رواية في عشقها هلاكي الفصل العاشر 10 بقلم زهرة الربيع
هذه الفتاه متغيبه من شهور ومكافاه ٥ مليون جنيه لمن يجدها... للادلاء باي معلومات اتصل على هذا الرقم.....
ده كان كل اللي موجود تحت صوره روعه اللي في الاعلان الجمله دي ومرفقه برقم تليفون ... ولا مكتوب اسم ولا عنوان ولا اي معلومه والاغرب المكافأه الكبيره اللي معموله علشانها قال بذهول....يا نهار مش فايت ...ايه العمل دلوقت
قعد على السفره وهو باصص للصوره ومستغرب جدا قال في نفسه....ياترى مين البنت دي ...كلامها كانها من حواري او منطقه شعبيه ....طب لو كانت كده ازاي عاملين لها كل المكافاه دي ...وليه انا حاسس اني شوفتها قبل كده
قطع تفكيره صوت الكعب بتاعها على السلم التفتلها واتحول شروده لدهشه من مظهرها كانت زي الاميرات حرفيا والفستان اللي كان ملوش لزمه بقى تحفه فنيه عليها فارده شعرها اللي نازل على خصرها بطريقه جذابه ومغريه ليه وبشرتها بتنور مع اللون الاسود
اتقدم عليها بتوهان واعجاب واضح وقال....انا....انا قولت الابيض مع الاسود نار...بس متخيلتوش يحرقني كده
روعه نزلت عيونها بخجل وقالت ...دي اقل حاجه عندي
مختار ضحك ضحكه جميله خطفت قلبها وبقت تبصله بابتسامه حلوه من غير ما تنتبه
مختار خد باله وابتسم وقال ..طب ايه رايك فيا مناسب للخروج معاك يا ترى
روعه ضحكت بخفه وقالت....يعني مش بطال
مختار ابتسم وهز راسه بيأس من شقاوتها وقال.. معلش بقى امرك لله ...يلا بينا انا بجد اتأخرت
واخدها وخرج بيها تحت انظار منى اللي كانت هتولع من اللاعجاب الواضح اللي بيعامل روعه بيه
عند نسيم كانت بتتمنى الارض تنشق وتبلعها من نظرات حمزه ليهم وبتحاول تسحب ايدها من ايد جمال بس مش عارفه
حمزه كان مصدوم من وجودهم و باصص لايد جمال وهو ماسك ايدها قدامه وحاسس بنار جواه
جمال قطع الصمت بينهم وقال بخبث...دكتور حمزه مش كده
حمزه حاول يتكلم طبيعي مع ان من جواه بيغلي وقال...ايوه انا ... اتفضل
جمال قال بمكر ..لا مش هينفع اتفضل هنا ....انا جاي انا والمدام نكشف ..بس هيه هتكشف عند دكتوره هنا ...وانا هكشف عندك ...اصلي بغير جدا عليها ومش بخلي اي دكتور يلمسها
حمزه غمض عنيه بقوه وهو بيحاول يهدى ويستحمله وقال بسخريه واستهزاء ....هنا مستشفى واللي موجودين دول اطباء متعلمين وحالفين قسم ..ولو قدامهم ملكة جمال بيتعامله معاها على انها حاله ...اكيد مش هيغيروا مبادئهم ويخونوا عهدهم ويمينهم مع الله علشان الجوهره اللي عندك
بقلم...زهرة الربيع
نسيم حست بغيظ من كلامه واتغاظت اكتر من جمال لانه حطها في الموقف ده وحمزه مشي فورا وهو بيقول برسميه...لو عايز تكشف فعلا تعالى ورايا واحجز واستنى دورك
جمال بص لطيفه بغيظ و ضحك ببرود وقال لنسيم بسخريه...لا شخصيه ....معاك حق تزعلي عليه
نسيم قالت بغضب وصوت واطي ...مش مكسوف من نفسك وانت بتقول الكلام ده لمراتك...الموقف السخيف ده كله متكسفتش منه
جمال ابتسم بسماجه وقال ...تؤ متكسفتش خالص ...يلا خليني احجزلك واحصل الدكتور علشان شكله مشغول
نسيم اتوترت وقالت...انت بجد هتدخل عنده
جمال قال بلا مبالاه... امال جاي العب
نسيم حاولت تهدى وقالت برجاء...يا جمال كفايه كده...خلينا نروح بلاش قلة قيمه...وانا اوعدك هبقى اروح اي عياده انت تختارها واكشف واشوف موضوع الخلفه بس لو سمحت خلينا نمشي
جمال قال بهدوء يخوف....قولتلك هنكشف هنا....انا محتاج استشاره مهمه من الدكتور حمزه محدش هيفيدني غيره ....يلا متعطليناش
قال كده وشدها من ايدها بقوه وراح يحجزلها دورها عند نجوى
عند مختار وصل قدام شركتهم كانت شركه كبيره جدا بس مش باقي منها الا المبنى... ولا فيها موظفين ولا شغل ولا اي شئ
اول ما دخلو كان شاكر بس مستنيهم هناك وفرح جدا بوجود روعه اتقدم عليهم بلهفه وقال...روعه وحشتيني جدا انا مش مصدق اني شوفتك تاني و.....
بس قطع كلامه لما مختار قال بحده. ..وانا موحشتكش ولا ايه
شاكر خد باله وقال بتوتر ..مختار بيه انا مقصدتش حاجه ...انا....
مختار قاطعه وقال...اششش ...خلصنا
شاكر هز راسه بالموافقه وقال...احم انا تحت امرك قولتلي انك عايزني
مختار قال بضيق....هتروح الاول تجيب لي عبايه سودا ونقاب ....قوام متتأخرش والباقي لما ترجع
شاكر استغرب طلبه بس راح فورا يجيبهم له وروعه بصتله باستغراب وقالت..... نقاب...ده علشاني انا ..ليه انا مش منتقبه
مختار مشي على مكتبه وهو بيقول بلا مبالاه .....من انهارده هتنتقبي...مبروك
روعه رمشت بعيونها بذهول من طريقته وراحت وراه وهي بتقول..... استنى هنا انا بكلمك
عند حمزه كان رايح جاي بغضب شديد في اوضة الكشف بتاعته حرفيا هيتجنن
دخلت نجوى باستغراب وهيه بتقول ...فيه ايه يا حمزه ...الممرضه قالت انك عايزني ضروري خير
حمزه بصلها وكانت عيونه هتنفجر من الالم والغضب اللي فيهم لدرجة انها اتخضت عليه وقالت...حمزه فيه ايه مالك انت تعبان ..استنى هقيس ضغطك
وجابت الجهاز ولسه هتقربه منه حمزه دفع الجهاز من ايدها بغضب وقال بزعيق...انا مش عايز اقيس الزفت انا كويس....اسمعي ...هيه بره ...هيه والزفت اللي اتجوزته...لا والباشا عايز يكشف عندي كمان...طبعا تلاقيه عايز يسألني يتعامل ازاي مع المدام في حملها ....ده اللي كان ناقصني ...اطلعي حالا قوليلهم اني استكفيت ومش هستقبل كشوفات اكتر من اللي عندي ...وبسلامتهم لو عايزين يكشفو عندك يتفضلوا...ولو مش عايزين يغورو من هنا انا دمي محروق لوحده
قال كده بمنتهى الانفعال ودفع الكرسي على الارض بغضب شديد وجنون
نجوى انتفضت بخوف من عصبيته وقلبها كان هيخرج من صدرها من شدة الرعب لما فهمت ان نسيم بره ..خافت حمزه يعرف بكدبتها
حمزه لقاها واقفه متجمده مكانها اتنهد وحاول يتمالك اعصابه وعدل الكرسي وقال بهدوء ..انا اسف يا نجوى...حقك عليا ...مكنتش اقصد اتعصب كده انتي ملكيش ذنب ...متزعليش مني
نجوى بصتله بحزن وقالت ...ابدا يا حمزه انا مش بزعل منك...انا بزعل عليك وعلى العذاب اللي انت فيه...ارجوك يا حمزه انسى ...انساها دي واحده خلاص مبقتش في حياتك ولا عمرها هتكون...بص انا عندي اقتراح انت روح دلوقت انت تعبان ومش هتقدر تركذ وسيب الباقي كله عليا انا هتصرف هنا
حمزه قعد بتعب شديد وقال....لا يا نجوى مش هينفع...انا بقالي يومين باجي وارجع من غير ما اشتغل ...شغلي له حق عليا والمفروض ميتأثرش بمشاكلي
نجوى بلعت ريقها بتوتر وقالت...تمام...خلاص انت كمل هنا وانا هاخدهم عندي واشوف عايزين ايه ولو هو محتاج دكتور هحوله على دكتور نصر هو جيه انهارده
ولسه هتخرج حمزه قال بتحدي...لا خلاص....دخليه عندي...هو جاي يقابلني ...جيه مخصوص هنا علشان فيه حاجات عايزني اسمعها ...وانا جاهز
نجوى قالت بتوتر شديد..ايوه بس انت قولتلي....
حمزه قاطعها وقال بهدوء مزيف...غيرت رأيي...لو كشف عند غيري هيرجع تاني وتالت ....خليه يدخل ويسمعني الي جاي علشانه....ويسمع مني كمان علشان يهدى وانا كمان اهدى
نجوى قالت برجاء وخوف...حمزه بلاش علشان خاطري ده مكان شغلك ارجوك خلينا نبعد عن المشاكل و ....
بس قاطعها تاني وقال بابتسامه..متقلقيش يا نجوى....انا مش صغير....صحيح انفعلت وغضبت شويه لما شوفتهم ....بس في النهايه انا بحاول اتأقلم
وبعد عيونه عنها علشان متشوفش الكسره اللي فيهم وقال....مبقتش ليا خلاص ....ولازم اتعود على وجودها مع غيري
نجوى قالت بتوتر شديد...بس....
حمزه التفتلها وقال بسرعه...مفيش بس...يلا روحي انتي لشغلك اسف اني عطلتك ..وانا كمان لازم ابدا شغل
نجوى كانت خايفه ان حمزه يعرف من جمال ان مراته مش حامل بس مكانش فيه حاجه تقدر تعملها قالت برعب ....اللي تشوفه...وخرجت وهيه مرعوبه لو عرف وسألها ليه كدبت هتقوله ايه
بره كانت نسيم قاعده بخوف شديد وقالت بتوتر.... عارف لو ممشتش من هنا انا مش هفكر في موضوع الخلفه ده ابدا سمعت ولا لا
جمال لسه هيرد جات نجوى وقالت بضيق...اتفضلي معايا يا مدام نسيم
نسيم كانت هتتكلم بس جمال سبقها وقال...وانا مش هدخل للدكتور
نجوى قالت بضيق...الدكتور مشغول دلوقت...انا هاخد المدام لاني فاضيه وانت استنى دورك
قالت كده واخدت نسيم معاها وجمال فضل مستني لان حمزه رفض يدخله قبل دوره
بعد شويه جيه معاد كشفه ودخل عند حمزه وقال بابتسامه بارده....كده برده يا دكتره ...ده بدل ما توصيهم عليا بقالي ساعه مستني بره
حمزه بصله بخنقه وقال ....وانا اعرف حضرتك منين علشان اوصي عليك
جمال ضحك ببرود وقال....معقوله ...هو انت نسيتني ولا ايه
...عموما افكرك
وقرب منه وقال بتحدي ....انا جمال الزيني ...انا اللي شقطت منك حبيبة القلب واتجوزتها ...معلش بقى تكون في بقك وتقسم لغيرك يا دكتره
حمزه بصله بحده وقال ..حلو اوي....انا كمان مش بحب اللف والدوران...كده نتكلم بعقل ...ممكن بقى تتم جميلك وتقولي شقطتها مني اواتجوزتها ازاي
عند روعه كانت في المكتب عند مختار وهتتجن من طريقته معاها وبتقول بعصبيه....هو انت بتهزر....يعني جاي معاك ان حياتي عجينه في ايدك ...شويه كنت هتعملي عمليه خطيره من غير ما اعرف وشويه تقول لاخوك اني مراتك .. ودلوقت طلع معاك انتقب ...هو انا عروسه قطن قدامك
مختار كان قاعد على كرسي المكتب بتاعه بلا مبالاه وطلع لاب توب وبقى يشتغل عليه باحترافيه ولا كانه سامعها
روعه اتعصبت جدا وخبطت جامد على المكتب وهيه بتقول بغضب...لما اكلمك ترد عليا
مختار بصلها بحده لما عملت كده وهيه خافت من نظرته وقالت بسرعه....احم كان فيه غبار على المكتب ...غبار كتير
وبقت تمشي ايدها على المكتب وكأنها بتنضفه
مختار اتنهد بضيق ورجع يبص في اللي قدامه وروعه قعدت على الكرسي بغيظ وقالت....يعني بجد انت امتى ناوي تشرحلي ايه اللي بيحصل...وليه الغموض ده ...حرام عليك انا مش عيله
مختار بصلها بانتباه وقال...بالمناسبه دي ...انتي عندك كام سنه
بقلم....زهرة الربيع
روعه فكرت شويه بحيره واتنهدت بيأس وقالت...مش عارفه...انا معرفش اي حاجه عن حياتي
مختار بصلها من فوق لتحت بتقيم وقال ....شكلك يدي على عشرين مش اكتر
روعه ضحكت بخفه وقالت....لا مش معقول ...انا حاسه اني اكبر من كده
مختار بصلها بسخريه وقال...ده انا كرمتك قوي ...اللي يشوف تصرفاتك يديك عشر سنين بالكتير لولا بس ان عودك جامد كنت افتكرتك طفله
وبصلها بوقاحه من فوق لتحت بنظرات جريئه وقال...بصراحه البنا من اجمد المباني... خصوصا الدور التحتاني
روعه شهقت بكسوف وهيه بتشد فستانها وقالت بحده...لم نفسك
مختار ابتسم على كسوفها وقال ....ما انا بحاول المها بس جمالك مبعترني على الاخر
روعه ابتسمت غصب عنها ومختار وقف وقرب من الكرسي بتاعها وميل عليها وهو بيتامل عيونها وقال بهمس.....انا عيوني ولا شافو ولا هيشوفو اجمل منك ...بجد خساره .ياريت قابلتك في ظروف تانيه ...عمري ما كنت هتخلى عنك
روعه مفهمتش قصده ولسه هتسأله دخل شاكر وهو بيقول ...جبت كل حاجه يا باشا و...
بس قطع كلامه لما شاف مختار قريب منها كده
وروعه اتوترت ودفعت مختار ووقفت وبصت بعيد عنهم مكانتش قادره تبص لاي حد منهم
مختار اتنهد واخد الحاجه من شاكر وقال بضيق...جبت كل حاجه..انت مخدتش وقت خالص
شاكر قال بضيق شديد...جبت من المحل اللي تحت الشركه على طول
مختار اخد منه الحاجه وقرب من روعه وقال.....ادخلي الحمام البسي العبايه والنقاب دول ...وهبعته دلوقت يجبلك هدوم للبيت
روعه بصتله باستغراب وقالت..هنا...اغير هنا ...ما ابقى البسهم لو خرجت مره تانيه محبكتش يعني
مختار قال بخنقه...اسمعي الكلام اللي بقوله
روعه قالت بغيظ...انا هسمع كلامك بس...
مختار قاطعها وقال بزهق...بس مش علشان خايفه مني...علشان انا تعبان ومش حمل مناهده..شوفتي انا حافظ ازاي
روعه سحبت منه الهدوم بغيظ... ولسه هتخرج اصتدمت بشخص كان داخل المكتب
مختار وشاكر اتصدموا بشده لما لقوه رامي ابن عزيز خصوصا مختار الدم نشف في عروقه وخاف تتكشف لعبته
