رواية بين القبول والرفض الفصل التاسع 9 بقلم جمانه السعيدي
عقيل....فضت الكعده وكل الأطراف قبلت بشروطي
اتفقنا راس الشهر ينطون الفصل كامل
ويسلموني حسوني
بعد تقريبا اسبوع من الكعده
اجاني وواحد للبيت دك الباب طلعت علي
...السلام عليكم
عقيل...عليكم السلام تفضل
...لا مو مال كعده هنا كلمتين وامشي
عقيل.. تفضل
.....اني دزوني الجماعه اهل خالد وسيط
عدهم شغله يردون يحجون بيها
عقيل...احنا اتفقنا على كلشي وأعتقد هذا الحجي صار كدام الكبار وشيوخ العشيره
....الموضوع يخص حسين ابن علي
عقيل...شبي حسين
....ام حسين تكول الطفل بعده زغير ومتعود عليه
واني مااكدر اعوفه
اذا يريد ابن علي نزوج اني وياا ونربي الطفل سوه
اذا مايقبل اني ماانطي ابني
ذيج المحكمه كدامه يشتكي
الطفل بعده زغير والحظانه للأم
ليش الطفل يتبهذل هنا وهناك نزوج ونربي اني ويااا
واذا هو شايل هم كلام الناس
هو مجاي يسوي شي موزين بلعكس يريد يربي ابن اخوووو
واذا على اهلي اني بعد مااوصللهم
اكطع علاقتي بيهم نهائي
عقيل...هههه ضحكتني واني الحزن لابسني لبس
من راسي الحد رجليه
من كل عقلها ووحده شيطانه مثلها قتلت اخوي
ارجعها تعيش بينا مره ثانيه
اريد اعرف من شنو مخلوقه
زوجها صار ٣ اشهر من مات ودور زواج
لا وتريد تزوج من نفس البيت
يعني هيه من كل عقلها البيت الي هدمته
وطشرت اهله تريد ترجع تعيش بي مره ثانيه
روح كللها لا والف لا وحسين اخذه منها يعني اخذه
مستحيل اعوف يعيش ويا الانسانه الي قتلت ابو بدم بارد
لو تبقى بس هيه على وجه الكره الارضيه مااباوع عليها
مو ازوجها وابن اخوي اني اعرف شلون اخذه منها
تحلم تدخل هذا البيت مره ثانيه
جمانه السعيدي
عقيل...دخلت للبيت عصبي بشكل هاي شنو نوعها
ريام....شبيك منو هذا اني كلما يندك الباب اخاف
من لمن علي طلع ونقتل
كمت اخاف من اسمع الباب يندك
عقيل.... اسكتي شي ما متوقعه ولا مفكر بي
زوجت علي دزتلي واحد. خل عقيل يزوجني
ونربي ابن علي اني ويااا
ريام....يااا تحجي صدك
عقيل...اي وربي هم شايفه هيج
ريام...دم علي بعده ما نشف ودور عرس لا تريدك انت
هاي هم بشر مثلنا
عقيل....اني هم استغربت منها
ريام....اتمنى اصادفها بمكان اذا ما اموتها خلاص
حتى كلبي يرتاح
تريد عرس كتلت واحد وتريد تاخذ الثاني
معقوله هاي شيطانه مو بشر
عقيل....اخذ ابن علي يعني اخذه ومستحيل
اخليها تتحكم بينا بكيفها
من كل عقلها اخليها تدخل هذا الييت مره ثانيه
ريام.....هاي صدك لا تخاف ولا تستحي
عقيل.. بدلت ورحت للشيخ كتله ادز على الجماعه
اريد ابن علي مو ينطونيا وهاي هيه
امه تروح للمحكمه كدام شهود تتنازل عنه وتنطيني الولد
لا اسويها سوده ومصخمه عليهم
دم اخوي بعده بلباب والهانم دازه تريد زواج
عبالها اني زوج تضحك عليه بعد عملتها هاي اني اخليها ادوس عتبت بابنا
اني لو اشوفها اشرب من .دمها
تريد زواج صدك لا ذمه ولا ضمير
اريد يوصلها خبر مهم هيه ما تعرفه
اني اكدر اشتكي عليها واسجنها لان اني من وصلتها بيوم راحت على بيت اهلها
سمعته تعيط وتهدد وتكول اخلي اخواني ياخذون حقي
مستعد اروح أقدم بيها شكوى
لان هيه الي حرضت على قتل علي
ومستعد اشهد عليها
اذا مااخليها تخيس بلسجن
مااسمي عقيل ااني ااكول تبقى مره مهما يكون
وعيب عليه ادخلها السجن
بس الضاهر مو آدميه وما تعرف بلاصول
من باجر يجيبون ابن علي ويا تنازل من امه تنازل نهائي
ماكو اطلع للمركز اقدم عليها دعوه تحريض على القتل
وحتى مستعد اجيب شهود عليها
هيه الي حرضت على قتل علي خليني ساكت
لا ادمر حياتها دمار
جمانه السعيدي
طلعت من الشيخ رجعت للبيت
ريام.. هااا شسويت
عقيل...لقنتها درس بعمرها مراح تنسى
تريد تزوج المحروسه على الاقل احترمي علي شويه
بعدج ما طلعتي عده
ادورين رجل ااكيد اختارت الشخص الغلط
مو اني الي ينسى دم اخو بهلسهوله
ريام....عقيل انت فعلا ماكو منك كفيت ووفيت
العلي
عقيل...بس يجي حسون هنا انروح العلي اني وياج وحسون
ريام...انشاء الله خير
ثاني يوم دز عليه الشيخ كال تعال استلم ابن علي
وويا تنازل رسمي من امه بلمحكمه
عقيل...رحت بيت الشيخ جبته واجيت
بس وصلنا للبيت جبته الخالتي تشوفه
بس شافته اشرت قربه عليه
خليته على صدرها بقت تشم بي
احسها صارت احسن من شافته رجع البيته رجع الحظنها مره ثانيه
يومين بس يبجي على امه اطلع انا ويا بلسياره
اخلي بحضني واسوق يسكت
مرات ينام بحضني
اي واحد يصعد وياي يكول هذا ابنك لان يشوفوني مهتم بي
يصحيلي عكيل عكيل اكله كول عموووو
يكول لا انت عكيل مو عمو
بعد اسبوع تعود علينا وبطل يبجي على امه
طبعا امه ماسكتت دزلتنا خبر
تكول نمونه هسه ازوج واجيب بدال الولد عشره
اني هم مااريده لان بي ريحتهم
ماصدكت خلصت منهم
جاي تكابر لان سحلتها سحل ونزلت بكرامته بلكاع
وشهرت بيها بسبب طلب الزواج
تكول هيج على اساس ما مهتمه وهيه تريد تموت قهر
منو يزوجها والناس كلها عرفت زوجها انقتل بسببها
جمانه السعيدي
من بعدها رحنا للنجف اني وريام وحسوني
بس وصلنا وشفت الكبر كلبي العصر عصر
ريام....انهارت بجي تصرخ علي علي سامحني
غلطت بحقك سامحني يبعد اختك
ياحنيين اني اسفه اعذرني
عقيل....علي رجعت ابنك هذا جبته حتى تشوفه وتطمن ابنك عندي اني الي راح اربي
اني راح اربي احسن تربيه
راح اخلي يطلع مثلك سبع
اخذت حقك منهم وخالد انحكم مؤبد
وامك خليتها بعيوني
علي خالتي تعبانه ومريضه عليك ادعيلها الله يخفف عنها
وتصير احسن
لا تخاف اني اخوك مراح اقصر بشي ويا اهلك
ياخويه ما ناقصني شي غير فراكك مااذيني
حيل
مجاي اكدر اجاوز بعدك عني
ريام...علي سامحني جنت ماافتهم وغلطت بحقك
سامحني تعبني فراكك
وامي مريضه اني مو كد هذا الحمل تعبت ولله تعبت
لو ما عقيل جان الله يعلم بحالنا
كل يوم ادعيلك اتمنى تسامحني
ولله جنت ماافتهم عمت عيني حركت كلبك
اعذرني قصرت بحقك هواي وانت جنت شايلنا شيل
عقيل.... اخوي عزيزي سامحني إذا قصرت بيوم وياك
خالتي تلح عليه تريد تجي تشوفك
بس اخاف عليها اخاف توصل هنا وتتخربط
بلكت تصير احسن واجيبها واجي
رحنا زرنا الإمام علي ورجعنا بنفس اليوم للبيت
استمر علاج خالتي بين علاج طبيعي و علاج بلادويه
اما الفصل دية قتل علي الله يرحمه
استلمته وخليته بلمصرف ضمان الريام وخالتي
الدنيا ما مضمونه
يمكن اني اموت على الاقل عدهم فلوس يصرفن منها
وسويت دفتر بلمصرف باسم ريام
جمانه السعيدي
بديت احاول اغير جو على خالتي حتى حالته تتحسن ااكثر
كل كم يوم اخذها بلسياره اخليها تغير جوو
اما حسوني بدا يتعود علينا شويه شويه
بس مااكدر اطلع كدامه يضل يبجي وراي
اخذني وياك بلسياره
مرات ريام تاخذه تلعبه حتى اطلع من البيت
ومرات ينام يله اكدر اطلع من بيتنا
بعد سنه من وفاة علي خالتي اتحسنت حالتها
بس ماتكدر تمشي
ندفعها على كرسي متحرك
بس تحجي احسن من قبل احسن اول ماوكعت
اكثر شي ساهم تصير حالتها احسن
ووجود ابن علي بلبيت
ووجودي المستمر يمها اسولف عليها
واطلعها بلسياره اكعد اخفف عنها الالم
رجعت ريام للدوام بعد إلحاح مني
يعني هاي السنه الثانيه بالسادس لان هيه العام الحد نص السنه وتركت المدرسه
تروح وترجع للمدرسه وحدها اني واثق منها
مستحيل تعيد هاي التجربه مره ثاتيه
ااكثر من مره افوت بلسياره قريب عليها وما اشوفني
مدنكه راسها وتمشي بلشارع
ماله علاقه باي احد
امي...يمه ليش ما تنزع الأسود وتعدل لحيتك
عقيل....مااكدر انزع الأسود شلون البس اللوان
وعلي ماكووو
امي...صار سنه كافي كافي حزن
عقيل....حزن علي ما يخلص طول العمر شلون انتي صار
عشرين سنه لابسه اسود على ابوي
اني ابقى العمر كله لابس اسود على علي
امي...اريد ازوجك وافرح بيك عمرك ٢٦ سنه شمنتظر
عقيل...مااريد ازوج اني شلت فكرة الزواج من عقلي
امي..اريد اشوف جهالك وافرح بيهم
عقيل...يمه فدوه عوفي هذا الموضوع مو وقته
امي راحت على خالتي
امي...من رخصتج ام علي اني اريد ازوج عقيل
خالتي...اي زوجي
امي...مستحيه منكم اريد ادورله عروسه اريد اشوف جهاله
خالتي...من حقج هو هالولد من حقج تفرحين بي
امي..اريدج تحجين ويااا
خالتي...اني اروح اخطبله لو شما اسوي مااجازي
على وكفته ويانا
امي.. يااا تحجين صدك غير انتم اهله
خالتي...لو عندي ولد مجان وكفلي هاي الوكفه
من اشوفه جني شايفه علي
الله يحفظه ويطول عمره
جمانه السعيدي
عقيل...من رجعت للبيت اني من اجي اول ماادخل كبل على خالتي
اطمن عليها واخلي المسواك بلمطبخ
وبعدين اروح الامي
خالتي....اكعد اريد احجي وياك
دخلت ريام سلمت عليه وكعدت
عقيل...خير ااكو شي
خالتي....اني اريد اخطبلك انت مو زغير نريد نشوف جهالك
عقيل.. باوعت ريام تباوع عليه تريد تعرف شنو ردي
خالتي....يايمه العمر يركض وامك مسكينه ماعدها غيرك
خليها تفرح بيك
انت بس ااشر اي وحده تعجبك نروح نخطبها اللك
عقيل...مو هسه خاله اني روحي كلشي مااتريد
من يوم مات علي روحي ماتت ويا
خالتي...الله يرحمه لو علي موجود جان هو الي خطبلك
عقيل..عوفي هذا الموضوع ابد مو وكته
من اقرر ازوج
انتي اول وحده ابلغج بهذا الموضوع
خالتي...الله يهديك
عقيل...ريام اذا ناقص عدكم شي كولي
اي شي بهارات شعريه تمن اي شي تردي
ريام.. الله يحفظك ما مقصر ويانا بشي
طلعت برأ اجت وراي ريام
ريام...عقيل اريد اخذ حسوني اشتريله تراكات
ممكن تأخذنا العصر
عقيل.. اي ممكن اي وقت يعجبكم اني حاضر
رجعت البيتنا
عقيل.. هااا امي حبيبتي اليوم فاضحتني
كدام خالتي اني مو كتلج ماازوج هسه بعد وكت
امي...شنو بعد وكت عمرك ٢٦ سنه وماعندي غيرك
فدوه اروحلك اريد اشوف جهالك
عقيل....بس انطيني شوية وقت استعد
مو هيج كبل
امي...شنو رائيك اخطبلك ريام
عقيل...ريام لا ريام ما تحبني وماتريدني
امي...منو كالك
عقيل...هيه كالت اني مااريدك
بعدين هسه اذا طلبتي ايدها راح تكول يريد يزوجني
مقابل اهتمامه باامي
يمكن تحس بلاحراج وتقبل
واني مااريدها تقبل بيه لان محرجه مني
اذا تردين دوري عروسه على ذوقج
امي...صدك تحجي صدك ولله ادور عروس
عقيل...اي دوري عروس بس لازم تكون بت اصول
واهلها اوادم
مو مثل زوجت علي الله يرحمه
كون بت اصل وتصون العشره
وتحفظ الود وتقدر الضروف كون اصيله
واهلها ناس يتعاتبون
امي...انشاء الله خير
