رواية نوائب شام الفصل الخامس 5 بقلم الكاتبة ايلول
كِلش ثُكلت جروحي انا المَبيوع
وانه ادفع ثَمن روحي
كابوس البُعد مايگضي راح اگضي
هاي الليله مو مَكسور مُتشضي
""""""""""""""""""""
148
شام :: فتحت الباب بتردد وخوف التفتت اباوع لداخل البيت وعلى الدرج وكلبي يدك حيل أتحمل اذية الأهل لو اشرد للمجهول ، مسحت اخر دمعه وطلعت سديت الباب وراي أمشي بضياع وخوف هاي هي اروح وين ما تاخذني رجليَ أرض الله واسعه ومحد مات من الجوع بس ياخوفي اموت بلا شرف ، امشي وعيوني بالگاع الشارع فارغ وانا ما ادري وين رجلي تاخذني بس لمحت ضوه سيارة وكفت احس بعد ما اخاف من الغريب على الشفته من اهلي
145
وهذا اول اسوار من أسوارات امي ابيعه نطيته كروه للسايق الي بقى يسأل ويستفسر ويعرض مساعده وكان ردي ببرود ورفض
، انا الوكفوا ضدي أهل اثق بغريب شلون .
ومن وصلنا الفجر احتاريت وين اروح ارجع الضيم اخوالي ؟ خو باقيه يم اعمامي ومتحمله وساكته ،
142
" انا وروحي المتعوبة وين نطيح يا گاع التحضنه؟ ، بلا أهل بلا بيت ضايعين ومحد يندلنه ".
396
نزلت والرجال راح بقيت واكفة بالشارع فجرية والشوارع فارغة قلة السيارات تمشيت بحيرة وافكر وين اروح المنو التجئ اباوع مقابيلي صيدلية بيني وبينها شارع سايدين لزمت خشمي حيل
يوجعني كعدت بصف محل خلي ارتاح واعرف افكر وهم اكدر اشتريلي شي من ابو المحل يفتح ،
اخذت تكسي ورحت للمدرسة نزلت بالركن ودخلت للفرع مشي
الغريب بالموضوع احس گـــلبي الخواف مات ، احس شفت كلشي صعب وبعد ماكو شي يخوفني . لكيت بس الحارس رجال چبير وماله خلك روحه كعدت على بايات الدرج بالباب وهو حتى ما سألني شي ساعة مرت يله كال
36
- شمنتظرة
جاوبته بدون ما اباوعله
1
- جاي اخذ نقل منتظرة المديره
- ليش جاية من وكت
1
- من غير محافظة وصلت من وكت
حجيت وكمت وكفت اباوعله باوع بوجهي الواضح وضوح الشمس مضروبة وماكله طن كتل بقى يباوعلي مستغرب تحسر وگال
28
- ادخلي للمدرسة لا تظلين بالشارع ،
387
كمت انكث بملابسي واغراضي بأيدي دخلت ورحت رأسًا للحمامات وجهي صاير فلم وخشمي مورم غسلت ومسحت رگبتي دخلت بدلت بملابس المدرسة حتى من اطلع ما اجذب نظر البنات ويباوعلي طلعت وكعدت ورا الإدارة مكان معزول ومحد يجي علي
61
بدن الطالبات يجن وصوتهم يملي المدرسة واني على كعدتي ، كل ما اغمض عيني توجعني ضرباتهم بيا ذنب وليش حتى انضرب
130
سحبت نفس بقوة وكمت عفت كتبي واغراضي فتريت اباوع لباب المدرسة دخلت المديرة وكم مدرسة بس ست زينب ماكو ، كل ما تتأخر گـــلبي . تتضاعف دكاته الحد ما لمحتها دخلت تسولف ويا مدرسة ثانية وتضحك اريد اصيحلها اريد احاجيها ماكدر خنگتني العبره بقيت واكفة واحاول احجي ما اكدر وصلت الباب الممر مال غرفهم ولمحتني فتحت عينها بصدمة واجت بخطوات تركض حضنتني ضامه وجهي بصدرها بجيت اشهك وهي ترجعني ليورا حتى الطالبات ما يشوفن
178
بعدتني من صدرها تباوع بوجهي مصدومة رجعت حضنتني ما مستوعبة ، بعدتني وايدها على وجهي
51
- منو مسوي بيج هيج شام ؟
47
وخرت ايدها مسحت وجهي دايره عيني شكد صعبة اكلها اهل الاحتميت بيهم اذوني
27
كعدت ساكته وهي كعدت بصفي ايدها على كتفي لكيت روحي احجيلها على كلشي عشته من اول يوم رحت يمهم ودموعي مغطيه وجهي سحبت راسي لصدرها تمسد علي كامت شالت جنطتها كالت
3
- ابقي هنا هسه اجي بس خلي اخذ إجازة
211
راحت ورا ، ربع ساعة رجعت كمت وياها طلعنا من المدرسة اخذتني للمستشفى هادئة حيل وشنو تگلي اسوي فحصوا خشمي گالو ماكو كسر اخذنا علاج وطلعنا وكفت يم بيت باوعتلها ساكته ما نزلت كالت
8
- يله شام
فتحت الباب بهدوء نزلت وياها دخلت للبيت مدنكه كعدتني بالصالة ودخلت جوا جابت ماي ورجعت دخلت جابت اكل خلته كدامي رفعت راسي اباوع بوجهه
25
- ست راح تساعديني ؟
2
باوعتلي ساكتة تحسرت
3
- ما اعوفج شام كون الله يقدرني ما اقصر وربج كريم هو يحلها
223
هزيت راسي موافقة اكلت شوية اعصابي من الضرب ترجف ايدي ما اسيطر عليها غسلت وكالت تعالي ارتاحي واني ما كلت لا بس خليت راسي على المخده نمت بتعب فترة وحسيت ايدها على كتفي فتحت عيني كعدت عدل الم بشعري المتگطع گالت
32
- كومي البسي شام خلي نروح
56
كمت بدون ما اسأل لبست لفيت شالي وهي شالت جنطتي وكتبي اباوع لعيونها مدمعه طلعت امشي وراها زوجها جان كاعد بالصالة وجهه احمر وعصبي ، طلعنا اني وياها أجرت تكسي صعدنا ساكتين مسافة وگالتلي
163
- ما تسألين وين موديتج شام ؟
41
هزيت راسي لا ساكتة وهي ذبت نفس بحسرة بقت السيارة تمشي بالنص ساعة وكفت گدام عمارة نزلنا ، سحبتني من ايدي ودخلنا للعمارة اتبع خطواتها ساكتة بلا روح دكت باب وحده من الشقق وطلعت مره چبيرة بالعمر ، رحبت وهلت دخلنا للشقة كعدنا والمره راحت جابت ماي ، اباوع ايد ست زينب ترجف بحركة باوعت لوجهه ما تباوعلي همست
88
- ست ؟
18
بجت وغطت وجهه بأيدها كالت
39
- عذريني شام ردت اساعدج والله بس كلها وكفت ضدي
278
رفعت ايدي فوك ايدها امسح عليها گالت
- مالكتيلج غير هالمكان ، هاي خاله ام عمار العاملة بهالبناية هي التنظف ، تعيشين وياها بدون ايجار بس تشتغلين بمكانها وفلوس الشغل بالنص انتِ وياها ! واني والله ما اعوفج اي شس تحتاجينه تلكينه يمج كسرتي گـــلبي بالقرآن روحي متگطعه تمنيت اخليج ببيتي بس الامر مو بيدي
533
ابتسمتلها امسح بدموعي
- هاي هي ست بالعكس ما قصرتي المهم مكان اعيش بيه بعيده عنهم وما اريد شي ثاني
51
- زين باجر راح انقلج لغير مدرسة خاف يجون لمدرستج اعرف مدرسة قريبة المديرة زوجة عمي احاجيها عليج وانتِ شدي حيلج بقى بس اسبوع للامتحانات ، دام عفتيهم ابدي ابني مستقبلج بعيد عنهم لا تحنين ولا تحاولين ترجعين حتى لو يرسمولج الدنيا ورديه لا تنغشين بعد
128
- غلطة وما تنعاد
63
- خير ان شاءالله يله اني اروح بعد ما اوصيج شام ، وانتِ خاله فدوه ديربالج عليها امانة يمج
32
شام :: راحت ست زينب واني بقيت على كعدتي ، ام عمار سدت الباب ورجعت تباوعلي گالت
- الفليسات يصيرن بنص ومسواك البيت يا هي التطلع تشتري و الله موجود والعيشه مگدورلها لا تشيلين هم يا بنيتي
651
شام :: هزيت راسي ساكتة ما عندي أي جواب روحي مسلوبة ضايعة ما أعرف حتى أفكر وهي بقت واگفه تباوعلي گالت
8
- تعالي ادليج بمنامج حتى تاخذين راحتج ترتاحين
54
گمت وياها دخلتني الغرفة صغيرة وبسيطة عفت أغراضي على جهه وگعدت حايره يا ترى راح يدورون علي راح يلگوني لو راح يگولون هاي هي خلصنا منها تناقض افكار حيرة وضياع جسد تعبان وروح باهته من گد ما جسمي تعبان من الضرب انام وما احس بنفسي لحد ما أجت أم عمار گعدتني فزيت بخرعه دفعت ايدها الم بملابسي على جسمي ومبتعده وهي وكفت مستغربة ردة فعلي گالت
100
- كعدتج حتى تصلين وهسه الشقة السادسه راح يطلعون للدوام تصعدين تنظفينها .
291
وكفت هزيت راسي موافقة بدون صوت وكمت غسلت وصليت طلعت لكيتها طاكه بيض ومسوية چاي كعدت يمها وهي تحجيلي عن التنظيف شلون. ويا شقة اروحلها وبدأ اول يوم باستغراب اتحرك وعبالك شخص ثاني مو اني ، افتر من شقة الشقة انظف وما احس على نفسي الا من ينزل شي حار على وجهي امسحهن دموعي ما اريدهن ينزلن كمت افقد احس بروحي افصل عن الواقع بس يرجعني اله دموعي كل ما ينزلن
209
اتعب حيل وارجع الكتبي ادرس بدون واهس مجرد الخاطر وصية امي ، ست زينب گالت جايين اعمامي سائلين علي وكايلاتلهم ما مداومه وراها نقلتني ، الغير مدرسة ما داومت عود حتى ادرس للامتحانات بس اخلصها شغل من الصبح لليل انزل من الطابق السادس رجلي كوه يتحركن ابقى ادرس للفجر انام ساعتين ثلاثة واكعد للشغل .
87
ام عمار مره تعبانه عرفت منها عدها بس عمار طالب كلية يدرس بغير محافظة ولازم هي تلم أقساط الكلية حتى يجي بالعطلة ياخذة
1K
بدت امتحاناتي وبدأ التعب يتضاعف ما الحگ انام ومن اصعد انظف اخذ كتابي وياي اذا اغسل مواعين اخلي كدامي على الحنفيه
اذا اغسل ملابس ادرس بين ما ينشفن ، بس محد عاجبه من اهل الشقق رغم انظف من كل گـــلبي بس يضوجون من اجي وكتابي بأيدي بأستثناء كم شخص جنت اشوف بعيونهم التشجيع
129
كلشي عشته وكلشي مر بجهه واخر موقف صار بجهه من كملت تنظيف شقة وانطواني علاكة كل الاجه ببالي يردون اشمرها بالحاوية گالت المره
1
- لا هاي ملابس ما نريدهم شوفي اليفيدج منهم
319
بقيت واكفة بمكاني لا اخذ ولا أنطي الحد ما سدت الباب بوجهي نزلت والعلاكه بأيدي طلعت بوجهي شمرتها بالحاوية ورجعت للشقة غسلت وكعدت ادرس ودموعي كل شوية تنزل من الوجع جسمي تعب لا راحه ولا نوم وماكدر أستسلم بأخر فترة اقاوم واشرب كهوه بس في سبيل اكمل الكتاب واروح للمدرسة امتحن وارجع للشغل
75
الحد ما كملت امتحانات وحاجيت ام عمار
4
- خاله ممكن انام اليوم حيل تعبانة واحس روحي عبالك بحلم لان مانايمه
13
-نامي نامي حبوبة اني انظف اليوم
232
وفعلًا نمت الثاني يوم وراها رجعت اشتغل ما يجي ببالي من هذاك البيت بس رويده وافكر بيها بالي يمها تمنيت اتواصل وياها اعرف اخبارها ، اربع ايام مرت وكعدت على صوت ست زينب طلعت من الغرفة اباوعلها هي واكفة فرحانة وعيونها مليانه دموع بأيدها ورقة گالت
12
- شيختار هدية نجاح الحلو
857
اجيتها اركض سحبت النتيجة من ايدها اباوع لدرجاتي ودموعي تنزل كلهن ثمانينات وتسعينات كعدت بالگاع ابجي واضحك فرحانه ما توقعت انجح وسط هالتعب بس حاربت حاربت وكدرت اجت هي كعدت يمي مسحت دموعي وگالت
678
- گومي اطلعج نفتر ونغير جو
150
ومن فرحتي رفعت نفسي وحضنتها حيل ضحكت هي كمت بدلت وطلعت وياها
14
- ست اخر طلب منعندج
1
- لا مو اخر طلب احجي وشنو تحتاجين تگليلي ممنوع تگولين اخر طلب
94
- اني بس اريد كتب السادس اريد ادرس
317
- والله نفس التفكير من امس جبتهم ان شاءالله باجر اجيبهن الج
43
- شسوي واوفيج حقج محد وگفلي گدج انتِ الأنسان الوحيد الساعدني بدون مقابل
84
- ماكو شي بدون مقابل بهالدنيا شام
444
اختفت ضحكتي اباوع بوجهه وهي مبتسمه گالت
32
- اي والله اني هم ماخذة مقابل مساعدتي الج أجر الأخرتي .
1.9K
رجعت طمنتني افترينا بالسوگ ما جنت اقبل تشتريلي شي بس هي تشتري وتگول.هدية نجاحج اشترت لفات ورجعنا ام عمار جانت ضايجة منعندي وتحجي بس بدلت صعدت اكمل الشغل واستلمت ام عمار اول راتب انطتني منعنده ٥٠ الف رغم هو جان ٥٠٠
674
- ليش خاله مو اتفقنا بالنص هو اني الاشتغل طول هالشهر انتِ بس مرتين لو ثلاثة صعدتي نظفتي. .
14
باوعتلي بخزر وگالت
11
- والايجار والاكل والشرب كله براسي ؟ روحي اسألي هسه على ايجار شقة هنا يكلج ٥٠٠ وانتِ كاعده بالشقة مالتي حالج حال المؤجرين تدفعين .
202
سكتت اباوعلها بصدمة واباوع للفلوس بإيدي شمرتهن بحضنها
- ما اريدهن سويهن ١٠٠ وراي سادس واحتاج اجمعله
131
صيحت ترزل وتغلط شمرت بحضني ميه وطلعت من الغرفة ضميتهم بملابسي ، ثاني يوم ست زينب جابتلي الكتب وبديت اشتغل وادرس واشتري ملازم واخلص الليل دراسة مرن شهرين واني بين الدراسة وبين الشغل الي كله ذل واهانه گـــلبي تشتعل بيه نار من اسمع وحده تگول عني خدامه انشال وانركع من القهر
84
"واواسي روحي بالميخالف ويله وتهون "
262
وكل هالايام المرت اني ما نسيت غزل ورويده وبكل صلاة ادعيلهن
ودوام افكر بالعشته هناك وبالاسرار الموجودة بهذاك البيت مرت اشهر ورغم تعبي اليهد الحيل راضيه
25
الحد يوم من الايام كملت تنظيف ونزلت لشقتنا اول ما فتحت الباب صار بوجهي ولد وكفت بمكاني مصدومة لا اني داخله ولا اني طالعه وفززني صوت ام عمار گالت
85
- هذا عمار ، شام
550
دنكت عيني ودخلت سلمت وفتت للغرفة اكل بأضافري شجابة هسه شلون اذا يبقى ويا امه اني لازم اطلع ما أبقى هنا بس وين اروح ، أخذ شقة ايجار هنا واشتغل وادفع ايجارها ، شلون واني وراي سادس شغل ودوام ما راح ترهم و الله حيره يا ربي شسوي
بقيت كاعده بالغرفة ما طلعت منها الحد ما اجت ام عمار كالت
16
- شام بعد تنامين بالاستقبال هاي غرفة عمار
187
باوعتلها بصدمة
1
- راح يبقى هنا هو ؟
- اي اي ادعي يبقى كم يوم وشبع منه !
58
- بس خاله واني شلون وين اروح
- شعليج منه وين تريحن يعني ؟
- ما ادري انتِ من هسه تردين تطلعيني من الغرفة. حتى هو يكعد بيها جا مو تكولين حالي حال المؤجر يعني الي الحق ابقى بالغرفة اني
74
فتحت عينها مصدومة بجوابي والمحه وكف ورا امه وسألها
8
- شكو
وهي التفتت علي تتبسم وتمسح على صدره عبالك نازل عليها من السماء وتكله
69
-ماكو شي ماكو شي
عمار :: عوفيها بالغرفة انا انام بالاستقبال
600
شام :: باوعلي نظرة بخزر وامه اخذته وراحت كعدت ورا الباب كتابي بأيدي وادعي ربي يحميني ويحفظني من شرهم اسمع سوالفهم گالها
34
- لميتي أقساط الكلية
374
- اي اي جا شلون لميته ولميتلك مصرف يبعد امك
104
شام :: هو حجيه معلك وياها وهي كاتله روحها علي كتل بقيت بمكاني الثاني يوم اريد اصعد للشقق واباوع لنظراته لعبانه روحي
طفرت فوك بسرعة نظفت وكملت شغلي نزلت لكيته يباوع تليفزيون
ردت اخذ اكل وادخل للغرفة كال
41
- عفوًا شام ممكن سؤال ؟
201
وكفت بمكاني وطلعت امه من المطبخ تحجي
- اي يمه اي اسأل تجاوبك ، جاوبي شام !
525
عمار :: ماعندج احد من اهلج هنا
138
ام عمار :: يا مو كتلك هي خطيه يتيمه واعمامها مو زينين ورادوا يكتلونها هالشردت هنا وصارلها اشهر هنا وياي .
254
شام :: هم يحجون واني ساكته وروحي تلوب عفتهم ودخلت للغرفة صرت اموت من الجوع وما إطلع ، بس الصبح من اريد اصعد انظف اكل هواي اشبع بطني ، أسبوع مر وهو ما راح وست زينب بعد ما بينت من اخر مره اجت جايبتلي ملابس المدرسة واختفت ودوامي بقاله يومين ، وهالمره مرحلة صعبة ، الحمدلله كدرت ادرس نص المواد واضبط هواي مواضيع بس بعد بقيت خايفه ومامرتاحه
105
شفت امه بدت تسوي كليجه وكبب سألتها كالت باجر يروح يابه ماي بارد ونزل على گـــلبي بس خلي يروح روحي تشيط من اشوفه كيفت وكعدت اساعدها وهي دمعتها بعينها
45
- شبيج خاله
5
تحسرت تدعيله بالهدايه ويحنن گلبه انتبهت منطيته اكبر من حجمه وهو ابد نا مقدرها مخليها مخزن مال فلوس ويجيها بس من يحتاج اووي شعليه ديله المهم يروح واخلص گالت
86
- ما ترحين تنظفين شقة الحجي والحجيه ما الحك انا
23
هزيت راسي موافقة لان هالشقة الجوا قريب على شقتنا هي تنظفها
رحت نظفت احبهم كبار بالعمر وحلوين بس ثنينهم عايشين ، والحجيه كالت اطبخيلي وانا اعلمج ماكتلها لا وكفت اطبخ حسب تعاليمها كملت اباوع للساعة ب١٢ طلعت من يمهم دخلت لشقتنا
6
لا عمار موجود ولا ام عمار استغربت وين راحوا ما اهتميت اخذت ملابسي وفتت للحمام سبحت وطلعت اكلت براحه لان وحدي
160
بقيت ادرس للأربعة الصبح وكل شوية افكر ام عمار وين راحت
الحد ما تعبت سديت كتابي وتمددت هستوني اغفى وفزيت على صوت فتحة الباب زحفت ليورا مخروعة والم بالغطا على جسمي
51
واني اشوف عمار دخل كمت بسرعة وكفت على حيلي خازرته خله ايده على حلكه يسوي اشششش
197
- لا تخافين نتونس ثنينا بدون ما تخسرين شي ثقي بيا
3.2K
فتحت عيني بصدمة وجسمي يرجف صيحت ودفعته من صدره ركضت اريد اطلع من الغرفة ، جلب بشعري صرخت وهو بايده سد حلكي وشمرني على الفراش تخبلت جسمي ينشال وينركع ادفر واصرخ وبايدي املخ بيه بس اريد افرغ روحي وهو بايده الثانية يلزم بجسمي ويا كل لزمه روحي تشيط عضيت أيده اصرخ ضربني راشدي ومد ايده على رگبتي يخنگني. ويحجي بحقاره
ودنائة
162
- كتلج ما اخسرج شي تونسي وياي
405
شهكت اجر نفس كوا واحس روحي طلعت من جسمي اثر الراشديات فقدت بقيت احس بس على ايده من تسحب بملابسي
اريد احمي روحي اريد جسمي ترجعله قوته واكدر ادافع عن نفسي
بس انتهت طاقتي صوته بأذني من يگول
192
- وهاي صورة سوا حتى تسدين حلكج وهم ما مغتصبج حتى بالفحص ما تكدرين تثبتين شي علي .
1.1K
اسمع كلامه وترجع تصير وشه بأذني وياخذني الظلام رغم مقاومتي واحس روحي وعقلي بحرب مقاومات بس كلشي جان اقوه منعدهن
103
وافز على وجع بكل جزء بجسمي غمضت ورجعت فتحت شنو الاحقر من البشر ؟ وشنو الاقذر من البشر ، اجر بالغطا على جسمي احس عقلي يسمع صوت ضحكتي واحس بروحي اروح منا واجي منا والف بالغطا على جسمي وصوتي اسمعه بس ما ادري بروحي شنو الاحجيه
550
احس عقلي فقد السيطرة على جسمي من طلعت من الغرفة بس الغطا عليَ وعمار نايم بالصالة صوتي اسمعه وحجيي ما افهمه امشي بخطوات متمايله حسيت روحي بشخصيتين عقلي بشخصية شام وجسمي بشخصية بنت مخبله ، طلعت من الشقة لا حجاب ولا ملابس بس البطانية لافة بيها جسمي ومره افرزن الكلمة الاحجيها ومره لا واحس برجلي ماخذاتني للموت اي اخلص احسن شنو البقالي منو الما استغل جسمي منو الما دنت نفسه علي
820
مقابيلي الشارع وخطوة خطوة امشي واميل اجر نفس باستسلام غمضت عيني اريد انزل من الدرج هاي السيارات بصفي اموت بدون ما احس ، وبين محاولات عقلي السيطرة على جسمي احس جسم نلف على جسمي وصرخه باسمي
85
وانا ويا صوتها احس فزيت دفعتها ، ابتعدت ارجع ليورا واصرخ طحت على رجلي وهي تبجي مكابلتني وتلطم على خدودها رجعت حضنتني وتحجي باذني
3
- ولج شام انا زينب انا زينب يمه صخام الصخمني يمه شصاير بيج
169
اخر كلام سمعته منها وراحت روحي ، واحس على ايد حنينه تمسح على راسي فتحت بتعب وجهه امي كدامي تبجي وتمسح على راسي تبجي بحسره
104
شوية واحس نغزه بأيدي واسمع صوت ست زينب فزيت بتعب اباوعلها عيونها حمر كوه همست
2
- ست
23
اجت يمي تلزم بأيدي ودموعها نزلن
- ها شام
- .. عوفيني ...
بلعت ريك الكلمة كوه تطلع منعندي تنفست بصعوبة وكملت كلامي
- عوفيني اموت .
55
دنكت راسها خلت ايدها على حلگها وبچت شوية واجت دكتورة اسمع ست زينب تحجي وياها وتكلها
1
- صح معنفه بس ما فاقدة غشاء البكارة .
1.9K
اباوع الست زينب الحايره بيه وتبجي واني احس ماعندي هدف ماعندي اي افكار مجرد اريد اموت اريد أنام للأبد ، دقايق ودك تليفون الست بس جاوبت كالت
1
- يا الله يا رب حق يتيمه يا رب
81
وسدت التليفون ونزلت سجدت بالگاع واني بس اباوع ساكته كامت اجت يمي لزمت ايدي وتحجي بخنكه وعبره
- لزموه شام لزموه ما لحك يشرد والله ما راح اخلي يطلع من السجن الا اخذ حقج مربع .
1.3K
تحجي وتحجي واني حرف ما نطقت صرت جسد بلا روح طلعونا من المستشفى ما احس على نفسي ، واعيه وفاتحه عيني بس احس اغيب وين يله ارجع انتبهه واشوف نفسي بالسيارة ويا ست زينب وهيج اضيع مسيرة غير مدركة للأمور ، تمنيت باقيه عند اعمامي تمنيت ما طالعه من يمهم . مجرد لوم الافكاري وحسيت غطا فوكاي أتلفت تاستوعب متمدده بغرفة وست زينب يمي دفعت الغطا فازه
25
- وين احنا
1
عكدت حاجبها ما فاهمه
1
- ببيتي شام شبيج ؟
2
تلفتت اباوع اني صاحيه عقلي وين جان وليش ما حسيت من اجينا ودخلنا ومتمدده ، بقت هي يمي تطلع شوية وترجع وبالليل افز على ايدها تلزم بأيدي ووتحجي بهمس
12
- اسم اسم الله شام يمي انتِ يمي محد يأذيج
57
واني كارهه روحي وكارهه الدنيا هي تسولف وياي وما ارد ابقى ساكته حجت على عمار الي بكل مره تجيب طارية تحلف تخلي يخلص أحلى ايام عمره بالسجن موكله محامي ، واني ويا اسمه جسمي ينتفض ويرجع نفس الموقف العقلي
28
وبالليل اسمع عركها ويا زوجها الماقابل على وجودي يمهم واني باقية كاعده منتظرة روحي تطلع واخلص من هالعذاب كالت الاسبوع اليجي ترحين تداومين ضحكت واحس على راشدي قوي فر وجهي لزمت خدي ورجعت اضحك ضربتني من جديد وهي تبجي وتصيح
329
- كافي شام كافي راح تضيعين نفسج
30
تهز باكتافي وتصيح دفعت ايدها وصرخت
2
- ضعتتت ضعتتتت ، شنو االمنتظرني واضيع اكثرمن هيج
، شنو البقى ، شنو الماعشته شنو الما مر على روحي شنوو .
167
لطمت على وجهي روحي جاي تحترك سحبتني الحضنها بجيت بصريخ وهي بس تمسد على شعري الحد ما راح صوتي. تمددت بفراشي اشهك وهي ايدها على خدي تمسح دموعي وتصبرني الحد ما نمت
44
ثاني يوم من كعدت لكيت كتبي يمي وكتاب الرياضيات مفتوح ويمه الدفتر مكتوب بيه مسئلة اباوعله ساكته درت وجهي منه شوية وسحبته خليته كدامي لزمت القلم ايدي ترجف ، حاولت احل المكتوب عفته ورجعت للموضوع بالكتاب راجعته وكتبت الحل ورجعت اگلب بباقي الصفحات واراجع بدون ما احس على نفسي
اقرأ لان اكو بصيص قوة بداخلي الحد هالحظة ما مستسلم
112
نتبهت الباب الغرفة مفتوح ست زينب واكفه مكتفه أيديها ومبتسمه
سديت الكتاب گالت
14
- اي هاي شام الاعرفها قوية ماكو شي يكسرهر
34
- انكسرت انكسرت من الاهل ومن القريب والغريب .
116
- لا ما تنكسرين انتِ قوية تضعفين صح بس ترجعين تكملين لان طريقج بعده طويل .
8
سكتت وهي بحماس سوت ريوك وكعدنا سوا كالت
1
-العصر نروح للسوگ اني وياج اجيبلي ملابس للدوام وانتِ تجيبين حجاب للمدرسة وقرطاسية
102
سكتت مستسلمه والعصر هم كبت بينها وبين زوجها واني عبالك بلا كرامه أسمعه يغلط علي ومايريدني ببيته ولا يريد زوجته تساعدني وباقيه كاعده بمكاني.
263
للعصر دخلت للغرفة مبدله كالت يله كومي وتجر بأيدي وتلبسني سحبت وشاح لفته على رگبتي كالت
6
- الجو صاير بارد وانتِ مناعتج مصفره لا تتمرضين
38
طلعت وياها جسد بلا روح اتبع خطواتها بدون اي حضور تمشي وتشتري وتگدر الملابس على قياسي تعبت
4
- ست تعبت
- تكعدين هنا بس خلي اجيب شالات من هذاك المحل
48
باوعت الايدها بعد ثلث محلات هزيت راسي لا وباوعت لابو المحل كالت
- تمام ابقي واكفه بمكانج هسه اجي
29
راحت واني مدنكه وافكر بحجي زوجها ، اني شلون قابلتها على نفسي مسببه مشاكل لاكثر انسانه ساعدتني من بين افكاري لمحت احد وكف گدامي وايد نمدت على زندي عصرته عصر رفعت وجهي قبل ما استوعب وجودهم جروني مجتبىى وعمو حيدر. وعمو حسين
1.4K
بدون صوت اسحب بأيدي منهم اريد بس يعوفون ايدي واحس اذني وشت من الراشدي اباوع للناس فاتحه عيني. وحلكي بصدمة وهم يصيحون على عمي حيدر لاا حجي لاا
54
سحلني مجتبىى من زندي واني احس كمت ما اسمع صوت الناس التفتت ليورا ادورها وينها وين راحت والمحها بأيد زوجها تبجي وتجر بروحها منه تريد تجيلي صيحت عليها باوعتلي وصاحت باسمي
1K
ندفعت بالسيارة وصعد عمي حسين بصفي اباوع جنطتي وكتبي واغراضي كلهن بالسيارة وعمو حيدر يحلف ويتوعد واني دمعه مانازله من عيني بعد المبلل مايخاف من المطر
205
ومن مارديت عليهم عمو حسين مد ايده وضربني على حلكي يغلط
5
- أشهر صار وين رحتي يا هو الفاج
23
- للأشرف من عدكم بنيه بس تسواكم من چبيركم الاصغر واحد بيكم
390
رجع مد ايده وضربني على حلكي مسحت الدم ساكته وهم متحلفين
يا من يوصلنا للبيت نذبحج
22
- دذبحوني وفكوني تسوون فضل الموت ارحم من العيشه وياكم .
28
كل ما ارد جواب يضربني احس روحي تشبعت بالضرب ما اهتم بعد
23
دخلنا لمنطقتهم سحبت نفس ما احس بخوف خلي اموت وارتاح كافي تعب نزل عمو حسين وفتر فتح الباب يسحل بيه من شعري واني مستسلمه وياه امشي بدون خوف سحلني للبيت دفعني للصالة ورفع ايده يريد يضربني احس احد صار بيني وبينه فتحت عيني ورويده واكفه بوجهه وتنتر بصوت ناصي
88
- اششش هستوه نام والله اذا سمع صوت هسه يحرك البيت
525
وابوها مد ايده يريد يسحلني للاستقبال الخارجي ورويده خلت روح بروح وياي تجر بأيده من كتفي فلتتني ودفعتني على الدرج تصيح
8
- روحي
125
بقيت واكفه اباوع الابوها ضربها راشدي وهي تدفع ايده ورفعت اصبعها تهدد بس بصوت ناصي واكفه بمكاني واباوع السجود اجت تريد تلزمني التفتت على احد سحلني للدرج من ايدي يركض
53
غزل :: امشي امشي
338
وما لحكت تصعدني نسحلت منها بأيد مجتبى ضربني راشدي نركعت بالگاع والغلط والفشار البعمري ما سامعته التمو علي واني صوتي مايطلع وجسمي ما يوجعني من الضرب ما احس عبالك مو اني
214
غزل ورويده يجرن بيهم من عندي سحلتني رويده دفعتني على الدرج ووكفت تتكامش وياهم وغزل تجر بيه صعدتني فوك تبجي.
فتحت باب غرفة هجام على كيف نايم على بطنه وهي تهمس بصوت ناصي
161
- دخلي هنا
- احم رويده ، رويده راح يضربونها
12
- عوفينا عوفينا ننضرب بس نكدر نحمي نفسنا انتِ يردون يذبحونج
185
حجتها ودفعتني للغرفة طلعت وسدت الباب وراها باوعت عليه رفع راسة من المخده باوعلي وعگد حاجبه بأستغراب كعد على حيله أشر على وجهه وبأيده أشر يسأل منو ورغم فهمت سؤاله دنكت ساكته كعدت على حيلي بصف الباب ظهري على الحايط سحبت رجلي اريد احضنهن ما اكدر اثاري جسمي منتهي من الضرب بس روحي ميت شعورها
123
بقيت مدنكه عيني ، صارن رجلي گدامي كعد بمستواي مقابيلي مد ايده على فكي انتفضت ونترت ايده مبتعده ، شمر كلينكس بحضني ورجع گعد على الچربايه يهز برجله شوية ونفتح الباب
164
- رويددده
صيحت ووكفت بسرعه حضنتها وحضنتني ترجف وخرتني من حضنها تباوع بوجهي وتغلط عليهم التفتت الاخوها ارتبكت مسحت وجهه متوتره كالتله
2
- عمو حيدر ضربها لان يردون يزوجونها الكرار وهي تريد تدرس
194
هز راسه بالموافقة ساكت طلعنا من غرفته وكفت رويده تغسلي ورجعنا للمخزن تعاتب
84
- ولج گـــلبي طك عليج ميته خوف ميته وكل تفكيري بيج وين رحتي شام وين
18
- رحت من الصعب للأصعب
21
- گلبوا الدنيا عليج بكل يوم ادعي مايلگونج بكل يوم ادعي تكونين بخير
2
- منو منهم قرر يذبحني بله ؟
2
- شبيج انتِ شو جنج مستسلمه الهم وعادي
18
- ااي كافي بعد خلصت الحرب استسلمنا
30
- ايعع جا شكد ضعيفه انتِ واني الكلت اجت الأقوى منعندي لا والله تخسين توصلين الذرة من قوتي طلعتي بس حجي ولج مريت بالاصعب وما استسلمت مريت بايام سود بلون گلبهم وحاربت وانتِ من اولها كلتي استسلام
227
- تعبت رويده
3
- منو الما تعبان منو العايش مرتاح منو الما يحارب ويحاول يكمل طريقة بدون استسلام ؟
132
- اسكتي اسكتي ما تدرين شنو العشته محد تعب گدي ومحد حارب گدي بس ما بلازم هاي هي خلي اليصير يصير مابيه حيل بعد
34
- شنو العشتيه ؟ ماتت امج ، اني هم ماتت امي بس انتِ احسن منعندي لان من ماتت ماعافتلج مسؤولية ، تعرضتي للضرب ، اني اكلت ضرب الحد ما مليت ، تعرضتي للتحرش ؟ اني اخوووي من دمي ولحمي تحرش بيه عبالج كرار بس بيج تحرش ؟ لا لا بيه هم
836
حاربوج على دراستج ؟ اني مو بس حاربوني علعلوني هم ، وما عفتها وما استسلمت ولا بيوم كلت كافي خلصت طاقتي والحد هاللحظة ، كلنا كلنا عشنا نفس الشعور حتى غزل طلع قبولها صيدلة بجامعة بغداد ووكفوا بوجها ما يخلونها بس ما اسكت مستحيل نستسلم شام مستحيل صيري مثلنا ويانا وحده تسند الثانية وتدافعلها ما اعوفج والقرآن ما اعوفج بس لا تكولين استسلم
286
شام :: ويا كل كلمة تحجيها گـــلبي . يدك حيل بجيت مختنگه
5
- شلون شلون بعد كل الصار مايعوفوني انتِ يخافون من اخوج اني ماعندي احد يخوفهم
37
باوعتلي مبتسمه ومدت ايدها تمسح دموعي گالت
- واذا اكلج اهددهم بيه بس يفكرون يأذونج
44
- ما يهتمون صدكي ما يهتمون
- معليج انتِ ، بس اوعديني هسه ما تستسلمين ابد
ذبيت نفس متحسره وهزيت راسي اي
- وعد ارجع شام القوية
32
- مثل اول ما اجيتي ؟
30
- اي
- ديله ارتاحي خلي اشوف هجام
45
عافتني وطلعت جريت الفراش وتمددت جسمي من اتحرك تشيط روحي من الوجع شوية ونفتح الباب سجود واكفه بعصبيه كالت
8
- نزلي
1
- ما انزل
- ترا لا عبالج هذا الخبل يگدر يحميج ما اله حق يتدخل أصلًا كومي كومي
387
نفضت الغطا منعندي وكمت هسه من شنو خايفة اني قابل ابقى طول عمري محبوسة بالمخزن طلعت وياها دفعتني للصالة كلهم كاعدين وصارت عيني على كرار كشت روحي ودك گـــلبي . حيل من تذكرت الموقف وجهه محترك متجعد وعينه هم ، دفعتني ليگدام بقيت واكفه وهم كلهم كاعدين كال عمو حيدر
64
:: رغم سوايتج العوجه ما ينسكت عليها بس تطيح لجل كرار
218
حسين :: والله ما تطيح لو اذبحها مايبرد گـــلبي ، شوفي باجر يجي السيد يعقدلج كولي لا وشوفي شنو اليجرالج
107
شام :: لا
921
وبمجرد نطقتها لزمتني سجود من رگبتي خانگتني جريت ايدها فلتت روحي منها وهم متحلفين
3
- والله لو يبقى اخر رجال على الكره الأرضية ما راح اقبل بيه لو تخلون السجين على ركبتي ما تهتز شعره من راسي اقبل انذبح ولا اتزوجه
191
حجيت وركضت أريد اشرد وهم وراي يحجون بخوف سهله ويصير خير دخلت للمخزن وسديت الباب جسمي يرجف تمددت بفراشي واني احلف ما استسلم لو شيصير بعد ما استسلم نز جسمي فاز على صوت رعد اول مطر تنفست بقوة ادعي واستمع القطرات المطر
89
الحد ما نمت وحسيت على فتحة ألباب والضوء تشغل فتحت عيني فازه واشوف كرار دخل يمي وامه واكفه بالباب تبتسم وهي تگله
40
- اخذ راحتك تونس دام ما تريد تتزوجك وخلي تصرخ براحتها المخبل وما موجود منو يمنعك ؟
1.7K
هي تحجي واني ازحف ليورا مصدومة صيحت بفزع وهو ركض خنگني وهي طلعت وسدت الباب قاومته اصرخ رغم خانگني ملخته ابجي واصيح افرغ بنفسي بس يحاول يسيطر علي واني كلشي عشته بموقف عمار رجعلي خنگني ويضرب براسي بس يريد استسلم وكل ما احس روحي راح تغيب يصحيني حجي رويده واقاوم الحد اخر ذرة من قوتي ندفر كرار من فوگي لبعيد زحفت ليورا ابجي واباوعله كعد ثاني ركبه گدامه ويضرب بوجهه بوكسيات وكرار فاقد ماكو صوت وهجام يضرب بدون ما يحجي
2.9K
بجيت بصوت عالي وكف ايده التنفض دم ووگف على حيله حطيت ايدي على حلكي اكتم صوتي المفزوع من شفت وجهه كرار مغطيه الدم والكاع كلها دم دنك لزمه من ياخة القميص ويسحل بيه جريت رجلي الصدري وكل ذرة بجسمي تنتفض طلع من الغرفة يسحل بكرار وراه واني روحي راحت
413
ابجي مخنوكه رعب رعب كلشي أعيشه رعب رفعت راسي ليفوك ادعي وابجي نص ساعة وندفع الباب حيل دخلت سجود عيونها حمر من البجي اجت ركض خنگتني تبجي وتحجي بنتر
64
- لو صار بيه شي اموووتج لو كرار رجع من المستشفى وگالو بيه كسر كسر هاي منيتج ومنية المخبل
284
تحجي وتخنگ وتكرص بزندي دفعتها حيل انتر
8
- يا رب يجيبونه الج بتابوت يااا رب
1.1K
دفرتني برجلي حيل وطلعت شاطت روحي جسمي انتهى من الوجع مسحت دموعي ، أحس فجأة برد گـــلبي من تذكرت وجهه والدم حل حتى بعد مايفكر يتقربلي ، النوب اني الاخذ حقي اني الاخلي سجينه بگلبه الحقير حركته وما تاب شيتوبه بعد شنو اليفيد وياه بس سهله سهله مو شام التسكت وتستسلم اذا ما بجيتكم يدور الزمن ويتغير الحال واخذ كل تعبي من عيونكم ، خاف مريت بلحظات ضعف هسه رجعت أقوى ، اتذكر لمساته الجسمي وانشعل شعل
جسمي يرجف حركه وخوف نار تسعر بروحي وي كل دمعه تنزل اتوعد وحگ ابو راس الحار الأمنتي عده امي بس اصبرولي اوكف على حيلي واخذ حگ كل دمعه مو انه اليبجوني واسكتلهم
739
مسحت دموعي عيني على الباب بــــس لو ينقفل واكدر اغمض متطمنه
63
صوت رعد ومطر كل شوية تلمض ، وروحي تجفل
3
غلبني النعاس هستوني نمت وحسيت واحد يباوع بوجهي فتحت عيني ورجعت ليورة فازه
209
كاعد كدامي ساكت عــــــيونة متشخصة بعيوني يباوع بغضب وكف على حيلة ودار مشه حد الباب وكف والتفت يباوع علي بدون ماينطق حرف وكفت محتارة شبيه مايحجي
461
مشه الغرفتة مقابيل غرفتي دخل وبقى فاتح بابها وواكف تخرذلت وماعرفت شنو اليقصده مشيت ورجلي ترجف. دخلت الغرفته غمضت عيني برعب وانا اسمع قفل الباب .مرتين ندار المفتاح.
3.2K
يتبع .🦋
