رواية نوائب شام الفصل التاسع 9 بقلم الكاتبة ايلول
وتسافر بلَيل الحِزن
چذاب حِلمك
والجفن
وبعده الصراع
ويَ الزَمن هو صعب
وانت مَرن
ليش الحِزن رباك صايرلك أبو
وليش برضاتك صاير لحزَنك ابن ؟
""""""""""
70
هجام :: ملاك .
87
عكدت حاجبي وكلبي دك حيل وهو يبوس باصابعي ويهمس رفع أيده الثانية يلزم بأيدي يسحبها على وجهه يبوس بيها ويحجي بخنك عبالك شخص يحلم
80
- ملاك
211
احس گـــلبي نعصر عصر مديت أيدي الثانية على كتفه اكعده بس لزمته فز بخرعة كعد على حيله فاتح عينه على وسعها ويباوع للغرفة ، باوعلي واني على نفس الكعده خايفة وما فاهمه سند ظهره على الچرباية ولم رجلية الصدرة غطه راسه بأيديه وبقى مدنك ساكت خايفه احجي ما اعرف شنو لازم أتصرف
106
وكفت على حيلي وهو هم وكف وياي راح على الميز يدور باستعجال وايده ترجف يدور يدور يطيح الاغراض منا ومنا بعصبية سحب الجرارة كلها طلعها وشمرها بالگاع بقوة صيحت فازة رفع عينه باوعلي بخزر ويتنفس بصورة مو طبيعية روحي راحت دنك سحب مفاتيح من الگاع وطلع من الغرفة اباوع وراه راح الوحده من الغرف المقفولة دخللها وسد الباب وراه
472
انتظرته ساعات وهو ما طالع من الغرفة الخوف لعب بحالي لعب وسجود بس تتأمر واني من كد ما مرتبكة اشتغل ساكته وكل شوية اصعد اشوفة بلكي يطلع وماكو أيست ، سألت سجود بلكي مخابره عمو ورويده اسأل على غزل تطنش ما ترد .
62
""
غزل :: ونيت بوجع روحي رايحه رجلي نار مشتعله احس بيها مكطوعة " اااخ يمه
117
ايه :: صحت صحت يا الله ، ها غزل
57
- اااخ ااخ يمه ، رويده
15
- هسه راح تجيج رويده ، دفتحي عينج يمعوده اخذتي روحنا
19
- رجلي
32
- شنو هسه هي صحت لو بعدها تهلوس عفيه شوفي الدكتور خلي يجي يشوف شنو وضعها
5
- شبيج ايه شبيج رااح اموووت
17
- اسم الله عليج ، دفتحي عينج بله
- رررجلي ما تتحرك .
21
- اااي لا تحركينها بيها بلاتين .
316
- جاي اموووت من الوجع وخري ايه وخري وين امي
69
بجيت حيل والتفتت للجهه الثانية حيادر واكف عيونه حمر قميصة الابيض مليان دم ،
93
- ليشش عفتني اني وين اندل وعفتني وحدي .
195
ابجي بوجع وحركه مسلوبه روحي مسح وجهه وكوه يحجي مختنك
12
- رجعتلج .
427
كل ما إصحى اكثر يزيد الوجع الحد ما كمت أصرخ ما اكدر اتحمل اكثر راح اموت رجعوا نطوني ابره ونمت ، فزيت على بوسات بأيدي فوگ الكانولا ودموع تنزل على اصابعي بلعت ريك بلاعيمي احسهن يابسات ووجهي حسيت كله مورم عيوني كوه ينفتحن
واسمع همس بصوت مخنوك وبجي
40
رويده :: فتحي عينج وحاجيني تعبتي گـــلبي والله تعبتيني ربيتج بالف اه وحسرة حميتج بروحي ، بنتي ولج انتِ بنتي ما يوم حسبتج اختي غزل يا روحي يمه حاجيني
461
- رويده
8
- يا عيون رويده يا روحها فدووه اروح الصوتج
126
- اااخ رجلي ماكو جسمي كله يوجعني اااخ ساعديني رويده عفيه. راح اموت ، رجلي ماكو رويده رجلي كطعوها ؟
186
-لاا يمه لا اسم الله عليج والله موجوده بس من العملية ما تحسين بيها
7
- والله ماكوو ماكوووو
101
رويده :: مسحت دموعي وكمت افتريت ولمست رجلها المتروسه شياش حديد مثبتينها ومنظرها ياخذ الروح تلمست باطن رجلها باصبعي وتقربت يمها بس ساعدتها ترفع راسها شافت منظر رجلها وشهكت بصريخ تبجي حضنتها الگلبي روحي رايحه ومتمرمره ، كوه سكتت وتون من الوجع ايدها مجرحه ومخيطة وجهه مزلغ وظهرها محكوك بالتبليط متكطعه على وجعها وما بيدي شي اسوي .
211
ايه أخذت ابوي وراحت للبيت كالتله تعبان ما تگدر بقينا بس اني وحيادر غطيت غزل من نامت ودرت عيني اله
40
- شلونك حيادر ، اعذرني حتى ما سلمت عليك
26
- الله يخليج رويده الحمدلله ، لا يابه معذوره بيا حال انتِ
44
درت عيني اباوع لوجهه شيطيب كسرها شلون بيه ادير بالي عليها على هجام ، يا كتر الما هاد حيل گـــلبي . مسحت دموعي بأيدي الترجف گال
56
- ما رحتي وياهم للبيت ترتاحين شوية وتجين
9
- لا ما اكدر اعوفها خليني يمها ، هي مو وياك شلون ندعمت ؟
9
دنك متحسر خله اصابعه بين حواجبه مدنك راسه ورجع باوعلي بحيره
6
حيادر :: صارتلي سالفة وطلعت من الكلية وبنهاية الدوام رجعتلها ما لحكت انا بالازدحام وشفتها شلون ندعمت ، روحي تگطعت على ما وصلتلها وميت ميت شلون اباوع بوجهه وشنو اگول الهجام وهو مأمنها يمي
118
- الحمدلله على كل حال قدر الله وما شاء فعل.
55
دك تليفوني بالجنطة درت سحبتها وبقيت لازمته أقرأ بالاسم ساكته خاله معقولة ؟
87
- الو
1
- الو ، رويده ؟
1
- هلا بيج خاله اي رويده ، رويده .
6
- ولج شبيها غزل ؟
25
- حادث والله وهي طالعه من الجامعة .
3
- لا توكفين گـــلبي شلونها ؟
40
- شلونها خاله شلونها شحجيلج تارسين رجلها شياش خاله اختي متكسرة ، وانا مو گد هالحمل تعبت وروح امي تعبت متمنيتها موجودة وتشيل من حملي .
72
احجي وابجي تعبت من القوة الهاده حيلي واسمع خاله تبجي وصوت يمها يگلها " اسألي بيا مستشفى "
574
نطيتهم اسم المستشفى وسديت الخط كمت من حيادر دخلت للحمام بجيت بخنك بدون صوت الحد ما ارتاحيت غسلت وجهي وطلعت
حيادر نايم على الكرسي رجعت كعدت يم غزل وكل ما اباوع لوجهه ابجي مربيتها بتعب شبعت كتل حتى أحميها واخليها تكمل دراستها حلمها الصيدلة ووعدتها اخليها تحقق هالحلم وهسه احس راح يضيع من أيدها .
77
ساعتين واجه ابوي ، وايه خطيه محتاره بينا
33
ايه :: شتكولين لو ترحين للبيت ترتاحين وتناميلج ساعة وتجين واني يمها
31
- لا هسه هنا انام شوية .
حجيت واني اباوع لوجهه آيه شفتها مشگوگه وصفحة خدها ازرك صاير ومن اجت جايبه أكل ما انطت زوجها. تحسرت وخليت راسي على حافة القنفة اباوع لوجهه غزل هستوني غفيت وفززني صوت التليفون تحمحت ورديت
75
- الو ، ها خاله
- بالمستشفى احنا .
15
- وين يا طابق هسه انزلج !
18
كمت لبست العباية سألني ابوي ها
15
- خالتي اجت .
اخذت التليفون وطلعت لحكني حيادر
5
- اوكفي رويده شنو گالت وين هي
23
- ما ادري هسه أشوفها
مشينه اني وياه واتصلت على خاله لمحتها وكلبي دك حيل عبالك شايفة امي أشرتلها من بعيد ودموعي نزلن وهي كوه تمشي سمنانه حيل وتعبانه وصلتلها فتحت ايدها ضميت روحي الحضنها وبجيت مختنگه وهي تبجي
89
- يمه غزيله يمه
164
ابتعدت من حضنها روحي متگطعة لمحت احد وراها وما رفعت عيني وشفت وجهه بس من صوته اكتفيت وعرفته يسر سلم على حيادر واني مدنكه اشوف بس بنطلونة وايده المحبس بالبنصر ابد ما رفعت عيني لوجهه
238
عيون الباعتني ما أريد أشوفها
792
اخذت خاله من ايدها دخلنا للغرفة بجت بس شافت غزل تبوس بيها وتبجي ، طلعوا هم من الغرفة وبقينا بس اني وياها وايه وغزل نايمه مسحت وجهه ورجعت لملامح القسوة هي هيج طبعها گالت
50
- هجام وينه ؟
22
- بالبيت ما يدري خفت احجي يموت قبل ما يوصل الغزل .
12
- هذا الولد شبيه وتالي وياه خلص عمره على هالحبسه شنو سالفتة .
77
- كلنا نعرف سالفتة خاله حسبنا الله ونعم الوكيل بالكان السبب .
63
- لو ما انتِ وفهاوتج ما وصل هيج
289
فززت گـــلبي باعتلها وصوتي رجف
- انا مو فاهيه خاله ، صغيره ترا ضغيرة وشلت مسؤولية رجال مريض وطفلة ، وصرت مسؤولة عنهم بيوم وليلة ، ما درتي بالج علينا انتِ خاله ؟ مو نجيج شاردين وتشمرينا بالترك ، مو جنت اخابرج واكلج جار عليه الوكت وما الي غيرج ، وتسدينه بوجهي
، يا هو الاجة وگال ضحكوا عليج وانتِ السبب ، جا ما وكفتوا انتوا ويانا ما صرتوا حنينين وساعدتونا ، مو بس طاح هجام كلكم سحبتوا ايدكم وابتعدتوا كلكم صحتوا اي صدك صار مخبل . كافي فدوه كافي لا تخليني احجي الحجي اليزعل .
414
عفتها وطلعت روحي جاي تحترك شنو بأيدي شنو الاسوية قابل مرتاحة بالصار ماجاي اعض اصابعي ندم كل يوم اتذكر نظرات الاتهام بعيون هجام وروحي تشتعل ، شكد ظالمة الناس اذا تغلط ينسون كل شي زين ويبقون طول العمر يذكرونك بغلطك ، هجام نسه وهم ما نسوا
109
مسحت دموعي افتريت بمكان اظلم كعدت بالحديقة لافة روحي بالعباية اللهي انتَ اعلم ، الطف بحالي وحالهم ما الي غيرهم ومالهم غيري .
ارجف بروده وقهر سكتت اباوع للفراغ واتنفس بقوة بس اريد الحسرة البگلبي تروح ركزت لمحت احد وأكف بعيد عني ومنطيني ظهرة بس عرفته يسر كمت امشي وهو احس بيه اجه وراي
95
دخلت للغرفة كلهم كاعدين ويحجون ويا غزل الي بس تبجي وخالة كل شوية ترزل أبوي بصورة غير مباشرة وهو يبلعها ويسكت كل هالوقت ما رفعت عيني ولا شفت وجهه يسر حرب احارب عيوني ما اريد اباوعله
117
ومن حاجاني حيادر وهو واكف بصفة صارن عيوني عليه وما كدرت اشيلهن دك گـــلبي حيل لملامح وجهه الي ياما وياما نرسمن ببالي ياما ليالي حلمت بيهن ، مدنك عيونه وابد ما رفعهن احفظ كل جزء بوجهه حواجبة رموشة خشمة لحيتة
93
حيادر ::رويده
32
فزيت اباوعله عاكد حاجبة گال
5
- روحي ويا خالتج للبيت ارتاحي
19
- لا ما اروح روحوا أنتم انت هم تعبت روح .
14
شكد حاولوا وياي وبقيت مصره ما اعوف غزل وهي لازمه بأيدي تلوب من رجلها كل شوية تبجي ، راحوا كلهم وبقيت بس اني وياها راسلت هجام
6
* شلونك
40
* بخير ، شلونها غزل ؟
29
* الحمدلله زينه ، اكلت ؟
9
شافها وما جاوب سكتت اني هم غزل ساعة حجيها مضبوط ساعة ترجع عشر سنين ليورا البنج بعده مأثر بيها ، شوية واتصلت ايه
9
- محتاجة شي ادزه الج ؟
1
- لا والله ما اريد شي .
- ملابس خاف تسبحين اطلعلج من جنطتج؟
58
- ماشي وديلي ، وايه عفيه خليلي قرآن اخلي يم راس غزل
24
- صار صار بعيوني
153
سديت الخط منها وبقيت على كعدتي اباوعلها بحسرة الحد ما مليت كمت اغسل وجهي ومن طلعت وكفت بمكاني مصدومة بوجود يسر
كاعد على القنفة بصفة علاكة وهو مدنك وكف من دخلت ابد ما رفع عينه وباوعلي عدلت شالي وتقدمت سحبت عبايتي من الجهه الثانية لبستها وهو رجع كعد بمكانة لو يدير وجهه للجهه الثانية لو يدنك ما يباوع باتجاهي ، بصف العلاكة علاكة اكل
230
بقيت مغلسة اريد اشوف وين يوصل يعتبر نفسه اذا حجه وياي كفر
خلي بتفكيرة ونشوف اخرها اني هم ما احاجية بس اباوعله يلوب بحيرة يحرك علاكة الاكل فتحها وطلع الاكل خلاه على جهه ونزل علاكة الملابس الدازته ايه بالگاع بصف القنفة بقيت مغلسة
413
كام طلع نص ساعة ورجع دك الباب بقيت ساكتة رجع دك الباب مرتين ودخل بهدوء وكف بالباب يباوع للأكل نفس ما عافه اجه كعد بمكانة اباوع لحيرته ساكته .
161
كعدت غزل حايره بوجعها بس يروح مفعول المسكن تبجي كمت اعدل بمخدتها حاجاها وهو مدنك
6
يسر :: الحمدلله على السلامة يابه .
314
غزل ::الله يسلمك ، بس بعدني ما طبت .
502
رويده :: ابتسم وهو منصي وغزل لا هي تبجي لا هي تحشش فتريت وعبرت من يمه همست
9
- بنيه لا تحجي وياها تدخل النار
2.1K
اختفت ضحكته وعصر ايد بأيد قوي ما حجيت شي غلط هذا تفكيره
كام طلع من الغرفة وكلت غزل شوية وهي كل ساعة وكالت
36
- وين هجام خلي يجي
32
- غزل ما اكدر احجيله ما اكدر اخلي يدخل مستشفى خاف يصير بيه شي
4
- جا اريده خابري احاجي
18
- بس لا تكولين مكسورة رجلي اني كتله طاحت من الدرج ونلوت رجلها
16
بجت وغطت وجهه بأيدها شلون ما حاجيه الهجام كوه قنعتها وسكتت ، غطيتها وبس نامت طلعت يخنكني المستشفى كعدت بالحديقة اكو ولد بعيد عني ابنه بأيده الطفل يبجي وهو يكله سوده بوجهه ابوك بويه سوده عليَ ، مرد گـــلبي تلفتت بغير جهه مره چبيرة بالعمر مخليه أيدها على خدها وصافنة بحيرة ، وغيرها ولد شاب هم كاعد وحده اتلفت وأفكر بحزن وتعب كل واحد بيهم
97
الحد ما صارن عيوني على ظهره كاعد بالگاع ظهره عليَ ويدخن
وكف شمر الچكارة بالگاع داسها برجله ودنك شالها شمرها بالحاوية مشة يريد يدخل للمستشفى ووكف فجأة بدون ما يلتقت بقى بمكانة
307
بعد القمصلة من جهه سحب محفظتة وكمل طريقة وهو يفتح بيها غمضت عيوني ، شكد أخذ من عمري شكد حاولت أنساه ولا كدرت مغمضة وأستذكر ملامحه وفززتي صوت علاكة تخلت يمي وأبتعد كعد على جهه يباوع لبعيد ، شفت العلاكة كيكة وعصير ، شلتهم ووكفت خليتهم بصفة ورجعت كعدت بمكاني باوعلهم وخله ايده بين حواجبه يحجي
132
يسر :: لا حول ولا قوة الا بالله
587
سكتت گـــلبي يدك بقوة شجابك هسه وبهالوقت حضي ما اصدك تروح من بالي ما اصدك انساك شوية غير لو اشيل عيوني لو ما اباوعله ، حجه وهو داير وجهه
22
- أكلي شوية مو زين عليج
144
- اششش لا تحجي وياي لا تدخل النار
1.4K
عصر راسة بين ايدية يحجي بحركة
3
- أستغفر الله الصبر يا اللهي الصبر .
137
- أمين يا رب صبره ما يحجي ويا بنيه حتى مايدخل النار
451
وكف بعصبية ونتر مدنك عينه
9
- هو بسببج داخلها من جميع الأبواب ، عمامه نزعتينياها ، قابل تصعب عليج جهنم ماتدخليني الها .
1.5K
- لك شمسويتلك شمسويتلك يمك بگربك ؟ اتهاماتك شوكت تخلص
126
نترت اصيح بعصبية يحرك بروحي وهو متنرفز يرجف ودار وجهه للناس يباوعلهم يحاول يحجي بهدوء
6
- ما مسوية شي اسف والله يجعل ذنبي وذنبج برگبتي ما رايد شي منج بس اكلي لا تشلعين گـــلبي رويده
428
حجه اسمي ورفع عينه الي بسرعه بس لمحني ودنك يابه شيسوي بروحي رجع الأغراض يمي وابتعد لنفس المكان منطيني ظهره
سكتت فتحت العلاكة اخذت الكيكة وعصير وانتبه بيهم عطر لان خليت بأيدي ومسحت ملابس غزل لفيتها واكلت من الطرف باوعت ليسر فتح ايده الي لزم بيها العلاكة باوع بداخلها وقربها الخشمة شمها وغمض عينه بقوة قشعر بدني ودك گـــلبي حيل وخر ايده ورفع عينه للسماء بس شفايفة تتحرك .
1.2K
كمت أريد ارجع يم غزل مشيت من گدامة عبرته ووكفت
- راح تبقى هنا ؟
9
بدون ما يباوع هز راسة اي ، عفته ورجعت للغرفة ثاني يوم اجو من الصبح خاله بوست غزل وخلت بصفها شدة مال فلوس خمسة وعشرينات سلمت وراحوا . طلعوا غزل للبيت وابوي يريد نأخذها ونروح لبيتنا وحيادر ما قابل ، واني بين نارين هي تخلص الليل بجي واني مكابلتها وكاعده ،
192
واليقلقني اكثر هجام ما يجاوب رحت الابوي كتله
21
- خابر على سجود بله شوفلي شام أريد احاجيها
10
- خابرها و يشرحلها شكد صرف وشكد لازم يصرف بعد ومنو اجه ومنو راح ووين هسه هو واني واكفه ساكته لمن كمل سوالف رجعت ذكرته اريد شام كالها انطيني شام اخذت التليفون منه
31
- الو
4
- الو رويده
4
- هلو شام وينج ، شبيه هجام اراسله وماكو
1
- اوكفي شوية .
شام :: ابتعدت من يم سجود وحجيت بصوت ناصي
-من الصبح دخل لوحده من الغرف والهسه ما طالع شسوي محتارة ؟
28
شهكت رويده وسكتت
- رويده يمعوده احجي شسوي ؟
8
- عوفي
6
- اعوفه ؟ بدون اكل وعلاج
4
تحسرت وهمست بصوت مخنوك
- اي خلي اكل بثلاجتة وعوفي ، شام ديربالج تدكين علي الباب .
74
- عفيه لا تخوفيني ترا عقلي صار خيط وخيط والله
46
- ما اخوفج اعلمج ، عفيه شآم ديربالج علي
5
- ان شاءالله ، شنو غزل شلونها
2
- على الله الحمد لله على كل حال مدري شلون راح تخلص هالكم يوم والشيش برجلها شام محتارة شسوي شلون تخلص
6
- سوده عليَ تهون أبقي وياها انتِ ولا يبقى تفكيرج يم هجام اني وياه لو اعقله لو اخبله فد مره
1.1K
- شام عفيه
5
- اتشاقة والله ، فد حذرة وياه ، بس عفيه رويده سؤال منو ملاك ؟
102
سكتت حرف ما نطقت احاجيها ما تحجي فجأة سدت الخط بوجهي تقربت انطيت التليفون السجود أخذته ودفعتني من كتفي للمطبخ بحقد باوعت للدرج وحجت
16
- ها لازم مخبلنه يمارس طقوسة اليوم ، يعني اتطمني لو اكصص منج لحم ما ينزلج
467
بلعت ريك مرتبكة اباوع لوجهه سكتت ودرت وجهي كملت شغلي وصعدت خليت اكل بالثلاجة مال غرفتة وطلعت للمخزن كعدت ادرس وتفكيري كله بيه فززني صوت صياحة نخمش گـــلبي صوته أعلى من كل مره فتحت باب المخزن اباوع لباب غرفتة الصوت منها دقايق وكب صوت التكسير والضرب گـــلبي يدك بخوف حايرة شنو أسوي فاتحه الباب واني كاعده فتحة صغيرة
83
صار الضرب على باب غرفتة قوي حيل اباوع لمقبض الباب راح ينكسر وهو مستمر الحد ما طاح ونفتح الباب على كيف شوية شوية فتحة صغيرة لمحتة كاعد بالگاع على اركبه بأيدة خشبة مربعة
ويتنفس بقوة مدنك عينه اركز بأيديه ثنينهن غركانات دم والگاع من يمه كلها دم شهكت مخليه ايدي على حلكي رفع عينه الي عيونه تخوف من الحمار سديت الباب بسرعة ميته خوف وحايرة شنو الاسوي
132
كمت نزلت جوا اخليهم يخابرون رويده واحجيلها واني على الدرج اشتغلت الاغاني بصوت عالي حيل ومزعج ، سجود كاعده بالصالة تباوع للدرج بغضب وزهراء طلعت من غرفتها تحجي
45
- شنو يمه شلون سالفة هاي واحد ما يدرس .
193
سجود :: خلي خلي يجي يوم وننام بهدوء بدون صوته .
98
يحجن ويباوعلي كلت حتى لو اكلهن خابرن رويده افشل روحي رجعت أريد اصعد صاحت سجود
-تعااالي ، سوي عشا الكرار .
106
ردت اتجاهلها وأصعد بس الوضع يخوف هجام مو تمام وما اعرف شلون أتصرف محتارة ، رجعت نزلت فتت للمطبخ صاحت
8
- اسألي شنو ياكل
85
وكفت مغمضة عيني يا رب صبرني شيخلصها وياهم شيخلصها
دكيت باب غرفتة وحجيت واني برا
- تكول امك شنو تريد عشا
2
- اي شي من ايدج
444
صاح بصوت عالي وسجود وزهراء ضحكن حيل رجعت للمطبخ افور من القهر سويتله زقوم أخذت الصينيه ووكفت بالصالة
46
- هاي الاكل بس اخذي اله
2
سجود :: امشي لج خلي گدامة
60
- كلتي سويله اكل وكتلج خوش كلتي اساألي شنو ياكل وسألته بس جاي اطلب منعندج بكل احترام تكومين تدخليله الصينية
23
- الا انتِ تدخلينها
32
باوعتلها ساكتة اكتم غضبي على اعصابي دخلت الغرفتة متمدد بالگاع تقدمت اريد أخلي الصينة يمه كعد على حيله وكال
- اوكفي
54
بقيت واكفة بمكاني والصينية بايدي لم الغطا واشر على مكان بصفة وهو كاعد يريد اخليها بيه هستوني انزلها ومد ايده على رجلي يرفع بلدشداشة روحي راحت ، الصينية البأيدي كلها شمرتها على راسه صيح موجوع واني ركضت اريد اشرد فتحت الباب سجود لزمتني وزهراء اجت تركض الاخوها وسجود قبل ما تشوف شنو صار تجر بيه وتضرب راشديات تفشر وتغلط بس اريد افلت نفسي منها واشرد دفعتها وركضت وهي وراي لحد الدرج وكفت واني صعدت ركض صاحت متحلفة الززمج .
343
دخلت للمخزن سديت الباب وكعدت وراه گـــلبي يدك حيل وما مرتاحة خايفة ومحتارة وين اروح وبمنو احتمي اذا حتى هجام مخوفني
44
مسحت دموعي وكمت خطوتي ترجف دفعت باب غرفتة على كيف غمضت بحذر من الباب طلع صوت لمحته متمدد بالگاع وايدية مشمرات منا ومنا والدم يابس عليهن
17
- هجام .
27
دار راسه بانزعاج للجهه الثانية يسد بأذنه ولم نفسة مثل الطفل
يسد أذنة قوي ويهز براسة
34
- روحي روحي روحي رووحي
186
صيح من بين اسنانة يكرر الكلمة ويحرك ايده على اذنه بقوة ما يريد يسمع شي كعدت بمكاني لامة نفسي ودموعي تنزل بدون صوت اباوعله وهو بصف الچرباية عيونه للحايط نص ساعة مرت وحجة بخنك
9
- عوفيني عفيه عوفيني .
184
بجيت اشهك
- مجبورة كل ما تطردني ارجع عليك . احتار وين اروح .
84
- تتأذين
18
- ماتكدر تأذيني انتَ
25
- اكدر اكدر اكدر
178
سكتت وهو بقى يردد الكلمة ويهز راسة وهو نايم شوية شوية سكت وهدأت حركته كمت بخطوات ترجف اجذب على روحي اذا اكول ما خايفة منعنده سحبت علبة معقم الجروح والشاش من فوگ الثلاجة
بلعت ريك وغمضت ادعي ربي يحفظني. اتحرك خطوة واباوع لرجلي ترجف
36
كعدت يم راسه اباوع حتى ركبتة من ورا بيها وشم وما مفهوم مجرد خط متعرج مديت ايدي الترجف على ايدة المجروحه مصخنة حيل بقى مغمض عيونة واني سحبتها بهدوء فتحتها عكدت حاجبي ودرت اباوع لوجهه نام على ظهره مغمض عينه ومستسلم
59
فتحت ايده عدل متروسة خشم ناعم حتى باظافرة داخل خشب عفته وكمت رجعت للمخزن جبت الملقط ورجعت فتحت ايده بالگاع وبديت اسحب الخشب الداخل بأيده اني روحي توجعني وهو حتى ما ينز ماكو اي ردة فعل تدل على الوجع. خايفة احجي وافززة همست بصوت ناصي
164
- هجام ، جاي تنوجع ؟
24
وهو مغمض هز راسة لا عقمت الجروح ومن ردت الفها سحبها رافض
8
- تمام تمام ما الفها بس انطيني الثانية أعمقها
41
مديت ايدي سحبتها اشيل الخشب منها والحجي ياكل بگلبي
2
- ليش هيج تسوي بأيدك ، حرام !
22
ابتسم وسكت شوية وگال
- مو حرام ، بس السونه حرام
348
بلعت ريك ساكته اعقم الجروح متردده احجي همست
- شسون ؟
51
بمجرد نطقتها عصر ايدي بأيده بقوة أصابعي حسيتهم راح يتكسرن واحس بحرارة الدم من الجروح البإيده عاكد حاجبة بغضب ومغمض عيونه بقوة خليت ايدي فوك ايده امسح عليها بهدوء
20
- هجام ايدي ، لا تأذيني .
40
بقى عاصرها قوي شهكت موجوعه
8
- بس انت مأمنه بيك لا تأذيني .
367
رخت ايده سحبت ايدي بسرعة اباوع الاصابعي شلون معصورات والدم البيها مسحت دموعي ورجعت سحبت ايده عقمتها ساكته شلت الأغراض رجعتهن المكانهن ودنكت اجمع الأشياء المطشرهم بالگاع لميته وهو على نفس النومة فتت من يمه فتحت الشباك دخل هواء بارد يفزز رجعت عبرت فتحت الثلاثة طلعت الأكل اباوعله بارد ثلج اجيت كعدت يمه
37
- راح انزل إحمي الآكل ؟
3
هز راسة لا
6
- اني جوعانة وطول اليوم ما اكلت بسببك لان رويده مذممتني . حرام عليك تحرمني من الاكل ، حتى ماي ماشاربة لان رويدة مذممتني ، حرام أبقى جوعانة وعطشانة ، شتكول الربك .
407
احجي واباوع بوجهه وهو متمدد بالگاع ومغمض فجأة فتح عينه بعيني نز جسمي بفزة كعد على حيله آخذ الآكل ودخل للباب البداخل الغرفة رحت وراه لان كل توقعي هذا حمام فتحت الباب اباوع ممر صغير كلش بيه مايكرويف وطباخ منضدي صغير وببعد شبرين مغسلة وباب ثاني صغير فتحته حمام ، خله الاكل بالمايكرويف وبقى واكف منتظرة
368
عفته وطلعت باوعت بنص المراية المتكسرة عدلت شالي زين طلع عاف الآكل على الميز وكعد بالگاع جبته يمه وكعدت بس اريد ياكل وانطيه العلاج ، اكل بدون ما يحجي كمل وكام غسل رجع مد أيده الي
15
- لا تشمينها انطيني العلاج
1.1K
رفعت عيني اباوعله متفشلة
1
- نسيته بالمخزن هسه اجيبه
201
حجيت وكمت ركض طلعت من الغرفة وكفت بالباب ومديت ايدي طلعت العلاج اخذت حباية ورجعته المكانه بس درت اريد ادخل صار بوجهي شهكت وطاحت الحباية من ايدي وهو يباوعلها
302
رجع رفع عينه باوعلي
4
- لا تضمينيهن هنا
881
دنكت منحرجه رجعت دخلت للغرفة دايرة وجهي وسحبت العلبة من جديد همست
5
- رويده گالت
23
- شگالت ؟
8
- ضميهن !
8
- بس ما حددت وين مو ؟
440
رفعت عيني اباوعله وهو على شفايفة إبتسامة يخفيها وتبين همست
324
- حددت گالت بروحج ضميهن .
361
هز رأسه موافق احذ الحباية من أيدي شربها وگال
4
- روحي نامي ما اريد شي بعد
31
- ميخالف أبقى ؟
20
باوعلي بنظرات بارده دنكت عيني خجلانة گال
5
- ما يصير وجودج بغرفتي غلط انا مو بعقلي بلكي تخبلت واذيتج ؟
259
- مو هاي كم مره تعصب ما تأذيني
43
غمض عيونه وسحب نفس بقوة عافني وافتر وكف گدام الشباك يباوع ساكت ما كدرت أهين نفسي أكثر من هيج طلعت للمخزن فرشت وتمددت عيوني على الباب وهاي كل ما اكون خايفة تمطر وكأنُ أشارة من ربي انُ اني مو وحدي ، غمضت ادعي واستمع لصوت الرعد وقطرات المطر ارجف بردانه لا هيتر ولا صوبة ولأ غطا كافي يدفيني أبقى البس ملابس هواي وجواريب بس في سبيل ادفه شوية .
230
مديت ايدي على ايدي الثانية تحسست الوشم بعده يوجعني بس خفيف قربته الشفتي بدون وعي بوست حروفه ، وأفكر اذا وشم اسمه بهالدقة وبدون اي خطأ او اماله ليش وشوم جسمه كلهم شخابيط ما عدا كم وشم مضبوطات
615
التفتت على الباب من نفتح
3
- تعالي يمي
313
- شكرًا ما اريد
139
- شام تعالي ما اريد تبقين هنا
166
- ما اريد اجي اني هواي زعجتك
113
بقى واكف بمكانة اشوف بس طولة ، واخذني الواهس لان مجلبلي أرفض تقدم كعدت عدل ولميت روحي بالغطا كال
58
- كومي مو رويده مذممتج ما تاكلين الا اكل جا ما ذممتج ما تنامين الا انام ؟
1.5K
ابتسمت وهو ما يشوفني ظلمة مد أيده على ايدي سحبني وكفت لفيت شعري بالشال وطلعت ورا هم لكيته فارشلي ومخليلي الغطا مالته تمددت ولازمتمي ابتسامة غريبة اريد أخفيها ما اكدر راح هو للكرسي مقابيل الشباك كعد مرجع راسة ليورا ويتحرك بهدوء رعدت الدنيا ضميت وجهي بالغطا واشم بعطرة گـــلبي يرجف
287
- تخافين ؟
86
طلعت راسي اباوعله بعده ظهره علي سألت
- من شنو اخاف
8
- تعاينين للدنيا وهي تلمض ؟
365
- لا ما اخاف أحبها
13
- اليحب شي يعاينله من يصير ما يغمض .
709
سكتت اباوعله وكف راح للثلاجة بحوش بيها واجه يمي كعد بصفي
مد ايده على الغطا سحب ايدي بلعت ريك ارجف ، هو مو جان يم الشباك وبنص البروده ليش ايده هيج دافية واني المتغطية ايدي بارده.
171
باوع للوشم وفتح العصارة خلاله مرهم وويا حركة اصبعة جسمي يكزبر وتزيد دكات گـــلبي
66
- هجام
24
- همم
25
- مو جنت واكف بالبروده ليش ايدك دافية واني بارده
107
باوعلي باستغراب ولزم اصابع ايدي بأثنين ايدية يدفيهن ويعصرهم بين اصابعة بهدوء رفع ايده خلاها على كصتي غمضت عيني وهو يحرك ايديه على خدودي وكصتي
1K
- تدفين هسه تدفين
521
سد عيوني ورجع ايهه على خدي وحنكي الحد ماصارت ايده على شفايفي رجف داخلي وزادت دكات گـــلبي وهو ايده ثبتت ما حركها واني مدري شبيه روحي نسلبت وخر ايده وحجه بابتسامة
599
- شوفي بس شفايفج حارات لان أربعه وعشرين ساعة مشتغلات ما يسكتن ، شوكت تسكتين شام شوكت
2.4K
يحجي ورجع لزم ايدي يفركهم بين ايدي حتى يدفيهم واني من لمست ايده الشفتي تبهذلت احوالي وما كدرت حتى أرد فجأة عاف أيدي وحجه بجدية
289
- شام
34
- همم
38
ابتعد سند ظهره على الچرباية مقابيلي نگلبت نمت صفح اباوعله وهو يباوع للباب ساكت
3
- تصلين انتِ ؟
83
- احم ، اي .
1
- ليش ترضين غريب يكضج ويتلمس وجهج؟
1.9K
حجاها واحس صحاني من الدنيا كلها باوعلي عاكد حاجبة واني كل الحجي ضاع منعندي بلعت ريك ادور عذر
26
- بس انت مو هيج لزمتني حتى ادفه
98
- لا ترضين ، انا ما اختلف على غيري ، يجوز استغلج .
195
- بس انتَ مو هيج
7
- لا تثقين .
19
- اثق بيك .
126
خله أيده على راسة نزلها ومدها على رجلي يرفع بالغطا دفرته وسحبت رجلي ليورا فازه وعاكده حاجبي
311
- شتسوي ؟
10
- لا تثقين الكل يغدر الكل .
245
بقيت على كعدتي ساحبه رجلي الصدري ولافة روحي بالغطا وهو بمكانه ساند راسه على ايده شوية وگال
2
- يله نامي ما اسويلج شي
149
رجعت تمددت ضحك يهز راسه بـ لا وعافني رجع للشباك
34
- انتِ اول بشر يرفض جنوني .
1.5K
داير وجهه للشباك ويحجي سكتت ادور جواب مناسب
3
- لان مقتنعه انتَ مو مجنون
10
- مجنون
19
- أصحى مني
597
- ههههههه
323
أبتسمت ساكته رجع كعد قربب منعندي عدلت نومتي حتى اباوع لوجهه ايدي جوا راسي والضوء خفيف والجو بارد ثلج بس من يباوعلي اعرك .يباوع بوجهي مبتسم واني مبتسمه اختفت ابتسامته وحجه بجديه
46
- شام ، غزل شبيها ؟
471
فتحت عيني على وسعها ساكته مد أيده جوه الجرباية سحب الساطور غمضت ارجف همس
958
- بدون جذب
123
-ندعمت .
1.7K
حجيتها وفتحت اباوعله ساكت واني روحي رايحه شويه وگال
8
- شبيها ؟
6
-حادث وهي بالكليه
9
-متأذيه ؟
21
-بس رجلها نكسرت
161
كام وكف اباوع الايده ترجف سحب التلفون وكعد على حيله يتصل ومحد يرد ويرجع يتصل حجه بصوت يرجف
5
-الو الو رويده ، غزل ؟ غزل ؟ غزل ماتت ؟
186
- لااا والله العظيم لا هاي يمي ، حاجي غزل
1
غزل :: الو هجام حبيبي
4
هجام :: غزوله بابا
1.2K
بجت غزل وهي تكله :: والله زينه ما بيه شي وهسه من سمعت صوتك حتى الوجع راح
16
- موجوعه ؟
15
- لا لا كلشي ما بيه احسن انسان بالدنيا هسه اني سمعت صوتك وسمعتك تگول غزوله بابا صار سنين ما گايلي هيج
83
سكت هجام عاصر عيونه باصابعة اسمع رويده تحاجي
- هجام لا تخاف
5
- جذبتي علي رويده .
17
- من خوفي عليك .
2
- باجر اجي بالليل!
60
- لا والله ماكو داعي أصلًا اني عكب باجر اجي راح اخليها هنا لان بدت امتحانات وما تقبل تأجل متخبله
7
سكت وهي كالتله نطيني شام شمرلي التليفون على فراشي وغطه راسه بأيديه ، سديت السماعة الخارجية وحاجيتها
4
- ها رويده ؟
- شام منو حجاله ؟
23
- احم اني خفت .
- لا عفيه شام ليش هيج .
30
- والله رويده خفت
7
- ليش ليش خفتي من شنو
1
باوعتله وهمست. :: جر الساطور وسألني .
1.8K
سكتت رويده شوية ورجعت توصي انتبه رجعت التليفون اله وتمددت اريد بس اغفى باوع للساعة وگام شغل الأغاني سديت اذني حيل واباوعله كاعد يمهن يعلي وينصي
414
التفت شافني شلون ساده اذني طفاهن ودفره برجله فزيت كعدت على حيلي وهو ساعة دافر الباب ساعة الميز خرعني وتوبني انام بغرفتة. كلت اجته النوبة التحجي عنها رويده شيحميني واني بغرفتة دنك شال الساطور من الگاع فك الجلده منعنده وطلعه وبمجرد لمحته لميت الغطا على روحي وبجيت اشهك بصوت عالي شمره بالگاع وكعد على حيله ساد أذنه عبالك انتل
255
سديت حلكي بأيدي كاتمة صوتي وبس دموعي تنزل وهو يهمس بوجع
- صوتج صوتج صوتج تذبحيني .
278
هزيت براسي اي عصر راسة ورجع الساطور بالجلده دفعه على جهه ورفع ايدية يأشرلي
2
- ما أأذيج لا تبجين
307
مسحت دموعي ويرجعن ينزلن منظرة يخوف يصير من فجأة يعصب تقرب يمي بهدوء غمضت عيني وزفرت نفس بخوف ارجف ودموعي تنزل
7
- هجام عفييه
25
سحب الغطا علي يغطيني زين ويحجي
2
- ما أأذيج لا تخافين منعندي نامي نامي شام ما أأذيج انا
684
ويمسح بأيده على خدي تصرفاتها فعلًا كانت بدون وعي وتثبت للمقابل جنونة شوية شوبة هدأ
سحب ايده من خدي يباوع لوجهي
21
- خفتي منعندي ؟
183
هزيت راسي اي لامه الغطا علي كلش وبس وجهي طالع اباوع لوجهه ، رجع مد ايده عدل الغطا علي متحسر وساكت يباوع لعيوني واباوع لعيونه
28
- غمضي حتى تنامين !
25
- تريد تطلع؟
5
هز راسه اي طلعت ايدي من الغطا مديتها الزم أيده
5
- لا تروح ، يصير تبقى اليوم ؟
148
دنك يباوع الايدي ألازمه أيده گال
- نترسني. ذنوب بسببي
1.3K
سحبت ايدي من أيده لزمها
27
- منين خايفة مني لو من غيري ؟
41
- خايفة من كلشي ومأمنه بس بيك !
1K
غمض عيونه وبلع ريك واني الوم بنفسي شجاي اسوي بروحي وكلشي بكلبي جاي احجي فتح عينه باوع لعيوني عاف أصابع أيدي
ومد ايده لوجهي تحسس خدي بدفو اصابعة غمضت عيني متأثرة بلمسة ايدة ، فتحت وبلعت ريك من حرك اصابعه على شفتي ارجف كمت يباوع لشفايفي ويحرك اصابعه عليها رفع عينه باوع بعيوني وحجه
505
- من تعرفين انا منو راح تأمنين بالكل وتخافين منعندي .
1.5K
حجاها وسحب ايده مبتعد وكلامه يدك بگلبي بقيت بفراشي مغمضة عيني متأثرة بلمسته والجملة الحجاها ما كدرت تطلعني من هالتأثير اباوعله لبس غير ملابس سحب الساطور وطلع من الغرفة
99
تغطيت حيل واشم بعطرة الحد ما صحيت على حالي واسترجعت الجملة الگالها كعدت على حيلي أفكر بيها وفززتني دفرت الباب وكفت شاهكة واني اشوف سجود گدامي ضحكت وگالت
49
- راح البغداد هسه المنو تصيحين ؟
818
بلعت ريك اباوعلها وهي بسرعة مدت أيدها وسحلتني سجود ضخمه حيل وضربتها توجع شگد ما اقاوم ما أگدرلها بس اريد افك روحي منها وهي طلعتني من الغرفة سحل من دشداشتي ونزلتمي الدرج تسحل بيه روحي تشوغ وي كل ضربة ضربتها احاول احمي نفسي وهي بقوتها شمرتني بالصالة جوه رجلين زهراء الي بمجرد وصلت يمها دفرتني كمت بسرعة قبل ما توصلني سجود مديت ايدي على زهراء هو اني مكتوله مكتوله عاد اخذ شوية من حقي بس ما توقعت يوصل بيهن الاجرام الهالدرجة ضربت زهراء بالحايط وجرتني سجود بنفس الحظة هم ركعت راسي بالحايط
203
دخت ما متوازنه واحس بخشبة قوية انضرب وطحت ما اكدر احرك جسمي وهي بكل قوتها تضربني وزهراء تكلها
38
- ايدها ايدها الحركت بيها كرار
313
وسجود بالخشبة علت ايدي وضربتها كل الضرب بجهه وايدي بجهه صرخت واخر ضربة اجت على راسي بقيت بس فاتحه عيني والساني ما يتحرك وصوتي ما يطلع اسمع صوتهن وما اكدر اصرخ لو ارد احس بروحي نسحلت من رجلي اباوع سجود من رجل وزهراء من رجل وانا لا غايبه عن وعيي ولا واعيه وصوتهن صدى بأذني وشه قوية صارت واخر كلام سمعته من سجود
100
- هنا عوفيها هنا للصبح تموت ، نصرخ ونگول طايحه من الدرج .
253
وبعدها ما حسيت على شي غابت روحي بوجعها وما وعيت الا على وجع يذبح وايدين حاضنه وجهي وصوت احبه يحجي ويرجف
1K
هجام :: شام منو سوا بيج هيج ؟ بس انطقي إسمه.
1.3K
فتحت عيني باقيه بنفس المكان كدام الدرج كل ذرة بجسمي توجعني كوه احرك جفن عيني بس لمحت وجهه كدامي همست بصوت كوه يطلع
122
- سس سج سجود
يتبع 🦋
