رواية نوائب شام الفصل العاشر 10 بقلم الكاتبة ايلول
وآنا بروحي
حِزن ديرة
ومَلامح خوف
وحَرب چذبة ، وحِلم تايه
ونَهر ثالث حُفر خَدي
غَريب بكاع مَتلمني
چم ليلة
اذب دموعي ع المامِش
ولا ادري .
116
""""""""""""""
شام :: س.. سجود
124
نطقتها اباوع لوجهه بعد ايده من خدي ومدها بصفه صوت الساطور من انسحب على الكاشي وايده الجوه راسي شوية شوية تنسحب غمضت عيني بوجع ودك كلام رويده براسي كوه رفعت ايدي ولزمت أيده عافني وگام بعصبيه والساطور بأيده ضرب باب غرفة سجود بجيت اصيح علي وهو لا يلتفت ولا اني الگادره اوكف على حيلي من الوجع
321
وهو بكل قوة يكسر الباب بالساطور طلع كرار يركض من غرفتة وزهراء طلعت وكفت بباب غرفتها ، وهجام يضرب بباب غرفة سجود الحد ما كسره لزمه كرار من ايده البيها ساطور وهو متخبل يخنك بكرار وسجود تركض اجت تريد تفرغ كرار من ايده بكل قوة ضرب كرار بوكس وشمره لبعيد دار على سجود وخنگها ويا الباب بأيد وحده وايده الثانية لازم بيها الساطور وسجود تجر بأيده بس تريد تسحب نفس بجيت اصيح راح يموتها وكلها تبجي زهراء ولجهال ، وكرار بعد ما گام بقى بطيحته
285
- هجااام عوفها عفيها عوفها
124
ولا يسمع ولا يلتفت خانگها بكل حيله الحد ما رگضت منسه بنت سجود الصغيرة تبجي وتصرخ تضرب برجليه طاح الساطور من ايده وعاف سجود يباوع لمنسه فاتح عيونه على وسعهن وكعد على اركبه گوه يجر النفس ومنسه تصرخ وتضرب بوجهه وهو على كعدته مستسلم الها ويجر بالقميص من صدره مختنك سد اذنه وصيح بوجع وزهراء ركض سحبت منسه ساده حلكها ، وهو يصيح بخبال ووجع منزل راسه وصياحة يوجع الگلب .
251
زحفت كل ذرة بجسمي توجعني كاتمة صوتي وبس دموعي تنزل صرت گدامه بس اريد الزمه ، واحس بضربة من ايدة على وجهي شيطت روحي ، فتح عينه بصدمة يباوع لوجهي وللدم النزل من خشمي غمض عينه بوجع ويهمس بصوت ناصي ،
262
- انا كتلتهم انا انا كتلتهم كتلتهم
329
مسحت وجهي ابجي ورجعت سحبت راسه لصدري اهمس بصوت يرجف
411
- لاا لا أتذكر رويده شكالت رويده كالت انت مو قاتل .
- والله قاتل .
248
بجيت اهز براسي لا وسجود من وراه تأشرلي گومي اخذي للغرفة وانا ماكادره اعين نفسي وايدي من الوجع ذابحتني كاتمة صياحي كوه على روحي
65
رفعت ايدي لوجهه مسحت دمعته اباوع لعيونه وخر ايدي يباوع الايدي الثانية الباقية بحضني وماكادره احركها مد أيده عليها صيحت بوجع وبسرعة سديت حلكي روحي شاطت خله ايده على ظهري كومني من الگاع وباوع لزهراء بخزر گالها
71
- عباية وحجاب.
608
وهي بدون ما ترد ركضت الغرفة رويده دار عينه لسجود يباوع لمنسه الحاضنها امها وتبجي وحسن كاعد يم كرار كلهم يباوعون الهجام بحقد وهو ماشال عيونه من منسه لم شفته الداخل حلكه نزلن دموعه وحجه بصوت يرجف
70
- ملاك
613
ومنسه حضنت امها اكثر تبجي وتصيح
20
- ولي ولي المخبل
1.9K
دنك راسه بين ايديه واجت زهراء بأيدها عباية وشال لفت الشال على راسي ايدها ترجف بس تريد تسيطر ما تكدر سحبهن من ايدها بنتر وهي بتعدت خايفة خله العباية على راسي ولزمني من اكتافي يمشيني رجلي ترجف ومن الخوف ادوس عليها وهي توجعني
77
من اتحرك خطوة كل جزء بجسمي احس يصرخ من الوجع طلعنا برا الساحة للباب الخارجي عافني وكعد على جهه احس مهدود حيله سندت روحي على الحايط اباوعله وهو يهز براسة لا ينتفض ويمحي البذاكرته .
30
رجع باوعلي ووكف حجه بصوت مبحوح
- ابقي هنا
57
افتر ورا البيت وسمعت صوت سيارة افتر واجه يمي طبك ونزل ساعدني صعدني ودنك يلم بالعباية على رجلي سد الباب وفتر صعد بمكانه حرك السيارة واني دموعي تنزل بدون صوت مطرت الدنيا شغل الماسحات مال السيارة رغم الساعة ٦ الصبح صارت ظلام من الغيوم
144
طول الطريق ساكت الحد ما وصلنا للمستشفى وكف على جهه وبقى گاعد يباوع لباب المستشفى ومخلي أيده على راسه تذكرت كلام رويده من كتلها ليش ما تحجين اله على غزل كالت ما اريد يدخل مستشفى يتخربط ، مسحت دموعي وحجيت بصوتي المبحوح والرجفه خانگتة
43
- هجام .
24
التفت بفزه باوعلي يرمش بثگل ويباوع لعيوني
14
- أبقى كاعد بالسيارة انا انزل بس يشوفون ايدي وخشمي وارجع ما اتأخر
111
هز راسه اي بسرعة ومغمض عينه مد ايده الترجف فتح المحفظة الجانت مشمورة بالسياره بصف ايده ، طلع منها فلوس تطشرن وهو بس يريد يسيطر ويسحب شي منهن دنك اخذ منهن ومدهن الي يباوع الايدي الامتها الصدري غمض عيونه بوجع اخذت الفلوس منه ورحت بخطوات ترجف وضايعه دموعي تنزل بحركة تعبت من الدنيا من همها من انعدام الأمان من حرگة گـــلبي كل يوم من الضرب من الاهانة من وجودي بمكان ما مرحب بيه ، مسحت دموعي وحاجيت ممرضة گالت
119
تعالي على الطوارئ رحت وراها ووكفت سرا واني روحي تلوب كوه واكفه على رجلي باوعلي الدكتور وهز راسه ها حاولت احرك ايدي ما كدرت كتله
18
- طحت من الدرج يمكن ايدي وخشمي مكسورات
85
كتب ورقة ونطانياها واحد يوديني على واحد بغرفة الأشعة واكفه وحدي بنيه والموجودين كلهم ولد وكفوا على جهه وخلوني ادخل
لابت روحي واحس ضاك النفس بصدري اريد بس الحك اكعد مالحكت حسيت بروحي نركع راسي بالگاع بقوة وما حسيت بشي بعدها
89
الا على ضربات خفيفة على خدي وضوء بعيوني فتحت بثگل شفت دكتورة واكفة كدامي
- الحمدلله على سلامتج
17
تحركت احاول أحرك ايدي توجعني وما اكدر، باوعتلها ملفوفة بباندج وبيها كانيولا ومغذي ، گالت
11
- الحمدلله ماعندج كسر فقط رضوض منو ضاربج ؟
58
كعدت عدل اعدل بملابسي واحجي بدون ما اباوع لوجهه
- محد طحت من الدرج
64
هي هم سكتت وما لحت وياي گالت
- هسه بس يخلص تگدرين تطلعين ، هاي حبوب بعد كل وجبة وهاي عصارة كل يوم تدهنين أيدج ورجلج وتدلكيهم وترجعين تلفينهم بس لا تلفينه بقوة بمرونته حتى ما تورم آكثر
43
هزيت راسي موافقة رجعت تمددت ودموعي تنزل ساكته واباوع للمغذي وقطراتة التنزل لشوكت لشوكت أبقى بهالعذاب وصلت بيهن مرحلة يحاولن يموتني باجر عكبة هم أبقى وحدي وياهن عندهن أستعداد يحركني وما يرفلهن جفن
25
هجام:: شام
291
التفتت فازة على مصدر الصوت دك گـــلبي بخوف من شفته هجام واكف يباوعلي بتعب تقدم يمي يباوع الايدي ورجلي
10
- ليش نزلت خاف مو زين عليك
58
هز راسه لا
1
- ما بيه شي ، شلون صرتي انتِ .
48
باوعتله ساكته ودموعي تنزل مد أيده مسح دموعي يهمس بغضب من بين أسنانه
12
- بس خلي تروح منسه للمدرسة واحرك سجود .
1.4K
فتحت عيني على وسعهن مصدومة لزمت بأيده واهز براسي
2
- لا تسوي شي
3
- احركها
123
- هجام ورويده تذكر شنو گالت ها ؟
26
- معليج
64
- حتى اني بلياك اضيع حالي حال رويده وغزل حباب لا تسوي شي .
222
مسح وجهه وبتعد وكف على صفحة يباوع گـــلبي يدك بخوف اباوع الغضبة شسوي واگدر اوكفه شسوي ، وينج رويده وينج محد غيرج يگدر يوكف بوجهه
14
- هجام ، ميخالف تتصل على رويده اريد احاجيها .
6
سكت ما يباوعلي
4
- هجام حباب ، محتاجتها شي خاص لازم اگول لها
27
فرك وجهه وتقدم طلع تليفونه إتصل مرتين بالثالثة رأسًا گالها
- الو شام تريدج
52
عاف التليفون بأيدي ورجع المكانة
- ما أكدر احجي يمك استحي حباب بس شوية
93
خزرني بغضب وطلع ورويده تحجي بخوف شكو ها شكو بجيت واريد بس صوتي يطلع
24
- عفيه رويده لحگي
6
- اموت شام اموت عفيه لا تهبطيني
28
- ما اكدرله تعالي والله ما اكدر يريد يحرك سجود
86
- يمه گـــلبي يمه شصار شام شصار
22
- بس طلع من البيت سجود وزهراء ضربني رويده فقدني وعيي وشمرني جوه الدرج حتى يگولن طاحت وما فزيت الا على ايد هجام ومن سالني ما ادري بنفسي وكتله سجود خنگها راد يموتها ومنسه من صرخت وضربته عافها وهسه يگلي بس تروح منسه للمدرسة احرك سجود
45
بجيت رويده تلطم وتصيح
- وين انتم هسه وين شام حاجيني گـــلبي وكف حاجيني لا تسكتين
9
- بالمستشفى
2
- مستشفى ؟ هجام جابج ، بيج شي ها ؟ عليج القرآن شام احجي مايجبر نفسه ويدخل مستشفى لو ما بيج شي قوي
97
- ما بيه شي والله بس رضوض .
4
بجت تصيح واسمع صوت غزل يمها وهي منتهيه تبجي بخنك وتحجي
4
- شلون الحك علي شلون راح يروح من ايدي راح يروح
19
غزل :: حاجي حاجي كليله غزل عندها عملية وتريدك يردونك بالمستشفى محتاجة دم اي شي اي شي يجبره يجي
22
رويده ::شام شام ، وينه نطينياه
- رويده ، اذا اجه الكم اني وين اروح . ؟
161
سكتت رويده وصوت نفسها اليرجف بأذني حجيت بصوت عالي اصيح اله دخل يباوعلي بغضب رفعت التليفون اله
15
- رويده تريدك .
رويده :: الو هجام ، الو مو احاجيك لا تشلع گـــلبي
9
- شتردين
125
- غزل اليوم عندها عملية وبس تبجي وينرادلها دم لازم يطابق دمها ماكو تعبت من الفره بالمستشفيات عفيه تعال بلكي دمكم يتطابق
31
- رويده ، لا تجذبين عليَ .
161
غزل :: هجاام عفيه راح اموت راح اموت تعال ليش عايفني هاا ليش
27
شام :: اباوعله نفتحن عيونه بصدمة ورجفت ايده بخوف غمض وحجه بصوت يرجف
- ما تموتين غزوله هسه اجي
78
- اموت اذا ما تجي
3
رويده :: جيبلي شام وياك تساعدني بغزل نكسر ظهري ترا
107
- رويده اذا تجذبين عليَ
83
- ما اجذب ما اجذب هجام تعبت وعيونك الاحبهن تعبت بس تعال يمي روحي راحت .
111
شام ::سد التليفون وباوع للمغذي راح يخلص ما بقى شي ينتظر وايده على گلبه يدنك يعصر عيونه واضح انزعاجة وواضح شكد مختنك قبل ما يخلص عفته وكمت على تك رجل وايدي حاضنتها على گلبي باوعلي بحيرة واجه بصفي مد أيده تشبث بيها بأيدي الزينه وامشي بخوف وحذر كوه وصلنا للسيارة صعدني وفتر صعد اباوع لبهذلتي الملابسي للعباية للنعال البرجلي تحسرت بقهر ورويده كل شوية تتصل وما يجاوب تتصل وهو يغلس
142
سحبت التليفون من يمه ورديت
- ها شام بشريني فدوه
7
- جايين
4
- لك الحمد ربي لك الحمد يا رب با رب شام عفيه لا تخلينه يمشي سرعة مطر والسيارات تتزحلك
212
- ان شاءالله
3
- منتظرتكم يله من إتصل جاوبي انتِ هو يغلس
70
- تمام
سدت التليفون رجعته لمكانه سندت راسي على جام السيارة وقطرات المطر مخلياتها ضبابية اباوعله زين ماخذ حذر ما يمشي سرعة وفعلًا السيارة تتزحلك كوه مسيطر عليها غمضت عيوني تعبانة بس اريد أنام غفيت رغم كل وجع جسمي
24
حسيت على لمسات دافية بوجهي فزيت اباوع لوجهه يضم بشعري جوا الحجاب ويعدل بالعباية رجع الكرسيه گال
338
- راح نوصل سيطرة شعرج طالع .
1.6K
رفعت ايدي احاول اضم شعري وهو عيونه تراقب من شافني أواجهه صعوبة لان ايد وحده رجع تقرب فر وجهي علي ودخل اصابعه بحجابي يضم شعري وسحب العباية عدل غطاني زين حضن وجهي بين ايدية وبابهاماته مسح جوه عيوني رجع المكانة وكمل طريقة .
713
اباوع للساعة عبرت ال١١ص ، رجعت راسي ليورا اباوع للشارع مسافة وحجة
20
- احجي شنو بداخلج .
165
التفتت علي ما فاهمه
1
-شنو ؟
باوعلي ورجع باوع للشارع بسرعة
- احجي أشكي سولفي اي شي بداخلج ابجي بس لا تصرخين
سولفيلي لا تكتمين ، تختنگين وتصيرين مخبلة مثلي ، تلومين نفسج وتتمنين لو حاجيه لو مسولفة حتى لو الغريب .
713
هو يحجي وانا دموعي ينزلن رجعت درت وجهي منه ما اريد اسولف شي رجع سألني
1
- شنو امنيتج ؟
210
- تمنيت أكمل دراسه واحقق وصية امي .
تمنيت اعمامي يسندوني ويعوضوني فقدان امي وابويه تمنيت يحتضنوني وما يحسسوني باليتم ، محد يحس بالكسرة البداخلي من اجيتهم شاردة ادور أمان يمهم تالي أذوني ضعف أذية اخوالي
173
تمنيت مكان دافي انام بيه مو مخزن ، تمنيت من اكل محد يباوع للگمتي ويحسب وراي شكد اكلت ، تمنيت احافظ على نفسي ومحد يتحرش بيه مو من انام اخلص الليل كل شوي فازة كد ما خايفة
450
دنكت امسح بدموعي وهو ساكت رجعت اتصلت رويده لزم التليفون يريد يطفيه بسرعة سحبته من عنده وجاوبتها
1
- ها رويده
3
- تأخرتوا بالي يمكم الطريق يخوف
12
-اي يمشي على كيف
2
- يله ماشي منتظرتكم !
1
سديت التليفون وهو وكف السيارة ونزل بالمطر باوعتله راح لمحل على الطريق ، باوعت للتليفون بس حركت أيدي على الشاشة نفتح دك گـــلبي بخوف خاف ما يقبل حركت الشاشة وظهرت التطبيقات
تصفحتهم بدون ما ادخل عليهم بس اشوف شنو منزل وشنو لا باوعت الأستوديو الصور والتفتت اباوع ليورا بعده ما جاي دخلت للصور
181
بلعت ريك بخوف نفس رسوم الحايط كلهن مصورهن كل رسمه صوره وحده أتصفح بيهن واتلفت ليورا خايفة يجي ماكو شي غير صور الرسم طلعت من ملف دخلت الملف ثاني اويد انزل للأخير ونفتح باب السيارة شهكت فازة وراساً قفلت التليفون باوعلي مضيك عينه بأيده كوبين سفري مدلي واحد عفت التليفون واخذته شمر علاكة حلويات يمي وصعد سحب التليفون فتحه دنكت عيني عرف وين جنت داخله رجعت اباوعله حرك ركبته يمنى ويسرى
197
- يا ريت ترجعين تخافين من عندي وما تتقربين الأشياء تخصني
714
حجاها وعاف التليفون بقى واكف يشرب نسكافيه وباوعلي اني بس لازمة الكوب
25
- اشربي تدفين .
47
شربت بدون ما اباوعله بس كملنا رجع مشى مسافة وگال
1
- لا ، لا تخافين من عندي بس لا تتقربين زيادة ولا تبتعدين
858
باوعت بوجهه وحجيت
- قبل شوية سألتني عن امنياتي عددتهم الك وهسه تذكرت عندي بعد أمنية ومهمه
36
- أمنياتج بسيطة
40
- وأمنياتك ؟
9
- ما يتحققن .
43
- ليش، ترا رب العالمين قادر على كلشي
31
- شنو الامنية التذكرتيها
9
- أتمنى يجي يوم وتحجيلي كلشي كلشي عشته وكلشي وصلك الهالمرحلة ، ليش تقسي وانت حنين ليش تصيبك نوبة جنون وأنت عاقل ليش صوتي يزعجك ويأذيك ، ليش تكره أبجي .
340
سكت متجاهلني الحد ما وصلنا نزلنا بالمطر لازمته من ايده وامشي خطوة خطوة ارجف الباب الرأيسي مفتوح بس دفعة وكفت رويدة كاعده على كرسي ومنگعة كلها بجت واجت ركض الهجام فاتحه أيديها حضنته تبوس بيه وتبجي وتعاتب
58
- شوصيتك انا شوصيتك هيج تسوي بيه تشعل النار بگلبي واني بعيده تخليني لا اني للسماء ولا اني للگاع ليش هيج تريد تموتني
76
تبوس بوجهه وتحجي تنكعنه جوا المطر وهي فاقدة خله أيده على خدها يهديها التفتت شافتني ورجفت شفتها مختنگة ساعدتني دخلت جوا ، ملابسي متبلله وهي مبلله خجلانه من منظري ومن الموجودين اجت بنيه بأيدها ملابس
74
دخلتني رويده للحمام ودخلت وياي ساعدتني ابدل كعدت هادئة ابارعله غسلت ملابسي واحنا بالحمام خلتهم بالنشافه وباوعتلي
- اسفة عفتج وحدج كل الصار بيج بسببي
42
- لا قابل تبقين طول عمرج واكفة تحرسيني ، شلونها غزل صدك عندها عملية
21
- لا جذب غير بس ردته يجي روحي راحت ، كومي يله
35
كمت طلعت وياها عمو حسين كاعد والولد حيادر كاعدين بالصالة
فتت ويا رويده اريد ادخل يم غزل وعمو حسين نتر
19
- حريشي يصيبج ، بحلگج عظم ما تسلمين ؟
503
رجعت خطوة ليورا واباوع للغرفة ما اريد هجام يسمع ابتسمت ودموعي غدرني ونزلن حجيت ببرود
12
- أسلم ؟ على منو ؟ عمي ؟ لا لآن لو عمي جا وكفت وكلت ها شصاير وياج ايدج ورجلج ملفوفات ووجهج مورم شبيج منو محاجيج ،وروح أهلي عندي أستعداد ارفع عليكم دعوى بأقرب مركز ترا صبري خلص من زمااااان
97
غلط ووكف بعصبية يريد يم ايده علي وكفت رويده بوجهه
7
رويده :: حدك بوية ما كافي عليها الضرب الاكلته من مرتك وبنتك ؟ ما تشوف نفسك ظلمتها لدرجة مستحيل ينغفر ذنبك ؟ شوكت تعرف تتصرف شوكت يحن گلبك على دمك شوكت بس اريد اعرف شوكت نتشيم بيك ونگول ابونا ويانا وهي تگول تيتمت وعمي وگفلي شووكت ؟
92
دفعها من ايدها يغلط وحيادر ما قابل ويسكت بيه فتنا الغرفة غزل هجام بصفها كاعد على الچرباية وحاضنها لگلبة مغمض عينه والفطيرة بس شافتني ضحكت وهي تگول
15
غزل :: ههههه عديتج عن بعد التحقتي بيه
417
- شنسوي غرت من عندج شنو بس انتِ مدللة ونايمه لازم الحگج
110
فتحت أيدها تأشرلي تعالي وهي نايمه على صدر هجام تقربت ابوسها حضنتني بأثنين أيديها بقوة هي تحجي واني ارجف من قربي الهجام ووجهي الراح يطخ برگبته رجع راسه ليورا اكثر وجهه صار قريب من وجهي يباوع لعيوني غمضت وابتعدت ، رويده تحاجيني واني اباوع لوجهه ولعكدت حاجبة المستغربة .
546
سحبته رويده من ايده حتى يبدل نزع القميص انطاه الها
- غسلي ونشفي
21
- هاي ملابس حيادر
1
- ما اريد ، غسلي نشفي وجيبي
104
- هجام والله تتمرض شبيك حبيبي البس من حيادر على ما ينشفن ملابسك
15
- ما اريد
60
باوعتله رويده بزعل وغزل تضحك واني عيوني على وشوم صدرة
بس لمحني اباوعله درت وجهي وهو سحب المنشفة الجابتها رويده لف روحه بيها كعدت على جهه ساكته
1.2K
غزل :: رجعت راسي الصدرة فرحانة بس ما حضني مثل اول ما اجه لزمت أيده خليتها على زندي احجي بصوت ناصي اخاف من عنده
14
- هجام
2
- همم
4
- رجعت تگول بابا غزوله مثل قبل .
18
- شوكت عمليتج ومال شنو ؟
289
- ها ؟
73
- هاا؟
562
- مو الدكتور گال لا مشتبهين ما تحتاجين بعد عملية ، گال انتِ حاليًا يحتاج يتواجدون اهلج بقربج حتى نفسيتج ما تتأثر بس هي متأثرة شنو بالليل أبقى ابجي ورجلي توجعني اصرخ منها وهم عندي امتحانات تدري امتحاني اليوم راح عليَ بس شنو أستاذ حيادر گال يعتبر تأجل بس تصير رجلي زينه اداوم ما اعوف الدوام اصير صيدلانية وتفتحلي صيدلية مو ؟
444
اجيبها منا واوديها منا وهو ساكت غير لو تجي رويده وتنقذ الموقف أخيرًا دخلت ووكفت بالباب مستغربة گالها
3
- شوكت العملية ومال شنو ؟
15
- يا عملية؟
40
- العملية الجبتيني علمودها
76
- هاااا تذكرت
35
- اااي !
17
- ااي ، أجلها الدكتور أسبوع عملية الرجلها
199
غميت كصتي أشرلها تعالي اجت يمه
14
هجام :: ليش تچذبين عليَ چم مره گتلج عليَ لا تچذبين.
142
رويده :: اخاف عليك .
13
حجيتها وفززني صوته بعصبيه صيح
- اسكتييييي
160
باوعتله ساكته وغزل فزت مبتعده من حضنه وكف على حيله وتقدم عليَ
2
- لا تچذبين علي رويده لا تچذبين لا تخليني أفقد ثقتي بيج
132
مسحت دموعي ورفعت عيني بعينه
- اجذب اذا هالشي يحميك من نفسك .
9
رفع ايده بعصبيه عصرهم بقوة وصيح داير وجهه يرجف ويرجع يباوعلي احسه يتمناني عدو حتى يضربني ، نفتح باب الغرفة ودخل الحنين ابويه يحجي
124
- شعندك تصيح عليهن شني ؟
558
لحظة هي لحظة هجام الگدامي طفر ركض لزم أبوي ركضت وحيادر مچلب بيه بس اريد اطلعة من ايدة دفعه لبعيد ابوي خشمة طك دم صيح علي
160
- ارجع للبيت ما الگاكم احرگم والله احرگكم
151
حسين :: انجب لك مخبل اطلع اطلع ما اضل ببيتك اخذ بناتي واطلع
130
- يا هنه بناتك يااااهنه اخواتي ما توصل يمهن
73
- اي بكيفك هيه بكيفك غصباً عليك اخذهن يا محكمة الترضى يضلن ويا مخبل
165
هد هجام وكوه لازمته، حيادر طلع ابوي من الغرفة الي زعل وطلع من البيت راجع البيتنا وهجام يفتر يريد يكسر الغرفة واني وراه
26
- عفيه هجام اشش على كيفك أهدأ باوع راح طلع من البيت بس على كيفك
58
كعد على اعصابة يلوب اجه حيادر اخذة وطلع من الغرفة كعدت أيدي على رأسي شسوي شهالحيرة كمت يم شام اشوفها گـــلبي ممرود عليها شوية واتصلت خالتي كالت جايه اشوف غزل
يابه شكد عيب من حيادر ، صارلة كم يوم يصرف وما يخلي شي ما يجيبه وفلوس عملية غزل ربع ما خلانه ندفع گال الابوي انا السبب انا الاعالجها وابوي فشلني وگاله هاي هي بعد بكيفك متت من الفشلة بيومها
391
شام :: والله رويده حاولت كلشي اسوي بس بعد ماكدرت عذريني وعدتج وما وفيت بوعدي
10
سحبتها الصدري حاضنتها
4
- اسكتي يمعوده هو منو يگدر الهجام ترا مرات اني ما اكدرله محد يوكف بوجهه مو زين انتِ سكتي كم يوم
20
- ومدللته والله
147
- هههه
- والله حتى ضحك اضحكه
106
- شني تدغدغينه
190
- لا والله احشش علي اطكطكهن براسه وشو يضحك اخذني الواهس بس من ضحك تمنيتج موجوده
81
- ضحك ضحك هيج مثلنا
48
- اي والله هيج هههههههههه وصوت عالي
363
- فدوه الضحكته كون سامعتها
9
- يله ولا يهمج اضحكه الج بعد
61
- اممم اشو اني اخته وما اعرف اضحكة
93
- يحتاج تصيرين لوتيه مثلي
129
-ههههههه ،شام احب روحج الحلوه شكد ما تعبانة تضحكين
71
- شسوي الدنيا جايبتني دفرات وانا مكشره بوجهه ، ولج جذبت جذب ما انزل الله به من سلطان
233
رويده:: يااا
6
- اي والله ، من ما يقيل ياكل اكله رويده كالت ذمة بركبتج ما تاكلين اذا هجام ما ياكل ، شيسوي وكتله رويده كالت ، شيحجي وكتله رويده كالت جزعته فد مره يمكن هسه كرهج من وراي .
128
ابتسمت ورجعت حضنتها صايره بمعزة غزل ،بعدتها من حضني ودك گـــلبي حيل واني اتذكر علاج هجام
9
- شام وعلاج هجام ؟
8
-من ساعة افكر بيه ما ادري وين راح اني ضامته هنا بس من سحلتني سجود مدري رين طاح من عندي
342
وجعني كلبي خايفة بس ما ردت اخلي شام تقلق اكثر كتلها
10
- يله ميخالف هسه اجيب منا
4
كمت من اجت خالتي دخلت للغرفة سلمت على شام من بعيد وراحت الغزل كعدت يمها حاضنتها وتبوس بيها
4
- شجابج بهالمطر خاله ؟
6
- بعد شسوي بالي يمها ما اكدر أبقى هنا موسى عنده دراسة ما يحب يبقى وحده باجر عنده عطله اجيت اليوم والله كلت اليسر نروح كال يله
255
ايه :: هلا بيكم نورتونا البيت الكم والعتبه الكم
390
رويده :: ابتسمت اباوعلها صدك معدله وترحب بالضيف كمت وياها للمطبخ صبينه الغدا اجه حيادر للمطبخ باوعلي مبتسم ويفرك ايد بأيد گال
39
- هذا اخوج ما يبرد شوفي انا لابس قمصلة وحاضن الصوبة وارجف
157
- ههه متعود
7
أبتسم واجه ياخذ الأكل للديوان بدون ما يحجي ويا ايه واذا يريد شي منها يحاجيني ويسمعها وهي نادرة كلشي جاهز على اتم وجهه كملنه وصبينه النا بالغرفة يم غزل خالتي وايه توالمن يسولفن واني محتارة بغزل وشام ،ورا الغدا من شربوا چاي ايه اخذت خالتي لغرفتها تنام لان تعبانه وجابت فراش الشام تمددت شوية ورجعت يمنا كعدت
29
- تعبناج ايه
1
- دروحي تعبتني اسكتي ، قابل شمسوية
227
- لا والله خجلانة منج ومن حيادر ثگلنه عليه
- ثگلي خايفة على فلوسة خلي يصرف شبيج انتِ
110
شام :: غير المفروض انتِ تخافين على فلوسة شو جنج ما تحبينه ؟
319
رويده :: لطمت على كصتي صارلي كم يوم اخجل اسأل ايه شنو بيكم وليش متزاعلين وشام من اول ساعة طكتها بوجهه آيه ابتسمت ساكتة وشام جلبت
318
- عفوًا اذا حرجتج مدري شحجاني راح اسكت
16
ايه :: عادي عليمن حرجتيني ، اي ما احبه ولا يحبني باقين سوا علمودكم ههههههه
468
رويده :: ايه صدك تحجين ؟
9
- اي والله باليوم الندعمت بيه غزل متعاركين عركة من الزينات الحقير ضربني كسر الايده ان شاءالله
113
غزل :: اسم الله لا تدعين نوب تنكسر صدك منو يأخذني امتحن
376
ايه :: دروحي انتِ وامتحاناتج
48
شام :: ليش هيج اذا ما متفاهمين نفصلوا
10
- يمعوده هو مجلب ذبحني بس خلي يطلك داخلص
20
رويده :: ايه خاف احجي خاف تزعلين اني حيادر اعرفة من زمان ذهب مؤدب واخلاق ليش حتى تنفصلون ليش ما تتفاهمون
20
- ما نتفاهم ما ترهم صار سنين لا احبه ولا يحبني
17
- الحب مو كلشي ، البنيه شنو تريد بالزوج ، احترام ، يسندها ، يساعدها تحقق حلمها وتكمل دراستها ، بيت الها مصرف واتوقع كل هذا حيادر موفرة ، وشخصية وشكل ودكتور ، ايه لا تبقين تركضين ورا الحب لا تخسرين حيادر ليش ما تحاولين تكسبينة
167
غزل :: وعيونه ملونه شبيج مخبله تعوفينه ترا والله حبيبج مو حلو ايه عليج العباس لا تعوفين حيادر ولج البنات يحسدنج عليه
352
- يمكن تكولن علي ما تستحي تحجيلنه كلشي بس آني أساسًا ما عندي احد احجيله وافضفض يمه انتن اول بشر اشاركة اول وحده غزل وهسه انتن ، بنات ما راح تفهمون شنو علاقتنا شوفي هو من قبل الخطوبة اجيت وكتله اني احب ومستحيل اتقبلك ارفض عرض بابا لا تقبل ، وهو من خجله من ابويه ما كدر يرفض يعني من اول يوم زواجنا هو يعرف جسم عنده وكلب وروح عند غيره مستحيل يتقبلني ومستحيل أتقبله تبقى نظرته الي بشك طول العمر ما ادري اذا فهمتوني او لا بس كل الاكدر اكوله لو شكد ما بقينا سوا ما راح نتوالم نهايتنا انفصال
160
شام :: زين انطوا فرصة اخيرة لزواجكم بلكي تتفاهمون
ايه :: اي اي هوه هيج سوينه سنه اذا ما تفاهمنه ننفصل
109
رويده :: الله يهديكم يا رب
7
ابتسمت ساكته شربت غزل علاجها وشام نامت ايه كالت رايحه اغسل المواعين كمت وياها الدنيا صافية طلعت للكراج امسحة ونفتح بأب الديوان طلع يسر رأسًا نزلت دشداشتي وهو بقى واكف بمكانه منزل عينه حجه وهو مدنك
90
- السلام عليكم.
172
رفع عيونه باوعلي بنظرات ضايعة يا ريت ما باوع يا ريت ما رفع عيونه ويخليني اندل دربي وما اضيع اكثر لا اني الراده ولا اني المنزله عيوني بلع ريك يرمش بثگل رفع عيونه ليفوك باوع للسماء وللسطوح رجع نزل نظرة وحجه ببحه
61
- روحي يم غزل جيبي الماسحة أنا انشفها
244
هزيت راسي موافقة سندت الماسحة على الحايط ودخلت من باب المطبخ سديته وراي ايه تمسح بالطباخ مكملة غسل وكفت على جهه اباوعله اجه اخذ الماسحة من الحايط لزمها مثل ما جنت لازمتها ورفع ايده يشمها هز راسة لا رأسًا شميت ايدي ما بيها اي عطر أصلًا مبللات ،
771
ايه :: عيونج تراقب .
77
التفتت عليها منحرجة
1
- لا ماكو شي بس استحي من عنده
3
رفعت حاجبها تغمز عفتها اريد افوت لغرفة غزل لكيت هجام يمها كاعد على اركبة يباوع لوجهه دخلت وسديت الباب وراي ما يباوعلي زعلان من عندي مديت ايدي اغطي شعر شام النايمه .
138
مسح على خد غزل ووكف يريد يطلع وفزينا ثنينا على صوت شام تبجي بوجع وهي نايمه تقربت اريد اكعدها وبمجرد لزمتها فزيت من حرارتها
90
- مصخنه سوده عليَ ، شام شام
45
وهي تبجي بخنك تلزم بأيدها وساده عيونها بقوة اجه هجام مد أيده على وجهه وباوعلي بحيرة
21
- شربت علاجها ؟
3
- اي والله انطيته الها
2
هجام :: شام شام اكعدي
328
وهي على نفس وضعها نار صيارة نار كمت ركض جبت كمادات ورجعت اخذهن هجام من ايدي كاعد يم راسها وخر الشال من راسها وخله الكماده على كصتها صيحت تبعد بأيده نزل ايدها
175
- جج اشش ايدج
224
- ما تحس على نفسها
10
باوعلي ساكت مد ايده على صدر ملابسها عاكد حاجبة باوعت وياه سحبهن على جهه يباوع فوگ عظم الترقوه صاير ازرك على بنفسجي بمجرد لمحة دار وجهه وغمض بغضب اباوع الايده نسدت بقوة متحلف
614
عاف الكمادة على راسها ومد ايده الايدها الزينه يرفع بالردن وهم لكاها زركة وفزت هي مخروعة تجر بروحها وتصيح بصوت مبحوح
30
- عوفوني عوفوني عوفوني ما اريد اموت عوفوني
304
لمها هجام بحضنه يسكت بيها ويمسح بوجهه وهي تبجي ومچلبة بيه تضم روحها الحضنه خايفة وترجف ، استغربت حالة هجام وتقبله الشام وعدم اهتمامة للحلال والحرام .
3.5K
باوعلي وعرف نظراتي استغراب وخرها من حضنه خله راسها على المخده چلبت بيه تهمس
11
- احميني احميني
415
غمض عينه وبلع ريك محتار رفع ايده فوك ايدها نزلها يحجي
4
- ترستج ذنوب لا تلزميني
1.1K
وهي مجلبه بأيده سحبت الكمادة من كصتها رجعت عصرتها وخليتها عليها ابتعد ليورا يباوعلها ويباوعلي همس
3
- تكسر گـــلبي
1K
- افدي گلبك الحنين
88
- تگول اخاف من الكل وبس بيك مأمنه
389
- لو ما شافتك مصدر امان ما حجت هيج
14
- ما تدري بيه قاتل ، لو تدري ما حجت هيج
51
-مو قاتل انت
4
- قاتل ومجنون
175
- قنعوك بهالكلمات وخلوك تضيع نفسك وتضيعنه وياك هجام يا روحي انتَ ما كافي كل هالسنين
21
هز راسه لا وعيونه ما فارگت وجهه شام
6
- تذكرني بيها صوتها من تصرخ نفس نفس
658
- اششش باوعلي هجام
11
مديت ايدي احضن وجهه باوع بوجهي عيونه مدمعة ومختنك
9
هجام :: اذيتها هم اذيتها كالت مأمنه بس بيك وطكيتها
304
سحبت ايدي من عنده گـــلبي دك حيل
- ضربت شام ؟
57
هز راسه اي وعصر عيونه حيل بوجع
19
- ما ادري بالغلط صارت گدامي ، رويده گـــلبي يحترك من اذكر مديت ايدي عليها
455
- ما متقصد وبالغلط
هز راسه اي كال
- بس ارجع اطردهم من البيت
76
- لا هجام
21
-ما اريدهم ببيتي جاي يأذونجن وانتن ما تحجن
116
- لا بس كادرين على شام من اني موجودة ما اخلي احد يحاجيها
3
- تخافين اطردهم ويشتكون علي يرجعوني للمصح ؟
111
سكتت اباوع بوجهه أفتر تمدد على رجلي خليت ايدي بشعرة
5
- راح اروح اجيب علاجك من الصيدلية واجي
1
- ما اريد .
10
- ها هجام شنو متفقين !
1
- ما يسوي شي
16
- يسوي يسوي شوف شلون تغيرت صرت تطلع واخذت شام للمستشفى وتسولف وياي وتگول الغرل بابا غزوله تدري شكد بجت وضحكت من كتلها
136
ابتسم وهو مغمض نزلن دموعه مسحتهن ايدي على خده
23
- توجع گـــلبي هاي الكلمة
155
- لا تكولها ما بلازم المهم راحتك يا راحتي
114
رفع ايده لزم ايدي يبوسها كام من رجلي باوع الشام وطلع بقيت يمهن شوية بدلت وطلعت أريد آخذ حيادر واروح اجيب علاج هجام لكيته مبدل وواكف بالكراج
11
- حيادر وين رايح تكدر تاخذني وياك للصيدلية
باوع للساعة باوعلي خجلان
- والله رويده مستعجل بالقرآن ساعتين واجي اخذج عادي ؟
55
يسر :: روح إنا آخذها
1.1K
التفتت علي مستغربة طلع من الحمام وكف يم المغسلة واني واكفة كدام باب المطبخ اباوعله عدل شعره باصابعة وطلع السيارتة طلعت وراه محتارة اصعد گدام لو ورا فتحت الباب الورا وصعدت سكت ما حجه شي وطول الطريق ساكت نزلت للصيدلية ونزل وياي فتحت التليفون اراوي صورة العلاج للولد گال
38
- ما اكدر انطيه الج هذا الا بوصفة دكتور
37
- اي هو الدكتور وصفه النا والله بس احنا خطار هنا ونسيت العلاج بالبيت بغير محافظة
- ما اكدر والله
19
اجه يسر يمي بسرعة اخذ التليفون وتقدم كدامي يحاجيه گـــلبي دك حيل القربة من كد ما توترت حسيت بدفو جسمه ، جبرت نفسي وابتعدت للجهه الثانية وهو يحجي ويا الصيدلاني ومن احجي انا الصيدلاني يباوعلي ويرجع يسر يحاجيه .
125
شام :: فزيت على صوت غزل اباوعله تلوب محتارة بروحها واني جسمي كله يوجعني كالت
16
- شام عفيه نطيني هذاك العلاج
كمت كوه انطيته شربته وكعدت يمها
- شلون صرتي
برطمت ساكته وضايجة مديت ايدي على خدها اسكتها ودك تليفونها سحبته وبس شافت الرقم صاحت اهووو
9
- ها منو
7
- بس عليج الله مو تحجين يم هجام ، هذا طالب وياي اسمه اسلام شالع گـــلبي
151
- شيريد
- يركض وراي ما يستحي
2
- ياا طيحي حظة شعنده ، حضري حضري
65
وصدك حضرت رقمه تغلط علي وتحجي شلون صار الحادث وتسألني شنو الصار وياي حجيتلها على سوالف سجود باوعت بوجهه
-غزل ميخالف اسألج شي ؟
2
- اي اسألي
-ملاك منو ؟
34
جانت مدنكه وبمجرد نطقت الاسم رفعت عينها فازة عيونها دمعن وهمست بخنك
1
غزل :: الله يرحمها
253
حجتها وضمت روحها بالفراش تبجي واني ما فاهمه شي
31
رويدة :: فرفحت ونشلع باب گـــلبي ما يقبل ينطيني العلاج احتاريت شلون أقنعة
6
- زين مصورة وصفة الدكتور وحتى الختم عليها عادي يصير ؟
9
حجيت واخذت التليفون من ايد يسر طخن اصابعي بباطن أيده ابتعدت اباوعله سد ايده بقوة متوتر طلعت الصورة شوفتها للولد وشلع كلب گـــلبي يله قبل ينطيني العلاج اخذناها وطلعنا هم صعدت ورا وهم سكت ما حجه شي .
118
دخلت للبيت لكيت ايه وشام وخالتي بالطارمة شام تبجي وغزل صوتها واصل للكراج تصيح وتبجي گـــلبي وكف
12
- شكو
شام :: راح هجام راح السجود .
1.4K
طاحت علاكة العلاج من ايدي وضاك النفس بصدري أريد أبقى واكفة على رجلي ما اكدر ...
1.3K
يتبع 🦋
