رواية نوائب شام الفصل الرابع 4 بقلم الكاتبة ايلول
هذا الوجَع مو عادي
هذا الوجَع يخنگني
حاوَلت أشرد مِن البيت
بَس البيت يلحَگني
اطلع من القفص فرحان
وترِد الناس تلزَمني
وهذا الهوى الأشتمة
مثل تيزاب يحرگني.
161
""""""""""""""""""
4
شام :: فتحت عيني بشهگة ويَ سحبة البرده من عندي رافعة راسي تمنيت اختفي الخوف حسيتة ويا كل قطرة دم بجسمي وكل جزء بجسمي خايف ويرجف ، اختنگت وصار تنفسي بصوت عالي وشهگة ما يوصل النفس الگلبي الحد ما ندفعت البرده لبعيد وصارت عيني بعينه ثانية هي ثانية غوشن عيوني واحس راسي نرگع بالگاع
560
ما حسيت بعدها الا على أيد رويده تمسح على راسي فتحت عيني بتعب احاول ابلل شفتي احس بلاعيمي يابسات وجسمي تعبان حيل حيلي مهدود
199
رويده :: شلون صرتي شام ؟
103
باوعت بعينها تعبانه كوه احجي :: شصار شنو بيه ؟
128
ما حاجتني دارت سحبت علاكة من وراها طلعت منها شي مثل القلم سحبت ايدي ولزمت اصبعي نغزته بالقلم نز جسمي ماعافت ايدي رجعت سحبت شي ثاني اخذت بيه دم وخلتها بجهاز قياس السكر ا
279
- رويده ! حاجيني شنو بيه ليش تقيسين السكر .
5
- حتى أتأكد من صحتج ، شام سجود محاجيتج صعدت فوك سوتلج شي ؟
47
غمضت عيني اتذكر هزيت راسي اي وفتحت اباوع بوجهه عكدت حاجبها بصدمه گالت
3
-شسوتلج ؟
18
- خنگتني بالمخده هي وكرار وصلوني للموت ،
74
احجي مختنگة ودموعي ينزلن اباوعلها رأسًا بياض عينها صارت بيه شرايين حمر وقابضة ايدها بقوة دارت وجهه منعندي ذبت نفس بحسرة ورجعت تباوعلي
56
- بسببهم تخربطتي ؟
112
هزيت راسي لا ورجع گـــلبي يدك حيل بلعت ريك بتعب بس اريد اكدر احجي عيوني مدمعه ويحركني احس نار تطلع منهم
30
- طلعت من المخزن وسمعت صوت باب غرفة الجن يعني غرفة اخوج ، تعبت من التفكير منو هنا وليش محبوس ومنو يعذبة ويخلي يصيح ، وليش بعدين تشتغل اغاني وليش يضرب الباب وليش وليش والف ليش ببالي وانتِ ما تجاوبيني نجبرت ادور اجوبة بنفسي ومن شفته ما ادري شصار بيه خفت من شكله ومن الدم .
- اخوي مريض شام ، لا تدورين وراه
415
- شنو مرضة شبيه يعني ؟
14
-ما ادري ، اكتفي بكلمة مريض .
68
سكتت رويده مدنكة باوعت بوجهه وحجيت بتردد
2
- مخبل يعني ؟
488
رفعت عينها الي فازة تباوعلي بدون ما تحجي لمعت الدموع بعينها دارت ساكته ضمت جهاز السكر اخذته. وطلعت من يمي . كمت على حيلي مديت راسي من باب المخزن اباوع للساعة بالسته العصر حييييل يعني نايمه اني من ذاك الصبح ، خفت انزل عيني واباوع الغرفتة ركض نزلت جوا .
64
صارت بوجهي سجود رجعت ليورا فازه والله صرت اخاف منها مجرمة ضحكت وأشرتلي على مطبخ گالت
57
- سوي الاعمامج چاي
66
مديت راسي للصالة شفت عمو حيدر كاعد ويا عمو حسين عفتها رأسًا وركضت للصالة رادت تلزم ايدي مالحكت حجيت بسرعة
- عموو
20
التفت عمو حيدر الي واني احسه حبل نجاة اچلب بيه حجيت واني اشهك
16
- عمو تقبل سجود تمدد ايدها علي. ، تخلي كرار يلزمني وتخنگني بالمخده عمووو والله خنگتني وصلت الموت حسيت روحي راح تطلع
491
بجيت واني اشكي بحركة عمو حسين ضحك وگاله
- ها حيدر شكتلك ، شفت خو انتَ تدري ممنوع واحد يصعد للطابق الثاني غير البنات ، لا سجود تصعد ولا كرار هاي صار عمر ما واصلين فوك ، وهاك هاي بت اخوك فوگ سوايتها الخايسة ما تحترم الاكبر منها تجذب .
309
شام :: فتحت عيني بصدمة درت على سجود واكفة بصف الباب من الجهه الثانية ما يشوفونها ابتسمت الي رجعت اباوع العمو حيدر گال
7
- شام كتلج سابقًا عندي ولد ما اكدر اخذج يمي لا تفتعلين مشاكل اكعدي وسكتي .
167
حسين :: هي كاتله روحها على العيشه يمك اخذها
36
وعمو حيدر نتر يصير ويأشر
- ما اخذهاااا تكعد هنا وتنجب مدرسة تروح كل أسبوع وترجع حجي منا ومنا ما اريد بعد
373
ينتر ويصيح وكام طلع واني على وكفتي مصدومة وحرف ما انطق
وعمو حسين گام طلع وراه اجت زهراء تضحك فاتت من وراي درت على سجود رفعت اكتافها وگالت
22
- بعد لا تتهمينه بسوالف تعبانة الحمدلله الطابق الثاني ماشايفينه ولا صاعدين اله ركزي وشوفي منو الخنگج .
210
حجتها وراحت كعدت على بايات الدرج گـــلبي . يدك حيل ودموعي ما تنزل صدمتي بعمو حيدر كسرت گـــلبي . مسحت وجهي اتلفت شفت رويده واكفة بباب غرفتها تباوعلي بحسرة أشرتلي براسها تعالي كمت بهدوء ضايعة دخلت للغرفة سحبتني من ايدي كعدتني على جربايتها ومقابيلي غزل كتبها گدامه
24
رويده :: راح اجيبلج كتبج واجي. .
62
بقيت ساكته وهي طلعت شوية ورجعت كتبي بأيدها خلتهن گدامي على الچرباية كالت
- ادرسي شام وتعودي على هيج أشياء لا تنصدمين ،
52
حجت وطلعت من الغرفة باوعت الغزل ابتسمت الي تحاول تطمني ودنكت تدرس فتحت الكتب ماكدر اركز عقلي متخربط
12
- غزل !!!
1
رفعت راسها من الكتاب تباوعلي كتلها
- اخوج شبيه ؟
25
- اخوي هجام ؟ مريض .
198
- شنو مرضة ؟
6
رفعت اكتافها ما ادري كالت
- ما اعرف شنو بس هو هيج مريض ومايحب احد غيرنا اني ورويده نصعد للطابق الثاني .
168
بلعت ريك خايفة
- ليش قبل اني انام بالمخزن ومقابيل غرفتة .
34
- لااا ، هم ما قبل تخبل بس رويده حاجته وعافج
545
- زين غزل الغرف الإثنين البقية المقفولات غرف منو ؟ وليش محد يفتحهن ؟
201
دنكت راسها ساكته عبالك ما سمعتني شنو حجيت صرت اعرف من ما يردن يجاوبن يغلسن يسون نفسهن ما سمعن وآني رأسًا اغير السؤال سكتت شوية شفت دفتر مفكرة يم مخدة رويدة سحبتها كان بداخلها قلم فتحته على الصفحة المخليه بيها قلم كاتبة
74
أيبتلي يتيمًا برعاية يتيم ؟ أيبتلي ضعيفًا بحماية ضئيل ، أيبتلي خائفًا لاطمئنان مرتجف، أيبتلي ضائعًا لإرشاد تائه . أيُعقل ؟
904
قريتهن وعيوني مدمعه شوية ورجعت لغزل اريد اسأل بعد
1
- غزل ، سجود تخاف من اخوج ؟
32
اباوعلها وهي مدنكه علن خدودها وبينت ابتسامتها هزت راسها اي وحجت بهمس
36
غزل :: ترجف من عنده
324
- ليش ما تحجن على اذيتها الجن ويحاجيها
2
هزت راسها لا سألتها مستغربة
1
- ليش ؟
1
- ما نريد يعرف يتأذى
52
- معقول هسه هو ما يدري بيها هيج تعاملكم ! ومرات تضرب رويده .
- لا ما يدري وهي من تحاجينه بصوت ناصي لان تعرف مانگدر نحجيله
10
- ها زين هو شبيه شنو مرضة فدوه والله خفت منه
37
جاي نحجي وانصدم بصوت زهراء عالي تبجي وتغلط على رويده طلعنا اني وغزل الي بس فتحت الباب وشافت المنظر بقت على وكفتها وتبجي ، نصدمت بسجود لازمه رويده من شعرها وتضرب بيها وزهراء واكفة على جهه لازمه ايدها تبجي وتسب
79
ركضت اريد اطلعها من ايد سجود ورويده ساكته ماكو منها اي صوت بس اني جنت احجي بصوت عالي خايفه على رويده تخبلت من سجود خنگتها اصرخ واجر بأيد سجود ، ضربتها على وجهه ما احس الا نسطرت بالحايط اباوع كرار ويسويلي اششش صيح بنتر وصوت ناصي على رويده
191
- انتِ حركتي ايد زهراء انتِ ؟؟؟
65
وامه تحجي بحركة - اااي ااي هي الا اموووتها
25
وتگابلوا على رويده الي ما طلع صوتها ملخوها واني روحي تنشال وتنركع رجعت اسحل بيهم واصرخ كل ما اصرخ تجي ضربه على حلكي والدم ترس وجهي
111
لحظة لحظة واحس كرار أنشال من رگبته من بينا ونرفع ويا الحايط فتحت عيني بصدمة أباوع للشخص الخانگ كرار ، سجود ابتعدت على صفحة وابنها ينازع الموت وهي ما تنطق بس مبتعده وعينها على كرار
3.1K
اباوع مرعوبة رجلين حافية بنطلون وظهر عاري مملوء بالوشوم
1.2K
تقربت رويده اله بهدوء تمسح على زنده وتسحب بايده الخانگة كرار تحجي بصوت ناصي
42
رويده :: هجام عوفه هجام حبيبي عوفه ، راح يموت عوفه انت مو قاتل عوفه هجام هجام ،
572
سحبت أيده من رگبة كرار نزلتها وحضنته رأسًا تهمس بأذنه بهدوء ،
70
كعد كرار على حيلة يشهك ويجر نفس يلزم برگبتة وسجود بقت على وكفتها ابتعدت رويده وافتر هجام رجعت خطوة ليورا بس لمحت وجهه وهو عيونه متشخصات على سجود تقرب خطوة الها
180
ورويده مچلبه وتحاجي بمنتهى الهدوء عبالك شخص نايم وتخاف علي يفز وكف ببعد خطوة عن سجود الي رافعه راسها وتباوع بوجهه بشموخ لمن المح ايدها ترجف ، بدون ما يحجي طكطك رگبته منا ومنا وسحبته رويده برهاوه تبع خطواتها على بايات الدرج واني عيوني مركزة بخطواته
348
رأسًا سجود راحت الابنها تشوفه وغزل مسحت دموعها وصعدت وره هجام ورويده ، واني على وكفتي ما مستوعبه عفت كلشي وصعدت بخطوات ترجف وكفت اباوع الباب غرفتة والباب المخزن فضولي يگلي وراهم روحي وخوفي يگلي للمخزن تحركي
319
سحبت نفس بقوة وزفرته تقدمت لغرفته الباب مفتوح على كيف وكفت خايفة ارفع عيني ، اعصابي ترجف شوية شوية ارفع نظري
رويده گاعده على الچرباية وهو بالگاع على اركبه يمسح الدم من وجهه ساكت ، وغزل كاعده بصف رويده .
109
عيني ويا ايده وحركت اصابعه كل اصبع وشم وفوك من الاصابع وشم والزند وشم الحد ظهرة وكف وصار ظهره عليَ عيوني متمركزه على كل وشم بيهن عباره عن دوائر وشخابيط عبالك طفل هسه يتعلم يلزم القلم ومشخبطهن هيج
608
وكفت رويده سحبته من ايده خايفة من شافت ايده حركتها غريبة مو ترجف كـ اي شخص ، لا تنشمر وتنهز بصورة مرعبه سحبتها الوجهه باست ايده وتحجي بصوت ناصي تسحب بيه للچرباية تمدد وهي تمسح على شعره وتحجي
125
- هجام حبيبي اشش باوع والله ما بيه شي ، اني غلطت ضربت زهراء لان صوتها عالي چويتها وغلطت على امها .
40
هجام :: اول مره تضربج ؟
930
- واخر مره واخر مرره ، تتوقع تكدر تمد ايدها علي ؟
46
شام :: اباوعله هز راسه لا غمص عينه وهي تقربت باسته بكصته تغطي وتمسح على وجهه وباست ايده عيونها حمر والدموع تلمع بيها گالها
40
- روحي .
53
وكفت على حيلها سحبت غزل من ايدها فتحت الباب صرت اني بوجهه سدت الباب وسحبتني من ايدي للحمام غسلت وجهي
1
رويده :: لا تحميني مره الثانية لا تحصلين ضرب بسببي
34
- وليش ساكته وتتحملين ضرب وانتِ عندج شخص يحميج ؟ ليش ما تحجيله
31
جرت كلينكس خلت بأيدي وتحجي بحركة
- ما تعرفين شي انتِ ما تعرفين شي عوفيني بضيمي شام عوفيني الحجي يوجع
171
- احجي خليني أعرف احسن من ما اروح هسه ادك الباب واكله اخواتك كل يوم ينضربن ويسكتن. !
108
باوعت بوجهي وهزت راسها موافقة
- روحي روحي هاي غرفته روحي احجي بس احسبي حسابج ما راح يخلي واحد بيهم عايش .
300
- شنوو ؟
1
- اي ليش مصدومة ، انتِ شنو حسبالج اني متونسه على العذاب ما ودي احجي واخلي يطيح حظ سجود ما ودي احجي واخلي ياخذ حقنا بس المسكتني سبب أقوى منج ومني .
245
عافتني وطلعت من الحمام طلعت وراها نزلن واني بقيت بمكاني واتذكر شلون خنگ كرار گـــلبي . يدك حيل نزلت جوا الصالة فارغة والغرف مسدود اذا تشمر الابره تسمع صوتها فتحت باب غرفة البنات كل وحده متمدده بحربايتها ساكتات واني مدري شبيه روحي تلوب وعركانة گـــلبي . ممرود كالت رويده
30
- تعالي اقيسلج السكر .
168
هزيت راسي لا ودنكت اخذ كتبي صعدت فوك حاولت ادرس ما اكدر كل دقيقتين افتح الباب واباوع الباب غرفتة ومتخربطة گـــلبي . نبضة مو طبيعي وكلساع احس بروحي اعرك وروحي تروح
182
كمت اشوفلي مكان ثاني ادرس بيه هنا ابقى كل تركيزي بالغرفة المقابيلي ، طلعت من المخزن امشي بهدوء والله صارت بيه خوفة خاف صوت خطوتي يفزز احد وابتلي على كد ما البيت هادئ
15
باوعت للغرفتين الموجودات بالطابق الثاني وتقربت افتحهن ثنينهن مقفولات ، هذن المنو بله وليش مقفولات ، رجعت للمخزن كعدت اكتب بلكي احفظ بس تفكيري مو يم الدراسة ماكدرت احفظ شي شوية وانفتح الباب بهدوء. دخلت رويده بأيدها جهاز السكر گالت
65
- شام جيبي ايدج خلي اشوف السكر
179
- عوفي ايدي هسه عسى ما اموت عوفي بس احجي ترا بالقران روحي طكت رويده وين عايشة حسره احركلي شي بهالبيت تطلعي من جواه سالفة وسر فهميني حبابة شبيه اخوج وليش هالغرف مقفولة
77
باوعتلي بخزر وزعل نترت بصوت ناصي
7
رويده :: كافييي شام كاافي فضولج يذبح كتلج ادرسي وبسس .
151
شام :: باوعتلها بزعل اخذت ايدي سحبتها منها وتمددت دايره وجهي منها كالت
9
رويده :: ترا روحي رايحه بالقرآن التعب داك بگلبي خناجر لا تزيدينها علي .
706
بقيت دايره وجهي منها هسه كلها حاجتني ونضربت من الكل ليش من رويده نغثيت هاكد عافتني ونزلت لان هي أساسًا تعبانه ومالها حيل بس اني مدري شبيه تصرفت هيج وياها ، درست شوية ونمت ، المخزن من اطفي الضوء يصير اظلم كلش شوية وفزيت على فتحة الباب درت عيني. للباب مخروعة اشوف بس هيئة شخص واكف بالباب ما اشوف ملامحه ايده على مقبض الباب ، گـــلبي . دك حيل بخوف اريد اكعد ما اكدر بلعت ريك اركز بوجهه اريد اشوف ملامحه ماكو
307
صارت عيني على ايده الثانية واحس الهوء وكف ببلعومي فاتحه عيني بصدمة واني المح شكل الساطور بأيده ، تقدم خطوة الي شهكت اجر نفس اهتز كلي ، واني اتذكر حجي رويده من گالت اذا عرف بيهم يضربوني مايخلي واحد عايش ، هسه حسباله اني وياهم وراح يبدي بيه
1.5K
غمضت عيني ادعي منتهيه وهو كعد ثاني ركبة بصفي بدون ما يشغل الضوة عاف الساطور بالگاع على الكاشي صوته دك گـــلبي . واني اتخيله يكسر رگبتي بيه بجيت اشهك من لزم ايدي جسمي انتفض بخوف احجي واسحب بأيدي منه
530
- حباب لا لااا
310
بجيت الوب وهو يسحب بايدي ويطبك باصابعي واني عبالك حسيت بوجع الساطور قبل ما يكطعهن ، اشهك وروحي توجعني من تخيلاتي للوجع اسحل بأيدي ارافس وحسيت نغزة بأصبعي صارت بلعت ريك عصر أصبعي قوي سكتت بس رهبة البجي مچلبة ببلعومي خله الشريحة على ايدي ثانية عافني اخذها هي والساطور طلع وكف بباب المخزن على الضوه يشوف الجهاز .
2K
مد ايده ليورا بدون ما يلتفت سد باب المخزن واني مدري شصار بحالي الزم باصابعي وابوس بيهن واكلبهن منا ومنا وابوسهن واحطهن على كصتي وارجع ابوسهن
2.3K
فترة ورجع الباب نفتح وتشغل الضوء باوعت بسرعة رويده واكفة كدامي متخوصره وعلى وجهه شبح ابتسامه كعدت بسرعة وامسح بوجهي وهي بأيدها الثانية صحن اكل كالت
99
- عود هم تزعل
276
ابتسمتلها دخلت كعدت يمي وخلت الصحن گدامي باوعت للصحن ميته من الجوع كالت
3
- اكلي اكلي داكج الجوع سوده عليَ دعوفيها للزعل الاكل ما يتعوض
118
ضحكت ومديت ايدي اكل كتلها
3
- شنو ما نايمه انتِ ؟
8
- نمت و كعدت كلت هسه كاتلها الجوع خطيه ، لا جذب ماكلت خطيه ولو ما اخاف على سكرج الا اخليج بدون اكل حتى بعد ما تدورين زعل وياي .
184
- منين طلعتي بسالفة السكر ترا اني ما بيه سكر ولعباس
61
- اي ادري ادري قابل ثولة گدامج بس لازم تراقبينه هالفترة لان بسبب الصدمة والخوف تخربط صار عنده جالي صاعد نازل
195
- هههههه ولا عرفتج طلعتي تعرفين تضحكين وتحششين .
42
ضحكت تباوع بعيوني متحسره گالت
1
رويده :: الهم ينسي الواحد شلون يضحك
43
- عادي الحب يرجع يعلمج الضحك
139
رفعت حاجبها الي بخزر بس تضحك
2
رويده :: يا حب شعلمج علي ولج اطيح حظج ترا التهي بدراستج
85
- هههههه لا والله هو اني شنو شايفه حتى احب بس اقصد فد نااااس
54
حجيت وغمزت ابتسمت ودنكت عينها كالت
2
- افشل حب أصلًا ما يتسمى
46
- ليش منو وشلون وشوكت حبيتي وين راح
63
- رجعت شام الاسئلتها الما تخلص
100
-اااي رويده شبيج وياي والله فضولي يذبحني
58
باوعتلي بحسرة دموعها رأسًا تجمعن گالت
3
رويده :: من واني طفلة اموت علي تصدكين اذا اكلج النا مواقف سوا من عمري سبعة سنوات اتذكرهن وهو عمره ١٥ شوفي عندي خالة وحده متزوجة شيخ معمم بكربلاء ، كلش قليل نروحلها
عدهم ثلاث ولد ولان ما عندها بنيه كالت الامي خلي رويده يمي اتونس عليها واذا بچت اخلي " يُسر " يجيبها الكم يسر ابنها الوسطاني
759
أقتنعت امي وعافتني يمهم واني اتخبل على يُسر من يروح للمدرسة أبقى ابجي الحد ما يرجع ياخذني ويطلع يشيلني باعيه ويركض ، يلعب وياي اي شي جنت أريده واي لعبة اريدها يقبل
هم كلهم يدرسون حوزه وابوهم رغم شيخ بس قاسي وياهم
167
واتذكر مره دخلت للاستقبال لگيت العمامة مال زوج خالتي چلبت ال يُسر الا تلبسها وهو لبسها واني اضحك اجه شالني وطاحت العمامه بالگاع وابوه جان واكف بالباب نضرب يسر بسببي لأول مره ونجرت اذاني لاول مره من زوج خالتي ويسر دافعلي ونضرب حيل نطبع الموقف بعقلي وقتها للصبح ابجي واريد امي وثاني يوم يسر جابني الاهلي
202
بعد مارحنالهم الا ورا ماصار عمري ٩ سنوات امي وقتها تعبانة ورحنا للزيارة مرينا الهم اول ما وصلنا اجه للباب يركض وشالني بس اني جنت خجلانة لان من زمان ماشايفته عافني وبقت عينه عليَ
65
مره فتت من يم غرفتة ودخلت اباوعلها كتب دينيه كلشش هواي اگلب بيهن ودخل هو ضحك واجاني بفرحة مثل من جنت طفلة شالني ليفوك يضحك ويكلي
20
- هاي منووو منور غرفتي
295
حضني وهو رافعني وباس خدودي مكزكز هو هيج يحب الأطفال وحاسبني بعدني طفلة بس ما جنت طفلة عادية جنت اعرف هواي سوالف بسبب صديقة سوء نفتحت عيني على سوالف اكبر من عمري ، بوس خدودي ويكرص بيهن وباس ركبتي يريد يشمرني ليفوگً ويلكفني وهو يضحك بس باوع بوجهي اختفت ضحكته نزلني عاكد حاجبه گال
216
- شبيج رويده .
7
وقتها اني جاهله وحماره اشرتله على رگبتي وجنت ارجف تخبل ضربني راشدي وطردني ورجعنا البيتنا بعد ما شفته بس بقى بگلبي سنين وليالي اكل باصابعي ندم على السويته جهل وعدم فهم
1.7K
عرفت بأبوه مات ، واخوه الاكبر منه مسافر ، وراها امي توفت وتبهذل حالنا ومرت علينا احداث تشيب الراس وكل شي صار اني ما بطلت تفكير بيه . الحد عمري ١٧ نجبرت اروح يمهم اني وغزل على اساس بس يومين نبقى يمهم ، شفنا بس خالتي صعدتنا بالترك وگالت لا تنزلن وصوتجن كون ناصي حتى ولدي ما يتقيدون
188
بقينا بالترك يومين واجو اهلي حتى يرجعونا من طلعت صار بوجهي وكفت واباوعله بصدمة من شفته لابس عباية وعمامه نفس ابوه ، تمنيت عيونه تنرفع ويباوعلي بس حتى خيالي ماراد يشوفة ولا صوتي يسمعه
564
رجعنا لبيتنا ومرت الايام وهو يكبر بگلبي يوم ورا يوم ، سنتين مرن صارت مشكلة كلش چبيرة وما النا غير هالخاله كل ما لوتنا الدنيا ركضنالها وهي تصعدنا بالترك بظهر البيت رغم بيتها كلش چبير كلشش زراعي بعد ، بس هي تفضل نبقى بالترك لان الولد يستحرمون بس ما جنت احس هيج جنت حاسه بيها تتقصد ما تريدني اشوف يسر الي اصلاً ما مهتم . بس اني جنت ميته علي ميته وكلت ما احجي بس اذا شفته اعتذر عن البدر مني بالطفولة واكله جنت صغيره وما أفهم
107
وصارت وشفته بالليل هستوه دخل سيارتة للكراج ونرل منها رحتله بسرعة كتله. يسر. ، وكف مدنك منطيني ظهره وجامد ردت بس يلتفت وأشوف عيونه ، بقى على وكفته كتله
48
اسفه ولو اعتذار متأخر سنين بس ماصارت فرصة ، اني اعتذر منك جنت طفلة
21
تدرين شسوا استغفر وتعوذ من الشيطان ورجع صعد بالسيارة عبالك سمع صوت بنت ملهى ، رجعت للترك يم غزل وثاني يوم اجه مجتبىى ابن عمو حيدر عرض علي مساعدة يحلنا المشكلة الصارت ويساعدنا بس بشرط اقبل اتزوجة .
358
جانت مساعدته تهمني اكثر من گـــلبي قبلت ونزلنا من الترك اني ورويده ومجتبى جان يسر كاعد جوا بالحديقة منتظر مجتبىى من نزلنا سوا مجتبىى تقدم گال اليسر
41
انتوا ما قصرتوا مشكورين ،خطيبتي واختها برگبتي .
40
واول ما مجتبىى حجه هيج يسر رفع عيونه وباوعلي بعد كل هالسنين صارن عيونه بعيوني كلهن اشتياق وصدمة وعتب لا هو النزل عينه ولا اني الاكدر افارگ عيونه ،
449
يسر گال المجتى شوكت خطبتوا گاله ، بعدنا هسه اتفقنا ويا ريت تعقدلنا انتَ ، واني بس اباوع ساكته دخلنا البيتهم للصالة بعد ما باوعلي تمنيت اشارة منعنده تگلي هو هم يبادلج هالحب ادور بيه على اشارة ولمحت رجفة ايده وحركة اعصابة ارتباكة
من يحاجيه مجتبىى ، يعيد الكلام مرتين يله يسر يرد ويجاوب
248
اجت مكالمة المجتبى طلع من يمنا وبقينا بالصالة احنا وخالتي ويسر الي مدنك ويهز برجلة بتوتر تمنيت يحجي كلمة كلمة وحده ويگول لا تقبلين كلمة او نظرة تكفي ، بس لا ما يدخل نفسه حرام ويحاجي وحده مو من محارمة رجع مجتبى وتخيلي العقدلي يسر
214
وذاك يوم وهذا يوم ماشايفته
52
شام :: مسحت دموعي وهي تبتسم تخفي دموعها كتلها
9
- بس مبين هو هم يحبج ليش ما حاجاج
2
- هههه يستحرم ما يحاجيني ، ان شاءالله رويت فضولج ههههه
141
- يمه كطعتي گـــلبي هسه وين الزمه واكله تعال يابه لا تبيع مثاليات هي تحبك وانت تحبها بدون مسلته تزوجوا يله لا اركع راس براس
548
- هههههههههه شام فد عندج سوااالف
27
- اي والله لج بعدج ما تعرفيني فد اضَحك واونس بس الدنيا تكفخ بيه ما تخليني
178
- الحياة عدوة للجميلات
767
- اي والعباس اي والحسين لج اليوم احنا متفقين ونسولف شكد حلو
92
ضربتني تضحك ردت ارجع اسألها على اخوها واستحيت خاف تكفخني سكتنا جرت كتابي گالت كومي صلي خلي اشوفلج اسئلة طلعت من يمها بحماس توضيت ورجعت صليت يمها وهي تكتب اسئلة كملت صلاة انطتني الدفتر هستوها تريد تگوم وبدت ضربات الباب من غرفة اخوها
44
باوعتلها ساكته وهي عبالك شي عادي صيح بوجع عكدت حاجبي اسأل
- رويده احد جاي يعذبه ؟
111
هزت راسها لا ودارت وجهه طلعت وسدت باب المخزن وراها وهو صياحه بوجع وراها يضرب حديد بحديد والصوت عالي حيل ومزعج مزعج سكت شوية واشتغلت اغاني وينصي ويرجع يعليها
766
ليش ما يحجون ليش ما يتدخلون معقولة ما يسمعون صوته لان جوا بس كلش عالي الصوت شلون ما يسمعون ،
مر اليوم بسبات ، سجود ما تحاجينا ورويده ما خلتنا نشتغل اني وغزل بس ندرس يوم الخميس اجه مجتبىى اخذني امتحنت امتحانين حسيت المدرسات صارلي اهل . ست خولة الوحيدة بقت تجنبني وسكتت ما حاولت اصحح موقفي وياها كملت امتحانات وكالت بعد انتظري امتحانات اخير السنة
144
رجعت للبيت رأسًا نمت مال تعب الدراسة والسهر من ورا الصوت
وافز على احد يدفر برجلي فتحت عيني سجود واكفة فوگ راسي وتسويلي اششش وتهمس بصوت ناصي كومي . وخرت الغطا ووكفت ودي اصيح وارد بس حجاية رويده لازمتني
28
سحبتني من كتف ملابسي نزلتني جوا دفعتني للمطبخ رويده وغزل ينظفن ساكتات
3
سجود :: السباعية بيجن تطلع صوت .
173
درت عيني لرويده متوقعتها ترد بس هي بقت تجلف ساكته وغزل بأيدها تأشرلي اكعدي اكعدي ، كعدت يمها انطتني فرشة ونجلف بالكاشي مال المطبخ وهي سجود واكفة بباب المطبخ مكتفه ايديها وتراقب ، عبيد خو ما عبيد ، اريد احجي وتلزمني خزرة رويده وغزل من تأشرلي بخوف جلفنا المطبخ واجت زهراء من برا طالعة جانت فاتت بحذائها تحجي
80
- اوووي هاي شمسويات شهالخيسه
308
شام :: نجلف بخيستج يعني شمسويات
1.4K
حجيت واني مدنگة والفرشة بأيدي ما اكدر اهظم زهراء اكدر اسكت عن سجود بس هاي لا اجت سجود علي مدت ايدها على زندي وكرصته بقوة شهكت مچلبه بأيدها واجر بيها منعندي بس اريد افلت روحي گالت
42
- اورطج بسالفة تخليج تمشين وتتلفتين وعيونها الزهراء اخليج تعضين اصابعج ندم
865
عافتني وراحت ورويده ما فتحت حلكها وحجت كلمة ، كملنا تنظيف واني گـــلبي . متگطع اول تالي اسكت وكفنا نسوي عشا ودخل كرار ياكل من الصحون وكف يمي اتارسه الطاوه زيت اگلي كباب عروگ اي شي اطلعه من الطاوه واخلي بالصحن ياكله سكتت وهو مستمر بقيت مغلسة ،
282
حجه بحقارة كلمة تقشعر البدن وهو يوصف جزء بجسمي درت علي خازرته محترگة حرگ ضحك عض شفته والبنات بالمطبخ ما مهتم لوجودهن درت على الطاوه افور كتله
378
- ناقص غيره ما عليك عتب
234
اول ما حجيت ضحك و مد ايده على جسمي بحركة مقرفة ابن الشوارع ما يسويها صرخت متخبله دفعت ايده وايدي الثانية لازمه بيها يدة الطاوة المتروسة زيت وتفور كلشي راح من عقلي كلشي شلت الطاوة هي وزيتها ضربته اصرخ وهو بس وصل الزيت الجسمه صرخ يشيل روحه ويركعها وابوه وامه متخبلين اجو يركضون يردون يلزمونه ماكو يفتر بالمطبخ مثل المخبل ويصررخ
2.8K
واني واكفة على جهه ابجي وارجف اباوع الوجهه وعيونه ما يفتحهن لزموه يغسلوه وهو يصرخ بكل صوته لبسوا يردون ياخذونه للمستشفى مخبوصين ومستعجلين ما سألوا اي شي بس يركضون طلعوا من البيت واني كعدت بالمطبخ على حيلي لميت رجلي الصدري وابجي متخبلة من حركته المقرفة ومن روحي
العدها هيج جرئة وحرگت انسان بزيت
374
حضنتني رويده الگلبها وغزل راحت الاخوانها الصغار بقوا يبجون
چلبت برويده ابجي بصياح
11
- شاام كافي اشش اسكتي
2
- ااااخ يمه تعبت ولج يمه تعبت تعبت وحق الله تعبت
50
- اسم الله عليج شام باوعيلي فدوه لا تسوين هيج راح تتخربطين
6
رويده :: حضنتها خايفة ترجف وتبجي بصياح كومتها كوه بس اريد اكعدها بغرفتها ما تمشي ماكدرت كعدنا ببااب المطبخ وهي تصرخ وعيني على الدرج خايفة ولا اكدر اسكتها حضنتها الصدري امسد على شعرها
327
ولمحت رجليه على بايات الدرج رفعت عيني اله وكف بمكانه يباوعلي بتساؤل رفعت وجهه شام من صدري وهي تبجي باوعت بعيونها
204
- اششش شام
سكتت تشهك تباوع بعيوني حست من شافتني اباوع وراها رجع خطوة ليورا صعد باية وهو يباوعلنا
34
- شام فدوه اروحلج لا تصيحين
54
رجعت حضنتها خايفة عليها حيل وهي ترجف بأيدي مثل السعفه وتلزم بملابسها وتغطي بروحها منا ومنا گـــلبي . انطحن طحن اجت غزل يمي تباوعلها بعيون مدمعه
25
غزل :: كوميها تنام بغرفتنا باوعي ترجف
8
رويده :: شام ،
رفعت وجهه من صدري مغمضة عينها وما تقبل خايفة حيل ومرعوبه أشرت الغزل اصعدي فوك اجت تشاورني
4
- اذا سأل ؟
رويده :: جاوبي
101
- واذا ما سأل ؟
- اسكتي !
111
هزت راسها موافقة وصعدت ، وشام ترجف بأيدي كومتها كوه غسلت وجهه ورجعت كعدت مجلبه بأيدي كد ما مرعوبة كوه سكتت مرت ساعة وهي بحضني ساكته بس بحة البجي كل شوية تخنگها ومدري شنو تذكرت رجعت تبجي لميتها بحضني
19
- كافي شام
1
- كلهم كلهم تحرشوا بيه وين ما اروح يمدون ايدهم على جسمي
ليش بس كليلي ليش يوميه اعيش بنفس الموقف من شخص مختلف ، احرررك روحي واخلص
627
- اشش لا تحجين هيج كافي
6
شام :: رفعت وجهي خايفه من سمعت صوت سيارة اجت غزل تركض گالت
- اجو
16
وكفت مرعوبة وخايفة ما ادري بروحي وين اريد اروح ارجف وافتر لزمتني رويده كالت
- شام شام اصعدي اكعدي بالمخزن
9
- تصعدللي تصعدلي وين ارووح تخنگني والله تخنگني
58
رفعت عينها باوعت للطابق الثاني ودخلت سجود من باب الصالة تنزع عبايتها واني عيني بعين رويده همست
- روحي الغرفة هجام ،
1.4K
حجتها ودفعتني على الدرج وسجود ذبت العباية ركضت ارجف وكلساع اريد اعثر كملت الدرج ووكفت اباوعلها اول ما وصلت لرويده خنگتها تنتر بصوت ناصي بحرگة. دفعت رويده واجت على الدرج هستوها خلت رجلها على اول بايه واني ركضت دفعت باب غرفته ودخلت سديت الباب وسندت ظهري علي غمضت وبجيت خانگة صوتي
232
أكثر مكان مخوفني اجيت أدور بي أمان
750
من وكفتي نزلت كعدت لامه رجليه الصدري خايفة افتح عيني ، ابجي بدون صوت ، كطعت حتى النفس من حسيته يمي فتحت عيني على كيف وجهه بوجهي ثاني ركبته وكاعد بمستواي يباوع بداخل عيوني رجعت غمضت ارجف ما اعرف هالانسان ومحتميه بيه
617
فتحت من حسيت محد گدامي عايف كلينكس بمكانه وشفته هو كاعد بصف الحايط ساند ظهرة العاري على الچرباية يباوع للشخابيط تقرب يمشي ايده على خطوط الرسم يتأملهن بحزن ويتبعهن وحده وحده وصل لرسمه صغيرة دائرة بداخل دائره باوع بأيده وباوع للرسمة اختار مكان والتفت كأنُ اني ما موجوده بالغرفة
196
على صدرة فوگ گلبة وشم شكل الانسان دائرة بيضوية وخط مستقيم وايدين ورجلين ،
130
وكف يم الكنتور طلع جهاز وعلبة اغراضي ربطة على الكهرباء وكعد بالگاع شغل الجهاز وبدأ يرسم الوشم على ايده نفس الدوائر الشافهم على الحايط ، وجهه ما بيه اي ردة فعل توحي انُ هو جاي يتوجع رغم اباوعله من يمسح ويعوف الكلينكس بيها دم
320
كمل الوشم ايده صارت حمره وكف ورجع للحايط يقارن بيت الوشم والرسمه هز راسة اي ورجع دنك شال الأغراض رجعهم للكنتور
312
باوع للساعة وافتر اكو ثلاجة فتحها طلع منها كيكة باوع بيها شوية واني اراقب بتركيز لان هو مايباوعلي احسبه ما يشوفني من اراقبة دار علي نزلت عيني بسرعة ولميت رجلي الصدري اكثر خايفة وكف اباوع لرجلية الحافية بيض واصابعه بيهم شعر والبنطلون الابسه قماش نازل على رجليه بس اصابعه مبينه
605
بقى واكف بمكانه التفتت على شي نشمر بصفي درت عيني ادور ،
الكيكة الجان لازمها يم الثلاجة رفعت عيني اله بسرعة دار وجهه ما مهتم شمر روحه على الفراش نام على بطنة
578
بقيت كاعده بمكاني واي صوت من برا ماكو رجفة واحس بروحي كل شوية تجفل واتذكر الموقف وينزلن دموعي بدون صوت هواي وقت مر وهو ولا تحرك من مكانه نعست واحس بجسمي يروح منا ويجي منا واني كاعده ومستنده على الباب.
18
خايفه اغمض عيني وانام من ارمش ترتاح عيوني واطول ابقى ساده جفني حتى تخف حركتهن وبس احس روحي راح انام افتح ، كلت اتمدد بمكاني شوي جسمي يرتاح وما انام وبس تمددت ما حسيت بنفسي من نمت
105
فزيت مخروعة على ضربة الباب رجعت ليورا ازحف من لكيته كاعد على حيله يم رجليه ويدك بالباب زحفت بعيد عنه لامه رجلي الصدري وهو يضرب الباب بخشبة ثانية ومره بأيده لمن انتبه النفسي علي غطاء لميته على روحي زين اراقب عبالك راح يتحول
457
بقى بالربع ساعة يدك بالباب وراها راح للديجي شغلة وكعد يمه يعلي الصوت ويرجع يقلله واني كل ذرة بجسمي تگول للثانية اني خايفة اكثر منج درت عيني على الباب من انفتح بس لمحتها رويده تنفست براحة وهو طفى الاغاني دخلت هي بأيدها صينية ريوگ خلتها كدامه مبتسمه صبحت علي وباسته من خده ابتسملها وباس ايدها قشعر بدني .
462
كامت رويده وأشرتلي براسها وكفت سحبتني من ايدها وطلعنا سدت باب غرفته واخذتني للمخزن بس دخلت كتلها
11
- شصار ها رويده
مسحت وجهه متوتره كالت
رويده :: وحده من عيونه طفت الزيت حاركها ووجهه وركبته وصدره هواي محروك
1.7K
كعدت على حيلي ايدي على راسي كعدت رويده بمستواي عيونها مدمعه گالت
1
- شام عمو حيدر وابوي جوا يردونج كليلهم تحرش بيه واني وغزل نشهدلج وياج اني والله ما اعوفج
62
- واذا واذا كتلهم تحرش بيه قابل راح يسكتولي
32
حجيت واني ابجي نفتح الباب ودخل عمو حسين بعصبيه سحبني من ايدي بدون صوت استسلمت امشي بايده ودموعي تصب نزلنا من الدرج اباوع محد بالصالة دك گـــلبي . بخوف والتفتت الرويده التمشي وراي خايفة وحايره شلون تساعدني
16
وعمو حسين يسحل بيه طلع من البيت للاستقبال الخارجي فتح الباب ودفعني عمو حيدر كاعد وسجود واكفة مكتفه ايديها اجه عمو حسين بسرعة ضربني راشدي وعمو حيدر يصيح
32
- حييل الساقطة المجرمة
348
صاحت رويده بصوت عالي
1
- عمو اخوي حيوان وكدامنا تحرش بيها ويوصف مناطق بجسمها بدون خجل وخوف.
99
وبس حجت هجمت عليها سجود وهي تدفعها ما تخليها تضربها
وعمو حيدر يصيح
- تتزوجه وتصيرله خدامة الباب البيت ما تطلع بعد
906
سجود :: غصبًا عليها جا يا هي التاخذة بعد راحت عينه يا هي التباوع بوجهه
480
يصيحون واني مسطورة سطر بين اسمع حجيهم وبين احمي روحي من ضرباتهم دفعت عمو حسين وصيحت بصوت
5
- والله تحلمون والله
36
وقتها حسيت فقدت من كد الضرب وغزل ورويده من حاولن يحمني نضربن طلعوا من الاستقبال وقفلوا الباب علي وهم يهددون
بقيت بالگاع جسمي كله يوجعني وخشمي من الزمه احسه مكسور
61
الچلاب طلعوني بالاستقبال الخارجي حتى يضربوني بدون خوف من صياحي بجيت واني احلف والله ما اتزوجه لو تنگلب الدنيا ما اتزوج لو يذبحوني خلي يذبحوني بس ما اقبل اتزوج هذا الحيوان
56
دكيت على الباب الحد ما تعبت ومحد فتحه لا مي ولا شي احس گـــلبي . تگطع واباوع للساعة المعلگة صارت ب١٢ بالليل وهم ما فتحولي الباب احس خلصت طاقتي تمددت وعيني على الباب خلي اموت المهم ما ارضخلهم عيني على الساعة صارت ب٢ وتحرك الباب
33
كعدت عدل منتظرة منو الراح يدخل انفتح القفل بس لمحتها رويده كمت بسرعة هي تريد تحاجيني واني عفتها ومشيت دخلت للمطبخ لمحت سجود طلعت من غرفتها بلعت ريك وبقيت بمكاني گـــلبي . يدك حيل ما اريد تشوفني. دخلت رويده من باب الصاله صاحت عليها سجود شعندج كاعده ختلت اباوعلها رويده عيونها تدورني. دخلت الغرفتها وسجود شربت مي من البراد ورجعت دخلت للغرفه مشيت بسرعة صعدت فوك جريت جنطتي وكتبي لبست ونزلت خلي ابقى بالشارع ولا اعيش وياكم طلعت من البيت اركض وارجف ويا ريت ما طلعت .
يتبع .
