رواية توبة الفصل السادس 6 بقلم الكاتبة اميرة خالد

وعدي اسبوع وايوب حياته زي ما هي في مشاكل مع رباب اما ابراهيم فسفر بنته وبعت الفلوس بنك بره ومستني يسافر هو ونبيله اما توبه في حياتها ماشيه في الروتين الطبيعي وما فيش حاجه اتغيرت والنهارده سبوع ولاد عامر زين ويزن

وصحي ايوب من النوم وشاف رباب نايمه جنبه على بطنها والملايه مغطيه نص ضهرها العريان ودخل الحمام اخذ دش وخرج لقاها لسه نايمه وراح ناحيه الدولاب وطلع هدوم والبسها

وقال لها يلا قومي يا رباب عشان هتلاقي الحاجه مستنياك تحت ردت عليه بتزمر حاضر قايمه اهو وهو كمل تسريح شعره ورشه برفانه واخذ مفاتيحه وموبايله ونزل

وهي خرجت من الحمام ولبست العبايه ومسكت التليفون فتحته ولقت رساله من الراجل اللي اخر مره اتعرفت عليه وكان اسمه ياسر وكان بيقول لها وحشتني قوي بقالك كتير ما بتفتحيش

ردت عليه في رساله معلش اصل ما كنتش فاضيه وان شاء الله هكلمك النهارده بالليل وقفلت التليفون وقامت شالته تحت السرير وخرجت عشان تنزل

اما عند الحاجه نفيسه قالت صباح الخير يا ايوب قال لها صباح النور ياما عامله ايه ردت عليه الحمد لله يا ابني يلا تعالي عشان تفطر عشان اليوم طويل رد ايوب حاضر ياما

وفي المطبخ كانت الحريم بتحضر الفطار ونزله رباب دخلت وقالت صباح الخير ياما ردت عليها صباح النور يا حبيبتي ايه اللي اخرك كده

ردت رباب وهي حبه كيد النسوان ما فيش ياما اصل ايوب كان ماسك فيا وطول الليل ما نيمنيش ويا دوبك نمت بعد الفجر فرحه كيداهم

وقالت ندى بصوت واطي لشروق انا وانتي اهو ما كانتش كدابه ضحكه شروق وكملت رباب الكلام اصل ايوب شديد قوي ياما وبقوم من تحتيه تعبانه دخلت نفيسه وسمعت الكلام

وقالت لها ايه اللي انتي بتقوليه ده يا مره ردد رباب في ايه ياما وانا عملت حاجه ردت نفيسه لا عملتي لما تطلعي سر جوزك وتقولي كلام ما ينفعش يتقال ولا حتى لامك انتي فاهمه انا لو سمعتك بعد كده بتقولي الكلام ده هبقى لي تصرف ثاني وهقول لايوب

ردت رباب حاضر ياما وبصيت لكيداهم وقالت مالك يا اختي في ايه بالراحه على البنت شويه ده هي مبسوطه مع ايوب وايوب ما يقدرش يستغنى عنها

ردت نفيسه طب يا اختي يلا شهيله عشان ورانا شغل كتير والرجاله قاعده بره ردت ام كمال خلاص يا حبيبتي كل حاجه جاهزه هنطلع اهو يلا يا شروق انتي وندى

قالت لها حاضر يا مرات خالي وطلعه الفطار وقعده الرجاله يفطروا وقال عامر هو انتي النهارده هتقفل الورشه يا ايوب رد عليه لا نص يوم هي والمصنع وكمان الجزار زمانه جاي عشان يذبح

رد عامر ماشي يا ايوب انا وكمال هنروح نودي اللحمه المصنع وكمان نشوف الفراشه رد ايوب كل حاجه جاهزه عامر تتعبش نفسك رد عليه ربنا يخليك لنا يا ايوب وما يحرمناش منك ابدا

رد ايوب عيب ده انت ابني قبل ما تكون اخويا وعيالك دولت عيالي يعني هعمل للاغلى منكم قام عامر وباس دماغ ايوب ونفيسه قالت ربنا ما يحرمكم من بعض يا ولادي ابدا رد الكل امين

وسال ايوب على مصطفى ردد كيداهم بسرعه ده خرج من بدري رد ايوب يعني هو مش نايم فوق يا خالتي قالت له بتوتر لا يا ابني قال لها طيب ومسك التليفون واتصل على مصطفى اللي رد بصوت نايم مين معايا

رد ايوب ثلاث دقائق لو ما لقيتكش عندي حسابك هيكتر وقفل التليفون وبص لكيداهم وقال لها اخر مره يا خالتي اسمح لك تكدبي ولا تعملي لشويتين بتوعك دولت وقام وساب الاكل وقال لامه ابعتي لمصطفى على الورشه

قالت له حاضر يا ابني بس اقعد كمل اكلك قال لها شبعت ومشي وبصت نفيسه لكيداهم بنظرات تحرق وخرج ايوب قعد قدام الورشه ونده على الصبي القهوه وقال له هات لي شيشه وكوبايه شاي ورد الصبي من عيني الاتنين يا معلم ايوب

اما توبه صحيت من النوم ودخلت الحمام وغسلت وشها ولبست العبايه واخذت بطاقه العيش من تحت التلفزيون ونزلت تجيب الفطار وافتكرت تمارا وهي بتقول لها انا عايزه اشرب لبن يا توبه ومعاها فينو



وقالت في نفسها والله جيب لك اللي انتي عايزاه كله يا تماره وراحه ناحيه الفرنه وجابت العيش وهي راجعه دخلت السوبر ماركت

وقالت والنبي يا عم فتحي اديني نص كيلو لبن و 10 رغفه فينو وب 10 جنيه جبنه رد فتحي من عيني الاثنين يا ست البنات وحط لها الحاجه في شنطه

وقالت توبه الحساب كام يا عم فتحي قال لها خليها المره دي علينا احنا ردت عليه ابدا والله يا عم فتحي وراحت مطلعه الفلوس اديتها له وهي خارجه ومروحه على البيت

ايوب كان قاعد قدام الورشه وبيشرب الشيشه وشاف توبه وهي ماشيه فضل العينيه عليها لغايه ما طلعت البيت

في شقه شوقيه قلعت هدومها توبه ودخلت المطبخ وحضرت الفطار وقالت شوقيه ايه يا بنتي صاحيه بدري كده ليه ردت عليها ما انتي عارفه يا خالتي ان ورايا شغل النهارده

ردت شوقيه يعني انتي مش هتيجي معانا السبوع ردت عليها لا هاجي بس هروح الشغل نص يوم ردت شوقيه طب يا حبيبتي انا هاخد تماره ونروح لهم قالت لها طيب يا خالتي خلي بالك من تمارا

قالت لها دي في عينيا يا حبيبتي ودخلت توبه تطلع صينيه الفطار وراحت عشان تصحي تمارا وقالت لها قومي يا توته عشان تفطري رد التمارا مش عايزه انا زهقت من الفول والطعميه

ردت توبه بس انا ما جبتش فول وطعميه انا جبت لك اللبن وفينو زي ما انتي عايزه قامت وقفت على السرير وقالت لها بجد يا توبه ردت عليها بجد يا قلب توبه تمارا حضنتها

وقالت لها انا بحبك قوي يا توبه ردت عليها وانا بحبك يا توته وبموت فيك ويلا بقى عشان تشربي اللبن قالت لها ماشي ودخلت تمارا الحمام غسلت وشها وخرجت لقت كوبايتين لبن وكوبايه شاي بلبن

وقالت شوقيه ليه يا بنتي كلفت نفسك كنت قلت لي وانا اديتك الفلوس ردت توبه ولا تكلفه ولا حاجه يا خالتي ويلا عشان تاخدي برشامه الضغط اللي على الريق وبعد كده تاكلي جابت لها الميه واقعدوا يفطروا وهم بيضحكوا

اما في شركه شوقي الغول دخل رعد وقال له اللي انت قلته يا باشا كله حصل رد شوقي يبقى لازم نعمل له قرصه ود رد رعد حاضر يا باشا وخرج وشوقي كمل شغله

اما توبه لبست هدومها عشان تنزل الشغل وقالت لها تمارا ممكن توبه ما تروحيش الشغل قبل ما تعملي لي شعري رده توبه من عيني الاثنين لتوتا يلا يا ستي تعالي اعمل لك شعرك قالت لها طيب وقعدت قصادها وتوبه عملت لها شعرها



وقالت لها اي خدمه يا ستي محتاجه حاجه ثانيه ردت تمارا شكرا يا توبه وقامت توبه خرجت وسابتهم

اما عند ايوب كانت جزار شغال والطباخ جاب حاجته وجه عشان يشتغل وقال ايوب زي ما فهمتك يا جمال تقسم اللحمه ازاي بس الاول اذبح العجل اللي الطباخ هيعمل منه الاكل

رد جمال من عيني الاثنين يا ايوب والطباخ قال له مكاني فين يا ايوب رد عليه انا مظبط لك الدنيا وعملت لك خيمه جنب الورشه عشان تعرف تشتغل براحتك رد الطباخ تمام

ودخل ايوب الورشه ولقى مصطفى شغال وقال له عشان تعرف تسهر كويس وانا كل ما اعدلك تتعوج ليه رد مصطفى خلاص بقى يا ايوب اخر مره مش هسهر تاني

رد عليه ايوب على فكره انا بعمل كده عشان خاطر مراتك وابنك غير كده انا كنت سبتك في الطريق اللي انت ماشي فيه واللي اخرته مش حلوه

رد مصطفى خلاص يا عم ما تزعلش بقى

اما عند الحاجه نفيسه قالت للحريم ايوب مجهز كل حاجه وجايب الطباخ انتم بقى روقوا الشقه وظبطوها واعملوا وسعايه كبيره عشان الحريم وكمان دق الهون

رده شروق حاضر ياما بس مين اللي هيخش يساعد ورد ويلبسها هي والعيال ردت نفيسه انتي وندى هتخشوا لها عشان تساعدوها

ورباب هتعمل الوسعايه وكيداهم وام جمال هياخدوا الممبار والحاجه اللي هتخش هيغسلوها وينظفوها ويحطوها في الديب فريزر قالت رباب هو كل ده هيبقى عليا انا لوحدي ياما

ردت شروق لا يا رباب انا هطلع هساعدك انا وندى ردت بغيظ شكرا يا ستي ودخلت المطبخ وشروق اتضايقت

وقالت الحاجه نفيسه اللي انا قلته يتعمل مش عايزه اسمع كلمه ملهاش لازمه يلا ودخلت الاوضه ومسكت التليفون واتصلت على شوقيه وقالت لها ايه يا وليه ما جيتيش ليه

ردت شوقيه بلبس العبايه اهو ونازله قالت نفيسه ماشي يا ستي عشان انتي اللي هتدق الهون زي كل مره رده شوقيه ان شاء الله عقبال ما ادق الهون لابن ايوب ولا بنته

ردت نفيسه يا رب يا شوقيه ويلا ما تتاخريش قالت لها حاضر وقفلت معاها

اما في اوضه عامر اللي في شقه نفيسه دخلت شروق وندى وقالوا عامله ايه يا ست ورد ت عليهم كويسه والله بس زهقت من القعده ردت ندى خلاص يا ستي ربنا هيفك حصارك النهارده

ضحكه ورد قالت لها طيب يا ستي وقالت شروق انا جبت لك العبايه البيضاء عشان السبوع ردت ورد ربنا يخليكي يا شوق ما يحرمنيش منك ابدا

قالت لها عيب يا بنتي ده انتي اختي انتي وندى يعلم ربنا معزتكم في قلبي قد ايه ردوا عليها وانتي كمان يا شروق وقالت طب يلا يا ندى نساعد ورد عشان نحميها ودخلوها الحمام

اما ببيت شوقيه تماره لبست الطقم اللي توبه طلعته لها وشوقيه لبست العبايه ونازلين على السلم وقالت شوقيه خليك جنبي وما تبعديش عني طول السبوع عشان هيبقى فيه ناس كثيره وانا خايف حد يخطفك وانتي زي القمر كده





ردت تماره والله يا شوقيه انا خايفه عليك انتي لحد من الرجاله يخطفوك وانتي زي القمر كده ضحكه شوقيه وقالت لها ماشي يا بكاشه ويلا عشان نروح لنفيسه عشان عماله تتصل من بدري عليا قالت لها طيب ونزلوا

اما توبه دخلت الشغل واستلمت الشيفت بتاعها وقربت من المدير وقالت له انها عايزه تستاذن بدري رد المدير عايزه تمشي امتى قالت له على العصر كده رد عليها طيب يا توبه بس دي اخر مره قالت له شكرا وراحت كملت شغلها

اما عند ايوب كان الجزار خلص اول عجل والطباخ اشتغل والناس بتاعه الفراشه بدات تفرش وشاف شوقيه وتماره جايين وراح يسندها

وقال لها اتاخرت ليه يا ست شوقيه ردت عليه معلش يا ايوب كنت بفطر وكمان تمارا اللي اخرتني عقبال ما لبست هدومها هي كمان رد ايوب مدام تماره هي اللي اخرتك يبقى ما فيش مشكله عيوننا لتماره اتكسفت وابتسم ايوه على الطفله اللي دايما بتغير مزاجه في ثانيه

ودخل بيهم البيت وندى على امه وقال يا حاجه نفيسه تعالي خالتي شوقيه وصلت خرجت نفيسه وقالت كده يا وليه تتاخري كده ردت شوقيه ولا اتاخرت ولا حاجه انا جيت على طول اهو وعارفه انا لو ما اخذتش حته لحمه حلوه هفضحك في المنطقه كلها وانتي عارفه

ردت نفيسه عيني كلها ليكي ردت شوقيه واعملي حسابك اني عايزه فرده كوارع وممبار ردت نفيسه عينيا يا حبيبتي انتي تؤمري ده انا اجيب لك العجل كله

ضحكه تماره وقالت على فكره دي بتثبتك يا شوقيه ردت نفيسه اقعدي ساكته شعله انتي ويلا روحي العبي مع العيال رد التماره ماشي يا حاجه نفيسه

وسابتها ومشيت وضحك ايوب على طريقتها وقالت نفيسه عاجبك كده البت ديت ردت شوقيه وهي بتقعد على الكرسي ايوه عجباني بنت مخربشه غير اختها الغلبانه اللي ما بتعرفش تتكلم كلمتين على بعض

ردت نفيسه صحيح ما جتش ليه وانتبه ايوب للكلام وقالت شوقيه هتروح الشغل وهتيجي نص يوم ردت نفيسه ما كانش ليه لازمه تشتغل وانا قلت لك لو احتاجوا فلوس قولي لي وانا هديكي

رده شوقيه ما انتي عارفه يا نفيسه اني اقدر اصرف عليها وعلى اختها بس البنت عندها عزه نفس ومن ساعه ما اهلها ماتوا وهي ما بتقبلش فلوس من حد وكمان بتصرف على نفسها وعلى الجامعه وعلى اختها ولو في يوم جبت انا الفطار ثاني يوم تجيب هي

ردت نفيسه والله البنت دي جدعه وب 100 راجل قالت شوقيه معك حق بس حظها قليل بقت يتيمه بدري وفي رقبتها بنت صغيره حتى جالها زميلها في الشغل عشان يخطبها ورفضت عشان خاطر تمارا

قالت نفيسه يلا ان شاء الله ربنا يجيب لها ابن الحلال اللي يقدرها قالت شوقيه يا رب وايوب كان واقف سرحان في شخصيه توبه قد انها جميله وكمان مخليه بالها من اختها وبتشتغل وبتصرف على نفسها

وقالت نفيسه هيا ايوب الطباخ بدا الشغل ولا لسه الناس قربت تيجي رد ايوب ايوه ياما بدا وكمان الجزار خلص العجل الثاني عشان نبعته المصنع وندي بتوع الورشه

ردت نفيسه ربنا يكرمك يا ابني زي ما بتكرم الناس ردت شوقيه امين يا رب ونفرح بعوضه قالت نفيسه يا رب يا اختي وكيداهم كانت واقفه ومتضايقه من كلامهم

وقالت ازيك يا شوقيه ردت عليها بقرف كويسه بنتك عامله ايه ردت عليها ست البنات كويسه ضحكه شوقيه وقالت ما انا عارفه دخلت كيداهم وهي ساحبه بنتها معاها

وقالت لها هو ايوب جايب الحاجات دي كلها على حساب عامر ردت رباب لا طبعا هو اللي شايل كل حاجه وكمان جايب هديه دهب لورد وخاتمان للولاد

ردت كيداهم على فكره كده ما ينفعش احنا لازم نروح للشيخ نشوف حل في موضوع الخلفه اللي اتاخرت ديت ردت رباب ما انتي عارفه اللي فيها ياما احنا هنكذب على نفسنا

ردت كيداهم انا عندي الطريقه حتى لو جبنا عيل وقلنا ان ده ابنك ردت رباب ازاي ياما قالت لها بعدين هقول لك خلي اليوم ده يخلص قالت لها طيب وخارجت رباب تكمل شغلها

وبعد وقت طلعت رباب شقتها دخلت اخذت دش وقفلت باب الشقه بالمفتاح وخرجت وهي لفه البشكير على جسمها وطلعت التليفون من تحت السرير وفتحته

واتصلت على ياسر اللي رد عليها كده يا حب اتاخرتي عليا كل ده ردت رباب بدلع ما انت عارف ان التليفون ما بيبقاش معايا على طول وكمان بخاف افتحه لحد يحس بيه

رد ياسر طب يا حب انتي وحشتيني قوي ما تفتحي الكاميرا اشوفك ردت الرباب بدلع مش هينفع وانا قلت لك 100 مره اللي ما بتكلمش كاميرا رد ياسر طب يا حب براحتك بس انا مشتاق لك ونفسي اشوفك انتي حتى رافضه ان احنا نتقابل

ردت عليه معلش يا ياسر ما انت عارف ان ابويا وامي ما بيخرجنيش ابدا الرد ياسر خلاص اجي لك انا ردت عليه ما ينفعش قال لها طيب يا قلبي ما تغيبيش عليا كثير كده ضحكه وقالت له حاضر يا قلبي وفضلوا يتكلموا

اما في اوضه ورد كانت لبست العبايه وشروق وندى لبسوا الاطفال وقالوا لها احنا هنطلع نغير هدومنا وننزل تاني







ردت ورد طب طلعوني اقعد مع ماما الحاجه بره ردت شروق حاضر يا ستي وساعدوها وطلعوها تقعد بره هي والاطفال

وشوقيه اول ما شافت الاطفال قالت بسم الله ما شاء الله اللهم صل وسلم على رسول الله رد الكل عليه افضل الصلاه والسلام ونفيسه قالت طلعت ليه يا بنتي دلوقتي الناس بدات تيجي كنت صبرت شويه

ردت ورد اتخنقت قوي يا ماما من قعده الاوضه قالت لها طيب يا ستي اقعدي وانتي يا شوقيه خدي رقيه العيال رده شوقيه من عينيا الاثنين واخذت اول طفل ترقيه

وشروق طلعت الشقه ودخلت لقيت تماره قاعده بتلعب مع مكه اجريت عليها وقالت لها شفت يا ماما تمارا عامله شعرها ازاي انا عايزه اعمله زيها

ردت تمارا بتكبر امك اصلا ما تعرفش تعمل زيه توبه بس هي اللي بتعرف تعمله ضحكه شروق وقالت لها معاكي في حق بس انا هعمل لها حاجه حلوه برده صح يا مكه

ردت عليها لا يا ماما انا عايزه زي تمارا رده شروق مش هعرف قالت لهم تمارا خلاص لما تبقى تيجي تبقى تعمل لك شعرك خشي استحمي بقى والبسي هدومك ردت مكه طيب

و ابتسمت شروق على تمارا اللي بتعرف تسيطر على بنتها وقالت لها اه هي قادره قدرتي تثبتي البنت في ثانيه كده ضحكه تماره وقالت لها عشان تعرفي بس ودخلت شروق الحمام هي كمان تاخد دش وتحمى بنتها

اما عند الرجاله الجزار خلص وايوب بعت اللحمه للمصنع وكمان قفلوا الورشه وقال لهم كل واحد يلا يطلع على شقته يستحمى ويغير هدومه عشان ننزل عشان الناس بدات تيجي رد عامر تمام

والكل طلع وطلع ايوب شقته وجه يفتح الباب لقاه ما بيتفتحش خبط على الباب وخرجت رباب فتحته وقال لها انتي قافله الباب بالمفتاح ليه ردت ما فيش شكل نسيت المفتاح في الباب

وفعلا شاف ايوب المفتاح في الباب فسكت وقال لها ما لبستيش ليه قالت له انا لسه طالعه دلوقتي وداخله البس اهو قال لها طيب طلعي لي الهدوم بتاعتي قالت له حاضر

ودخل ايوب الحمام وحمدت ربنا هي انها فتحت الباب بس سابت المفتاح في الباب عشان ايوب ما يعرفش يفتحه وهو اول ما دخل الحمام طلعت التليفون وقفلته وشالته في مكانه

وراحت ناحيه الدولاب وطلعت له الطعم بتاعه ولبست هي كمان وقعدت قدام التسريحه تعمل الميك اب بتاعها



وعامر شقته وراح الحمام اخذ دوش وخرج لابس هدومه وسرح شعره ورش برفانه



اما في شقه مصطفى فدخل وشاف ندى كانت لابسه عبايه وزي القمر وبتحط الكحل في عينيها واقرب منها وهو بيحضنها ايه الجمال ده كله



رده ندى ببروت شكرا وقالت له انا طلعت لك هدومك خليني اروح اشوف ادم عشان البسه رد مصطفى ما تسيبك من ادم من السبوع وخليكي معايا انا لفت وشها

وقالت له اسفه ما اقدرش اصل انا تعبانه وسابته وخرجت وهو اتضايق ودخل الحمام اخذ دش وخرج لبس هدومه



وهي دخلت اوضه ادم ولبسته وهو قال انا فرحان قوي يا ماما اني بقى عندي اخوات كمان بس انا نفسي انتي يا ماما تجيبي نونه ومصطفى كان واقف على باب الاوضه



وقال له ما تزعلش نفسك يا ادم هنجيب لك اخ قريب بصيت له ندى وسكتت وقالت بس يا ادم مش مكه اختك وزين ويزن واخواتك رد ادم ايوه يا ماما بس انا نفسي انتي اللي تجيبي النونه

ردت ندى ان شاء الله يا حبيبي ويا اللي عشان تنزل تلعب مع مكه وتماره تحت قال ادم بجد تماره تحت يا ماما قالت له ايوه يا حبيبي وخرج يجري وقفت ندى عشان تنزل

وقال مصطفى مالك يا ندى متغيره ليه ردت عليه يعني انت مش عارف ليه قال لها لا مش عارف قالت له انت كل يوم بتسهر وبتجيلي وش الفجر وحالتك حاله وبتبقى مع نسوان شمال وعايزني ابقى مبسوطه

رد مصطفى يعني انتي عايزه ايه يا ندى انتي عارفه ان طبعي كده ردت عليه طبعك انك تعمل الحرام تبعك انك تغضب ربنا بقول لك ايه يا مصطفى انا ساكته ومستحمله عشان خاطر ادم بس غير كده كان زماني سبتك من زمان ومشيت

رد مصطفى وهو بيشدها من ايديها انا ما اقدرش اعيش من غيرك يا ندى وانتي عارفه بكده انتي الوحيده اللي حبيتك ويمكن اكثر من امي كمان ردت عليه اللي بيحب حد ما بياذيهوش وانت بتاذيني طول الوقت انا بقيت خايفه حتى باخذ حبوب منع الحمل عشان ما اجيبش عيل ثاني واشيل همه كفايه ادم اللي ما بيشوفش الحنان منك ودايما ايوب ولا عامر ولا حتى كمال بيعاملوا احسن ما انت بتعامله ده انت ابويا يا شيخ

اتصدم مصطفى وقال لها يعني انت بتاخدي حبوب منع الحمل ردت عليه يعني ده اللي انت سمعته في الكلام كله رد مصطفى ردي عليا قالت له ايوه باخد قال لها طب يا ندى اياك تاخديه ثاني وهتحملي وهتجيبي اخ او اخت لادم قالت له يبقى انت بتحلم ولو انت ما فكرتش تتعدل انا هسيب لك البيت وامشي وانا بقول لك اهو عشان ما ترجعش تقول لي انتي عملت كده ليه وخرجت وسابته ومصطفى كان واقف مذهول من طريقه ندى اللي كانت قطه مغمضه وعمرها ما اتكلمت نص كلمه

اما في شقه ايوب خرج من الحمام لبس هدومه وسرح شعره ورش برفانه و بص على رباب ما لقيهاش وعرف انها نزلت هو خرج هو كمان



اما في شقه كمال كان واقف بعد ما لبس هدومه وقال لها بس ايه الحلاوه ديت يا شروق انكسفت وقالت له شكرا يا كمال وقال لها شكرا ايه يا اختي انا جوزك وانتي مكسوفه ليه ده احنا ان شاء الله الليله ديت هنخاوي البنت مكه





ضحكه شروق وقالت له حاضر يا كمال ويلا عشان ننزل الله يلا يا اختي وبعد وقت الكل تجمع والناس بدات تيجي

وتمارا راحت ناحيه شوقيه وقالت لها اتصلي على توبه شوفي هتاخرت ليه ردت شوقيه خدي التليفون اهو واتصلي عليها قالت لها حاضر وخرج تماره

وقفت على السلم ورنت على توبه اللي ردت عليها ايه يا خالتي فيها حاجه حصلت رد تماره اتاخرتي ليه يا توبه ردت عليها معلش يا حبيبتي انا وصلت وبغير هدومي اهو ونازله ردت تماره ماشي يا ستي خلي بالك وانتي جايه قالت لها حاضر وقفلت معاها

ولفت وشها وشافت ايوب وقالت له ايه الشياكه ديت يا ايوب ضحك وقال لها ماشي يا ستي دي معاكسه يعني ردت تماره انت شايف ايه ابتسم ايوب وقال لها انا شايف حاجات كثيره انك زي القمر النهارده اتكسفت تماره وجريت على جوه

وضحك ايوب على الطفله اللي عايشه سن مش سنها وخرج قعد مع الرجاله اللي وصلت

اما في اوضه توبه كانت بتلبس فستان شيك جدا ورسمت عينيها بالكحل وحطت ملمع شفايف ولفت الطرحه ولبسه الشوز ونزلت



وهي رايحه ناحيه بيت نفيسه لقت الفراشه سد الطريق والرجاله كثيره وهي مش عارفه تعدي وشافها ايوب وانسرح في جمال عينيها وقام من مكانه وراح ناحيتها

وقال لها واقفه ليه وطي راسها في الارض وقالت له مش عارفه اعدي من الرجاله رد ايوب طب تعالي ورايا ومشي وهو بيوسع لها الطريق لغايه ما وصل عند البيت وقالت له شكرا

ودخلت وهو ابتسم على رقتها وخرج للرجاله واول ما دخلت توبه الحريم كلها بصوا على جمالها وشوقيه خافت عليها وقالت الله اكبر في عينيكم تعالي يا توبه اقعدي جنبي هنا قالت لها حاضر يا خالتي

وراحت قعدت و شافت نفيسه راحت سلمت عليها وقالت ايه الجمال ده كله يا توبه انكسفت وضحكت نفيسه قالت لها مش زي اختك خالص ردت تماره وهي جايه عليهم قصدك ايه يا حاجه ضحكه نفيسه وقالت لها ما قصديش حاجه يا ست البنات

وقالت تمارا تعالي يا توبه اعملي شعر مكه عشان هي عايزاه زيي رد التوبه حاضر وبصت لنفيسه وقالت لها بعد اذنك يا خالتي قالت لها اذنك معك يا حبيبتي

واخذت تمارا ايد توبه ودخلتها اوضه ايوب ولقت مكه قاعده وجنبيها شروق وسلمت توبه على شروق وشروق حضانتها وقالت لها معلش يا ستي اعمل ايه مكه عايزه شعرها يكون زي تماره ردت عليه من عيني الاتنين

وعملت شعر مكه اللي فرحت وخرجوا البنات وخرج التوبه مع الشروق وسلمت على ورد وباركت لها وكمان سلمت على ندى وقعدت جنبهم ورباب كانت واقفه متضايقه من كلام الحريم على جمال توبه وحلاوتها

اما عند الرجاله بره كان ايوب بيستقبلهم هو والشباب وقالت الحاجه نفيسه يلا يا شوقيه عشان ندق الهون رده شوقيه من عيني الاتنين وقامت توبه تساعد شوقيه تقعد على الارض وبدات شوقيه تدق الهوم وتقول اسمع كلام امك ما تسمعش كلام ابوك ردت نفيسه من اولها كده يا وليه بتعصي العيال على ابوهم ضحكه شوقيه

وقالت لها ما تزعليش نفسك اسمع كلام عمك ايوب وما تسمعش كلام ابوك ولا امك ردت نفيسه ايوه كده انا كده مبسوطه فضلوا يضحكوا الحريم وكملت شوقيه وقرب تمارا وقالت لها قولي له يسمع كلامي انا

ردت شوقيه من عيني الاتنين يا قمر واسمع كلام ستك تماره يلا ودقه الهون والكل ضحك وقربت مكه قالت لها قولي له يسمع كلامي انا كمان قالت شوقيه حاضر واسمع كلام ستك مكه وفضلت تدق لهون وقالت لهم ما تسمعش كلام ستك نفيسه

ردت نفيسه بهون ثاني لا تسمع كلام انا وما تسمعش كلام الوليه ديت وقاعده يضحكوا الحريم وكان الكل مبسوط وقالت شوقيه اسمع كلام ابوك واسمع كلام عمك واسمع كلام الكل ما عدا ستك ردت نفيسه ماشي يا ستي

وقعد يدق الهون وقالت شوقيه يلا يا ورد تعالي عدي عليه وحطه السكينه جنب المنخل اللي فيه اول طفل يزيد وقالت الاولها بسم الله عدت ورد وبعد دقائق خلصت شوقيه دق الهون

والحريم بدات تزغرط شروق قامت شغلت الاغاني السبوع والعيال بيلفوا ورا ورد وهي شايله العيلين وشوقيه قامت وبدات ترش الملح ندى فرقت الشموع على الاطفال اللي مشي وراهم وشروق كانت بتحدف اكياس السبوع على الاطفال

ونفيسه كانت بتحذف الفول ونزلوا السلم وطلعوه والاغاني شغاله وبعد دقائق قعدت ورد هي والاطفال وشروق شغلت اغاني

اما بره عند الرجاله كان ايوب عامل ترابيزات وانزل عليها الاكل والكل بيبارك ومبسوطين ورباب قامت ترقص والحريم كانت بتسقف وقالت بعد ما خلصت الرقص ما تقومي يا توبه كده ارقصي ولا انتي ما بتعرفيش رده توبه معلش ما بعرفش ارقص

رده رباب بجد طيب وشده ندى وشروق يرقصوا وقالت كيداهم وهو في بنت ما بتعرفش ترقص اتغاظت شوقيه وقالت قوم يا توبه ارقصي مع البنات اتكسفت توبه وقالت لها بصوت واطي لا يا خالتي انا اتكسف

ردت عليها تتكسف ايه يا بنت يلا قومي وشروق قربت وشدت توبه ترقص وايوب كان داخل لامه عشان يقول لها ان الاكل جاهز واتفاجئ بتوبه وهي بترقص بكل رقه وهي مغمضه عينيها

وشروق وندى قعدوا يتفرجوا على توبه اللي بتقول مش عارفه ترقص كانت بترقص ولا احسن رقاصه والحريم كانت عينيهم عليها وايوب كان واقف سرحان وشافته الحاجه نفيسه وكيداهم اللي تغاظت

وراحت نفيسه لايوب وقالت له في حاجه يا حبيبي ما ردش عليها وهي زقته من كتفه وقال ايوه ياما في حاجه ردت عليه انت يا حبيبي اللي جاي في حاجه رد ايوب الاكل جاهز اجيبه لك دلوقتي ردت نفيسه 10 دقائق كده ودخله رد ايوب طيب ياما وخرج وهو عينيه على توبه

وقالت نفيسه في سرها شكلك كده طبت يا ايوب يا رب يجعلها من نصيبك ودخلت عند الحريم وكيداهم كانت شايفه اللي بيحصل وقالت لبنتها عاجبك اللي انتي عملتيه ده ردت رباب وانا اعرف منين انها بترقص احسن من الرقاصات

ردت عليها ما انتي غبيه جوزك كان هنا وشافها وربنا يستر والبنت ما تخشش عقله ردت رباب بسخريه بتحلمي ياما كان ايوب عملها من زمان

وقامت رباب خرجت وطلعت شقتها ونسيت الباب مفتوح ودخلت طلعت التليفون واتصلت على ياسر وفضلت تتكلم معايا

اما عند العيال تمارا كانت بتلعب مع مكه وادم وعيال تانيه استغمايه والدور كان على تماره وطلعت تدور على العيال ولقت الشقه مفتوحه ودخلت تشوف مكه مستخبيه هنا ولا لا واتفاجئت بكلام رباب والبنت جات تخرج رباب شافتها

وقالت يا مصيبتي السوده البنت اكيد مش هتسكت وهتروح تقول لاختها ولا الشوقيه وهتحصل مصيبه انا لازم اخلص من البنت ديت قفلت التليفون وشالته فوق الدولاب وخرجت رباب وقفلت الشقه

وهي بتفكر هتعمل ايه وقررت هتعمل ايه وتمارا نزلت وقالت انا لازم اقول لتوبه وراحت لها وقالت لها انا عايزاك في حاجه مهمه ردت التوبه لما نروح عشان مش عارفه اسمعك ردت تمارا طيب وشافت رباب تماره وهي قريبه من توبه

وراحت رباب قايله لادم بقول لك ايه يا ادم ما تطلع تلعب على السطح انت والعيال رد ادم لا يا عمته السطح ضلمه وكمان ما فيش سور ردت رباب خلاص اطلع العب على السلم وانا نورت لكم النور رد ادم ماشي يا عمتو

وطلعت رباب شقتها وقفت عند الباب وتبص من عين السحريه وشافت العيال بيلعبوا وتمارا قاعده على السلم وقال ادم يلا يا تمارا عشان نلعب قالت له مش دلوقتي روح انت العب يا ادم وسابها ولعب مع العيال

قالت لها طيب واول ما العيال نزلوا خرجت رباب ومسكت تماره من ايديها وقالت لها عارفه لو قلت حاجه هقتلك ردت تماره اقول ايه سيبيني خليني انزل وعماله تزق ايديها

ورباب ماسكه فيها وبصت وراها ولقت ان تمارا واقفه على حرف السلم راحت زقاها وقعت تمارا غرقانه في دمها قدام شقه شروق ونزلت رباب وعدت من عليها وقالت انا كده خلصت منك وقعدت مع النسوان ولكنها عملت حاجه او اذى الطفله بريئه

وبعد وقت قام التوبه وقالت يلا يا خالتي خلينا نروح مش قادره اقعد اكتر من كده ردت شوقيه يلا يا حبيبتي شوفي بس تمارا فين قالت لها حاضر وخرج توبه

وندهت على مكه وقالت لها تمارا فين قالت لها انا مش عارفه احنا كنا بنلعب ومش عارفه راحت فين قال ادم قاعده على السلم فوق قالت له طب اطلع عندها وطلع ادم وشاف تمارا وقعه قدام شقه شروق والدم حواليها

ونزل يجري و قال لها الحقي يا ابله توبه تمارا واقعه وحواليها دم كتير صوت توبه وطلعت تجري واول ما شافت اختها بالمنظر ده عيطت

وقالت اجري يا ادم قول لامك تتصل بالاسعاف بسرعه جري ادم وقال لهم والكل اتخض وطلعوا واتصلت نفيسه على ايوب الا اول ما عرف طلع يجري والاسعاف جت

وطلعت نقلت تمارا وتوبه كانت بتعيط وركبت معاهم العربيه وايوب بص للرجاله وقال لهم فضوا الليله وراكب هو عربيته ومعاه كمال وشوقيه ونفيسه وطلعوا وراها على المستشفى