رواية بعد ان فات الاوان الفصل السابع 7 بقلم جمانه السعيدي
ياسين....رجعت للبيت كلش ضايج
اول مره اضوج الهلدرجه
اسوق بلسياره واحجي ويا نفسي
معقوله امي راجعه بعد كل هذا العمر حتى تستغلني
راجعه طمعانه بيه
اتوقعتها تعتذر تكول سامحني اني غلطت
جنت طايشه ومااعرف اتصرف
اهلي السبب لان ماجنت اعرف كلمة لا الشي الي اريده اخذه
مااريد منك شي بس اعيش وياك واكفر على غلطي
راح اعوضك عن كل الحب والحنان
شنو من ام ياربي
ليش هلكد انانيه انتي اختاريتي حياتج بعيد عني
اختاريتي تعيشين بكيفج
وعفتيني حتى ما سئلتي عني
ولا تدرين اني شلون عايش الحياة مو بس فلوس
الحياة صدر حنيين الواحد يرتاح من يشكيله همه
وصلت للبيت
بس شافني جدي عرف اني ضايج
جدي....هااا جدو شكلك ضايج
ياسين.....بسبب امي
جدي....رجعت اجت
ياسين....عرفت اني ابنها
بيبي...شلون عرفت
ياسين....امس اجو ثنيين من العماره يعرفون جدي
كالو ماجده تكول انت ابن حلال مراح تهد العماره
وراح تبقيه بلشقه
احنا هم نريد نأمن على نفسنا ونريد منك وعد ما نطلع
من الشقق منا لمن نلكه حل
اكيد امي عرفت من ذوله الناس
جدي....شتريد راجعه شتريد بلظبط
ياسين...هلمره راجعه تستغلتي تريد بيت باسمها
وتريد راتب تعيش منه
بيبي....ميخالف بيبي تبقى امك وواكيد انت ما تقبل
امك تتبهذل
جدي....لا تدخلين ياسين ماعنده ام امه ماتت
اطردها وابد لا تنطيها عين
ماجده استغلاليه طلباتها مراح تخلص ابد
وهيه اصلا ما تستاهل وواحد. يساعدها
لان هيه الي وصلت نفسها الهذا الوضع
جان ماخذه واحد محترم وهسه عدها عائله
وبدل الطفل ثنيين وثلاثه وتشتغل وعايشه حياتها
والناس كلها تحترمها
مادام هيه اختارت هاي الحياة خليها تتحمل
اني هسه اذا اشوفها اقتلها خلاص حتلو اخلص باقي عمري بلسجن هو العمر شباقي بي
اقتلها وارتاح
اني ماصدكت خلصت منها هسه جايه تهدد ياسين
كلشي اله ياسين ياسين خط احمر
اموتها خلاص ولا تقرب علي
جمانه السعيدي
بيبي....ياسين عنده خير من الله مراح يخسرون شي اذا انطاها شقه يعتبرها صدقه وخليها تستقر
بيبي...اذا تكدر انطيها شقه بس لا تسجلها باسمها
لان ماجده بنتي واعرفها راح اضيعها مثل ما ضيعت
ذيج الشقه ومثل ما ضيعت عمرها ومستقبلها
جدي...لا كلشي لا تنطيها واذا اتعرضتلك مره ثانيه اشتكي عليها
ياسين.....اني مو بخيل وما يهمني البيت أو الشقه
بس اني مقهور من الطريقه الي اجتني بيها
ولله لو جايتني ندامنانه لو جايه تكول اني امك غلطانه سامحني مجان عزيت عليها شي
الشقه او البيت مرح يفرقن عندي شي
بس جايه تهددني اذا ما تنطيني الشي الي اريده
اسويها حرب عليك واسود عيشتك
ااكو ام تشمر ابنها صار عشرين سنه وماتدري اي شي عنه
ولا كلبها حن علي
جايه بعد كل هذا العمر اتهدده
جدي....لا تسمع كلام بيبتك بس ترجع عليك اشتكي عليها واني راح اكون شاهد وياك
على الاقل ياخذون عليها تعهد بعد ما تقرب عليك
ياسين.... مااعرف الله كريم
بليل ماكدرت انام الهم كتلني اذا رحمه واهلها عرفو امي بعدها عايشه وعرفو هيه طالعه عن الطريق
ووحده مزواج تمشي ورا شهوتها
شراح يكون موقفي منهم
وجدي كال اني يتيم يمكن لو اصارحها بلحقيقه احسن
خلصن يومين وامي مابينت
اليوم الثالث اجتني للمكتب المكتب بنص بغداد
شارع مزدحم ومحلات راقيه
منطقه تجاريه
دخلت عليه العصر
ماجده.....هلو شلونك
ياسين...باوعت عليها ورجعت دنكت عندي اوارق
جاي اراجعهن
ماجده...رد السلام على الاقل
ياسين....اهلا خليت الأوراق على المكتب تفضلي
كعدت على الكرسي كدام المكتب وكالت
ماجده...زاد فضلك
ياسين....شكووو
ماجده......مارجعتلي خبر ولا اخذتني اختار البيت الي يعجبني اسمع اني مااريد بلأحياء الشعبيه
اريده بمكان راقي كون شي حلووو
على فكره سيارتك بره عجبتني حلوه اريد سياره
لان مايصير ام المهندس ياسين
حفيد القاضي طاهر حمد تصعد تكسي لو بلخط
ياسين.....انت مقتنعه بكلامج هذا
ماجده...وليش ما مقتنعه مثلا انت واجب عليك
توفرلي كلشي احتاجه
لان اني امك وانت مسؤل عني
ياسين...امي انتي متاكده انتي امي
شلون امي فهميني امي الي اول ماجابتني للدنيا
شمرتني على بيبي احتارت بيه
لو من جنت العب تطلع تضربني بدون رحمه
همزين اني عندي جدي حنيين عليه لان الي مثلج
مستعده تشمرني بلشارع
بس حتى تروح تزوج وتعيش حياتها
الله اعلم لو ما جدي اني وين هسه
لو امي الي طول عشرين سنه مارفعت التليفون
وسئلت عني لو كالت اريد اسمع صوتك
امي الي هسه من عرفت وضعي المادي جايه تستغلني
كافي اضحكين على نفسج وبطلي الانانيه
اطلعي من حياتي اني امي ميته
جمانه السعيدي
ماجده...هااا هيج الحجي زين اتحمل كلشي يصير وياك
انت الي بديت هاي الحرب
ياسين...بس كامت من الكرسي دخلت رحمه
رحمه...هلو حبيبي
ماجده.. هاي خطيبتك سمعت خطبت
رحمه....شلونج خاله اي اني حطيبته انتي مو ذيج المره
اجيتي هنا علمود الشقه
ماجده....تحجي انت لو احجي اني بكيفك القرار الك
ياسين...دقيقه حبيبتي اكعدي
طلعت من مكاني وسحبت امي من ايدها اريد اطلعها برا
ماجده...مراح تخلص مني
اسمعو كلكم هنا اني ام ياسين شوفو شلون جاي يطردني
من مكتبه
اني امه وعايشه بلشارع والناس تتصدق عليه
شوفو الخير الي عايش بي
وما يسئل عني ولا بحالي اكو واحد يشمر امه بلشارع
وهو عنده هذا الخير كله
ياسين....اريد اطلعها من المكتب ما تقبل تطلع
تمشي وتحجي بصوت عالي
طلعت للشارع وزاد الحجي ااكثر
واكفه باب المكتب وتصيح اني ام ياسين
ابني ماكو بكلبه ذرة رحمه شامرني بلشارع ومايسئل عني
شوفو الخير الي عايش بي
اني كاعده بلشارع والناس تتصدق عليه
ياسين....حرت شسويلها انسانه حاقده وانانيه
مافادتني من جنت زغير وهسه جايه ادمر حياتي من صرت جبير
لو استغلك واي طلب اطلبه اخذه
لو ادمر حياتك
لا تتوقعون بس هاي الطلبات لا امي واعرفها
راح تبقى تطلب وتطلب وتستغلني الاخر لحظه
تعتبر نفسها اذا شهرت بيه راح ادمرني
والدليل جاي هنا وتعيط بصوت عالي حتى تحرجني
التفتت كل الي بلمكتب يباعون عليها
ياسين...كل واحد يرجع المكانه ارجعو الشغلكم
ممنوع اي احد يدخل
طلعت رحمه من المكتب
رحمه...هاي منو
ياسين..تعالي ارجعي للمكتب واني افهمج
بعض النفوس المريضه صورو امي وهيه تتهجم عليه
وتغلط وتكول اني امه عايشه بلشارع
والناس تتصدق عليه
رحمه...ممكن افهم شصار هيه هاي نفسه الي تعاركت وياك ذيج المره على الشقه
ياسين...اني راح اشرحلج الموقف من البدايه
تعاي نطلع نروح البيتكم اريد احجي كدام ابوج
احجي كلشي من البدايه
جمانه السعيدي
طلعت لكيت امي كاعده بلكاع واي واحد.يدخل ويطلع
تكله اني ام ياسين ماعندي مكان اكعود بي
ياسين شمرني بلشارع
طلعت اني ورحمه
ماجده....مراح تخلص مني ووين شارد ارجع جبان
ارجع ياعاق ااكو واحد يشمر امه بلشارع
هااا شردت ووين رايح
ترجع تلكاني كاعده بنفس المكان
بس صعدت بلسياره اتصلت على جدي
ياسين.. الو جدو امي اجت للمكتب وكامت تعيط
اني ام ياسين عايشه بلشارع
جدي...وين هيه هسه
ياسين...كاعده باب المكتب بلشارع
جدي...وانت وين
ياسين...طلعت اريد أصلح غلطه
جدي...شنو هاي الغلطه
ياسين...رحمه اجت للمكتب وشافت كلشي
راح اروح بيت عمي ابو رحمه واحجي كدامه كلشي
عن امي وابوي
المفروض يعرفون الحقيقه من البدايه
مااريدهم يسمعون من امي كلام مو حقيقي
لان امي ماناويه اجيبها البر
جايه حاقده وناويه تحرك الاخضر واليابس
جدي...تمام
ياسين...جدي بدل وطلع كبل المركز الشرطه
اشتكى عليها وكال جاي تهددنا بعد ما طلعت من حياتنا صار عشرين سنه
بعد كل هذا العمر جاي تتهجم على مكتبنا وتغلط وتحجي
اريدكم تقبضون عليها اريد تعهد ماتوصل لا للبيت ولا للمكتب
ياسين...وصلنا اني ورحمه البيت اهلها
دخلنا للبيت
ياسين...شلونك عمي
ابو رحمه.. هلو عمو الحمد لله شكو جاي بهذا الوقت
شعجب
ياسين....اكو شي احنا ضمينا عليك من البدايه
واريدك تعرفه قبل لا نرتبط اني ورحمه
خاف باجر تكول ضحكو عليه
ياسين.. اني امي وابوي عايشين صح اني مااعرف اي شي
عن ابوي ولا اعرف شكله
بس متأكد هو عايش مااعرف اي شي عنه
لان هو اتخلى عني واني بعدني بطن امي
طلك امي وماسئل عني كل هاي السنيين
اما امي قصتها قصه
وراح احجيها الك بدون مااستحي
لان كل انسان يكون مسؤال عن عمله اني مسؤال
عن نفسي وامي مسؤاله عن نفسها
بديت احجيله كل تفصيله عن امي وعن حياتها
بدون مااخجل من شي
لان اني مامسول عنها
لازم يعرف الحقيقه لان متأكد امي راح تحاول توصله
حتى تشوه سمعتي
ياسين....هاي قصة امي وابوي واني من البداية ماجنت ناوي اضم عليكم شي
اصلا تفاجئت لمن جدي كال عني يتيم
ومارضيت بهذا الكلام
رغم اني حقيقتا عشت يتيم وأهلي عايشين بهاي الدنيا
اني امي وابوي الحقيقين
جدي وبيبتي
هسه الأمر متروك الك تريد تعاقبني بجريمتهم
وتنهي هاي الخطوبه
وتعتبرني كذبت عليك من البدايه
تريد تكول اني مقتنع بيك ومالي شغل باهلك
بلاخير الإنسان يطلع الهاي الدنيا مايختار اهله بكيفه
يطلع يلكاهم كدامه
مفروضين علي
انت حر واي قرار منك اني موافق علي
