رواية عرين الصياد كامله وحصريه بقلم شذرة العدوان

فتحت عيوني واني نايمه عالگاع ومثل كل نوبه (مره) اگعد فاقده الذاكره بعدين ترجعلي ذكرياتي

جسمي يون من الوجع اسنوني تصل عليه وبردانه اطرافي مثلجه الحجره (الغرفه ) ضلمه وضوء خفيف من الشباج

گعدت لميت نفسي دشداشتي مشگگه من يم صدري عگدتها

شلت ايديه الم شعري وجان تجي خصل شعر مگطعه بيدي

اني شگد صارلي اهين. (هنا)گمت التمس وجهي بأيدي احس راسي شكبره ووجهي مثل النمل يمشي بي

وطعم اثمي دم وسنوني تصل عليه تلمستهن تشوف اكو سن واگع ما وگع شي بس اثمي (حلگي) مجروح. وينزف

ردت اگوم وما گدرت رجلي ما تعيني

سحلت نفسي ورتجيت عالحايط

كعورت نفسي ورافعه راسي ادحگ (انظر) عالسگف

واسمع لجتهم (اصواتهم )برا هاذ الي يگول اليوم اذبحها وهاذ الي يگول

وروها (حرگوها) وهيه عايشه

وأخوها الخسيس نعلگه ونخلي عبره

ما درت بال وتمنيت صدگ انجتل وارتاح اني اشفت بحياتي

ابجي بدون دموع وبعدني رافعه راسي

غمضت عيوني وگمت ادعي على اخويه الظلمني ودمر حياتي الأخ مفروض يكون سند اخته وعزوتها وتنومس بي بالعرب ويكون دنگه وترتاج عليه وكت يميل بيها الزمن

بين للحظات عتاب ويه نفسي وصراع بين عقلي وگلبي واگول يمكن حجيهم صدگ وهوه جتله ارجع واگول ما يسويها

اندفر الباب وفاتو عليه انوب يسحلون بيه من شعري واني احاول استر نفسي دشداشتي ظاله بس خيوط عليه

والعرب كلها ملتمه وادحگلي بحقد وكل واحد امنيته ياكلني بسنونه

لزمني اثنينهن يضربن بيه جدام الوادم ويريدني اعترف ملخني تملخ ثارن ثلاث فشگات (طلقات )وصار هدوء

وجان يگول وخرن عنها لا بالحرام اخلي العالم تشيل جثث وما تلحگ وخرووو

كلها سكتت التافيت وشفته هذا تجمدت والدم حدر (نزل ) برجليني

دشداشته كلها دم ولاف راسه بشماغ ورجلينه حافيه وكلها طين

يدحگلي بنظرة اسف من شاف حالتي وعيونه بيها الف سؤال

صاح وخرن عنها هنه خافن وهدني وگحزن (ابتعدن) عني

ختلت وره النسوان الملم نفسي ثوبي مشگگاته

تجاهلت وجع جسمي وحتاريت شلون اتستر

اجتني **لفتني بالعباة ولبستني ملفع (شال)

ــ شنهي (شنو) متستحون متخجلون مستگوين على مره

تخسه شواربكم گام يغلط عليهم ويترشش (يسبهم)

انتو متستحون متخجلون عود تگولون علينه الهمج ومحد همجي بگدكم

جاوبته تگله حدك احنه بينه لا تدخل

جاوبها اني مالي حجي ويه النساوين (النسوان)

اريد الزلم تردني هاي اذا اكو زلم

شايل سلاحه بأيده وأعصابه تفور ويمشي خطوات منهم وهمه يگحزون (يتراجعون) ورا

صافنه عليهم وعلى حالتي وعيوني جف بيها الدمع

واتخيلهم هساعه (هسه) يتذابحون ويا وما تصفه بلاش الكل حاد سنونه علينه زلم بنسوان دحگ عليه هزيتله راسي بمعنى عوفني هاي مو حربك

تجاهل واشر عليها *** تاخذني من هينه

وجان تجرني من ايدي

وگالت امشي جريت ايدي منها وبعصبيه وصوتي مبحوح وتعب گلت ما اروح لمكان هذا بيتي واظل بي ليما يضهر الحق

وبصوت عالي وعصبيته الي هزتنه هز

مو جاي اگلج اخذيهاااا من هييين

تجمدت بمكاني

گالتلي وبنبرة توسل يالله يولي (لج) مزال ** هين خلينه ننهزم

جاوبتها والعبره بيه مو راح يكتلونه

گالت رجال ويدافع لنفسه امشي نولي وخافي عليهم لا تخافين عليه

عوفيني ما اروح اذا نهزمت تثبت عليه التهمه

يخايبه هسع افلتي بالعطره. ( روحج ) والله يبري البريئ ويظلم الظالم

جرتني (سحبتني) من ايدي گوه وگبعتني بالعباة وتاخذني اسحل برجلي

وگفت وجان تگله وين مولين (رايحين) بيها متروح لمكان هاي لازم اليوم تنجتل

وگف ** بيناتنا وبدون ما يحجي ويرمي شاجور فوگ خلاهم محد يندل دربه زلم بنسوان وگال السبع بيكم يمد ايده عليها اني اليوم يا جاتل يا مجتول

وهاي جرتني گوه واخذتني

البيتها فحيت (تعبت) مهدود حيلي جوع وعطش وضرب وصلت الطرمه گعدت وهذا حدي دنگت راسي اثمي يكت دم جفاف بجسمي واثمي متشگگ جابت مي بسطل وغسلت وجهي بيدها الي احسها جنها سجاجين تجرح

المي يلجم حتى گلبي من الوجع خدي وارم وطالع گدام وگصتي معجره مشوهيني تشوه تمضمضت واتفل دم وشربتني مي جرح. بلعومي جن شاربه گزاز انهارت اخر قوه جانت بيه نهد حيلي ومعد احرك من جسمي شي صوتي صار مثل الفحيح گوه تطلع السالفه

گلتلها راح تجيج سالفه بسببي وانتي غريبه هسع يهجمون عليه ابيتج واهلج ما يسكتون اذا احد تعده عليج

جاوبت بستهزاء بس اسكتي كلشي ما يسون ومحد يندگ بيه هوه رجلي ما يگدر يفص جلمه ويايه من انوب هذول ومزال ** موجود الزلمه بيهم يحجي

جابت دشداشه وگالت امشي تبدلي ملابسج وذا بعدج خايفه وما مأمنه بيتي ليش ما اخذج يم اهلي غادي (هناك) ويا ويله الي يجوس شعره منج وانتي تدرين اهلي شنهي من بشر

دنگت راسي مذلوله تاليتي الغربه تفزعلي نزلت دمعه من طرف عيني جنها تيزاب فسرتها دمعة الذل

حاولت انگع اثمي انجرح اللساني

-ها شگلتي هسع اخلي يودينه

اني ادري اذا رحت يمهم الطير الحر ما يصلني بس اااخ نار بگلبي تجويني عليهم

جاوبتها بأسف يولي شجاي تحجين بالي يمه هساعه يكتلونه هاذ (هذا) جابته منيته

-- يخايبه تره هذا ذيب الضلمه رحمه لبوج فكري بس بنفسج هساعه

انفجرن دموعي وگمت اندب (الطم) واملخ بنفسي ثنيت بالگاع واضرب بصدري

اني وين جنت وين وصرت شفكر بنفسي

كضبتها (لزمتها) من كتوفها صوتي مبحوح. گوه احجي انتهيت وضاع حگي وكرامتي اندست بالرجلين

دحگيلي شصار بيه واكشف جسمي اشوفها الضرب دحگي

اثمي ينزف دم حدر على حنجي وگام ينگط راح يكتلوني يولي راح يكتلوني محد يرحمني خواتي وين أمي وين واصرخ بعالي صوتي عليهن ويييين ابويه

گامت تهدي بيه وتبجي بنفس الوقت وتمش (تمسح) الدم بردنها

حضنتني خلت راسي على صدرها وثنينه نصيح ليما نهارت اعصابي وگفتني گوه وسندتني فوتتني عالحجره وجابتلي بطانيه ودثرتني

گضبت ايدها وگتلها بتوسل وجمعت اخر حيل ظال بيه دخيلج شوفي بسلا كتلو گوه طلعت مني السالفه ادري بي سبع بس الكثره تغلب والغدر والفتنه يسري بدمهم روحي بلكت يسمع منج خلي يروح لهله

اهلج ما يرحمون ويورون اخضر ويابس اذا صار شي عليج وعليه

صوتي انتهى قبل لا انتهي اني

هزت راسها بقبول وراحت وسدت الباب عليه

حطيت راسي عالمخده دموعي نار وتحدر على جروح خدي تجويهن وافكر واقنع بروحي هذا حلم واني هسع نايمه وهذا كابوس

ومثل كل نوبه تگعدني اختي للمدرسه

غمضت عيوني وبديت اتذكر

المــــــــاضــــــي *********

الزمن 1980 المكان الرمادي

ديالا ديالا

يالله اگعدي مدرستج كافي مطموره

ديالاااا اگعدي لا اجي ادبج بمصارينج

ديالا :اوف يربي صوتها شگد مزعج محد يگدر ينطمر براحته گمت.گمت بس صوتج مهره خاتون

ليش احد يگدر يصبح نايم بهالبيت

أمل وهاجر ما مقصرات صوتهن من الفجر يلعلع

تدرين انتي اسوء اخت بالدنيا وظيفتج تحرمين الناس نومتهم الحلوه احجي وياهه ومغمضه عيوني اغفي

وتكفخني اااخ راسي يابه الحگني

مهره :وجع انهضي گعدي اخواتج

ديالا :ااه گمت واني اتمايل اغفي نوب ادعم الحايط نوب ادعم الباب

غسلت وجهي ورجعت اگعد ليال

ليال گومي براضتج گبل ما تجينه مهره مسويه روحها امنه وزعم الجبيره عشتو تفيك مهره الخيال

ليال :ااف اصلاً گاعده بس متعاجزه اگوم الفراش دافي

ديالا :-گومي نصلي تره ما ظل وكت حسبي ورانه نگعد البلاوي السوده

ليال :افف حگيت راسي بملل

يالله امشي نتوضا نصلي ركعتين الضحى

ديالا: صلينه وگعدنه ندعي ربي ما نريد منك شي بس تحول أمل وهاجر ارانب

ليال -: لا لا مو ارانب هم يحفرن الگاع ويهدمن البيت علينه اگفي اني ادعي ربي حولهن عگرگ

ديالا -:. لا يولي هم يطلعن صوت رفعت اديني

ربي حولهن شي نستفاد من عنده لو خرسهن تا (حتى) نصبح نايمين مثل البشريه

ليال -:- ربي لو بيض امل وسوها حلوه مثل هاجر تنخلص ربي داعيتك وهزيت ايدي شيبيضها امل مفحمه اي يربي وهم وياك زوج مهره وخلصنه منها

ديالا: اجتنه كفخه على راسنه صدينه (التفتنه )طلعت أمي ورانه وشايله المكناسه اااخ شبيج يمه جاي نصلي

وسم وهاي تسمينها صلاة بين ادين ربجن وتعيبين على خلقه وعباده هذا ربجن مو أبوجن گومن ولن ما ظل وكت انوب يريدن مهره تزوج صگارتجن

ليال :- عجل هاجر مو تعيب على امل تسميها الزرگه شو ما سولفتي رجعت انوب تا تكفخني

ديالا-: لمينه ألمصلايه وطلعنه ركض وأمي توعدلي وشايله المكناسه تغبينه (ختلنه) وره النخله واسمع أمل وهاجر بعدهن نفس الموضوع مال البارحه

هاجر تگللها لوما عمتي صبره تاخذج لعماد محد گلبج

وأمل تردلها اهم شي القاضي راضي ويموت عليه وطگلها اصبع وهاجر تفور وتحير شتذب حجي

ديالا-: هزيت ايدي ينعل بليسجن ولا تملن عبالك صارت عباده عدهن بس هم صحيح أمي صبره مرت ابويه الله يسامحها راحت خطبت أمل لعماد وهيه اكبر منه وسوده

ليال -عبنها بنت اخوها نفگتها وورطت عماد المگرود

وخطبت لأبنها هاجر الحلوه بس السانهه مثل السم

ديالا-- اااخ امنيتي اشوف ضره تحب ضرتها وجناين متصافيات يمكن لو ابويه متزوج وحده جان خوش

ليال : غير بويه راح تزوج. ثنين

الأولى صبره عدها ولد ثنين محمد وحميد وفاتن ومهره

والأخرى امي معاضد عدها ثلاث. بنات ديالا وليال و جوانه وعماد و جاهد

المجموع كلنه تسعه اربعه ولد وخمسه بنات

تسلسلهم

فاتن اكبر وحده متزوجه

محمد طبيب بيطري متزوج هاجر وعدهم ثائر )

حميد نجار وما يفعل يتزوج ما يلام

مهره عدوة النوم الصباحي

عماد حداد متزوج أمل وعدهم بنيه اميره

ديالا صف ثالث متوسط

اني ليال طالبة السادس ابتدائي

جاهد صف ثالث ابتدائي

جوانه صف اول ابتدائي

ديالا:: فتت عالمطبخ لگيت امي تگطع (تكور ) بالعجين تاتخبز

حطيت قوري الجاي عالصوبه

أمي گالت . من زايد الوكت دروحي حطي القوري عالبريمز

ديالا :يمه والله ما اعرف اشعله واخاف

ولمه تلمج شنهو التعرفينه لو بس فالحه تدعين عالعالم وتعيبين

فات حميد شاف امي تريد تخبز وطبگن عنده

وهوه من غير شي يگعد من النوم زعلان ومحمل الوادم منيه

جاوبته أمي بهدوء وتكفي للشر

اي يمه ميخالف الجناين خطيه كلمن ملتهيه بضناهه وشكو بيها لو خبزت

حميد -تخوصر بأيد والأخرى يسولف بيها گال لا والله كلشي بيها انتي وأمي طمعتن الجناين بس عوزجن تغسلن رجليهن عجل بس ماخذيهن مگرط علف وصوج الرابطيهن اوو. ونفس الموال يوميه وما يمل حميد ابد

بس ما ينلام فالحات بالطلايب هاجر مستگويه بعمتها صبره وأمل امي تگللها طنشي وهاي ما تحمل

ويستغلن الوقت من ارجالهن ماكو

ابويه ومحمد وعماد يروحون منالصبح عالگاع يشوفون الفلح العدنه ويشتغلون وياهم وما يرجعون للغده

وطول فترة. غيابهم الطلايب علگانه ومن يرجعون ارجولتهن يصيرن ملائكه ويگعدن جميع ولا جن صاير شي

ومن يرجعون وره الضهر هم ترجع الطلايب

مستحيل يمر يوم.اذا ما يتكافشن

عفت وطلعت تاگعد جاهد وجوانه ينامون يم

امي جاهد جاااهد گوم تابدلك كل الطلاب راحو وانته بعدك وهذا فاقد وفاتح اثمه بسابع نومه وروالته سايله

ما گشطته من الدوشگ الا متت غسلت وجهه وبعده مغمض بدلتله ومشطت شعره

وگعدته بالمشراگه (دفو الشمس )

وهوه فاتح تك عين وفاك.اثمه

بس سد اثمك الذبانه تحومي يمه

جفل وجان يفرگ عينه ويسد اثمه

ليال :اني راح اگعد البلوه الأخرى جوانه گومي من شافتني غمضت زعم نايمه

وما تفعل تخليني اشيل الغطا مجلبه بي گومي لا تشلعين گلبي اني اجر وهاي مجلبه وتبجي ما ماليد. هديني ماليد المدلسه اني بطلت گلت للمعلم بطلني

وجان.ادثر راسها وتصد غاد

دگومي گومي شلتها هيه وبطانيتها وجان تكفخني الريحه انعل بليسج هاي ريحة بول انتي شاخه ماني اگول عش (عليش) متفعلين (متقبلين )تگومين

اوف يربي شهل صگعه لو مخليني افلح بالگاع ولا مسؤلية هذول الشياطين تعاي ديالا شوفي الصگعه (المصيبه)

گامت تبجي عفه للوش هسع يسمعج جاهد ويگوم يعيلني (يعيرني) بالمدلسة ام طبله

وحطت ادينها على عيونها وزعم (علساس) تبجي ودحگلي بين اصابعها جذابه وحياله

تخوصرت اخذت نفس واستغفرت ماگول يالله اسبحج

اخذتها اسبحها جاهد وجوانه متعلقين بينه اني وديالا عبالك احنه امهم

بس اشكالهم ملائكه جاهد ابيض ويشبهني نسخه وجوانه شگره ومتفحه والعيون عسليه ينگرطون واطباعهم شياطين يسون علوم وينقلون اخبار بيتنه للجيران بس احبهم همه ملح البيت والونسه مالته

نشفت جوانه وبدلتلها وجاي امشطلها سويتلها جذايل گرون

گالت لاااا ماليد گلون هسع يعيبولي جوانه ام گلون شخت عليها البزون

ليال- عجل (لعد) شسويلج شون الم هوشتج

جوانه-- ما سوي مثلج جذيله وحده

ليال- بس اني شعري طويل وشعراتج نتفه ما يصيرن

جوانه- ما وخلي عجل ما الوح

ليال- ظلت تنگ الا لميته فوگ گوه جبتهن

ديالا- هاي بعدج صارت ساعه 8 ونص معد نلحگ نتريگ كله منجن أمل وهاجر وحده مجايده (معانده ) بوحده وخلنه بدون خبز

ليال: - ما تجي مهره تسولف وياهن لو گدرتها بس علينه

ديالا -اهوو مهره ما تصدگ يطلع الصبح تاتركب الفرس وتسوي نفسها زلمه وتفلح

ليال :-نسوي لفات جبن وناكل بالطريق مزال امي خبزت

ديالا -اي رحت بساع (بسرعه) بدلت لبست تنوره سوده للركبه وقميص ابيض ورفعت شعري ذيل حصان

ليال :هم لبست قميص ابيض وصدريه للركبه وشعري فريته بجنب وجذلته

واخذنه الجهال ومشينه بساع شلنه جنطهم وهمه ياكلون همزين المدرسه گريبه (قريبه) وقاسمينها بالنص نص للأبتدائيه ونص للمتوسطه وثنينهن مختلطات

ليال راحت لصفها واني الا اوصل البلاوي لصفهم جاهد راح و جوانه جلبت بيه متفعل تفوت

گالت عفه دالا ما اليد المدلسه

تخوصرت وبرطمت ليش بالله ما تريدين المدرسه

جوانه :ما اليد يعيبوني عبن اگول دال (دار) گامت تبجي

استخطيتها بست خدودها گلتلها هذول يغارون منج عبن تسولفين احسن منهم ظلت تبجي اخذتها لصفها

وگلت بصوت عالي

منو بيكم يعيب على جوااانه الجهال انخلسو محد رد ضربت الباب گلتلهم الي اسمع بي معيب على جوانتي الا اربطه بالتيل مفهووووم كلها وبصوت واحد مفهوم ست

اجت ألمعلمه وجان انعم صوتي ست ياريت تنبهين الطلاب ما يعيبون لجوانه بسبب نطقها ما حبيت احجي ويا الطلاب انتظرتج تحجيلج گالت ان شاء الله

گعدت جوانه برحلتها الدمعه لايجه بعينها گصت گلبي

واني اخزر بالطلاب يشوفني ويدنگون

ليال- رحت لصفي لگيت بادي الدرس

السلام عليكم استاذ صائب

دحگلي بزعل وعليكم السلام جم مره نبهتج عالتأخير

اسفه استاذي گعدنه متأ

ما خلاني اكمل گال

روحي اگعدي ورحت گعدت يم كريمه

رحلتي صايره بالوسطه شاورتني كريمه ليش تأخرتي

گلتلها الجهال

صاح استاذ صائب هدووووء

جمدنه مثل الصنم

شون سمعنه.واحنه.نحجي همس

استاذ صائب ابن اخت أمي صبره مرت ابويه

بس يعتبرنه بنات خالته حيل يعزنه

وأخوانه الست رافده هم تجينه بالرياضيات

وكريمه طالبه ويايه وسعد صف ثالث. متوسط

ويه ديالا يعني زين عندي گرايب بمدرستي

ديالا-- فتت عالصف السلام عليكم

أستاذ خلدون وعليكم السلام ست ديالا ليش زحمتي نفسج وجيتي

اسفه استاذ لو تدري شصار بينه امي تمرضت والليل كله نداري بيها ايسنه منها وگعدت

قاطع كلامي كافي كافي يوميه قصه شكل

والله لوما استاذ صائب اعزه فلا اخليج تفوتين

امشي اگعدي

شديت على شفايفي رحت گعدت يم سعد حاصر الضحكه ما يگدر يضحك يخاف مني واني افور اعصاب لبسته واطلع كتبي

وهاذ حاط ايده على حلگه وعاض شفته تمايضحك

ليال- خلص الدرس وطلعنه اني وكريمه تانجيب جاهد وجوانه صفهم مسافه احنه نطلع ما حسيت الا قميصي انجر بقوه وانشگ وضحكت الطلاب عليه

التافيت عليها وبدون تفاهم جبتها براشدي ونتكاون

ديالا -جاي الم كتبي تاطلع وسمعنه صوت كونه كونه (عركه) بالأبتدائيه عفت الكتب واطلع ركض گلبي حسني هاي ليال

يتبع…