رواية ندبات الملا بابل الفصل التاسع 9 بقلم زينب جعفر

صلوا على محمد وال محمد

"قراءة ممتعه"

6

​⊱━━━━⊰✾⊱━━━━⊰

4

اشواق:: ملا

ابتسم وطبگ الباب مطفي گلوب الغرفه..

12

نزلت راسي منگطع نفسي مفكره بألف فكره اضربه لو اشرد لو اصيح لو انلصم

صار گبالي مدنك كاعد باوعتله

سجيل:: اعذريني والله

12

:: ها

:: يابه اسمج غريب كل شوي انساه

13

:: اشواق اسمي

مد ايده يتلمس بخدي كزبر جسمي راعشه

:: جوعانه؟

13

هزيت راسي بـ لا كام وكف اني منزله راسي مامفتهمه شنو اليصير ثواني وشهكت قوي

2

شالني موكفني على الجربايه موخر الشال مني عيوني صارن حمر مدمعه ععيوني ضلمه ما أشوف ملامحه حيل

:: حاجيني

12

كلت بأرتباك..

:: شــ .. شنو؟

1

:: تعرفين ليش اتزوجنه

24

هزيت راسي اكثر من مره بتوتر حس عليه خايفه وخر ايده مني وانا كعدت بهدوء كعد يمي ماد راسه يحاول يشوفني

:: علاقتنه شنو ترديها

15

:: شنو؟

:: مابيدي شي وشيبة أبويه شتحجين أمر وصار بس احجيلي التردينه

:: مثل شنو مافتهمت

3

:: شنو تريدين اسوي زواج صدكي لو أصحاب؟

21

رفعت حاجبي ماسحه دموعي

:: اصحاب؟

:: ترديني زلمه الج لو لا گلبي

14

بقيت ساكته مامفتهمه شي من كلامه هوه رجع همس يريد يسمع جوابي

سجيل:: احجي اي لا

2

اشواق:: يعني تصير رجلي؟

سجيل:: اي تردين؟

خفت لايفكر يطلكني ويدري مجبوره على زواج ويرجعني الأهلي وابويه هزيت راسي كلت بفزع

اشواق:: اي اريدك

81

باوعتله بطرف عيني لكيته يمسح على شواربه مبتسم وكام مشغل اضاءه صفره خفيفه كلش

سجيل:: اسبحي ارتاحي ومگضيه .

35

كمت امشي على كيفي هوه راح الكنتوره مطلعله دشداشه اني كل شوي اتلفت خايفه منه حس عليه واسمعه يضحك

اشواق:: مسويني مضحكه شبي هذا

6

فتحت جنطتي ادور ملابس وتذكرت بقچه ضمتها الي بيبيتي البسهن اول ايام

اشواق:: ملا

17

اندارلي بسرعه

سجيل:: شيباتي

41

اشواق:: اكو بقچه ماكو شو

سجيل:: تأكدت ماكو شي بسياره

سكتت هوه صفن شوي وفتح ازرار قميصه ذاب القاط درت وجهي بسرعه مسويه روحي ملتهيه بجنطه شويه وسمعت صوت سويج باوعتله لابس دشداشه نيليه واخذ سويج طالع بره الغرفه

اشواق:: وين رايح هسه

9

رفعت دشداشه اباوعلها لونها چويتي وبيها من ناحيه الصدر ورود بيض

اشواق:: تخبل...مو شويه قصيره

6

شمرتها على جربايه وكمت قافله باب الغرفه وخرت ماشات من شعري ماده ايدي افتح زنجيل الفستان

اشواق:: شنو سالفه دنفتح

3

بقيت احاول لحد ماخلص صبري جريته حيل منكطع منفتح فستاني واكع بلكاع اتنفست براحه متمدده على جربايه

اشواق:: يايمه هسه اتنفست

14

هفيت على وجهي احك بشعري

اشواق:: شجابني على سوالف نسوان اذا مو بجامتي سوده وفانيله مشككه ما ارتاح

43

باوعت للدشداشه لزمتها بايستها

اشواق:: جمالج اوووف

5

كمت البسها تذكرت اسبح غميت روحي فتحت الباب اباوع مالكيت احد

اشواق:: وين حمامهم... اكدر اركض ومحد يشوفني

14

بقيت احوس واشجع بروحي ادخل واطلع نوب هم مديت راسي ادور على الحمام ولكيت اثنين بابين كبالي على جهه

اشواق:: واحد منهم اكيد

سديت الباب ادورلي على خاولي وعيني على الباب خايفه لايجي ومالكيت اي خاولي

اشواق:: يمه بس لاكلهن بلبقچه شنوهاي امداني

11

فريت دشداشه على جسمي طلعت متأكده ماكو احد وطكيتها بركضه فتحت واحد من بيبان وطلع الحمام بست ايدي بطن وگفى

اشواق:: الگلوب

6

بلعت ريكي فاتحه باب الحمام اباوع وانفتح باب المطل على الهول طبگته بسرعه خايفه باقيه بضلمه

اشواق:: طبيعي اتفشل لو شنو

3

سجيل:: مريتي؟

34

فتحت باب الحمام ضاغطه قوي مطلعه بس عيوني

كلت بصوت ناصي

اشواق:: هنا

جان واكف مقابيل الغرفه سمعني ودار كل جسمه ناحيتي متمشي ناحيتي بيده البقچه

سجيل::لگطتها ألچ

2

اشواق:: شلگطت

رفعلي البقچه اني اضمضم بعيوني وارجع اطلعهن طابگه حواجبي

سجيل:: كاضچ بتهمه شني

13

اشواق:: ها

سجيل:: هههههه انعلت روحك البالي لچ شنيهاي الفهاوه

24

اشواق:: حباب شغلي الگلوب

يمه اكو دگمتين شغل وحده منهن

سجيل:: أنگضت

سديت الباب خليت الطشت چان معلك بسمار على جهه خضيته وخضيت الطاسه صغيره لكيت إكثر من ليفه وماكو شامبو بس صابونه رگي

اشواق::شنو مخلص شامبو

اتنهدت ليفت جسمي بس وشعري غسلته بلمي لبست دشداشه وطلعت أرجف من برد سنوني واحد يطك بثاني

5

دخلت لكيته متمدد حاط وحده من ايده جوه راسه يخابر شافني وكال

سجيل:: موهسه نحجي باجر اشوفك ونعرف سالفتهم سگط... يلا في أمان الله

7

سداه كايم صاير كبالي

سجيل:: نعيماً

4

اشواق:: نعم الله عليك

كعدت كبال جنطتي ادور بجيب لخ مطلعه مشط هوه اتنهد ماسح على ركبته وطلع

اتنفست براحه شويه شعري قصير بس سرحته باقي مفتوح رفعت دشداشتي شويه مخليه بودره على جسمي وركبتي والمسك نهيتها بعطر

20

طلعت شعري زايد واكع بلمشط ملگلگته بيدي وانفتح الباب فزيت اباوعله بيده صينيه طبگ الباب برجله اتقرب يمي كاعد على وصله مفروشه

سجيل:: تردين اشغلج الگلوب لو بس هيج؟

اشواق:: لاهيج دا اشوفك

سجيل:: مدي ايدج اكلي

اشواق:: ما أشتهي

ضيك عيونه وصار يلح عليه مديت راسي اشوف شجايب

سجيل:: جبتلج اكل من بره وهم طبخ الحبيبه

اشواق:: منيه الحبيبه؟؟

8

سجيل:: ماشفتيها گبل شويه؟

اشواق:: هيه منو هاي

سجيل:: ادني يمي اكعدي واحجيلج ياهيه

اشواق:: ماجوعانه بلعافيه، وهم اكلت انا اصلاً

سجيل:: بكيفچ گلب گلبي

30

دحست لگلوگه شعري على جهه بجنطه هوه سواله لفه دحسها كلها بحلكه ياكل جان منزل عينه اول ماكمت باوعلي من جوه على مشيتي

اشواق:: اكو تكرم زباله

15

مسح العرگ بكصته يأشرلي على زاوية الغرفه فتت من يمه ذابتها هوه كام يكح حيل

اشواق:: اسم الله شبيك

11

دك على صدره ركضت صابتله مي من دولكه بصينيه اخذ الكلاص دار وجه مني وهوه مخنوك كال

سجيل:: نعلللت روحك البالي

43

اشواق:: تريد بعد مي

سجيل:: لا، شيلي الصينيه

اشواق:: شبسرعه شبعت

سجيل:: شبعت شبعت شيليها گلبي

3

شلتها وعاط شايطه روحه

سجيل:: وييين؟

12

اشواق:: موكتلي اودي الصينيه

سجيل:: هيچ !

10

ضيكت عيوني مافاهمه فتح دكمه من دشداشته يمسح بلعرگ كام ماخذها مني وطلع طابگ الباب قوي

اشواق:: دخيلك ربي بس لاهم مخبل ماناقصه والله

38

دحست روحي بجربايه متغطيه اجه قافل الباب مطفي الگلوب الأصفر فزيت كمت اصرخ رجع شغله

سجيل:: شبيچ ولچ

3

اشواق:: لاطفي بقي الأصفر

كال بصوت ناصي مشغله

سجيل::يايابه عليك الأصفر .

14

رجعت متغطيه مطلعه بس عيوني صار كدامي طابگ حواجبه

سجيل:: راح تنامين؟

8

اشواق:: اي

1

سجيل:: واني؟

8

اشواق:: شبيك

سجيل:: وين انام بگبري

4

اشواق:: ماكو كرويته

سجيل:: خاب گوومي

كمزت خايفه من عيطته

سجيل:: دشوفي ضيم شلون نايمه

19

انداريت مستوعبه نايمه اعوج اني راسي على مخده جهه يسار ورجليه وباقي جسمي على جهه اليمين

اشواق:: اليه جربايه

3

سجيل:: وصاحبها وين ينام بلگبوور

اشواق:: شبيك تصيح عليه

سجيل:: مامصيح بويه بس بربج شنيهاي حجيج مال جهال

خزرته موخره البطانيه

اشواق:: موجاهله اني بس بيبيتي مومتفقه وياك

سجيل:: بـ شني؟

اشواق:: كل واحد بجهه

سجيل:: متزاعلين شني ولچ

7

اشواق:: عيفني انام

درت ظهري انام وشهكت شالني حيل بقيت ارافس

اشواق:: وخررر

6

سجيل:: وحق شيبه ابوي شياطين توصوص بأذني لاتخليني أجرم بيچ

36

باوعتله منصدمه بجيت..

اشواق:: انتَ مو بنهار جنت حباب

سجيل:: ذاك الملا .. ههسه سجيل ابن ظهير

57

شهكت حيل ابجي خايفه عافاني بسرعه ركضت للباب اريد افتحه هوه اجه وراي حاط ايده على الباب

سجيل::شبيچ غاليتي

10

اشواق:: ضحكت عليه

سجيل:: بـ شني ولچ ضحكت عليچ

اشواق:: سويت نفسك حباب

ضحك حيل مبينات سنونه وغمازته اني دحست روحي بلباب ودموعي تصب صب الدرجه اختفى صوت بجيي بس فاتحه حلكي

سجيل:: ولچ كافي لايسمعونچ حسبالهم مادري شني

36

بقيت ابجي بدون صوت هوه يطبطب عليه واني ماتحرك مغمضه عيوني

سجيل:: دخيلچ شبيچ ماتتنفسين

16

خلاني على چتفه يضرب قوي على ظهري رجع وجهي علي لازم حنجي خايف

سجيل:: شني حتموتيين ولچ وين صوتچ

13

ضربني راشدي طلع صوت البجي مالتي ضاربته على صدره

اشواق:: امووتك اذا ضربتني بعد

11

سجيل:: چا بطكات تحجين شني حسبالي متي

7

اشواق:: نام بلكاع عوفني انام بجربايه

سجيل:: موحجيتي ترديني؟

25

اشواق:: شريد؟؟

باوعلي بنضرات موراحه يفرفر بشاربه

اشواق:: قصدي ماطلكني ماريدك اني موتدري بيه مجبوره

20

سجيل:: مسودنه غاليتي

1

اشواق:: انتَ المخبل

سجيل:: هسه شني

اشواق:: ماتنام والله اذبحك

سجيل:: اخخخ سوده بشارب البالي

20

حك طرف خشمه

سجيل:: هاي اذا اله شارب

32

بقيت ابجي استغفر يباوعلي اتقدم خطوه رجعت كلش بلحايط زايده بلبجي رجع اليوره

سجيل:: لاتفتحين حلكج وخررت عايني

21

سكتت هوه صفن على الغرفه ضارب على فخذه متنهد

سجيل:: احجيلي شنو تردين گلبي

همست بغصه

اشواق:: لاتنام هنا

رخت ملامحه مبتسم دنك الطولي

سجيل:: چا وين غاليتي؟

أشرتله بـ أصبعي على الكاع

سجيل:: هنايه .. يلا هم حظك هذا الملا

9

أشرلي اوخر رحت على جهه هوه فتح القفل والباب طالع

اشواق:: زعلت

7

سجيل:: هههههههه والله ألچ حجايات حليوه، لاغاليتي اشوفلي فراش وانام

14

هزيت راسي مبتسمتله كعدت بطرف جربايه منتضرته هوه شويه ودخل بيده فراش وجرجف يباوع على غرفه يمشي على كيفه

اندار وشافني كاعده كمت يمه واكفه

سجيل:: مانمتي

مديت ايديه اثنينهن ابتسم تك خد منطيني فراش

سجيل:: اتعبج گلبي

6

اشواق:: لاعادي

فرشتله يم الكنتور لزك

اشواق:: ها تنام هنا

5

سجيل:: نعم الله عليج راح اشبگ الكنتور وانامن

32

سحبته شويه من كنتور ضحك عليه خليتله الجرجف اتمددت متغطيه هوه اجه يمي باوعتله بالعه ريكي مد ايده اخذ المخده البصفي وشمرها على فراشه متمدد

سجيل:: شنو حجيتي اسمج؟

17

اشواق:: اشواق

سجيل:: اي صح

اشواق:: اسمي موصعب تره

سجيل:: لاصعب عيدي؟

10

اشواق:: اشواق

هوه مغمض عيونه صار طيف ابتسامه على شفايفه

سرعان مارجع ملامحه طبيعي متحمحم دار ظهره مچتف ايده

28

مرر الوكت وانا عيني على الساعه بقيت أتگلب رغم نعسانه وتعبانه بس مادا انام للفجر بديت اغفى سمعت صوت حركه يمي فتحت عيني لكيته رافع اردانات دشداشته وجهه مبلل يدور بجراره البصفي

6

حس عليه مبتسم كارص خدي متبلله

سجيل:: تصلين؟

ماجاوبته راجعه نايمه..

فزيت من نومي حاسه شبعانه نوم فركت عيوني كايمه لكيت بردات شباك مفتوحات داخل ضوه الشمس

اشواق:: وينه

كمت طالعه بره الغرفه بيدي اعدل بشعري مخليه كذلاتي وره أذني

اشواق:: ملا

2

زمن:: ها حبيبه كعدتي

18

رمشت اكثر من مره استوعب وتذكرتها نفسها المره شفتها من اول ماجيت

اشواق:: شلونج خاله

زمن:: احجيلي زمزم

12

اشواق:: هههههه صار..بس منو انتِ؟

زمن:: تعاي اسويلج ريوك واحجيلج

همست منزله راسي..

اشواق:: نفس كلام الملا شنو ذول

زمن:: شوقه

4

اشواق:: اسمي اشواق

5

زمن:: ها اي يلا غسلي وتعاليلي

هزيت راسي رحت غسلت ودخلت للمطبخ كاعده على الميز طلعت طاوه حاجتني بأبتسامه

زمن:: تحبين مخلمه؟

11

اشواق:: عشگي

ضحكت وضحكت وياها اطكطك بأصابيعي بدت تسويلي ريوك تحمي الجاي واني اشمشم بلمخمريه المخليتها

اشواق:: طيب هل بخور

زمن:: الله يرضى علي سجيل جابها اخلي بخور عطر ومي

اشواق:: احس ريحتها فانيلا

زمن:: اسواق نجف وبغداد كومه اروح علمودن كرايبي واجيب منهن يخبلن عندي بعد كومه بخورات كل يوم را تشمينهن

اشواق:: اني حيل احب البخور امي مثلج دائما تخلي بخور ومسك ومخمريه والحنه

1

خلتلي طاوه بيها طماطه محموسه لاچعه وطاكه عليهن بيضتين وصبتلي من چاي المهيل وياهن صمونات حارات..

زمن:: اني ماحب الحنه ولاريحتها

21

اشواق:: من كثر ما امي تخلي منها صرت اعشگ ريحتها

زمن:: ماحبها لاهيه ولاسدر يدمرن البيت من اجيبهن

اشواق:: بس كلش زينه للشعر ماشاءالله امي شعرها هلثخن بسبب الحنه

زمن:: بعد كبرت على هاي سوالف.. تردين كعك؟

هزيت راسي خلتلي من سمسم واحد من زعتر غمست بچاي واكل هيه طلعت للطرمه تنضف اني خلصت كمت غسلت مواعيني وزايد خليته بماعون صغير ضميته بثلاجه

طلعتلها لكيتها ترشرش الزرع

اشواق:: بشنو اساعدج زمزم

زمن:: سلامتچ گلبي فوتي بغرفتج ارتاحي

6

سديت الباب من سيم راجعه الغرفتي

اشواق:: نفس كلامه گلبي وما گلبي

5

باوعت للساعه لكيتها عبرت الوحده طلعت اشوف البيت وحده من غرف مخليين بيها فراشات وميز وكرويته مديت راسي على جهه الحمامات اكو درج

اشواق:: هذا درج وين يوديني

سجيل:: الشيب ابوي

68

كمزت واكعه بلكاع باوعتله راد يضحك ورجع ملامحه طبيعي صار كبالي

سجيل:: لچ شطالعه

اشواق:: هيچ تخرع گلبي

سجيل:: فدوه الگلبج بس شنيهاي

هزيت راسي بمعنى شنو وكمت هوه باوعلي من فوك اليجوه

اشواق:: شبيك شهل الغاز

3

سجيل:: طالعه الحبيبه هيچ ولج

5

اشواق:: دشداشه عاديه وذا

4

سجيل:: يابه گصيره

10

اشواق:: لا زينه

سجيل:: فوتي للغرفه

5

مشيت خازرته هوه ضحك دخلت للغرفه ودخل وراي ساد الباب

سجيل:: غيري ملابسج

اشواق:: وديني الأهلي

سجيل:: غيري ملابسج

اشواق:: وديني الأههلي

سجيل:: غيري ملابسج

31

اشواق:: شنوهاي تعاند اريد اروح الأهلي حرام عليك

ذب ملابسه درت وجهي

سجيل:: باجر العصر اخذج الهم

اشواق:: ليش مو اليوم

سجيل:: تلحگين على شوفه خال امچ المختل

اجه يمي يذب ساعته وسويجه على جراره

سجيل:: لابس دوري

2

اشواق:: اني على امي واختي

سجيل:: مويم خالج

اشواق:: لعد؟

9

سجيل:: رجعن البيت جدج

اشواق:: ليش شسوه خالهاا

4

استغرب من عصبيتي رافع حاجبه

سجيل:: والله البالي بالج اضن

فتحت عيني اول فكره اجت بالي اتحرش بـ اختي عطت حيل هاجمه لزمني حيل من بطني

سجيل:: شني ولچ وين وين

9

اشواق:: انا أدبه النذذل المتحرش حقير اموته بيدي اموووته

6

سجيل:: متحرش؟

10

اشواق:: عييييفني

سجيل:: رجلج اني هووو انتبهي

7

اشواق:: وديني ترا والله طلاك

9

صفن بوجهي خازرني سكتت راجعه اليوره اتقدم يمي كلش

سجيل:: شو ماتعرفين تحجين ولج.. عاينيلي

1

كلت بغصه

اشواق:: اريد ادافع الأهلي

سجيل:: وتصيحين موأگلب خلقتج

20

اجتمعن دموعي رفعت ايدي أشر

اشواق:: هاي شبيك انتَ

8

ضحك حيل متمدد ويكح مخلي ايده على عيونه

باوعلي يجرجر دفعته خازرته

سجيل:: لچ وجهج وجه الفاره تردين تتعاركين اكعدي عمي لايكتلونچ

17

اشواق:: افشخهم فشيخ

سجيل:: ههههههههه اخخ وتروح مريتي اصير اررمل واني بعمر شباب يابوويه

25

اشواق:: لاچنك راح تصير مطلك ملا

مسح عيونه مدمع من ضحك ورجع باوعلي يضحك

اشواق:: انجب لاتضحك عليه

21

سجيل:: عيب تحاجيني هيج

1

اشواق:: وانتَ عيب تستهزاء اني بالي يم اهلي وانتَ تتمضحك

سجيل:: اشواق كافي

تغيرت ملامحه الجديه سكتت هوه جر مخده نايم بجربايه جريت المخده لزمها قوي مرجعها الراسه

اشواق:: مالتي

سجيل:: كافي تعبان والله

8

اشواق:: اي نام بلكاع شعليه بيك.. اهلي وديني الهم اليوم

بقيت اجرجر بلمخده ضايجه

اشواق:: عووفها.. عيفهاا

7

صاح خلصان صبره

سجيل:: هسه عيفها لو عوفها

اشواق:: اي انتَ هم صيح عليه مثلهم بكيفك لاتاخذني الأهلي.. ليش لا صيح صييييح

باوعلي فاتح عينه سكتت طابگه حواجبي كاعده بلكاع مطنگره

سجيل:: شبيچ گلبتي خلقتچ

اشواق:: لاتحجي ويايه

1

سجيل:: هسه احنه حاجين البارحه خلصتيها بواجي واليوم ماده بوزج

اشواق:: لاتحجي وياايه

1

استغفر كام يدردم عليه واني اهز برجلي داحسه نفسي بجربايه وكف كبالي يباوعلي

اشواق::ماريدك بعد روح

68

سجيل:: اشواق ماحب احد يگلب خلقته عليه

اشواق:: وشسويلك؟

درت وجهي منه بلحظه سريعه شالني عطت ارفس بي علگني من طرف ملابسي بتعلاگه الملابس من حديد صايره

اشواق:: لاا راح اووكع نزلني

68

سجيل:: تبطلين تگلبين خلقتچ

اشواق:: نزززلني شبيك هاي عود انتَ ملا وتقره للأمام

1

سجيل:: چا تزعلين عليه بويه تعبان اني

اشواق:: نزلني ملا

36

سجيل:: ابقي واسكتي عين الملا

دار وجه ينام بقيت اتحرك اصيح علي

اشواق:: سجيل..والله احجي ماسكت

بقى مسوي روحه نايم واني احجي اغثه وساعه اتوسل

اشواق:: ان شاء لله تتزين اكرع.. لاحباب نزلني راح اوكع شايفني عمري خمس سنين

3

رخت ايده خفت لانام صدك عليت صوتي

اشواق:: يمعود.. الله ينطيك مره بس نزلني

19

ماتحمل صارت ضحكه مرسومه على شفايفه ورجع ملامحه طبيعي

اشواق:: اذا وكعت اغضب عليك.. انتَ مو ملا الملا يصير حباب وخلوق

8

فتح عينه متغطي شابگ المخده

سجيل:: شني ولچ شنو معاينتلي سگط

اشواق:: اي

خزرني كام خفت متحركه وكعت اني وتعلاكه على وجهي صرخت متأذيه بسرعه سحبني كاتم على شفايفي بجيت اشهك

سجيل:: شو بلا عاينيلي اشوفج

19

اتلمس كصتي متزلغه رجفت مخليه ايديه على وجهي استغفر شالني خلاني على جربايه طلع شويه واجاني بيده مي وچفيه

حط مي بلچفيه يريد يمسح الدم بكصتي دفعت ايده

اشواق:: وخر كله من وراك

3

سجيل:: اشششش

اشواق:: تأشأك والله اذبحك

14

سجيل:: هسه دخل امسح صخام وذبحيني

جراني غصب الصدره يمسح بدم واني ارافس واعضعض بـ ايده ضل بس يستغفر ويدفع ايده بقيت متعلگ غارزه سنوني

سجيل:: شني انجلبتي غاليتي

14

وخرت اخزره ضحك دافعني انشمرت متمدده خله الچفيه على كصتي لازمها

سجيل:: بارده هسه تريحج شويه

اشواق:: الا اكول عليك امي

سجيل:: اخخ چا اني هم اجيب ابويه راح

1

اشواق:: سجيل لاتعاملني هيج ترا اني ولد

22

سجيل:: شني

اشواق:: اقصد سوالف الأنوثه وتغازلني ماحبها

سجيل:: وين مغازلج

درت وجهي منه شامره چفيته ضربني خفيف باوعتله اخزر

سجيل:: خوفتي شاربي غاليتي

11

ماجاوبته متغطيه امسح بدموعي

سجيل:: ماردت أذيج گلبي اريد منچ سماح غاليه

11

اشواق:: عيفني

1

سكت وراح بقيت بلفراش ماكوم متاذيه من كصتي وركبتي جرح ابويه رجعت نمت واكعد شبعانه نوم واغصب روحي للنوم مره لخ حتى يخلص يومي

سجيل:: الحبيبه تسأل عليچ

1

ماحجيت وخر البطانيه مني جريتها قوي مرجعتها ضامه راسي

سجيل:: صار ليل شيبتي شوكت تكعدين

واصلت ما احاجي اتنهد متقرب اكثر

سجيل:: الغالي حاجيني

طلعت عيوني اباوعله مبتسم حاط وجه بوجهي

اشواق:: غالي شنو

سجيل:: موتحجين انتِ ولد.. اريد اعاين اتأكد

31

اشواق:: ولي عني

1

ضربني راشدي خفيف

سجيل:: عيب هل الفاظ گلب

4

رجعت البطانيه على وجهي هوه كام وخرت بطانيه متنفسه طلعت بسرعه ماده راسي لكيت بس خاله زمن

زمن:: خوفتيني عليج شنو شبيج عمري

اشواق:: مابيه، راح؟

زمن:: اي شصايرلكم اسم الله

كعدت يمها وانتبهت الكصتي

زمن:: ياا ياا هاي ليش هيج متعوره

اشواق:: وكعت على وجهي

زمن:: ركبتج صبح شفتها بس ماسألت شبيها

اشواق:: سالفه طويله هاي

زمن:: انتبهي عمري.. خوما تأذيج احجي السجيل ياخذج المستوصف

اشواق:: لاتسلمين مايحتاج

زمن:: ضميتلج لفات ردتج تاكلين وياي بس حجالي نايمه

كامت انطتني صينيه بيهن ثلث لفات لحم ومقبلات

انطتني وياها عصير نومي بصره

اشواق:: هاي انتِ سويتي لفات

زمن:: اي طيب اسوي والله

اكلت منه اتعجبت بطعمه

اشواق:: عبالك مال مطاعم

22

زمن:: بلعافيه راح انام اني

اشواق:: هسه؟

هزت راسها باستني وراحت الغرفه بقيت صافنه افكر شتعودله كمت فاتحه الثلاجه لكيت بيها عصير رمان مسويته هيه ببطاله كبار مخليتهن اخذته هم وماعون فواكه طلعتهن خليتهن على الميز كصكصت منهن مخليتهن ماعون ثاني جمعتهن كلهن ورجعت للغرفه خليتهن على جربايه واكل

اشواق:: حتى الفواكه تخبل طازج

بقيت اكل وبالي يم اهلي ليش راحوا بيت جدي بهل سرعه عضيت من لفه ثانيه

اشواق:: هم حظي هذا اول يوم رحت منهم رجعوا بيت جدي واني اشهر اتوسل بيهم

1

سكتت سامعه صوت باب الهول

اشواق:: اجه

مضغت بسرعه اريد اضم صينيه وماعون جوه جربايه كلها خشب ماتدخل بقيت اباوع بحيره ركضت على كنتوره مخليتهن رجعت للجربايه حاضنه بطل نومي بصره ورمان متغطيه مسويه روحي نايمه

34

فتح الباب سديت عيوني اكثر مامتوازنه انفاسي

سجيل:: بعدج نايمه

كملت تمثيلي سمعت صوت علاليك فتحت تك عين لكيته مندار متوجهه ناحيه الكنتور.. همست بخوف

اشواق:: هسه ماكافي كلساع مبدل

رجعت مغمضه صار هدوء شويه وسرعان ماسحب البطانيه مني عطت فازه

اشواق:: لابردانه

10

سجيل:: بردانه مو؟

جر البطاله مني حاصر ضحكته

سجيل:: شنيهاي ولچ

20

اشواق:: زمزم لحت عليه اكل اني ماشتهي

سجيل:: حلو زمزم واثنين بطاله اكبر منج تسكرين شني

29

سكتت راجعه متمدده مغمضه عيوني

سجيل:: عافيات غاليتي بس جبتلج اكل

كمت اباوع العلاليك

اشواق:: شجبت؟

2

سجيل:: شوفيهن

بقيت اكل بشفايفي محتاره هوه اتمدد بفراشه متنهد بتعب رحت للعلاليك لكيت جايبلي اكل من بره وعلاكه لخ جبيره حلويات طلعت كيكه وعصير اكل منههن

هوه كام ذب فانيلته متمدد على بطنه

سجيل:: لاتبقين دايره وجهج تعالي

اشواق:: شنوه

سجيل:: ظهري يأذيني دوسي علي

اشواق:: يمعود لاتفطس بهل ليالي

38

سجيل:: ههههههه نعللت روحك حنون على هيچ خلفه

4

اشواق:: شبيهاا

سجيل:: تخبل فدوه الوجهج

2

كمت رجعت للجربايه فتح عيونه يباوعلي

سجيل:: شني كومي

اشواق:: ماريد

سجيل:: باجر ماكو روحه الأهلج

اشواق:: ههههففف هفففف

سجيل:: عفيه هويلي عرگت واحتريت

13

هزيت ايدي هوه دار وجه شابگ المخده ويضحك صعدت على ظهره صاح

سجيل:: انعلل !

9

نزلت بسرعه اشرب بلعصير

اشواق:: موكتلك

سجيل:: اشاقه وياج اصعدي

اشواق:: ماريد ابني

سجيل:: بنتي ماكو روحه للأهل

2

شمرت عصيري هوه يضحك لأن ضايجه صعدت على ظهره ادوس قوي

سجيل:: على كيفج غاليتي تكسرين رجلج شني

8

اشواق:: اي

2

سجيل:: اخخ لئيمه الغاليه

10

اشواق:: باجر من ساعه خمسه صبح تاخذني الأهلي

غمض عيونه مرتاح

سجيل:: اصعدي فوك شوي

اشواق:: سمعتني شكلت

سجيل:: مو اني الي خلك اصبح بوجوه السگط

اشواق:: موخال امي على بيت جدي

سجيل:: اعرف

اشواق:: ماقبلك تحجي عليهم

سجيل:: دوسي دوسي الله يسدها بوجه البالي

28

اشواق:: سجيل

سجيل:: خوش بدينه بلميانه موجانت الملا

2

اشواق:: عندي ثلث اسئله بالي

سجيل:: خليهن بالج

10

اشواق:: احجي صدك

سجيل:: انزلي

نزلت هوه دار متمدد على ظهره شمرت علي فانيلته لبسها شابگ مخدته

سجيل:: احجيلي شنو البالج بس اذا سؤال ماكدرله ماحجي

اشواق:: انتَ ليش هيج منبوذ

14

انصدم كال يتأكد

سجيل:: شني؟

اشواق:: يعني بيت جدي مايردونك

سجيل:: اخخ گلبي

اشواق:: شبي

سجيل:: شيبتي عبري على سؤال لخ ولچ گلبي يايمه

5

اشواق:: زين ياهيه زمن موحبيبتك مره جبيره

لزم ناحية گلبه دافن راسه بلمخده يضحك

سجيل:: بووويه عبري عبري

7

اشواق:: ابوي شلون هيج يعني يحترمك

فتح تك عين معدل كعدته طبيعي

سجيل:: وين محترمني سگط بس احجي مرجفه

اشواق:: اي

سجيل:: تعرفين المثل امشي عدل لا*** علينه

44

اشواق:: ها؟

سجيل:: مو اني حاجي المثل تره بس اكلج سامعه

اشواق:: هاي عود انتَ ملا ومتدين وتصلي وتقره

2

سجيل:: هسه شعاينتي سويت بس احجيلج ساامعه

اشواق:: ماسامعه ولا أريد اسمع

سجيل:: هوه ابوج يمشي بصيحات

اشواق:: صح ابوي موزين بس ماقبلك تحجي علي

1

حط ظهر ايده على وجه ينام

سجيل:: حقج تبرين الوالديج خو اخوج ياشيباتي شكد هل زلمه فقير اريد اگابله مو بس اسمع عنه

4

اشواق:: شبي اخوي

سجيل:: سواياته يخبلن

مافتهمت كلامه ردت اكوم وسحب ايدي مكعدني دفعته حيل

اشواق:: لاتلزمني

نام صفح مخلي ايده جوه راسه يباوعلي

سجيل:: هسه دوري اسأل

اشواق:: ليش انتَ جاوبتني اصلاً

سجيل:: جاوبتج سؤال

اشواق:: لعد اني هم اجاوبك سؤال واحد وبس

سجيل:: شني بلعدل؟

رفعت أچتافاتي بمعنى مادري هوه عدل كعدته

سجيل:: اسمج مضوجني

2

اشواق:: شنو سالفه موصعب تره

سجيل:: ماعرف چاي انساه

2

اشواق:: شنو تريد

سجيل:: لقب اصيحلج بي

9

صفنت هوه بقى يمسح على شواربه ينتضرني ارد

وره دقايق باوعلي يفرك بعيونه صايرات حمر

سجيل:: شنو نمتي

اشواق:: ام شامه

3

سجيل:: شنو ليش

أشرتله على شاماتي ابتسم تك خد

سجيل:: لاهم طويل ماعجبني اممم شااامه جؤ

عفته وكمت لكيت صينيه على جراره اخذت لفه مالتي مكمله اكلها هوه همس

سجيل:: شومه"

83

باوعتله بسرعه صار طيف ابتسامه علي صافن بيه

سجيل:: يلوگلج هل اسم وقصير حبيتي؟

اشواق:: ليش مو بأسمي

سجيل:: وربج انساه

2

اشواق:: براحتك شتصيحني صيح

رجعت اللفه ماخذه باقي الاكل ضامته افكر

اشواق:: اكو احد ينسى اسم مرته

اتنهدت مغسله ورجعت الفراشي لكيته نايم ذاب روحه كلش

اشواق:: مبين يتعب

بقيت اتگلب بفراشي ماجايني نوم لحد ماصار أذان الفجر طلعت لكيت زمن تتوضى شافتني ابتسمت

زمن:: الحلوه راح تصلي

اشواق:: صباح الخير

زمن:: صباح النور ععيوني بس كعدي وياج سجيل

هزيت راسي اخذت مي اشرب ورجعتله نغزته بچتفه بأصبعي

اشواق:: ملا.. اكعد

فز بسرعه رافع راسه اني وخرت كال بنعاس

سجيل:: بيج شي؟

اشواق:: لا كوم صلي

ماحجى راح اني طلعت جبس اكل دخل متوضي شافني ضميته بسرعه وراي

سجيل:: بعد وكت ضميتي

اشواق:: شبيك خليني اكل

سجيل:: چا ماتاكلين غير جبتهن الج بس ليش ماتاكلين گبالي

5

طلعت الجبس اكل

اشواق:: احتراماً الك

17

سجيل:: مبين موأنتِ تحجين رجلج انجب

7

اشواق:: ملا ذيج اشواق هسه الگبالك شومه

10

عض شفته جوانيه يهز براسه ويضحك

سجيل:: كومي صلي

اشواق:: نعست

سجيل:: صارلج جم ساعه تفترين فوك راسي جنج سحير الليل هسه نعستي

اشواق:: مامفتره لاتجذب

سجيل:: ادري حرمله انتِ شني

34

ماجاوبته جر الجبس مني حيل مكومني رفسته

اشواق:: هاي رابع مره تتعدى الحدود

سجيل:: شعدنه خريطه رحمه الأهلج

14

سحلني للمطبخ خلاني اتوضى وجراني طابگ الباب لبست شال طويل كلش مغطيني لحد بطني هوه وكف كبالي وصلينه

اول ماكملت صلاه اتمددت افرك بعيوني هوه ماخلص يصلي بطيء كلش باوعتله رامشه اكثر من مره صاير غواش وغفيت

فزيت على صوته

سجيل:: نقره هذا دعاء مستح.. نمتي

12

رجعت نمت ماحاسه على شي كعدت صبح لكيت نفسي بجربايه طلعتلي دشداشه ماروني وخاولي رحت للمطبخ لكيته كاعد يتريك يسولفون هيه وياه

بسرعه طلعت صاحلي

سجيل:: شفتج شفتج تعاي شومه

مديت راسي مبتسمه

اشواق:: صباح الخير

زمن::صباح النور ياوجه الخير

سجيل:: وين رايحه

اشواق::اسبح

كام اجه يمي همس بس انا اسمعه

سجيل:: المن شردتي مني؟

اشواق:: ماشارده متوهم اليوم تاخذني مو

سجيل:: وين؟

اشواق:: بيت اهلي

سجيل:: الله كريم

اشواق:: اذا تضحك عليه اذبحك

سجيل:: سوده بشاربي

1

باوعتله من فوك اليجوه هوه مبتسم عفته دخلت للحمام سبحت طلعت لكيته كاعد على كرويته مقابيل الحمامات يباوعلي

اشواق:: مارحت الدوامك

سجيل:: يادوام؟

اشواق:: موشرطي انتَ ماتلتحق

سجيل:: شرطي يلتحق؟

19

اشواق:: اي

سجيل:: لاخوش معلومات.. نعيماً

6

جاوبته ودخلت للغرفه مشطت ورشيت عطر خليت بودره هوه يدكدك بلباب

سجيل:: ولچ افتحي لازمن تشوفني ادكدك

اشواق:: صارلك من صبح بره الغرفه هسه صارت عزيزه

يحجي بصوت ناصي حتى ماتسمعه

سجيل:: افتحي الباب ولچ

فتحته اله خازرته هوه تغيرت ملامحه موخر خصله من شعري صايره على وجهي دفعت ايده بسرعه

سجيل:: شومه

6

اشواق:: لاتكلي ماتاخذني

سجيل:: بشرط

3

اشواق:: موبديت تزودها

سجيل:: هسه سمعتي شرط سهل هوه

4

باوعتله غمزلي صاير كبالي

اشواق:: ماريد

1

سجيل:: بكيفج غاليتي

راد يطلع وكلت

اشواق:: بلا شنو هوه

74

__

غرام:: صبينه الغده انا والنسوان كعدنه

خلدان:: يعني شنو بس هيج جابكم

منوه:: اي والله عمي حتى كتله ليش اروح شسويت بقى يلح يكلي هناك احسن

3

ظهير:: طبعا هنا احسن

ميسر:: بس من وحده سبحان الله كال هيج؟

بقينه واحد صافن بوجه ثاني مامفتهمين

خلدان:: اكلوا هسه عليمن شايلين همهم

عذيه:: اي والله طبعا هاي اول مره ابوكم يحجي حجايه بيها خير

خلدان:: ايا بت الخيرر

2

شالت من الخضره ودحستها بحلكه ضحكنه كالتله بنتر

عذيه:: تسلم ابو الخيررر

14

ثامر:: راح تصير مذابح شنو

صباح:: هيثم ماياكل؟

24

رند:: صحتله مايريد

رشيد:: شبي هذا حابس روحه

16

زاهر:: شمدريك خويه يجوز عاشگ

6

خلدان:: عاشگله صخله من صخلات ابو بشير

20

ضحكنه وبدينه ناكل باوعت الفيحاء مو ويانه ساكته أشرت الابويه وامي انتبهولها

عذيه:: اليوم اشواق تجينه

3

رفعت راسها بسرعه فرحانه

فيحاء:: صدك بيبي

عذيه::چا شني اجذب عليج ولج يلا اكلي

نزلت راسها تاكل ومنوه تمسح على ايدها مبتسمه درت وجهي بلغلط وانتبهت العبد المطلب صافن عليها بقى اكثر من دقيقه وهوه بوضعيته بس يرمش رفسته انتبه

عبد المطلب:: ها عمه

28

غرام:: اكل عوف البنيه

عبدالمطلب:: غرام مافهمت قصدج

8

غرام:: احترامك حسب غرام وعمه

عبد المطلب:: لاصدك على شنو تكولين

5

غرام:: كمل اكلك

خلصنه وشلنه مواعين صار ظهر جنه نضف البيت ونرتبه علمود اشواق تجينه وأعياد تحوس خايفه من ابنها

أعياد:: هسه مو اتزوجت المن تجي

8

نسرين:: عيب هل كلام أعياد

سمر:: صح كلام خاله اعياد

غرام:: لاجؤؤ نسرين باوعتي شلون شاهد هذا هوه سمر كالت صح كلام يعني صح انجبي لج و ولي الغرفتج لا أكول الأمج تملص اذاناتج فاهمه

خلدان:: عفيه ذول جيران والله أذيه

سكتت اباوعله

غرام:: ياهمه

خلدان:: الگبالنه شنوهاي مايستحون جامعين الولد وكاعدين

4

ماجاوبته طلعت بطرمه لكيت هيثم مطلع البشات ودجاج وثمره تركض وراهن تريد تلزمهن فرحانه

ثمره:: انا حبابه والله ما أذيجن تعالن

29

غرام:: خوش طلعت من الگن

هيثم:: شلونج غرام

غرام:: رند عمه تصيحولها بس اني عادي غرام

كلتها بضحك هوه ماتغيرت ملامحه شال بطات يدخلهن للمخزن

هيثم:: بقى اكل الهن

1

غرام:: لاخلص، هيثم شبيك؟

1

هيثم:: تعبان شويه

7

راد يدخل لزمت ايده

غرام:: كلي ليش تعبان

صار صياح بره دخل ميسر مدمه عطت وهيثم باوع برود دخل جوه

غرام:: شكوو شبيك اخويه

3

قبل لايكمل انجر قوي عطت داخله جاره عبايه امي لبستها ورحت بره فاز گلبي وشفت عبد العزيز وميسر يصيحون

ميسر:: لو تجيني جثه ماكو

17

طبگ حواجبه متخبل سحب ايده حيل لاويها طلع من جيبه الخنجر داحسها برگبته

عبد العزيز::لك ماتعرفني زين حقك بس وععيون امي اذبحك وأصير كتالك !

6

عطت لاطمه على وجهي وأرجف قوي دموعي مغروگه چفوني

غرام:: عووف اخويه !!

دار كل جسمه عليه منصدم من شوفتي شهكت منهاره رخت ملامحه يباوعلي ورفسه بعيد عايفه واكع الخنجر من ايده ..

غرام:: يامجرم الله ياخذك كون

اجه ابوي يركض وظهير شافوني بلكاع منهد حيلي وميسر لازم ركبته يتنفس كوه وعبد العزيز بس يباوعلي يبلعم بريكه

خلدان:: لك طايح الحظ انعل ابوك لابو جابك

جراني ثامر وعبد المطلب جوه وباقيين يتراكضون صايره هوسه بينهم بقيت اباوعله اخواني يرزلون بي وهوه عينه علي اني "

15

همست بقهر..

غرام:: الله يكسرك بعزيزك

8

عذيه:: خايبه شكوو شبي ابني

ماكدرت اجاوبها جرت مني عبايه تريد تطلع وحميد مايخليها اني ماتحملت طحت من طولي ماحسيت الا مي بارد انرش عليه باوعت لكيت بنات متجمعات فوك راسي وياهن اشواق

اشواق:: غرام.. عمه كعدتي همزين

3

شبگتها حيل هيه تمسح على ظهري

غرام:: راد يكتل اخوي راد يكتله شفته بعيني

نسرين:: خيولي الأدبسز دا يحاجون ويه عشيرته وميسر كلشي مابي زين

غرام:: لاشفت اكوو دم براسه ودشداشته

صباح:: اي صار زين داوو جرحه بطل ينزف

رجعت عيني على اشواق فرحانه وبداخلي خوف وفزه صارتلي بعد

غرام:: شلونج بزواجج

اشواق:: الحمدلله

غرام:: شبيج منجرحه؟

اشواق:: وكعت

فيحاء:: اخاف لاضاربها بس تكول وكعت

اشواق:: لأن والله وكعت

نبأ:: لاسجيل مايضرب مره

7

نسرين:: احلفي

اشواق:: ستوني حلفت الجن

صباح:: ليش مانزل

اشواق:: بس وصلني وراح شغله

حوريه:: شفتيها زمن

اشواق_كلهم اتوجهت انضارها على حوريه هزيت راسي.. تعرفيها؟

حوريه:: اي شلون ماعرفها

اشواق:: شتعودله؟

فيحاء:: يازمن ماشفت وحده بلعرس هل اسم

غرام:: هيه ربت سجيل

اشواق:: وسجيل اصلا ليش بعيد وماربته نبأ

باوعت النبأ تغيرت ملامحها عافتنه وطلعت

رند:: مو وكتها اشواق عمري هسه نعرف احوالج

10

اشواق:: بس غير رجلي هوه لازم اعرف عنه

نسرين:: اووووو رجلها مومجبوره؟

5

ضحكت وهيه ضربت چتفي مبتسمه غيرن سالفه بسرعه بس بقيت سالفه بالي اعرف منو زمن؟..

رند:: شلون وكعتي

اشواق:: تعاركنه

كالن كلهن بصوت واحد منصدمات.. شنوو؟؟

اشواق:: موعركه جبيره كلش

فيحاء:: يعني ضربج

اشواق:: دنطي صبر ماضربني

غرام:: لعد؟

اشواق:: شالني من ملابسي وعلگني بتعلاكه مال حديد عود عقاب اليه

8

صفنن بوجهي مامستوعبات شويه وضحكن حيل مخليات طرف حجابهن على وجهن

اشواق:: والله واني وكعت اجتي بكصتي

صباح:: زين ليش تعاركتوا

اشواق:: تدرين بيه يفلت الساني هوه مايتحمل شقه

غرام:: ديري بالج اشواق تره صح مايضرب بس عصبي نار وكل احد يحاجي يحسبله شنو يحجي

حوريه:: اتذكر هوه صغير مرات جده خلدان يعلي صوته علي بلغلط يبقى ضايج منه أيام لحد مايراضي

اشواق:: شنو سالفه

رند:: هوه طبعه هيج مرات يسوي روحه ماينتبه او ينسى بس جذاب اصغر تفاصيل يحسبهن الج حساب

4

حوريه:: يغورگج بكلامه الحلو

1

اشواق:: شيب گلبي

2

غرام:: عفيه هوه صغير خابصنه بهل كلمه مادري منين اتعلمها وكام يكولها بس صدك كلامه حلو يعني مرات تلكينه يعارك عركه شكبرها ويدحس بنص كلامه كلمه گلبي

21

صفنت متذكره اسلوبه وحركاته صحيح الدرجه حسيته يحبني

اشواق:: هوه عن حب يحجي هل كلام؟ غزل قصدي

حوريه:: السانه معسول سجيل بس مومعناه يحب

12

رند:: حوريه انتِ تعرفينه اكثر كليلها شلون تعرف يحبها

اشواق:: نبأ ماتعرف عنه غير امه

حوريه:: اني مبينه ناعمه بس اتزوجت من وكت تكدرين تكولين شايفه احداث حياتهم كلهم

غرام:: عوفي نبأ ركزي بكلام حوريه

اشواق:: بس ماريده يحبني

رند:: اشش

حوريه:: اول شي هوه يبين شخصيه وبداخله شخصيه صحيح حباب وعلى كوله بيبيتج ورد سجيل بس هم يتلاعب الزلمه

1

اشواق:: شلون يعني

حوريه:: كرايبنه صغار بنات هوه يتجاهلهن بس مو يحاجنه يجاوبهن بكلام حلو وحبنه رغم هوه بداخله مايحب يعني معقد تقريبا

2

غرام:: دحجيلها شلون تعرف يحبها

حوريه:: ها.. اندري

رند:: شنو اندري دكوليلها

حوريه:: هوه ماحاب ولامره

اشواق:: ماكو انسان مايحب بالأخص بطفولته

3

حوريه:: مادري يمكن حب بس مايحجي يعني شفته هوه صغير بس اتربى هناك

2

فيحاء:: وليش اتربى هناك؟

نسرين:: بنات بعدين نحجي بسجيل خلي نروح نصبلهم عشى

1

غرام:: يادنيا ليل

صباح:: ساعه بلخمسه هسه

نسرين:: ياراحن عليج سوالف اشواق اجت من العصر حتى سوينه مكياج

غرام:: وين مكياج؟

رحنه بعيد منها وصباح كالت

:: باعي الوجهج واعرفي

16

طكيناها بركضه نضحك هيه افتهمت عاطت علينه صبينه العشى وكعدنه كلنا بلمتنه هيثم مانزل من غرفته وارقب عرفته ايام مايجي للبيت..

27

طلعت ثمره بتلفزيون كارتون كعدنه كلنا نباوع وياها وناكل فيحاء فرحانه بيه وامي وبيبيتي كل شوي حاطيلي من الاكل

اشواق:: اهواي هذا

عذيه:: اكلي عوافي

جدي صبالي لبن

خلدان: اخذي اخذي لاينگلب

اخذته منه شاربه

اشواق:: يخبل انتَ سويته

خلدان:: طبعا من شجره للخلاط صار

عذيه:: قصده من البقره للكلاص

خلدان:: ثمره دوري على مصريين باديين هسه لا

5

نترت تخزره

عذيه: لااا

11

باوعنالهم هوه عدل شماغه مبتسم مشاورها بس سمعنه كلنا

خلدان:: تغارين؟

عذيه:: من حلاتك

خلدان:: ثامر اوصفلها شكلي

ثامر:: العيون محمرره

22

قبل لايكمل ضربه قوي خازره ضحكنه وثامر اتحمحم مصحح

ثامر:: البشره محمرره بياضه طاگ دباعي بيبي حتى شرايينه مبينات

4

عذيه:: منيله شريان هذا

خلدان:: اي بدال شرايين قصبات شو ماتعرفين تحجين

عذيه:: احترم نفسك احنه مطلكين

خلدان:: هسه اليسمعج ميت عليج ارجعيلي

عذيه:: شكو تتحارش چا

عادل:: جدي متحرش بيبيتي؟

8

خلدان:: انجب طايح الحظ شايفني ابن الكلب

زاهر:: رحمه الله والديك يابه

خلدان:: لا عادي

22

عذيه:: خلييدان اسكت

فتح عيونه كايم كمنه كلنا وياه وبيبيتي بقت كاعده مچتفه ايدها

خلدان:: تصيحين عليه ولج انعل ابوج لابو...

5

قاطعته مكمله كلامه...

عذيه:: لابووو جابك عليه اشواق اخذيني وياج

6

اشواق:: ها

زاهر:: لاامي على بختج

عذيه:: رجاءاا هذا قراري

3

خلدان:: بعد لكتلها بيت يلفيهاا ماتكعد

عبد المطلب:: يابه عمامي والولد باقيين شوكت يجون من طلابه

زاهر:: دباع الطلابه لخ راح تصير

عذيه:: خلدان عود شني تقصد بكلامك خايب

خلدان:: اسكتي وكفي شري

4

رفسته شهكنه كلنا

عذيه:: خايب دروووح

24

ثامر:: لالا يمعوودين بس هل لگمه

27

نسرين:: استهدوا برحمن

منوه:: صلوا على محمد

1

باوعنه الجدي فتح عينه على حيلهن صايح قوي

خلدان:: عذذذيه !!

2

خلينه ايدينه على اذاناتنه منطرشين بسرعه كمز من كرويته على بيبيتي عاطت ركضنه كلنا نوخره شوربه انگلبت على ثامر كام يكمز

ثامر:: ولكم احتركت خرررب

61

صباح:: المرره فطست

12

منوه:: عمي كوم

خلدان:: وحك الله ماكووم اكسرها

7

عذيه:: خخايب جنك زاجل دوووخر فلشتني الله يفلشك بحق محمد والكاك بجهنم واكلهم مامبري ذمه لادنيا لا اخره

32

خلدان:: سمعتوهاا ماتريد دخلني للجنه

زاهر:: اثنينكم بجهنم لاتخافون

44

خلدان:: ابن القندره شو ماتعرف تحجي

1

لزمت راسي على دوخه وثمره تصيح وتبجي ومحسن شابگها يهدي بيها هوه اقصر منها بس لازم رجليها

عذيه:: خايبين حمووووت

10

دفعناه كلنا منها هيه اتنفست شامره روحها بحضن امي شربناها مي

زاهر:: هسه هاي سالفه تسويها يابه

خلدان:: انجب لك لوبيك خير رحت وياهم بطلابه

زاهر:: حتى تموت امي

3

عذيه:: اني مابقى هنا ولكم يريد يموتني مابقى والله اشواق اجي وياج

اشواق:: اي هذا هوه تجين

خلدان:: اشواق اني اجي وياج خلي ذيج شكول تبقى يم منوه وبنتها تشبع

24

عذيه:: شفتي بكلشي حط روحه وياي جاهل انتَ

5

خلدان:: تدرين لو يرجع بيه زمن ماطلكج

5

عذيه:: تهي بهي موهيه بكيفك ماطلك

خلدان:: اي اطلكج موبس مره لا ثلث مرات ثلااثه

3

طلعلها ثلث اصابع يأشرلها خزرته وعضت اصبعه عاط شايطه روحه ركضنه نفاكك وثامر بعده يكمز يحط مي على ايده

30

بنص الهوسه سمعتها

أعياد:: اول ما اجو فگرونه يمه منحووسين

11

فيحاء:: باعي هاي ماخذتلها جهه وحدها

اشواق:: سمعتها راح اكمل طلابه واكتلها الها

5

ضحكت تشاورني

فيحاء:: اكعدي مو وكتها ماتشوفيها متجرحه تجرح

اشواق:: صدك ليش هيج وجها مبين متأذي مال ضرب

فيحاء:: ميسر ضاربها

1

اشواق:: ليش؟

فيحاء:: ماحجن بنات بس افتهمت سالفه تخص ارقب

1

خلدان:: طايحين الحظ وخروا جلبه مني

رجعنه نفاكك مرةة بساعه يلا كعدناهم وكل واحد بجهه كاعد من كرويته شلنه العشى نباوعلهم وثامر كاعد بلكرويته بنص يهفي على ايده

عذيه:: شفتي جدج شفتي

اشواق:: شسوه

عذيه:: غماني

اشواق:: جدي صدك جذب رجال شكبرك

خلدان:: طايحه الحظ لاتصدكيها تجذب كاعد وساكت اني

9

عذيه:: ابو دروب احمد ربك ماگطعت اصابعك بسنوني

هوه حاط اصابعه بمي بارد بي ثلج

خلدان:: ماستغرب عليج جلبه

6

عذيه:: وانت كاعد ويه طليان بلبستان

خلدان:: ارعاهن

عذيه:: لاعيني محسوب وياهن

30

خلدان:: اشواق سكتيها

1

هزت بأيدها معنى ولي ضحكت عليهم كلهم اندارولي سكتت مرجعه ملامحي طبيعي

ثامر:: هسه شذنبي انحرگت

عذيه:: اني ردت اموت

خلدان:: اني اصابعي جلب راد يگطمهن لو ما ربك ستر

18

سمعت صوت خطوات باوعت لكيته هيثم شافني وعيونه حمر بلعت ريكي بسرعه دار وجه مني مكمل طريقه

خلدان:: هذا كلب شاف عمه حيموت بيد الأزرك ذاك عافهم ودخل جوه

31

عذيه:: ياهوه ازرگ

خلدان:: عبد العزيز جيرانه

عذيه:: خايب انتَ الأزرك غير چنه تركي

31

خلدان:: منين لاتجذبين

عذيه:: ياا ثامر بربك جيران عيونه زرگ مو يخبل

ثامر:: بس أذيه

عذيه:: چاي احجي على شكله مواخلاقه

1

ثامر:: اي حلو رجال

خلدان:: بس جمال ماعدنه شي غيره

عذيه:: چا انتَ شعندك؟

خلدان:: اني عندي اخلاق

11

هزت ايدها غامته هوه خزرها انفتح الباب داخل محسن يأشرلي اجي أشرتله شكو ماكال كمت معدله شالي طالعه بطرمه

اشواق:: شبيك

محسن:: واحد بلباب يكول اريد شومه

1

عرفته مديت راسي لكيته واكف بعيد متچي على سيارته لاف شماغ على راسه أشرتله هسه اجي هز براسه مبتسم

دخلت لكيت بوجهي امي

منوه:: ها يمه

اشواق:: سجيل بلباب ينتضرني

عذيه:: اخذيني وياج

خلدان:: ها عذيه شنو

2

عذيه:: چا شني حسبالك جذبت عليك اريد اروحن

خلدان:: ماترحين

1

عذيه:: موبكيفك نسرين جيبي عبايتي

اني دخلت جوه لابسه عبايتي لكيت هيثم بلمطبخ سلمت عليهن ضاجن عليه

غرام:: كليله تباتين اليوم

اشواق:: راسي داخ من جدي وبيبيتي

حوريه:: هههههه حقج

صباح:: من اولها عفتينه ها

رند:: كامت تحبه چنها

اشواق:: لاشنو سالفه بس دايخه والله فد يوم هم ابات يمكم

هيثم شمر الكلاص البيده جان يتنفس بكوه خفت حوريه وخرته بسرعه

صباح:: انطرد شر انطرد هسه المه انا

49

طلعت سلمت على نبأ ورحت بسرعه لكيت بيبيتي راجعه كاعده مخليه ايدها على راسها

اشواق:: بيبي ماراح تجين؟

اشرت على جدي

عذيه:: الحكومه ماتشوفيها شلون كاعدتلي تك رجل

21

ضحكت وطلعت لكيت ثمره ومحسن يلعبون بشارع وسجيل خازرهم

سجيل:: يلا ادخلوا

4

ركضوا جوه ساديين الباب

اشواق:: شبيك وياهم

سجيل:: الوكت متأخر وذول يتگامزون وحدهم مايخافون عليهم

اشواق:: وين سياره

سجيل:: كبالج

اتمشينه واني اعدل بعبايتي باوعلي وضحك

اشواق:: استغفرالله ربي

سجيل:: حبيتي شرط مالتي

11

اشواق:: اكول عليمن تتمضحك

سجيل:: والله مدحتيني مدح كدام الحبيبه

اشواق:: مافهمت شنو فايده من امدحك كدامها

10

سجيل:: حست احد ماخذ فراش من الغرفه

اشواق:: وذا

سجيل:: حسبالها الصار بينه صدك مانام سوه واني ماريدها تفكر هيج فا ههسه تفكر... اتقرب مشاورني

2

ضربته مدردمه علي هوه يضحك حيل

اشواق:: امداني هاي عود انتَ ملا

سجيل:: چا الملا شني مايستهتر ويه مرته

29

اشواق:: سجيل شنو اتفقنه

ماجاوبني فاتح باب سياره الي وصعد مشت سياره عدلت عبايتي وانتبهت السياره جايه عكسنه نفس سيارته بهتت ملامحه مباوعه ولكيته بسياره

اشواق:: ارقب .

82

بسرعه شخط سيارته موكفها مقابيلنه ونزل اتصنمت خايفه...

يتبع...