رواية في عشقها هلاكي الفصل التاسع 9 بقلم زهرة الربيع
قدامك عشر ايام لو روعه مكانتش عندي يبقى تجهز قبرك ..راسها هتفدي راسك و..
مختار سحب التليفون منها بسرعه وقال بتوتر..احم انتي ..انتي بتفتحي التليفون ليه ....حد طلب منك تقريلي
روعه بصتله بصدمه وقالت ..روعه...روعه مين...انا المقصوده بالرساله دي...انا اللي راسها هتفدي راسك مش كده
مختار غمض عنيه بغضب بعد ما كان خلاص اقنعها وصلح كل حاجه اتنهد وقال ....اكيد لا ...هو انتي اسمك روعه اساسا ...ده اسم انا سميتك بيه علشان بتفكريني بيها مش اكتر
قال كده ولسه هينام روعه قالت بسرعه واستغراب...هيه مين اللي بفكرك بيها ...كلمني هنا مش هتنام الا لما تفهمني
وشدت الغطا من عليه
مختار اتنهد وقال بزهق...هو انتي عايزه تعرفي كل حاجه في حياتي علشان هتعمليلي خدمه لوجه الله
روعه قالت بغضب....لا بقولك ايه بلاش تعمل ملاك دلوقت ...ما انا مش هسكت غير لما اعرف فيه ايه انا حاسه الراجل ده يقصدني انا ..اتكلم يا مختار متجننيش
مختار رفع حاجبه وقال..مختار حاف كده....والله واتهزت الجبال وبقت ملطشه للعيال
روعه كتفت اديها بلا مبالاه بكلامه وبقت تهز رجلها على الارض بانتظار وغضب
مختار شاف ان مفيش فايده فرجع لحواراته زي العاده اتنهد بحزن وقال...روعه تبقى حبيبتي...حته من قلبي...وطلع صورة روعه الحقيقيه من محفظته وقال بوجع مصطنع..دي تبقى روعه اللي نقصدها
روعه مسكت صورة البنت وهيه مش فاهمه حاجه ومختار كمل وقال بتنهيده وتمثيل متقن....بعشقها وبتعشقني ...واللي باعت الرساله ده يبقى ابوها ...ورافض جوازنا علشان انا كنت في السجن وهو من اغنياء البلد...كان عايز يجوزها لواحد تاني وفي الفرح هربت منهم ...وهو كالعاده بيظلمني وفاكر اني خاطفها وانها معايا وباعت يهدد لو مرجعتهاش هيقتلني
روعه شهقت وحطت ايدها على بقها بصدمه وقالت....يانهار ابوك مخطط انت خاطف واحده تانيه غيري
عند حمزه كان مبهوت بشده لما نجوى قالت ان نسيم حامل فضل يبصلها بصدمه ومش قادر ينطق ولا حتى قادر يستوعب نزلت دمعه متمرده على خده خلت نجوى تنزل عيونها في الارض بحزن شديد وقالت...انا اسفه يا حمزه مكنتش عايزه اقولك ...بس لو فكرت فيها هتلاقيها متفرقش صدقني ...هيه دلوقت متجوزه وده شئ طبيعي ومتوقع جدا ارجوك انسى البنت دي ....دي واحده عندها عيله وهتبقى ام
حمزه وقف وكأنه مش سامعها وفكر في لحظه كانت بينهم وكانو واقفين على النيل وشافو طفل صغير
نسيم جريت عليه وهيه بتضحك وقالت...فين ماما يا حبيبي انت هنا مع مين
الطفل قال ...مع بابي راح يجيب ايس
وشاور على اخر الشارع على محل الايس كريم
نسيم ابتسمت وقالت وعيونها بتضحك ..شوف يا حمزه الولد ده يشبهك قد ايه
حمزه ابتسم وقرب من الولد وقال ...شبهي فعلا وهمس عند ودنها وقال ...يمكن اكون اعرف والدته ولا حاجه
وغمزلها بمشاكسه
نسيم شهقت بغيظ ومسكته من هدومه وقالت....ده انا كنت اقتلك فيها
حمزه حب يغيظها اكتر قال ..ايه يعني هتحاسبيني على اللي عملته قبل ما اعرفك
نسيم بصتله بتملك وقالت...على اللي قبلي واللي بعدي....ممنوع تحب او تتجوز او يبقالك ابن من اي واحده غيري ...يلا اوعدني...اوعدني يا حمزه
حمزه ابتسم بحب وقال..اوعدك..... عمري ما اعملها ولا افتح قلبي لاي واحده تانيه ولا اختار لاولادي ام غيرك يا نسيم
نسيم ابتسمت بسعاده وقالت ...ولا انا عمري هاختار لقلبي غيرك ..ولا اولادي يشيلو اسم اي حد تاني الا انت يا قلب نسيم
بقلم...زهرة الربيع
هنا فاق من شروده على صوت نجوى وهيه بتقول..حمزه..حمزه انت كويس
حمزه مسح عيونه بسرعه وبصلها وقال بقوه مزيفه..امم..كويس...تمام احم..انا...انا بشكرك يا نجوى كنت محتاج افهم ...كنت محتاج اصحى ...شكرا ...انا اسف عايز اطلع ارتاح شويه بس البيت بيتك
قال كده ومشي وهو حاسس بوجع الدنيا كلها في قلبه زي ما تكون روحه بتتسحب بالبطئ
نجوى نزلت دموعها بحزن شديد وقالت بهمس...سامحني يا حمزه ..انا اسفه
واخدت شنطتها وطلعت من البيت وهيه في قمة الحزن
عند جمال كان قاعد بثقه ومستني رد نسيم وقال...ها يا نسومه مقولتيش تحبي احضر شنطنا....اول ما نرجع عند اهلي هارجعلك اهلك هنا ولا ليك راي تاني
نسيم بصتله بقوه عكس العاده وقالت..لا مش همشي ...ومتحلمش انك ممكن تضغط عليا تاني باي حاجه
جمال اتفاجا بردها وقال...تقصدي ايه
نسيم قالت بتحدي ....قصدي انا صدقتك مره وطاوعتك لما ساومتني وبوظت حياتي ...وكانت اكبر غلطه عملتها اني امنت لواحد زيك ملوش كلمه ...بس مش هتقدر تعملها معايا تاني وتضغط عليا باهلي... انسى يا جمال...وعيلتك المصدين دول مش هرجع عندعم ..معلش خليهم يشوفوا خدامه تانيه يذلوها انا مش هدوس على كرامتي تاني ...ولا حتى علشان اهلي لان عمرهم ما هيبقو مرتاحين وبنتهم متهانه
جمال اتغاظ جدا زي ما تكون ضربته على دماغه قال بغضب..براحتك هخليكي هنا بس مترجعيش تقوليلي امي ضهرها اتكسر من نزول السلم واخويا تعب من تحميل الميه من تحت ومش عارف يذاكر من النور اللي بيقطع في العماره متجيش تشكي لاني مش هسمعك
نسيم نزلت دمعه مسحتها بسرعه وقالت بوجع ...اهلي ليهم ربنا ...هو احن مني ومنك
قالت كده ولسه هتمشي وقفها وقال بضيق ...المهم...كشفتي
نسيم مبصتلوش وقالت...قولتلك ملحقتش اكشف الدكتوره كانت في عمليات
جمال قال بغضب ...يعني ايه ..ليه مشوفتيش غيرها ...انا قولتلك عايز اخلف ...بقالنا سنه متجوزين وانتي مش عايزه تكشفي ونعرف مخلفتيش ليه...امي كل يوم تقطمني
نسيم اتنهدت بخنقه وقالت..انا مش بروح علشان الخلفه انا بروح علشان التشوهات اللي ماليه جسمي ومش عارفه استحمى منها بسبب ان حضرتك بتتعامل معايا معاملة حيوان مش بني ادم
جمال مسكها من فكها بغضب وقال...هقص لسانك يا نسيم متخلنيش اعملها
نسيم دفعت ايده بغضب وقالت ....تقص لساني ليه علشان بقول الحق اللي ديما مزعلك...كل ما اكشف عند دكتوره بتقولي مين الحيوان اللي متجوزاه...علشان كده انا بدعي ربنا يوميا ماخلفش منك ...ربنا ما يوريني اليوم ده ابدا..ولو زعل ماما مزعلك قوي روح انت اكشف انا كشفت عند كذا دكتوره وبيقولولي اني سليمه روح انت شوف العطله منين يا سيد الرجاله
قالت كده وسابته واقف بغضب شديد وبيزعق بجنون من كلامها ويقول....ماشي يا نسيم انا هاخدك بنفسي عند الدكتوره واشوف انتي مخبيه ايه عني اصبري عليا
نسيم بقت تنفض السرير بغضب وهيه بتقول ..جاتك القرف متخلف
واترمت على السرير بتعب وهيه بتفتكر حمزه وكلامه ونظراته اللي وجعت قلبها وقد ايه اتمنت تترمي في حضنه
وهنا حست بالندم انها بتفكر فيه رغم انها على عصمة غيره بقت تبكي بشده وقالت من قلبها..يارب....يارب سامحني غصب عني ..مش بايدي يارب ..ساعدني اتوسل اليك انا مليش غيرك ومش قادره اتحمل اكتر
وفضلت تبكي بقوه لحد ما راحت في النوم
عند مختار قال بغضب ..هو السمع بعافيه ..مش بقولك معرفش عنها حاجه وبدور عليها مش لاقيها ...هبقا ازاي خاطفها يعني
روعه قالت بعدم تصديق...ياسلام خش في عبي خش
بس شهقت بصدمه لما شدها عليه بقوه وقال بوقاحه...اخش فين انا جاهز اخش اي حته...انا هموت واخش
روعه بقت تحاول تدفعه وهيه بتقول بتوتر...ايه قلة الادب دي ابعد عني سيبني..سيبني بقولك
مختار قربها اكتر وقال بتحذير...لو عيزاني اسيبك وعايزه يومينك يعدو على خير معايا متسأليش كتير ومتدخليش في اللي ملكيش فيه ...ماشي يا شطوره
روعه هزت راسها بالموافقه بسرعه علشان يسيبها
ومختار سابها وقال ...برافو عليك يلا بقى اطلعي على دولابك وخليك في حالك ...ولو تليفوني رن سبع ايام متلمسهوش
قال كده واترمى على السرير وروعه قالت بتوتر....طيب انا هطلع انام ...بس اوعى تفتكر اني بسمع الكلام علشان خايفه منك ...انا بعمل كده لانك مريض ومش عايزه اتعبك واشيل الذنب
مختار ابتسم بخفه وهز راسه وقال..اه ما انا عارف ...شاكر افضالك
روعه طلعت تاني على الدولاب تنام وهو بص عليها بابتسامه كل ما بيشوف خوفها منه اللي بتحاول تخبيه بس مبتعرفش وطريقتها البريئه ابتسامته بتسبقه لا اراديا
بس اختفت تدريجيا لما افتكر رسالة عزيز مسك التليفون وبعت رد على رسالته و كتب ..اظن انا وضحتلك اني محتاج مهلة اخيره مش اقل من شهر ...البنت في منطقه محميه جدا وعامله احتيطاتها وراها ناس تقال ...وعلشان اجبها محتاج خطه محكمه...واظن كمان ان دي مش اول مره تشتغل معايا ...البنت هتكون عندك على اول الشهر الجديد انا مش هاخرك يوم واحد عن اتفاقنا ولا هسمح انك تقلل منه يوم واحد ...فلو لسه عايز البنت انا عند كلامي..ولو هتفضل تبعت وتهدد وتعطلني يبقى خلاص فركش بنا واللي عايزه اعمله ...ونخسر احنا الاتنين
كتب الرساله بمنتهى الثقه وفضل مستني رسالته اللي كان متأكد جدا انها مش هتتاخر وفعلا مفيش دقايق وبعتله..طيب يا ابن الديب ...خليك ورا الكداب شهر ويعدي زي اللي عدى بس ورحمة ابني وعمري ما حلفت بيه لو مكانتش عندي على الميعاد حتى لو اتشقلبت وقدرت ترجع الفلوس اللي اخدتها برده مش هعتقك...... اول يوم في الشهر الجديد واحد منكم هيقابل عزرائيل يا هيه ..يا انت يا مخ
مختار اتنهد بتعب لما قرأ الرساله وبدا يحذف كل الرسايل وغمض عنيه وهو بيحاول يهدى وقال ...احم..روعه..اخدتي علاجك
روعه مبصتلوش وقالت بضيق... اخدته
مختار قال ..اهتمي بالعلاج كويس ...انا مستعجل لازم نعمل العمليه لاني بدأت اتعب
روعه قالت بسرعه وقلق...فيه حاجه وجعاك ..تحب انزل
مختار اتنهد وبص الناحيه التانيه علشان ميشوفهاش وقال بخنقه...انا كويس ...نامي الوقت اتاخر
روعه اتنهدت ونامت وهيه محتاره فيه ومش عارفه تصدقه ولا قادره ترفض مساعدته
في صباح يوم جديد كان حمزه بيفطر هو وغانم ومنى وكان شارد جدا بيقلب في الطبق ومش بياكل حاجه
غانم بصله باستغراب وقال..حمزه مالك يا ابني مش بتاكل ليه
حمزه انتبه وقال بحزن ..انا...احم لا ابدا انا كويس بس مش قادر اكل ..مش جعان هاخد قهوه في المستشفى
ووقف ولسه بياخد مفاتيح عربيته لقى مختار نازل ومعاه روعه وبيقول بحماس....ايه ده في فطار ومحدش يناديني من امتى البخل ده يا دكتره
حمزه اتجاهله لانه كان تعبان جدا ومخنوق وبص لغانم وقال...انا ماشي يا عم غانم تؤمرني بحاجه
غانم لسه هيتكلم بس مختار قال بسرعه ..... مين ده اللي يؤمرك طب خليه يؤمرك كده وانا امر على قفاه عيش
غانم نزل عيونه بحزن وحمزه بص لمختار بحده وقال...خليك في حالك...لو ناوي تفضل هنا وعايز تعدي بنا من غير مشاكل خليك في حالك ومتوجهليش اي كلام اعتبر نفسك في بيت وانا في بيت تاني سامع
مختار اتنهد وقعد على السفره ببرود وبقى يعمل ساندوتشات وقال بلا مبالاه....اقعد افطر بس ليطقلك عرق
وبص لغانم بقرف وقال.....انا عارف ان الوشوش هنا تسد النفس بس معلش تعالى على نفسك علشان صحتك انت دكتور وفاهم
حمزه قال بسخريه ....معاك حق ....من امبارح وانا نفسي مسدوده فعلا ...تفتكر ليه
مختار قال ببرود ....والله معرفش اصل انا نفسي مفتوحه قوي عريس بقى وكده
ومسك ايد روعه وباسها وهو بيبصلها بنظرات جريئه خلتها اتوترت جدا ونزلت عيونها في الارض بحرج شديد
حمزه هز راسه بخنقه منه ولبس نضارته ومشي بغضب وهو بيدعي ربنا يصبره
اما منى بصت لايد مختار اللي حاضنه ايد روعه ومش عايز يسيبها رغم انها حاولت تسحب ايدها
وقفت بغضب وقالت ....عن اذنك يا بابا انا تعبانه وعايزه ارتاح ولسه هتمشي مختار قال بسرعه..منى استني عايزك
قال كده وراح وراها وروعه صدقت ما قام خدت نفسها بارتياح وبقت تاكل كتير كانها ماكلتش من سنين
مختار قرب من منى وقال...منوش ممكن اطلب طلب
منى فرحت جدا وقالت بسرعه...انت تؤمر يا مختار
مختار ابتسم وقال بود عكس اللي جواه ...تسلميلي...كنت عايز منك طقم لروعه ...اصلي مجبتلهاش حاجه لسه وحمزه رفض يديني من هدوم ماما
منى اختفت ابتسامتها وكانت هترفض فورا بس حاولت تهدى لانه طلب منها وقالت....انا وكل حاجه عندي تحت امرك يا مختار
مختار ابتسم بالعافيه وقال...يسلملي القمر...طلب كمان لو هتعبك ياريت يكون متقفل ...حاجه تستر ...عشان بغير
منى هزت راسها بالموافقه ومشيت بغضب شديد وراحت جابت اسوء حاجه في دولابها لروعه وادتهاله وقالت ...دي حاجه مقفوله زي ما طلبت معلش هيه زوقها بيئه وانا مبلبسهاش بس هتليق موت لمراتك
مختار بص للفستان كان اسود ومنقوش بنقشات بيضه صغيره وقصته كانه فستان من التمنينات مخصر وموديل قديم ابتسم لانه فاهمها وقال....فعلا هيليق عليها جدا الاسود على الابيض جبار ...شكرا يا حلوه
قال كده ومشي من قدامها وهيه داست على اسنانها بغيظ وبقت تبص لروعه بحقد شديد
عند نسيم كانت في المستشفى هيه وجمال وكانت متوتره جدا وقالت برجاء...يا جمال عيب عليك كده انت مش طفل خلينا نمشي من هنا المستشفيات ماليه البلد بلاش فضايح
جمال طلع سيجاره وبقى يشربها ببرود وقال...ليه مالها المستشفى دي ...مش دي اللي اختارتيها من بين كل المستشفيات وجيتي تكشفي فيها امبارح...اهو انا جايبك علشان نكشف سوا زي ما قولتيلي زعلانه ليه
نسيم داست على اسنانها بغضب وحاولت تهدى وتهديه وقالت...انا حلفتلك اني مكنتش اعرف انه شغال هنا...ارجوك بقى خلينا نمشي قبل ما يجي..... وانا هسمع الكلام وهروح اكشف في مكان تاني واخد علاج زي ما انت عايز بس يلا بينا من هنا بالله عليك
جمال قال بعند ..مش هنمشي يا نسيم ...هنكشف هنا..انتي هتكشفي عند الدكتوره اللي زرتيها امبارح وانا هكشف عند دكتور حمزه ونشوف المشكله فين وارد تكون عندي.... مش ده كلامك
نسيم لمعت عيونها بالدموع و قالت بقلق شديد...طيب انا اسفه اني قولتلك اكشف...انا هكشف وهتعالج واكيد العيب عندي..انت زي الفل.... حلو كده ..لو سمحت خلينا نمشي ارجوك
جمال ابتسم بسخريه وقال ..اهدي يا قلبي انتي خايفه ليه ...خايفه اقابله ونتخانق مثلا ...عيب عليك جوزك اعقل من كده و....
بس قطع كلامه لما شاف حمزه داخل المستشفى وبيتكلم مع واحد من الممرضين
نسيم قلبها بقى يدق بعنف وبقت تدعي ربنا يستر وجمال وقف وبقى يبص لحمزه وهيئته بغيره وغيظ وقال بشر....اهو الدكتور وصل...شكلي هكشف قبلك
حمزه اتكلم مع الممرض ولسه هيروح اوضة الكشف اتصدم بنسيم وجمال اتجمد مكانه بذهول وهو بيتردد في دماغه كلام نجوى...نسيم حامل يا حمزه ..جات متابعه حمل
جمال ابتسم بخبث ومسك ايد نسيم بقوه واتقدم عليه وشكله ميطمنش ابدا
بقلم....زهرة الربيع
عند مختار رجع لروعه ولقاها اكلت كل الاكل اللي كان قدامها واللي قدامه كمان بصلها بدهشه وقال....الديناصور شبع ولا اشوفله غزاله يكمل بيها...تاخدي حته من دراعي
روعه قالت بحرج....كنت جعانه شويه
مختار بص للاطباق اللي كانت ممسوحه وقال...شويه !
روعه بصتله ببرائه مزيفه وهو اتنهد وقال ....ما علينا قومي معايا عايزك
وسحبها من ايدها وبعد عن غانم وقال ....خدي البسي ده علشان هاخدك الشركه معايا
روعه بصت للفستان باشمئزاز وقالت....ايه ده ...جبته منين ده...ده قديم خالص
محتار ضحك وقال...البنات تفكيرهم عمره ما يتغير ...يعني انت ناسيه اسمك وفاكره ان ده موضه قديمه
روعه قالت بضيق ...لا يا فالح هو مكتوب عليه سنة التصنيع وبعدين باين قوي انه قديم...خده مش هلبس حاجه بتاعة حد بقرف
مختار بصلها بجديه وقال...ورايا شغل ومش فاضي لدلع الحريم ....البسيه وهشتريلك انهارده اللي يلزمك كله
روعه قالت بغيظ..... بس متقولش حريم
مختار قال باستهزاء...ليه هو انتي فصيلتك ايه ..تكونيش من القوارض وانا معرفش...يلا خلصيني انا متأخر ... لحسن اخدك بطريقتي ومش هتعجبك
روعه ضربت رجلها في الارض بغيظ ومشيت وهيه بتمتم بغضب وكلام مش مفهوم
مختار قال بصوت عالي ....برطمي برطمي ده اللي فالحه فيه
ورجع يكمل فطاره على ما نزلت وهو بيتصفح مواقع الاخبار زي العاده وعنيه بتنتقل بين التليفون وبين غانم وبيبصله بنظرات مريبه وقال ...منور يا غالي يا جوز الغاليه ..مش عايزك تتكسف من وجودي خد راحتك خالص..كانك في بيتييي بالظبط
غانم هز راسه بضيق وبقى يكمل فطاره ويحاول يتحاشى المشاكل معاه
ومختار كان مش سايب فرصه الا ويلقح عليه بالكلام بس فجأه انتبه للخبر اللي على واحد من المواقع وثبت الشاشه بصدمه ووقف وعيونه هيطلعه من مكانهم من شدة الذهول
كانت صوره لروعه البنت اللي خاطفها في اعلان للمفقودين واللي مكتوب تحت الصوره صدمه اكتر ووووو
