رواية بين القبول والرفض الفصل الثامن 8 بقلم جمانه السعيدي
عقيل..... من اكول الدنيا صارت سوده بوجهي
قليل على الشي الي صار وياي اخوي مات علي عافي
وراح
عاف كومة نسوان بركبتي
شلون راح اكدر اشيل هذا الحمل وحدي
شلون راح اكدر اتحمل البعد والفراك
شنو الي المه كلشي اطشر بلحظه
صعب عليه اكدر اتحمل كلشي صار وياي
خليت امي وريام ويا خالتي
بلطوارء
وبقيت يم علي علي بعده بلمستشفى خلو بثلاجة الموتى
الحد ما يكمل التحقيق
حرت وين اروح ووين انطي وجهي
اريد واحد يدليني اني مااكدر على هيج صدمه
بعده علي يمي واحس نفسي تايه
ليش هيج ياخويه ليش تعوفني ولك مااكدر وحدي
اذا بعدك تسمعني رد عليه
علي...ابقى يمك لو اروح يم خالتي
لو ادفنك واسوي عزا اشيل هاي المسؤليه وحدي
لو تجي وياي علي ابو الوكفات الحلوه السبع
شلون اخذك الموت مني
حاجيني اني دائما اذا اريد اسوي شي اسئلك
انت تعرفني وتفهمني بسرعه
ولك مااكدر وحدي اكعد حاجيني علمني شسوي
منيين ابدي وشلون اتصرف
كل عمري ااكول اني شاطر واعرف اتصرف
محد يكدر يغلبني محد يكدر عليه
بس اليوم احس نفسي كلشي مااعرف ومااعرف شلون اتصرف محتاجك اريدك تكلي شسوي
ووين اروح علي امك امك راح تموت وراك
من كد القهر
انت صدك بعد ما ترجع راح اتخبل من وراك
مامصدك اني هنت عليك بهاي البساطه
ردتك تكون حاضر بعرسي وتهوسلي اخونا خوش اخو يستاهل الهوسه جهالي تشيلهم لان انت عمهم
نربيهم اني وياك مثل ما عمي ربنا زغار سوه
راح ابقى احجيلهم عنك وعن غيرتك وعن خوتك
الماكو مثلها
ياناس قدرو حالتي مااعرف اتصرف اني ضعت
جمانه السعيدي
خلص هذا النهار بلمستشفى
على اخر النهار الضابط اجا للمستشفى كال القاتل سلم نفسه
خالد القاتل سلم نفسه لمن سمع اخته دخلت للسجن
اعترف على نفسه وبرئ اخته
الضابط...ليش قتلت علي عندك ويا عداوه قديمه
خالد....دائما يضرب اختي وتجي تشكي منه
الضابط....ليش ما طلكتها منه
خالد....عدها طفل زغير
الضابط...بس انت هسه يتمت هذا الطفل
خالد...لحظة عصبيه
الضابط...لحظة عصبيه تقتل شخص
خالد...من شفتها تعيط ومنهاره وعلامات الضرب على جسمها ماكدرت اسيطر على نفسي
الضابط...جان لزمته وضربته مثل ما ضربها
مو تقتله خلاص
هل اختك حضرتك على القتل
خالد...لا اختي مالها دخل
اني الي قررت اقتله واخلصها منه
الضابط...اي وهسه شستفاديت راح تكعد بلسجن طول عمرك من غير الفصل وهاي الدوخه الي ما تخلص
جان طلكتها منه وريحت نفسك وريحتها
خالد....اني ندمان لحظة عصبيه وماكدرت اتحكم بنفسي
الضابط....شلون قتلته
.خالد....عدنا سلاح اخذته ورحت عليهم البيتهم
دكيت الباب طلع عليه طلعت المسدس وقتلته
الضابط...تعرف امه ضربتها جلطه ويمكن تموت بسبك
وتكون قتلت ثنيين مو واحد
وابنه الي راح يعيش يتيم طول عمره بسببك
خالد... الشيطان سيطر عليه ماجنت مقدر الشي الي راح يصير
الضابط....شنو ما مقدر انت ماخذ السلاح ورايح تقتله
شنو ما مقدر
يله وقع على اقوالك اخذو للسجن
وجيبو اخته
جابو ام حسين
الضابط...اخوج سلم نفسه واعترف هو القاتل
انتي الي حرضتي على القتل
ام حسين... اني جنت منهاره وضايجه حتى مااذكر شنو حجيت بذيج اللحظه
جنت اتمنى يموت علي واخلص منه
بس مجرد كلام ما توقعت يموت صدك
الضابط... كل المصايب بسببج اخوج احتمال ينعدم لو سجن مؤبد ضيعتي بسبب تهورج وغبائج
ابنج يتيم انت شنو من عقل عندج
ام حسين....شسوي جنت مقهوره
الضابط...مقهوره دهرتي العالم دهيره الرجال مات
وأمه انجلطت وابن عمه يريد يتخبل علي
عساها بحظج وبختج انت شيطان مو مره
جمانه السعيدي
عقيل...اجا الضابط للمستشفى
الضابط...المجرم سلم نفسه واعترف وزوجت علي
اطلقنا سراحها
تكدرون تكملون اجراءاتكم ودفنون المرحوم
عقيل...شلون تعوفوها
الضابط....ماثبت عليها شي اخوها يكول مو هيه الي حرضتني على القتل اني قتلته بدون دافع منها
عقيل....لو تقتلونه الف مره كدامي مايبرد كلبي
واذا انسجن واذا عدمتو علي بعد مايرجع
علي الهيبه يكتله وواحد مثل هذا
مع الاسف
الضابط...الله يرحمه
عقيل...بعد مااعترف خالد اجو اهله اخذو عطوه من شيخ عشيرتنا
كملت إجراءات المستشفى وطلعت للنجف
ولله حريمه علي يموت حريمه علي يصير جوه التراب
من شفتهم يخلون التراب علي
صحت بصوت عالي طالع من كلبي
علي علي ااكول بلكت بعد بي نفس ويحاجيني
بلكت من يسمع صوتي يرد عليه
الكل صاحو مايصير هيج ادعيله بلرحمه
عقيل.... الاخو لو راح اخوه يعيش مكسور
يخويه يابعد العافيه مو مالت كبير
ولك علي شلي بدنياي لو غرب عضيدي
هذا الجان من اوكع تجيتي
بعد مو مال اعيش هذا حدي اخوي ومات اضل جا شعندي
صدكوني ماكدر اوكف على طولي
الولد لزموني منا ومنا حتى اكدر اوكف
كالو امشي ولا تلتفت على الكبر مايصير تلتفت
مااكدر اريد اخوي يكعد يروح وياي
رجعنا نصبنا الفاتحه
كاعد على الكرسي احس رجليه ماتن
مااكدر اوكف على حيلي
اسلم على الناس واني كاعد
ماسويت عز نسوان خالتي محتاجه هدوء مو مال عياط
وحزن
خلصت ايام الفاتحه كعدنا اني وامي بيت عمي
خالتي حالتها مااطمن
مجاي يصير عدها تحسن
عايشه على السوئل وريام .دموعها مانشفت ابد
عقيل....لا تبجين اسكتي خالتي جاي تحس بيج
صيري قويه حتى خالتي تتحسن حالتها
ريام... مااكدر علي مات وهو زعلان مني
اني ضوجته اني حركت كلبه ولله مجان قصدي
ماجنت اعرف غبيه ماافتهم
عقيل...ادعيله بلمغفره
ريام.....مااكدر اجاوز احساسي بلذنب
شلون اني جان عندي اخ مثل علي وجنت ضايجه منه
شلون قهرته شلون ايام واني عازله نفسي عنه وما احجي وياا
لو ادري راح يعوفني جان كعدت جوه رجلي
اتوسل حتى يسامحني
جمانه السعيدي
عقيل.....لو كلنا دمرتنا الو
اني اني الصوج بيه سمعتها وهيه تتهدد علي
وتحلف بخوانها ليش عفته ليش رحت بيتنا
مابقيت هنا ويااا
شلون آمنت وعفته وحده
ولله لو احرك بيتهم عليهم مايبرد كلبي
لو اكتلهم واحد واحد ماارتاح كله بسبي
ريام...اريدك تاخذني العلي اريد اطلب منه يسامحني
راح ضايج ومقهور مني عقيل علي يقبل يسامحني
عقيل....الله يرحمه صح جان عصبي بس كلبه طيب
ريام....اريد احجي ويا حتى يبرد كلبي
عقيل... بس خالتي اصير احسن اخذج
ريام....اخاف امي هم تعوفني
عقيل....لا اسم الله ليش تكولين هيج هسه اصير احسن
ريام....اكو حسره بكلبي شكبرها
عقيل....ريام اسكتي بعد ماعندي قابليه اتحمل ااكثر
ريام...جاي توصيني اصير قويه
وانت من الكلام تعبت
عقيل.....اني من يوم .دفنت علي ماتت روحي وياا
الي كدامج هسه جسم بلا روح
ريام....الله يقوينا على هذا المصاب
عقؤل......شكو عندي فلوس صرفتها على علاج خالتي
بين علاج.طبيعي وبين ادويه
اني وامي وريام كاعدين يمها كعده
مااريد شي بس اريدها اصير زينه بعد ما عندي قابليه
افقد اي احد
كافي عليه علي
العطوه الي اخذوها اهل خالد ٣ اشهر
خلصت المده
واجا يوم الكعده
نصبو مضيف يم شيخ محايد لا شيخ عشيرتنا ولا شيخ عشيرتهم
الشخص الي ادخل وأخذ عطوه بعد ما انقتل علي
بس دخلت للمضيف وسلمت عليهم
سلمت بس على الزلم الي اجت تفض المشكله اهل خالد ما سلمت عليهم
عقيل...من رخصتكم اني اريد احجي
كالو تفضل نسمع منك
عقيل....اني عندي ٣ شروط بغيرها مااقبل
اولا ابن علي اني اربي مااريد وحده مثل امه
تربي ويكبر يمها
شتعلمه على الحقد لو على الغباء لو على الانانيه
اني اتكفل بي
وثاني شي تدفعون الفصل كامل بدون ما ينقص الف
هذا حق امه المريضه واخته
وثالث شرط اني مراح اتنازل عن خالد
حتلو حكمو علي إعدام ماكو اي تنازل
اذا ما قبلتو بشروط مراح تخلصون مني
اني ما بقى عندي شي اخاف علي
ولله اكعدالكم كعده كل يوم اقتل واحد
ولو اقلكم كلكم مايبرد كلبي
لان ولا واحد بيكم يسوه اضفر علي
هذا الكلام الي عندي
موافقين اهلا وسهلا
ماموافقين افتح عليكم حرب ما تخلص
بعد ١٠٠ سنه
واني زلمه كول وفعل وسئلو عني
لا تكولون وحيد لا اني واحد بس عدال جيش كامل
انتم كتلتو اخوي
واني اخوي ماابدله بالف زلمه
هاي شروطي تردون تقبلون تردون ما تقبلون بكيفكم
عقيل...شكد حالو يأثرون عليه اتنازل عن خالد حتى يطلع
كتلهم بس يطلع حتلو دافعين الفصل اكتله
اكتله بلشارع مثل ما كتل اخوي بلشارع
وكل ديه مالكم يمي
هاي اني حذرتكم
شكد دخلو ناس شكد حاولو وياي قفلت عليهم قفل
اخير شي من شافوني شاد سنوني عليهم وافقو بكل شروطي
بقا بس حسين ابن علي
اني مصمم اخذه يعيش بينا مستحيل اعوفه الهاي تربي
مابقى من علي بس هلطفل واريد اني اربي واتعب علي
حتى يطلع سبع مثل ابو الله يرحمه
لو تعرفون شنو ردت فعل زوجت علي على شرطي اخذ ابنها اني اربي
تتفاجئون من ردها
انتظرونا .....
التاسع من هنا