رواية حرب الحب الفصل الخامس 5 بقلم سلسبيل كوبك
جنون مسكت الشخص ده من ايده و جريت بأقصي سرعة ليها و بعد 4 ثواني انفجر المول كله و الناس اللي كانت بره المول اتراجعت لورا...
شخص(بصريخ): آآآه.
داليا(بصريخ): جنون.
-في اخر لحظة جنون و الشخص اللي كان معاها خرجوا بره المول بس بقوة دفع النيران اللي حصلت في المول بسبب القنبلة.
جنون اتخبطت في الارض و اتعورت والشخص ملحقش يقع لان في ناس مسكوه.
داليا(بدموع): جنون جنون فتحي عينك. يا بنتي ارجوكي.
ظابط: الاسعاف هينقلوها.
سجي: لا استنوا، جنون ردي عليا بس.
فارس: يا جنون فتحي عينك.
جنون(بتعب): ا يي اا د(اياد).
شجن(بدموع): صح فين اياد؟
عطر: جنون انتي كويسة طمنيني عليكي.
جنون قامت من علي الارض و كانت هتدخل المبني.
الظابط: ممنوع الدخول انتي اتجننتي.
جنون(بعصبية): فارس خليه يبعد عن وشي.
شخص: يا انسة اهدي حضرتك مينفعش كدة.
جنون: انتي تخرسي خالص بسببك في شخص جوا بين الحياة و الموت.
اياد(بتعب): خلاص يا جنون انا كويس.
جنون جريت علي اياد حضنته جامد.
جنون(بدموع): انت كويس؟
اياد: اخيرا شوفنا دموعك اللؤلؤ دي.
جنون(بحدة): مش قولتلك ابعد و امشي.
اياد: بتتخانق معايا و انا احتمال في كسر في ايدي آه يا ايدي.
فارس: خلاص كلنا بخير.
مني: ندي انتي كويسة؟
ندي: ايوه. بسببك اساسا جينا للمول و سبتيني و مشيتي.
ندي: انا بعتذر جدا لحضرتك.
جنون: مفيش داعي، يلا يا شباب.
داليا(بحدة): اسمعي بقي من هنا و رايح مش راحة شغل تاني. بس كدة.
جنون: شجن شوفي امك اتجننت.
داليا شدت جنون و ضربتها قلم علي وشها. و الكل بصلها بصدمة...
جورچ: احم خلاص يلا بينا معلش يا جنون.
جنون سابتهم و مشيت و بدأت تجري بأقصي سرعة عندها.
داليا(بدموع): انا كنت خايفة عليها و هفضل خايفة عليها.
فارس: اهدي يا طنط يلا بس نروح هنلاقيها سبقتنا.
الكل ركب العربية و روح علي البيت ملقوش جنون.
داليا(بدموع): تكون راحت فين بس؟
شجن: اهدي بس يا ماما.
فارس: هنلاقيها...
اياد: هي حبت تقعد مع نفسها شوية.
جورچ(بهمس): اياد تعالي نوديك المستشفي شكل في كسر في ايدك.
ايادلا انا بخير متشغلش بالك هطمن بس علي جنون.
فارس(بهمس): يا ابني متكابرش...
شذي: ايوه اسمع الكلام يا اياد. فارس و جورچ خدوه يلا.
فارس: الحكومة امرت يلا بقي.
فارس و جورچ خدوا اياد و راحوا للمستشفي.
عطر: طب خشي ارتاحي شوية يا طنط.
داليا: لما اطمن علي بنتي.
سجي: اسمعي ياطنط انتي عارفة دماغ جنون اكيد هترجع.
شجن: جنون مش بتتخلي عن مسئوليتها، و هي دايما بتقول ان احنا من مسئوليتها.
عطر: ايوه صح...
-في مكان تاني...
عند فريد.
فريد كان قاعد بيراجع بعض الاوراق لقي الباب بيتفتح بسرعة...
فريد(بخضة): ندي.
ندي(بعياط): بابا.
فريد قام من مكانه و حضن ندي و حاول يهديها...
فريد: هشششش اهدي، احكيلي حصل ايه؟
ندي(بعياط): كنت في النادي صحابي عزموا عليا نروح المول روحنا هناك، انا دخلت الحمام و خرجت ملقتش حد في المكان لقيت بنت واقفة جمب قنبلة و كان فاضل ثواني و تنفجر، البنت دي شدتني و قبل ما نخرج معرفش حصل ايه البنت لقيتها واقعة في الارض و انا مسكوني بسرعة.
فريد(بحذر): فاكرة شكل البنت؟
ندي(بدموع): اه، كانت عيونها ملونة.
فريد(في نفسه): سجي او جنون.
فريد: كملي.
ندي: و كانت طويلة شوية و علي ما اعتقد عندها غمازات...
فريد: طب خليكي هنا جايلك.
فريد خرج من مكتبه و راح لمكتب تاني.
فريد: شوفلي حالا اخر اخبار فرقة الرعد.
شخص: حاضر يا سيادة اللواء.
و بعد فترة من البحث.
شخص: كلهم تمام يا فندم. بس المول انفجر و الاخبار دي وصلت من فترة و انقذوا كل الناس اللي في المول...
فريد: في اي اصابات؟
شخص: كله تمام اما اياد عنده شرخ في ايديه الشمال. و الرعد عنده جرح في رأسه عميق نوعا ما...
فريد: تمام.
فريد طلع تليفونه و اتصل ب جنون. بعد فترة الخط اتفتح...
فريد: جنون انتي فين؟
جنون(بتعب): مكان ما انا يا فندم.
فريد: حد معاكي؟
جنون: لا يا فندم حصلت حاجة.
فريد: عايزك في المبني حالا.
جنون: حاضر يا فندم.
بعد فترة جنون وصلت و راحت لمكتب فريد و خبطت الباب.
فريد: ادخل.
جنون: تمام يا فندم حصل حاجة.
ندي: هي دي يا بابا.
فريد: دي ندي بنتي يا جنون...
جنون: تمام تشرفت.
فريد: تعالي معايا.
جنون: علي فين؟
فريد: لو قولتلك مش هتيجي.
جنون: الصبر.
جنون و ندي مشيوا ورا فريد و دخلوا وراه.
فريد: ساهر شوف جرح جنون.
جنون(بضيق): يا فندم انا هقدر اعمله لنفسي.
ساهر(بقلق): تعالي يا جنون.
جنون(بضيق): تمام.
فريد: الاصابة بالغة او عميقة؟
ساهر: لا الحمد لله.
ندي: شكرا ليكي.
جنون: تمام.
ساهر: كدة تمام. الحمد لله بخير.
جنون: تمام عن اذنكوا.
فريد: جنون بشكرك جدا علي اللي عملتيه مع ندي...
جنون: اللي انا عملته واجب عليا سواء بنت حضرتك او بنت اي حد تاني، كدة عطر و شذي قبضوا علي جزء من رجالة الصياد...
جنون: كل اللي مطلوب القبض علي الصياد بس. و ده بعد ما نطمن علي اياد هنحل الموضوع ده.
فريد: بجد انتي بنت بمية راجل يا جنون.
جنون: شكرا.
جنون مشيت و راحت علي البيت.
فريد: ندي اللي حصل اياكي تقوليه لاي حد امك مجنونة و لاسعة.
ندي(بضحك): حاضر...
فريد: تعالي اوصلك.
عند جنون.
جنون: متجمعين علي خير.
اياد: اخيرا جيتي كنا قلقانين علبكي.
جنون قربت من اياد و بدأت تفحصه.
جنون: الدكتور قال ايه؟
فارس: شرخ بسيط.
جنون: طيب، يلا كله علي بيته.
داليا: جنون.
جنون: نعم يا امي.
داليا: مش زعلانة مني؟
جنون: لا يا امي، بس انسي اني ابعد عن شغلي، شغلي هو حياتي.
شجن: احضنوا بعض بقي.
جنون حضنت داليا و باست رأسها.
جنون: اياد خدلك يوم اجازة تريح ايدك و بعدها هنبدأ اخر خطوة في مهمتنا...
شذي: طيب. بس انتي في رقبتك خروجة و فسحة لينا.
جنون: طيب. يلا كله يخش يرتاح اليوم كان صعب.
اياد: طب استأذن بقي.
فارس: هبات معاك.
جنون: ايوه يلا باي.
و كل واحد دخل يرتاح في اوضته و جنون نامت.
-في مكان تاني...
عند كنان...
كنان: اتأخروا ليه يا نور؟
نور: بيجهزوا نفسهم و المعدات و الاسلحة.
كنان: طيب. هتكوني معايا علي الخط لاخر لحظة.
نور: اكيد حاضر.
الباب خبط.
كنان: ادخل.
عادل: ها يا باشا كلنا جهزنا ايه الخطة.
كنان: شهاب قرب.
شهاب: ايه؟
كنان: انت هتكون ملازمني في العملية.
شهاب: طيب انت كدة هتوزع علينا مهامنا.
كنان: ايوه يا شهاب.
كنان: تامر هتكون هنا مع نور.
تامر: تمام...
كنان: عادل و علي هيكونوا ضهر ليا انا و شهاب.
علي: طيب، هنتحرك امتي؟
كنان: خلال ساعتين.
كنان: نور و تامر يكونوا قريبين مننا.
نور: تمام هنتحرك وراكوا علطول.
عادل: المعدات جاهزة هتخرج من هنا امتي.
كنان: هخرج وراكوا، هات يا شهاب اللي قولتلك عليه.
شهاب: خد.
نور: يلا بينا هنجهز.
كنان قام و بدأ يلبس هدومه.
كنان لبس بنطلون اسود و تي شيرت اسود بنص كم و فوقه جاكت باللون الزيتي و حط مسدسه ورا ضهره. و خد شنطة المعدات علي ضهره.
-كنان خرج و هو متخفي نوعا ما و بعد فترة وصل لمكان الباقي...
نور: احنا جهزنا احنا كمان يا كنان.
كنان: طيب. يلا كله يروح و يأخد موقعه.
كنان: تعالي يا شهاب.
-كنان و شهاب ركبوا عربية و وراهم بعربية تانية عادل و علي.
و بعد فترة وصلوا للمكان المطلوب.
كنان: نور سمعاني؟
نور: معاك يا كنان، لغاية دلوقتي محصلش اي تغيير.
كنان: طيب. تامر انت عارف هتطلب القوات امتي؟
تامر: اكيد.
علي: هنهجم امتي؟
كنان: لما يبدأوا بالتسليم.
عادل: طيب.
كنان: شهاب خليك في ضهري.
شهاب: اكيد.
كنان: اهجم.
كنان مشي و وراه شهاب.
كنان(بحدة): وقفوا كل حاجة بتحصل هنا.
السواح(بصدمة): انت لسة عايش؟!
شهاب: لا ده قرينه. وقفوا كل حاجة.
السواح: طيب طيب.
نور: كنان خلي بالك شكل في حركة غدر.
كنان: شهاب عادل علي خليكوا هنا.
كنان مسك السواح من هدومه و شده معاه. بس حصل هجوم عليه...
تامر: القوات فاضل عليها 7 دقايق و توصل.
كنان و علي و عادل و شهاب بدأوا يضربوا اي حد قدامهم.
كنان: تامر انجز مش هنقدر عليهم لوحدنا...
نور: انت هتعمل ايه يا تامر؟
تامر: هيكون ايه هروحلهم...
تامر راح لكنان و باقي الفرقة و بدأ يضرب معاهم، و بعد خمس دقايق جت القوات و قبضت علي كل اللي موجود.
ظابط: شكرا جدا لحضرتك يا كنان بيه.
كنان: و لا يهمك، بس خلي بالك ليهرب.
نور: برافوا عليكوا يا ابطال.
تامر: يا بنتي دي اقل حاجة.
كنان: يلا نروح...
شهاب: اليوم كان متعب اوي.
الكل روح علي بيته و كان تعبان...
في بيت كنان.
جهاد: حبيبي اخيرا جيت، حمد لله بالسلامة.
كنان(و هو بيحضنها): الله يسلمك يا امي.
فريد: حمد لله بالسلامة يا بطل.
كنان(و هو بيحضنه): الله يسلمك يا حبيبي.
ندي: اخيرا جيت وحشتني اوي يا كنان...
كنان(و هو بيحضنها): يا قلبي انا جيت اهو...
كنان: فين أوبي؟
سيدة: في اوضته.
كنان: طيب عن اذنكوا. هطلع ارتاح.
كنان طلع راح لاوضة أوبي و خبط الباب.
أوبي: حبيبي اخيرا جيت...
كنان: ازيك يا بطل.
أوبي: ده كله في مهمة.
كنان: ايوه، هخش ارتاح بكرة نتكلم.
أوبي: تمام، تصبح علي خير.
كنان: و انت من اهله...
-كنان راح لاوضته و خد دوش و غير هدومه و نام نوم عميق...
-في الصباح الباكر...
في فيلا فريد.
علي السفرة...
فريد: انا سمعت اخبارك من اللواء رأفت.
كنان: و يا تري اخبار ايه؟
فريد: زي الفل.
ندي: طبعا هو كنان اي حد و لا ايه؟
فريد: ارتاح يوم بالظبط و استعد للمهمة الجديدة.
كنان: هحاول طيب.
أوبي: عن اذنكم يا جماعة...
فريد: في رعاية الله.
أوبي: شكرا.
جهاد: هتيجي معايا النادي؟
ندي: لا تعبانة شوية عن اذنك.
جهاد: طيب.
فريد: انا رايح المبني.
جهاد: ماشي.
أوبي قام و ركب عربيته و راح للشركة و ركب الاسانسير و طلع ل مكتبه...
أوبي(لنفسه): يا نهار اسود؟!
شجن: حضرتك تؤمر بحاجة يا أوبي بيه؟
أوبي: ها اه معاكي احم كنتي بتقولي ايه.
شجن: حضرتك تؤمر بحاجة؟
أوبي(برفعة حاجب): استسلمتي و لا ايه؟
شجن: لا حضرتك بس انا بحب اسمع كلام اختي. و هي قالت لازم ابدا صفحة جديدة علشان نعرف نمشي الشغل.
أوبي: طيب يا انسة شجن.
شجن: اخيرا قولت اسمي بدل يا انتي.
أوبي: تمام، حطيتي ملفاتي علي المكتب.
شجن: ايوه.
أوبي: تمام.
أوبي كان هيمشي ف رجع تاني.
أوبي: مش قصيرة الجيبة دي؟
شجن(برفعة حاجب): لا مش قصيرة.
أوبي: طيب.
شجن كانت لابسة جيبة فوق الركبة بشوية باللون الابيض و تي شيرت بحمالة عريضة باللون الاحمر و صندل اسود بكعب و عملت شعرها علي شكل ديل حصان و حطت روچ خفيف...
شجن: ماله ده اوف...
و بعدها أوبي استدعي شجن ل عنده...
شجن: نعم يا فندم.
أوبي: ورايا اي اجتماعات؟
شجن: ايوه يا فندم الساعة 9 بليل.
أوبي: تمام، هاتي ورق الصفقة و نراجعها.
شجن: حاضر يا فندم. ثانية واحدة.
شجن جابت الملفات و بدأت تراجعه مع أوبي...
-في مكان تاني...
في بيت جنون.
شذي: مالك يا طنط شاردة ليه؟
داليا: جنون نايمة لغاية دلوقتي خايفة عليها اوي.
فارس: ده احنا كنا بنتمني انها تنام دلوقتي انتوا زعلانين...
اياد: آه يا ايدي آآآه...
داليا(بضحك): انت يا واد يا اياد اللي بتعرف تضحكني...
اياد: قلبي يا رب...
عطر: نحن هنا يا جدعان...
سجي: احنا محدش بيعملنا حساب.
شذي: اخرسوا بقي و كلوا.
داليا: بالهناء و الشفاء، بس برضو نوم جنون ده قلقني.
فارس: يلا يا جدعان نصحيها يلا يلا.
اياد: ما تسيببوها تتخمد الله.
عند جنون.
جنون كانت نايمة و بتعرق جامد و كأنها بتجري بقالها مدة كبيرة كل هدومها اتبلت حتى السرير و كانت مش قادرة تأخد نفسها و بتحرك رأسها يمين و شمال بعنف. و فجأة قامت مفزوعة من النوم.
جنون(بتأحد نفسها بصعوبة): اعوذ بالله من الشيطان الرجيم، استغفر الله العظيم.
جنون: هي الساعة كام؟
جنون مسكت تليفونها و اتفأجات انها نامت لحد الوقت المتأخر ده، جنون قامت خدت دوش طويل يريح اعصابها و خرجت لبست اسدالها و بدأت تصلي فرضها...
جنون قامت غيرت هدومها.
جنون لبست بنطلون اسود بيتي طويل و تي شيرت مبين بطنها و الحمالات مايلة علي الكتف باللون الكحلي في ابيض و لبست كوتشي عالي نوعا ما. و رفعت شعرها علي شكل ديل حصان...
جنون خرجت من اوضتها لقت الكل بيتكلم و بيهزر.
جنون: فارس تعالي عايزاك.
داليا: اخيرا يا حبيبتي صحيتي؟
جنون: اه يا ماما.
فارس: نعم يا جنون.
جنون: كوبايتين قهوة بره...
جنون خدت فارس و طلعت الجنينة اللي قدام البيت...
جنون: اخر خطوة في المهمة معتمدة عليك انت و اللاب بتاعك بس، مش انا و لا اياد و لا شذي و لا عطر و لا سجي مفيش غيرك يا فارس.
فارس(بضحك): مالك يا بنتي حسستيني اني رأفت الهجان...
جنون: فارس يلا ابدأ شغلك.
فارس: طيب.
فارس طلع اللاب بتاعه و بدأ يشتغل عليه كتير.
جنون: الباشا لقي حاجة؟ داخلين علي بليل.
فارس: اصبري.
شذي: اوف انا زهقت يا فارس.
جنون: الكل عرف انت بتعمل ايه، انت بتخترع الذرة.
فارس: اسكتوا.
اياد: اهو سكتنا...
جنون: ها يا فيلسوف الساعة 12 بليل.
سجي: انا راحة انام اكتر من كدة هفطس.
فارس(بصوت عالي): تمت المهمة.
الكل فرح و قام هيص و حضنوا فارس.
جنون: فخر العرب برافوا عليك...
فارس(بغرور): علشان تعرفوا.
اياد: اتلهي.
عطر: هنعمل ايه دلوقتي؟
جنون: ايه ده؟ شجن لسة مجتش.
جنون طلعت تليفونها بسرعة و اتصلت ب شجن.
الخط اتفتح.
جنون: انتي فين يا شجن؟
شجن: معلش يا جنون انا كنت في اجتماع من الساعة 9 و لسة خلصان. بجهز حاجتي و همشي اهو.
جنون: لا فارس هيجي يأخدك. خليكي عندك.
شجن: طيب، متخلهوش يتأخر.
جنون: طيب.
فارس: بتدبسوني ليه؟
عطر: هأجي معاك.
فارس: تعالي.
عند شجن.
أوبي: شجن.
شجن: نعم.
أوبي: مستنية حد؟
شجن: ايوه مستنية فارس.
أوبي: اخوكي؟
شجن: لا زي اخويا.
أوبي: و جايبة الثقة دي منين؟
شجن: مبدأيا حضرتك ملكش دخل بحياتي. ثانيا ده يعتبر واحد من العائلة و ساعات كمان بيبات عندنا و اختي بتثق فيه جدا...
عطر: شجن في حاجة؟
شجن: لا يا عطر...
فارس: عايز حاجة يا بطل؟
أوبي: لا.
شجن: هاي فارس هاي عطر.
فارس: اختك لازم تدبسني فيكي.
شجن: غصب عنك ياض.
عطر(بضحك): خلاص بقي.
و فارس ساق و رجعوا للبيت تاني.
جنون: هاي يا حبيبتي خشي غيري هدومك و نامي.
شجن: حاضر، باي يا عيال.
اياد: عيال! ده انا مخلف قدك عشرة.
شجن: واضح.
سجي: دماغك فيها ايه يا جنون؟
جنون: الهجوم دلوقتي.
الكل(بصدمة): نعم يا اختي؟!
جنون: انا عايزة اخلص من المهمة دي.
اياد: انا مع جنون، طول ما الكلب الصياد ده بره السجن اماكن كتير مهددة بالخطر...
فارس: رأيكوا صح.
جنون: متفقين؟
الكل: متفقين.
جنون: يلا كلموا القوات. و الكل يروح يجهز...
شذي: ربنا علي المفتري و الله ده ظلم.
سجي: يا رب خلصنا...
جنون: مش عايزة تقولي حاجة يا عطر؟
عطر: لا يا اسطا انا جمبك و معاكي.
جنون: بيئة.
جنون سابتهم و دخلت اوضتها و بدأت تلبس.
جنون لبست بنطلون اسود و تي شيرت اسود بحمالة عريضة علي الكتف و كوتشي اسود عالي و رفعت شعرها ديل حصان و حطت مسدسها ورا ضهرها و خدت شنطة المعدات.
جنون: جاهزين؟
اياد: ربنا معاكوا.
جنون: انت جاي معانا ياض.
اياد: ها؟! يا ظالمة ايدي.
جنون: اركب ياض.
اياد: حاضر حاضر...
الكل ضحك علي خوف اياد و ركبوا، و بعد فترة وصلوا للمكان المطلوب...
فارس: البيت اللي تحت الارض ده يا جنون.
جنون: في اكتر من 10 رجالة حوالين البيت ده. و القوات قدامها قد ايه يا عطر؟
عطر: 20 دقيقة.
سجي: يعتبر هنكون خلصنا علي الرجالة و قبضنا عليه.
شذي: رأيي كدة برضو.
جنون: رأيك يا اياد؟
اياد: نستني القوات.
جنون: طيب يا جماعة يلا انزلوا.
فارس(بضحك): قصف جبهة...
جنون: اياد خليك هنا انت و عطر، الباقي يجي.
شذي(بهمس): جنون ما تخليني انا هنا مكان عطر.
جنون(بحدة): من امتي فرقة الرعد بتخاف؟
شذي: خلاص خلاص.
جنون و شذي و سجي و فارس نزلوا و بدأوا يضربوا نار و حصل ضرب نار متبادل...
جنون: فارس تعالي معايا.
جنون شالت الرملة من علي باب البيت اللي تحت الارض.
جنون: و اخيرا وقعت يا اغبي مخلوق علي الارض...
الصياد(بحدة): هو ده اللي مش هيعرفوا مكاني.
شاب(بخوف): و الله ما اعرف ازاي عرفوا.
فارس: متخافش احنا هنقلكوا في الطريق.
-جنون شدت الصياد من ايده و فارس شد الشاب اللي كان موجود و قعد يعيط كتير.
سجي: القوات جت و كان في هجوم تاني من رجالة الصياد بس هما سيطروا...
جنون: طيب.
فارس: خدوا.
جنون: اتفضل. ممكن لحظة؟
الظابط: اتفضل يا رعد بيه.
جنون: الولد ده مدخلهوش الحبس الانفرادي و لا الحبس العادي.
الظابط: بس.
جنون: ده هيكون في اوضة مكتبي بايت فيها و يكون في حراسة جوا و بره الاوضة و تأكلوه.
الظابط: كدة انا رقبتي ممكن تطير.
جنون: علي مسئوليتي يا حضرة الظابط. اتفضل.
الظابط(بضيق): تمام يا فندم.
اياد: في ايه؟
جنون: ايه؟
شذي: هموت و انام.
و بعد فترة كل واحد روح بيته و نام نوم عميق.
-في الصباح الباكر...
عند جورچ...
جورچ كان نايم و صحي علي صوت خبط علي الباب.
جورچ: طيب طيب حاضر...
جورچ فتح الباب و اول ما فتح الباب لقي بوكس في وشه جورچ وقع علي الارض...
شخص: قول للي حمياك تخلي بالها من نفسها...
شخص: و ابعتلها الرسالة دي.
