رواية نوائب شام الفصل الثامن 8 بقلم الكاتبة ايلول
منو اليهتم؟واذا حزنك خنك روحك ..!
154
""""""""""""""""""""""""
1
شام :: باوعنا وحده بوجهه الثانية آني ورويده ما فاهمات وهن يتمضحكن بيناتهن واجه صوت عمو حسين من الاستقبال وكفت رويده بحيرة تباوع بالوجوه كمت وياها خطوة بخطوة
50
وزهراء وسجود سبقنها والضحك بيناتهن صاير بفلس دخلت رويده
كاعدين عمو حيدر ومجتبى وكرار وعمو حسين باوعت لوجهم وأحد واحد رويده سلمت وبقت واكفة بمكانها
18
حسين:: التفت باوعلها اشر على مجتبى وگالها
- بويه مجتبى يريد يردج على ذمته
513
اباوع لرويده فاتحه عينها على وسعها تباوع الابوها ساكته عيونها لمعن بدموع رمشت وزفرت نفس بحسرة ، ابتسمت حجت ببرود وهي مكتفه أيديها
28
رويده :: جان جاوبت من يمك بويه ليش خليت بيت عمي ينتظرون وانتَ تعرف ردي ، نجمة من السماء اقرب اله من رويده .
328
حيدر:: رويده عمي انتِ تعارفين بروحج شكثر عزيزة يمنه ولو غلطت عليج مره وطكيتج ترا لمصحتلج غير نربيج
756
رويده :: اي عمو من گد ما عزيزة اصابعك يتطبعن بوجهي يومين
الله يحفظك ويحرم كل بنيه من هيج معزة ،
558
عمو او لا مو عمو ، مجتبى احاجيك انتَ ، فكني شرك لأن لو تنصاع ذهب ما التفت واشوفك ، قبلت بيك قبل كلت رجال وابن عمي ، بس من يوم رفعت أيدك علي احتركت ورقتك وانتهت ما صرت اشوفك من بعدها .
198
شام :: هي تحجي وعينها بعين مجتبى وكرار وكف بس كملت كلامها ضربها راشدي ولزمها من شعرها دفعها بحقد طاحت يم رجلين مجتبى وهو كاعد بصف عمو حيدر بقت على وكعتها ايدها بالگاع ومدنكه ساكته الا اني احس نار وشتعلت بگلبي وعيني على ألباب أتمنى يدخل هجام
وكفت رويده نكثت ايديها وحجت بابتسامة رغم عيونها الصارت حمر ورجفتها
6
رويده :: ما اعتب عليك اعتب على الشوارب الگاعده وخلوا جاهل مثلك يمد ايده عليَ .
341
مد ايده يريد يلزمها وكف مجتبى بينه وبينها لزم ايد كرار وسجود من يمها تغلط وتدفع بعمو حسين ، التفت مجتبى على رويده وهي عينها بعينه ما نزلتها گالها
35
- ممكن نحجي كلمتين وحدنا ، واذا ما اقتنعتي وعد ما راح تشوفيني
46
- أتحسف حتى على صوتي اذا واحد مثلك يسمعه بس اذا ورا هالكلام ما راح ارجع اشوفك ، احجي ميخالف
118
ترخص من ابوها وابوه واشرلها على الباب حتى يحجون وحدهم مشى وهي وراه ، بلعت ريك خايفه أبقى وحدي وهي وصلت للباب ورجعت مدت ايدها سحلتني وياها غمضت عيني برراحه ماخلتني يمهم وحدي
270
وكف مجتبى بالحديقة وكفت اني على جهه وهي راحت بصفه كتفت ايديها ورفعت راسها تباوع لوجهه بشموخ وهو الينصي عينه باوعلي ورجع باوعلها گالها
41
- ما كدرت انساج .
114
- عبرنا هالمرحله من الكلام غيره غيره شنو عندك
167
- شوفي رويده بعمري ما عشگت غيرج ولا حلت بعيوني مره من بعدج
151
-واضح ، بابا انت سااااومتمي تعرف شنو يعني ساومتني اقبلي بيه واساااعدج تطلعين اخوج ،تتذكر لو لااا ، واكلنا تبن وقبلنا كلنا ميخالف بدت شروطك الما تخلص وسكتت ضحكت وصنفت على هجام وانت تباوع بعيني وسكتت تتفق ويا زهراء وتكعد تحشش علي وسكتت ، بس رفعت ايدك ومديتها علي لا وحك من خله عزيز روحي بين اربع حيطان لو يذبحوني على القبله ما أسكت ولو اعرف اموووت يا مجتبى ما ارجعلك هسه لو يحملونك جنازه للنجف بهالساعة ما يرفلي جفن ، دمعة ما انزل وتخيل اليا مرحلة واصلة
486
- هيج حاقده هيج انتِ حقوده
186
-اي حقودة وحقيره وكل الصفات البيكم بيه العرك دساس .
217
- تغلطين ومن نطك تضوجين
138
- لااا غلطان اني تربية هجام لا بيوم غلطت على الأكبر من عندي ولا تجاوزت على الما يستحق ، وهسه أتمنى ترجع منين ما اجيت وما اشوفك بعد
160
شام :: عافته قبل لا يحجي واجت علي سحبتني من ايدي ورجعتنا للبيت عافتني بالصالة ودخلت الغرفتها بقيت يم الدرج محتارة اصعد لو اروح يمها لو أبقى بمكاني التفتت للحمام دخلت اريد أغسل رجلي لان جنت مالابسه شي واركض ورا رويده
13
بعدني ما فاتحه الماي واسمع صوت سجود تحجي ويا زهراء ختلت ورا الباب مغمضة عيني بخوف وسجود تكلها
- مدري شسوت الابوج شو صاير يتراجف عليهن ، اصبري اصبري اخلص من البلوه الفوك وسهله .
288
شام :: دك گـــلبي بخوف واني اسمع كلامها طلعت اتختل صعدت فوك غسلت رجلي ورجعت للمخزن اريد ادرس وعقلي مشغول بالسمعته وبرويده وطريقة ردودها على مجتبى شكد تعجبني
164
شوية ونزلت لان ادري الشغل كله عليها هستوني خطيت رجلي بالمطبخ ودخل عمو حسين من برا مد ايده على زندي كرصه حيل ويحجي من بين اسنانة
17
- والله لو لكيتج بالنهار صاعده فوك الا حظج اطيحه وبالليل تدخلين للغرفة وتنطمرين ما تطلعين منا منا
139
لزمت بأيده اريد افلت ايدي منعنده
- للمخزن قصدك
20
قوة لزمته الأيدي روحي شاطت دفعني والتفت لرويده وكفت امسح بمكان الكرصه كلبي نار من القهر گال لرويده
5
- هم مخابره غزل ؟
21
- اي
- شلونها
22
- كلش بخير
9
- ليش ما ترضين بمجتى
37
- رضيت مره وتندمت واني ما اعيد الغلط مرتين .
80
- لا تضلين تنعثلين وحجي مادري شلونه تودينه منا وتجيبينه منا الولد رايدج وشاريج
95
- مو للبيع ،وانت ليش حتى جاي تحاجيني مو أستغنيت عني مره وبعتني برخيص وانا الرجعت اشتريت نفسي ، ما الك حك تحجي وياي كلمة ، وحك من شال حبك من گـــلبي من احجي وياك واكلك بويه سجين وينام بصدري شكثل هالكلمة صارت بالساني كد ما اذيتني صرت اعض اصابعي ندم كل ما كلت بوية .
304
عمو حسين لطم على راسه يصيح
-شمسوووووي بويه شمسوووي ما يوكف بعينجن شيي لا تكولن يررريد مصلحتنا
424
رويده :: صوتك هجام نايم بس صوتك لا ينزل
40
-ويطببببه مرض وانعل ابوج لا ابوه لا ابو الساعة العرفته بيها
190
عافنه وطلع دارت رويده تمسح الكاونتر هادئة كأنُ ما صار شي وكفت بصفها اباوع بوجهه واركز بملامحها شلون هيج تگدر تغطي على حزنها بملامح بارده وابتسامة
41
- رويده !
12
رفعت عينها باوعتلي مبتسمه واني مركزه ويا عيونها ورمشها الجوزي الطاخ بحاجبها ابتسمت ما ردت اسألها شي يضوجها
102
- انتن ليش هلكد حلوات انتِ وغزل ؟
160
عكدت حواجبها باستغراب وضحكت ضربتني على ايدي واكتسن خدودها حمار تضحك كل شوية
97
- وجع شبيج عبالك ولد گالج حلوه مو بنيه
182
- هههههه والله ضحكتيني صار شكد ما سامعة هيج كلمة
67
- ديله هسه المهم عندي سؤال
25
- اها هنا الحجي اتغزل وراها اسأل تمهدين الطريق حضرتج مو ؟
82
كشرت بسنوني مغمضة واهز براسي اي فززتني براشدي خفيف على خدي فكيت عيني بفزه ولزمت مكان الراشدي گالت
67
- روحي ادرسي
18
- هو سؤال شصار عليج
13
نزعت نعالها متحلفه عفتها وركضت اضحك صعدت على الدرج وهي لاحكتني وكفت بمقدمة الدرج تأشر والله اذا نزلتي واني بالنص ووكفت رجعت نزلت على كيف حجيت بهدوء
70
- وجع الكرصة مال ابوج بعده ما رايح وين اصعد
39
- جيبي كتبج وتعالي ادرسي بغرفتي
2
- رويده تدرين احس نفسي درخت الكتب درخ هسه بس اريد ارجع ادرس حتى امتحن والله متاكدة انجح وبمعدل زين .
145
وهي تطبطب على كتفي وتأملني خير ركض نزلت كتبي وكعدت بغرفتها ادرس ساعة وفزيت على صوت صرختها وبسرعة نكتم صوتها طلعت اركض لكيتها كاعده بالمطبخ ساده حلكها بأيدها وتبجي بحركة وعمو حسين واكف يمها تليفونه على اذنه وايده ترجف گـــلبي راح
58
ركض كعدت كدام رويده الزم بيها وهي تبجي وتصرخ وتكتم صرختها بأيدها
12
- رويده رويده شكو
20
رويده:: غزززززل
""
562
غزل :: بديت اضوج من الجامعة ومن وجودي ببغداد أشتاق لرويده ولهجام ، هنا مخلصتها وحدي ، ايه ما رجعت ،واني من ارجع من الجامعة انام بالليل يجي حيادر وجايب اكل وياه ناكل واروح ادرس ،
62
بالأسبوع الثاني داوم طالب اول مره أشوفه من دون كل الطلاب هو الوحيد يدخل سيارتة للقسم ، ويتفيك هواي كعدنا بالكافتيريا مجموعة بنات وهو واصدقائة كاعدين گدامنا نقلب حديث البنات من الدراسة اله وحده توصف شخصيته وشكله وحده توصف سيارته ميلت راسي من راس صديقتي اريد اشوف ملامحه لنخصبن بيها ، باوعتله اركز بملامحه صارت عينه بعيني مبتسم درت عليهن وحجيت بدون ما احسب الكلامي وصوتي
86
- خبصتنا بيه والله أقل من العادي شبيجن ؟ لو تشوفن اخوي هجام أحلى منه بقاطات والله !
339
وهن بصوت واحد صاحن اشششش ورفعن عينهن يباوعله اني هم باوعتله وياهن ، خازرني بدون إبتسامة
168
والبنات ينترن علي من بين اسناانهن ويرزلن بصوت متقصدات يسمعنه " تفشلين اليكعد يمج انتِ تخززينه " ووحده تأيد كلام الثانية ، وهم من سمعوهن شلون رزلني ضحكوا بصوت عالي الا هو بقى يباوعلي بنفس النظرات .
345
اباوعلهن ساكته وهن مستمران يرزلن ويباوعله ، أخذت اغراضي وكمت من يمهن ضايجة ومقهورة منهن ومن نفسي هن على ولد رزلني واني أتدخل بكلشي ما يخصني امشي والوم بنفسي ميته قهر كعدت ورا الكافيتريا وحدي واحجي بحركة صوج التمشي وياهن ألا ابقى وحدي احجي احجي محروكة حرك ومدري شبيه بجيت كل ما اتذكر شلون رزلني كلهن سوا اموت من القهر
113
طلعت رحت القسم أستاذ حيادر أمسح دموعي ويرجعن ينزلن دكيت باب غرفتة
- تفضل
1
فتحت الباب اباوع أستاذ ثاني غيره كاعد بمكانه مسحت دموعي مخنوگة
- أستاذ وين حيادر ، أستاذ حيادر ، الدكتور يعني .
34
باوعلي باستفهام واني امسح بدموعي ويرجعن ينزلن گال
- هسه يجي ، تفضلي بابا بيج شي
- عادي ادخل انتظرة ؟ هو ابن عمة أخوي يقبل أدخل بغرفتة !
365
اشرلي على الكرسي الگدامة وگال
- تفضلي تفضلي
عفت أغراضي على المكتب وكعدت سحبت كلينكس من المكتب امسح دموعي بقهر گال
5
- شبيج بابا منو محاجيج ؟
- أستاذ عليك القرآن هم شايف بنات مؤدبات يرزلن صديقتهن علمود ولد هاا؟ شايف عليك القرآن !
724
- يعني صديقاتج ضوجنج
- اي والله
- زين يعني زعلنج علمود ولد
48
- أستاذ عفيه صيح الاستاذ حيادر ، خصوصية هاي ما اكدر احجيلك .
1.4K
ابتسم وهز راسة موافق وانا رجعت اتحركن من أتذكر شلون رزلني وفشلني كدامهم گام الاستاذ كال
3
- خلي نشوف حيادر الدكتور وين صار
78
ابتسملي ابتسامة اخيرة وطلع بقيت كاعدة بمكاني واعيد بكلامهن وبنظراتهم وضحكهم وابجي ، نفتح الباب باستعجال دخل أستاذ حيادروالصدمة والخوف تارسات وجهه وكفت بسرعة وهو بخطوات تركض اجه يسأل
178
-غززل شبيج
64
مسحت دموعي احجي وبأيدي أشرح الموقف وين هم كاعدين ووين احنا كاعدين
- والله اني ما قصدي احجي بصوت عالي بس فلت الساني وحجيت
2
كعد مقابيلي فتح بطل الماي انطاني شربت ورجعته بأيده وكملت كلامي بدموع سحب كلينكس اخذ البأيدي وانطاني الجديد
14
- هسه ليش تبجين
12
- فشلني گدامهم وبعد ما امشي وياهن خلني وحدي
25
- خيولن غزل انتِ من آول اسبوع صادقتي وثقيتي وحسبتيهم صديقات وهالشي أكبر خطأ خلي علاقتج سطحية بالكل ترا منا لهنا تنباعين ما تعرفين معادن الناس شنو ، وبالاخص بالكلية تلكين عالم مثل الحية ملمسها ناعم بس تلدغ .
384
- مو أستاذ ما اعرف أمشي وحدي واكعد وحدي أستحي اكعد بالكافتيريا وحدي ، وما اكدر أبقى بالقاعة وحدي .
61
أبتسم وكام افتر كعد بمكانة فتح القلم يكتب ويحجي وياي
- عمي من تخلص محاضرتج تعالي هنا كعدي
397
- بغرفتك ؟
12
- اي ، ها ست غزل لازم ما تعجبج
5
- لا بس مو مرات اروح للكافيتريا لان اجوع
-ميخالف هنا هم اكو كافيتيريا نطلع ناكل بيها .
145
- زين وبله محد تقبل تگعد وياي بالستيج ابقى وحدي ؟
57
- اي اكعدي وحدج خليج مميزه ونادره ، ولا تخلين الناس تعرف كلشي عنج ، الشي المسموح الكل يعرفه اسمج عمرج تخصصج .
باقي حياتج لا تشاركينها ولا ويا أي طالب
217
صفنت بالفراغ أفكر بكلامة والتفتت على صوت ضحكته ابتسمت
- ها صفنتني ؟
19
- اكلك شي بس ما تضوج ؟ أستاذ ايه شوكت تداوم حتى أبقى امشي وياها
60
اختفت ضحكته وسحب باقي الاوراق گدامه حجه بجدية
3
- يله روحي لمحاضراتج .
115
لميت كتبي وكمت طلعت من غرفته اول ما طلعت من الممر مشة بصفي شخص بس لمحته منو ومشيت بسرعه وهو ويا خطوتي يخطي گال
- مرحبا
153
امشي سريع وبعصبية وهو بصفي يمشي ويحجي
- وياج أسلام طالب بنفس الشعبة
898
بقيت امشي ما مهتمه اله قبل لا أوصل سحبني من ايدي موگفني درت عليه شاهكه وهو بسرعة رفع أيده مبتعد
44
- لاااا تمد ايدك علي والله اشتكي عليك لدكتور حيادر
134
- أسف جبرتيني بس ردت احاجيج كلمتين
19
باوعت بعيونه خازرته وهو رافع أيديه استسلام باوع لعيني وأبتسم منتظرني گال
1
- حبيت اعرف اذا زاعجج بشي بدون قصد لان كرهج الي من اول يوم ما ممكن يكون بلا سبب ، ويمكن انا غاثج بدون قصد .
218
- رجاءً معلي منك لا اكرهك ولا الي علاقة بيك ، لا تركض وراي وتوكفني عيب عليك .
85
- ومو عيب تحجين علي گدام صديقاتج غزل ؟
124
ارتبكت ونزلت عيوني وهو مبتسم درت اكمل طريقي لحكني يمشي بظهري ويحجي
5
- شبينه ست غزل ما نعجب اشأيفه انتِ بحيث ما التفتي وكدرتي تشوفين أسلام .
560
دخلت للمحاضرة بدون ما احاجية ومثل ما توقعت ما خلني اكعد يمهن ، كعدت وحدي وهو كعد بصف احلى بنيه بالقاعة كملت المحاضرة وبقيت بمكاني اشخبط ومن اجه راد يحجي عفته وكمت
وثاني يوم هم بقى يحاول يحاجيني واتجاهله الحد ثالث يوم
86
سويت ريوك وكعدت بالمطبخ أنتظر أستاذ حيادر ، طلع من غرفتة
1
- صباح الخير
ابتسمت :: صباح النور
وقدمت كوب الچاي گدامة ضحك من شاف نظاراتي على الميز بصف الجنطة
5
- ها اليوم تردين تصيرين شخصية محضرتهن
91
- ههههههه لا هو اني شخصية بيهن وبدونهن بس من جاي نطلع الشمس تضوجني
83
- ليش تضوجج ؟
19
- غير تصير بعيوني
21
دنك عينه ياكل مبتسم وحجه
- قوية وكدرت تصد بعيونج هنيالها
2.9K
سكتت صافنة استوعب كلامه مدحني لو ذمني لو مدح الشمس لو ذمها واجيبها منا واوديها منا
650
كمت وراه طلعت واني افكر بالكلام صعدنا بالسياره خليت محاضراتي بحضني أراجع وهو مشغل دعاء الصباح بالسياره والازدحامات صايرة بفلس أبقى اراجع الحد ما نوصل للجامعة وكفنا بازدحام واني مدنكة اقرأ بصوت سمعته أستغفر بضوجة رفعت راسي اباوعله لكيته يباوعلي
97
- هاا ؟
3
دار وجهه من عندي يباوع گبل
- شكو ؟ ضجت لان اقرأ بصوت
- لا ، بس هاي الحذاء مو تكص رجلج ليش تلبسينها متونسه على الوجع انتِ؟
572
دنكت اباوع الرجلي
- هاا مو بس هي ترهم ويا ملابسي هي صح تكص رجلي بس حلوه .
74
- اشتري راحتج بابا اشتري راحتج يا حلوه .
706
- اي هاي اخر مره البسها
2
- والله ولا تتوبين منها ، كلجن هيج البنات تلبسن كعب متر وتتكسر رجليجن وما مهتمات تفكرلي بالكشخة ، اهم شي عدجن
506
- هههههههه صدك .
5
باوع بوجهي يهز بأيده مبتسم وصلنا للجامعة نزل قبلي واني أجمع باغراضي نزلت وهو يباوع لرجلي غاثة الحذاء
56
- ترديلج فزعة يله تمشيلج خطوة بيه
159
- أستاذ خاف نغثيت لان صرت بطولك
375
- انتِ بطولي ؟
9
- اي واني لابسه كعب .
1
افتر ووكف بصفي رفعت نفسي ، ضحك يباوعلي
20
- لا تحاولين .
139
- شوية بعد واصير بطولك
5
ضحك ومشينا سوا اول مره يمشي على كيف كل مره يسبقني ، يمشي ويباوع الرجلي وترني كمت ما اعرف امشي وكل شوية احس راح اطيح گال
44
- هسه انا من يمي رجلي بقن يوجعني صدك جذب متوازيه
435
- هسه الحذاء حتى لو ما كاصة رجلي هسه من سمعتك راح تكصني اسكت لا تذكرها
135
- ههههههه خوش لعد ربحنا اذا كعب غزل يسمعنا ، امشي امشي سندريلا
314
مد ايده اخذ الملازم منعندي بقت بأيدي بس الجنطة ، الحذاء بدت توجعني وبديت اكول التوبه اخر مره مثل كل مره بس حجي وهو يمشي على كيف ويحجي
6
- شلون وياج غزل شلون .
45
وصلني وانطاني الملازم ، وحجه بجدية
- اذا نوجعتي اتصلي علي اجي اطلعج لا تخلينها تكص رجلج
517
هزيت راسي موافقة هو راح واني كملت طريقي بخطوات هادئة واسمع صوت وراي يحجي بخفوت وضحك
ايه :؛ وكعت وكعت
440
التفتتت فازه ضحكت وحضنتها
- وينج مختفية ليش هيج ولا تگولين اشوف غزل خطيه بقت وحدها
8
- هههههه دروحي على اساس انتِ التسألين
2
- اسأل منو هو اني شعرف انتِ الما تستحين عفتيني ورحتي ما كلتي عيب هاي خطار يمنا شلون اعوفها .
- بس ادعيلي انتِ واسب آهله الما يعوفج ههههههه
42
ضربتها على كتفها أضحك ورحنا للكافتيريا بالي يم أول محاضرة بس ما كدرت اكول الايه لا ، كعدنا نسولف كالت
1
- غزل بس هالطلب ولو اعرف صعب عليج بس ما عندي غيرج لازم اعرف شنو نيته هالمره ، ابوي شكله مقتنع لان مل بس خاف حيادر ما ناوي انفصال ، اريد تستفسرين منه
29
- ايه عفيه لا تخليني فتانه بينكم
18
- دروحي يا فتانة انتِ هو مجرد تسألينه شنو ناوي تنفصل عن ايه لو ترجعها يعني بس اعرفي شنو نيته
55
سكتت منحرجة وهي تشرح شلون لازم أسحب كلام من حيادر كمت دخلت الثاني محاضرة وتفكيري كله بحجي ايه التفتت ليورا إسلام ماكو ، هستوها بدت المحاضرة ودخل اسلام ، الدكتور رفض يدخله لان متأخر وكف عدل گاله
17
أسلام :: دكتور يهون عليك تطرد هالوجهه .
1.2K
- دائمًا متأخر أسلام مو اول مره
1
- لا تظلمني اول مره اجي وراك وهاي ولد وبنات يشهدون ، مو صح شباب ؟
48
ضحكوا بنات وولد يأيدون كلامه بس اني ساكتة باوعلي أشر علي وگاله
3
- أسأل غزل وشوف اذا انا جاي متأخر قبل هالمره
191
- ما يحتاج أسأل ، طلابي واعرفكم تغشم رووحك ابني !
21
ضحك أسلام والطلاب صوتهم عالي يحجون گال
أسلام :: فضاً للنزاع اسأل غزل اذا گالت هاي مو اول مره إطلع وما اشلع كلبك واذا طلعت انت غلطان وهاي اول مره تدخلني وتنطيني درجتين
211
غزل :: اتلفتت اباوع كلهم صاروا عيونهم علي بلعت ريك متوتره واغلط عليه بگلبي الدكتور سأل وينها غزل أشروا علي باوعلي بأبتسامة واني عيني على أسلام غمز مبتسم ومكتف ايدية ،
34
- غزل شتكولين هاي اول مره أسلام يدخل للمحاضرة من بعدي لو متكرره هالحالة
44
دنكت متوتره وكلبي يدك حيل اني مو مال اتخلى بهيج موقف بلعت ريك وهم منتظرين جوابي رفعت اكتافي ما ادري وكتله
3
- ما اعرفه ما منتبهه لوجوده حتى أعرف اذا داخل قبلك او بعدك
2K
حجيت واني احس بصوت گـــلبي سمعوا كل الموجودين اختفت ابتسامة أسلام ونزل ايدية المكتفهن يياوعلي ساكت نزلت عيني وحجه هو بجدية
41
أسلام:: هاي هي أستاذ سجلني غياب
626
حجاها وطلع والأستاذ رجع يشرح المحاضرة واسمع الهمس وراي من البنات كله غلط علي الحقيرة الهيج الهيج ووحده تگول للثانية هي هاي عرك خبيث لا تشوفنا هيك بس شكل .
272
دنكت شيلزم ادموعي وما ابجي من حجيهن اختنكت وغصب عني نزلن دموعي وكفت أخذت اغراضي التفت الأستاذ يباوعلي وصلت يمه وحجيت
30
- اختنكت اگدر اطلع
3
- براحتج بابا
62
طلعت من القاعة ابجي الطلاب كلش قليل أغلبهم بالمحاضرات دخبت للحمام لكيته فارغ غسلت وجهي واغلط عليه وعليهن باوعت بالمرايه امسح بدموعي اشهك طلعت لممر الحمامات هستوني خليت رجلي وفزيت مخروعة من لكيته مستند على حايط الحمام مكتف ايدية وبس لمحني سحبني بسرعة دفعني على الحايط ومد ايده يسد حلكي بجيت اصرخ روحي راحت وهو بقوة ساد حلكي ويحجي بغضب
166
- شنو الناقصني وما تشوفيني شنو البيه ما يعجبج لج ليششش ليش هيج كارهتني بشنو مأذيج من اول يوم داومت حاقده علي ليش ليشششش
1.3K
غمضت عيوني ابجي والوب بين ايديه بس اريد افلت روحي ابتعد رأسًا ، رجعت ليورا ابجي واغلط علي وهو يتلفت ليورا خاف احد شافة
2
- حيووووان والله الا اشتكي عليك الا أخلي استاذ حيادر يطيح حظك
24
ابجي والم يأغراضي البالگاع خله أيده على عيونه متوتر
- اسف غزل ما ادري شلون هيج سويت بس قهرتيني .
180
- ولي ولي منا ما تستحي لاحكني الحمامات البنات مو حررام عليك تلزمني حيوان
96
عافني وطلع واني جسمي ينتفض من لزمته الي ابجي والزم بالتليفون أتمنى اكدر اخابر هجام واحجيله كعدت ابجي واحاول أهدئ ، مسحت وجهي عدلت ملابسي وطلعت لكيته واكفلي بالباب
16
- غزل اعتذر كلش اعتذر
30
مشيت بدون ما احاجي وهو وراي وراي
- والله الا اشكتي عليك والله
14
- ميخالف اشتكي ما يهم ، المهم تعذريني انا لان مقهور منج فقدت اعصابي واجيت وراج
69
درت علي خازرته
- شعليك مني انتَ شمسويتلك
غمض عيونه الخضر ورجع فتح يياوعلي
843
اسلام :: السويتيه محد مسويته قبلج اول بشر ما يشوفني انتِ ، اول بشر حسسني كلشي املكه ما يكفي حتى املي عينه .
832
مسحت عيوني بظهر ايدي عاكده حاجبي
1
- شجاي تحجي انتَ
13
بلع ريك ومسح وجهه متوتر
- غزل بس لا تكرهيني ، ما مسويلج شي انا ليش هيج كارهتني ليشش
122
- شعليك مني شعليك اكرهك احبك بكيفي شعليك ها شعليك
42
احجي بنتر ارجف وهو ابتسم غمض وسحب نفس بقوة زفره وباوعلي
-فدوه اروحلج
618
خزرته والتفتت على صوت ايه تقدمت يمنا
ايه :: خير غزل شكو
40
-هذااا شعليه مني
7
أسلام:: العفو خوية صار سوء فهم بيني وبين غزل ومجرد اجيت اعتذر منها بس للأسف اعتذاري ما يكفي
13
خزرته ايه وسحبتني من ايدي طلعنا من يمه وهي تسأل واني احجي واشكيلها تصرفاته كعدنا بالكافتيريا كالت
25
- نعثلة وفيك هذا ما تشوفين التليفون اخر مديل والكشخة والعطر السابقة ، خيولي
115
- الا اشتكي علي
6
- دخيروح يمعوده شكو مهتملته شبيج هو هذا عالم الجامعة تشوفين أشكال اللوان بيها
24
- واحد حيوان ما يستحي
- يولي
12
- الا اشتكي علي
191
- اشتكي اشتكييي اسب اهله اليگلج لا تشتكين بس ركزي وياي هسه عوفيه يولي خليج وياي
100
باوعت الوجهه بتركيز گالت
- متفقين باجر اريد تحجيلي
18
- على شنو
1
- غزل لا تصيرين فاهيه تستفزيني نعلعله روحج ، حاجي حيادر ابو المثاليات
105
- ايه عفيه اعفيني هاي فتنه فتنه
16
- فتنه عند اهلها معليج بيها ، ترا ما طالبة شي صعب مجرد تسألينه شنو ناوي وتحجيلي شبيج غزل والله توقعت ولا ترفضين
69
دنكت ساكتة ومحتارة وهي مستمره تحجي سكتت فجأة مبتسمه ووكفت تباوع ليورا درت وجهي اني هم اشوف شبيها تقدم شاب سلم عليها وباوعلي واني مركزة بملامحه من استوعبت هذا حبيبها فتحت عيني على وسعها بصدمة كعد يمنا واني اتلفت بخوف وهي تسولف ويا عادي وتعرفه علي گـــلبي راح يوكف من الخوف
122
- شبيج غزل ؟
بلعت ريك اباوع بوجهه ساكته مدت أيدها فوك ايدي مبتسمه گالت
2
- ترا صار طالب ويانا مو حسبالج اجه للجامعة على حساب يشوفني
11
همست
- بس ايه بعدج ..
5
دارت وجهه تحجي وياه قبل ما اكمل كلامي خفت حيل احس الكل يعرف بيها متزوجة وجاي تخون زوجها والطامة الكبرى اني كاعده وياهم
31
مدنكة وكلبي يرجف مو يدك اطكطك باصابعي جوا الميز وهم كدامي يسولفون. ، تخلت ملزمة فوگ ملازمي بلعت ريك ارجف واني اباوع للأيد الي لازمة الملزمة بدون ما ارفع راسي ردن القميص الأبيض والمحبس والعطر غمضت عيني ورجلي ترجف ما اكدر اوكف حجه بهدوء
110
حيادر :: للسياره ايه بسرعة بدون فضيحة
354
اني الوحيده الما كدرت اوكف على رجلي وايه وحبيبها ثنينهم يجاوبون حيادر گالها
حيادر :: أقسم بالله اضربج بنص الجامعة لازم اعصابي بشعرة تحركي للسيارة
93
ايه :: ما عندي شي احجي وياك
101
هز رأسه موافق وبدون مقدمات ضرب حبيبها بوكس كومه بالگاع هي صرخت والكل انتبه سحلها من أيدها وطلعها من الكافتيريا والناس التمت على حبيبها الا اني باقية بمكاني مثل الصنم من الخوف ما كدرت اكوم الحد ما التمت كلها اختنگتت وكمت ارجف وملازمي بأيدي
88
كعدت بمكان وحدي وروحي رايحه بقيت لنهاية الدوام كاعده وحدي والرجفة بيه عبالك اني الي ملكوفة مو ايه ، كمت اريد اطلع ومحتارة شلون ارجع للبيت كلشي ما اندل امشي وافكر دك هورن وراي ابتعدت من الطريق وصل يمي وخفف
29
أسلام :: غزل ؟ تعالي اوصلج للباب !
138
- اهووو
50
- ههه شبيج ببلاش ما اخذ كروه
50
رفعت ايدي اراويه رجفتها واحجي بخزر
- شوف ترا روحي رايحه ما بيه حيل اسمع شي ولي وعوفني بحالي
32
سكت يباوع الايدي مشيت بسرعة عبرته وهو بسيارتة يمشي بموازاتي كلت اصعد تكسي وأتصل على أستاذ حيادر اخلي يدلي السايق وارجع افكر شكد عيب شلون اباوع بوجهه بعد وهو لكاني كاعده ويا زوجته وحبيبها
37
وكفت بالشارع منتظرة تكسي ، إسلام نزل من سيارتة واجه باتجاهي لابس مناظرة ويمشي بشموخ مميز من بين كل الموجودين درت وجهي وهو اجه وكف كدامي نزلهن وحجه بجدية
85
- اذا ما تقبلين اوصلج أأجرلج تكسي ؟
119
عفته ورحت على جهه وكفت وحدي اجه وراي بعده ما حاجي ورفعت ايدي بوجهه احذره
- لا تلحكني وين ما اولي لا تلحكني
29
حجيت وبجيت هو اني منا خايفة وهو يضغط علي بلع ريك يباوعلي ما فاهم عفته ودرت اريد اعبر الشارع واخذ سيارة من الجهه الثانية باوعت منا ومنا وعبرت بخطوات تركض واسمع صوت أسلام وراي
45
- اوووووكفي غزل
64
التفتت علي واني امشي واحس بروحي طرت ليفوك ونركعت بالگاع اخر وجهه شفته وجهه اسلام . وصوت السيارات .
1.4K
"""
23
شام :: يمه شبيهااا شبيها غزل
10
احجي واتوسل بيها تنطق وهي انتهت روحها راحت سحبت ايدها من حلكها حجت ولطمت على وجهه
- نددددعمت نددددعمت ندعمت
84
فكيت عيني بصدمة ورويده ملخت روحها وتكتم صرختها وابوها يتصل كل شوي وايده ترجف ويحلف بيهم زينه وعت شوكت تطلع من العمليات
38
سد التليفون وگال الرويده كومي نروحلها ورويده ملخت روحها تريد اختها وتريد أخوها
- شگول الهجام واذا عرف يموووت
13
حسين :: لا تگولين كليله اشتاقيتلها ورايحه ويَ ابوي اشوفها
54
دخلت رويده الغرفتها تبجي دخلت ورها لكيتها كاعده بالگاع وضامه راسها بايديها رفعت عينها ولأول مره اشوفها هيج ضعيفه
4
رويده :: شام ساعديني شلووون بيه شسوي اختي هناك بين الحياة والموت واخوي هنا اذا عفته يموووت شسووي شسوووي اكص روحي نصين ، شوكت ربي يرحم بحاالي شوكت مو تعبت بالعباس تعبت .
168
بجت ولطمت على خدودها ، كعدت كدامها حاضنتها خايفة وخرتها من حضني امسح بدموعها
- روحي الغزل وانا ادير بالي على هجام .
325
سكتت تباوع بعيوني بتوتر
- تكدرين شام ؟
3
-احاول
-اخاف عليج والله
4
-شلون جا لازم ترحين الغزل ، علميني شنو اسوي الهجام يعني اكل وملابس غير ؟
61
هزت راسها لا وذبت نفس بحيرة صافنة بالفراغ وبس دموعها ينزلن
مسحت عيونها وباوعتلي
- شام اخوية اذا احد استفزة يقتله موت ، تگدرين تحمينه من هالشي من نفسه تحمينه
51
باوعتلها ساكتة مرتبكة
- شلون احمي يعني ؟
7
- اذ نضربتي تگدرين تكتمين وجعج وما تصرخين ، حتى ما يسمع ؟ وما تسألين هجام على شي نهائيًا ممكن كلشي يسببه نوبة غضب .
91
بلعت ريك اباوع بعيونها خفت ومن اشوف حيرتها ودموعها اجازف هزيت راسي اي. مسحت وجهه ومديت ايدها بملابسها طلعت مفتاح ووكفت ترجف تريد تسيطر تفتح الكنتور ما تگدر كوه فتحته وطلعت علبة صغيرة مال علاج تقربت يمي سحبت ايدي خلتها بأيدي وعصرتها
31
- تخلين هالعلاج بروحج شام بروحج الصبح تنطينه حباية تخلينها اله بصينية الاكل هي وكلاص ماي وبالليل حباية ، شام هالعلاج اذ احد غيرج گدر يوصل ويغيره يرجع اخوي للمصحة
416
- منو يوصل اضمه عندي ويا اغراضي
21
- يوصلون يوصلون جنت صغيره وكدرت سجود تغيره وخلتني بأيدي اخبل اخوي بأيدي اشربة علاج يفقدة . أمانة شام أمانة الله ورسوله تخلين هالعلاج بروحج
305
مسحت وجهي مرتبكه يابه الخوف الصار بگلبي ما ينوصف هزيت راسي اي. وكمت صعدت وياها حتى تحاجي اخوها ، بقت بالباب واكفه تريد بس الدموع يرحن ماكو كل شوية تبجي مسحتهن لاخر مره ابتسمت وفتحت الباب دخلت واني وراها جان متمدد بالگاع بصف الحايط وايده على الرسوم االحايط رأسًا حجه بدون ما يياوعلنا
1
هجام :: منو وياج ؟
66
ورويده ساكته الحد ما كعد على حيله وتقربت هي كعدت گدامه
رويده :: اريد اروح اشوف غزل ويا ابوي .
1
- شبيها ؟
1
- طايحة من الدرج وملتويه رجلها وتعرف غزل انت تبجي من الابره وهسه تريدني اروح اشوفها يومين ثلاثة وارجعلك .
3
- لا تغشيني شبيها غزل ؟
95
- ياا هجام قابل اجذب عليك لو بيها شي تلگاني هيج هادئة جا اخذتك ورحت من زمان .
- وانا ؟
311
- ما اعوفك بدون ما أضمن راحتك ، شام السباعية گالت اني اصعدله اكله بكل وقت ، وانت هم تدير بالك عليها بين ما ارجعلكم ها ؟
81
عصر راسة بين ايديه متوتر گالها
- وعلاجي ؟
71
- بأيد شام . ها حبيبي اروح لو لا ذبحتني هذيج تخابر تبجي تعالي وتعالي عبالك مسوية عملية مو رجلها ملتويه
7
- روحي بس لا تتأخرين اضوج ترا
502
شام :: اباوعلهم ساكته تقربت رويده باسته براسه وحاضنه وجهه بين ايديها مبتسمه گالها
6
- عندج فلوس لو تردين
126
- عندي عندي ، ديربالك على نفسك وفدوه اروحلك لا تعصب على كلشي خليني گدام عينك كل ما تعصب تذكر رويده بلياك تموت .
79
ابتسملها وسحب أيدها باسها گامت طلعت واني وياها بس سدت الباب تنفست بقهر ونزلن دموعها مسحتهن ونزلت لگت ابوها مبدل ويحجي عليها لان تأخرت دخلت تلبس واني افتر وراها وهي توصي عبالك ام وتوصي ببنتها. حضنتني وطلعت ودموعها على خدها. .
20
فززني صوت سجود وراي وهي تحجي بابتسامه ورافعه الحاجب
- بقيتي وحدج
126
ابتسمت وكتفت أيديه اباوعلها بنفس الابتسامة
- هجام وساطورة وياي
2.4K
اختفت ابتسامتها بسرعة ضحكت
- اي شعبالج اني مثل البنات تضربيني اسكت اصرخ باعلى صوتي واخلي ينزلج
407
وجهه بقى ينطي اللوان وراحت بدون ما تجاوبني صعدت ركض كابلت كتبي ساعة ادرس ساعة اتوجه للقبلة وأدعي الغزل .
40
سجود الحقيرة ولا ودت علي ولا احد اجه ، بالليل طلعت من المخزن الساعة بالعشرة ضامه علبة العلاج بصدري ، لازم اسأل بالاول يريد اكل لو انزل گبل اسويله اكل ماگالتلي رويده ، أسأل احسن
206
تقربت الباب غرفتة دكيته على كيف ما رد فتحته بهدوء ومديت راسي ادوره بلعت ريكي بخوف من شفته واكف بصف الكنتور مغمض وما ايده حاضن الحايط ويحركها على الرسوم بهدوء تحمحمت وحجيت بخفوت
27
- هجام ، اجيبلك عشا
4
وهو مغمض هز راسه لا وبقى على نفس وضعه سديت الباب ونزلت كاعدين بالصالة كرار والجهال وسجود عفتهم وفتت للمطبخ جاي اسوي اكل ولحكتني گالت
- انطي علاج لا يتخل علينا مالنا خلكه بهالليل
89
- يا علاج ؟
509
عكدت حاجبها وگالت
- شنو رويده ما انطتج علاج هجام ؟
162
نزلت شفايفي وهزيت راسي لا باوعتلي بشك گالت
2
- چا شكالت شتنطينه ؟
1
- ما كالت شي ، بس وصتني اذا احد ضربني اصرخ حيل حتى ينزللهم بساطوره .
2.1K
خررتني بغضب ورجعت للصالة كملت اكل وفتت من يمهم اباوعلها تحجي ويا كرار صعدت صينية الأكل بأيدي خليتها بالگاع وفتت ما لكيته بقيت واكفه بمكاني عفت الصينية على جهه وفتريت بالغرفة شهكت فازة من لگيته متمدد بصف الچرباية واصابعه على الرسومات يتحسس خطوطهن
29
- فززتني ، سويتلك اكل .
6
غلس ما جاوبني
11
- هجام رويده گالت ذمة برگبتج ما تاكلين اذا هجام ما ياكل وهسه اني ميته من الجوع واذا ما تاكل ما اكدر اكل
333
قبل ما اكمل كلامي وكف لا إراديًا فزيت راجعه ليورا احس مو بأيدي احاول اسيطر على خوفي منه بس هو تصرفاته غريبة ومخيفة باوعلي مضيگ عينه حاولت أبتسم لبسني ودخل للحمام غسل وطلع كعد ياكل ، تقربت كعدت گدامه اكل واباوع الايده المتروسات وشم ولمحت بمعصم ايده رسمة ملاك
254
- هجام
104
رفع عينه باوعلي جاي اسأل على الوشم وتذكرت كلام رويده ، سكتت بلعت ريك متوتره وهو منتظر احجي
28
- اااا ،
16
هجام :: اااا ؟
549
- ههه مدري شنو ردت اسأل نسيت !
2
- الحمدلله
235
- شبعت ؟
- لا الحمدلله من نسيتي سؤالج !
1.5K
باوعت بوجهه ساكته وهو ياكل بدون ما يباوعلي أبتسم وهو مدنك
ابتسمت اني هم گام غسل واني الم الأكل الصار على الگاع نشف أيديه ومد ايده الي باوعتلها ساكته قربت خشمي الها شميتها وكتله
350
- الله ريحتها صابون عفيه النظيف .
4.3K
باوعلي عاكد حاجبة
51
- العلاج وينه ؟
980
رفعت عيني اباوع بوجهه متفشله هو يحير اكبر عقل لا هو طفل ولا هو چبير لا هو عاقل ولا هو مجنون ، من الفشله ارتبكت وگدام عيونهً مديت ايدي بملابسي وسحبت علبة العلاج فتحتها اخذت وحده ورفعتها اله مديت ايدي ما اخذها
1.9K
رفعت عيني اله يباوعلي بصدمة مد أيده اخذ الحباية يگلب بيها منا ومنا واني احس وجهي صخن من ستوعبت طلعتها گدامة باوع لوجهي قربها الخشمه يشمها گال
1K
- وين مخليتها
781
- ترا بعلبتها .
58
- هسه أشربها ؟
176
- لا شسالفها منو بقى يشرب علاج بهالطريقة العالم تطور ، موعها واغسل وجهك بيها.
3.1K
ضحك بصوت عالي ضحكه من كل گلبه واني وياه مكشره ضحكته ترستني فرح واباوع الملامحه بتركيز لعيونه الشعره للحيته ، شرب الحباية وانطاني الكلاص
1K
- كومي يله روحي
360
اخذت المواعين ونزلت غسلتهم وصعدت أدرس الحد ما تعبت فرشت ونمت وفزيت على فتحة الباب بمجرد حسيت بوجودة بقيت على نفس نومتي ما تحركت طكت رجله من كعد يمي سحب أيدي من بطني تحسس الوشم بأصابعه بهدوء يرجف روحي
227
رفع أيدي خله مرهم على الوشم ورفعها الوجهه ينفخ عليها كزبر جلدي غمضت حيل وهو تحسس ملمس ايدي من الجهه الثانية رجعها على بطني وگام طلع
328
لميت ايدي الصدري ارجف واتحسس مكان أصابعه مغمضة عيني ومسطورة رجعت نمت وايدي حاضنتها الگلبي
191
وبدت شروطهن زهراء وامها ساعات اشتغل ساكته ساعات اعاند واهدد بهجام وهن مره يخافن ومره يتحدني اذا اكدر اصيحله ، وهجام كالمعتاد نص الليل يفززنا بالضرب على الباب لو بالاغاني العاليه لو بصياحة. ثاني يوم
گـــلبي ما ارتاح اشوف كرار يفتر ويباوعلي الخوف ترس گـــلبي
104
سويت اكل الهجام وكرار وراي بالمطبخ كاعد روحي راحت بس صعدت فوك اجه هجام ياكل ساكت واني صافنه بالفراغ الحد ما فززني صوته
1
- شبيج ؟
101
رفعت عيني اباوعله مدنك ياكل
- احم هجام عادي اجيب كتبي واجي ادرس هنا يمك ؟
116
هز راسه لا سكتت كمل اكل نطيته علاج ونزلت نظفت المطبخ كرار كاعد على الدرج فتت من يمه هو نظراته تكفي تكرهني بروحي ما حاجه يحجي ، دخلت للمخزن بسرعة جسمي كله يرجف واشتعلت نار كلشي نعاد علي من تحرش احمد الكرار العمار اختنكت أريد بس اتنفس ماكو تمددت بالگاع اشهك وارجف
151
كمت اريد اطلع اغسل اول ما فتحت الباب صار بوجهي كرار بعده بنص الدرج ونفتحت وحده من الغرف المقفولة طلع منها هجام باوع الكرار رأسًا نزل بسرررعة واني مجلبه بالحايط گوه اتنفس وهجام يياوعلي ساكت
225
فتت للحمام غسلت واباوع لوجهي متوتره يا رب عدي هالليلة على خير يا رب احميني ، رجعت للمخزن مديت فراشي وتمددت حاضنه بالبطانية والخوف يدبي بجسمي غمضت عيني ما اكدر انام متوتره نفتح الباب بهدوء رفعت راسي فازة وبس لمحت خياله تطمنت حجه بصوت ناصي وهادئ
39
- شام !
278
بخفوت جاوبت صوتي يرجف :: ها
2
- تعالي يمي .
1.5K
بقيت بفراشي جسمي بعده يرجف رجع حجه
- شام
- ها
-گومي ما مرتاحة بمچانج .
2.2K
كفيت الغطا منعندي وكمت مشيت وراه اباوع لوشوم ظهره شوكت اشوفة لابس قميص بالبيت دخلت للغرفة لكيت فراش وغطا من صوف حياكة مخليهن على جهه وكفت اباوعلهن
76
- لا تعاينين نامي .
341
رفعت الغطا وتمددت طفه جزء من الاضوية وراح فتح الشباك وكعد مقابيلها بدون تشيرت اني احس أذني جمدن من البروده وهو ولا مهتم گام فتح الباب الصغير الي على اساس حمام دخل وسد الباب وراه شوية وطلع بأيده نركيله اخذها ورجع للكرسي مقابيل الشباك يابه جمدت وهو لا احساس ولا ضمير شلون جسمه مقاوم
427
يدخن ويزفر الدخان من الشباك منطيني ظهره واني اراقب ساكته شويه وحجه
- نامي شام .
136
سكتت مرتبكه شوية وگتله
- وبلكي اني نايمه شعرفك ؟ ما جاي تشوفني .
20
- ممكن سؤال
100
رأسًا رديت :: لا
527
سكت واني تندمت لان ما عرفت سؤاله كام رجع النركيله منين ما جابها وتمدد على الچرباية ، الضوء خفيف اشوف شكله كـ خيال ما اعرف اذا جاي يباوعلي لو لا بقت الشباك مفتوحة وتدخل علينا بروده تهز العظم واني كمت الوب بس اريد اعرف السؤال
87
- يله يله اسأل
335
- ججج
189
- كيفك .
3
سكت واني اتگلب وافكر شنو راد يسألني
2
- لا هجام اسأل صدك اجاوبك
181
- ما عندي سؤال
5
- صار عندي فضول اريد اعرف ؟
39
ما رد بقى ساكت غمضت عيني وسمعت صوت الچرباية من تمدد عدل وبدون مقدمات حجه
- منو متحرش بيج غير جلاب هالبيت !
921
دك گـــلبي حيل واجت نفس الخنگه ادموعي لا إراديًا ينزلن وأموت
- هواي
حجيتها وشهكت مختنگة وهو سكت ما رد نص ساعة فاتت هدئت وما ودي انام اريد احجي وياه
1
- هجام عادي اسأل شي ؟
10
-جاوبي اول ، ليش تخافين من عندي وما تعاينين بعيوني ؟
324
سكتت مرتبكة وهو ينطي مجال الواحد يفكر بجواب
- احم اخاف لان ما أعرف شخصيتك اخاف تضربني او اسوي شي يخليك تعصب
- اتخبل قصدج ؟
51
- لا لا تحور الحجي كلت تعصب
30
-اممم
116
- اي هو اخاف تعصب واسببلك نوبة غضب
- اممم وليش ما تعاينين بعيوني
98
- اباوع شوكت ما مباوعه
53
- لا من اعاينلج ما تعاينين ومن اديرن وجهي تعاينين .
417
- ها والله ما ادري يمكن اخجل
522
سمعته ضحك بهدوء ابتسمت براحه صوته حيل حلو وهادئ گال
311
- اسألي
3
سكتت محتارة يا سؤال ما يخلي يعصب اريد احجي وياه بس احتار شنو احجي
- ها ، ليش حزين انتَ !
216
سكت ماكو جواب عشر دقايق مرن وهو ما مجاوب غمضت عيني مأيسه يحجي وفززني صوته يمي كاعد مقابيلي
108
- ليش ما تقتنعين انا مخبل
239
-فززتني ! لان تصرفاتك مال أنسان عاقل اذا انت مخبل يعني انا هم مخبله
291
سند ظهره على الچرباية ومد رجله طخت برجليه سحبتهن اباوعله ثاني تك وجل مخلي ايده عليها ومرجع راسه ليورا ساكت
58
- اغير السؤال ؟
-اممم
3
- ليش ما تبرد اني لابسه درزن ملابس ومتغطيه وجاي ارجف وانت بدون تشيرت من شفتك لليوم وتكعد مقابيل الشباك
123
مد ايده على اصابع ايدي عصرهن يسأل
115
- بردانه ؟
551
واني لمست ايده مدري شتسوي بروحي ارجف أبقى سحبت اصابعي من ايده ساكته مد روحه سحب غطاه من الچرباية وخلاه فوگ غطاي
70
- هسه تدفين ليش ما تگولين بردانه وانطيج بعد غطا
838
سكتت وسحبت غطاه الوجهي شميت عطره التارس الفراش وغمضت عيني روحي رايحه
822
- شام
19
فززني بعدت الغطا من وجهي احمد ربي واشكره لان ظلمة
55
- ها احم ها
12
سكت وگام وكف رجع فتح الشباك يباوع منها واني مدري شبيه روحي رايحه ضميت وجهي بالغطاء واحجي بصوت يرجف
96
- هجام سدها باارده
20
سد الشباك واني ارجف كعد على الچرباية وحجه بهدوء
8
- شبيج ؟ شام !
غمضت عيني اريد أسيطر على رجفتي ماكو بقيت ساكته هو كل شوية يفتر لو يتمدد على الكاشي لو يوكف يباوع من الشباك بدون ما يفتحها اخر مره شفت بأيده تليفون ونمت وفزيت براحة لاول مره من بعد ايام درت وجهي اريد اشوفة فزيت رجعت ليورا من لكيت راسة على مخدتي صفح متمدد ولام روحه مثل الطفل على الكاشي بدون فراش وبدون غطا
بلعت ريك اباوعله واباوع لدوائر الوشم البظهره ليش عباره عن شخابيط والف سؤال ببالي
59
فريت الغطا عليه غطيته وسحبته على اكتافه اعدل بيه تحرك متنحس لزم ايدي غمضت عيني گلبي يرجف سحبها لشفايفه باسها وهمس كلمة هزت مسامعي وكلبي
525
هجام ::ملاك
يتبع 🦋
