رواية توبة الفصل السابع 7 بقلم الكاتبة اميرة خالد

وعربيه الاسعاف كانت توبه بتعيط وهي شايفه اختها المسعفين بيحاولوا ينقذوها وصلوا المستشفى وخرجوا الدكاتره والممرضين يستقبلوهم وقال الدكتور شكلها بتنزف بقى لها كتير لازم تخش العمليات دلوقتي شوفوا فصيله دمها ايه وهاتوها لنا بسرعه

وتوبه كانت بتعيط وجت الممرضه وقالت لها لازم تروحي الحسابات عشان تدفعي فلوس قبل دخول العمليه قالت توبه حاضر وراحت وعرفت المبلغ اللي كان 150 الف جنيه وقعت من طولها وهي مش عارفه هتجيب المبلغ ده منين

ورد عليها موظف لازم تجيبي المبلغ بسرعه قبل ما هيعمله العمليه خرجت توبه وهي بتجري مش عارفه هتعمل ايه

وبعد دقائق وصلت عربيه ايوب وهو خايف على تمارا الطفله اللي بتغير حياته بلماضتها وابتسامتها الجميله ونزل هو وعامر وشوقيه ونفيسه

و شوقيه كانت بتبكي على بنتها وسالوا في الاستعلامات على ما كانهم ويعرفوا انها دخلت العمليات وكمان لازم الفلوس تدفع وقالت شوقيه انا معايا ذهب هروح ابيعه واجيب لهم الفلوس

رد ايوب اهدي بس يا خالتي كل حاجه هتتحل دلوقتي وبص لعامر وهو فهم وقال ايوب تعالوا يا جماعه نروح نطمن على تماره وتوبه وقفتنا هنا ملهاش لازمه

ردت نفيسه معك حق يا ابني وروحي وناحيه غرفه العمليات وما لقوش حد وقالت شوقيه توبه راحت فين رد ايوب اتصلي بيها يا خالتي شوفيها فين قالت له حاضر يا ابني ومسكت التلفون وفضلت تتصل على توبه وهي ما بتردش

اما توبه كانت راكبه التاكس عماله تعيط وتدعي ربنا انه ينقذ اختها اما عند رباب كانت قاعده مبسوطه وبتدعي ربنا ان البنت تموت

اما مكه كانت بتعيط في حضن امها وبتقول لها هي تماره حصل لها ايه يا ماما ردت شروق ما فيش حاجه يا حبيبتي دي تعويره صغيره وهتيجي وهتبقى كويسه ردت ورد وندى يا رب فضله يدعو ربنا انه يقومها بالسلامه الطفله الجميله

وكيداهم قالت لازمتها ايه يخلصوا السبوع بدري ويمشوا كده قالت رباب والله معاكي حق يا امي هي تقرب لنا ايه عشان نوقف السبوع

ردت شروق بقول لك ايه يا خالتي ادعي للطفله احسن بدل الكلام اللي ما لهوش لازمه ده واصلا ايوب هو اللي قال ان الليله خلصت ولما يجي ابقي اساليه خافت كيداهم وقالت انا طالعه شقتي وخرجت طلعت ورباب طلعت وراها طلعت

ودخل مصطفى وكمال وشعبان بعد ما خلصوا كل حاجه وحاسبوا الناس وقالت شروق كلمتهم يا كمال اطمنت على تمارا رد عليها ايوه كلمت ايوب بس قالوا لي ان هي دخلت العمليات قالت الورد ان شاء الله هتقوم بالسلامه عشان خاطر اختها اللي هتموت عليها

ردت ندى والله معاكي حق انا ما شفت منظرها حسيت ان قلبي بيتقطع عليهم رد شعبان قومي يا بنتي دخل عيالك يناموا جوه وريحي نفسك انتي لسه والده برده ردت ورد لا يا عمي انا هقعد معاكم اطمن على تمارا

رد شعبان طب يا بنتي لازم تاكلي قومي يا ام كمال حطي لها الاكل دي بترضع وما لهاش دعوه باللي احنا فيه رده ورد والله يا عم مش جعانه ولما انتم تاكلوا هبقى اكل قال لها طيب يا بنتي

وفي شقه ايوب دخله رباب وجابت الكرسي وطلعت جابت التليفون من فوق الدولاب وفتحته ودخلت على الدردشه وقلعت الفستان اللي كانت لابساه وفضلت بقميص النوم وبتتكلم مع الرجاله وهي مخبيه وشها ومبسوطه

اما فيله ابراهيم كان قاعد هو ونبيله وفاكرين ان خطتهم ماشيه كويس وسمعوا الباب بيخبط وراحت الخادمه فتحت ولقت بنت واقفه والدموع على خدها

وقالت لها ممكن تقولي ابراهيم بيه ان توبه واقفه بره ردت الخادمه وهي صعبانه عليها منظر توبه حاضر ودخلت الخادمه وقالت في واحده واقفه بره اسمها توبه ابراهيم بيه وعايزه تقابلك

ردت نبيله هي جايه ليه مش انت قطعت معاهم كل حاجه من زمان رد ابراهيم مش عارف خليها تخش الخادمه قالت حاضر يا بيه وراحت ودخلت توبه اللي جريت على ابراهيم بيه ومسكت ايديه

وقالت له ابوس ايدك انقذ اختي رد ابراهيم في ايه يا توبه عايزه ايه قالت له بدموع محتاجه 150 الف جنيه تماره في العمليات رد ابراهيم وانا اجيب لك منين الفلوس ديت باست على ايديه وقالت له عشان خاطر اختك و عضم التربه وحياه بنتك اديني الفلوس ديت وانا ممكن اكتب لك وصله امانه ولغايه ما سددهم لك

رده نبيله بقول لك ايه جو الشحاتين ده مش عايزينه يلا اطلعي بره ما فيش فلوس ابراهيم كان قلبه هريق وقال لها هي تمارا فيها ايه قالت له توبه ما اعرفش بس هم بيقولوا انها محتاجه عمليه مستشفى طالبه 150 الف جنيه وانت عارف ان انا ما حلتيش حاجه عشان خاطر ربنا

ردت نبيله هو انا مش قلت لك ما فيش فلوس انتي ما بتسمعيش غبيه يعني وندهت للخدامه وقالت لها طلعيها بره ولو جت ثاني ما تدخلهاش وتوبه بتعيط وتقول له لا والنبي يا خالي ساعدني وانا هتنزل لك عن الورث بتاعي والنبي يا خالي عشان خاطر ربنا ساعدني انا ما ليش غيرك

والخادمه بتزقها لبره وهي صعبانه عليها وخرجتها وندهت للحراس اللي بره وقالت لهم نبيله هانم بتقول لكم ما تدخلهاش تاني وتوبه فضلت تعيط وتتوسل له وهو مش معبرها ورموها بره الفيلا وفضلت تعيط ومشيت وهي مش عارفه هتروح فين او هتساعد اختها ازاي

اما عند المستشفى خرجت الممرضه وقالت عايزين كيس دم ضروري الدم خلص والمريضه نزفت كثير رد ايوب وهي فصلتها ايه قالت O سالب واتكلم عامر مش دي فصيلتك يا ايوب قال له ايوه انا فصلت ديت وراح مع الممرضه يتبرع لتماره

وشوقيه عماله تتصل على توبه اللي ماشيه تايهه في الشارع ومش عارفه تعمل ايه

اما فيله ابراهيم قال لنبيله كنا ادينا لها المبلغ اهو نساعدهم رده نبيله بقول لك ايه جو الصعبانيات ده ما ينفعش خالص انا لازم نشوف هنسافر ازاي في اسرع وقت فاهم ولا لا بنتك هناك لوحدها

رد ابراهيم معك حق وتوبه ماشيه في الشارع بتدعي ربها انه ينقذ اختها ولقت الجامع مفتوح ودخلت تصلي وهي بتستنجد بربنا وبتقول له انا عارفه اني ما حلتيش حاجه ومش قادره انقذ اختي بس انت رب الكون وبتقولكم فيكون تدعي ربها وهي مش عارفه هتعمل ايه

وخرجت من الجامع وراحت على المستشفى وهي تايهه وقررت انها ممكن تكتب وصله امانه على نفسها للمستشفى وتسديد المبلغ

اما فيله ابراهيم كان قاعد هو ونبيله وبيكلم الراجل اللي هيسفرهم وباب الفيلا انكسر ودخلت رعد ومعاه الرجاله وشوقي الغول كان قاعد في العربيه بره ورعد قال ايه يا ابراهيم بيه زياره مش متوقعه اكيد بس اللي انت عملته يخلينا نجيلك في ثواني

هو انت فاكر انك ممكن تهرب بسهوله بفلوس شوقي بالغول بسهوله كده من غير ما نعرف تبقى بتحلم احنا عارفين عنك كل حاجه من ساعه ما اخذت الفلوس لغايه افكار الهانم مراتك وبنتك اللي سافرت خاف ابراهيم ونبيله من كلامهم ورعد ماسك التليفون وقال اتفضل يا شوقي بيه وقفل التليفون

اما في المستشفى رجع ايوب بعد ما تبرع بالدم لتماره وسالهم ما فيش حاجه حصلت ما فيش دكاتره خرجت رد عامر لسه ان شاء الله خير قال ايوب يا رب هي توبه لسه ما قلتهاش ردد شوقيه بدموع لسه يا ابني وخايفه عليها قوي يجرى لها حاجه

رد ايوب هات التليفون كده وانا هتصل عليها تاني واخذ التليفون وكتب رقمها عنده وفضل يتصل عليها وهي ما بتردش والدكتور خرج وجري عليه وساله ايوب هي دكتور تمارا عامله ايه دلوقتي

رد عليه الحمد لله احنا وقفنا النزيف وكمان جبسنا لها ذراعها الشمال ورجليها وهتحتاج تقعد في الجبس اكثر من ثلاث شهور عشان هي طفله والحمد لله انها عدت على كده رد ايوب الحمد لله يعني هي كويسه يا دكتور ونقدر نشوفها

رد عليه ما فيش زياره لغايه بكره الصبح عشان هي هتبات النهارده في العنايه والصبح ان شاء الله هنقول لكم هنعمل ايه قال ايوب شكرا يا دكتور وشوقيه ونفيسه حمدوا ربنا على نجاه الطفله سبب فرحتهم

وقالت شوقيه انا يا ايوب هديك فلوس العمليه لما تطلع تمارا بالسلامه هبيع البيت وهديك الفلوس رد ايوب ايه الكلام ده يا خالتي قالت له كلام ايه يا ابني ده حقك وكثر خيرك انك دفعت الفلوس

وقال ايوب على فكره يا خالتي انا دفعت الفلوس عشان خاطر تمارا دي بنتي اللي ما جبتهاش للدنيا انتي ما تعرفيش انا بحبها قد ايه لو كانوا طلبوا مليون جنيه كنت هدفعهم لها وانا راضي

ردت شوقيه ربنا يا ابني يرزقك بالذريه وبالرزق الحلال وشافه تمارا خارجه من العمليات على السرير وهي ولا حول ليها ولا قوه والاسلاك حواليها وحزنه على الطفله اللي كانت كلها شقاوه وفرح

وتوبه وصلت المستشفى وراحت عند مدير الحسابات وقالت له انا ممكن حضرتك اكتب في وصله امانه بالمبلغ بتاع العمليه بس المهم اختي تقوم بالسلامه وتعمل العمليه ورد مدير الحسابات الفلوس اتدفعت استغربت توبه وقالت له من اللي دفعها قال لها راجل جه دفعها واختك خرجت من العمليات فرحه توبه

وجريت ناحيه اوضه العمليات بس ما لقيتش حد ونزلت الاستعلامات وسالت عن اختها وعرفت انها في العنايه المركزه وطلعت تجري وصلت عند العنايه وشوقيه شافتها وقالت لها كنت فين يا توبه قلقتني عليك يا بنتي ردت عليها كنت بتصرف في الفلوس يا خالتي المهم تمارا عامله ايه رده نفيسه كويسه يا بنتي والحمد لله الدكاتره طمنونا

وقال توبه الف حمد وشكر ليك يا رب الف حمد ليك وشكر ليك يا رب وفضلت تشكر في ربنا ولكل واقف وقال توبه مين اللي دفع الفلوس يا خالتي ردت شوقيه ايوب يا بنتي اللي دفعها

قالت التوبه انا متشكره جدا على وقفتك جنبنا وفلوسك ان شاء الله هرجع حالك رد ايوب بطلي الهبل ده اللي انتي بتقوليه ده تمارا بنتي قبل ما تكون اختك ردد توبه برده ده حق حضرتك وان شاء الله لما نخرج بالمستشفى هكتب لك وصله امانه من المبلغ لغايه ما اسدده

سكت ايوب وما ردش عليها وراح يقعد وقالت نفيسه يا بنتي اللي انتي بتقوليه ده غلط وتمارا انتي عارفه غاليه علينا قد ايه ردت توبه انا عارفه يا خالتي بس ده حقه ولازم ياخده انا اللي ملزومه باختي ما حدش يدفع لنا جنيه

ردت نفيسه طب يا بنتي نطمن عليها الاول وبعد كده يحلها الف حلات سكت التوبه وقالت شوقيه انتي كنت فين ردت توبه كنت عنده يا خالتي وفاكره انه هيساعدني بس طلع ان الغريب احسن منه 100 مره

وفي فيله ابراهيم دخل شوقي الغول وقال له هو انت فاكر ان ممكن تاخد فلوسي وتهرب بيها بسهوله وانا ما اعرفش تبقى بتحلم يا ابراهيم رد ابراهيم ابدا يا شوقي بيه انا كنت عامل صفقه بس كنت هسافر لها عشان اخلصها

ضحك شوقي وقال له انت عارف لما انت سالتني اني مش عايز اي ضمانات ليه فاكر انا جاوبتك بايه رد ابراهيم ان انت هتعرف تجيب فلوسك بسهوله رد شوقي فعلا انا بقى اعرف اجيب فلوسي كويس وعشان انا طيب هقول لك فلوسي هاخدها منك ازاي دلوقتي حالا قامت نبيله

وقالت له استنى بس يا شوقي بيه خلينا نتفاهم ونحلها بطريقه متحضره ضحك شوقي وقال لها لا مؤاخذه يا مدام طريقه ايه المتحضره بتاعتك دي الفلوس بتاعتي ترجع لي وعليها ال 10 مليون الفوائد رد ابراهيم بس انا مش معايا الفوائد ديت

رد شوقي قول له الحل ايه يا رعد رد رعد الحل بسيط جدا حضرتك تتجوز بنته بفلوس الفوايد رد ابراهيم بنت اللي يتجوزها وهو قد ابوها انا مستحيل اقبل بالعرض ده

وقالت نبيله حضرتك شفت بنتنا دي صغيره جدا عن ان انت تتجوزها ضحك شوقي وقال لها انا ما ليش دعوه وقال ابراهيم وانت ما لكش فلوس عندي وريني هتاخدها ازاي اذا انت اصلا مش واخد اي ورقه تثبت انك لك فلوس عندي

ضحك شوقي واقول له وانا مش محتاج الورقه وانا هعرف اجيب الفلوس ازاي وبسهوله جدا واتكلمت نبيله بسرعه واحنا موافقين انك تتجوز بنتنا بس لينا شرط رد شوقي ببرود قصدك طلب مش شرط انا ما حدش يتشرط عليا

رده نبيله يبقى تسيب لنا الفلوس وما تسالش فيها خالص واحنا هنديك البنت قال ابراهيم اللي انتي بتقوليه ده قالت له اسكت يا ابراهيم ساكت وقال شوقي لما اشوفها الاول واحدد اذا كانت تستاهل الفلوس ولا لا ردت نبيله تمام واحنا هنجيبها لك بكره ان شاء الله

رد شوقي تمام رعد هز راسه بمعنى حاضر يا بيه وخرج شوقي ومعاه الرجاله و قال ابراهيم ايه اللي انتي بتعمليه ده انتي عايزه تدي له بنتنا انتي عارفه ده ممكن يعمل فيها ايه

ردت نبيله اهدى بس ومين قال لك ان انا هدي له بنتنا قال ابراهيم ما انتي هتعملي ايه ده ما ينفعش يتضحك عليه انتي شفتي عمل معانا ايه ردت نبيله هي مش توبه قالت لك انا عايزه الفلوس ديت واعمل لك اللي انت عايزه كله

رد ابراهيم ايوه بس ردت عليه يبقى هي اتحلت احنا نودي له توبه على اساس ان هي بنتنا وبكده يبقى احنا ضربنا عصفورين بحجر واحد ساعدنا توبه في عمليه اختها وهي هتسدد بطريقه مع شوقي

رد ابراهيم وتفتكري هو هيسكت لو عرف انها مش بنتنا ردت نبيله بغل ما هي زي القمر شبه امها وهو مش هيفكر في حاجه غير انه يتجوزها بعد ما يشوفها على طول رد ابراهيم طبي انتي فاكره اسم المستشفى اللي هي قالت لنا عليه ردت نبيله ايوه قال لها طب يلا بينا نروح لها وندفع لها الفلوس ونقول لها دي قصاد دي قالت نبيله يلا وخرجوا ركبوا العربيه ورعد كانوا وراهم

اما في المستشفى توبه كانت بتقرا القران وقال ايوب قام عامر خد امك وخالتك شوقيه وروحوا وانا هفضل هنا نطمن على تمارا رد عليه حاضر

وراح عامر على امه هل لها يلا ياما نروح انتي وخالتي وهنيجي الصبح ردت شوقيه انا مش همشي من هنا غير ما تمارا تطلع معانا راح ايوب وقال لها يلا يا خالتي روحي وخدي علاجك كمان عشان ما تتعبيش وانتي ياما وانا هفضل هنا مع توبه نطمن على تمارا وتعالوا الصبح

وتوبه سمعت الكلام وراحت لهم وقالت لهم اسمعوا الكلام وروحوا قعدتكم ملهاش لازمه وهتتعبوا وانتي يا خالتي لازم تاخدي العلاج بتاعك ردت شوقيه ما اقدرش يا بنتي اسيبكم لوحدكم رد ايوب ومين قال لك هيبقوا لوحدهم انا هقعد معاهم لغايه ما نطمن عليها

وبعد دقائق وافقت شوقيه تروح وخرجوا ركبوا العربيه وايوب نزل يجيب عصير واكل خفيف لتوبه

وابراهيم وصل وسال على تماره وعرف ان في حد دفع لها فلوس العمليه وبص النبيله وقال لها هنعمل ايه ردت عليه انا هقول لك هنعمل ايه وحكيت له الخطه وقال لها ماشي

وطلعوا وروحوا عند العنايه وشافه توبه ودخل ابراهيم بيجري وقال لها ايه يا توبه انا جيت بسرعه عشان اطمن على تمارا وادفع فلوس العمليه بس لقيت حد دفعها ردت توبه في ناس ولاد حلال هم اللي دفعوا وخلاص يا خالي مش محتاجه حاجه

ردت نبيله طب اهدي يا توبه خالك زعل مني واتخانق معايا عشان اللي انا عملته بس انا هقول لك ما تزعليش مني ومهما كان عمري الدم ما يكون ميه

ردت توبه قولوا كده على البلاطه انتم عايزين ايه رد ابراهيم هديكي ورثك وفوقيهم نص مليون جنيه كمان بس تعملي اللي احنا عايزينه

ردت توبه بجمود وايه اللي حضرتك عايزه قال لها هجوزك راجل اعمال وهديكي فلوسك واحطها باسمك في البنك ضحك توبه وقالت له والمبلغ اللي انت هتحطه في البنك كام رد عليها مليون ونص نصيبك في ميراث امك

ردت عليه تبقى بتحلم يا خال ردت نبيله وانتي عاجبك اللي حصل ده اختك كانت بين الحياه والموت ومحتاجه فلوس وانتي ما حلتكيش حاجه اما احنا هنامل لك مستقبلك وهنجوزك راجل اعمال معه فلوس كثيره غير ورث امك اللي هتاخديه وتوبه سكتت

وايوب كان بيسمع كل الكلام واقرب منهم وقال لهم وانتم تفتكروا ان توبه تقدر تتجوز بالسهوله ديت رد ابراهيم وانت مين اصلا رد عليه انا ابقى جوزها ولو شفت وشكم هنا ثاني ما تعرفوش انا هعمل فيكم ايه وكمان انا هرفع قضيه وهجيب حقها منكم

ردت نبيله فكري يا توبه ولو عايزه هنخليهم 2 مليون ونص بس المهم انك توافقي وهستناكي تيجي لي الصبح ومشيت نبيله وابراهيم ورعد كان مصور كل اللي حصل فيديو وبعته لشوقي

ولفت توبه وقالت له ايه اللي يخليك تقولي ان انا مراتك رد ايوب يعني انتي كنت عايزه تتجوزي الراجل الكبير اللي بيقولوا عليه ردت توبه برده حضرتك ما لكش دعوه ويا ريت ما تتدخلش ثاني

اتعصب ايوب وراح قعد على الكرسي وهي حاسه انها غلطت وقربت قعدت كرسي الثاني وهي بتقول له انا اسفه بس صدقني انا تعبت وخايفه على تمارا

رد ايوب ما تخافيش كل حاجه هتتحل وتماره دي بنتي المهم اوعي تبيعي نفسك لاي حد والفلوس دي اخر حاجه ممكن نفكر فيها ردت توبه ان شاء الله ومسكت المصحف وفضلت تقرا فيه

في عربيه ابراهيم قالت نبيله انا متاكده ان الراجل ده مش جوزها رد ابراهيم اكيد طبعا قال لها طب هنعمل ايه قالت له ما فيش غير حل واحد اننا نحطهم قدام الامر الواقع ونخطف توبه ونوديها لشوقي ونخلص من الموضوع ده رد ابراهيم ان شاء الله بمشي بالعربيه

وشوقي اتصل على رعد وقال له البنت دي مين رد رعد اللي انا عرفته انها بنت اخت ابراهيم وشكله كده كان عايز يجوزها لك على اساس انها بنته رد شوقي مش انت عارف البنت فين يا رعد رد عليه ايوه يا ابراهيم بيه قال له انا عايزه بكره الصبح تكون عندي رد رعد تمام يا فندم واقفل معاه

وشوقي اتفرج على الفيديو تاني ولاحظ جمال توبه اللي دخل عقله وقرر انه ياخدها بس الاول هيعلم ابراهيم الادب وياخذ فلوسه كلها منه

البيت ايوب وصل عامر وشوقيه والحاجه نفيسه ودخلوا لقوا العيله كلها متجمعه ما عدا كيداهم رباب وقالت الشروق ايه يا عامر تمارا عامله ايه رد عليهم الحمد لله بقت كويسه بس هيجبسوا لها ذراعها الشمال ورجليها الشمال وان شاء الله هتقوم بالسلامه

رد الكل الحمد لله قال شعبان ايوب فين ردت نفيسه قاعد في المستشفى يا اخويا مع توبه واحنا هنروح لهم بكره نطمن عليهم رده شوقيه طب يا جماعه انا هطلع شقتي وابقى انزل لكم الصبح ردت نفيسه ابدا والله انتي مش هتروحي شقتك انتي هتباتي معايا وفي حضني كمان ونروح سوا

ردت شوقيه العلاج فوق ولازم اطلع اجيبه ردت نفيسه ولا تزعلي نفسك هاتي المفتاح وانا هخلي حد من الرجاله يطلع ويجيبه لك قالت شوقيه مش عايزه اتقل عليك يا نفيسه ضحكت نفيسه قالت لها تتقلي علي ازاي عيب عليك الكلام ده انتي اختي يا شوقيه ما فيش بينا الكلام ده

خد يا عامر المفتاح واطلع هات الادويه بتاعه خالتك شوقيه قال لها حاضر يا امي واتكلمت ام كمال طب يلا يا جماعه خلينا ناكل احنا مستنينكم من بدري ردت نفيسه وورد ما اكلتش لغايه دلوقتي هي ولا العيال ردت ورد والله يا ماما ما ليش نفس

وقالت شروق انا اكلت العيال ونيمناهم واحنا كنا مستنيين نطمن على تمارا قالت نفيسه طيب خشوا حضروا الاكل عقبال ما نغير هدومنا ونيجي وبصت لشروق وقالت لها وابقي اعملي بكره حساب توبه وايوب في الاكل عشان ناخدهم معانا ردت شروق حاضر ياما ودخلت المطبخ هي وندى وامه كمال عشان يحضروا الاكل

الثامن من هنا