رواية بين القبول والرفض الفصل العاشر 10 بقلم جمانه السعيدي
عقيل....الضهر اجتني ااجره المكان خارج المحافظه
رحت البيت عمي
عقيل...ريام ممكن اناجل الطلعه الباجر لان اجتني اجرة
على باجر واخذكم واذا الموضوع ضروري
اعوف الشغل اجي وياكم
ريام...لا عادي على باجر ماكو مشكله
العصر امي حسب الاتفاق الي بينا طلعت تشوف عروسه
طبعا هيه محدده كم وحده
بنات معينات عاجباتها بلاول راحت بس تشوفهن
يعني مو خطوبه رسميه وبعدين تقرر اي حده منهن راح تكون صاحبت النصيب
حسب الاتفاق اني وياها يعني نكعد اناقش الموضوع
اني وياها ونشوف منو الأنسب نخطبها
بعد ماراحت شافت بنات ثنيين راحت البيت عمي
امي...ام علي اليوم رحت ادور عروس العقيل
الصراحه ماصدكت وافق صار شكد الح علي اليوم وافق
شفت بنات ثنيين وثنيبنهن عجبني
بنات اوادم واهلهن ناس طيبين بس ادعيلي كون وحده منهن تعجب عقيل
ام علي...ولله لو رجليه يمشن اني اروح اخطبله
عقيل يستاهل كون الله يوكعه بت حلال
مو مثل مرت علي بت ابليس
امي.. اي فدوه ادعيله اريد بت حلال تريح كلبه
مااريد وحده تخلي يتغير عليه ولو عقيل مايتغير اصيل
ام علي.. كل يوم ادعيله بكل وقت صلا ادعيله
الله يسر أمره ويريح باله
من اشوف حنيته علينا جني شايفه علي الله يرحمه
ام عقيل....هو ابنكم انتم الي ربيتو
وما ينكر الربه اله ابن الحرام
جمانه السعيدي
عقيل...بليل رجعت شويه متاخر مارحت بيت عمي
بس لكيت امي منتظرتني
هلكد مافرحانه النوم طار من عينها
ماسكتت بس توصف بلبنات الي شافتهن تحجي وهيه فرحانه ما مصدكه راح ازوج
حلم صار سنيين تنتظره راح يتحقق
الصبح رحت بيت عمي قبل لا اطلع اطمن على خالتي
عقيل....شلونه خالتي الحلوه
ام علي.. انت الحلو وماكو منك
عقيل..اتريكتي اخذتي العلاج
ام علي.. الحمد لله
عقيل..... وين حسون
ام علي.. بعده نايم
عقيل. .تمام اطلع للشغل ومن ارجع امر عليكم
ام علي.. خاله عقيل عدنا مسواك خير من الله لا اجيب
وياك اي شي الثلاجه متروسه حرامات يخرب ونشمره
عقيل...هااا ريام شو ساكته محتاجين شي
ردت عليه ضايجه تحجي من ورا خشمها
ريام...ما محتاجين شي سلامتك بس مو تنسى اليوم تاخذنا لو نروح وحدنا اني وحسون
عقيل...حسيتها حيل ضايجه اشرتلها شكووو
ماردت عليه البوز شبر كدام
الله يستر خاف زعلت لان مااخذتها امس
عقيل.. انتي زعلانه لان أجلنا الطلعه امس
ريام...لا مو زعلانه بس اليوم لا تاجل موعدنا
عقيل...انشاء الله
طلعت للشغل ومن رجعت للبيت جبت ركيه ويأي لان حسون يحب الركي
سلمت على خالتي ونطيت الركيه الريام
عقيل.. شبيج اليوم البوز شبر
باوعت عليه وبعدين كالت ماكو شي
عقيل....اكو شي احجي
ريام...لا ماكو شي بلاربعه العصر نطلع
عقيل.. تمام انشاء الله
جمانه السعيدي
العصر بدلت وطلعت دكيت الباب
طلعت ريام كالت اي تمام هسه اجي
شويه طلعت شايله حسون
عقيل....وللك امشي شنو هلدلال صرت جبير عيب شايلينك
نزلته ريام ركض للسياره
كعد بمكاني هااا تسوق
ردي عليه اااي
كعدت خليته بحضني وريام كعدت بصفي
عقيل....شغلت السياره احجي شبيج سامعه شي ااحد موضجج
ترا اني هليام مااطلعكم ااكول عدها قرايه وخالتي وحسون بس تخلصين امتحانات اخذج وين متردين
شكووو احجي
ريام....اريد اعتذر منك
عقيل...تعتذرين مني اني ليش
ريام...بسبب قبل من زمان اني ضوجتك
عقيل....ضوجتيني يمته مااذكر ( اعرف شتقصد بس اريدها تحجي وتوضح كلشي بنفسها)
ريام...من طلبت ايدي قبل واني كتلك مااريدك
عقيل.. اهوووو هاي سالفه قديمه منو يذكرها يمعوده
ريام...يعني انت نسيت
عقيل.. اي نسيت
ريام...نسيت كلشي كلشي
عقيل...لا تاخذين ابالج نسيت كلشي والدليل راح اخطب وازوج
ريام....انت تريد تزوج
عقيل...اي امي جاي تلح عليه
ريام....وانت شنو رائيك
عقيل....شنو رائي هاي هيه ازوج اشوفلي بت حلال عادي اسئل عنها اذا زينه نتوكل على الله
ليش لا بلاخير الزواج قسمه ونصيب
ريام....هيج كبل لان امك كالت ازوج تزوج
عقيل.....لا مو بس امي اني هم ضجت من الوحده
بلاخير الإنسان مايكدر يعيش بدون شريك
ريام...تزوج بدون قصة حب
عقيل...وين اكو حب يمعوده الزواج قسمه ونصيب
ريام...شلون تعيش ويا وحده ما تعرفها ولا تعرف اطباعها
عقيل...حالي حال الناس شلون الناس تزوج ازوج مثلهم
انتي برائيج كونج بت عمي وتعرفيني اني ماانحب
ريام....لا بلعكس انت تنحب كريم وطيب وشهم وابن ناس الي مثلك قليل
عقيل...هاي هيه شهد شاهد من اهلها بعد شكووو
ريام......بس اني خايفه جمانه السعيدي
عقيل...من شنو خايفه
ريام...لا تجي وحده تغيرك علينا معقوله تزوج وزوجتك تقبل تجينا هيج باي وقت وتهتم بابن علي وتهتم باامي
عقيل....قابل اني امشي بكيفها
اهم شي ما انقص علبها شي بعدين انتم اهلي قابل اعوف اهلي
ريام....ماكو وحده تقبل بهذا الوضع
عقيل...اشرط عليها ليكدام اهلي خط احمر
يعجبها اهلا وسهلا ما يعجبها الله وياها
( طبعا اني فهمت من كلامها تلمحلي حتى اخطبها
ااكيد هذا اسعد يوم بحياتي بس خاف تعتبر زواجي منها رد الجميل
لان وكفت وياهم وأخذت حقهم)
عقيل....انتي الي راح ترحين تشوفين العروس بنفسج
اذا عجبتك يعني عجبتني انتي عندج ذوق
ريام...لا اني مالي شغل
عقيل...ليش انتي مو اختي لازم تختاريلي على ذوقح
ريام...لا اني مو اختك
عقيل...حجت بعصبيه واني كوه مسيطر على نفسي
عقيل...ليش مو اختي شنو خربنا اني وياج
هيج بعتي الخوه بسرعه
ريام...روح انت اخطب على معرفتك انو شنو دخلي
عقيل.. انتي ليش عصبيه جاي نسولف عادي
ريام...لا مو عصبيه واني شنو علاقتي بلموضوع حتى اصير عصبيه
عقيل...براحتج ( حبيت احرك مشاعرها ااكثر)
امي تكول البنات الي مختارتهن وحده احلى من وحده
يمكن باجر اروح اشوفهن
ريام... ميلهن الجمال خالتي كل شي يعجبها ثنيبنهن اني شايفتهن ولا حلوات يلعبن النفس
عقيل...هااا انتي هيج رائيج
ريام....اي اذا تمشي على ذوقي ثنيبنهن موحلوات
على كيفك ليش مستعجل
عقيل.. مو اني مستعجل امي مستعجله
ريام....خالتي ترديد بس ازوجك وتخلص
عقيل... يعني هذا عمري مناسب للزواج
ريام...بعدك زغير ليش مستعجل على كيفك
عقيل.... ههه زغير شعري صار كله شيب خاف يصير شي وامي تبقى وحدها
ريام...اسم الله ليش تكول هيج
عقيل....منو جان متوقع علي البطل يروح هيج بلمح البصر
الدنيا ما مضمونه اخاف امي تبقى وحدها
ريام... انشاء الله عمرك طويل وتزوج احفادك
عقيل...اي غير ازوج حتى الحك اشوف احفادي
ريام...اي ما تزوج منو لازمك بس اختار وحده مناسبه تحبك
عقيل....هاي شلون دبرتيها تحبني شلون تحبني مثلا
اكعد احب ونحب وبعدين ازوج شكد يصير عمري
ريام....اي شكو بيها بعدك زغير
عقيل...هم كالت زغير عوفي موضوع زواجي
اني اعرف اختار صح اهتمي بدراستج وبس لازم اطلعين من السادس بمعدل حلو يرفع الراس
ريام.. اففففف استغفر الله واتوب اليه
عقيل....ليش ضايجه احسج ضايجه مااعرف ليش
ريام...وصلنا يله نزلنا
عقيل....خل اشوف مكان اوكف بي
نزلنا اني وياها جان مبين عليها الضوجه
واني سويت نفسي غبي كلشي ماافهم واني عرفت
هيه على شنو تلمح من اول كلمه كالتها
بس مراح اقبل بسرعه اريدها تتأكد من مشاعرها
خاف بعدين تكول اني مااحبك وانت تعرف هذا الشي
وقبلت بهذا الزواج
راح اصبر عليج منا لمن تجين تعترفين بلسانج
مثل ماانتي غاليه اني هم غالي حتلو بت عمي وعزيزه عليه هم لازم اطلع كلشي سويتي بيه من خشمج
اشترت تراكين الحسون واني شفت تراك اسود حلو
اشتريته الها
عقيل....هذا حلوو
ريام...المن
عقيل...اللج اللمن
ريام...لا مااريد
عقيل...اني اشتريته شنو ماتردين
ريام...ضم فلوسك وراك خطوبه وعرس
عقيل....اني محضر نفسي اي شي تطلبه حاضر
راح ادللها دلال ماصاير
ريام...اي حتى تتخبل عليك
عقيل....هيه المخبله حلوه اني شسوي بلعاقله
ريام.... استغفر الله شيفهمه البعيد اليوم الفهم صفر
عقيل...شنو ما سمعت شكلتي ( اني سمعتها )
ريام....لا هيج ااكول حلو ذوقك
عقيل.. اي يالله يعني اذا اختار عروس راح تطلع حلوه
ريام...هم رجعنا للعروس الصخام
عقيل.. اني سامع البنيه تفرح اخوها يزوج
وانتي من هسه تدعين عليها
شلون راح تمشي الأمور بعدين مااعرف
لا تخافين شنو اشتريلها اشتريلج مثلها
ريام...واني شنو علاقتي بيها حتى ادعي عليها
ومااريد البس مثلها
اني ذوقي مختلف ماأحب احد يلبس مثلي
عقيل... لا انتي حبابه وكلبج طيب ااكيد انتي وياها تصيرن صديقات واذا ذوقج حلو اخذج بلجهاز تشتريلها ملابس
كلت بكلبي اليوم اذا مااخبلج عليه ريام عليه سوالفج هاي
ريام...لا شكرا مااريد نصير صديقات
ومااروح اشتري اي شي الاي احد
رجعني للبيت
عقيل....ليش عصبيه اليوم
ريام...اهوووو مو كلنا مو عصبيه
عقيل....اذا هيج مو عصبيه شلونها العصبيه
تعاي نرجع للبيت لان كمتي تنفخين نار عبالك تنيبن
ريام...اني صوجي اطلع وياك
عقيل....اني صوجي اخذ ذوقج بعروستي
شوفي ذبج البنيه من دخلنا لسه تباوع عليه هلي اني لابس اسود وما حالق لحيتي
لو اكشخ جان تجت تركض وراي
ريام.. شنو هلغرور
عقيل...بس باعي شلون عينها عليه
طبعا لان اباوع على البنيه واحجي البنيه انتبهت عليه
من رفعت راسها يام سلفتها تباوع عليه
ريام...فكس انشاء الله بعينها مايصدكن يشوفن ولد
يضل يباوعن علي
عقيل...بس حلوه لبسها محتشم وحلوه
ريام...انت ما صدكت وحده تباوع عليك اشويه استحي
عينك
عقيل...ولله يابت عمي الحياة فرص
ايجوز هاي فرصتي
ريام...انت شفتهمت منها مزوجه مطلقه منفصله
بت ناس لو بت شوارع
عقيل...قابل اني خطبتها اتعرف عليها اذا عجبتني
اتوكل على الله
ايجوز اليوم جبتينا هنا حتى تصير هاي القسمه
شمدريج كلشي جائز
ريام....يااا تحجي صدك
عقيل...بس دقيقه وارجع
عفتها ورحت يم هاي البنيه وياها امها اتفرجت على الملابس كلت الامها من رخصتج
...اتفضل
عقيل....اريد اخذ من هذا الفستان الخطيبتي اريد اخذلها هديه باجر عيد ميلادها
شنو رائيج هذا الفستان حلوو
...اي ولله حلو وخامته تخبل
باوعت ريام عافت المكان وطلعت تمشي بعصبيه
تسحب بحسوني بقوه
عقيل...ابتسمت وكتلها شكرا
ارجع باجر اخذه لان اريده مفاجئه
