رواية بين القبول والرفض الفصل السادس 6 بقلم جمانه السعيدي
عقيل...بعد يومين بلضبط اجتني خالتي للبيت
ام علي...خاله عقيل اني جيتك بطلب
عقيل....خاله انتي تامرين أمر مو طلب
ام علي...ماايامر عليك ضالم انشاء الله
عقيل...كولي خاله
ام علي....باجر اول يوم امتحانات نص السنه وعلي حابس
ريام بغرفيها وحتى ما يقبل تطلع تاكل ويانا
السنه سادس وراح اضيع عليها هاي السنه
اني اعرف غلطت وهيه معترفه بغلطها بس مو الدرجه تضيع عليها السنه
فدوه اروحلك اريدك تقنع علي يخليها تمتحن
فدوه اروحلك بعد خالتك اذا اكو معزه بكلبك العمك الله يرحمه اريد ريام تمتحن
حرامات اضيع عليها هاي السنه
هاي جبتلك ٥٠ الف اجرتك حتى توصلها للامتحان وترجعها بايدك
الله يخليك ساعدني ولله تخلص النهار بس بجي
خسرت اخوها ودراستها بسبب غلطه
النوب المصيبه زوجت علي تعيرها
كلمه والثانيه وكالت ام الولد
مااكدر ارد عليها بنتي غلطت وعلي عصبي
اني اريد كلشي يمشي طبيعي
مااريد مشاكل بلكوه يخلص اليوم عليه
بتي انهانت ونضربت وحتى المدرسه انحرم منها
الله يخليك ساعدني علي يسمع كلامك
بس ايام الامتحانات وبعدين تجي العلطله
اسبوعين تكعد بلبيت
جمانه السعيدي
عقيل ....صح هيه ما تستاهل بس روحي كوليلها تقرا
اني باجر اوصلها للمدرسه وانتظرها ارجعها للبيت
وشي ثاني لا تسكتين الزوجة علي هيه شنو علاقتها
تحفظ بيتها وزوجها وتسكت
ممنوع تحجي كلمه وحده على ريام
اذا انتي ماتكدرين اني اوكفها حد حدها
صدك ولله سكتنالها تخبلت علينا
خل تحترم نفسها ممنوع تقرب على ريام
خالتي...الله يحفظك من كل شر ويرزقك
عقيل...خاله اخذي فلوسج وياج انتم اهلي
الشغله مومال فلوس
خالتي...لا انت على باب الله وراح تعطل شغلك علمودها
انت تستاهل اكثر من ذني الفلوس
عقيل...لا مايصير اني راح اتكفل بيها
اخذها وارجعها للبيت
جمانه السعيدي
طلعت خالتي الموضوع ابد مو سهل علي شلون راح يقتنع
بعد المصيبه الي سوتها ريام
بليل رحت عليهم اجت خالتي كعدت ويانا
عقيل...اني عندي طلب يمك واتمنى ماتردني
علي...اني اردك لا عاش ولا كان الي يردك انت تأمر اامر
مو تطلب
عقيل...تمام يعني ااكول شنو بخاطري
علي...كول واني اخوك عد عينك
عقيل....اريد ريام تروح تمتحن باجر اني اخذها وارجعها للبيت بايدي
منا لمن تكمل امتحانات
السنه سادس ومابقى شي النهاية السنه ليش اضيع عليها
خليها تكمل السنه الخاطري
علي...بس
عقيل...انت كلت مااردك حرامات اضيع هاي السنه عليها
واني راح اتكفل بيها
ثق ريام عرفت غلطتها وبعد مراح تكررها ابد
بس انت انطيها فرصه
اني اتكفل بيها والشي الي صار بعد ما ينعاد ابد
علي...اذا انت تتكفل بيها ميخالف بس انت تأخذها وترجعها بايدك واذا يوم انت مشغول أو مو فارغ
ما تطلع من الباب
عقيل...الف شكر اخوي العزيز الي مايردني فشلان
علي...تدلل
ثاني يوم الصبح كعدت تريكت وبدلت طلعت شغلت السياره
دكيت الباب طلعت خالتي
عقيل...صباح الخير
خالتي...صباح الخير ريام جاهزه وتنتظرك
عقيل...خل تطلع
شويه وطلعت ريام صدت وهيه صعدت بصفي
ريام...صباح الخير
عقيل...صباح الخير
مشينا بلسياره
ريام...شكرا
عقيل....كون عاد تكونين هلمره كد الثقه
ريام....ممكن ننسى الي فات ونبدي من جديد
مااريد اي احد.يذكرني بلشي الي صار
دفعت ثمن هاي الغلطه غالي وبعد مراح تنعاد ابد
عقيل...تمام يله انزلي ومن اطلعين تلكيني منتظرج
ممنوع ترجعين وحدج للبيت
ريام...تمام
واني جاي الف السياره وارجع شفت احمد واكف بلركن
يحجي ويا وحده غير هذيج البنيه
من شفته كلت بكلبي هذا ما يتوب ما يخاف
زين هو يقبل على أخته هذا التصرف
بس ولله ياأحمد اذا ما خليتك توب من هاي السوالف٠
اني مو عقيل
فكرت شلون راح اادبه واخلي بعد مايقرب على مدرسة البنات
اجتني فكره عبقريه تخلي بعمره مايفكر
يوصل المدرسة البنات لو يفكر يحجي ويا اي وحده
جمانه السعيدي
اني مو جاي انتقم بس علمود ريام
لا علمود البنات كلهن
بوقتها جان منتشر شغله تهديد
اي واحد صاحب منصب او كان بحزب البعث
يخلون طلقه برساله ويشمروها علي بيتهم
تعتبر تهديد بلقتل يعني اذا ما بطلت
هاي طلقه والثانيه براسك
رجعت للبيت اني عندي سلاح وعندي طلق
رحت اشتريت ضرف كتبت ورقه
هاي طلقه والثانيه برأس احمد اذا بقى بلمنطقه
لو بهاي المحافظه كلها اني عندي ثار ويااا
ضميت الضرف بلكنتور
بعد ساعه ونص رجعت للمدرسه
طلعت ريام صعدت بلسياره
عقيل...شلونج بلامتحان
ريام...الحمد لله اليوم امتحنت اسلاميه كلش سهله الاسئله
عقيل.. الحمد لله
من ترجعين للبيت شدي حيلج حتى تجاوبين باجر احسن من اليوم
ريام...انشاء الله
وصلتها للبيت وطلعت اشتغل على باب الله
والعصر اخذت كم كروه
بليل الساعه ثنتين طلعت بلسياره امي نايمه ماتدري
بيه
لبست دشداشه وقمصله جلد وتلثمت بجفيه خاف واحد يشوفني
وكفت السياره برأس شارع اهل احمد
دخلت امشي محد اكو بلشارع الدنيا شتا شهر الواحد
الدنيا بارده كلش
وصلت يم بابهم شمرت الضرف من جوه الباب
ورجعت السيارتي شغلتها وطلعت
رجعت للبيت لفيت راسي ونمت
الصبح امي كعدتني اتريكت وطلعت شغلت السياره
شويه طلعت ريام
ريام...صباح الخير
عقيل...صباح الخيرات قاريه زين متحضره للامتحان
ريام...انشاء الله
وصلتها للمدرسه بقيت واكف اباوع احمد ماكووو
بقيت تقريبا ربع ساعه منتظر واباوع
ماكووووو اي همزين خل الناس ترتاح من شره
يضحك على البنات الأفندي عبالك ماكو منه
جمانه السعيدي
اليوم الثالث طلعت ريام بيدها كلنس كل شويه تمسح عينها
عقيل...شبيها عينج
ريام.. مااعرف حمره ودمع يمكن لان اسهر بليل
اقرا
عقيل...شو خل اشوف خاف فايروس
باوعت بعيونها لونهن احمر
عقيل...اذا ماتكدرين تمتحنين ناجل الامتحان
واخذج الأقرب مستشفى
ريام..... لا انشاء اله اكدر
عقيل...راح ابقى هنا ماارجع للبيت اي وقت تشوفين نفسج
ماتكدرين تكملين عوفي الامتحان وطلعي
اخذج الأقرب مستشفى
ريام.. انشاء الله
بقيت كاعد بلسياره
اول مره انتبه على نفسي
من يوم شفت ريام ويا احمد لليوم واني جاي
اقاوم بكل قوتي حتى اثبتلها هيه اختارت غلط
اني الاختيار الصح بحياتها
ليش مادرت وجهي وعفتها تواجه مصيرها وحدها
ليش اخذتها بيتي وحميتها من علي
ليش اخذتها تشوف احمد شلون عنده علاقات
ويا البنات ويضحك عليهن
ليش دزيت واحد على احمد.يعرض علي يتقدملها
مع انو اني متأكد هو مراح يتقدملها
واذا صادف ووافق يزوجها اموته خلاص
مستحيل اعوفه ياخذها مني
وان رفضتها من علي قدملها اليه زوجه بلاش
رفضتها حتى اثبتلها اني مااحبها
حتى تتأكد اني مو رخيص ترفضني يمتى ما يعجبها
اني هم اكدر ارفضها يمتى ما يعجبني
حتى التهديد الاخير الي متأكد راح يخلي أحوال اهل احمد تتخربط ويمكن احمد ينهزم من هاي المحافظه كلها
حتى يحافظ على نفسه
اني نفذت هاي الخطه مو علمود البنات علمود ريام
حتى اضمن بعمرها مراح تلتقي بي مره ثانيه
اني اناني جدا اناني من أحب
الشي الي احبه مااحب اي احد يشاركني بي
ليش كل هذا ليش متعب نفسي
وهيه كالت بوجهي مااريدك ليش ماعفتها تواجه مصيرها وحدها واقطع علاقتي بيها نهائي
اصلا ليش اني جاي اوصلها كل يوم وارجع ارجعها للبيت
بس لان خالتي طلبت مني
لو لان اني اريد التقي بيها كل يوم
واشوفها واحجي وياها عقيل لا تغالط نفسك
انت بعدك تحبها
ولهذا السبب سويت ثوره عليها وعلى احمد
حتى بس ترجعلك
انفتح باب السياره ودخلت
عقيل...هااا ماطولتي
ريام...مااشوف عيوني يدمعن ماكدرت اجاوب
عقيل...اجلتي الامتحان
ريام...اي أجلته اصلا المدرسات بقن يحجن عليه
من شافني هيج
عقيل...يله نطلع للمستشفى اذا اكو دكتور عيون يشوفج
طلعنا للمستشفى لكينا حجز على دكتور العيون
حجزت بعدين وكفت بصف البنيه الي تكطع
باصات
عقيل....من رخصتج طلعتها من الامتحان شوفي عيونها شلون يدمعن ممكن ادخليها
حتى الحك اجيب علاج بلكت عيونها اصير زينه
وتكدر باجر تمتحن
...بس هاي الناس جايه قبلكم
عقيل...بس حالتنا حرجه ااكثر منهم بعدين احتمال
فايروس وينتشر بين المرضى
خل ندخل حتى نطلع بسرعه
لو اكو دكتور عيون هسه موجود جان اخذتها على حسابي
بس العيادة الصبح ما تفتح ابوابها
...دقيقه هسه ادخلها
عقيل...شكرا وبتسمت الها
رجعت على ريام اجيبلج مي
ريام...لا مو عطشانه شنو حجيت وياها شنو يضحك
عقيل....كتلها فايروس خطير وراح تعدي كل المراجعين هنا
بسرعه خل ندخل
ريام...وانت شمعرفك بي فايروس
عقيل....حتى ندخل بسرعه مابيهن شي عويناتج
يخبلن
ريام...انت تكسر وتجبر
ساعه فايروس ساعه حلوات
وعندك تضحك الها
عقيل.... اني ضحكت مااذكر
اشرتلنا الممرضه تعالو
عقيل...يله بسرعه خل ندخل
دخلنا الدكتور فحصها كال لا مو فايروس
هذا نوع من الحساسيه
سئلها اذا قبل صايره وياها هاي الحاله
ريام...لا اول مره
سجل النا قطرات وعصاره وصابون ركي
وتمتنع عن العطور كم يوم وعن الاكل الحار
رحت للصيدليه الي بلمستشفى مابيها بس العصاره
صعدنا بلسياره ورحت للسوك ادور صيدليه مفتحه
لكيت وحده اشتريت العلاج
ورجعنا للبيت
لكيت خالتي واكفه بلباب
بس نزلنا كالت اتاخرتو اليوم
ريام... رحنا للمستشفى علمود عيوني ورحنا اشترينا علاج من السوك
خالتي.. ياااخاله عقيل تعبناك ويانا
عقيل... خاله ممنوع اكل حار وخليها تنام
والعلاج مهم
خالتي. الف رحمه على والديك
عقيل... هذا العلاج
جمانه السعيدي
دخلت بيتنا اكلت ونمت العصر طلعت
حصلت كروه قريب على بيت احمد برأس شارعهم
اخذني الفضول اشوف شصار بعد ما وصل الضرف البيت احمد
دخلت بلشارع شفتهم مطلعين غراضهم بلشارع
ااكو محل مفتح قريب عليهم
نزلت من السياره
عقيل... السلام عليكم
ابو المحل عليكم السلام
عقيل... من رخصتك ماكو بيت للايجار
ابو المحل... بهذا الشارع ماكووو
عقيل... هذا البيت الي مطلعين غراضهم مااياجرون بيتهم
ابو المحل... لا يردون يبيعونه
عقيل. ليش ياستار مبينين فقره وعلى كد حالهم
ابو المحل....وكعت عليهم مصيبه خطيه
ابنهم تهدد بلقتل وقررو يشيلون منا
عقيل...ليش ابنهم شبي ليش اتهدد
ابو المحل...ولله مااعرف شو لا شخصيه سياسيه
ولا شخصيه دينيه
ولا منصب ولا فلوس واحد مطيرجي لا شغل ولا عمل
بعد الله اعلم ايجوز مسوي شي احنا ما نعرفه
عقيل. تمام شكرا الف شكر
صعدت سيارتي وطلعت
صح حسيت بلندم لان اهله شنو ذنبهم يتهجرون
بس بلحقيقه هما المسبب الرئيسي الهاي الأخلاق
الزفت لو مربينه تربيه صحيحه
مجان يضحك على بنات الناس
الله يغفرلي مجان قصدي اهله يعوفون بيتهم
توقعت هو يروح بغير محافظه
حتى نرتاح منه
استغفر الله اللهم اسئلك المغفره والرحمه
