رواية حرب الحب الفصل الرابع 4 بقلم سلسبيل كوبك
-بعد فترة كنان خرج من المبني و لسة هيركب عربيته حصل ضرب نار و كنان وقع في الارض...
شخص: كنان بيه اضرب بالنار.
نور(بصدمة): كنان.
نور جريت علي كنان و بدأت تفحصه.
نور(بزعيق): اسعاف بسرعة.
عادل: حصله ايه؟
نور: اضرب بالنار.
عادل مسك مسدسه و بدأ يدور حول المبني. و بعدها جه تامر و علي و شهاب، نقلوا كنان للمستشفي.
في عربية الاسعاف...
نور: عملت كدة ليه؟
كنان: علشان يفتكروا اني مت و ينفذوا اللي هما عايزينه و اللي انا عايزه...
كنان وقع علي الارض و نور قربت منه و بدأت تفحصه.
كنان(بهمس): انقليني المستشفي يا نور.
نور(باستغراب): طيب.
نور: ده انت دماغ يا كنان. ناوي علي ايه؟
كنان: و لا اي حاجة، انشروا خبر بأن اسد المخابرات مات. اتفقوا مع سيادة اللواء رأفت.
نور: طيب، الباقي ورانا بعربيتهم و هيجوا.
كنان: كويس.
كنان: بقولك ايه ما تنزلي و تسيبي ليا الجو...
نور بصت للمرضة اللي كانت واقفة ورا كنان.
نور: لا قاعدة علي قلبك.
كنان(بضيق): طيب.
نور: استعد يا حبيبي هتقعد يومين في المستشفي يعني استمتع براحتك. رجالة ناقصة.
كنان: ستات نكدية.
نور: ربنا يوعدك بواحدة متخلكش تبص يمين و لا شمال يا كنان.
كنان(ببرود): لما اتجوز.
-و بعد فترة وصلوا للمستشفي و نور اتفقت مع عادل و شهاب و تامر و علي. و اتفقت مع الدكتور و نقلوا كنان اوضة في المستشفي.
كنان: بره عايز استجم. و ظبطوا الامور مع بابا.
نور: جتك مصيبة و انت مز.
تامر(بضحك): يلا يا بنتي ده اسد المخابرات هيموت ازاي بس...
شهاب: نفسي اقتله بأيدي. اول ما قالوا كنان بيه مات و الله كان هيغمي عليا.
كنان(بضحك): تسلملي من الخضة يا بيضة.
عادل(بضحك): يا ربي علي المسخرة.
علي: طيب هنجهز كل ما يتعلق بالدفن...
علي(بتمثيل): كان طيب و الله. كان بيطلع اللقمة من بوقه يودهالي انا و عيالي.
كنان: يعععع ايه القرف ده؟
نور(بضحك): يلا يلا علشان نسيب المرحوم يرتاح.
كنان: غوروا...
كل واحد راح يشوف شغله. و كنان قضاها في المستشفي.
-في مكان تاني...
عند شجن.
شجن(بغضب): طول اليوم طلبات طلبات. ربنا يأخدك.
شجن(بغضب): عاااااااااااا و الله لاقتلك في يوم من الايام...
شاب: شجن بتكلمي نفسك؟
شجن(بعصبية): انت مالك ها انت مالك؟ رد ما ترد.
أوبي: شجن جهزي الملفات اللي قولتلك عليها عايزهم يبقوا علي مكتبي.
شجن: طيب.
أوبي: يلا خدي شنطتك و روحي.
شجن مسكت شنطتها و راحت ركبت الاسانسير لقت اوبي بيركب وراها. و بعد فترة خرجوا.
شجن: لو سمحت يا عمو ممكن تشوفلي تاكسي.
راجل: حاضر يا شجن يا بنتي.
أوبي(بصدمة): يا نهار اسود مين اللي عمل كدة؟!
شجن(بلامبالاة): اسأل اي حد.
أوبي(بغضب): اسأل ليه و انا عارف مين؟
شجن: ايه ده بجد؟ طيب كويس عن اذنك.
أوبي مسك دراع شجن و لواه ورا ضهرها.
شجن(بوجع): ابعد بتوجعني.
أوبي(بغضب): انتي اللي هتصلحيه كسرتي كل ازاز العربية و انا هسيبك يعني.
شجن: ابعد ايدك عني بتوجعني.
أوبي(بغضب): ما تموتي، انتي زودتيها اوي علفكرة.
شجن(بعصبية): نزل ايدك بعيد عني، انت اتجننت.
جنون(بغضب): ايه اللي بيحصل هنا؟
شجن(بذهول): جنون!
-جنون قربت من ايد أوبي و شالتها بعصبية بعيد عن شجن و خلت شجن في ضهرها.
جنون: ممكن افهم جنابك كنت ماسكها كدة ليه و ازاي اتجرأت اساساا.
أوبي(بغضب): و انتي مين انتي؟
شجن(بتوتر): دي اختي.
جنون: اهدي يا شجن، انجز انطق كنت ماسكها ليه؟
أوبي: الهانم اختك انا اكون مديرها تمام. و دلوقتي نازل علشان اروح الاقيها كسرت ليا كل ازاز عربيتي.
جنون(برفعة حاجب): الكلام صح يا شجن؟
شجن(بخوف و توتر و همس): آه.
جنون: تمام يا فندم بعتذر لحضرتك، ممكن حضرتك تصلح العربية و تقولي الحساب كام و انا هدفعه.
أوبي: هخصمه من مرتبها.
جنون: قولتلك انا هدفع. ملكش دعوة بأختي.
أوبي: تمام.
جنون: و هدية مني كاعتذار لحضرتك ممكن اوصلك معايا.
أوبي: بأيه؟
جنون: بالموتسكل.
أوبي: لا شكرا عن اذنك هطلب اوبر.
جنون: تمام، اعتذري يا شجن.
شجن(بصدمة): جنون!
جنون(بحدة): اعتذري يا شجن انتي غلطتي يبقي لازم تعتذري.
شجن(بعصبية): آسفة.
شجن(بعصبية): مش يلا بقي و لا ايه؟
جنون: اتفضلي قدامي.
جنون: انا متأكدة ان في حاجة او حاجات حصلت علشان شجن تكسر الازاز ايا كان اللي حصل. انسوه خلوه من الماضي. و ابدأوا علاقة مدير و سكرتيرة حلو علشان قسما بالله لو عرفت انك أذيتها او قربت منها انسي انك تروح لامك...
جنون راحت للموتسكل و ركبت و شجن وراها و جنون ساقت بسرعة كبيرة.
أوبي: و انا اللي كنت بقول شجن طالعة لمين اكيد طالعة للواد ده، بس واد ايه دي عيون رصاصي و غمازات من غير ما تضحك بمجرد ما بتتكلم بتظهر. برضو شجن مش جايبة جمالها لوحدها اختها مزة.
أوبي: استغفر الله العظيم، منك لله يا شجن.
أوبي: اروح ازاي حرام عليكي.
أوبي وقف تاكسي و ركبه و روح علي بيته.
عند شجن و جنون.
جنون: فكي وشك.
شجن: ملكيش دعوة بيا.
جنون: مبدأيا مش معني اني خليتك تعتذري يبقي قللت منك بالعكس الاعتذار لغة مش اي حد يفهمها.
شجن: خليتي شكلي وحش قدامه.
جنون: بس انتي غلطانة، و كمان انا مش عايزة اعرف حصل ايه بينك و بينه قبل كدة بس لو عايزة تتكلمي هسمعك فاهمة.
شجن: طيب.
و بعد فترة وصلوا البيت و نزلوا.
داليا: غيرتي بنطلونك ليه يا جنون؟
جنون(ببرود): عادي يعني.
داليا: يعني مش علشان انتي وقعتي علي ازاز النهاردة.
جنون(بغضب): شذي.
جنون خرجت من البيت و طلعت علي الدور التاني و راحت ل شذي...
شذي(بخوف): في ايه؟
جنون(بعصبية): انا بعتاكي هنا ترتاحي و تحمي امي صح ايه لازمة الرغي الكتير بتاع الستات ده...
داليا: انا اللي خليتها تعترف لاني شوفت دراعها.
شجن: خلاص بقي يا جنون.
جنون سابتهم و مشيت راحت لاوضتها و قفلت الباب.
شجن: مكنش لازم تقولي يا ماما.
داليا: انا خايفة عليها بكرة لما تخلفوا و تبقوا امهات هتفهموا خوفي و وجعي.
شذي: خلاص هي بكرة هتكون نسيت.
عند جنون.
جنون بدأت تلعب ضغط كتير و اتصلت ب اياد و فتحت الاسبيكر...
جنون: ها ايه الاخبار طمني؟
اياد: حررنا كل اللي كان موجود في القصر و فعلا مكنش موجود هناك...
جنون: كويس و سيادة اللواء قال ايه؟
اياد: شكر فيكي جدا و كان مبسوط منك و من شذي.
جنون: في اي اصابات؟
اياد: فارس.
جنون: ماله؟
اياد: عنده جرح في رجله اليمين.
جنون: اديله اسبوع اجازة.
اياد: تمام، طب و انا؟
جنون: اصابة فارس ازاي يا اياد؟
اياد: ها؟!
جنون: هو يوم واحد اجازة اللي هو بكرة غير كدة يبقي مرفوض من فريقي.
اياد: يا بت قلبك قاسي كدة ازاي؟
جنون: مزاجي. حصلك حاجة؟
اياد: لا انا الحمد لله.
جنون: طيب يا اياد خد اجازة مع فارس بكرة. بص بكرة اجازة للكل.
اياد: مين معايا!
جنون: اقفل يا ظريف...
جنون بدأت تلعب ضغط كتير و قامت خدت دوش طويل و خرجت غيرت هدومها...
جنون لبست بنطلون لغاية الركبة باللون الاسود و تي شيرت اسود بحمالة رفيعة و عليها رسمة قطة باللون الفضي. و رفعت شعرها علي شكل كحكة اي كلام و نزلت كام خصلة من شعرها.
جنون خرجت قعدت علي الكنبة و شغلت التلفزيون.
داليا: اخيرا شوفتك بنت قبل ما اموت، اخيرا لبستي لبس بناتي كيوت كدة بدل لبس الولاد ده.
جنون: في ايه يا داليا؟ روحي شوفي بتعملي ايه.
داليا: يا بنتي احترميني ده انا امك.
جنون: طيب اعمليلي فشار و حياتي عندك.
داليا: واحدة هاطلة عندها 25 سنة بتحرق الفشار يا الله...
جنون: يا دودو ده انا عليا فشار من كتر فرحته ان انا اللي بعمله بيتنطط في الحلة.
داليا: خفة. متربتيش اساسا.
جنون: ميرسي يا دودو. روحي اعملي فشار بقي علشان هأخدك بكرة ننزل نعمل شوبينج.
داليا(بفرحة): بجد يا جنون؟
جنون: ابسطي اجهزي من الصبح بدري.
داليا: حالا يكون في فشار قدامك.
جنون(بضحك): طيب. بس بسرعة.
داليا: واطية.
جنون: ايه اللي مصحيكي؟
شجن: سمعت صوتكوا قولت اجي اشوف في ايه.
جنون: في خروجة بكرة انما ايه عسل بس مش هأخدك معايا.
و لقوا الباب بيخبط جامد.
جنون: مين؟
شذي: انا يا حبيبتي.
جنون: روحي افتحي.
شجن فتحت الباب و لقت شذي جريت علي جنون و بدأت تفحصها.
جنون: مالك يا بنتي؟
شذي: الواد اياد قالي ان بكرة اجازة فانا مصدقتش قولت انك اكيد تعبانة.
جنون: اطلعي هاتي مفتاح عربيتك و غوري من وشي...
شذي: هتفسحيهم و النبي و انا كمان و النبي و النبي.
جنون: يخرب بيتك طيب، بس لو مقومتيش من وشي حالا مش هأخدك معايا.
شذي: باي باي.
داليا: استني يا بنتي كلي مع جنون فشار.
جنون: اقعدوا قعدت عليكوا حيطة.
-و الاربعة قعدوا مع بعض و جابوا مسرحية و فضلوا يضحكوا لغاية ما الكل نام الا جنون و داليا.
داليا: حبيبتي.
جنون: نعم يا ماما.
داليا: انتي مرتاحة؟
جنون: ايه السؤال ده؟ الحمد لله مرتاحة.
داليا: مش عاويدك تأخدي اجازة.
جنون: و مين قالك اني خدت اجازة؟
داليا: ازاي؟
جنون: وديتهم اجازة لكن مخدتش اجازة.
داليا: ما صدقت تبقي زي الطبيعين بتأخدي إجازة و تقضي وقت مع عائلتك.
جنون: ما اهو ما انا اخدت اجازة و قاعدة معاكوا.
داليا: بت انتي مجنونة و لا شكلك كدة.
جنون: لا مجنونة.
جنون(بضحك): قومي يا ولية روحي اوضتك دوشتيني.
داليا: قسما بربي يا جنون لولا اني عارفة انك بتعامليني كأني صاحبتك كان زمان الشبشب معلم عليكي و كل جسمك ازرق.
جنون: ماشي يا صاحبي. خشي نامي عقبال ما اصحي البهايم اللي مبتفهمش دي، خشي يلا خشي يا ولية.
داليا ضحكت علي جنون و بعدها دخلت تنام.
جنون: يا زفتة منك ليها.
جنون(بزعيق): يا اغبياء.
شذي و شجن(بخضة): ايه في ايه؟
جنون: كل واحدة علي اوضتها، لو صحيت الصبح لقيتكم نمتوا في الصالة انسوا تخرجوا معايا.
جنون سابتهم و دخلت اوضتها نامت.
شذي: ربنا علي المفتري.
شجن: آه البت دي ايه، كنت بحلم ب حلم كيف المانجا و السكر...
شذي: بلدي و بيئة.
كل واحد راح لأوضته و نام نوم عميق...
-في مكان تاني...
في فيلا فريد.
في أوضة فريد و جهاد كانوا نايمين.
جهاد(بعصبية): فريد قوملي فريد يلا قوم.
فريد(بهدوء): ايه يا جهاد؟
جهاد: انا قلبي مش مطمن كنان لسة مرجعش.
فريد(بهدوء): قولتلك مش جاي النهاردة علشان شغله...
جهاد(بعصبية): ليه لما بكلمه تليفونه مقفول.
فريد: جهاد نامي و ان شاء الله هو هيكلمك، ممكن يكون عنده مهمة و سافر، هو مش تحت قيادتي انا.
جهاد(بعصبية): لا لا كلم اللواء رأفت و طمني.
فريد(بحدة): جهاد اتزفتي نامي، قولتلك هو في شغل و كلمت اللواء و طمني.
فريد لف جسمه و نام، جهاد بصتله بعصبية و حاولت تنام...
في الصباح الباكر...
-في أوضة ندي.
ندي صحيت علي ان تليفونها بيرن.
ندي(بنوم): آلو.
مها: الو يا ندي.
ندي(بخضة): ايه ده في حاجة يا مها؟
مها: لا لا بس قولنا نتجمع معاكي شوية.
ندي: عيال واطية.
مها: معلش بقي، ها هتيجي؟
ندي: حرام الساعة لسة 7.
مها: معلش معلش. الساعة 10 كدة هنستناكي.
ندي: طيب.
ندي قامت خدت دوش و غيرت هدومها.
ندي لبست جيبة قصيرة باللون الاسود و قميص باللون الابيض و صندل بكعب باللون الاسود و عملت شعرها علي شكل ديل حصان. و حطت روچ هادئ.
ندي نزلت ملقتش حد في الفيلا.
سيدة: عايزة حاجة يا ندي هانم؟
ندي: محدش صحي خالص؟
سيدة: فريد بيه في الجنينة و أوبي بيه في اوضة الرياضة.
ندي: تمام.
ندي راحت لاوضة الرياضة...
ندي: ايه يا عم العضلات دي؟
أوبي(بضحك): بالعضلات دي بنت ضربتني بوكس.
ندي(بصدمة): نعم؟! انت بتهزر صح؟
أوبي(بضحك): لا بس خليه سر.
ندي: اكيد مش هفضحك يعني.
أوبي: قلبي يا رب...
ندي: تمام. بس مين البطلة؟
أوبي: مفيش اكتر من كدة يا ندي و غوري من وشي.
ندي: طيب يا عم. متشكرين.
أوبي: يلا روحي شوفي راحة فين و انتي مزة كدة.
ندي: بس بقي بتكسف.
ندي سابت أوبي و راحت لباباها.
ندي: حبيبي.
فريد: حبيبتي انتي، عاملة ايه؟
ندي: الحمد لله يا حبيبي، هو كنان لسة مرجعش من المهمة؟
فريد: انتي شايفة ايه؟
ندي: محدش بيقدر يأخد منكوا معلومات يا بتاع المخابرات.
فريد(بضحك): احنا سكر.
ندي: اه اه عارفة، طيب يا حبيبي هروح لصحابي شوية.
فريد: طيب ربنا معاكي.
ندي: بحبك يا حبيبي.
فريد: يلا في رعاية الله.
ندي ركبت عربية بسواق و بعد فترة وصلت للنادي.
ندي: شكرا يا عمو.
ندي و هي داخلة خبطت في سعيد.
ندي: اسفة جدا.
سعيد: و لا يهمك يا هانم.
ندي(بضيق): ايه هانم دي اسمي ندي...
سعيد: تمام يا ندي هانم.
ندي(بضيق): برضو؟
سعيد(بضحك): خلاص اسف يا انسة ندي.
ندي: يعني مش بطال.
ندي(بابتسامة): عن اذنك.
سعيد: اه انا اسمي سعيد لو عوزتي اي حاجة انا موجود.
ندي: تمام شكرا...
-ندي راحت للنادي و لقت صحابها و بدأت تقعد معاهم و تتكلم و لاحظت سعيد و كانت بتلمحه كل شوية...
-في مكان تاني...
عند كنان.
ممرضة(بدلع): حاجة تاني؟
كنان(ببرود): غوري و ابعتي واحدة غيرك و الا اعتبري نفسك مطرودة.
الممرضة بصتله بصدمة و كنان بصلها بكل برود.
كنان(ببرود): حبيتي الاختيار التاني. طيب.
ممرضة: خلاص خلاص اسفة.
الممرضة خرجت بسرعة و هي خارجة دخلت نور و تامر...
تامر: ايه يا برنس اخبارك؟
كنان: بخير.
نور: مالها البت خارجة مصدومة؟
كنان: كانت فاكرة هتكمل معايا نص يوم كمان.
نور: يخرب بيت جباروتك.
كنان: ايه الاخبار؟
تامر: كله فل. و البيت محسش بحاجة. و الكل متأثر بموتك.
كنان: طيب الخطة انا حطيتها هنفذ النهاردة الفجر...
نور: طيب يا Boss.
كنان: خليهم كلهم يجتمعوا النهاردة الساعة 9. بس اكيد بذكاء.
تامر: فاهمين يلا نسيبك تستمتع شوية.
نور: رجالة ناقصة.
تامر و كنان: ستات نكدية.
تامر و نور خرجوا و كنان نام شوية.
نور: عيل رزل اوي.
تامر: متشكر يا ست.
-في مكان تاني...
في بيت جنون.
الكل قام من الصبح و جهز الا جنون.
داليا: البت دي بتقفل عليها الباب ليه مش عارفة.
شذي: اوف بقي انا مستنية.
شجن: انا حمدت ربنا ان النهاردة الشركة إجازة.
داليا: مش جنابك ظابط مخابرات اتصرفي.
شذي: احم احم طبعا طبعا.
شذي فتحت الباب ب بنسة الشعر.
داليا و شجن و شذي: و النبي؟!
جنون شالت الهاند فري من ودنها و كملت لعب ضغط.
جنون: في ايه؟
داليا: اومال اجهزوا من الصبح بدري.
شجن: هفسحكوا و هنعمل شوبينج.
شذي: هأخدك معايا...
داليا: و انتي قاعدة هنا بتلعبي ضغط و بتسمعي اغاني.
جنون(ببرود): طيب هأخد دوش و هخرج.
شذي: ربنا علي المفتري.
شجن: لما نشوف آخرتها.
داليا: تعالوا نستناها بره...
جنون: اقفلوا الباب اللي جنابكوا فتحتوه.
شذي: حاضر.
جنون كملت لعب ضغط لمدة ربع ساعة كمان و بعدها قامت خدت دوش يريح اعصابها و خرجت غيرت هدومها.
جنون لبست قميص ابيض ب ¾ كم و بعدين لبست سلوبيته جينز و فيها جيب في النص و نظام بنطلون و لبست كوتشي ابيض عالي نوعا ما. و رفعت شعرها علي شكل كحكة و نزلت كام خصلة بسيطة. و حطت حلق بسيط و هادي باللون الابيض و كحل بسيط حدد عينيها و اختارت شنطة باللون الاسود ضهر.
جنون خرجت ليهم و داليا شهقت.
شجن: في ايه مالك؟
داليا: هو انتي ميكانيكي يا بت انتي. احنا رايحين نتفسح بدل فستان لطيف و حلو او جيبة قصيرة كدة جميلة.
جنون(بلامبالاة): دلوقتي الام بقت هي اللي بتقول للبنت تلبس قصير، عُجبت لكَ يا زمن.
شذي: طب يلا نتفسح.
جنون: هتبقي فسحة العمر يا حبايبي.
جنون و شجن و داليا و شذي خرجوا و بدأوا يركبوا العربية.
جورچ: هاي يا جنون. هاي يا طنط.
جنون: ازيك يا جورچ ما تيجي.
جورچ: ليه انتوا رايحين فين؟
شجن: مكان ما انت عايز.
جورچ(بضحك): بس يا لمضة.
جنون: رايحين نعمل شوبينج.
جورچ: انا كنت رايح المول...
داليا: تعالي يا ابني تعالي.
جورچ: علشان خاطرك يا طنط.
شذي: يعني كدة هرجع ورا.
جورچ: لو مش عجبك متجيش معانا.
شذي: نيننيينينيننينينينينينيني.
جورچ ركب جمب جنون قدام و الباقي ورا. بعد فترة وصلوا للمول و بدأوا يتجولوا.
داليا: ايه رأيك في الفستان ده يا جنون.
جنون: حلو.
داليا: ده ليكي.
جنون: ماشي ماشي.
داليا: طب خشي جربيه.
جنون: لا هشوف واحد تاني. لو عايزه تجيبيه جبيه.
جنون فضلت تتمشي في المحلات و هي ماشية خبطت في شخص.
جنون(بخفوت): انا شاكة في تلاتة لحد الآن.
شاب(بخفوت): طيب متخليش حد يأخد باله.
جنون(بخفوت): مش عيلة صغيرة.
جنون بدأت تتمشي. و هي ماشية اتصدمت.
جنون(بصدمة): يا نهار اسود!
جنون: الو سامعني يا اياد...
اياد: في ايه؟
جنون: في قنابل مزروعة هنا...
اياد: طيب انا جايلك.
اياد شاف جنون و راح ليها.
اياد: فين؟
جنون: هناك اهي بس خلي بالك في ناس.
اياد: حاولي تهديهم.
اياد جاب معداته و بدأ يطلع القنبلة.
الناس(بصدمة): قنبلة!
جنون: هششششش اهدوا، هنحل كل حاجة دلوقتي.
جنون: متخلوش حد يشك فينا اهدوا. محدش يتحرك من مكانه...
عطر: جنون سمعاني؟
جنون: ايه يا عطر؟
عطر: في رجالة بيتبادلوا شجنة كوكايين.
جنون: اتصلي بالقوات فورا و متدخليش لوحدك.
جنون طلعت تليفونها و اتصلت ب جورچ...
الخط اتفتح...
جورچ: ايوه يا جنون اتأخرتي ليه؟
جنون: اسمعني حالا خد شجن و ماما و امشوا فورا من المول...
جورچ: حصلت حاجة؟
جنون(بحدة): اسمع كلامي فورا...
جورچ: طيب طيب.
جنون: فاضل قد ايه علي القنبلة؟
اياد: تلت دقايق يا جنون...
جنون بدأت تجري و راحت ل مدير المول...
جنون: فورا تخلي ليا المبني ده...
المدير(بعصبية): انتي مين و ازاي تدخلي كدة؟
جنون: بطاقتي اهي تقدر تسمع كلامي فورا.
المدير: حاضر بس حصل ايه؟
جنون: في قنبلة و احتمال اكتر من قنبلة، لازم تخلي المبني ده في اقل من دقيقة...
عند جورچ.
جورچ: يلا يا طنط يلا يا شجن.
داليا: في ايه؟ و فين جنون و شذي اختفت هي كمان.
جورچ: معرفش جنون اتصلت بيا قالت لازم اروحك حالا يلا.
جورچ خد شجن و داليا و طلع بسرعة من المول.
عند جنون.
جنون: اياد ممكن يكون في قنابل تاني؟
اياد: ايوه يا جنون.
جنون: فارس سامعني؟
فارس: ايوه...
جنون: انت المسئول عن خروج كل الناس من المول.
فارس: طيب.
شذي: جنون بيحصل ايه؟
جنون: خدي السماعة دي و اتواصلي مع عطر و روحي ليها...
شذي: يا بنت المجانين.
شذي اتواصلت مع عطر و عرفت مكانها.
عند عطر.
شذي: يا نهار اسود لازم نهجم دلوقتي...
عطر: طلبت قوة جنون هي اللي أمرت.
شذي: و قال انا اللي قولت هتفسحنا و هتودينا اجازة. و هتبقي فسحة العمر قال.
عطر: في النهاية دي جنون توقعي اي حاجة.
شذي: عندك حق.
عند جنون و اياد.
اياد: ابعدي يا جنون ممكن تنفجر.
جنون: لو هنموت هنموت سوا يا اياد.
اياد: جنون امشي انا وحيد انتي وراكي امك و اختك.
جنون: لا طبعا شغلي اهم، و انت يلا يا اياد.
اياد: مش دي القنبلة الرئيسية. السلك ده هيودينا مكان القنبلة الرئيسية...
جنون مسكت السلك و بدأت تمشي وراه و نزلت أدوار و طلعت أدوار.
جنون: يا صياد الكلب.
جنون: سامعني يا اياد؟
اياد: وصلتي؟
جنون: ايوه.
اياد(بزعيق): سيبي السلك فاضل 15 ثانية.
جنون: هنموت سوا...
اياد(بزعيق): انا كمان هبعد، بس ابعدي.
جنون: ابعد انت. و انا هبعد بعدك...
اياد(بزعيق): بعدت يلا فاضل 11 ثانية.
جنون كانت لسة هتسيب السلك لقت شخص خارج من الحمام...
شخص: ايه ده؟ فين الناس؟
شخص: لو سمحت هو فين الناس؟
جنون بصت للشخص و بعدين بصت للقنبلة فاضل 6 ثواني...
شخص(بصدمة): قنبلة؟!
جنون: و اللعنة فاضل 4 ثواني...
-جنون مسكت الشخص ده من ايده و جريت بأقصي سرعة ليها و بعد 4 ثواني انفجر المول كله و الناس اللي كانت بره المول اتراجعت لورا...
