رواية عرين الصياد الفصل الخامس 5 بقلم شذرة العدوان
اهلا بكم في مدونة مكتبة حواء نقرأ لكم ونكتب من اجلكم
من گتله ملامحك انثويه بارزه
اشو طگها بضحكه الا غص يضحك بعلو صوته والجگاره وگعت من اثمه وگفت ادحگله بغضب هاذ شبي يضحك ولا يگول بشر عدهم مصيبه
حيل ضجت منه ولگحت الفرش بعصبيه
گال والله مهره طلع حجيها مضبوط
ديالا:بنتر گتله علمود شنو
اهلا بكم في مدونة مكتبة حواء نقرأ لكم ونكتب من اجلكم
طلع جگاره ثانيه ورثها وداس الي وگعت برجله فعسها مسح شواربه گال مو شي
ديالا:تجاهلته هاذ مبين بطران واني مالي خلگ
ليال:كملنه الفرش ظلن المدات درجناهن وما گدرنه نشيلهن حيل ثگال
كريمه گالت خن انادي ماجد يساعدنه
ليال: لا لا دخيلج عود انادي سنان يعاوني
كريمه: لا ماجد يزعل اذا انادي احد وهو موجود
ليال:عافتني وطلعت تنادي علوا ما يجي
ديالا:همزين خلصن سؤلاته وراح يتمشه
تانفض براحتي شفت كريمه نادته وراح وياهه
ليال:گعدت عالكرسي فحانه گلبي يطرد من التعب عبن سحلت المدات وما گدرت
فات ماجد يمشي ويدحگ عليه وگفت
گال هاذ شون لافاتهن مطلعاتله صرامه منا ومنا
ليال:گتله احنه راح نفتحهن برا يتشمسن ونرجعهن
گال ادري ادري دحگ على دشداشته گال على حظي اليوم تصيرين لوحه
----همزين شفت شغلات تستاهل التعب ودشداشتي تتوصخ ويدحگ عليه مدري شيحجي
شال وحده عبالك ريشه بأيده وطلعها
ديالا:انفتح الباب التفتت اشوف منو
اخيراً اجت أمي صبره تمشي جنها گلانديزر والعبايه مالتها صايره رايه وراهه والملفع ناصل
گالت اويلي منك عماد ابو المشاكل
اويلي منك جان انكتلو اليوم حميد ومحمد من وراك ااخ منك يالطماع
على جم فلس جان راحو ولدي
وگعدت بالگاع تصيح يبوو جان انصگعنه اليوم وتصيح وتگلي امشي ولي جيبيلي مي اخت عميدان يبس ريجي وتشيل ملفعها تمسح وجهه وتصفگ على رجلها
ديالا:ظليت صافنه ادحگ عليها
وجان تأشر بيدها شبيج مطرشه امشي ولي جيبيلي مي
ديالا: گلتلها شبيج يمه شنهي فلوس وشنو رادو ولدج ينكتلون
تگلي ولمه تلمج وتكسر ضلوعج كون اي اخوج الحرامي الطماع اكل حگ الزلمه ومن اجه طالب بي نكر وكاونه وتالي الزلمه
بعدها ما كملت الحجايه ناداها ماجد خاله خاله ذب المده واجه يمشي سريع
ديالا: صبره صدت على ماجد وهيه تلهث ها يبعد خالتك دنگ عليها وجان تلزمه تبوس وشحالك وصحتك وامورك مسح وجهه بجفيه
وگرمز يمها ولزم ايدها گاللها زين خاله انتي شونج امورج ان شاء الله بخير
گالتله اوف يخاله منين يجينه الخير اذا عماد
قاطعها گاللها امي هين ورافده هم
گالتله هين امك هم اجت
گاللها اي
گالت ها خوش هلا بيكم
گاللها اجاني خبر گالو عماد زين الحمد لله لا يظل بالكم اترخص خاله وطبطب على جتفها
ورجع تا يجيب مدات انوب
من راح وجان تصفگ بأديها تگول اي يابه اي عجل العار يموت ما يصيبه شي
ديالا: اني اعصابي تلفانه من غير شي وبس اريدلي حجه صحت بيها ادري متخافين الله هاذ مو حسبة ابنج انتي شنو من بشر شفرق عماد عن حميد ومحمد مو كلهم اخوه تروحين فدوه ونذر لرجلين العمده
وجان تگوم صار بيها الحيل وتجي وتلزمني من حنوكي وتسد اثمي وتضرب بيه
راشديات على وجهي
اديها ثخان ولازمه حنوكي بيد وتضرب بأيد كاتمه صوتي مگدر اصرخ
ملختني تملخ ضربات قويه وسريعه بدون رحمه فقدت اريد الخلاص مگدر
لزمت ايدها وخرتهامن اثمي وجان اعضها
نبتت سنوني بيها من حلاة روحي
وخرت ايدها گامت تصرخ وترجع تسحلني من شعري ودفر بيه وگمت اصرخ بعلو حسي
ليال:اجه ماجد تايشيل المدات انوب مدري شون يشوف دربه من گد ما يدحگ عليه مركز ونظراته توترني عبالك يهددني من سمعنه نحجي
احاول تجاهله واصد عنه
وجان نسمع صياح ديالا طلعنه ركض
ونشوف صبره لازمه ديالا وتضرب بيها
ماجد بخطوتين وصلها
ديالا:صبره شالتني من شعري و تضرب
بكل راشدي اطير نص وجهي
هيه بگد الفيل من الضخامه اضخم من ابويه
اهلا بكم في مدونة مكتبة حواء نقرأ لكم ونكتب من اجلكم
صرت لعبه بين اديها
اجه ماجد ركض شالها شيل وخرها مني واني وگعت بالگاع واثمي ينزف دم
ليال:ماجد وصل قبلنه وفك ديالا بس بتالي روح مخليتها ولازم صبره وهاي تفشر وتغلط
اني وكريمه شلنه ديالا اثمها يطلع دم من شفتها گمت اصرخ حطيتها بحضني وابجي فوگاها
أجت مهره هيه ورافده وكل الي جوه طلعو
مهره من شافت حالة ديالا تخبلت صكت سنونها وتحجي بنفعال تگاضبت هيه وامها
تگللها هاي ليييش ضربتيها لييش
وصبره تگللها تستاهل گح** السانها متر طلعته عليه بنت معاضد والله لربيجن والله
هدني ماجد هدني ذني عايبات
ومستمره تغلط وتريد تفلت من ماجد وترجع تضربنه وتهدد علينه
ومهره تردلها السالفه عشره انفعلت وجهه صار دم الگاع مجاي تسعها تمشي هين وهين ومنفعله
ومدها تضرب امها بس متگدر
اول مره اشوف مهره بهل عصبيه
تخبلت گالت الصبره
اذا ما اخليييي ابويه يتوبج ما تمدين ايدج على بنيه بعد بسيطه بس خلي يجي وتأشر بأيدها بحركة التهديد وصاكه سنونها
وصبره تگول لماجد هدني تخسه والله هدني خن اربي هاي البايره الساقطه ام السان ام عيون من شكل صايره مره هدونييي
ماجد شد على شفايفه ويهز براسه خجل وستحه من الفشار الي گالته صبره بحق مهره ما ينلبس علي ثوب
ويگللها كافي خاله رحمه لربج كاااافي
هاي كل مره هيج صبره تعير مهره بعيونها والبايره وتفشر وتغلط
مهره: فشري شگد ما تريدين فشري وعيريني
يجي ابويه ويصير خير
تذكرين من ضربتيني راشدي شسوه بيج
خلاج توسلين هاذ وذاك.تا يرجعج مو انوب يجي يشوفج مشوهه غاليته ديالا
شون گلبج انطاج تضربينها وابويه يخاف عليهن حت من الهوا اذا تعلين صوتج عليهن يرزلج شيسوي اذا لگاج مصگطتها گليلييي شيسويييي
صبره: اي شون ما يخاف عليهن برابيج شو هدني ماجد هدني شبلاك جلبت
مهره : بدال ما تفشرين شوفيلج حل تفكين نفسج من ابويه بس يجي
صبره: اذا ما ادبج واعيد تربيتج ام ال****
مهره: يجي الدرويش ونشوف منو يأدب منو
صبره:ول ماجد بس هدنيييي لخاطر الله خن اربي هاي الي صايره زلمه ولابسه شماغ البايره الي وغفت على گلبي
مهره:اظل بايره طول عمري ولا اخلي الي بالج يصير
ليال: مهره وصبره مستمرات وحده تناوش وحده
وجان تگول شكحه عيب يمهره شهل حجي ويه امج هاي گدامنه هيج شون ورانه
مهره التفتتلها وگالتلها خاله رجاءً انتي خليج خارج الموضوع لا تدخلين
صبره: ول شكحه لا تدخلين عوفي مهره العاق تغلط،على امها عوفيها ما تعرفين عداوتها ويايه شنهي عبن ما خليتها على ميها ام الزلم
ماجد: عيب يا خاله شجاج لخاطر الله اكو وحده تحجي هيج على بنتها
شهل حجي هاي عود انتي الجبيره
وانوب برا هسع العرب كلها سمعتج
والله عيب تره مهره خوش مهره يا خاله لخاطري اسكتي
وانتي مهره كافي اسكتي ميخالف امها وضربتها ويعض شفته لمهره يريدها تسكت
مهره : جاوبته لا مو امها ولا أمي حت ابليس ما
يتمنى هيج ام اسكت ماجد الله عليك
انته ما تدري شكو ما تدري أمي تغرگك بالشط وتجيبك عطشان يابس ريجك
علوا تاخذها جوه من تظل گدامي ما تدري شسوي
ليال: ماجد تعصب وعاط مهرررره شهل حجي عاد هاي امج وخالتي ما اسمحلج تره لا تجاوزين حدودج
ومهره بكل برود ردتله ياريتني بدون ام يا ماجد مستمره تحجي وجان تلزمها شكحه
وتضربها راشدي وتگلها عايبه شون تحجين هيج على امج متلام بيج صبره عود جنت استخطيج
وصبره تگللها اي بعد ايدي شكحه ضربيها ربيت وتعبت وشوفي شون تجازيني بنت بطني
ليال: مهره ظلت واگفه وحاطه ايدها على خدها
وماجد تخبل من شاف امه ضربت مهره
اهلا بكم في مدونة مكتبة حواء نقرأ لكم ونكتب من اجلكم
عاط بيها يمااااا هد صبره وجان يجر امه من ايدها گاللها امشو عالبيت
وشكحه تجر بي تگله شجاك بس خن البس عباتي
گاللها ما يحتاج وصلها الباب وناده رافده وكريمه گاللهن روحن وسد الباب وراهن ورجع يمشي سريع وبعصبيه
--وگف يم مهره گاللها امسحيها بوجهي بنت خالتي
-مهره-تجاهلته وجان تجي على ديالا تمسح بوجها
ليال: حاطه ديالا بحضني وابجي دموعي صب فوگاهه جفوني ثگلو من گد البجي من الصبح
مهره گعدت تك ركبه وصفنت بوجهي وگلتلي لا تبجين
ومسحت الدم من اثم ديالا بطارف الشماغ مالها گالتلها جعل الي ضرب هالوجه ايده بالكسر كون
صبره تخبلت بالزايد وهدت على مهره تا تضربها
ويلزمها ماجد الي جان واگف يدحگ عليه من ابجي ويدحگ على ديالا ويهز براسه
وصبره تگله تخسه يماجد ليش تجلب بيه
هيه تفلحط وماجد واگف بثبات وبهدوء يگللها كافي يا خالتي لخاطري عاد وجان يحضنها ويبوس راسها
ومهره ظلت على گعدتها ولا تحركت نادت هاجر جابت مي وغسلت وجهه ديالا وعاطت بيه گالت لياللل كافي تبجين عاد بس تريديلج حجه
ليال:مگدر اسكت اناشغ رفعت عيوني على ماجد حاضن صبره ويغمضلي عيونه يعني كافي تبجين
مسحت دموعي برداني
مهره غسلت وجه ديالا وشربتها مي وگفت وجان تلتفتت على امها وتحجي بعزم
گالتلها بصوت عالي وحاد ومركزه بعيونها يمااا
قسم بالله اذا بعد تمدين ايدج على بنيه لا تلومين الا نفسج
صبره فحطت تگوللها ام الشمايغ البايره انتي هم الج عين وتحجين
ماجد ضاج حيل گال لا اله الا الله رحمه لربجن كافي
مهره تجاهلته وجان تگول يماا
فوتي جوه وتكفي الشر لا اطلع سوالفج كلها واخلي ولدج يتبرون منج قسم بالله اولهم محمد
وتدرين بيه اسويها
وشددت على كلمة فوتي جوه احسلج
ليال: صبره سكتت وظلت فاتحه عيونها
وماجد گادها فوتها جوه وهيه تتلفت على مهره ومثل الخايفه
ديالا: ملختني صبره تملخ بالضرب
ادينها عبالك كرك
لوما يجي ماجد الا تموتني جوه ايدها
هاذ اليوم من بدايته نحس بلش بالمدرسه ومهدي ضربني وعماد تصوب وماجد سمعنه نحجي
وصبره ضربتني شراح يصير بعد اكثر
وجهي منمل واثمي انترس دم
الي برد گلبي هوه مهره
ما خلت وحجت اول مره تگف بوجهه امها
صبره جانت شگد ترزلها وتسكت ما تحجي اليوم طلعت مهره من صدگ
اجت عليه گعدتني وتلم بشعري
وجان تحضني خلت راسي بين ضلوعها
دگات گلبها هالگد ما سريعه جنها الطبل
ختنگت حضنتها وگمت ابجي
وطلعت عبرتي الي حابستها من الصبح لحد هساعه بجيت بكل جوارحي
بجيت بحضنها على كلشي
على عماد وعلى صبره وعلى موقفي المحرج گدام ماجد وانوب انضربت گدامه وصبره تفشر علينه
ليال: اول مره اشوف مهره بهل حنيه
جانت دوم ترزل بينه وجامده
مثل الرجال تلبس شماغ وتغطي عينها اليمين وحت من تحجي تختصر الكلام وما تحط عيونها بعيون احد لو تخلي ايدها على عينها وتحجي رغم هيه شگد حلوه
تزعل اذا احد دحگ عليها تتوتر وتگوم
ما تشارك بحديث وتجاوب بس من احد يسئلها واليوم طلعلنه جانب من مهره مدري شون اوصفه
ديالا:ضلينه حاضنين بعض ونبجي
شالت طارف شماغها مسحت دموعي
وجان تگول كافي
مهره:يالله گومن هسع اهنه يجون
عوفن الديوان وروحن جوه
وجان تحط اديها على وجهي وتبوسني
ليال: ولو الوقت مو مناسب
بس محد تصحله هيج فرصه من مهره
وخاف تنگلب وترجع مثل قبل
دنگت امسح بدموعي گتلها اني هم بوسيني
وجان تضحك والدمعه بعينها
باستني گالت يالله كافي ابتسمنه اني وديالا وفتنه جوه لفت انتباهي سنون مهره شگد حلوات وبيض اول مره اشوفها تضحك وسنونها تبين جانت ما تبتسم الا نادراً وبدون ما تفتح اثمها
ديالا:گوه امشي مكسرتني صبره تكسر عوذه هاي شون اخذها ابويه
ليال: شاورت ديالا واحنه نمشي ومهره گدامنه گتلها شفتي
ديالا : شنو
ليال:سنونها طلعن بيض يبرجن وماكو سن مكسور
ديالا:ليش من گالج سنونها سود ومكسرات
ليال:مو عبن ما شفتها تضحك عبالي سنها مكسور لو سود ومو حلوات
مهره:احم تره اسمعجن
اهلا بكم في مدونة مكتبة حواء نقرأ لكم ونكتب من اجلكم
ليال: احنه مو عليج
ديالا: مهره گالت فوتن بالحجره ولا تطلعن
مشينه واسمع ماجد بالهول يحجي ويه صبره ويعاتب بيها عبن ضربتني وتفشر على مهره
ردت اروح اتصنت وجان تشوفني مهره گالت هيي على حجرتج بساع
ليال:صارت ساعه 4 العصر وگلوبنه نار لا خبر وصلنه ولاشي ومهره فاتحه القرأن وتقرا ونوب تسبح وتدعي واحنه وياهه
وصبره هدوء عبن ماجد يمها
لحد المغرب وجان نسمع صوت السياره طلعنه ركض وحده تدفع بوحده تلاگينه ويه ماجد گال هيي ارجعن خاف وياهم زلم غربه
ديالا: ما جانه صبر الكل حت مهره گمنه اندحگ من الشبابيك
ماجد فتح باب السياج وفاتت سياره وحده
مال استاذ صائب
حدر منها والتاف فتح الباب الثاني حدر ابويه
گوه يمشي واستاذ صائب سانده وماجد اجه هم سنده ويا
ليال:ابويه مهدود حيله گوه يمشي وشاديله مغذي
حطيت ايدي على اثمي ونزلو دموعي
ديالا:فاتو جوه واحنه نقرا بوجوهم ونبلع برياگنه وناس ادحگ على ناس
استاذ صائب حط اصبعه على اثمه
يعني ولا كلمه ولا احد يسألني شي
ودو ابويه عالهول ونومو بس حط راسه عالمخده غفه وفاتح اثمه من التعب عبالك كبران عشر سنين
ماجد وگف يسويله المغذي ساحب دم
واستاذ صائب حالته حاله تعبان وگعد بالگاع ولازم راسه
ليال:مهره حطت ايدها على جتف استاذ صائب وبنظرة توسل هزتله راسها ودموعها نزلو
استاذ صائب دحگ عليها ورجع دنگ ويفرك بگصته ويستغفر گال خلو ابوكم يرتاح وجان نطلع بس ماجد ظل يم ابويه يسوي المغذي
ديالا: رحنه بالصاله استاذ صائب گعد عالكرويته ودنگ راسه ومخلي ادينه على گصته ويستغفر
مهره گالت لهاجر جيبي گلاص جاي
وراحت بساع تجيب جاي
اجت صبره گالت ها صائب شونك
رفع راسه وعيونه تعبانه وصوته تعبان گاللها هلا خاله
احنه كلنه جنه ملتمين داير مداير استاذ صائب ونريد نعرف شكو
ليال:اني ابجي صامت ولازمه ايد ديالا اعصر بيها وحتى ما اصرخ اعض ارادني واريد اسأل استاذ صائب شنو الي صار وشكو وعماد وين اخواني كلهم وين وابويه ليش هيج الف سؤال يدور عد الكل مو بس اني
خاصة أمل الي من الضهر ما نشفن دموعها
لحد ما وگفت گدامه وحلفته بروح جدهم
أمل:صائب بروح جدي احجيلي عماد وينه ليش ما جبتو مو گلت خدش بسيط برجله
ديالا:دحگ عليها ورجع دنگ يفرگ بگصته
جابتله هاجر الجاي لزم الگلاص ويحرك بالخاشوگه بضياع والدمعه لايجه بعينه وشاد على شفايفه
امل:أبن عمتي مو جاي احجي وياك لخاطر الله احجي
وگعدت بالگاع گامت تنحب وتبجي
طلع ماجد گال صائب ما تحجي يمعود
اني لحد هساعه مصدوم من گعدتني من النوم
اهلا بكم في مدونة مكتبة حواء نقرأ لكم ونكتب من اجلكم
حرام فلا فتهمت شي شون سبحت وبدلت وجيت مدري بروحي
گعد يم استاذ صائب وحط ايده على جتفه گاله احجي صائب شصار
ديالا:استاذ صائب يدحگ على ماجد بحيره ذب گلاص الجاي بالگاع
فرگ گصته وصفگ ادينه بأسف وعض على شفته حيل وهوه مدنگ گال ااااخ ااخ
ماشي احجيلكم بس صوت حس نفس ما اريد الدرويش تعبان وتهمني صحته اكثر من الكل
ليال:وگفنه بثبات الكل نستمع
صائب: طلعت من الحمام بعد الخاولي على رگبتي
ورحت بالطرمه انتظر الغده
وسمعت الهوسه
وگفت أركز الصوت من الحداده مال عماد
تمشيت على طارف الممشا اتصنت زين وحت النفس گطعته اريد اركز
توضحلي صوت حميد يتهدد ويحجي
الفضول ما تحملت عرفت تعلگ اذا حميد موجود رحت ركض اشوف شكو والگاهه لامه كل عابر سبيل وناس تهدد على ناس وحميد لازمينه اربعه ويشيل بروحه ويلطخ
يتهدد على زلم ثنين اول مره اشوفهم بالمنطقه
واحد مجتف ادينه ومرتاك عالسياره والثاني يفتر ويتحلف
فتت احاجز وافتهم السالفه شنهي
گالو هاذ من غير منطقه
متفق ويه عماد يسويله شبابيك
وعماد مسويهن وهاذ مو جاي عالموعد صايرله فتره والبارحه جاي واحد غيره مشتريهن
وحميد گايل لعماد بيعهن وسويله غيرهن
وهاذ اجه اليوم وحرج الا يريدهن هساعه
وانوب هوه منطي عماد الفلوس مقدم
وسالفه من هاذ ومن هاذ علگت بس حميد العايل
وهذاك الرجال ما يخاف وهوه غريب بنصنه ويتهدد بحميد گال هدو خن اشوف مرجلته هدو
حميد جفص گله گو**د **** اخ ال***
سدينه حلگ حميد وفوتنا جوه قفلنه علي الباب
الرجال ما تحمل وراح عالسياره طلع المسدس وارمي طلقات وخله طشار البشر مدري وين بحيث خلال ثواني ما ظلينه بالمكان بس اني ومحمد وعماد
وحميد مسجون جوه
الرجال گال طلعولي الي فشر عليه لو هسع اكومكم هين
عماد گاله تعوذ من الشيطان وساعة عصبيه وامسحها بوجهي وارجعلك فلوسك وياهن شبابيك هديه من عندي
ضحك بستهزا وگال مو شفگان على فلوسكم وطمعكم امشيك على فلوس من هين لحد ما اوصلك بغداد
انعلبو الفلوس ما تهمني لو اخوك جايني بالكلام الطيب دشداشتي هاي ياخذها مني واني الممنون
وهذاك الرجل صاحبه لازمه ويگله ميخالف امشي نروح ونحاسبه بعدين
وهاذ وما يفعل يروح گال لا بالحرام ما امشي من هين اذا ما اترس حلگ هالردي فشگ
قفل الا يريد حميد وراهن علينه بالمسدس ويگول طلعو وين وهزمتو لو يطير بالسماء ما يفلت مني
حميد شلع الباب وطلع وجان يگله هاا گو** اخ**وما خله بالغلط
الرجال صوب على حميد وجان يتلاوه هوه وعماد عالمسدس وثارت طلقه صوبت عماد بصفحته
وگع عماد وراد يكمل على حميد بس الحظ طلع المسدس فارغ وهاي اخر طلقه
وتناوش الخنجر الي بصفحته وهام بحميد تا يكتله ولزمه صاحبه
وهاذ يگله هدني شراع هدنييي
بالگوه تمكن منه حطه بالسياره ومشو
حميد وهو ومحمد صياح فوگ عماد مثل النسوان
اني ما تحملت لزمت حميد ودگ بوكسيات
كله بسببه النذل
ولا دافع عن نفسه من اضرب بي
عبن يدري بروحه ساس البلا
التمت الناس انوب شالوني من فوگا شيل ونقلو عماد واني ظليت گاعد بالشارع گوه اتنفس وادحگ دم عماد ظل بالشارع تخبلت رحت البيتنا لگيت اهنه كلهم بالطرمه سمعو الصوت
گلتلهم عماد متكاون وتصاوب اصابه خفيفه
اهلا بكم في مدونة مكتبة حواء نقرأ لكم ونكتب من اجلكم
لازم ابلغ الملا رحت اغسل اديني
ادحگ دم عماد بيه اديني ترجف بحياتي ما صار بيه هيج موقف اني شون راح ابلغهم
زين خاف درو دگيت عالأرضي طلعتلي مهره عرفت من صوتها ما تدري گلتلها اطلعيلي عالباب الوراني وسديته
ورحت گعدت ماجد من النوم گتله اخذ اهنه وروح على بيت الدرويش ظلت النسوان وحدهن
رگبت سيارتي ومشيت
لگيت الباب مفتوح
ومهره بالباب ومخطوف لونها
گوه طلعت مني السالفه وحجيتلها بس ما گلتلها ضربته قويه وسفح دمه گلتلها ضربه خفيفه برجله
ليال:كمل كلامه وگالها بغصه
ويدحگ علينه وحده وحده ويبلع بريگه
گال عماد اصابته حيل خطره
هاي اخر كلمه سمعتها وصوت أمل من صرخت وظلمت الدنيا بعيوني
ديالا: ليال جانت لازمه ايدي من يحجي استاذ صائب واني گلبي يطرد طرد يدحگ علينه بنظرات اسف وگال عماد اصابته خطره أمل صرخت ومهره سدت اثمها وحضنتها
وهاجر شهگت بصوت عالي وحطت ايديها
على اثمها وفاتت لحجرتها
وصبره واگفه مثل الصنم مجتفه اديها
ليال وگعت وجرت ايدي وياهه ومددت بالگاع مثل الميته
صرخت وجان استاذ صائب عاط بيه وصاك على سنونه يگلي اششش كلشي مابيها داخت اسكتي لا ابوج يسمع
اني انهد حيلي گعدت بالگاع معد اگدر اشيل اديني
وأمل فقدت و مهره تصفگ بيها ماكو
تگابلو عليها هيه واستاذ صائب شالوها عالهول
اغمى عليهن ولا ايد ولا رجل
وماجد يگعد بليال ولزم اديها يابه ماتت البنت