رواية ندبات الملا بابل الفصل العاشر 10 بقلم زينب جعفر

وايـــة ندبات الملا بابل

بقلمي زينب جعفر♥🌿

صلوا على محمد وآل محمد

"قراءة ممتعه"

⊱━━━━⊰✾⊱━━━━⊰

اشواق:: بسرعه شخط سيارته موكفها مقابيلنه ونزل اتصنمت خايفه !..

وكف كدامنه يضرب على سياره

ارقب:: بيك خير انزل

باوعت السجيل خازره ضاغط قوي على الستيرن راد يفتح الباب جريته اتوسل

اشواق:: الله يخليك عووفه مخبل هذا معليك بي

ولاعبالك يسمعني دفع ايديه منه قوي فاتح باب السياره بسرعه اجه ارقب جاره من طرف ملابسه ضاربه على وجه

اشواق:: اررررقب لاا

بقى يضرب بوجه سجيل واني ارجف اصيح قوي

اشواق:: وخرر منه

نزلت من سياره سجيل لزم ايده قابضهن اثنينهن بيده

سجيل:: تتوكل ولا ماحسبك ابن عمي

ارقب:: لاخوش ابن عم تااخذ حبيبتي مني

فتح عيونه بكل حيلهن ضربه بوكسي بوجه موكعه بلكاع ارقب بسرعه لزم خشمه سجيل دنك جاره قوي موكفه ايد ملخه من شعره وايد يضرب على بطنه

اشواق:: كااافي سجيل

رفسه وارقب بكوه يتنفس وجه بي دم سجيل رجعله خانكه

سجيل:: حاط عينك على مرتي كلب، وحق شيبه ابويه اذب لحمك الذيبي

عبد العزيز:: شكو صاير؟

اشواق:: خويه فاككهم

راحلهم عبد العزيز يوخرهم واني ركضت ادك الباب على بيت جدي واشهك حيل

ظهير:: اشواق؟

اشواق:: عمي سجيل كتل ارقب

اعياد:: عزززه ابني

رشيد:: ادخلن جوه انتن شعدجن بطرمه

نسرين:: ابنهاا حيموت ياندخل

ميسر شال نعاله يركض وراهن يدخلن وجدي طلع هوه وبيبيتي يتراكضون

اشواق:: كلت العبد العزيز يفاككهم

وصلت وسكتت منصدمه عبد العزيز مچتف ارقب لازمه وسجيل يضرب بي

عذيه:: سجيييل !

123

جروا عمامي وماكو ارقب اختفت ملامحه من دم على وجه وبيبيتي تلطم واكعه شيلتها التموا جيران على صياحنه عطت

اشواق:: كتلك فاككهم مو تخلي يكتله

عبد العزيز:: حاط عينه على مرته

101

ميسر:: لك هدد ابني زمال والله نسويها عشاير وياك

عبد العزيز:: دمشي

عذيه:: سجيل والله ماعتبرك حفيدي كافي

جراه من عبد العزيز لازم چتفه وايده ثانيه لاوي ايد ارقب صاح ارقب متأذي

ظهير:: لك ابني

يلزمون بسجيل ويدفرهم بقيت صافنه هذا الجنت عبالي فقير وخلوق تغيرت نضرتي علي اشوفه يكتل قوي بدون رحمه ولاعبالك بوعيه

خلدان:: سجيل اسجنك والله

عمي ظهير لزم سجيل قوي يوخره ودفعه خازره

سجيل:: وشيبتك اكتلك وياه

ظهير:: لك كلب تحلف بيه وتكتلني تريد هيج وصلت بيك

باوعت العبد العزيز بس طابگ حواجبه ومچتف ايده اثنينهن رحتله اتوسل

اشواق:: ابوس ايدك لايجون شرطه وخره منه

عبدالعزيز:: روحي اخيتي

جيران يصيحون السجيل يستهدي وجدي طكه اعصابه بيبيتي تلطم وكفت اجره دفعني لزمت ايديه

اشواق:: ملا !

وكف يباوعلي ارقب وكع بلكاع كلهم ركضوا عليه

وانا باوعت الأرقب ابجي واحجي مخنوكه من الغصه

اشواق:: حرام عليك والله

صار كبالي خازرني وشرايينه مبينات بكصته

سجيل:: تره انتِ عرضي

اشواق:: وياريت ماصرت دائما اكول ليش موهوه النهى عليه

156

رخت ملامحه صافن بوجهي عفته رايحه الأرقب لازمه ايده

اشواق:: خشمك الينزف لو شنو

ظهير:: ارجعي ويه رجلج اشواق

ماجاوبت عمي اباوع الأرقب هوه رفع راسه يباوعلي بس يرمش ابتسمتله بكوه ودموعي ينزلن بهدوء

ارقب:: لاترجفين

125

باوعت البيبيتي تباوع السجيل انداريتله قابض ايده حيل ومايرمش فاتح عيونه علينه كاز على سنونه

ظهير:: اشواق روحي يلا بعد عمج

ردت اكوم وارقب بسرعه طلع مسدسه ورمى على سجيل عطنه كلنا مصدومين نفس الأثناء اجت شرطه ركضت السجيل وكع بلكاع على كباته

اشواق:: سجيل... عمي الله يخليك تعال اله

وكع بيدي مغمض عيونه حيل يتنفس بكوه

اشواق:: ملا لا لاتغمض عيونك حباب ..

مرة ثلث ايام وسجيل بلمستشفى وارقب مادري بأخباره بس الأعرفه شرطه اخذوا اتصل تلفون جاوبت

عذيه:: ها صبيع

اشواق:: بعده ماراجع

عذيه:: حاجيت ظهير يطلعونه اليوم

اشواق:: ليش بس عمي ظهير رايح لازم حتى جدي يروحله

عذيه:: راحوا بس طردهم

اشواق:: ياهوه

عذيه:: سجيل

اشواق:: ياا

عذيه:: ماتعرفين بصلافته

اشواق:: لاوين اعرف

عذيه:: حجيت اجيكم اشوفه

اشواق::اذا يطلعونه اليوم تعاي

عذيه:: ظهير يكلي الملا مايريد يشوف احد

اشواق:: هيج صاير عصبي

عذيه:: ها لايطلكج

اشواق:: خلي يطلك ميته علي قابل

عذيه:: ايي حتى ابوج يضل يردح الأبو جاسم

اشواق:: لادخيلج.. عشير ما اجه؟

عذيه:: اي موعشير يندل بيتنه هوه يدري اله بيت جد أصلاً

اشواق::اخر شي عمي كالي جدوله

عذيه:: مدرسه شني

اشواق:: لاشوكت ينزل للبيت هسه لازم نازل من دوامه

عذيه:: اي

اشواق:: شنو مايدورنه ناسينه هيج

عذيه:: وشمدري زلمه بيكم هنا

اشواق:: يايروح بيت خال امي يكلها يا بيت عمة امي ويدري عمة امي ماتحجي ويانه يا يروح الأبوي

عذيه:: هههههههه اي وحنييييين راح يحجيله گبل والله بطرانه انتِ

اشواق:: لعد شلون مشتاقتله

عذيه:: بأيام ذني أمر الخال امج وحنون بلكت اشوفه واحجيله

اشواق:: اي حبابه

عذيه:: دروحي هسه والحمدلله على سلامه رجلج

اشواق:: الله يسلمج، ارقب صار وياه

عذيه:: وجه منتهي چاي يعالجونه وينتضرون سجيل يطيب هم حتى يكملون التحقيق

اشواق:: اذا سجيل اتنازل ارقب يعوفونه

عذيه:: اشواق

اشواق:: ها، شسمه أعياد ونبأ اكيد تكافشن

عذيه:: لا ليش شعليها بس أعياد تدعي على الملا وعليج

اشواق:: شلون شعليها غير نبأ امه

عذيه:: اي ضايجه المره حابسه روحها بلغرفه علمود ابنها، زمن شلونها؟

اشواق:: تجي بس تطمن عليه وتروح لو تشوفين حلكها يابس وحتى خدودها متزلغه من لطم على سجيل

عذيه:: اي تحبه حيل زمن ربته وحسبته ابنها

اشواق:: ماراح تكلولي شتصيرله

عذيه:: هيه الربت سجيل مونبأ

اشواق:: وليش هيه تربي ليش ماعايش وياكم انتوا ليش بعيد

عذيه:: اني شعليه جنت وياهم قابل

اشواق:: بيبي اكيد تعرفين

عذيه:: سجيل هوه ماراد بيت جده

اشواق:: وهمه هيج يتخلون من هوه طفل !

عذيه:: شمدريج هوه طفل وماتربى هنا

اشواق:: كلولي بنات من هوه صغير

عذيه:: اخ منهن، ماعدهم شي وياه بس زمن جانت تشتغل هنا هوه اتعلق بيها اكثر من نبأ وبعدين

اشواق:: وبعدين؟

عذيه:: هوه صار يقره عن الأمام الحسين ويريد يصير ملا

اشواق:: وشدخل انو يصير ملا مايبقى يمهم؟

عذيه::هوه سجيل يحجيلج

اشواق:: بيبي تره علاقتنه ايام حتى اسبوع ماصارلها وين صايره هاي يفتحلي گلبه بطفولته

عذيه::مابيها شي طفولته لاعبالج حزينه بس هوه رغبته يبتعد منهم بس مابينهم مشاكل

سكتت هيه رجعت كالت

عذيه:: مايقبل نحجي الأحد فا اذا تعرفين هوه اليحجيلج ديريبالج تسمعينها من احد غيره

اشواق:: شنو صاير بطفولته حتى هيج ماتحجولي

عذيه:: ماصاير شي بس هوه مايحب بعدج ماتعرفينه الأشياء التخصه مايقبل احد يشاركه بيها

اشواق:: ليش؟

عذيه:: ماتشوفينه كبر ومايقبل يتزوج حتى لايصير..

اشواق:: كملي؟

عذيه:: كافي دوختيني فوك ما اني دايخه هوه مايقبل ولاتفتحيله سالفه ديريبالج تره يلزمج يكتلج نفس ماكتل ارقب

اشواق:: موكلتولي مايضرب مره

عذيه:: صح ويهدي بروحه بس اذا طگت عنده مايشوف كدامه يتخبل

اشواق:: كليلي حبابه

عذيه:: خخايبه روحي جنت ناويه اجي اشوفه عناد بي بس من وراج ما اجي

اشواق:: لاا ليش

عذيه:: لايفلت السانج بشي ادري بيج

اشواق:: لاشنو سالفه بيبي اسكت والله بس تعاي

عذيه:: اشاقه وياج هوه اذا ماراد ما اجي

اشواق:: احس بوحشه بوحدي

عذيه:: هسه يجيج يخبصج

اشواق:: الملا

عذيه:: ههههههه اي ظهير يحجيلي هارچ المستشفى يطلع حتى ماتبقين وحدج وكل شوي يدز امه تجيج

اشواق:: شو يعاملني عبالك مرته

عذيه:: چا أنتِ صاحبه شني

اشواق:: لاعبالك يعرفني حتى مادري صح اخاف واستغرب بس موكلش نفس بيت جدي اشهر يلا اندمجت وياهم هوه من اول يوم تعاركنه

عذيه:: اول حجيج عبالي رجل ومرته بينهم حب فرحت شو نهيتيها بعركه وين التعويد بلسالفه

اشواق:: ما اتعارك ويه رجال ماعرفه

عذيه:: غير تكعد منو الضرب رجال بطابوكه على استغفرالله

اشواق:: ها.. ههههه من رحنه للسوك اليباوع الأمي

عذيه:: اي رجال باوع وانكتل نوب شردتي وعفتينه

اشواق:: خيولي مو بس باوع الأمي ذبلها كلام

عذيه:: حجه تردون شي كلولي

اشواق:: اي وبقى يلحكنه ويباوع الأمي

عذيه:: حقه امج حلوه

اشواق:: اي بس مو يتفرج شنو أتگرن ترديني؟

عذيه:: ههههههه اخذتيها مني ادبسز جنت اكولها الأبوج المسودن

اشواق:: صدك ابنج حنون مگرن يعوف نسوان يرحن وحدهن للسوك وهوه ملتهي بطلعاته

عذيه:: شصارت عركه

اشواق:: انا والملا

عذيه:: لا انتِ وابوي

اشواق:: ها علگني بهاي يعلگون بيها ملابس حديد

عذيه:: شني

اشواق:: والله وكعت على كصتي نوب مستغرب هوه لأن وكعت مادري شجان متوقع اتعلگ وماطيح

عذيه:: هههههههههه

اشواق:: بيبي

عذيه:: مسودنين

اشواق:: ديلا علساس جدي شلونه

عذيه:: هم مسودن من زمان هذا

خلدان:: عليمن

عذيه:: على جيرانه الأزرك

خلدان:: لاتحجين بي

اشواق:: يغار

عذيه:: ياا ياغيره بعمرنه بقى غيره بس هوه راجع مراهق ياهيه شافها غازلها

ثامر:: اذا عركه مادخل

خلدان:: شلون صارت ايدك

ثامر:: حمره باوع

خلدان:: يلا صرت محمر على جدك

عذيه:: دشوفي الرجال محترك يكله محمر

اشواق:: اسألي جدي شنو سر بياضه

عذيه:: اهو راح تكبر راسه ناقص هوه

اشواق:: يلا حبابه

عذيه:: احجيلك

خلدان:: تعتذرين مني واستقبل كلامج

عذيه:: مواني حفيدتك تكول شنو سر صخامك

خلدان:: شنووو

ثامر:: ها ها مو وكتكم

خلدان:: حفيدي سكت بيبيتك المخرفه

عذيه:: قصدها بياضك

خلدان:: ليش ماتعترفين

عذيه:: شني

خلدان:: جذابه ماتحجين ويه اشواق مسويتلج جذبه حتى تحجين وياي

عذيه:: زاجل

خلدان:: ديلا شلونج دباعي مصريات الراح يطلعن اخخخ ياريت لو باقي عايش بمصر

عذيه:: روحلهن روحه بلا رده وعود اذا باوعن الخلقتك اتفل بكصتي

خلدان:: خلي احضرها من هسه

عذيه:: انجب لك.. واشواق انجبي انتِ هم

اشواق:: شعليه انا

عذيه:: موكتلج يكبر راسه موشكول واحد يحاجي

خلدان:: حفيدتي اشواق بنت منوه غاليه سر بياضي صفائي

عذيه:: بسوادك

خلدان:: ثامر سكتتها

عذيه:: اشواق من اجيكم اطكج طكه

خلدان:: اخخ من السانج

عذيه:: انلصم مني

خلدان:: حسره واحد يكوله كلمه

عذيه:: يكوووله

خلدان:: احسن ماكول احچي

عذيه:: خايب تروح فدوه الهجتي انتَ واهلك جابوك

خلدان:: وترحين فدوه المحافضتي بابل

عذيه:: كام يخبط مو احجيلج اخرف رجال

ثامر:: لعد شبيهم جنوب جدي

خلدان:: عصبيين

عذيه:: اي دمنه حار اروحلنه فدوه

ثامر:: احنه جنوب هم

خلدان:: لا جنوب بس عماره وبصره وناصريه

ثامر:: صدك احنه موجنوبيين؟

عذيه:: بابل جنوب بكيفك انتَ

خلدان:: روحي ادرسي زين

عذيه:: اخرف رجال اخرررف

خلدان:: كافي اسكتي

نبأ:: وشبيهم اهل شمال؟

اشواق:: هههههه موجنتوا جنوبيين ومحافضات الوسط

عذيه:: اندري

خلدان:: نبأ من كركوك

اشواق:: صدك بيبي

عذيه:: ستوني ادري مو خطبوج هنا

نبأ:: عشت بكركوك وانولدت هناك هم بس اهلي بعدين جابونه البابل واتعودت بعد

ثامر:: سلميلي على اشواق

عذيه:: يسلم عليج

اشواق:: الله يسلمه... انفتح باب المطل على الهول انداريت بسرعه ولكيتها زمن تتلمس بلقنفات وتمشي كوه.. بيبي بعدين احاجيج

عذيه:: الله وياج

اشواق:: زمزم

زمن:: ها حبيبتي

رحتلها لازمتها

اشواق:: شنو دايخه؟

زمن:: ولو اتعبج بس اريد مي

اشواق:: لا صار

كعدتها على القنفه ركضت جبتلها مي وانطيتها شربت فتحتلها شالها ذابه عبايتها

زمن:: اتربت عبايتي من الفره

اشواق:: سوده عليه

زمن:: لابنتي اسم الله عليج كلمه منوه لاتكوليها

صفنت مبتسمه

اشواق:: شدراج امي تكول سوده عليه

زمن:: شايفتها قبل

ردت اسأل وشفت مو وكتها كعدت يمها امسح على فخذها

اشواق:: تردين انكعلج رجلج بمي

زمن:: لاشلون تلزمين رجلي

اشواق:: غير تأذيج باعيلهن اصابعج مورمات حتى ماكدرتي تلبسين جورايب

زمن:: بس موتلزمين رجليه اني العصر اجيبلي دوه شي الهن

اشواق:: أنتِ الربيتي رجلي بمقام عزيزين گلبي

زمن:: هههههه فدوه الگلبچ

رحت جبت طشت مخليه بي مي حار كاسرته شوي بارد وخليت ملح خالطته جبته كاعده يمها هيه ماقابله ومستحيه

اشواق:: زمزم

خلت رجليها اني نزلتهن اغسلهن وامسح عليهن هيه تاذت

اشواق:: هيه تأذي اصابعج لأن اضغط عليهن بس بعدين راح تمددين رجلج شوي شوي يصيرن احسن

زمن:: الله يبارك بيچ نفس امج طيبه وخلوقه

ابتسمت سألت بفضول

اشواق:: اهواي شايفه امي

زمن:: كبل اي بس بعدها أنگطعنه والله بشبابها لوتشوفيها منوه جؤ جؤ

اشواق:: شنو شبيها امي

زمن:: من نطلع سواكه اعراس لمات نسوان تعرفيهن ماتبقى مره ماتخطبها ماشاءالله على جمال الها وكثافه شعرها والمسك الحد هسه اتذكرهن

اشواق:: عبالي ماتعرفيها اول ماشفتج ماحسيتج تعرفين امي

بهتت ملامحها شويه ورجعت مبتسمه خفيف

زمن:: اليوم يجيبون سجيل

اشواق:: شلون صار ضل بالي لأن طول

سكتت هيه واني رفعت راسي اباوعلها لكيتها فرحانه

اشواق:: ها

زمن:: كون اشوف جاهلكم بيدكم

اشواق:: هههههه لاشنو سالفه

زمن:: ياا ليش مبينين واحد حاب ثاني

اشواق:: وزمزم شلون دريتي يحبني

زمن:: خبصني بيج بلمستشفى ليش تعوفوها وحدها وروحيلها وطلعوني منا لا نوب شكد عيب حتى الدكتور يحجيله اگلب خلقتك

اشواق:: ههههههههه عود صدك

زمن:: والله نوب ذني مادري شسمهن يكللي هنيالها مبين يحبها

اشواق:: ليش اليداونه بنات

زمن:: لادكتور بس ذني مويمرن عدهن مريض

اشواق:: ها مو اكول هوه ملا

زمن:: احجيلج

هزيت راسي مبتسمه هيه قربت راسها تهمس

زمن:: امج ماشاءالله عندها خصوبه عاليه ان شاء لله أنتِ نفسها

اشواق:: خصوبه شنو

زمن:: جهال ماجهال

سكتت مفتهمتها رجعت افرك برجلها رجعت تحاجيني

اشواق:: زمزم

زمن:: عيني خوش مي بارد اليوم

اشواق:: ماريد اخرب توقعاتج

زمن:: شني

اشواق:: يعني سوالف البالج

زمن:: ضنوني؟

اشواق:: اي ضنونج ماريد اخربهن بس اكلج صدك

زمن:: اسكتي چا تعبانه وميته تعب

رفعت اچتافي ساكته هيه بقت تحوس لحد ماكالتلي اكوللها

اشواق:: البالج مايصير

زمن:: ج... جهال؟

اشواق:: اي ماصار شي بينه انا وسجيـ..

قاطعت كلامي متغيره ملامحها ضايجه

زمن:: هذا هوه افتهمت حبيبتي

جريت طشت منشفه رجلها بلخاولي وكمت ردت اطلع من الهول وهيه كالت

زمن:: شكرا تعبتج

اشواق:: لاعادي.. تقبلين اصيحلج عمه؟

زمن:: تكبريني ههههه

اشواق:: لاموهيج

زمن:: عمه تصيحينه الأم رجلج نبأ

اشواق:: بكيفج

زمن:: يلا براحتج كليلي خاله

ابتسمت ورجعت الطشت للحمام خاضته وغسلت ايدي زين سويت اني الغده تغدينه اني وياها وضميت بعلبه اله اخذتهن توديهن اله

اشواق:: ديريبالج هم سويتله شوربه دفي معدته بارده هسه

اجت يمي ولزمت خدي مبتسمه ودموع بعيونها

اشواق:: هوه يجي بليل؟

زمن:: لاالمغرب يطلعونه

اشواق:: سلميلي علي

باست خدودي اثنينهن وراحت وصتني اقفل الباب زين وكعدت بغرفتي متمدده

اشواق:: لو بيبي جايه تونسني شوي

طلعتلي ملابس رحت سبحت اول مره اخاف فتحت عيوني بسرعه ذابه مي كمت لفيت على روحي خاولي طلعت منشفه نفسي وامسح على جسمي البودره والمسك لبست دشداشتي الحمره بيها حزام من وره من تول اسود على شكل فيونكه امي مخيطتها الي قبل

اشواق:: شعري اعوفه هيج

سرحته واخذت خصلتين من كدام مرجعتهن اليوره مثبتتهن بماشه اجت عيني على مكياج

اشواق:: لا ويني وين هل سوالف

كعدت انتضر لحد ماقررت للونسه اخلي مكياج وبعدين امسحه كعدت اباوع الروحي واقنعها

اشواق:: قبل لايجون راح اغسله

خليت بودره الوجهي اطبطب نوب مسحت بيدي كحيت مختنكه

اشواق:: شو اختنكت

هفيت الروحي طلعت الكحل اتذكرت بيت جدي

اشواق:: والله جنت موتتهم بكحلي كل ماهاي وخليت... ماراح اخلي هل مره

رجعته خليت مسكاره بلكحل بس وضحت شاماتي

اشواق:: وين الضلال

طلعت علبه جبيره جايبها الي بيها اكثر من لون خليت العيوني لون وردي

اشواق:: ماكدر بدون الكحل

اخذت الكحل خليت العيني وطرفها ساحبته باوعت للحمره احمر طوخ كلش

اشواق:: امسحه بعدين عادي

سويت حركه الواو بشفايفي وخليت رشيت من العطر اباوع الروحي مبتسمه

اشواق:: شو تونست

كمت صافنه الروحي ماخذه نفس حيل واندك التلفون جاوبت بسرعه

منوه:: اشواق

اشواق:: ها ماما

منوه:: شلونج بنوتي

اشواق:: ملانه وحدي ياريت لو بيبي جايتني

منوه:: سجيل ما اجه هسه

اشواق:: لاكالت المغرب زمن

منوه:: ها ان شاء لله سالم

اشواق:: امي ضايجه وحدي

منوه:: لو قريبه جان اجيتج

اشواق:: اي قريب

منوه:: وين قريب

اشواق:: بسوك البيت خالج

منوه:: ياا شبعده من عدنه

اشواق:: ها ليش رحتوا

منوه:: مادري خالي كال ترتاحون هناك احسن

اشواق:: شعجب سوه خير الأدبسز

منوه:: هههههه عيب ماما.. شسويتي ماسويتي

اشواق:: خليت مكياج اونس بروحي عود هسه اغسله

منوه:: لاليش

اشواق:: لعد المن مبقيته بوجهي

منوه:: رجلج راح يجي غير تلبسيله تخيليه مكياج بالأخص هوه تعبان ومريض يحتاج شوفتج

اشواق:: شوفتي؟

منوه:: اي شوي يرتاح هسه ابوج تذكرين شكد جنت البس اله بس همه يحبون سوالف ذني بقت عينه هم على غيري لأن حملت وهملت نفسي

اشواق:: موضروري

منوه:: لاليش

اشواق:: لايتعود نفس ابويه وهم اذا صارلي ظرف بدال مايوكف وياي يدور غيري

سكتت عدلت كعدتي متنهده

اشواق:: مادري من وره ابوي ما دا ادري شلون اتعامل وياه

منوه:: سجيل حباب.. موكل اصابعج سوه بنوتي

اشواق:: هذا هوه لاديرين بال ادللهه

منوه:: اي عفيه عمري

سديت الأتصال منها هزيت ايدي

اشواق:: حتى ينگلبلي حنون زلم مو شكول دلع

رحت للمغسله غاسله وجهي زين والكحل والحمره مايروحن ابد بقيت امسح قوي بس انخف سديتها رجعت للغرفه امسح بوجهي منشفته بلخاولي

بقيت كاعده شابگه المخده صار المغرب كمت اغسل بعد بلحمره صارت مبينه ورديه توضيت وصليت خلصت صلاه انتضرتهن يجون ماكو

اشواق:: خاف ماسمعهم هنا

كمت بشالي جبير للصلاه امي ضامته الي ابيض وعلى اطرافه وردات صغار بنفسجيات رحت للهول كاعده على الكرويته وعيني على الساعه

انتضرتهم بكعدتي ثلث ساعات ماحسيت على روحي نمت كعدت على ايدها على متوني تكعدني

زمن:: حبيبتي اكعدي

استوعبت كمت فازه

اشواق:: شنو صارلكم شي؟

زمن:: لاعمج ظهير عطلت سيارته فا تأخرنه شويه

اشواق:: شلون دخلتوا

زمن:: خوما اخليج انتِ تفتحين الباب طبعا اخذت مفتاح

اشواق:: اني قفلت الباب

زمن:: القفل اليفوك وجوه انتِ قفلتي بس اليفوك عمج ظهير تشلبخ وفتحه

ضحكت على ضحكتها هزت راسها

زمن:: بلغرفه هوه

اشواق:: اسويلكم عشه

زمن:: عمج جاب اكل لفات وضمينالج هم بثلاجه تلكينهن وهم جبت باگله مستويه اذا تردين

هزيت راسي هيه باستني وراحت الغرفتها كمت داخله للغرفه لكيته بيده عكازه يحاول يفرش فراشه

طبگت الباب حس عليه بس ماندار

اشواق:: افرشلك انا

ماجاوبني بقى يحاول جريته منه فارشته اله يم جهتي الأنام بيها بجربايه بلكاع

اشواق:: اليوم نام هنا حتى اذا تريد شي احس بيك

سجيل:: رجعي الفراش هنا

اشواق:: وذا احتاجيت شي

سجيل:: الملحه موحلوه شومه

اشواق:: لو اكلك نام يمي

باوعلي بسرعه منصدم انتبهت مبتسمه

اشواق:: يعني بدالي اقصد انت تنام على جربايه واني اليوم راح انام بلكاع وهنا انام شنو رأيك

سجيل:: رجعي الفراش

اشواق:: موبكيفك يلا تعال

صرت گباله ماده ايدي عافني ماشي بكوه راح على الفراش بلكاع يم جربايه لزك راد يتمدد رحت بسرعه لازمته ماخذه منه العكازه

اشواق:: ماتكدر شبيك

سجيل:: هديني

باوعتله طابگ حواجبه خازرني ضحكت حيل

سجيل:: عليمن هل ضحك

اشواق:: ماهدك يلا لاتاخذ دوري تره اني اكول عوفني موهدني

استغفر داير وجه

اشواق:: شبيك معصب علينه ملا

سجيل:: روحي نامي معليج بيه

اشواق:: دسكت ونام بجربايه فوك ماقبلت

خزرني اقوى انتبهت الكلته

اشواق:: لاتحاجيني اهواي موقصدي يلا نام

سجيل:: ابن عمج الكلب اذبه للذيب صدكي بالله

اشواق:: اي ذبه بس نام بجربايه

سجيل:: ماريدن

اشواق:: ديلا ياعيني

ماجاوبني متمدد بفراشه منطيني ظهره خليت ايديه اثنينهن على فراش ماده راسي يمه

سجيل:: امشي نامي

اشواق:: هسه مو دا اتوسل بيك ياهوه مسويها

رفع ايده خالص صبره

سجيل:: هدييني هديييني رحمه الأهلچ

ضربته على چتفه باوعلي فاتح عيونه

اشواق:: شو تصيح

سجيل:: شووومه

اشواق:: دنام موصوجك صوجي والله صوجي

ماجاوبني داير وجه مغمض عيونه اجيت يم اذنه

اشواق:: صوجي

سجيل:: راح اطكج طكه

اشواق:: ياا نوب والله كلت الأمي زلم مومال دلع

سجيل:: هذا دلع لو ملحه

اشواق:: دلع

سجيل:: اذا دلع نامي يمي

اشواق:: ها

سجيل:: اي ماقبل انام بجربايه وانتِ بلكاع

اشواق:: لانام هنا

سجيل:: طفي الگلوب وياج

كمت مطفيه الگلوب مبقيه الأصفر

سجيل:: حتى هذا طفي

اشواق:: اخاف

سجيل:: منين من شيب ابوي

اشواق:: جنانوه

سجيل:: عمي انتِ تركضيهم حفاي بلسانچ ياهوه يلحكج

اشواق:: هسه شايفني هم مادري شلونك والله يالله موصوجك صوجي وداعت راس بيبيتي الماحلف بي جذب كلت ادلع علي وخطيه بس موشكول دلع انتَ

سجيل:: لاوصلت ماطولج حلفتي بعذيه

غميته طالعه من الغرفه دار وجه بسرعه

سجيل:: وين؟

اشواق:: اديح بشوارع

سجيل:: لاطلعين بدشداشتج هاي

اشواق:: طويله

سجيل:: عايني اردانات متنچ كله طالع

اشواق:: وين شفتهن موداير وجهك

سجيل:: طبي جوه لو تغيرينه

اشواق:: ادري اكو جني رجال بلبيت ومادري

سجيل:: عيب طلعين الحبيبه هيچ

اشواق:: هيه مره واني مره

سجيل:: شني؟

اشواق:: يعني العندها عندي

سكت صافن بوجهي طلعت بسرعه طابگه الباب

اشواق:: هم امسلت بلكلام

رحت دكيت الباب على غرفه بسرعه طلعتلي خايفه

زمن:: شنو صارله شي متأذي؟

اشواق:: لا بس اريد بكره

زمن:: مال خياطه

هزيت راسي

زمن:: شتسوين بيها هسه

اشواق:: عندي دكمه انشلعت من قميصي اريد اخيطها

زمن:: يالون

اشواق:: اي لون بكيفج

زمن:: القميص يالون

اشواق:: ها، ملحي سمار هيج بني

زمن:: ها تردين نفس لون عندي

اشواق:: ياريت والله

انطتني بكره وياها ابره

اشواق:: لاماريد بس بكره

زمن:: چا شلون تخيطين

بلعت ريكي ماخذتها

اشواق:: اشاقه ههه يلا تصبحين على خير

دزيتلها بوسه بلهوى ورجعتله قافله الباب باوعتله نفس وضعه نايم مشيت على كيفي گاطعه خيط طويل من بكره اتمددت بجربايه ودنكت كلش ناحيه سجيل احاول اعبر الخيط من جوه ايده

ردت اوكع لزمت بجراره موازنه روحي رجعت مدنكه فزيت من كال بنعاس..

سجيل:: جاي تسوين؟

باوعتله لكيته بوجهي كلش شعري صاير على وجه

حسيت الدم جمد بعروگي ماكايله كلمه

سجيل:: احجي؟

اشواق:: اربطك

سجيل:: انعل البالي.. لچ شبيج شتربطيني حيوان گدامچ

اشواق:: لاحشاك موهيج

سجيل:: عدلي كعدتچ

كمت معدله كعدتي وشغلت الضوه الأصفر

ضيك عيونه ضايج من الضوه

اشواق:: اربط ايدك مو اربطك

سجيل:: نوب شني كاعدين بلكاضم وتربطيني بلمرقد

اشواق:: موهيچ والله موهيچ

سجيل:: چا شني شمالچ بليالي بويه تعاي اقره على راسج

اشواق:: ليش شبيه

سجيل:: مسودنه

اشواق:: لاتكول عليه هيج

سجيل:: اي لأن تردين تحجيلي اني المسودن مو

اشواق:: انتَ دور مشاكل شنو شجاك

سجيل:: نامي وبس الله يحفظج

كلت بغصه

اشواق:: كلت خاف تكعد تريد شي فا حتى احس عليك واكوم من تتحرك وانتَ تصيح عليه فوكاها

سجيل:: چا هيچ

طفيت الگلوب دموعي مغرگه چفوني رجعت للجربايه منطيته ظهري متغطيه اتنفس سريع احاول ما ابجي

سجيل:: شومه

اشواق:: تصبح على خير

غمضت عيوني شويه وانسحبت من طرف ملابسي انداريت لكيت شاد الخيط بيده

سجيل:: جيبي ايدج

اشواق:: مو ماتريد

سجيل:: موسوالفي ذني بس ماريدنچ تزعلين

مديت ايدي وشداها نمت من جهه العليه هوه مغمضه عيوني حسيت بـ أيده على خدي يمسح دموعي

سجيل:: لاتبجين

اشواق:: ماباجيه نام

بـ أصبعه بيهن دموعي باسه ورجع متمدد ايدينه قريبه على بعض اني مخليتها بطرف جربايه هوه مادها

نمت وبنص نومتي فزيت على صوته يون كمت لكيته نايم ويحرك براسه عرگان

اشواق:: بس لارجله تأذي

كمت رايحه يمه كاعده مسحت العرك منه

اشواق:: مصخن

بقيت يمه ماعرف شنو اسوي نغزته خفيف اهمس

اشواق:: ملا.. اكعد

فز متنفس سريع رجعت راسه على المخده

اشواق:: اكعد زمن تنطيك دوه لو شنو

سجيل:: رجلي شومه رجلي

اشواق:: موكالوا طلقه ماجت على العضم

رفعت دشداشته لحد كب رجله لكيت رجله ملفوفه ودم طالع كشيت متنهده

اشواق:: ابدل هذا

سجيل:: جيبيلياه انا ابدله

اشواق:: وينه

أشرلي على تلفزيون لكيته شامره فوكاه جبته راد يكوم رجعته

اشواق:: اني اسوي نام

بقى مغمض حاط ايده على عيونه فتحت لفاف من رجله مسحت الدم

سجيل:: خليلي من هذا علي

هزيت راسي خليت ولفيت رجله بلفاف جديد شاده زين

سجيل:: حيل

اشواق:: لايأذيك يكوم هيج انشد زين

رجعت منزله دشداشته ردت ارجع الأدويه وجر ايدي باوعتله

اشواق:: بيك شي

سجيل:: شومه

هزيت راسي ماحجه بس سحب ايدي جوه راسه نايم بقيت بنص ساعه وانا بهل وضعيه حسيت ايديه نملت

اتمددت على جهه بس راسي على مخدته مرتبكه جسمي لا أرادي رجف مامتعوده اتنهدت مغمضه عيوني لحد ماغفيت

فزيت على حركته متأذي يضغط على ايدي قوي يشبگها

سجيل:: امي

اشواق:: نام هسه تصير زين

فتح عيونه بخفوت وحاله متبهذل قرب وجه اكثر عليه طابگ كصته على كصتي لافحتني انفاسه

سجيل:: شومه

مانطقت بكلمه متخربطه انفاسي رغم بروده الجو عرگت وياه مديت ايدي ثانيه امسح على ركبتي ابلع بريگي حاسه بألم بطني وجسمي مابطل رعش

بقيت بهل وضع لحد ما استسلمت نايمه.. كعدت واني اتحرك جايتني بروده كمت بسرعه لكيت نفسي متگلبه من فراش نايمه بلكاع

لزمت راسي مصخنه

اشواق:: شجاني

باوعت الأنحاء الغرفه ومالكيته وجهت أنضاري للساعه شفتها صبح كلش

اشواق:: شعجب كاعده انا هيج وكت

كمت طالعه من الغرفه رحت للمغسله غسلت سمعت صوت باب السيم بلمطبخ ويطل على الطرمه مديت راسي وشفته بيده عكازته واكف على طباخ

اشواق:: البارحه خبلني متأذي وهسه ولاهمه يطبخ شنو

سجيل:: يـــل عذبتني .. يـــل عذبتني ياليلي منك ياليلي

ضيكت عيوني صافنه اول مره اسمع صوته كمل يقره مغمض عيونه ويجر بلحرف ويه بحه صوته

سجيل:: على حبك علمتني سنين سنيــن .. اشبع بجي عليك يلحنيـــن

ذب شماغه على جهه كاعد وعينه على النار مشتعله

سجيل:: من صغر لك يابه يا يــابه... من صغر عاشگ عيناك يـل بليتني بحبك من صغر يابويـه

كام مطلع الخبز محمي على النار

سجيل:: يالأثر شاماتك يدگن بعمق الروح والگلب يلطلعلي شيب من أثرهن يابــــويه

راد يكمل واندار شايفني

سجيل:: صباح الخير شومه

ماحجيت كلمه صافنه بجمال صوته مال راسه مضيك عيونه

سجيل::شني ولچ انبلع السانچ

اشواق:: صوتك حلو شنو اسم الأغنيه

ضحك مبينه غمازته

سجيل:: ما اسمع أغاني اني

اشواق:: قصيده؟

سجيل:: اي نوع من قصايد يصيرلها نعي

اشواق:: حلو والله حبيت كلش تجر الحرف وبحه من صدك حلو

سجيل:: غاليتي شكرا.. تعاي اكعدي

كعدت على طرف الميز جاره تفاحه اكل اندار بيده خبزه حاره شافني وخزرني

سجيل:: اكعدي مثل ناس

اشواق:: موستوني مدحتك لاتخليني اسحب الغزل

ضحك حيل ضحكت وياه نازله كاعده على الكرسي

سجيل:: اني ماريدن احجيلج غاليتي

اشواق:: شبيك مطنگر عليه

اختفت ضحكته ماجاوبني فور الجاي

سجيل:: طلعي الأجبان وكيمر جبت هم

كمت فاتحه باب الثلاجه

اشواق:: زمزم وينها

سجيل:: عيب صيحيلها حبيبه خاله صخام

اشواق:: هيه كالتلي اكولها هيچ

كعد مبتسم يمسح على شاربه ويقلد عليه

سجيل:: اكوولها؟؟

اشواق:: اكللهااا

ضحك خليت الأجبان أشرلي على جاي طفيته وخليته

سجيل:: صبيلنه جاي شني ماتعرفين

كمت اصبله واصبلي

اشواق:: زمن ماتشغلني انت تشغلني

سجيل:: بدون شكر

انطيته وكعدت شويه وكال

سجيل:: جنتي متمنيه هوه الينهي عليج مو

رخت ملامحي اباوعله

اشواق:: شنو مناسبه هل كلام هسه؟

رفع عينه يباوعلي بجمود وابتسم ابتسامه بارده

سرعان مارجع ملامحه الجديه

سجيل:: ليش كلام عادي هوه؟

اشواق:: قبل لانتزوج عبالي هوه

سجيل:: وتكملين؟

اشواق:: غير اشرحلك حقك تدري زين يعني شايفته هوه مادري عبالي هوه

سجيل:: حجيتي تردين موعبالج

اشواق:: موهيج الموضوع ملا ارقب اصلا ماعندي مشاعر تجاهه يعني اشوف يمكن انت اتعود عليك

باوعتله مايرمش حتى بس ساكت وعينه بعيني

اشواق:: وأن ردته لو لا اول تالي نتطلك

ضحكت اشرب من جاي

اشواق:: يعني خوما ابقى متزوجه للأبد تدري انت وبيبيتي متفقين وحيل مقدره هل شي منك ماتشوفني اعاملك زين لأن ساعدتني اهواي بوكتها مرات افكر لو الملا ما اجه جان هسه اني مرته الذاك المتزوج استغفرالله شسوي بي جان انضلمت

سكتت مخلصه كلامي هوه باقي وضعيته

اشواق:: رجلك شلون صارت موكالوا طلقه عابره

سجيل:: زين اني

كام وطلع صحت وراه

اشواق:: وين شأكلت بعدها صمونتك نفسها.. ملا

ماجاوبني اتنهدت مكمله ريوكي مرةة دقايق كمت غسلت المواعين ونضفت رحت للهول بيدي وصله مبلله شافني جان متمدد على الكرويته يباوع تلفزيون

سجيل:: گب التنضيف عندج

اشواق:: نادره انا ماتدري بيه انتَ

سجيل:: نعاين نضافتج نفس نضافتج النفسج

دنكت امسح الكاعيه لحد ماطلعت البره غسلت طرمه ورشيت الزرع دخلت متبلله

سجيل:: بدلي ملابسج لاتتمرضين

اشواق:: ليش ماكملت ريوكك

جاوبني وعينه على تلفزيون

سجيل:: شبعت

دخلت للغرفه قافله الباب ذابه ملابسي ودك التلفون هوه اجه يدكدك بلباب

اشواق:: شكو

سجيل:: اريد اطير طيوره غير تلفون يدك

جاوبته واني ادورلي دشداشه

اشواق:: صبر اريد اللبس دشداشتي

طلعت دشداشه لخ وفتحتله الباب دخل مأشرلي اسكت وجاوب اخذت بودره اخلي وارش بلعطر عدلت جربايه وشلت الفراش سمعته يكول

سجيل:: موتدري بيه ما احضر اعراس بيها اغاني

.. شني فكتري.. ها ملكي غير تكعدون عاين الأخبار حروب وانتوا بهاي سوالف ياملكي يابطيخ

باوعتله اتسنط حس عليه درت وجهي بسرعه اسفط بلفراش

سجيل:: لا المره ماتحب هيج سوالف.. عمي ماريد اجي شنيه

سداه بوجه باوعتله

اشواق:: ها

سجيل:: غير فراش هذا مايتسفط شني

اشواق:: لاكملته

لزم عكازته وراح للهول رحت وراه كاعده بلكاع كباله كلش اباوعله مبتسمه

سجيل:: شمالج

اشواق:: يعني اذا كعدت بيه شي

سجيل:: چا مگابلتني هههههه شكو ماكو روحه

اشواق:: لا شلون رجلك انتَ وين تكدر تروح

سجيل:: اي عفيه

اشواق:: هوه شوكت

سجيل:: وره اسبوعين ماعرف شكد

اشواق:: اي يعني طايبه رجلك

دنك راسه يمي رجعت راسي مفهيه

سجيل:: البالج شيلي نعالاته ورگعي لحد مايطلع من عقلج خوش غاليتي

اشواق:: بكيفك اريد اروح

سجيل:: ما اسمع اغاني وهذا ماحبه يتفيك

اشواق:: ملا عرس فكتورري

سجيل:: فكتري شني

اشواق:: اميره ديانا اليزابيث الاولى اليزابيث ثانيه زمن قبل يسون نفس اجواءه يعني بسنه 1900ومادري شكد هيج ماتعرفها الملكه فكتوريا طولها هلكد يكولون

أشرتله بيدي هوه حاط ايده على خده

اشواق:: ها

طلع من جيبه باكيت صغير بي احرف انكليزيه

سجيل:: بلا على هذا درخج اقريلي هل كلام

اشواق:: شكالولك عليه

سجيل:: السان

اشواق:: ععيب تكول عليه هيج

سجيل:: دقري يلا اتهجي

اشواق:: اني مامكمله دراستي بس اعرف عربي

دار الباكيت على جهه لخ كلام عربي

سجيل:: يلا

ضيكت عيوني هوه وخره

اشواق:: دا اتهجى

سجيل:: جيبي قلمي هناك تلكينه بجنطه نيليه

هزيت راسي ليش أشرلي اكوم

اشواق:: مما.. اريد اروح للعرس حباب

سجيل:: اذا اتهجيتي اخذج

فرحت كمت بسرعه ادور بكنتوره ولكيتها جبتله جنطه كلها هز ايده وطلع القلم منها شامرها كتب على ايده وقربها يمي

اشواق:: أل و اا

سجيل:: لا

اشواق:: وأل لال.. و ه.. لاله

مسح ايده وكتب كلمه لخ مشوفنياها

اشواق:: اس و م سم.. سم؟؟

سجيل:: كمليها لاتگطمين

رجعت اتهجى

اشواق:: وس وم.. ها سمسم

رجع كتب بقيت اقره حرف حرف بصوت عالي وهوه وياي ماكملتها وباوعتله خازرته

اشواق:: ما اخذج مو

سجيل:: اي عفيه

اشواق:: ليش عرس حلو

سجيل:: بابا يجذبون بس هيج لافكتري ولاملكي صح الهم فلوس بس وين كاعدين بواشنطن شني

اشواق:: ههسه نفسه مونفسه اخذني اتونس

سجيل:: موزينين خيولون ماريدج تختلطين وياهم

اشواق:: ححباب شبيك ماطالعه دطلعني هل مره

ماجاوبني بجيت طبگ حواجبه مستغفر كمت واكفه كبال تلفزيون

سجيل:: وخري اعاين

اشواق:: والله ماوخر لحد ماتاخذني

سجيل:: شبيج جاهله؟

سكتت شاهكه رحت للغرفه ابجي ومرةة الأسبوعين لا اني احاجي ولا هوه ومن قبل اسبوع كدر يعوف عكازه بس يعرج ماطايبه كلش

بيوم كعدت بطرمه بين زرع مچتفه ايديه

دخل هوه بيده اوراق وشافني اتنهد ودخل زمن اجتني تحاجيني ارضى منه

اشواق:: مايريد ياخذني للعرس فكتوري

زمن:: شنو هذا

اشواق:: عرس يسوون اجوائه نفس قبل وحلو متأكده احب تاريخ اني

زمن:: ها صاحبه على كولته يتفيگ جذاب يطلع موحلو وعادي

اشواق:: حتلو اريد اتونس كل ماهاي وصيح عليه

زمن:: هسه انتوا حاجين سويه شجاكم بعدكم عرسان جدد

درت وجهي هيه كامت واني شويه ودخلت للغرفه اخذ ملابس الي اسبح فزيت على جرته لاوي ايدي ودافعني على الكنتور

اشواق:: شجاك

سجيل:: انتِ شمالج ماتحاجيني على عرسهم الأسود

اشواق:: وخر ايدي اذيتها

سجيل:: حضري نفسج العصر اخذج

اشواق:: البيت جدي؟

سجيل:: لا، تشتريلج شي للعرس

رخت ملامحي ابتسمت هوه بلع ريكه رجع مدنك يفتح قيطان حذائه

اشواق:: اني ماريد حجاب

سجيل:: اذا عندج حجابات اهواي احسن بعد

اشواق:: لاقصدي ماريد اللبس حجاب اروح بشعري..

ماحسيت الا انشمر حذائه على رجليه كمزت متأذيه بااوعتله خازرته وهوه يخزرني

اشواق:: شبيك هاي عود انتَ ملا

سجيل:: انعل ابوج حنون لابو ابوي وياج ادبسز تردين تتفررعين

كام يريد يركض وراي يلزمني ركضت طالعه من الغرفه ساده الباب علي هوه يجرجر واني لازمته

زمن:: شكو شكوو

جراه قوي فاتحه اني بسرعه ختلت وراها

اشواق:: حقير والله اشكيك الجدي وعمامي

سجيل:: انعل ابوج لابو ابوهم خرررب

زمن:: ولكم بعدكم عرسان شنيهاي شمالكم

سجيل:: تريد تتفرعلي

زمن:: غير رجلها وذا

سجيل:: مو الي للصخام بلعرس ولج هوه انتِ اليه ضامه روحج مني

بقينه كل واحد يذب كلمه شكبرها وزمن تفاكك بينه لحد الليل اخذني وانا لابسه فستان اوف وايت علي تول فوك قماشه ثخين و من جوه مكركش لبست ربطه لون جوزي وكعب وجنطه ومكياجي هم جوزي

هوه لبس قميص وبنطرون اسود وساعه لون فضي

كعدنه وحده من طاولات فرحانه ماجان نفس البالي بس حلو مكان واسع مخلين بي زينه وصور اميرات وملكات قديمه كاتبين عباره انكليزيه جبيره بخط مدموج الأحرف

همست يمه

اشواق:: شنو مكتوب بالانكليزي

سجيل:: أميرتي

ابتسمت اباوع للناس وهوه مطنگر كاعد على اعصابه اجه صحبانه وكام بعيد راحلهم هوه يسلم حتى مايجون يمي اجتني وحده من بنات تسولف وياي

:: حلو حيل لابسته

اشواق:: عمريي

تحاجيني تتغزل واني شابگه ايديه مستحيه هوه بقى بعيد من راحت البنيه يلا رجع والعرسان اجو كعدوا مخليلهم كيكه اكثر من طبقه عليها وعليها ورود صغار كلش

اشواق:: الله يجنن

سجيل:: شفتهمتي شنيهاي الأغنيه مشغليها

اشواق:: موسيقى تاريخيه

سجيل:: ذنوب بلاش هاي

اشواق:: ههههههه

سجيل:: صوتج ولج صوتج

سكتت ضايجه هوه لازم راسه واني اصفك فرحانه لحد ماشغلوا اغنيه للركص

اشواق:: يلا خلي نكوم نركص

سجيل:: ششني !

اشواق:: اي شبيك بس نتمايل

سجيل:: صوتج صوتج

همست يمه

اشواق:: خلي نركص

سجيل:: لج اني ملا شركص

اشواق:: هسه انت سجيل يلا حباب

سجيل:: ركصيش

اشواق:: باوعلهم بس يتمايلون حباب

سجيل:: خلي نرجع للبيت

اشواق:: والله العظيم ابجي هنا

سجيل:: اشواق !

اشواق:: رايحه ويه بنات

كمت وجراني كايم ابتسمت بأنتصار مخليه ايدي على چتفه بقينه بس نتمايل ويه الموسيقى واني فرحانه هوه يگلب بعيونه ماعاجبه

اشواق:: دبتسملي شبيك

سجيل:: بلبيت تكمزين مني

اشواق:: اشش كمل تمايل وتمايل

سجيل:: اي نضل هيج؟

اشواق:: ليش مامتونس

سجيل:: راح اطلعلهم مسدسي وارميهم على اكلان خره هذا

اشواق:: والله حلو شبيك معقد

سجيل:: ادري شعاجبج بي رحمه الخلفج

جريت ايده مخليتها على خصري فتح عيونه يبلعم

اشواق:: يلا هيج خلي ايدك باوعلهم

سجيل:: اباوع للنسوان شني

اشواق:: لاا بس باوع ركصهم شلون

سجيل:: لا أنتِ عايني واحجيلي

خطفتلهم نضره وخرت ايده لازمتهن بطرف مبتعده منه

اشواق:: بيدك لفني واسحبني

سجيل:: ماعرف

أشرتله هوه باوعلهم ويه الأغنيه الصارت بسرعه قلدهم رفع ايده وانا اتلفيت سحبني حيل منضرب ظهري بصدره لازمه ايده صارت على بطني

ضحكت فرحانه باوعتله مدنك راسه يم وجهي صافن اختفت ضحكتي بس مبتسمه همست

اشواق:: ايدك دا ترجف؟

فز حاس على روحه مسح عرك كصته بچفيته

سجيل:: امشينه نكعد

رجعنه كاعدين مرةة بربع ساعه اني اباوعلهم مبتسمه

سجيل:: حلكج ماتعب

اشواق:: اهو دعوفني مبتسمه

سجيل:: دوم دوم غاليتي

اشواق:: دوم افراحي وافراحك

سجيل:: يلا نروح

اشواق:: لاوين

سجيل:: رايح اني

اشواق:: باع باع وتعوف مرتك

ضحك عافني وكام طالع كمت بسرعه وراه طلعنه اجو اصدقائه اشرلي اروح للسياره موكفها على جهه رحت بسرعه سلم عليهم واجاني صعدت ساق شوي و وكف مغمض عيونه

اشواق:: شنو شبيك؟

سجيل:: لا شوي رجلي

اشواق:: اوكف ارتاح

سجيل:: زين

اشواق:: لا شوي وكفها سياره

وكفها مطفي سيارته متچي على الكشن وانا هم واحد باوع للثاني وضحكنه

سجيل:: تعبتي گلبي

اشواق:: بس اتونست

سجيل:: شتونستي من ذول كلهم مالطين روحهم

اشواق:: تأخر الوكت

سجيل:: بسبعه ونص

اشواق:: اسوق بدالك

سجيل:: حتى للموت بوجهي

اشواق:: شيرادلها سياقه سهله

سجيل:: اي خبره انتِ ها

همهمت مبتسمه غفيت فزيت على ضحكته

سجيل:: اني بشغلي سنين ومامتعود انام الا بيتي وانتِ وين ماخليتي راسج نمتي

همست بنعاس

اشواق:: تعبانه

شغل سياره مد ايده اليوره مطلع سترته شمرها عليه مغطيني وكمل سياقه متحمحم كعدني من وصلنه نزلت بكوه ميته نعاس

اشواق:: اريد انام ملا

سجيل:: هسه نفوت واشبعي نوم

دخلنه لكيت زمن كاعده تفرك بأيدها متوتره وجها مصفر

سجيل:: حبيبه شبيج؟ شكو

زمن:: اجت وشر بعيونها

اشواق:: ياهيه

زمن:: ردت امنعها بس ماكو دخلت الغرفتكم

بقيت واكفه مامفتهمه شي سجيل سحب امه على جهه مشاورها وهيه تحجي وياه بصوت ناصي عفتهم ورحت للغرفه

سجيل:: شوومه

فتحت الباب ولكيتها متمدده بجربايتي فتحت عيني منصدمه

زمن:: عوفيها حبيبتي

اتقربت كبالها وهيه عدلت كعدتها تباوعلي بحقد كلت بنتر احاول اهدي بروحي

اشواق:: منو سمح ألچ ادخلين بغرفتي !

كامت رادت تجاوبني مسويه حركه مستفزه كبل هجمت عليها كاتلتها..

109

فيحاء::

وره ماخلصنه العشى بقيت اغسل المواعين غرام جانت مريضه ومساعدتني

رند:: اغسل وياج

فيحاء:: لاراح اخلصهن كم ماعون هنه

رند:: ياكم ماعون غير احنه عشيره

ضحكت اجتني ماخذه قسم منهم تغسل وياي

فيحاء:: شلون صارت غرام

رند:: لاتخافين عليها باجر تصحى مثل حصان

عبد المطلب:: عمه

رند:: ها عيني

عبدالمطلب:: بيبيتي تصيحلج صارلها شكد ماسمعتيها

رند:: صدك هسه تخبصني واترزل

غسلت ايدها منشفتهن سربع بملابسها وراحت هوه بقى يتحمحم باوعتله من طرف عيني

فيحاء:: اهو

عبد المطلب:: شلونج

فيحاء:: الحمدلله اخويه

عبد المطلب:: اخويه شنو اخويه

باوعتله مصدومه حك لحيته خفيفه يضحك

عبد المطلب:: اي شكو ماكو شلونها ام شامه

فيحاء:: الحمدلله

عبدالمطلب:: فاقد شلونه

فيحاء:: مادري بأخباره بس ان شاء لله الحمدلله

عبد المطلب:: ها، شلونها اوضاعج

فيحاء:: الحمدلله

صفن باوعتله يحوس

عبدالمطلب:: الحمدلله الحمدلله

فيحاء:: تريد شي؟

عبدالمطلب:: فيحاء لاتفهميني غلط

انداريت اضحك على توتره كحيت

عبد المطلب:: اسم الله تردين مي؟

فيحاء:: لا الحمدلله صرت زينه

عبد المطلب:: طبعا اني كلش احب تدينج حتى بكلامج اهواي تكولين الحمدلله

فيحاء:: الحمدلله نعمه من رب العالمين

عبدالمطلب:: اكلج بس سؤال ولو ماريد اضايقج ومستحي

فيحاء:: تفضل اخويه

كال بتوتر متصنع ضحكه

عبد المطلب:: عوفي هل كلمه ههههه عوفيها فيحاء

فيحاء:: كول ععيني

فتح عيونه جان شماغ جدي على ركبته خلاه على عيونه فرحان كتمت ضحكتي دايره وجهي منه

عبد المطلب:: طبعا انتِ دائما عزيزه على الگلب وماعندج مرادده او تحجين يعني ما الج صوت نفس ام شامه

باوعتله خازرته

فيحاء:: شقصدك اختي ام السان

عبدالمطلب:: لاحشاها تخبل اختج دره مال الله هم هيه ماينسمع صوتها بس تسولف مرات انتِ ابد هادئه حيل ورده مال الله

فيحاء:: عبد المطلب

رفع عينه بسرعه كال بوههن

عبدالمطلب:: هـــا

فيحاء:: هههه شبيك كلي شنو ردت تكول

عبدالمطلب:: اني

سديت الحنفيه منشفه ايدي ولكيت غرام واكفه باب المطبخ لافه على روحها بطانيه وبيدها كوب جاي تشرب وتباوعلنه بلعت ريكي اشرلها تروح

عبدالمطلب:: فيحاء

رجعت انضاري علي

فيحاء:: ها

عبدالمطلب:: ما دا اطلعج من بالي وهدوئچ "

غرام بسرعه ذبت بحلكها تكح هوه فز عليها باوعلي مضيك عيونه

عبد المطلب:: سمعتني؟

بلعت ريكي اكرط بأظفري طلعت بسرعه عايفتهم رحت كعدت بلطرمه گلبي يدك سريع شويه واجني بنات مطلعات راسهن من باب يباوعلي

فيحاء:: روحن معليه انا

حوريه:: لج حتى غرام صحت من مرضها بهل اعتراف

فيحاء:: شبسرعه نقلت الج

نبأ:: احنه بس كالولنه اكو اعتراف بس ماندري بلباقي

نسرين:: اي واني اشهد سيدي قاضي

ضحكت دايره وجهي منهن

منوه:: هاي شبيكم

شهكت خايفه لا امي سمعت وخرن كلهن يتحمحمن يدور حجه مالكن وراحن امي باوعتلي طابگه حواجبها

منوه:: شبيهن؟

فيحاء:: مادري اني

منوه:: دنيا ليل ليش كاعده هنا حبيبتي

فيحاء:: اي كايمه انام

منوه: ياااا

فزيت خايفه حاصرتني البجيه

فيحاء:: شنو ماما

منوه:: جهال لحد هسه بره صدك جذب

راحتلهم دخلتهم وقفلت الباب اني دخلت جوه خليت برده وسديتها

عذيه:: شني بعد وكت

فيحاء:: لا صارت بثمانيه

عذيه:: ها يلا خليداان اكعد

كعد من نومته يباوعلها مبتسم

خلدان:: حبيبتي

عذيه:: انجب اني عذيه مو الي بحلمك

فرك عيونه وكام اني فرشت ردنه ننام واندك الباب طلع عمي ظهير شوي واجه الأمي طلع خالها جاي راحتله تحاجي

صباح:: خالها بس لاياخذكم

فيحاء:: مادري هسه اشوف

طلعت للطرمه اسمع لكيت عمي ظهير وعمي رشيد اثنينهم واكفين وره الباب يتسنطون شيحاجي امي ضحكت عليهم وكفت وياهم هوه كاللها

:: خوش خالي مثل ماكتلج لاتفتحين الباب بليل الأحد اليوم

:: ليش وجهك هيج مدمه

:: معليج بيه بس خوش سمعتي كلامي

:: ههوه اصلا احنه مانفتح الباب وره هيج وكت راح نقفله

:: اي بعد خالج

عافنه وراح عمي سد الباب وقفله بقوا يتناقشون اني دخلت جوه صافنه ليش مايقبل منو يجي بليل راح؟؟..

ماكلت البيبيتي اتمددت بفراشي وغفيت وفعلاً بأذان صلاة الفجر جنت اتوضى واندك الباب

جانوا نص بلبيت كاعدين طلعت لكيت عمي واكف محتار ويحاجي بجدي

خلدان:: اسأل

عذيه:: خاف واحد موزين خايبين اكعدوا

ميسر:: خلي نسأل هيثم تندل وين دافنين سلاح

راح هيثم شوي ورجع لكيتهم يقنعون بأمي

منوه:: شمعنى خالي كالي الي

ظهير:: ام عشير اكعدي

بقوا يلحون وياها هيه سكتت طلع عمي ظهير بطرمه مخلي وراه سلاحه وكف وره الباب وسأل

ظهير:: منو؟

:: عشير .

يتبع..

الحادي عشر من هنا

مدونة مكتبة حـــواء

رواية ندبات الملا بابل الفصل العاشر 10 بقلم زينب جعفر