من وراك ياخخويه
رفع عينه شافني مستغرب كاش ملامحه
عشير_وين چنتي انتِ؟
9
اشواق_غير ادور عليك سرسححي
12
عشير_السانج
13
اشواق_چا شني هسه راح اترزل من وراك... صفنت منتبه كلامي... من وره بيبيتك كمت احجي بـ چا
23
هز ايده غامني ماخذ دعابل وطلع
اشواق_عزاااا عشير ابوي دره اني طلعت ادور عليك لو مادره
اخذ من سعف النخله بدون مايندار حجه وهوه يضمضم دعابل بيهن
عشير_لو درى تلكيني كبالج؟
5
اشواق_اي هم صدك هههههه الحمدلله لعد وينه؟
رفع بحواجبه يأشر جوه
اشواق_ماتكدر تحجي؟
10
عشير_جؤ
8
شمرت عبايتي رايحه افوت جوه وارفرف بحواجبي اقلده
اشواق_اول مره الكى الواحد يحجي بحواجبه تهي بهي ڪَبرررر
30
دخلت وباوعت الابويه يتسحر
حنون_ما اكلتي ويانه؟
فيحاء ضلت لگمه لازكه بزردومها تأشرلي احجي واني بس اتلعثم سنه يلا كوه ذبيتها من حلكي
1
اشواق_نمت
1
خزرتني هيه غامتني استوعبت هوه ضاج عاف الخبزه ورجع اليوره
7
فيحاء_اكل بابا
1
نتر وعينه عليه..
حنون_الحمدلله.. تعاي اكلي انتِ گبل لايأذن
16
كعدت بسرعه مسويتلي لفه جبن داحستها كلها بحلكي هوه بس يخوزرني شويه ومد ايده جار اذني
17
حنون_اخر مره تبقين متأخره بنومه فاهمه ولچ
27
حجيت واني امضغ بكوه متاذيه
اشواق_صار صدكني ماسويهاا بعد
عافني وكام مستغفر زحفت يم فيحاء اشاورها وياه طلعت ابوي طبت بيبيتي بيدها سبحتها
عذيه_شتشاوريها ولج
18
فيحاء دفعتني بسرعه منزله راسها
اشواق_لاوين دا اكل باعي
7
عذيه_امشي عايني امج
1
اشواق_صار
كمت دخلت للغرفه لكيتها كاعده تظفر كصايبها الأثنين صفنت على كصيبتها جهه وحده منها تساوي شعري كله
31
اشواق_منوتي
منوه_حبيبه گلبي ادخلي
21
خشمي ضل بس يشم قوي بـالمسك والمخمريه التخليهن كعدت يمها الزم گصيبه من كصايبها
5
اشواق_ما الوم ابويه من يكول الكصايبج سواد ليله
6
ابتسمت ببهوت ماخذه الكحل الأثمـد مكححَله عيونها كصيبتها بيدي قربتهها الشفايفي بايستها
11
اشواق_شكد اخلي حنه حتى اصير مثلج وماكو
4
منوه_بنتي واني اصغر امي تخليلي اذا كبرتي ان شاء لله يثخن بعد وبعد
3
اشواق_تضحكين عليه يوم مو بيبيتي شوفتني صورج وانتي صغيره جان ثخين شعرج هم
لزمت شعري مبتسمه
منوه_لعد شبي شعرج يخبل ثخين هم
2
انطيتها ضهري متربعه بكعدتي جاره قراصتي
اشواق_ظفري الي
5
منوه_تدلل علينه اشواگنه
1
فرحت وهيه تظفرلي رفعت عيني اباوعلها بلمرايه والابتسامه مامفارگه شفايفي
منوه_من تكبرين كولي الجهالج امي جانت تسويلي تسريحات ححلوه
5
اشواق_أنتِ تكليلهم..
رادت تحجي ودخل ابويه بيده خاولي ينشف ايده لاگاني وعكد حواجبه
حنون_شعندج هنا ولج؟
32
كمت بسرعه ماخذه قراصتي راكضه طالعه
منوه_شبيك حنون
سديت باب الغرفه كاعده على صبه سمنت يابسه قريبه على شباك الغرفه
منوه_شوكت تعدل اسلوبك وياهم؟
نتر بعصبيه..
حنون_جهالي واعرف اربيهم لاتددخلين
52
طفه گلوب الغرفه وفزيت على صوت شباك انسد دنكت بسرعه حتى لايشوفني شويه وعدلت كعدتي متنهده باقيه بمكاني
2
انفتح باب غرفه صايره بنهايه على اشجار طرمتنه وترابها طلع منها عشير لازم مكان عينه رخت ملامحي خايفه عليه ردت اروحله..
3
فيحاء_اشواق
انداريت لكيتها بلمطبخ تضم بالأجبان
اشواق_ها
فيحاء_باعي السمه راح تمطر ادخلي نامي
اشواق_ابوي طردني
سكتت شويه وابتسمت بتصنع
فيحاء_مويطردج بس غير دنيا ليل وينامون عيب احنه بنصهم مو
2
سكتت مامجاوبتها شوي وشمرت عليه خاشوكه فزيت
اشواق_هاي شبيج ولج
فيحاء_ديلا جيبي الخاشوكه والحكيني ناام
2
اشواق_مارييد انام
عافتني وطلعت حجت وهيه تمشي بدون ماتندار
فيحاء_خضي الخاشوكه وياج... والحكيني نفرش بسطح
2
فتحت عيوني على حيلهن هرولت بسرعه غاسله الخاشوكه ردت اصعد وصاحني
3
عشير:-وين راح طيرين؟
1
باوعتله اضحك لكيته ذاب جسمه على الشجره متچي وبيده واصله يمسح جرحه
4
اشواق_اخويه حبيبي شبيها عينك
6
عشير_ليش تصعدين؟
5
رفعت اصبعي أشر فوك
اشواق_ننام اني وفيحاء
ضل ساكت همهمت منتضره جوابه أشرلي اصعد دزيتله بوسه بلهوى وصعدت لكيتها فارشه ومخليه جرجف على الحبل حتى يضمنه
24
اشواق_نمتي؟
فيحاء_ايي مو انا ابوج
ضحكت تمددت بصفها صافنه على السمه ادور شويه ورفعت راسها
فيحاء_شبيج
اشواق_ماكو نجمه
فيحاء_لج دكافي تحسبين النجوووم انترستي ترس شامات
108
اشواق_بعدج مصدكه بـهاي خرافات يمعوده
6
فيحاء_لعد شنو ماتباوعين النفسج
اشواق_منيلي شامات منيييين
1
رفعت ايدي اشوفها بس بـ ايد الوحده خمس شامات صغار
12
فيحاء_بعين العدو ذني الخمسه؟
6
اشواق_اهوووو حناااام
1
انداريت للجهه ثانيه مغمضه عيوني شويه وفتحتهن صارت عيني على نجمه مضوايه قويه ابتسمت حاسبتها وغفيت...
2
الصبح كعدت على ايدين قوي تهزني
اشواق_فيحااء بعد زيتي ايدج ولزميني شنوها...
3
قبل لا اكمل فتحت عيوني وشفته وكفت على طولي من الخوف لكيته كاعد وخازرني
حنون_ليش نايمه هنا حيوانه
20
ضليت امتمت بلحجي جراني من طرف ملابسي رافسني مأشر بحواجبه
9
حنون_انزلي يم امج يلا واكسر رجليج اذا لكيتج صاعده بعد هنا فاهمه
10
ركضت نازله و الغصه بزردومي علكت
عذيه_هااا ولج زعلتي ابوج منج موووو لج ليش تمرمرين گلبه
35
عبرتها رحت الغرفه اخويه صاحت وراي ضاربه على فخذها
عذيه_عاينيني صبيييييع
2
اخوي مالكيته سديت الباب وبقيت كاعده دقايق واندك الباب فيحاء تحاجيني افتحلها وماجاوبتها اجت بيبيتي بقت تضرب قوي بعوجيتها على الباب لحد ماملت وراحت
منوه_اشواق بنتي
1
باوعت ناحيه الباب دكت خفيف تحاجيني بصوتها ناعم
منوه_لاتزعلين من ابوج الحلوه مالتنه انتِ غير نريد مصلحتج ياگلبي
18
كمت فتحت الباب ابتسمت تبوس خدودي
عذيه_اخخ هل جيل مستهتراااااات
27
اشواق_شمسويه
عذيه_دمشي ولچ لاتحاجيني ولا احاجيج هرجت الباب عليج وضليتي منطيتني ضهرج ماتستحين عرمه حگه ابوج يطكج
4
دارت وجها مني دردم عليه امي أشرتلي اصالحها رحت ابوس راسها ودفعتني ضاربتني تاذيت موخره
عذيه_امشي اتريكي
اشواق_صايمه انا
عذيه_صلواااات سوتلها حسنه الصبيع
8
اشواق_ترا موصبيع انا
عذيه_لاصبيع
6
اشواق_زين طولي تره
عذيه_شويه وتجين بطول ابوج ياهيه هاي الزين طولها
3
اشواق_ططول للسلطانات
4
عذيه_امج قزمه
1
اشواق_القصيرات ملكاااات
24
غمتني امي ضحكت كاعده ردت اكعد وطردتني بيبيتي اساعد اختي صار المغرب جانت بيدي خياره اكرط بيها ومطلعه راسي من شباك
6
اشواق_شنو القضيييه ابوج مايكول ناس جوعانين شوكت يجي عود
فيحاء_والخياره البيدج اليسمعج صايمه
اشواق_صمت صوم الكتاكيت انا
5
فيحاء_ولج مايجوزز كبرتي شنو كل ما أذن ضهر ركضتي تاكلين
3
كرطت من الخياره متجاهلتها اباوع للفرع
فيحاء_لايجي عشير ويلكاج هيج
1
اشواق_هسه علساس اخاف منه انا
عشير_فيحاء خويه
انهبطت موخره بسرعه انلوت رجلي واكعه بلكاع
اشواق_ياااايمه
20
فيحاء_ولج كومي
شافني راد يجي وانتبه للخاولي على راسي سادته بدنبوس مسويته مثل الحجاب
عشير_شجنتي تسوين بشباك؟
7
حجيت ودموع بعيوني
اشواق_شسوي كاعده بلكاع ودا اكرط بخيارتي ياشباك التكول عليه؟
3
صار كبالي مدنك جار خدي قوي كارصه
عشير_تغشمين روحج؟
9
اشواق_خويه ماتضرب انتَ مو
فتحت عيوني اباوعله اتنهد موخر ايده مني
عشير_بس اذا سويتيها مره لخ امدهااا
40
اشواق_توووبه تووووببه وعينك المفگوسه
22
فيحاء_ايا ادبسز
ضحك هوه مهتزه أچتافه لازم مكان عينه حاط عليها لفاف ابيض ولافها عافنه وطلع من المطبخ
14
فيحاء_والله السان أنتِ
اشواق_انگلبتي عذذيه
عذيه_شمالهاا عذيه خايـبه
همست..
اشواق_مو أذن فلك الفلكها
10
سمعت صوت هورن ابوي اختي اندارت بسرعه تحمي الاكل كمت طابگه باب الشباك وطلعت فاتحتله الباب دخل وباوعلي مستغرب
حنون_ليلى والوحش شنو؟
6
ضحكت هوه بقى صارم اختفت ضحكتي طبگ الباب ودخل بيده سويج مفاتيحه يفرهن بـ اصبعه
3
حنون_امج بغرفتها؟
اشواق_لا يم بيبي كاعده تضفر كصايبها
لمحت ابتسامه خفيفه انرسمت على شفايفه ودخل محمحم
33
حنون_عشيررر جبت طلي دخله وصعده بسطح
بقيت اباوع الابويه دنك ينزع حذائه
اشواق_ابوي ليش بسطح
حنون_حتى اذا صعدتي ياكلج
9
ذبيت الخاولي من راسي ضايجه وطلع عشير دخل الطلي بدون مايحاجي ابويه ولايباوعله
5
عذيه_اريدن اعرف انتي صنم لوشني سالفتج
2
حجيت بفهاوه وعيني على الطلي..
اشواق_ها
عذيه_خايبه فوتي ساعدي اختج شنيهاي لحمتج بارررده انتِ
اشواق_منيلي لحم شضعفني
عذيه_هوه بس طول انتِ
18
رحت ويه اختي نگلنه الاكل وكعدنه كلنا نباوع الابويه ننتضره ياكل
اشواق_جوعانه والله
فيحاء_اشش هسه يجي
عذيه _جم مره احجيلجن لاتتشاورن كبالي
40
سكتنه ودخل ابويه سابح كعد فرحت مديت ايدي ماخذه من صمون مخليه بيها كبايه وماكله
حنون_وين منوه؟ وعشير
عذيه_هسه يجون اكل حبيبي ابني
دا اكل وانضربت قوي على ضهري فزت فيحاء صايحه
_لااا باباا
42
حنون_بت الكلب مو دا نحجي بعدنه مامتسممين
75
ضليت صافنه ايديه رجفن خخليت صمون من ايدي كمت بسرعه عاط بيه اكعد أشرتلي بيبيتي اكعد
شهكت قوي بكوه حاجيه..
اشواق_شبعت ماريد بعد
9
حنون_امشي ولي صيحيهم ياكلون ماتقدرون النعمه
1
فيحاء كامت وراي
حنون_وين انتِ؟؟؟
حجت ضايجه..
فيحاء_نسيت اجيب مي
أشرلها تروح طلعنه طكيتها مناحه وهيه تهدي بيه وتمسح بدموعي وتبوسني
فيحاء_يلا ياگلبي معليج بي
8
اشواق_مااا احبه شنووهاي ليش هيج شاد وياي
2
فيحاء_لعد شتكولين على عشير خطيه عينه رادت تروح
5
اشواق_تدرين صوج منو بيبيتج ماعرفت تربي
16
كممت على حلكي خايفه
فيحاء_كافي اششش لايسمعونج
سكتت ابجي هوه صاح
حنون_صحتيييهم؟؟
ضغطت على سنوني رافعه من طرف ملابسي ماسحه دموعي ورحت الغرفه بيها امي لكيتها كاعده وعشير حاط راسه بحضنها وهيه تمسح على شعره
عشير_حبيتها يوم
57
امي رادت تحجي وانداروا اثنينهم عليه عشير اتنهد جار مخده نايم عليها
منوه_ها بنوتي
2
اشواق_بابا يكول تعالوا اكلوا
عشير_ماريد اني خلي الاكل اله
منوه_عيب ماما.. كليله هسه جايين
عشير_كلت ماريد امي
منوه_كليله مانريد
رفع راسه يقنعها تروح اني عفتهم ادري بـ امي ماتاكل اذا هوه ماياكل كعدت مندحسه بلحايط
حنون_وينهم؟
اشواق_مايردون
عاف الاكل من ايده يستغفر كام يغسل وبيبيتي تخوزر بيه
اشواق_شعليه قابل اني كتلهم لاتاكلون
عذيه_رعنه صمي السانج
37
اجه فيحاء انطته خاوليه وكعد مشغل مسجل حاط عكس ايده على كصته طبعي احفظ حركات مقابيلي كلهم انتبهلهم شيسون واعرف اكثر الحركات يسوها باوعلي منتبه اباوعله درت وجهي
9
حنون_الأرضي وينه فيحاء
فيحاء_نفس مكانه بويه محد شاله
حنون_جيبيلياه
كامت ورجع يباوعلي
حنون_طنگرين علينه شو انتِ؟
اشواق_مامسويه شي
1
حنون_يلا كافي اسكتي
13
اجت فيحاء جايبه تلفون الارضي شغلته وسجل رقم مخابر محد رد رجع مسجل رقم مره لخ داك
عيني كبل باوعت احفظ حركاته ضاج يمسح على كصته ضيكت عيوني احسب شامات بركبته
9
حنون_ها.. السلام عليكم.. شلونك
اشواق_ابوي شبي اتوتر مو لو جاي يتهيألي
فزيت على كرصتها
عذيه_هل عاده موكتلج بطليها
اشواق_شمسويه
عذيه_ععيونج دوحسيهن ولج المن مبگبگتهن
دا تحجي وياي لحد ما ابوي كال
حنون_هلا بيك ابو سجيل
32
اندارت كل جسمها بـ أتجاهه مصدومه ضلت بس تباوع الابويه وماترمش لحد ما ابوي سده متنهد
عذيه_هوه؟
1
حنون_ها.. لا شنو ههههه بس هوه ابو سجيل كومه بشارع طلعين
1
على صوت راديو متمدد ومغمض عيونه بيبيتي كامت بسرعه رايحه شلت المواعين ويه اختي وعقلي يدور ياهوه هذا وليش بيبيتي انصدمت؟
3
صار ليل جنت كاعده على المصبه مال سمنت احسب النجوم
اشواق_لعد وين القمر؟
8
منوه_بعدج تعديهن
شفتها وضحكت متعجبه
اشواق_بعدج منايمه ماما
منوه_لافزيت عطشانه
اشواق_هسه اني اجيبلج
مسحت على شعري مبتسمه هازه راسها لا وراحت للمطبخ مديت راسي للشباك غرفتهم مردود لكيت ابوي نايم
اشواق_ابوي ليش دائما ينام وحاط عكس ايده على وجه
2
بنص كلامي وطفت صار الفرع بـكامله اضلم ماشوف خيال ابد
اشواق_مااما
منوه_هنا بنوتي شغلي لاله
3
اشواق_اخاف امشي
منوه_صدك جذب يوم يلا حبيبتي مدا اشوف شي
ضليت امشي والخوف مالي جسمي كله كل شوي اوكف اندار عود اسوي كمين للجني عرفت اني يم نهايه الحايط المعلكينها بي من صونده بلكاع مخلينها
3
ضليت اتلمس اريد الزمها واسمع صوت الطلي
اشواق_هسه وكتك تمعمع ابن معميعه !
27
جريتها اريد اروح للمطبخ وصارت شمره قويه بطرمتنه عطت واكعه بلكاع خايفه اجت امي سريع دور عليه
عذيه_خايبين نرييدد نننااام اشواق راح اكوم انعنع اضلوعج
منوه_كومي عمري كومي
2
رفعتني ماخذه لاله مني وفاتت مشغلتها هيه باوعتلي وشافت الدموع بعيوني وخشمي محمر بقت تهدي بيه لحد ما اجت اخذت المي وراحت
منوه_اشواق نامي يم اختج لاتبقين بليل وحدج تفترين
هزيت راسي دزتلي بوسه بلهوى و راحت طلعت من المطبخ اباوع الطرف طرمتنه ماكو... شنو هذا الوكع؟
2
صرت كدام الزرع واجت عيني على جيس ملفوف طالع منه قماش دنكت لازمته ماداريه شنو هذا
8
كمزت من طفره عشير من الحايط واكع شافني واستغرب
عشير_شعندج هنا
8
ضليت لازمه گلبي مهبوطه حاسه راسي صار ثگيل من صدمات
اشواق_ادري شنو حرامي انتَ
1
عشير_ادخلي جوه بابا
10
اشواق_شنوهاي بيدك
نزل عينه وابتسم
عشير_تكي تردين؟
15
اشواق_ليش موسمه هذا؟
عشير_شمدريني اذا تردين اخذي
مديت ايدي ماخذتهن كلهن مبقيتله وحده اباوعله شيحجي ابتسم متقرب بايس كصتي راد يروح وصحته مرجعتهن اله
8
اشواق_اشاقه وياك خليهم يمك بعدين اكل وياك ماعرف اطبخهن
34
عشير_غير مستويات حارات
سكتت هوه انتبه البيدي ذبيته بسرعه اني ورحت وراه دخلنه للغرفه و رد الباب كعدت متربعه بده يفتح بتكي
1
عشير_اكو جيس هناك جيبي
جبته بسرعه ورجعت كاعده كباله فتحلي وحده وانطانياها
اشواق_عشير شوهاي مهروسه
عشير_دكليها بلا
1
اكلتها لعبت نفسي ذبيتها من حلكي على التكات البقيه
عشير_هاي ليش
اشواق_خرباانه
عشير_ياخربانه غير صاحبي اكل كومه منه
6
فتحله وحده ماكلها ويباوعلي شويه وغمض عينه مستغفر ذباها
عشير_ادفن روحك مسلام
35
ضحكت وكمت طالعه من الغرفه ردت اكعد على الصبه ولكيت فيحاء واكفتلي تأشرلي
1
اشواق_ماريد اناااام
فيحاء_والله يكعد ابوي يموتج
كمت ورحت وراها نايمه مرةة الايام والمشاكل تزيد وتزيد بلبيت من وره ابويه الدرجه شاد ويه عشير ومايقبل احد يدافعله حتى لو امي دفعها رغم هيه حامل
بقيت اباوع الاخويه من بعيد شلون اثار وندبات على جسمه واني الخوف يكتلني وجهي يصفر وادوخ من بشاعه المنظر وبهل يوم ابويه جر حديده مالته ضعيفه محميها رابط اخويه حتى لايروح
12
عذيه_ولج شتسوين
6
منوه_اااابببببنيي !!!!
ركضتله امي تريد تفتح الحبل منه وطلع ابوي شافها خازرها مشه سريع وعطنه كلنا من حط الحديده على ضهر امي
48
فيحاء_ياااايمه
عاطت امي قوي اني ماتحملت حسيت رجليه ماتكدر تعيني بعد ابجي وگلبي يدك سريع
حنون_لچ اني تعاندييني هااا جم مره اكلج عوفيني اربي جهاالي
1
عشير اتخبل عينه حمره صاره كام بسرعه ضارب ابويه راشدي
32
عذيه_يااا ولك
4
عشير_اكسر ايد التنمد على امي
64
ابوي صار يضرب بي قوي امي كامت بكوه تريد تصير بنصهم ورجع ابوي دافعها طايحه على بطنها ركضنالها اني وفيحاء لازمينها
3
رغم عشير صغير بس دفع ابوي قوي مطيحه على حديده جايه بيده صار ابوي يصيح متأذي
15
حنون_لك تضرب ابوك عاااق
36
بيبيتي صارت تلطم وامي تون من ضهرها للحظه صفنت عيني جايه عليهم كلهم ليش هيج صار؟ مو المفروض احنه عائله وحده...
1
عشير عينه ثانيه طاح منهاا لفاف طالعه عينه كلنه باوعنه اله وعبالك عينه متشوهه جفن مالته متزلغ ومحترك لحد نهايه طرف حاجبه نفس اثر جرحه القديم وبنفس العين
25
ادري ب اخويه ابوي ضاربه بس ماجنت متوقعه الهدرجه لعبت نفسي درت وجهي وامي ماتحملت اتخربطت
صار كبالها بسرعه..
عشير_يوم
سحبه ابوي مصعده للسطح وماخذ الحبل يغلط على اخويه ويتحلف
حنون_اذا ماخليتك حالك حال الحيوان مربوط ياساقط اذا ما اربيك سهله
7
يجرجره وهوه عينه على امي خايف انطبگ باب السطح بقيت اباوع مادري شنو اسوي
عذيه_خلي نكومهاا يلا
4
رفعناها بكوه مدخلينها للغرفه جبت مي وصرت امسح على وجها بيبيتي وخرتها على جهه ضهرها منزله دشداشتها شوي وشفنه ضهرها احمر
عذيه_الحمدلله خفيف
1
حجت منهاره بلبجي..
فيحاء_يا الحمدلله رااااد يموتهاااا
عذيه_لج هذا مخبل شنسويله
14
فيحاء_ويموووتنه!!
عذيه_فيحاء هاي انتِ الفقيره
فيحاء_والله ماخلي بعد يلزم امي ماخلي
عذيه_كافي ياهوه يكدرله اخوج وماكدر
اشواق_لأن صغير اخوي هوه مستقوي علي
عذيه_ككافي امكم موزين عليها
اشواق_ماتحاجيين ابنج؟؟
عذيه_اشواق كلشي ولا واحد يصير عاق بر الوالد...
6
رفعت ارداني مطلعتلها جروحي بسببه
اشواق_بس يكتلنه كلنا هيج عادي
5
استغفرت لازمه راسها بقوا كاعدين يم امي واني بالي يم عشير
فيحاء_سوده بوجهي ياخويه
غمضت عيني متذكره منظر عينه كمت بسرعه رايحه للطرمه ضلمت وامي كعدت تصيح تريد عشير مادخلت يمها بس اسمعهم
عذيه_طلع عشير بره وحنون هم اخذ سيارته وراح
3
اشواق_مره شكبرج وتجذبين
4
هزيت ايدي بقيت اباوع للدرج مال سطحنه شويه ونزل ابوي طلع من البيت مشغل سيارته وراح اني استغلت الفرصه وصعدت فوك
فتحت باب السطح اضلم ردت ادخل وحجه بكوه تعبان
عشير_منو؟
رجعت نزلت اركض جبت لاله مشغلتها وصعدتله وجهتها علي لكيت طلي على جهه ياكل بلخضره وعشير مربوط على الحايط عركان مغمض عيونه
1
اشواق_اخويه
ابتسملي بتعب بطرف ملابسي مسحت وجه ماجايه يم عينه
عشير_امي
اشواق_بيبي تكول ضهرها اثر خفيف احمر وكعدت
عشير_سكتت؟
اشواق_دا يهدون بيها بيبي وفيحاء
رجع غمض عينه لزمت ايده وخرهن
عشير_لاتفتحين الحبل لايجيج انتِ هم
اشواق_لا مو افتحها
نزلت راسي بايسه ايده رفعت عيني لكيته صافن شويه وفرح رفع ايده وهنه مربوطات ماسحهن على راسي
عشير_ضلع گلبي بابا
58
اشواق_اني اكبر منك
7
عشير_عمراً وبس
ابتسمت رغم استحي اغازل ولا احب احد يغازلني بس اذا من اخويه افرح
عشير_انزلي الأمج وطمنيها
اشواق_اي صار
نزلت وشفتهن داخلات البيتنه
اشواق_شلون دخلتن هيج؟
نديمه_شنو لازم ناخذ أذن؟
امها ضحكت ودخلن جوه يصيحن البيبيتي ضجت داخله وراهن
نديمه_وين خالتي؟
1
اشواق_طالعه موهنا
عذيه_ها حبيبتي دوده
4
عيبت بحلكي وطلعت بره اسمعها تحجي عليه
نديمه_شكد نگسه بس تجذب
12
درت وجهي خازرتها ورحت مرة الايام ونديمه وامها بس يجونه وكل مره تذب عبايتها وانبها ابوي موجود تغلس بمره دخل وشافها
18
حنون_ها العفو
نديمه_استغفرالله
5
اشواق_اذا استغفرالله ماتبقين لابستها
21
عذيه_اشواق
1
سكتت عايفتهن ورحت الامي لكيتها تسوي حنه
اشواق_امي انتِ حامل موزين عليج الحنه
2
منوه_ادري عمري بس مو الي هاي
اشواق_المن لعد؟
منوه_نديمه تريد
5
اشواق_ماتسوي النفسها شعلينه احنه؟
منوه_عيب بنوتي ههههه
4
عافتني وراحت بقيت كاعده ضايجه
فيحاء_شبيج كاشه
اشواق_هاي ما ارتاحلها
16
فيحاء_ياهيه؟
اشواق_بلغلطططط استغفرالله
18
فيحاء_ههههههه
اشواق_ليش تضحكين
فيحاء_صحيح انتبهت اكثر من مره تصير.. كومي جيبيلي طماطه
1
اشواق_ادري شنو اني رجال البيت
1
فيحاء_عشير وابوي موهنا طالعين ونسيت اكلهم يجيبون طماطه... يلا حبيبتي بوساتي
كمت ماخذه الفلوس ولبست عبايتي وطلعت
اشواق_هسه اذا لگفني ابوي مو انكتل؟؟
1
اشتريت طماطه باوعت الدرهم
اشواق_ششتري بيك هاا عرنوص لو..
1
صفنت افكر واجت عيني على مره مبسطه ويمها جدورتها ابتسمت عارفه شنو اشتري رحت انطيتها الدرهم
_باگله لو لبلبي
3
اشواق_لبلبي
8
صبتلي بلكاسه واخذتها امشي بطريقي واكل سريع
اشواق_حارررر احترك حلكي شنوهاي
وصلت واني مامخلصه كاستي كعدت على جهه مكملتها واسمع صوتها من شباك
فيحاء_ها ولج وين طماطه
رفعت راسي اباوعلها ابتسمت
اشواق_فوفه
فيحاء_فوفه غداره تاكلين بدوني هيه هاي الخوه
اشواق_لاكلت اضملج
فيحاء_غير خلصتيها دجيبي طماطه ماريد لبلبياتج
مديت ايدي منطيتها طماطه
فيحاء_ادخلي لايجي ابوج ويلكاج كباله
اشواق_هاي الدوده بعدها كاعده؟
فيحاء_دلعيها هههههه
اشواق_موقصه ادلعها بس لقب لايگلها
15
فيحاء_ددخلي يلا
دخلت وبقينه بهل وضع لحد ما اجه اليوم الولدت بي امي جانت فرحه علينه كلنا ماعدا امي انقهرت من لكت ابوي طالع رغم يدري دا تجيب
عشير شال الطفل بيده مأذن بـ أذنه.. وامي قررت تسمي" فاقد .. "
8
فيحاء_واحلى فاقد... ينور بيتنه
50
عذيه_هل اسم معناه موحلو
2
امي مجاوبتها منداره للجهه ثانيه مثله نوم اتقربت عليها بيدي وصله امسح العرك مالتها
انتبهت دمعه من عينها طاحت على خدها شاورتها
اشواق_لاتزعلين سواد ليله
فتحت عيونها مبتسمه جرتني منومتني بحضنها رغم تعبها الا حنيتها دائما علينه !
11
الجده اخذت فلوس من عذيه مباركه النه وراحت ضلمت الدنيا جنت كاعده مثل كل مره على صبه السمنت وسمعت صوت سيارته موكفها يم بابنه
ختلت بسرعه وره باب المطبخ هوه دخل يباوع للبيت وبـ أيده مفتاح سيارته يفره على اصبعه دخل للغرفه رحت دافعه الشباك على كيف اباوع
الغرفه ضلمه وامي نايمه وفاقد مگمط يمها ابوي ذب سترته ودنك صفن شوي على الطفل وعافه متمدد على جهه ونايم بعيد عن امي
9
اشواق_حتى ماباسه !
5
كعدت مخليه ايدي على راسي واحسب النجوم
راحت الأيام وصار عمر فاقد ست سنين..
وأخويه عشير صار شاب والتحق بلعسكريه.. "
82
كاعدين اني وفيحاء واندك الباب ابوي راح فاتحه وطلعن بنات جيرانه صغار ابوي صاحني واجيتهن دخلتهم الغرفتنه اني وفيحاء
انتصار_اجينه اني واختي نبشرج نجحنه وصرنه خامس ابتدائي
10
اشواق_فدووه مباررك حبيبات روحي
حضنتهن بايسه خدودهن
ايمان_راح تقرينه مو
اشواق_لاوالله ماكدر
انتصار_ليش؟
اشواق_من زمان ابوي خلاني اترك الدراسه ماتذكر المواد
ايمان_ههسه انتي شفتيهن قابل
اشواق_ادري ااجتني فاطمه قبلجن وهم ماعرفت ادرسها هل مرحله اكو مواضيع صعبه
ايمان_خلي ابوج يرجعج للدراسه حبابه
اشواق_قابل بيدي ياحبيباتي
انتصار_وفيحاء؟
اشواق_ماتعرف تقره اصلا بس كم حرف
4
وحده باوعت للثانيه ضايجات
ايمان_عادي هم نجي نسلم عليج
اشواق_كل الهلا بيجن
فرحن وسلمن على فيحاء وطلعن
فيحاء_اشواق
باوعتلها انتضرها تحجي بس بعيونها دموع دارت وجها مطلعه الها ملابس
اشواق_شبيج؟
فيحاء_راح اروح اسبح
ضحكت..
اشواق_دا تبجين لان تسبحين
1
ماجاوبتني رادت تطلع وجريتها
اشواق_شبيج گلبي؟
اول ماحاجيتها حضنتني تشهك قوي استغربت لازمتها
فيحاء_ابويه يريد يزوجني
38
اشواق_شنو؟؟
1
فيحاء_سمعته يحاجي جيرانه المصري يكله الك بنتي
46
ضليت مصدومه هيه رجفت
فيحاء_هيج اني رخيصه بنسبه اله بس يريد يخلص مني وينطيني الواحد عطال بطال؟؟ بدون مايكلي اصلا متفق وياه
2
اشواق_موبكيفه اموت بدونج انا
3
كعدت لازمه راسي وهيه اجت خلت راسها بحضني تبجي.... صار الليل ونديمه اجت هيه وامها كل مايجن صرنه مانطلعلهن نبقى بغرفتنه فاقد اجه يمنه ماما مسويتله لفه
فاقد_اشو
1
اشواق_عيون اشو
خله لفته كبالي..
فاقد_تردين
16
اشواق_بلعافيه حبيبي
باوعت الفيحاء نايمه حاضنه المخده كمت وطلعت الابويه لكيته هوه ونديمه وحدهم وهيه ماده ايدها لازمه چتفه
26
اشواق_شنوهاي؟؟؟
باوعلي وكلشي ماسوه وهيه ولا وخرت ايدها تباوعلي من فوك اليجوه
5
حنون_ماتباوعين الباب مردود غير دكينه؟
6
اشواق_وهاي شكو يمك
1
حنون_ششنو ولج؟؟
نديمه_حنون عوفها زعطوطه
1
حنون_تروحيلها فدوه يلا تعاي اعتذري من خالتج
19
مانصدمت لان كل هل سنين هيه تتقرب منه عفتهم وطلعت سمعتها تكله
نديمه_راح نبقى اني وامي هنا كم يوم
1
حنون_البيت كله الكم اهلها يطلعون وانتوا تبقون
28
رحت الغرفه امي لكيتها مگابله شباك وتبجي
اشواق_ماما
شافتني ومسحت دموعها
منوه_ها حبيبتي ادخلي
اشواق_هاي الحيوانه تبقى هناا لكيتها لازمه چتف ابويه شلون ساكته
منوه_منو كال ساكته؟
دنكت متنهده
اشواق_شبي خدج
منوه_لان حجيت على سوالفه وياها ضرب...
21
ماكملت شهكت مخليه ايدها على حلكها مكممه دايره وجهي مني حسيت دمي فار من العصبيه والقهر ليش هيج ساكتيله؟؟
مشيت سريع طالعه قابضه على ايدي قوي
منوه_بنتي وين
دخلتلهم خازرتهم
اشواق_نگاستج بطليهااا وطلعي من بيتنه
6
صاح بيه..
حنون_اشواااااق !!!
4
اشواق_لو امي بدالك تقبلهاااا ها؟؟؟ بس ناقص تزوجهاا
1
كام ضاربني جانت يمي مزهريه بلحظه عصبيه شلتها وشمرتها عليها اجت على رجلها متكسره عاطت واكعه
23
باوعت الابويه اتخبل راد يلزمني شردت
اشواق_الله ياخذج ان شاءلله دووده
9
حنون_بت الكلب انعل والديج
5
طلعت بيبيتي وام نديمه مخبوصات اني شردت يم فيحاء ساده الباب جريت جراره مخليتها وره الباب
فيحاء_شكو؟
اشواق_كسرت المزهريه على نديمه
7
شهكت مصدومه فاقد حضن فيحاء خايف اجه ابوي يعيط قوي ويدفع بلباب واسمع ام نديمه تصيح
_عوفيي عذيه خلي يأدببهااا موتتها البنتي الله يمووتهاا !!
26
بقى هيج والخوف بگلوبنه كلنا صرخت امي وانفتح الباب دخل عليه بيده حزامه لزمني يريد يضربني وصارت امي اجت ضربه عليها
حنون_منوه وخرري !!
1
منوه_احلف عليك بـ أبوووك لاتسويلهاا شي
وكف يلهث باوع الأمي بخزره وحجه بنتر
حنون_أنتَ وبناتج ماريدجن بللبيت يلا ولن يلا
39
انهضمت امي تباوعله
عذيه_شجاااك خايب دكعد
حنون_يمه هاي الجلبه ضربت نديمه
11
عذيه_وذاا ضربتها چا تمد ايدك عليها علمودهن
31
ام نديمه باوعتلها وحجت
_واكفه ويااهن عذيه؟؟؟
1
عذيه_چا سوالفجن ماتنچرع انتن اطلعن بره
37
حنون_امي... البيت موبيتج حتى طلعين الناس الاريدهم
3
عذيه_هيج صارت ولك حنييييين !!!
7
مسح على كصته يباوع الامي
حنون_يلا ورقه طلاكج توصلج
22
منوه_حنون شبيك ماعندي غيرك موتدري بـاهلي...
قبل لاتكمل وخر منها
حنون_ادري بـ اهلج ميتين وانذبيتي عليه كافي اطلعي وين ماتولين ولي معليه بيكم كافي
21
عذيه_موبكيفك
13
حنون_امي كافيي !!
يحجي ويصيح محترك دمه عافنه وطلع بقينه كاعدين وام نديمه راحت البنتها اسمعهن يصيحن ويغلطن علينه بيبي ماتحملت وراحت عليهن تحجي
شويه واجه ابويه بيده جنطه طالع منها كم دشداشه الأمي وبيده عبايه شامرها عليها
حنون_يلا اطلعوا
منوه_حنون
3
حنون_ككافي ولاتسمعين الامي بابا ماررريدج ماريييدج شسوي؟؟؟
1
فيحاء_والله حرام انتَ ابونه
8
باوعلها بحقد عاكد حواجبه ممجاوبها ما انسى نضراته ابد ولابيهن حنيه علينه
حنون_ورقه طلاكج توصلج يلا
4
منوه_صدك تحجي وين اطلع هسه بهل وكت
حنون_وشعليه اني؟
10
امي فتحت عيونها دموعها ينزلن بهدوء والغصه بزردومها
منوه_تعوفني علمودها حنون.. اني ام اولادك
عافنه وراح امي جرته
منوه_اذا ماتريدني طلكني بس ابقى هنا الخاطر جهال
4
حنون_ماكو اطلعوا
2
دفع ايد امي منه وراح صحت علي وايديه يرجفن
مكسور خاطري
اشواق_حنون
وكف بدون مايندار حجيت بغصه
اشواق_اليوم الدين ماحسبك ابوي ولايرف اسمك على الساني بعد ياكسرتنه !
35
مشى بدون مايهتم فاقد باقي حاضن فيحاء
فاقد_اختي راح نطلع؟
منوه_لامانطلع وين نطلع
اشواق_اامي كاافي خلي الهن يفيدنه مابقى اني بهذا البيت
2
زلغت خدودها..
منوه_لچ وين نروووح وييين كليلي
اشواق_مادري بس مستحيل ابقى هنا اني
طلعت جنطه خليت بيها ملابسنه اني وفيحاء...
فيحاء_كمت لابسه عبايتي وطلعت الغرفه الجانت تكعد بيها امي لكيت ابوي كاعد لازم راسه حس بيه
حنون_موكتلكم روحوا؟
4
فيحاء_بس اضم ملابس فاقد
1
ماحجه رجع منزل راسه يتنفس سريع طلعت جنطه اضم ملابسه معدله عبايتي ردت اطلع وهمس
حنون_بويه فيحا...
2
فيحاء_انت مو ابوي بعد
حنون_امج عندها خال ههسه اخابره يجيكم ابقوا كم يوم واجيبكم
32
بقيت اباوعله نازله دموعي ضحكت
فيحاء_شنو تسميها هاي؟
حنون_اختج وامج كومه غلطن بحقهن اني ماعوفكم بس لازم يتأدبن لأن نديم...
17
قبل لايكمل كلامه عفته وطلعت لكيتهم مخلصين عذيه طلعت تباوعلنه
ام نديمه_تعوفين اختج وتوكفين بصفهمم عذييه!!
4
بقت بيبيتي تباوعلنه لابسه شيلتها فتحت ايدها
مستغربه
عذيه_وين ترحون تردون
اشواق_بيبي مانضل بعد احنه هنا
عذيه_ولج شهل حجي خايبين ادخلوا هسه اطردهن والله
19
اشواق_فيحاء ماما امشينه
اندارينه نطلع وحجت
عذيه_اجي وياكم !!
57
حنون_امي !!
عذيه_البيت المابي منوه واحفادي ماريده خلي الك والهن
55
حنون_ماكو طلعه
14
عافته رادت تروح الغرفتها وسبقها خازرها
حنون_ماكو ماتلمين هدومج تبقين هنااا امي
عذيه_چا خوش اروحن هيج وياهم
4
اشواق_ضليت مستغربه من بيبيتي معقوله تسويها صدك موماتحبنه؟؟
10
اجت بيبي يم امي تأشرلها بدون عبايه لابسه بس شيلتها على راسها
عذيه_يلا نروح بنيتي
منوه_لا عمه
عذيه_على موتي ارجع الهذا البيت خوش مو انتن التنطردن
9
بقيت صافنه مافاهمه جرتنه وطلعنه
حنون_ادخلوا كلكم
20
عفناه وسدينه الباب مشينه النهايه الفرع وحدنه والكسره مبينه على عيونه كلنا
فاقد_وين رايحين بيبي
عذيه_هسه اني اعرف وين نروح
وكفنه كبال بيت جيرانه
منوه_ععيب نبقى يمهم
عذيه_مانبقى انطي صبر
دكت الباب وبقينه واكفين مامفتهمين بيبيتي شتسوي
فيحاء_بيبي متأكده تردين تجين ويانه؟
عذيه_سسدي حلكج
19
سكتنه وانفتح الباب طالعه ام حسن تلبس بحجابها شافتنه واستغربت سلمت على امي وبيبيتي وحضنتهن
عذيه_عادي تسويلي خدمه
ام حسن_ععيوني الج احجي الغاليه
عذيه_بس نريد نتصل بتلفونكم الأرضي
2
ام حسن _اي ادخلوا ادخلوا كل الهلا بيكم بس شكو شصاير بيكم شي انشغل بالي خيه
عذيه _لا كل خير ان شاءلله
دخلنه كلنا جوه وبيبيتي خابرت وجه اصفر صار صوت بلتلفون ذبته مخليه ايدها على گلبها
5
ام حسن_ها ام حنون خيرج
عذيه_لا..
رجعت اخذته حاجيه بكوه..
عذيه_ بيت خلدان؟
6
خلت طرف شيلتها على حلكها متخربطه انفاسها
عذيه_تعال النه... عجل بسرعه.
17
اول ماكملت كلامها سدته بسرعه ماخذ نفس قوي عيونها حمر جمر كامت
عذيه_اريد مي
3
ام حسن_اي تدللين
راحت بسرعه جايبه مي واحنه كعدنه مامفتهمين شي
منوه_ليش خابرتيهم همه
عذيه_معليج منوه
منوه_ماتحاجيهم ماريد اخليج بهيج موقف
باوعتلها باجيه بهدوء
عذيه_انا اريد .
اشواق_ياهمه يوم؟
اشرتلنه نسكت سكتنه وبيبي وام حسن ومنوه راحن سويه يتحاجن بلمطبخ بقينه اني وفيحاء وفاقد كاعدين لحد ما اخويه غفى بحضني
4
منوه_سوده عليه نام
شالته منومته على جهه راحت جابت اله جرجف وام حسن جايبه فراشات
عذيه_فيحاء اشواق كل وحده تجيب فراش الها يلا
اشواق_راح نبقى هنا؟
عذيه_مانطول كم ساعه ونروح
اشواق_وين نروح
عاطت بيها خلصان صبرها
عذيه_كافي اشواق !
5
سكتت فيحاء أشرتلي اكوم وجبنه فراشات فارشيهن ونمنه
ام حسن_اخذوا راحتكم ابو حسن موهنا يبات بيت اهله
عذيه_جا تضلين وحدج هنا؟
ضحكت تأشر بيدها
ام حسن_احسن اخلص منه شوي
باوعت الامي طبطب على فاقد على كيف وصافنه منقهره وفيحاء مغمضه عيونها متمدده
عذيه_اشواق نامي كافي جنج سحير الليل
15
ماتجادلت تمددت مغطيه راسي همست...
اشواق_فيحاء.. فيحاء..
همهمت كرصتها على كيف بـ ايدها
فيحاء_شنو ولج
اشواق_نايمه؟
فيحاء_دنامي لااكول البيبي
اشواق_اهو هسه شسوينه
درت وجهي للجهه ثانيه عيني على امي غفت ابتسمت احجي بيني وبين نفسي
اشواق_تخبل امي شلون عافها حنوووون دباع بس كصايبها يموتن ماشاءالله حيل كثيفات
17
نمت على ضهري صافنه
اشواق_اصلا هيه احلى من دبه نديمه الدووووده
عذيه_اشواق
6
غمضت بسرعه نايمه...
كعدت على صوت فاقد يبجي وفيحاء تشرب جاي فركت عيوني ولكيتهم كاعدين يتريكون
منوه_يلا ماما كومي نروح
اشواق_وين احنه؟
عذيه_بغرفه الممثلين جاي ناكل هسه نطلع نسوي مسرحيه للوادم
83
اشواق_شنو
ضحكت امي بيدها كلاص مي ذبت شوي بيدها ومسحت على وجهي اصحصح اتذكرت الصار وكمت سويتلي لفه صمون كامله واكلتها كلها
عذيه_لاتغصين ياعوبه
باوعتلها ضايجه وهيه ضحكت كمت طلعت بطرمه اغسل لكيت بادي يطلع صبح عبالك غروب
اشواق_وين راح نروح يا اشواق...
7
غسلت ولبسنه عباياتنه كاعدين ننتضر بيبيتي جانت تحوس من اندك الباب ارتبكت وكالت الامي هيه التفتح
طلعنه روسنه كلنا ويه امي لكيت رجال طويل وضعيف لابس دشداشه رصاصيه اندار شواربه سود ثخان وشعره اسود سرح نازل على كصته مچتف ايده
ظهير_ام عشير.
54
فيحاء_منو هذا
منوه_هلا بيك خويه .. ابو سجيل "
66
حك خشمه ععيونه دور بشارع
اشواق_متوتر.
9
ظهير_هلا بيج خويه.. ام حنون وين؟
امي راحت تصيحلها هوه اتقرب ماخذ الجنط رفع راسه يباوعلنه مبتسم
ظهير_شلونجن ياحلوات؟
9
اشواق_الحمدلله عمو انت ثلاثيني؟
100
ضحك وفيحاء رفستني
ظهير_اربعيني اصيل
47
اشواق_ها ماشاءالله
نزل فاتح صندوك السياره أشرلي
ظهير_ام شامه تعاي لزمي الصندوك
23
نزلت لازمته هوه حط الجنط رفعت راسي اباوع للعصافير طالع النهار..
ظهير_شسمج؟
6
اشواق_ها
ظهير_شنو اسمج
_اشواق
باوع الاختي مأشر
ظهير_وأنتِ بويه؟
اختي مجاوبته خايفه عدلت عبايتها طلعت بيبي هوه صفن بالع ريكه
10
عذيه_ظهير شلونك
4
ماحجه بس يباوعلها حسيت عيونه لمعن هيه اتفشلت من مارد عليها نزلت من درج رادت تصعد بسياره و سحبها من ايدها شابگها قوي
44
فيحاء_حراام
34
بقينه صافنين مامفتهمين شي هيه بجت شابگته وترجف وره دقايق يلا وخر عيونه حمر مسحهن وأشرلنه
ظهير_اصعدوا
1
طلعنه بسياره كلنا اني انداريت اباوع للجامه وفيحاء اتنطنط لان حضن بيبي وتكول منو هذا وامي تسكتها
9
اجت عيني على سياره ابويه بلعت ريكي حاسه بغصه درت وجهي وطريق طويل لو جان ساعتين يحتاج سواه هوه اربع ساعات يمشي بطيء كلش طلعت روحي يلا دخلنه مناطق شعبيه ومن بينهم فرع دخله وكف سياره
1
نزلنه باوعت للبيت واكفين كباله جان بيت جبير بس بنيانه قديم وطابوك وبابه صغير وبي زنجار من طوارف
اشواق_جبير.. بس ليش بنيانه هيج قديم
فيحاء_ههذول منو راح اتخبل
اشواق_شمدريني.. ههذا البيت المدحوس؟
3
فيحاء_اي غير وكفنه كباله
نزلوا جنط واني ساعدته دخلنه الباب بسرعه انفتح جانت طرمه من سمنت وقديمه بس مساحتها جبيره كلش سد الباب وبيبيتي الا شوي وحسيتها راح تتخربط عركانه وكل شوي تمسح وجها
باوعت على جهه مخليين مرجوحه بيضه فزيت على صوته
ميسر_شنوهاي؟
3
انداريناله اني واختي رجال شوي سمين وجبير انتبه الشعره هوه هم اسود كحلي عبالك ونفس رسمه شوارب مخلي خاولي صغير على ركبته ومدنك بيده صابونه وكباله طشت بي مي
9
حجيت بـ أرتباك
اشواق_ههلو عمو
10
كام كاش وجه يمسح بلخاولي على شواربه
ميسر_شنو؟
سكت من شاف بيبيتي فتح عينه على حيلهن ماحاجي شي
ظهير_بعد عمجن فوتن جوه بوجهجن روحن النبأ
15
دخلنه اني وفيحاء وفاقد لازك بملابسنه خايف لكيت كبالي عائله كلهم كاعدين يتغدون انصدموا من باوعولنه واحد منهم طاحت الخاشوكه من حلكه
37
وثاني يرفس بليمه يأشرله وذاك ضاج لحد مارفع عينه وشافنه وثالث يعض براس البصل الاخضر وصافن
107
بلعت ريكي اباوع الاختي
عادل_حوريات طبن شنو؟
70
ثامر_دكلخره
25
هيثم_شباب يمكن دا نتحلم
33
عبد المطلب_لايابه جنانوه المسربت عمك تحولن نسوان
7
نبأ_ها بنات شلونجن فدوه الالله
5
باوعنالها جايه من المطبخ لابسه شال وملامحها ناعمه كلش وقصيره بشرتها مايله للسمار وعيونها مكحله
هيثم_ياهنه ذني صاحباتج ولج؟
12
بوستنه واحنه مامفتهمين شي
نبأ_معليجن منهم ادخلن جوه
ثامر_هوب هووب وين؟
أشرتله ناحيه غرفتها
نبأ_من درج غرفه كبالجن ادخلن بيها هسه اجيجن خوش حبيباتي
فيحاء ابتسمتلها وجرتني بسرعه داخلات سمعتهم يحجون
هيثم_بيهن رهبه شنو
عادل_والله ححلوات ماشاءالله
11
عبد المطلب_دنجب المفروض نزل عيونه
7
ثامر_غير صدمه وذني مو بيهن رهبه ذني ارهابيات اقتحمونا فجأة
2
عبد المطلب_دباع هذا كرط البصل فد مره استغل الفرصه
36
عادل_ححلفت مانطيكم تره
عبد المطلب_دنجب جيب البصل غير من بستاان جبته
عادل_موبستان الخلفوك
4
هيثم_ياهنه ذني نبأ؟
نبأ_بنات منوه.
حجوا كلهم بصدمه وبصوت واحد
_ها؟؟؟
ثامر_منوه شنو شفتهمتم
1
هيثم_اندري على الواهس كلتهاا..
12
عبدالمطلب_غغبي مو منوه مااانوه مرة عمك حنون
مديت راسي اباوع لكيتهم كلهم صافنين فجأة ثامر ضرب ولد على خلفيه ركبته
ثامر_شباببب حميد استغل الفرصه واكل لحمااات
35
انتبهوا وكاموله كلهم وهوه شرد منهم يضحك لزمه واحد منهم شعره بي شگار لابس فانيله وبجامه سود
15
ضربه على ضهره
هيثم_كلببب مو احفلك شواربك
7
ثاني لابس دشداشه بيضه دنك وشال حميد على ضهره بسرعه
ثامر_يلا طيحواا حضه يلااا
عبد المطلب_فگورره دعوفوا للزعطوط
فيحاء_مسرحيه ذول
15
انتبهت وصعدنه سويه دخلنه غرفتها متروسه بخور كحيت وفيحاء تشمشم قوي فاقد كاعد بلكاع
فيحاء_الله شكد احب البخور شسمه
اشواق_ااندري
1
بقينه كاعدين لحد مادخلت امي
اشواق_وين بيبي
منوه_جوه بدلن ملابسجن ولبسن حجاب كومه زلم جوه
فيحاء_منو ذول وراح نضل هنا؟
منوه_ههسه خلي نرتاح وكتلجن شتسون
قفلنه الباب واني ختلت وره البرده ابدل وامي دارت وجها خلصنه واندك الباب فتحته ولكيت طفله صغيره تباوعلي لابسه بدله مسويه شعرها كبايه
ثمره_هلولو
17
اشواق_الله هاي شنو عيونج
فيحاء_ياهيه
فتحت الباب ودخلت هيه امي ابتسمت اشرتلها تجيها كبل كعدت بحضن امي وبيدها جنطتها لابسه كعب
2
فيحاء_هاي عليمن طالعه
دنكت كاعده كبالها اباوع العيونها كبار وبؤبؤ لون ازرك
اشواق_شسمج
4
_ثثمره
بستها شايلتها لكيت فاقد يباوعلها ضايج غيران ضحكت ونزلتها دخلت نبأ تعبانه شافتنه وابتسمت
6
نبأ_صبيتلكم غده انزلوا اتغدوا
منوه_تعبناج
نبأ_اانجبي لاتحجين هيج
29
باوعنالها مستغربين أشرت هيه..
نبأ_اني وامجن ميانه زفره بينه
17
منوه_ههههههه
نبأ_يلا انزلوا... ثمررره لاتصعدين على الكرسي بحذائج انزلي
ثمره_ماااا
نبأ_دمشي لج جنج ذبانه عيونها مبقبقه
9
جرتها من طرف ملابسها منزلها باوعت الفاقد كرصته خفيف
1
نبأ_فدوه الگلبك شلون حلو يلا اتغدوا
نزلنه لكيت الولد متجمعين واحد منهم شايل رجل ثاني مرفوعه دشداشته طالعه برمودته بيضه
شافوني وتصنموا
عبد المطلب_احم
20
كعدوا بسرعه مسفطين على جهه كل واحد بوضعيه كعده شكل
11
فيحاء_مخابيل لو شنو
7
كعدنه ناكل شويه والأسمه هيثم أشرلهم اتخرصوا من امي وطلعوا جربت زلاطه ماعرفت شنو مخليلها بس منطيتها طعم يموت
اشواق_زلاطه تخبللل
4
نبأ_بس زلاطه؟
1
اشواق_كله يجنن عاشت ايدج
غرام_لا نبؤؤؤه تقصد زلاطتي وبس
باوعت النبأ غمتها هيه ضحكت وسلمت علينه كعدت جان بيها شوي سمن وبيضه لابسه الوان ناعمه وعيونها مسحوبه
همست..
فيحاء_كافي دققين بناس ولج اكلي
اشواق_مموبيدي والله
6
هزت ايدها وكملنه اكل بيبيتي رجعت امي اشرتلي اشيل مواعين شلتهن ودخلت للمطبخ شفت كومه نسوان ومن بينهن بيبي تبجي
اشواق_ليش بجيتوها شسوولج بيبي
6
وحده منهن انصدمت مني وطكتها بضحكه
صباح_يااا ولج شهل السان
عذيه_بيبي مامسويلي شي ماباجيه اصلا
اشواق_لا دا تبجين
6
هنه ضحكن وبيبي هزت براسها اطلع عفتها بدون ماغسل هم طلعت للطرمه لكيت المرجوحه ابتسمت كاعده بيها اجت عيني على بطات
1
اشواق_الله ذني وين جانن بطات
15
هيثم_ذن بشات
89
باوعت بسرعه لكيته واكف يم باب مخزن على جهه ومتچي
ماحجيت هوه منزل عينه رجع دخل للمخزن مطلع كراتين ناكتهن وحطهن بي صوت عربانه وكفت بلباب هوه بسرعه راح فتحه دخل ظهير
2
ظهير_موحجيتلك اصبغها
12
هيثم_اي
ظهير_لعد وينك تفرفر بـ أذاناتك... ها ولج ام شامه
17
ابتسمتله هوه نزل يصفك
ظهير_هيثم احجي الثامر يغسلها كلها تراب شنو عمي شتحجي الناس وصخين
ميسر_هاي موكتلكم البوري صلحوا
ظهير_هسه يجي ابوك يصلحه
ميسر_عيب الوادم شافوني اني وطشت مالتي
3
هيثم_جدي وينه
ميسر_ططالع ويه صاحبه الباقي بي نفس ويموت
26
اندك الباب طلع ظهير سمعت طفل يحجي
_دزاني حجي خلدان يكول خلي يجيني واحد من طايحين الحظ بلعربانه لان عطلت بينه سياره
17
ميسر_عمي هوه صاحبه فگر شيصعد يعطل لانوب يعطلنله العزيزه
اشواق_منيه عزيزه؟
1
أشر مبتسم..
ميسر_العربانه.. ماتباوعيلها شحلاتها ديربالج لاتزعل منج لأن اذا زعلت تشخط بعد
14
ظهير_احجيله هسه جايين
حجه طفل.. الي خلك تعبت اني روحوله
ميسر_تف شكد ادبسز موطفل بعير هذا
10
راح هوه وميسر دخل بقيت كاعده اتمرجح واحسني غريبه بينهم وهوه فعلا هيج لحد هل لحظه ماعرفهم شيعودون البيبي وماما
هيثم_اسمج شامه؟
19
اشواق_شعليك
45
حك حاجبه وجاب صمون للبشات حاط فوكاه مي
عفته ودخلت الغرفه اتمددت انام
فيحاء_راح تنامين بلحجاب شنو
همهمت اجت فوك راسي
فيحاء_دكومي عيب ننام
اشواق_راح نبقى هنا المن العيب غير ننام
فيحاء_تعرفتي على البنات هنا
رفعت بحواجبي وكرصتني
اشواق_اخخ ليش
فيحاء_من احاجيج جاوبيني شبيج احجي ويه الحيطان قابل
اشواق_اريد انام
فيحاء_بعده صبح تره
اشواق_مو اتغدينه دنيا ضهر
فيحاء_ساعه صارت بـ11 ونص
2
اشواق_ها اي بعد وكت
فيحاء_هسه ذول منووو يحضي
درت للجهه ثانيه بديت اغفى وفزيت سامعه صوتها تحاجي احد
نبأ_ايي ياعيني دنزلوا صاحب ابوكم هسه العربانه تشتغل... مادا احشش هاي صدك.. هسه هسه
رجعت نمت هلكانه تعب ماكعدت الا وره نومه طويله باوعت يمي كلهم نايمين فركت عيوني معدله حجابي وخرت البرده ولكيتها دنيا ليل
اشواق_ههلكد نمت يمه اسم الله
3
رجعت المكاني متنهده
اشواق_عطشانه... بس اخاف انزل
ضليت احوس لحد ماقررت انزل فتحت الباب واشوفها ضلمه بس ضوه حيل خفيف جاي من المطبخ
2
اشواق_دخيلك ربي غير بينما اوصل منجلطه
3
سديت الباب اتمددت مغمضه عيوني
اشواق_اريد اروح للحمام... اهووو يلا خلي انزل
رجعت فتحت الباب واحسب كم درجه لازم انزل يلا اوصل خفت ورجعت سديته ضليت هيج لحد ما استسلمت ونزلت اركض دخلت للمطبخ كبل
اشواق_لو مكعده فيحاء تجي شيرجعني هسه..
خضيت كلاص وصبيتلي مي من دبه بكوه شلتها متروسه شربت بكلاصين يلا ارتويت
مشيت لازمه اطراف ملابسي قوي گلبي يدك سريع
اشواق_وين الحمام
لكيت باب مردود ويمه نعال ابيض
اشواق_نفس العدنه مال حمام
14
فتحت الباب ماده ايدي اشغل بدكم لحد ماشتغلت دكمه المطلوبه انتبهت هاي غرفه
اشواق_مو حمام لعد وين الــ ...
قبل لاأكمل كلامي انسحبت قوي مندفعه على الحايط باوعت منرعبه من السلاح الصاير بـ أتجاهي
78
عطت قوي..
اشواق_يمه لحگييلي !!!
يتبع....
