رواية بين القبول والرفض الفصل السابع 7 بقلم جمانه السعيدي
عقيل.....صح اني كدرت اخلص هواي بنات من احمد
بس جاي احس بلذنب لان عائلته خافت بسبب هذا التهديد
بليل رحت اطمن على ريام
عقيل...شلون صارت ريام
علي....شبيها ريام
خالتي...عيونها حساسيه وعقيل اخذها للمستشفى
حتى الامتحان ماكدرت تمتحن ااجلته
عقيل...اخذت العلاج
خالتي...اي الحمد لله عيونها احسن غسلتهن بصابون الركي وعلى العلاج صارت احسن
عقيل...الحمد لله
علي...متعبينك ويانا
عقيل.....شغله بسيطه
ثاني يوم الصبح دكيت الباب طلعت خالتي
عقيل...هااا خاله تروح ريام للامتحان لو لا
خالتي....تكول ماكدرت اقرا زين امس بسبب عيوني
عقيل...اروح ااجل الامتحان
خالتي...اي ولله باريت
عقيل...سهله راح اروح ااجل الامتحان بس جيبلي
ورقة الدكتور الي كتب بيها العلاج
حتى انطيها للمديره علمود تأجل الامتحان
عقيل ...دخلت خالتي جابتلي الورقه رحت ااجلت الامتحان ورجعت
بليل رحت اطمن عليها سئلت خالتي لان هيه ما تطلع
كدام علي ولا تخلي يشوفها
من يوم المشكله لليوم
خالتي ...زينه اليوم جاي تقرا باجر انشاء الله اتروح تمتحن
عقيل...اليوم الي بعده طلعت الصبح بس دكيت الباب طلعت عليه
ريام....صباح الخير
عقيل...صباح الخير شلون صرتي
ريام...الحمد لله احسن من اخلي العلاج حيل يوجعني
توقعت راح اعمى
عقيل....حتلو تعمين اني ادليج
ريام...ياستار هذا شلون فال من الصبح
عقيل...اني لو انتي انتي تكولين مو اني يله اصعدي
راح الوكت
ريام....يله محتاجه أقلام واوراق علمود القرايه
واريد دفتر ملاحظات لان دفتري انملى على الاخر
عقيل...من نطلع من الامتحان اخذج للمكتبه
ريام...اي تمام
نزلتها باب المدرسه وطلعت اخذتلي كروه وبعدين ولد أجرني للسوك
وواحد دز بيد غراض رجعت عليها لكيتها واكفه باب المدرسه جمانه السعيدي
دكيت هوررن
اجت تمسي بسرعه
ريام...اتاخرت عليه اجيت ارجع وحدي
عقيل....لو جاي هنا وانتي ماكووو
غير اتخبل ممنوع تطلعين وحدج هذا كان اتفاقنا من البدايه
ريام....صار ربع ساعه منتظره
عقيل...ماصار شي عندي كم شغله خلصتهن واجيت
يله نروح للمكتبه
ريام...خاف تتاخر
عقيل...ماعندي شي
وصلنا للمكتبه افترت شويه وأخذت الشغلات الي محتاجتهن طلعت فلوسها
خزرتها بقت واكفه تباوع عليه
عقيل....شوف ذني شكد الحساب
تفضل
ريام...ليش اني عندي فلوس
عقيل...مادام طالعه وياي لا اطلعين فلوس
اجينا نطلع بلباب مجموعة شباب لا كونا
رجعت صارت وراي ااني اشرلتهم بايدي دقيقه خل نطلع قبلكم
طلعت وهي طلعت تمشي وراي مدنكه راسها بلكاع
صعدنا ورجعتها للبيت
بهذا اليوم تحديدا علي تعارك ويا زوجته
امها جابتلها محبس ذهب تريدها تشتري بحيث غاسله عقلها غسل مااكده عليها تاخذ فلوسه من علي
من رجع علي للبيت
ام حسين...امي جابت هذا المحبس اليوم عجبني اربد اشتري
ابو حسين.....شكد سعره
ام حسين...٣٥٠ الف
ابو حسين.....ماعندي حاليا هيج مبلغ رجعي
راس الشهر انطيج خمسين وكل راس شهر انطيج ٥٠
واذا الله رزقني انطيج اكثر جمعي واشتري
ام حسين...يعني شنو ارجعه وابقى انتظر سبع اشهر
ابو حسين....اي ماعندي امس انطيت امي ١٥٠ تتسوك للبيت
كم يوم اجمع وانطيج
ام حسين...واني شنو علاقتي بمصرف البيت
هذا المحبس مراح ارجعه دبر نفسك اني اريده
ابو حسين....انتي شنو تعاندين كتلج رجعي ماعندي فلوس
ام حسين...عاجبني ماارجعه
حتى امي تكول ثكيل وحلو
ابو حسين...واني امشي بشور امج
كتلج ماعندي هيج مبلغ رجعي
ام حسين...اتقرض من عقيل واشتري وبعدين سدد
عقيل
ابو حسين ...انت شنو حيوانه ما تفتهمين تردين اروح اتقرض علمود تشترين محبس
ام حسين.. انت كلشي اكول علي تكول لا
ماطلعت عيشه هاي
امك واختك شيكولن حاضر هاجن
واني كلشي لا
ابو حسين...هااا فوكها تتطاولين على امي واختي
طفر عليها وضربها ترحين فدوه الامي واختي
حيوانه انتي لا فهم ولا علم
ام حسين...هااا اختك ام الولد تفتهم احسن مني
بعدها ما كملت كلامها نزل عليها ضرب بكل قوته
خالتي تريد تخلصها من ايده ماكووو
حتى ريام طلعت من غرفتها ودخلت بينهم
موتها تموت بعدين طلعها بلشارع وطبك الباب
عقيل...كاعدين اني وامي سمعت صوت حجي وصياح
طلعت اشوف شكووووو اتكسرت الباب
فتحته لكيت ام حسين مكتوله كتله غسل ولبس
عقيل.. ياستار شكووو
ام حسين.. ابن عمك الشفيه ضربني لان كتله اريد محبس
قابل النسوان احسن مني
صدك رضينا بلبين والبين مارضى بينا
اريدك اتروح اجيب ابني اني بعد ماارجعله مستحيل ارجع
الواحد ارعن مثل هذا اذا ماا اخلي خواني ياادبونه
مااسمى باسمي
عقيل.. ادخلي جوه يم امي بين ماروح وارجع
عبرت على بيت عمي جمانه السعيدي
عقيل....شكو خير
علي...بعد مااريدها ترد الكلمه عليه بعشره
بعد مااكدر اتحملها
عقيل....كاعده بيتنا تريد ابنها
علي...خليها تولي
عقيل....ترا بعد زغير خليها تاخذه وين تروح يومين وترجع
طبعا حسوني يبجي شايلته بيبته ويبجي
اخذته منها وطلعت رجعت البيتنا
بس شاف امه حضنها
ام حسين...اريد اروح الاهلي اذا ما اخليهم يندمونه
امي....سمي بلرحمن يايمه لحظة عصبيه
ام حسين...لا هو هذا اسلوبه وياي من يوم ازوجنا لليوم
ماعشت يوم واحد راحه ويااا
بعد ماارجعله اله اخلي اخوتي ياخذون حقي منه
امي....ترا المره مالها اله زوجها وبيتها العني الشيطان
واكعدي واني اخلي يجي يعتذر منج
عليمن تعاركتو ياستار
ام حسين...مااكدر ابقى اذا مااخوتي ياخذوني حقي منه
اليله اكتل نفسي
عقيل...اوصلج البيت اهلج
ام حسين...اي ولله
عقيل وصلتها بيت اهلها مجرد ما دخلت من الباب
كامت تصرخ بصوت عالي
عبالك ميت عدهم ميت
تصرخ ونكول الحكو عليه
اني شغلت السياره وطلعت بسرعه مبينه ماناويه اجيبها البر
وصلت للبيت دخلت بيت عمي
عقيل.. ليش هيج على كيفك ليش هاي العصبيه
الخاطر ابنك
علي...ما تفتهم تريد تمشيني بكيفها
شكد علمتها مايفيد الكلام وياها خليها بيت اهلها
اذا مااخليها تتوسل بس ترجع
اني مو علي تعبتني حيا تعبتني
احجي وياها اجيبها بلسياسه مايفيد بيها
مو عقل براسها قندره قديمه
عقيل ...عفته ورجعت البيتنا سبحت ودخلت انام
بس تمددت وتغطية سمعت صوت اطلاق نار قوي
ياستار ياربي سمعت صوت عياط
نزلت من الجربايه لبست دشداشتي وطلعت
لكيت علي غركان بدمه بلباب
وخالتي حاضنته وتعيط وريام واكفه مصدومه من الموقف
دنكت علي احركها ما يتحرك
عقيل.. علي علي اخوي شبيك احجي وياي
علي كمت أصبح بصوت عالي علي علي
حاجيني علي
خالتي مستمره تعيط وريام واكفه ما تحجي
وعلي مايرد عليه
كمت اصيح الحكو علبنا ياناس
الشارع فارغ طلعو كم واحد على صوت الطلق
كمت اركض بدون وعي اريد اطلع سيارتي من البيت
كلشي ضاع عليه
مااندل دربي امشي واصيح لا علي
لا دخيلك لا لا تعوفني علي الله يخليك لا
امي طلعت شافت المنظر كامت تعيط بصوت عالي
طلعت السياره حضنته بكل قوتي صعدت للسياره
امي وخالتي صعدت وياي
شغلت السياره
كمت مااندل دربي اريد اشغل الايتات الاماميه شغلت الماسحه
اسوق واصيح علي لا علي الله يخليك
لا تعوفني انت اخوي شلون تعوفني
ولك ماعندي غيرك علي انت قوي اني اعرفك
معقوله رصاصه تسكتك
ولك حاحيني كمت اضرب على جهي قوي
بلكت يطلع حلم
عقيل...علي علي علي
وصلت للمستشفى اريد اطلعه من السياره مااكدر
ولكم حيلي باد كمت مااكدر
خالتي وامي شالنه وياي
كمت اصرخ علي علي
دخلته للمستشفى الممرضين اجو ساعدوني علي
دخلته للطوارئ خلينا على السديه
بغرفة الدكتور دشداشتي كلها دم
وحالتي حاله
بس فحصه الدكتور كال هذا ميت
خالتي مجرد ما سمعت كلمة ميت وكعت من طولها
اباوع على الدكتور اريد استوعب كلامه
امي والممرضات اخذو خالتي الغرفة الطوارء الثانيه
عقيل...دكتور انت ما فحصته دكتور وين الجهاز الكهربائي
هذا علي انت ما تعرفه
علي قوي مستحيل يموت من طلقه لو ثنيبن
دكتور فدوه اروحلك شوفه مره ثانيه
اذا محتاج دم اخذ دمي كله
حتلو تردون كلى اخذو كليتي فدوه دكتور
الله يخليك
هذا اخوي ماعندي اخو غيره
الدكتور .استغفر الله اصلا انت جبته ميت
الله يرحمه
كعدت بلكاع وكمت اللطم على راسي
اخوي مات اخوي مات اخوي مات
بقيت وحدي ماعندي اهل ولا اخوووو
علي عافني اخوي الي جنت استند علي مات
منيين اجيب اخو بعدك ليش هيج كلكم عفتوني
مااتحمل الفراك
روحي ما تحمل فراكم ليش عفتوني وحدي
كل الي بلمستشفى مكابليني ويبجون
اتصلو بلشرطه اجت تحقق ويانا منو قتل علي
وليش انقتل
مااكدر احجي لان ماعرف منو قتله
بقه الضابط يلح عليه
عقيل...ماعندي اي معلومه غير علي اليوم اتعارك ويا زوجته
من طلعت من البيت هددته بخوانها
الشرطه...يعني تتهم زوجته
عقيل...اني ماشفت شي بس الي اعرفه
زوجته هددت بقتلى
بدت الشرطه تحقق والدكاترة بدو بتشريح الجثه
حتى يتأكدون من أسباب الوفاة
بقيت كاعد بمكاني وابجي
مامصدك علي عافني وراح اني بقيت وحدي
بهاي الدنيا لا اخو ولا سند
ليش هيج ماعندي القوه اتحمل هذا البعد
شلون بيه
منيين اجتني هاي المصيبه
راحت قوة البيت اهل زوجت علي
بعد التحقيق اخوها الزغير عمره عشرين سنه طلع بعد مادخلت للبيت
تشكي من علي
طلع وهو يتهدد على علي وبعد مارجع الهاي اللحظه
الشرطه اعتبرو ام حسين محرضه على الجريمه
اخذوها للسجن بين ما تكمل التحقيقات
الحد ما يتأكدون منو القاتل
بلمستشفى احتفضوا بلجثه الحد ما تكمل تحقيقات الشرطه
ريام اجت ورانا للمستشفى
هلكد ما مصدومه بس تحرك عيونها
خالتي ضربتها جلطه وحالتها حرجه
تعال ياعقيل اتحمل كل هاي المصايب
ولله مااكدر فراك علي كافي عليه يهد حيلي
استغفر الله
لو اني ميت ولا علي
مجاي اصدك علي عافني بهاي السهوله
وتخلى عني
