رواية ندبات الملا بابل الفصل الثاني 2 بقلم زينب جعفر
روايـــــة ندبات الملا بابل 🐺
الكاتبة|زينب جعفر 🤎🌿
صلوا على محمد وآل محمد
3
"قراءة ممتعه"
12
⊱━━━━⊰✾⊱━━━━⊰
عطت قوي..
اشواق_يمه لحگييلي !!!
7
نزل سلاح بطيء رافع حاجبه
_ياهيه انتِ ولچ؟؟
8
دفعته قوي مرعوبه
اشواق_لك وخرررر مجرررم
3
فزوا كلهم على صوتي يركضون مشغلين الأضويه
ميسر_شكو؟؟
ظهير_شبيج بويه؟
3
باوعت من درج لكيت بيبيتي واكفه وامي وراها ركضت على بيبي شابگتها حيل أشر علي
اشواق_راد يموتني يريد يكتلني هذاا بيبي هذا
غرام_ههههههههه
34
ظهير_لك نگس هيج تزوعها للبنيه؟
3
_منو ذول؟
1
راد يحجي وسكتوا كلهم على صوته
خلدان_شصاير هنا !
ميسر_ماكو شي يابه بس بنت اخوي خافت من أرقب..... سكت شوي وحجه حاصر ضحكته... عبالها يريد يكتلها
30
ضحكوا وظهير اجاني يطمن عليه باوعت الواكف
اشواق_ههوه صدك راد يكتلني
أرقب_شعندج تفترين بليل؟
106
خزرته هوه رداها الي مثبت عيونه عليه
ظهير_يلا ماصار شي
خلدان_ناموا باجر عدنه روحه البستان ابوبشير
جاوبوا كلهم.. صار يابه.
اشواق_ذول معقوله كلهم ابوهم... انتبهتله باقي يباوعلي بنضرات مافهمتهن كراهيه استغراب؟.. اول مره ماعرف شنو تفسير حركات الگبالي
همست بصوت ناصي
اشواق_هتل
20
باوعتلي بيبي تخوزرني عرفتها سمعتني انتبهت اني شابگتها وخرت واجه واحد من الولد بيده كلاص فارغ ويفرك بعيونه
ثامر_شتسون كاعدين
28
جراه ولد الأشكر مرجعه للغرفه واسمعه يكله
هيثم_غير أرقب خبلها للبنيه تدري شسوه...
32
عفتهم وصعدت فوك نايمه
منوه_بعدج خايفه حبيبتي
هزيت راسي لا بدون ماباوعلها مغطيه وجهي كله بلبطانيه بقيت اكل بروحي بلفشله لحد ماغفيت كعدت صبح على صوت بيبيتي وهوستهم
اشواق_صباح الخير
عذيه_صياح الخير يا صباح
14
مافهمت ليش ضايجه كمت مغسله ولبست دشداشه سمائيه وشال نزلت لكيتهم يتريكون كلهم كاعدين صبحت عليهم كلهم اندارولي
اشواق_شبيه خفت
غرام_يابه هاي اشواق وره الجبيره فيحاء كبل شوي كتلك عليها
3
باوعت للحجي جان زين وزنه بس اله خدود وابيض كلش الدرجه خدوده حمر وعيونه بيهن لون عسلي لابس شماغ ولافه اله لحيه خفيفه مشيب
28
ابتسم مخلص اكل البحلكه وكال..
خلدان_صلوات على محمدد دفرين القمر وتكعدين بداله مو هيج بابا
ظهير_اي ماشاءالله
36
بقيت واكفه بمكاني وفرحانه بلمدح
ميسر_اشواق عمي جيبي من الغرفه خاولي مالتي تلكيني مخلي على الكرويته
خلدان_ماتكوم انتَ اثول
ميسر_هااا يابه
خلدان_خلي البنيه تاكل
اشواق_لاهسه اجيبه
رحت بسرعه للغرفه اباوع للقنفه ماعليها شي
اشواق_لعد وين خاوليه
صفنت ادوره هوه دخل للغرفه رجعت اليوره
اشواق_ليش داخل هنا؟
ذب الخاولي من وجه شعره مبلل على كصته لابس فانيله تعلاگه باوعلي مضيك عيونه
ميسر_ها عمي اشواق وين صرتي
12
شمر الخاولي بيدي ذاب نفسه على القنفه
أرقب_كليله أريا اخذه
19
بقيت واكفه حجه ضايج..
أرقب_راح تبقين هيج؟
8
ركضت بسرعه طالعه انطيه الميسر ورحت بره
خلدان_تعاي تريكي جدو
اشواق_اريد اروح للمرجوحه
خلدان_لاشلون لاتزوعين علينه اكلي وروحي
3
ظهير_خليها يابه تحب مراجيح مبين.. روحي ام شامه "
8
طلعت كاعده بلمرجوحه لزمت ناحيه گلبي يدك سريع
اشواق_هسه هم عيشه هاي ياربي منو ذول ناس تصيحلي جدو وناس عمو وناس بويه وذاك الهتلي شنو يحاجيني هيج
129
عكدت حواجبي اقلده
اشواق_راح تبقين هييج...وشعليك انت عسى ما تصنم بمكاني شعليك شعلييك ڪَبررررر
هيثم_ويامن تحجين
45
رفعت عيني لكيته مستغرب ابتسمت بتصنع
اشواق_دا احجي بگلبي
ضحك لاف طرف دشداشته وكعد بلكاع لازم شعره
هيثم_طلع اسمج اشواق
3
اشواق_شراح تستفاد اذا عرفت اسمي؟
2
ضل مبتسم جاي ضوه شمس علي
هيثم_عدلي السانج موحلو هيج تحجين وياي ماعندي شي وياج
19
حسيت اتفشلت درت وجهي ممجاوبته
اشواق_هذا الحباب طلعتله الساني وذاك الهتل سكتني وسفه عليج صبيع
8
نبأ_روحي وياهم
انتبهتله تحاجيني
اشواق_انا؟
نبأ_ايي اتونسي وياهم
اشواق_هههههه لاشعندي عيب
غرام_لاتخافين اني وياهم رايحه
4
اشواق_هوه انتِ ما أعرفج
باوعت النبأ وضحكن اثنينهن
غرام_لچ والله السان انتِ شنوهاااي عزا
نبأ_اني لو ما ثمره اروح
2
ماجاوبتهن مقدمه رجليه ناحيه صدري معدله دشداشتي خليت راسي على طرف المرجوحه
مرةة دقايق وطلعت بيبي بيديها صونده
اشواق_عندهم بستان؟
علگتها بلبوري تباوعلي
عذيه_ياهمه؟
اشواق_همه ذول
عذيه_يامنيله خلدان الفگر
39
هزت ايدها وبقت دردم وتغسل بوجها من صونده نوب ترش رش على زرع تاليها عبرت على الحايط
عذيه_الحمدلله وشكر ادري جم واحد هنا بلبيت يتعجازون مثلا يرشونها رشتين هااا اها
اشواق_بيبي عبرتي على الجيران
6
عذيه_انجبي لج اسكتي عود تقلد هيه.. ها هذا حايطهم؟
1
اشواق_يمكن
ذبت صونده بسرعه سادتها ودخلت
فيحاء_ها شوقه
اشواق_وين رايحه بعبايتج
فيحاء_للبستان
7
اشواق_يابستااان لاتخبلوني
فيحاء_مادري همه يكولون
اشواق_وانتِ شعرفتي منهم حتى هيج تثقين ورايحه نوب مخليه حمره بنيه بيها ملمع
لزمت شفايفها منزله راسها
فيحاء_نبأ خلتلي شويه وهم امج ثاقه بيهم تردين اني ماأثق
3
اشواق_همه منو ذول ساعه يكلولي جدو ساعه عمو ساعه بابا
ماجاوبتني رافعه أچتافها كمت داخله
فيحاء_وين
اشواق_اجي وياكم ماعوفكم وحدكم كلشي يصير لازم احميكم
40
ضحكت باوعتلها من فوك اليجوه
اشواق_ششنو شو تضحكين
2
فيحاء_لاماضحكت
1
اشواق_عبالي..
1
دخلت لكيتهم نصهم مخلصين وجهال هم
اشواق_اني راح اجي
غرام_يااا مو راح نروح
ظهير_ننتضرها بس بسرعه بويه
بعدني اول بايتين درج صعدتهم وهمه طلعوا يلبسون احذيتهم
اشواق_شنو موكالوا ننتضرج
غرام_يلا اشواق
صعدت بسرعه ادور شي البسه لكيت كدامي بدي اسود لبسته فوكاه ثوب طويل بدون اردانات اسود علي خطوط بنفسجي ولبست شال بنفسجي مشجر خليت مسكاره وحددت شفايفي لون بني وحمره خليت
19
اشواق_ناقص كحل.
1
خليت كحل اخذت اخر نضره عليه وطوخت بلكحل شاماتي بيهن صغيره صفح حنجي وبيها فوك شفتي وبيها بطرف خدي
رشيت عطر ونزلت بيدي نعالي ابو الأصبع ابيض يلمع بي خرز على شكل ورود...
3
اشواق_وينهم؟.. بس لاعافوني يمه
اتمشيت ادورهم ومالكيت احد بس طيور الحب يفترن بقفصهن
اشواق_صدك يحجووون ذولي؟؟؟ مخاابيل موكالوا ننتضرج
7
طلعت بره فاتحه الباب وماكو حتى السياره ولا العربانه
اشواق_عود شنو يسموووونها هاي ما اتأخررت اني
1
طبگت الباب قوي كاعده بلمرجوحه حاصرتني البجيه وادردم عليهم لحد ماصدك ماتحملت ونزلت دموعي
اشواق_بلا بيبي تخبث امي شبيها صدك عافتني لوفيحاء شلون انطااهن گلبهن؟
1
ضميت وجهي بين ايديه أشهك دقايق واندك الباب مافتحته متمدده بلمرجوحه صار دك اقوى عطت..
اشواق_ماكوو احد بلبيت روحوااا الله ينطيكم
أرقب_لچ دفتحي الباااااااااب !!
31
كمت على طولي من صرخته هرولت فاتحه الباب صفنت بوجهه اهمس
اشواق_شبيه فتحت الباب... بس لا شافني وحدي واجه يكتلني
رجعت سديته بوجه وحط ايده فاك عيونه على حيلهن
أرقب_انتِ مخبله لو شنو موضوعج فهميني؟
طكيتها بجيه راجعه للمرجوحه
أرقب_لا انتِ خبله صدك
اشواق_لك شترررريد شترررريد مني
1
أرقب_لاتصيحين ولچ زلمه أنتِ شنو
19
اشواق_اجيت تريد تموتني مو
هز ايده فاتح الباب
أرقب_دصعدي امج تنتضرج بلبستان
اشواق_جذاب دا تغريني
أرقب_انجبي لج شايفتني لابسلج نمري
109
باوعتله امسح بدموعي
أرقب_امشي يلا خلكي واصل الساسي
3
كلت بين شهكاتي..
اشواق_ساس شنو
بهتت ملامحه مصدوم مني عافني واسمعه يهمس
أرقب_بلوه والله بلوه..
44
بقيت كاعده مبرطمه فزيت على صوت هورنه
اشواق_گبرررر
1
كمت طالعه ساده الباب باوعتله مطلع ايده من جام لازم راسه وبـ أيده الثانيه يطبطب على الستيرن
اشواق_يارب احميني بجاه كل من عنده جاه.. حصنت نفسي يارب ملائكه كون تحميني منه ياملين الحديد يامن جعل النار بردا وسلاما الابراهيم اجعل شرور هل انسان طيب يا...
11
أرقب_راح اعوفج
ركضت صاعده يمه اسد بلباب ماينسد تنهد
أرقب_بعد شويه حيل... شويه حيل... شووويه حيل
16
بقيت احاول اسده لحد ماطبگته قوي هوه فز عاض اصبعه باوعتله ماسحه دموعي
اشواق_هيج؟
7
ماجاوبني ساق سريع بقيت خايفه كل شوي اخطف نضره بعدين صفنت
اشواق_هاي مو سياره مارسيدس؟.. هذا غني لو شنو شجاي يصير يمه احس انثولت
21
كلت بصوت عالي منرعبه
اشواق_انتوااا منووو !!!
4
وكف سياره داير كل جسمه عليه
أرقب_جم خيط براسج فهميني؟؟
16
اشواق_ها
أرقب_عمي دسكتي كلمه زايده اوديج للمصحه
سكتت مخليه راسي على الجام ابجي باوعت لكيت كبالي كلينس اخذت امسح دموعي
أرقب_بلا اني مباوع الأجرع ومتحمل بدوامي الهناك شلون راح يتحملون
7
اشواق_شداتحجي شبيك انت وياي
أرقب_باوعي الوجهج ست خريعه
7
اشواق_خريعه شنو شداتصيحولي حرام عليكم والله حرام... بجيت بزايد مختفي صوت شهكاتي بس فاتحه حلكي ودموعي تنزل
4
هز ايده باقي يخوزر شويه وحك حاجبه باوعتله واني فاتحه حلكي اشهك ماتحمل وضحك
أرقب_استغفرالله ياربي
27
عطت قوي مهتزه أچتافي وكف السياره على جهه
أرقب_شبيج بس كليلي
اشواق_نزلني
أرقب_شكد عمرج شو شطولج وسوالفج مال جهال
3
اشواق_نزللني
لزمني من طرف ملابسي شهكت اقوى اريد اوخره
أرقب_منااا بطرفف لازمج اثبتي
مسح وجهي بلكلينس شوي وتفل بلكلينسه راد يرجعها على وجهي يمسح وخرت دافعته
أرقب_ههههههههه... لچ دباعي وجهج
50
خلى المرايه بـ أتجاهي شفت وجهي كله كحل اخذت كلينس امسح قوي حاصره دموعي
أرقب_هاج مي
1
صحت...
اشواق_وخرررر مني
عاط بيه اقوى مختفيه ضحكته
أرقب_عيب لچ تصيحين !
سكتت امسح ههوه كمل طريقه لحد ماوصلنه نزلت اركض داخله بين زرع
اشواق_ماااماا... ماااامااا
13
باوعت ولكيتهم على جهه كلهم كاعدين وحاطيين جدرين دولمه گالبيهن وياكلون شافوني واخترعوا كلهم
غرام_اسم الله الزهره
7
ظهير_هاي شبي وجهج
خلدان_جدو شجاج
2
بيبيتي بقت فاكه عيونها لازمه گلبها
ثامر_بس لاراح تنجلط
34
بقيت اباوعلهم متفشله لازمه طرف هدومي قوي وگلبي يدك سريع اتمنيت اختفي بهل لحظه ماتحملت كعدت بلكاع ضامه وجهي بين ايدي ابجي
منوه_تعاي ماما
9
جرتني وأرقب اجه مخلي ايده بجيوب بنطرونه
ميسر_شبيك وياها
أرقب_لكيتها تبجي عبالها عفناها
خلدان_تعال اكعد يمي جدو
نبأ_حكوم اشوفها خطيه
دخلت بيت صغير بقيت اعضعض بشفايفي وامي تهدي بيه
منوه_سوالج شي؟
اشواق_ماما منو ذولي
منوه_بيت جدج گلبي
7
اشواق_ها؟؟؟
منوه_هسه اخليهم يجيبولج ملابس ادخلي اسبحي
اشواق_ماما ماريدهم والله انحرجت كدامهم خلينا نعوفهم
منوه_هههههه عادي بنتي ماصار شي
اشواق_ماما ماريد ابقى يمهم حبابه
نبأ_ليش ولج ماتردينه
باوعتلها بسرعه تضحك اجت وياها بنيه ماعرفها
نسرين_اشواق ليش متحبينه ها
اشواق_منو انتِ
ضحكت كاعده يمي نزلت راسي ماريدهن يشوفني ولو كلهم شافوني بعد
منوه_نبؤؤه عمري انطيها من ملابسج خلي تسبح
اشواق_ماريد اسبح
نسرين ضحكت باوعتلها خازرتها
اشواق_اكو شي يضحك سينماا كبالج؟
منوه_عيب ماما
نبأ_ماشاء الله عليها اطول مني راح اخذ من غرام تقريبا هيه وياها نفس طول
منوه_فدوه الگلبج تعبتج
نبأ_لاشلون عيوني الكم... راحت مطلعه ملابس ونسرين فاتت بلحمام شوي وطلعت
نسرين_حضرتلج مي بطشت خاف ماتعرفيله
اشواق_اعرررفله شبيه ماعرفله شكلولج عليه
15
منوه_ااشواق عيب اعتذري من خالتج يلا
5
استغفرت لازمه راسي حسيت راح اطك من عصبيه
اشواق _اسفه
اخذت ملابس ودخلت باوعت لكيت موبوري سطوله كلش كبار مخليهن وبيهن حدايد
اشواق_اي همزين سوته صدك ماعرف ذني
5
سبحت زين ولبست دشداشه غرام فصالها جان حيل حلو احمر وبيها نقاط صغار سود من ناحيه صدر عليها كتابه انكليزيه وبيها حزام اسود على شكل فلونكه واردانات من تول اسود لفيت خاولي عليه وطلعت
جانوا كاعدين يشربون جاي ويسولفون كلهم حجولي... نعيما
اشواق_نعم الله عليكم
أعياد_غرام هاي مونفس دشداشتج
15
ابتسمت حاجيه بيني وبين روحي
اشواق_خوش فشله ثانيه اشواق وين اطم روحي بعد شبيهم ذول كلساع بوجهي قبل شوي عفتهم بره ياكلون
1
غرام_اي ماجايبه ملابس وياها عادي اصلا طالعه تخبل عليها
بقت تباوعلي مبتسمه مارديت الابتسامه الها كعدت على جهه متچيه على الحايط صافنه اطكطك بـ أصابع ايدي شوي واجت اختي بيدها ماعون صابتلي من دولمه بقيت اكل ضايجه
1
فيحاء_شجاج اشواق
اشواق_مادري ماريد ابقى هنا
1
فيحاء_ليش كلهم حبابين هنا
اشواق_مايحبوني
فيحاء_منو كال؟
اشواق_ماحب احد يضحك عليه ماباوعتيلهم؟
فيحاء_هههههه همه هيج بلعكس حسيتهم حابينج كلش
1
اشواق_هاي چنها ديج شسمها
7
فيحاء_اشواق احترمي
اشواق_شسمها
فيحاء_أعياد
اشواق_مسمومه شعليها لابسه دشداشتها لو ملابستها هيه شكو
فيحاء_شبهت عادي اشواق
اشواق_خلي نروح الخال ماما احسن حباب هوه
فيحاء_اسكتي ابوج عباله احنه هناك وذا صدك رحنه يرجعنه
اشواق_اي نرجع
فيحاء_شنو ماعندج كرامه
5
اشواق_بيت بيبيتنه موقصه كرامه
فيحاء_كلش بيت بيبيتج ماتشوفين صفت ويانه بشوارع خطيه
اشواق_لعد نعوف البيت النديمه؟؟ جان لازم امج تكعد وغصبا ماعليهم اخخ لو عشيرر اكبرنه جان سكتهم بس حرامات طلع اصغرنه وراح التحق بقينه بدون زلمه
1
فيحاء_لو يسمعج فاقد يبجي
1
ضحكت ادوره
اشواق_وينه هوه
فيحاء_ واحد من الولد اخذه يلعبه يمكن اسمه عبد مادريي شنو
ها... درت وجهي لكيت أرقب كاعد وحده من بنات تباوعله مبتسمه شويه وكامت كعدت يمه هوه اتنهد وكام طالع من البيت
2
اشواق_ههههههه هاي بس لا من معجبين ايع گبرر هذا هم اله معجبين عود
10
هزيت ايدي اكلت شويه ولبست شال وطلعت اباوع للزرع
اشواق_هذا بستان ابو بشير.. هذا منو نوب... دباع الثقه اروح واجي واني مادري بكلشي
بقيت اتمشى شفت صونده ثخينه مدحوسه بين تربه وزرع يسري منها مي اخذت شوي غاسله ايدي مبتسمه
اشواق_الهوى هنا يرد الروح والريه
اجت عيني على شجره بيها لالنكي بلعت ريكي
اشواق_عادي اذا صرت حراميه؟
7
علگت بـ أطرافها صاعده مديت ايدي اخذ لالنكيه اجت طيره واكفه على الغصن
اشواق_ها ياحلوه انطيني بوسه
19
عاط...
أرقب_وخررري هيچ
1
انخرعت منداره شفته لازم بيده بندقيه موجهه علي صرخت بعلو صوتي وهوه رمى
انرخت ايدي طايحه بلكاع على راسي
وطايحه الطيره على صدري... اخر شي شفته هوه واكف فوك راسي بندقيته
29
أرقب_اجاج شي؟
واتضلمت عيني...
كعدت على مي دخل خشمي شهكت كايمه
عذيه_الحمدلله كامت
اباوعلهم كلهم كاعدين بوجهي صرخت وثامر يصرخ وياي
خلدان_اسكتوواااا شبيكم انچلبتوا
65
عذيه_طرشتوا اذني ولد الطرشه
22
أعياد_اناا طرشه !
18
شبگتني امي تمسح على راسي وخرت ايدها متأذيه ودايخه
عذيه_خايب أرقيييب راح تموتلي البت خلدان حاجي حفيدك يهد حفيدتي
2
خلدان_والله حفيدي كايللها وخري هيه ماسامعه
باوعتله الحجي خلدان هوه باوعلي واتنهد جارني شابگني
خلدان_يلا يروحلج فدوه
3
أرقب_ها جدي سالمين؟
9
بقيت فاكه عيني مصدومه ماتوقعت يشبگني بقى يمسح على راسي واني اتاذه احس جعموره صارت براسي ودا يطخوها
4
عبدالمطلب_ليله نبات هنا مو
2
عادل_اذا اي اني الي الكرويته
ميسر_انجب لك شوكت عايفلكم كرويته اني شو حتى بغرفتي عايف فراشي ونايم عليها
كل احد يحجي صفح اجت عيني على فاقد يباوعلي وخرت من حجي خلدان كاعده يم اخويه
فاقد_بيج اواه؟
14
اشواق_اي بس صرت زينه
ابتسم شاورت بيبيتي
عذيه_شنو؟
اشواق_شهرتيني بيبي
عذيه_احجي عادي مواحجيلج ماحب مشاورات اني حراام
اشواق_لالنكيه وينها ماشلعتها اني من طحت؟
حجت بصوت عالي كدامهم
عذيه_يالالنكيه شبيج شتحجين
33
اشواق_هيج بيبي هيج
4
كاموا زلم طالعين بقينه نسوان وحدنه
فيحاء_شو عافونه
غرام_ههههههه لعد يبقون ويانه شسالفه
فيحاء_منو يحرسنه
1
غرام_همه حينامون بزرع
اشواق_صدك عود؟
نسرين_تشاقه وياجن اكو بيت مثله لخ هم حينامون نصهم
اشواق_ونص ثاني
أعياد_شلون يعنيي ماااناام؟؟
10
فيحاء أشرتلي اسكت تنهدت وفرشولنه تمددت يم فيحاء انام واسمع همس
غرام_شتنامن كومن
استغربنه وهيه أشرت نجيب مخداتنه
فيحاء_وين نروح؟
غرام_معليجن هسه تعالن
3
كمنه وراها وامي وبيبيتي وأعياد ومره وياهن ماعرف اسمها بقن نايمات رحنه اني ونسوان طلعنه وسدوا الباب على كيف
جريت فيحاء اشاورها
اشواق_خلي نرجع وين ماخذاتنه ذني نصهن ماعرفهن
فيحاء_تخافين؟
اشواق_فيحاء نسيتي ترا انتِ التخافين مو انا
فيحاء_ياا شو انجبي اختج جبيره انا باتمانج
7
ضحكت وهنه دخلنه بخيمه جبيره من قماش عبالك ومخططه كعدن كلهن بقيت اباوع ونسرين جرتني مكعدتني
نبأ_شغلي لاله غرام
اشواق_اريد اروح
غرام_والله موتينه دسكتي
اشواق_هاي شبيجن ماعرفجن جايبينه كوه
5
فيحاء_اشواق شنو سالفه
نسرين_عمي هسه ننطيج جريده حياتنه صباح احجيلها
وحده منهم زحفت بعيد منه نازعه شالها
صباح_باوعي حبيبتي هاي نبأ زوجه ظهير وهاي غرام اختهم واني صبوحه زوجه...
17
اشواق_ابو طشت
14
صباح_شنو
نبأ_هههههه عود على ميسر
ضحكن كلهن..
صباح_لاولچ اني زوجي اسمه زاهر هم اخوهم ميسر زوج أعياد ابنهم أرقب الضابط
56
گلبت عيوني وهيه كملت
صباح_هاي رند اخت غرام هم وهاي اخر شي حوريه زوجه ذاك الأشكر
11
اشواق_هيثم؟
صباح_لج دسكتي اهواي تخوطين بلكلام هيثم ابنها يحضي رجلها الحوريه رشيد
11
اشواق_دخت
26
صباح_حقج بس ركزي..همه عندهم خمس ولد واثنين بنات ظهير زوجته ياهيه
1
فيحاء_نبأ
نسرين_فزتي وياه مكناسه عفيه
11
اشواق_ونسرين منو
صباح_هاي زايده معليج بيها
6
نسرين_انجبي لج
صباح_بت عمهن الغرام ورند
اشواق_شعجب عايشه وياكم
سكتوا كلهم ونسرين تباوعلهم حسيتها ضاجت
اشواق_مومهم اعرفكم هسه عادي بعدين
صباح_لاتضلين ماعرفكم وماعرفكم خمس ولد ظهير مرته نبأ ميسر مرته أعياد وزاهر اني مرته ورشيد حوريه مرته
12
اشواق_وجهالكم
صباح_ولج ذول تعبت نوب جهالنه واحفادنه دكعدي
فيحاء_صبر الحجيتيهم اربعه موخمسه
1
حوريه_احنه بيت جدكم گلبي من ابوكم
4
بهتت ملامحي فاهمه وهمست
اشواق_الخامس رجل منوه .
نسرين_اي ابوج حنون
غرام_ابويه دائما يحجيلنه علي يكول مومثلنه
فيحاء_شنو يعني؟
غرام_ماشاءالله يكول حالته زينه الماديه وعندكم بيت جبير حيل
7
اشواق_شنو الفايده فلوسه اذا ما اله حنيه علينه
حسيت بـفيحاء كرصتني خفيف باوعتلها تأشرلي اسكت كعدنه كلنا سطر واحد مدوحسين وغرام كبالنه باوعت الرند جانت مبينه ملامحها هادئه عيونها لوزيه وبس تبتسم عكس غرام حركه
غرام_يلا... كان يامكان في قديم الزمان
اشواق_شنوهاي قصه؟
غرام_لعد مسرحيه غير قصه
4
اشواق_حجي خلدان جدي؟ زوج بيبي عذيه!!!
9
غرام_باع هاي وين دخلتنه
فيحاء_اششش اسكتي اشواق بعدين ننصدم عود
2
اشواق_ليش ستوني اعرفكم وانتوا اهواي؟؟ وين جنتوا
غرام_شوشه كافي ولج اني عمتج وأمرج تسكتين ترا اكول للخدم يقطعووون راسج
12
صباح_غير تكعد حمورابي
8
ضحكن ورند مدت راسها
رند_امي عذيه وابوي خلدان مطلكين من زمان فا ناس مبتعده عن ناس
24
اشواق_هاااااا...؟؟؟؟
صباح زحفت يمي خلت ايدها على حلكي مسكتتني
صباح_ولج دسسسسكتي عفيه لساااااان يابويه الله يساعده الياخذج مايتحملج الا اذا هوه السان نفسج
30
اريد اتحرك ماكو دحستني بحضنها مكممه على حلكي قوي وتأشر الغرام تحجي
غرام_جان اكو حجيه عايشه وحدها بيت وبيوم بليل اندك الباب عليها
صفنت اسأل بيني وبين روحي... هل حجيه ليش وحدها... بس ماكدرت اكولها... ادري دوخري خنكتيني.. هسه شكد عيب عصبت عليهن ونصهن عماتي ونص زوجات عمامي
4
صباح_هديتي
هزيت راسي وهيه وخرت ايدها عدلت كعدتي وغرام كملت قصتها الرعب ... المفروض"
غرام_وتفتح الحجيه الباب ماتلكى احد وتنعاد هل سالفه كل يوم لحد مابيوم طفت الكهرباء عليها
اشواق_الرعب انطفت الكهرباء؟
2
نسرين_اش
غرام_وتسمع احد يمشي متقرب عليها شوي شوي شوي شوي.... وعاااااطت هل مره
1
فزينه كلنا ويه عيطتها
اشواق_ههي تعيط لو انتِ
17
غرام_عمتج اني احترمي
سكتت وفيحاء أشرتلي اجي يمها خايفه ضحكت واجيتها شبگت ايدي قوي
1
غرام_وترجع الكهرباء
اشواق_هذا ابو الكهرباء يلعب عليها
24
نسرين_اششش
1
صباح_راح ارجع اسكتج ولج
اشرتلها سكتت عود..
غرام_وبيوم قبل مايأذن الفجر الحجيه جانت دا تقره قرأن وتجي عينها على شباك بضلام تشوفه بجسم مره والوجه متمثل بوجه طلي
18
كلهن خافن باوعتلهن اضحك
غرام_جان واكف وره شباك بضلمه يباوعلها بكراهيه ينتضرهاا تخلص من قراءه القرأن بس المره بقت لازمته قوي وترجف من الخوف نزلت عينها بكوه وتقره وتقرره لحد ما أذن كملت صلاه ورفعه راسها وشافته اختفت
حوريه_و... وش.. وشنو صارر عافت البيت مو
رند_حجت الاحد يبات يمها؟
صباح_لاا طلعلها مووتهاا مو
فيحاء_لامبينه متدينه جني مايأثر عليهم ماطوله جان يباوعلها بكراهيه يعني ضايج لان مايكدر يسوي شي متقيد
غرام_فيحاء گلبي كلتي نهايه وزايد
4
فيحاء_ييعني بقت هيج هوه يباوعلها من شباك؟
اشواق_ادري يريد يرقمها شنو
34
غرام_قصه حقيقيه
كلهن بدن يتناقشن ومهبوطات وجهن مصفر عفتهن وطلعت من الخيمه
فيحاء_وييين؟
اشواق_انام كملوا قصصكم
1
غرام_قصه هم ارعب اسمعيها رند تحجيها
اشواق_نعسانه والله
1
غرام_تندلين
ماجاوبت ماشيه هنه سدن الخيمه همست
اشواق_جني بوجه طلي شنو هل خرافات
4
رفعت راسي للسمه وشفت النجوم ابتسمتلهن ملوحه بـأيدي
اشواق_شلونجن.. ناسيه احسبجن هل ايام
7
بقيت احسب ورجعت منتبه الطريقي باوعت ضلمة كلش وكفت بالعه ريكي
اشواق_وين البيت... لاياربي
ركضت ارجعلهن وماعندي اي ضوة ماشوف شي غير ضوه الگمر المضوي بشكل خافت
اشواق_حضييييي گبرررر
بقيت واكفه والخوف ياگل بگلبي شويه واحس اوكع هنا مرةة فوك العشر دقايق واني بمكاني سمعت صوت طكطكه بين زرع
صرخت ارجع اليوره اتنفس سريع وكلام غرام رجع يتردد بالي
اشواق_يووووم لحگيلي يوووم... بجيت اكرط بـ اظافيري
وماجذبت عيوني من صدك شفته من بعيد على هيئه انسان قزم وشعره مكوش يضحك بطريقه مقززه
الساني ثگل اطراف جسمي بردت وكعت بلكاع متخربطه ماحسيت الا على طبطبه بخدي
24
أرقب_فتحي عيونج بابا .
39
باوعت مغوش حيل مابيه حلكي ناشف عدلني مخليني على صدره ههوه متچي على شجره
أرقب_اشواق اتسمعيني؟
30
اشواق_اريد مي
أرقب_هسه اجيبلج بس اكعدي ماكدر اشيلج يشوفونه
شالي طايح على ركبتي عدله شلون ماجان يمسح على خدي الحار
أرقب_استغفرالله
4
شالني وكام..
أرقب_اريد افهم شطلعج بنصاص ليالي شبيج حركه هيج
همست بكوه موبوعي..
اشواق_جني
أرقب_اي جني انتِ خوش تدرين بنفسج والله عمي نعمه
4
فتح باب البيت صغير برجله دافعه ودخل على كيفه خلاني على جهه وعينه على نايمين لايفزون
راح جابلي مي شربني وطاح نصه على ركبتي
فزيت من بروده المي بشالي مسحه سريع ويستغفر رفعت عيني مستوعبه ولكيته بوجهي عاكد حواجبه
همس..
أرقب_اشربي يلا بابا
8
وخرت خايفه لابسه شالي متذكره
أرقب_لو ما حالتج كلش ماجيبج ومثل أخيتي انتِ .
65
نطقت بكوه وحلكي يرجف..
اشواق_روح عوفني
لزم حنجي رافعه مشربني المي بقيت اباوعله منرعبه طلع من جيبه چفيه رصاصيه مخططه ماسح دموعي
أرقب_ماكو شي نامي من هل لحظه حتى الجن أحرسچ منه !
128
ماجاوبته بس جسمي كله يرعش خوف جاب واحد من الفراشات يمي فارشه وشامر مخده
أرقب_نامي .
1
بدون ماحجي كلمه تمددت هوه جاب بطانيه مغطيني
أرقب_راح اطلع وذبي حجابج وشفتي أنسي صدكي مايكدر يمسچ
22
ماحجيت شابگه چفيته على صدري قوي نزل عينه وطيف ابتسامه صارت على شفايفه
44
عافني وطلع ساد الباب غمضت عيوني بسرعه عركانه ضليت الوب من الخوف لحد ماغفيت بشالي .. "
كعدت على حركتهم كمت ولكيتهم يتريكون لزمت راسي بسرعه وانتبهت لابسه الحجاب اتنهدت
خلدان_ها كعدتي جدو
1
ردت اجاوبه واحس الساني ثگيل بس بقيت اباوع اجتني فيحاء وبنات
نسرين_ليش نمتي هنانه شبيج شصار
فيحاء_وجهج اصفر ليش هيج عبالك مخلوسه
ردت احجي وماكدرت بقيت صافنه لازمه زردومي
غرام_بگتي دشداشتي وفراشي هههههه
فيحاء_اشواق خيتي بيج شي؟
طكيتها بجيه بدون صوت بس دموعي ينزلن وهنه ضلن محتارات بيه وبس يردن احجي شبيه واني ابجي لان ما دا اكدر احجي صاحن امي وبيبي وجدو وحتى عمامي گابلوني كلهم وخلوني بنصهم واني بس ابجي
1
خلدان_شبيج ماتحجين؟
ثامر_شو بلا كولي اااااا
38
باوعت السوالف ثامر بجيت زايد غامته
اجت بيبي رافعه راسي تباوع بعيوني
عذيه_ولج مو وكت شقاج
1
خلدان_ست عذيه شدراج تشاقه باعي وجها اصفررر
1
عذيه_والله يا استاذ حفيدتي واعرف بسوالفها
خلدان_شتدرين انت ِ حرام عليج
عذيه_حراميش شمسويه ابو تفگه
39
فك عيونه كايم..
خلدان_ااني ابو تفگه ولچ عذذيه
1
راحتله تريد تهد علي وهوه كاملها نازع نعاله بقيت مصدومه انفتح الباب ودخل أرقب
_شنوهاي شبيكم؟
24
خلدان_عذيه كسرري شيطاان وخري مني تراا ها
2
عذيه_هوه شنو الهااا ببسي هوه واكسره
10
نسرين_زاهرر اجتني حموضه بمعدتي من شقاهم
13
زاهر_عيب اهلي شبيج
ظهير_نبأ باوعي الأشواق شوفيها شبيها
نبأ_ادري دكتور انا
ظهير_دباوعي
أعياد_تتنعوص شبيكم
8
خزرتها وأرقب اجاني
_احجي؟
اشرتله ماكدر حك حاجبه مضيك عيونه
أرقب_مبلوع السانها
7
عذيه_ياا خايب ياهوه بالعه
21
وجهه عيونه على نسوان..
خلدان_البارحه طلعتن انتن؟
1
صارن يتختلن وينكرن هز ايده
خلدان_دباوع هسه هاي هم سالفه
أرقب_البارحه عطشت وطلعت بره لكت حيوان كبالها وخافت فا يمكن من صدمه ما داتكدر تحجي
2
أعياد_مو اكو مي هنا شكوطالعه؟
4
ميسر_أبني شمدريك انتَ
1
مشط شواربه بيده بدون مايباوعلهم كال..
أرقب_غير احرسكم يا يابه ولكيتها
6
شبگت امي لكيتها ضايجه عليه
منوه_جان كعدتيني بنوتي ها
خلدان_سهله سهله تداوه منوه تداوه
ظهير_اي بابا ثامر حميد روحوا اثنينكم شوفوا البعير و إنطوا خبر الابو بشير
2
جاوبوا بصوت واحد... صار يابه.. وراحوا
باقيين حضروا نفسهم نرجع للبيت اني بقيت كاعده
خلدان_لاتبقين هيج كاعده.. روحي طلعي بره خلي تجي عليج الشمس
هزيت راسي وطلعت اباوع للزرع متذكره حسيت جسمي قشعر مرة دقايق اجه مخلي كرسي
هيثم_اكعدي
34
ابتسمتله منزله راسي وكعدت هوه كعد بلكاع لابس دشداشه سوده
اشواق_ماشاء الله حيل حلو... شبيه انا
1
هيثم_موتبقين خايفه تره يرجع صوتج
ثبتت عيوني علي الثواني اهز براسي هوه اجت عينه على شاماتي
هيثم_جم شامه الج
أشرت بـ ايدي.. اهوايه..
هيثم_ههههههه ليش عبالك ضايجه شنو ماتحبيهن؟
هزيت بـ اي عكد حواجبه مبتسم ابتسامه جانبيه
هيثم_غير يصفنن .
106
بهتت ملامحي هوه انتبه وكام متحمحم داخل جوه ضحكني كلش درت وجهي ولكيت أرقب متچي على الشجره بيده گصب وسجين يكص بي
طابك حواجبه عصبي...
اشواق_شبي هذا بس مطنكر
17
كمت رايحه للشجره مال لالنكي
اشواق_بقت بنفسي.. فوك ضيمي هسه.. ديلا شبقى بيه شو انخلست وماحجي واتگرمت وهذاك جلطني كل شوي صدمه ماخذتلي
رجعت متعلگه ب أغصان الشجره صاعده
أرقب_موتستحرمين انتِ؟
وخرت بسرعه نازله اباوع خايفه لا شايل البندقيه هم لكيته رافع سجين درت وره بس اباوعله بخوف هوه صار كدامي
أرقب_عيب تتمضحكين ويه زلم البارحه اساعدج تكليلي عوفني لو كااعد احد وسامعج شنو حسباله دا اسويلج؟
25
فتحت عيوني من جرأته خزرني متقرب اكثر انضربت بلغصن شابگه الشجره خايفه منه
أرقب_هاا.. من وراج امج تكلي شسويتلهاا راح تخليهم ياخذون نضره عليه
1
أشرتله يوخر..
أرقب_تستحرم بس مني.. أنتِ ما الكم رجال هسه فا حفظي نفسج ولاتحجين وياهم همه هم
11
اتمنيت اكدر احجي بقيت اباوعله بحقد شنو هل سمعه ماخذها عليه وتفكيره مال مخابيل
أرقب_يلا روحي صيري نفس اختج
15
بسرعه مديت ايدي ضاربته راشدي فتح عيونه مصدوم
أعياد_ااشوااااق
25
باوعت وشفت امه عفتهم وركضت داخله جوه يم امي توقعت راح تجي ترزلني اني وامي بس ما اجت رحنه كلنا راجعين للبيت وطريق كله أعياد تخوزر بيه بدها تلزمني وتكتلني
اشواق_دباع حضي امداني..
1
وصلنه نزلنه كلنا وبقيت بغرفه نبأ وعمي ظهير ماطلعت الا لليل صارت بيبي تجرجر بيه انزل
نزلت كاعده يم اختي
عذيه_هسه دعوفي امج واختج شوي كعدي ويه البنات
خلدان_خليها براحتها
عذيه_ححفيدتي
خلدان_وحفيدتي هيه هم
2
عذيه_شتعرف منك البارحه يلا درت انت جدها
خلدان_ليش من وراي هيه ماتعرفني كولي؟
رجعوا واحد يناگر بثاني واني اكلت فاقد يضحك عليهم
منوه_عيب اش ماما
خلدان_ما احجي وياج كافي
عذيه_يااااا شو درووووح اليسمعك اني ميته عليك خايب ياهوه اجه للجنوب حتى بس يخطبني
25
خلدان_اففففف ساعه السوده سووووووووده
عذيه_هسه سوده ابو صفحه الگشره
14
باوع الفاقد يأشر..
خلدان_قصدها الأشكر
5
هزت ايدها تغمغم هوه دار وجه ذاب شماغ من راسه توقعته صدك اشگر على بياضه بس شعره عبالك اسود غامق كلش وبي قليل شيب عكس لحيته
مخلي بشماغه علبه صغيره ملفوفه بخيط ثخين
عذيه_هاي وين مخلي دوه يحضي
7
خلدان_اششششششش شنوهاي ماداتخليني ادكتر براحتي
3
عذيه_اادكتر شنو
حجه حاصر ضحكته..
ثامر_يعالج دكتور عود
2
ضربه على ركبته
خلدان_تقلد ولك
ثامر_لاحشى يابه
حجيت بيني وبين نفسي
اشواق_هوه موحفيده ليش يصيحله يابه
8
خلدان_هذا العلاج
باوعت للعلبه بيها سائل لونه مايل للأصفر
انطانياه مبتسم..
خلدان_اشربي
اشرتله شنو هذا..
خلدان_هسه انتِ شعليج دشربي ياجدو
باوعت الامي كلتلي اشرب اخذته شاربه شويه وكال..
خلدان_خخليتهم يركضون وره البعير مو اثنينهم ثلاثتهم حتى بس يطلعون ****
105
طكن عيوني من صدمه ذبيته كله على الاكل اكح قوي
أعياد_يااااا وووومررض ذبته
10
ثامر_تعبنه يلا جبناه ليش هيج سويتي
1
كلهم ضحكوا باوعت الجدي متخبله بقيت اصيح
اشواق_شهل لعبان نفس صدك تحجون ما ابقى هنا انا ماا ابقى ماما امشينه نروح الابويه اتكفخ ولا اشرب هل سم هذاا
13
عذيه_يااايمه انصرررعت سكتوهااا شنيييهاي خليييدااان شوكت سويتلك شي بي حظ انتَ
7
خلدان_افا عليج دباعي صارت عصفورر بلقفص وحرررته رجعت تغررد شو بلا غرديلنه بعد؟
14
سكتت صافنه الزم بزردومي
اشواق_هههههه رجعلي صوتي رجع والله
ضحك بغرور مكتف ايده
خلدان_لچ جدج ادكتررر بعدج ماتدرين بيه
9
كمت شابگته قوي هوه يمسح على شعري فرحان
عذيه_شكد مگابلتج ولامره شبگتيني ادبسز ركضتله
10
خلدان_حبيبتي حفيدتي يرحولج فدوه السكط الهنا
فيحاء_هاج مي
1
تذكرت اني شنو شربت وركضت للحمام اغسل سمعت صوت ضحكهم مرةة الأشهر وكل يوم اكتشف حنيتهم.. ماعدا أعياد.
21
ماصرنه نكعد بغرفه نبأ وعمي ظهير رغم لحوا نبقى بس امي ماقبلت وبقينه ننام بلهول بينما نشوفلنه حل
وبـ ليله.. من ليالي محرم "
اشواق_عمي ظهير علگ السجه لزمت الجرجف ادور شي اصعد علي حتى اعلگه عطت بضحكه... عمووووو
5
شالني على ضهره مقربني للسجه
ظهير_يلا علگيها
علگتها هوه يمشي بيه حتى اعدلها
اشواق_عمو يمين
ظهير_بعد عمج صار
21
عدلتها ونزلت فاتحتها صارت مغطيه الهول عن الدرج وباقي اماكن البيت حتى ننام براحتنه
عمي راح الغرفته واني فرشت فراشاتنه
وخرت الجرجف لكيته واكف مكتف ايده ويباوع
اشواق_دخيلك ربي
نزل عينه ملامحه صارمه..
أرقب_لعد وين البرده؟
3
اشواق_فاقد وكع العصير عليها فا غسلناها
أرقب_لازم ماتخلين احد يشيلج
50
اشواق_شنو؟
دار جسمه لابس زي دوامه مزين لحيته مبقي شواربه وسابح شعره مشط اليوره بسطاله يلمع وطويل بيده جنطته يخلي بيها غراضه
أرقب_فهمتي شنو كلت ادري
6
اشواق_عود على عمي موو
ماجاوبني اجيت يمه خازرته
اشواق_انتَ شنو سالفتك ويايه فهمني ليش هيج تكرهني؟ شمسويتلك
أرقب_ياهوه كال اكرهج؟
6
اشواق_باع كلامك مثل سم عبالك اتوهم ومافهم نضراتك الي
صار كدامي مايل راسه مضيك عيونه
أرقب_شبيهن نضراتي؟؟
اشواق_تحسسني بدون اخلاق شبيك عمي هوه
أرقب_وتخلينه يشيلج على ضهره !
5
اشواق_دا تفتهم شنو اكول عمي عممي
أرقب_حتى لو الحدود ويه الكل
15
ردت اجاوبه اخذ جنطته وراح للطرمه لازم الباب يريد يطلع لحگته وكلت..
اشواق_موكلهم مثل نواياك !!
19
وكف شويه وبلحظه سريعه جراني من طرف ملابسي قوي مضروبه بلباب مخلي ايده
أرقب_شنو قصدج لچ؟؟
جسمي رعش نزل راسه المستواي..
أرقب_كولي؟
1
اشواق_وخر مني !
ضحك مبينه سنونه مهتزه أچتافه فتح الباب قبل لايطلع همس..
أرقب_تبقين اشرافج عليه وبس
71
طلع مديت راسي للشارع مخليه ايدي على گلبي هوه صعد سيارته وأشرلي بعيونه ادخل جوه
اشواق_بلا اخلاق ومستهتر !
طبگت الباب قوي داخله جوه عركانه لكيت بوجهي امه
أعياد_وين أرقب
1
اشواق_شنو دراني بي خاله صدك جذب
أعياد_لعد وخري من وجهي
9
دفعتني هيه هم كزيت على سنوني متنرفزه وهيه دور علي وكل شوي تكلي ابني وينه وتلطم
أعياد_اخخ راح بدون ما اودعه اكيد ضاج هسه كله من وره ابو كتله بعدين اليف ضهرك
31
فكيت عيني هيه انتبهت وراحت هزيت ايدي شاربه من عصير طرشانه
اشواق_هوه غير راح وسنونه واصله الكصته من ضحك گبرررر.... يخبل هل عصير خوش غرام تعرف تطبخ وتعرف للعصاير
صفنت شويه منتبه..
اشواق_هنه وينهن؟
كمت ادور عليهن لكيتهن متجمعات وره البيت كاعدات بلكاعيه ويسولفن
اشواق_شتسولفن
غرام_بيوم العاشر شنسوي
اشواق_شنسوي
اجيت كاعده وياهن انتبهت النسرين من تسولف تحك مقدمه راسها بهدوء واظافيرها طوال نضيفات
نسرين_اكلهن باگله نوزع
5
اشواق_مومايقبلون
غرام_ياهمه
اشواق_البعثيه؟
6
غرام_ليش انتوا ماتسوون اكل بيوم العاشر
فيحاء_لا ابوي يكول مايقبلون
نسرين_شنو سالفه موالهدرجه
اشواق_لاصدك مره جيرانه علگ رايه واخذوا
4
رند_رايات ملايه هيج مايقبلون بس توزيع عادي هم نسوي مجلس
اشواق_المن مجلس بدون ملايه
كامت وكرصت خدي خفيف
غرام_بعدين تعرفين
مرة الأيام واجه يوم العاشور بهذا اليوم لبسنه الأسود والفجر بدت امي والنسوان يسون هريسه
عذيه_خايبه نسرين اني اضل اسگي زرعات شني خلني اساعدجن
4
نسرين_مماتقصرين والله اكعدي ارتاحي
رحت كعدت يم بيبيتي جاره منها صونده ارشرش طرمه
عذيه_اي همزين تعبت انا
اشواق_رشرشه وتعبتي لوطبخ
عذيه_انلصمي اشواق انلللصمي
ضحكت ساكته اباوع للطيور مبتسمه ونهار بده يطلع
منوه_هاي منگعيها زين خوش
نسرين_اعجبج
كمت لابسه شالي فاتحه الباب
عذيه_خايبه وين
اشواق_اشتري
عذيه_جا هسه فوتي ولچ
اشواق_محسن يكول مفتح المحل الهنا
عذيه_محسن ياهوه
حوريه_نسيتي عمه ابني
2
عذيه_ها مو اهواي وين احفظكم
7
اشواق_اروح؟
عذيه_اكعدي صبييع
طنگرت..
اشواق_حروووح اريد اكل
عذيه_والله اكوملج تعاي
درت وجهي للشارع واجت سيارته شفتها من بدايه الفرع مارسيدس ..
اشواق_اهو بس لاهذا هوه
1
زاد سرعه سياره عرفته هوه سديت الباب بسرعه داخله كلهم استغربوا اندحست يم بيبي وكفختني شويه واندك الباب
نسرين_أرقب اجه فدوه لالله
عيبت اقلد..
اشواق_فدوه لالله عليمن ياهوه الجاي الملك شنو
عذيه_شتحجين انتِ
اشواق_اكول اريد اشتري جوعانه والله
عذيه_هسه نسوي هريسه
اشواق_ياا لعد وين يلا تستوي
اجت أعياد تركض تلبس بشالها فاتحتله الباب ودخل مرتب روحه ونضيف حتى بشرته تلمع
13
اشواق_اليشوفه هوه وسيارته مايكول عايش بهل بيت صدك جذب خاف يضمضم فلوسه منهم هذا.. شو ماعنده حبايه
همه ملتهين يسلمون علي فرحانين واني صافنه بشرته والزم وجهي
اشواق_هاي شنوهاي حبايه هاي لو شامه عندي..
رفع عينه يباوعلي انداريت جسمي كله ناحيه الحايط
اشواق_لوكايمه للمطبخ مو احسن شبي هذا بس لاشافني
سمعت خطوات حذائه
اشواق_اهو
أرقب_متحملج البشر صرتي تحجين ويه الحيطان؟
3
باوعتله مبتسمه همست
اشواق_يقلد عود ابن ست الحسن... اي دا اسولف ويه الحيطان مضوجتك؟
دنك كمت بسرعه ملتويه رجلي
نسرين_اسم الله اسم الله على كيفج
أرقب_شعندج طالعه؟
اشواق_شعليك انتَ
أرقب_انتِ بيتي مو؟
اشواق_لاموبيتك بيت جدو وخر
باوعت الامي لكيتها تباوع ضايجه من سوالفه
منوه_ابني
14
أرقب_عينه
8
منوه_هيه وكحه بس تخاف عوفها اني احاجيها
أرقب_مايصير تطلع هيج وكت وحدها
اشواق_دنيا صبح مو ليل
أرقب _لاصبح ولا ليل ودي واحد من جهال يجيبلج تردينه
عافني وراح داخل جوه بقيت اتنفس سريع محتره ضربت على الحايط قوي
نسرين_شجاج
اشواق_اكرره .... انتبهت كاعده يمهن مغيره الموضوع ... اكره انتضر جوعانه شوكت تستوي الهريسه
4
حوريه_بسم الله ستونه بدينه تردين اسويلج بيضه وطماطه
1
اشواق_افف ياريت
ضحكت وأشرتلي اجي كمت وراها داخله حمستلي طماطيه وطكت عليها بيضتين أعياد باوعت وتطبخ الأبنها
أعياد_المن هاي
رادت حوريه تحجي بس رديت بسرعه رافعه حواجبي
_الأشووااق
أعياد_لعد مطبخين انتِ هيج ماتعرفين بـ أي شي
اشواق_قابل كتلج انتي طبخيها المن ضايجه
5
خلت القوري على صفحه جايتني تهد
أعياد_لج شو السانج طويل تراا اكسر راسج والله
4
أرقب_شكو يمه؟
1
أعياد_هاي المستهتره ماتحترم لاجبير ولاصغير
قبل لايحجي عفتهم كاعده بلهول ساده الجرجف واتمددت يم فاقد فاتحه شال مالتي بدون ماذبه
اشواق_حقيره نوب اسمها عيد هاي شكول عيد فرح گبررر
2
أرقب_اشواق
_شكو انتَ هم
أرقب_احترمي
_شتريد هسه يمك اني شو كلساع جاييني وتضوجون اذا جاوبتكم
_اكلي ويايه
_ماريد بلعااافيه... همست.. سم وزقنبوت
4
_موبكيفج اكلي
_روح ابني الله ينطيك
14
_مجدي گبالج لج شو ماتعرفين تحجين
_رروح
_خرررررب ابووو... استغفرالله راح ادخل
_كتلك روح لاتعصبني
5
_دداخل انا
عدلت حجابي بسرعه هوه طول يلا دخل بيده صينيه كعد كبالي انطاني صمونتين
_تكفيج؟
2
_ابني ماريد اشوفك شبيك ماتفهمني؟
رفع حواجبه
_جؤ
16
بهتت ملامحه متذكره عشير بقيت ساكته وهوه اكل شويه وباوعلي استغفر وسوالي لفه
_يلا اكليها
2
ماجاوبته جر اردان ايدي يلا لزمتها شال صينيه وراح
_بس هاي صينيه اليه لازم لفه الك وباقي الي
عضيت منها..
_ششو فاهيه ماكو ملح
للضهر واجتمعن نسوان بلهول زلم البيت كلهم راحوا نصهم للشغل ونصهم للبستان وجهال يفترون بلبيت فاقد اخذوا وياهم
اشوفهن يفترن ويفرشن والجبيره بلعمر يخلولها كرسي كعدت وياهن وشغلوا بالكاسيت رادود يحجي قصه الأمام الحسين عليه السلام
بقينه كاعدين لحد ماوصل الرادود بحدث المقتل نسوان حطن كلينس على وجهن يبجن اني لاأرادي نزلن دموعي
باوعت النسرين تأشرلي كمت ماسحه دموعي
اشواق_ها
نسرين_هاي الفلوس انطيها الحميد بلباب هوه
هزيت راسي اي وطلعت بلباب شفته واكف يم العربانه بيها عجلات صابغينها
اشواق_حميد..
شافني واجه منزل عينه
اشواق_هاي نسرين كالت انطيهن الك
حميد_الشنو؟
اشواق_مادري هيه كالت
دخلت جوه سألتها
نسرين_لعد عمه موكله شبي هذا كليله خلي ينطيهن العمه زاهر وها غرفتي تندليها اكيد
اشواق_اي
نسرين_ادخلي تلكين على الكرويته علاكه سوده جيبيها
رححت وبلغلط دست على رجل مره سمعتها دردم غلست ورجعت طلعت لكيت سياره أرقب موجوده بلباب
2
اشواق_هاك تكول بس انطيهن العمك
حميد_اكو بعد علاكه وينها
دخلت سألتها... كليله ماكو... رجعت كتله ورجع دزاني اتأكد وهم كلتلي ماكو ورجعت
حميد_شلون ماكو كليلها اتأكدي
1
اشواق_شبيك اخويه موكتلك ماكو والله
تنهد وراح انا عدلت حجابي ودخلت فزيت من لكيته گبالي لاف شماغ على رگبته وبيده جكارته يخزرني وعيونه مثبتهن عليه
7
اندفعت اليوره اطكطك بـأصابع ايدي هوه همس
أرقب_أنتِ گبل مشتغله بسوالف البوگ حتى هيج محد يحس بيج؟
26
انصدمت من جرأته.. ها؟؟؟
أرقب_أدخلي جوه ويه نسوان يلا بنتي .
19
اشواق_موماتقبل اروح اشتري
مديتله ايدي منطيته فلوسي
اشواق_اشتريلي أنتَ
ابتسم وانا عكدت حواجبي
اشواق_اخذ
أرقب_يجرالج
47
اخذهن وراح دخلت شويه واجاني محسن ابن حوريه بيده علاكه جبيره اخذتها ولكيت حلويات وياهن فلوسي..
18
خلصوا وزعنه بهدوء هريسه ضلمت الدنيا جنت واكفه اسوي جرجف وبيبي واختي نايمات
منوه_اشواق
_ها
منوه_حبيتي كعده هنا لو بعدج تردين ترحين
اشرتلها تتقرب وشاورتها
اشواق_بعدني
ضحكت بايسه خدودي
اشواق_امي نسرين صدك بت عم غرام ورند
منوه_ايي ليش
اشواق_عبالي جنه الهم ومره سألت ليش عايشه هنا ماجاوبت حسيتها ضاجت الها قصه
منوه_لچ ياقصه عيب تسألين هل سؤال
اشواق_ليش هسه مو كم مره من طلعت بره سألوني جيران وكتلهم
منوه_مو كل انسان يحب يحجي قصته
اشواق_بس هيه شنو شصايرلها؟
منوه_لادوخين راسج بهل سوالف نامي
باستني واتمددت شابگه فاقد ونامت..
اشواق_حتى انتِ ماتردين تكليلي
طلعت بره بطرمه كاعده على المرجوحه اتمددت اوخر شال من ركبتي جايني نسمات هوى بارده
اشواق_السمه حمره.. ماكو نجوم
1
غمضت عيوني ماخذه نفس عميق افكر ومشتاقه الأخويه
اشواق_رجع البيت ولكانه ماموجودين.. لو بعده.. اتأخر واشتاقيتله
فتحت عيوني نازله دمعتي
اشواق_ابن عذيه هيج گلبه حجر وماسأل علينه
2
سمعت حمحمه عدلت كعدتي بسرعه لابسه شال
أرقب_ليش كاعده
11
ماجاوبته ردت وسحبني
اشواق_ماعندك مستحه كل شوي جاررني
أرقب_ترا من ملابسج
اشواق_واذا تعدي حدود هايه
أرقب_دا تبجين...ليش شكو؟
نزلن دموعي باوعتله منتهي صبري..
اشواق_يا أخي شعليك عوفني بحالي
2
سحبني اقوى مثبتني
اشواق_والله اصرخ
أرقب_احد مضوجج
اشواق_انتَ المضوجني اعتقني كافي
أرقب_اشواق كليلي الصدك منو مضوجج
ما جاوبته جزعانه روحي دنك الطولي
أرقب_كليلي أموته الج
42
اشواق_مشتاقه الاخويه ششنو شراح تسوي
أرقب_عشير
اشواق_اكو غيره مويمنه
أرقب_يجرالج
دفعت ايده ردت ادخل وكال..
أرقب_علمودج اني صاير خيال "
157
مافهمت كلامه دخلت ولكيت صوت طالع من غرفه سمر بت صباح وعمي زاهر مايلت راسي صافنه ورجليه اخذتني الغرفتها اسمع مصدر هل صوت
6
وصلت ولكيتها نايمه ومشغله اغنيه مال حب طفيتها اباوعلها شخصيتها غريبه عبالك بيها توحد دائما بغرفتها وتكص شعرها كلش كلش اشوفها ويه أعياد مرة عمو ميسر وكم مره انتبهتلها تتقرب الأرقب
ردت اطلع واجت عيني على صور معلكتهن صور الأميره ديانا والمشهوره مارلين مونرو ابتسمت ماده ايدي لازمه صور
اشواق_لاحلو ذوقها
ضحكت وانتبهت بين صور اكو صوره بيضه مال دفتر مكتوب عليها بخط احمر مثل ال/دم !
_أريــــــا
31
ضيكت عيوني حاسه سامعه هل أسم بلبيت واثناء افكر تحركت بنومها طلعت بسرعه من غرفتها راجعه الفراشي
اشواق_منو أريا.. كاتبته بقلم.. لو دم ؟!!!
كمزت فازه على صوت باب انطبگ بقيت خايفه شويه وقررت اكوم طلعت للطرمه وانصدمت باب الشارع مفتوح على حيله
اتقربت وعطت قوي واكعه بلكاع
أعياد_شتسوين كاعده هسه
صرت اتنفس سريع لكيتها كبالي عركانه وضامه ايدها اليوره وبدون حجاب !!!
21
اشواق_اعوذ بالله من الشيطان رجيم
خزرتني حيل دافعه الباب برجلها سادته
كالت بصوت غضب وأمر..
أعياد_روحي الفراشج ونامي !
زحفت بكوه اليوره وعيوني الها وصلت باب الهول ومشيت راجعه الفراشي ارجف صبحت الصبح وهدوء ولاعبالك اكو شي صرت انتبه التصرفاتها طبيعيه ويايه مثل كل يوم منفسه وتتجنبني
حسيت اتخبلت رحت للمطبخ لكيت فيحاء تفلس باگله وياها نسرين كعدت بنصهن
نسرين_شنو مسويتلج دگه
اشواق_ها لا ليش
مدت ايدها لازمه خدي
نسرين_عركانه عبالك واحد يركض وراج
ابتسمت بقيت ساكته لحد ماصاحولها وراحت بسرعه اتقربت الاختي اريد احجيلها كلشي
فيحاء_شبيج
اشواق_لازم تدرين شي لان راح اتخبل
فيحاء_شنو
اشواق_أعياد بنصاص ليالي تطلع تفتر بدون حجاب
2
ضحكت وكامت تغسل ايدها
اشواق_ما دا اشاقه
رادت تحجي ودخلت أعياد للمطبخ أشرتلي فيحاء اسكت وعفتهم ماحجيت شي بقيت اتذكر كلام أرقب علمودي
اشواق_معقوله امه تريد تكتلني وهوه دا يحميني؟ بس لاوين كاعدين صدك جذب
10
بقيت انتضر يجي الليل لحد ماصدك كملنا عشى وشلناه بنات غسلن مواعين اني بقيت اللعب ويه ثمره ضلمت دنيا وكلمن راح الغرفته ينام فرشنه بلهول وناموا...
سويت روحي نايمه وصدك غفيت بس فزيت على صوت ركعه الباب كمت بسرعه مهروله للطرمه وهم شفت الباب مفتوح على حيله !!!
1
بقيت اقره المعوذات متقربه وصار صوت صريخ قوي الــمره ! .
188
يتبع...
