رواية خائنة ولكني لم أخن الفصل الرابع 4 بقلم اميرة احمد

اهلا بكم في مدونة مكتبة حواء نقرأ لكم ونكتب من اجلكم

الحلقة الرابعة

وارتجفت مني عندما سمعت صوت ابيها ...

الاب : مني .. يامني ..

مني وهي ترتجف : بابا ... يانورا

نورا : طيب بلاش تقولي نورا هنااااا .. انا مش موجودة

مني : طيب استني بس ياجبانه .... واسرعت مني لابيها ...
قائلة

نعم .. يابابا ...

الاب : بتعملي اي ؟؟؟

مني : ولا حاجة ..مافيش يابابا ..

مني : طيب جهزي نفسك .. سيد وعمك ومرات عمك علي وصول...

فردت مني وهي تنظر لابيها في حيرة ...حاضر .. حاضر يابابا ..

الاب : فين ماما ؟؟؟

فردت عليه نادية .. ايوة يا محمد .. انا هنا

واسرعت اليه ... خير يامحمد ؟؟؟

والد مني : عبدالله ومراته وسيد علي وصول ...

الام : يشرفو .. يااهلا وسهلا بهم ..مني ادخلي انتي علشان تجهزي نفسك علشان تقابلي مرات عمك وعمك ..

نظرت مني لامها في تساؤل ... ولكن لا تملك الشجاعة لتساءل عما يحدث فانصرفت الي غرفتها

واستقبلتها صديقتها نورا : مني .. اي يابنتي انتي ناستيني ؟؟؟؟؟!!

مني :لا طبعا يانورا .. لكن في شئ غريب بيحصل ..

نورا : زي اي يامني ؟؟؟

وقصت مني لصديقتها نورا ما حدث ...فنظرت نورا لمني وقالت ....

ده مش معناه غير حاجة واحدة يامني ...

مني في حير ة : اي هو يانورا ؟؟؟

نورا : ان عمك هيخطبك لابنه ..

مني بثقة : لالالالا لا يمكن بابا هيوافق .. سيد اكبر مني ب بعشر سنين لا يمكن بابا هيوافق..

نورا : ربنا يستر يامني ... انا لا زم امشي قبل ضيوفكم ابقي طمنيني عليكي ... وانصرفت نورا وهي تتمني ان يكون احساسها خاطئ.

وبدأت مني في تجهيز نفسها ...والرعب يملأ قلبها وتتساءل ..ماذا تفعل اذا كان حديث صديقتها صحيح...وارجع محاولة اقناع نفسها ... لالالالا ... لا يمكن ...اكيد زيارة عادية ويقطع سيل افكارها وتساؤلاتها صوت امها وهي تنادي : يامني ..

مني مسرعة : حاضر ياماما ...نعم ياماما ...

الام : انتي هتلبسي اية ؟؟؟؟

فنظرت مني وردت عادي اسدال الصلاة ياماما ..

الام : لا .. ادخلي شوفي احلي طقم عندك .. وجهزي نفسك .

مني مستغربة : ماما . هو في اي ؟؟

فنظرت نادية لمني وقالت ..خطيبك علي وصول ...

مني وقد صدمت وصمتت قليلا ثم قالت اخيرا : خطيبي ..!!! خطيبي مين ؟؟ وهو انا اتخطبت اصلا !!

الام : ايوة يامني سيد ابن عمك ...

مني بغضب : اي الكلام ده ياماما ؟؟

الام : مني انتي مخطوبة لسيد من وانتي في اللفة ..

فابتسمت مني بسخرية وهي تحبس دموعها .وقالت
في اللفة ... مش فاهمة !!

الام : ايوة يوم ولادك كان الكل فرحان بيكي .. وعمك قال لابوكي مني هتكون لسيد ..وابواكي وافق . وقرا فاتحة ..

مني بحزن : اي الكلام ده ياماما !!!!!

لفة اي ؟؟؟ حرام عليكم ... والله حرام ..

انا مش موافقة ... ومش هقابل حد ياماما ...مش هقابل انتي فاهمة وسالت دموع مني كالامطار علي خديها واسرعت لغرفتها واغلقت الباب ...

**************************************

احمد : يعني اي يانورا؟؟؟ اي اللي بتقوليه ده ؟؟؟؟؟

نورا : هو ده اللي حصل يااحمد ..

احمد في قلق : تفتكري يعني يكون كلامك ده صح ؟؟!!

نورا : والله ده احساسي ...

فقام احمد واستدار بظهره وقال...

والحل يانورا ..؟؟ انا مقدرش ابعد عن مني ..

نورا : للدرجارتي يااحمد ..!!!

احمد : مني يانورا كل حاجة حلوة في حياتي .. ده انا لما بشوفها بس .. بنسي كل همومي ..

وبشوف الدنيا حلوة ... طيب هنتاكد ازاي يانورا ؟؟

فظلت نورا تنظر اليه في صمت ...

احمد في ضعف : نورا اتصلي ب مني وحاولي تفهمي منها اي حاجة ..

نورا مشفقة علي اخيها : حاضر يااحمد ...

وامسكت نورا بسماعة الهاتف واتصلت ب مني

فردت علي الهاتف والدة مني

نورا : "الو" ازي حضرتك ياطنط ..؟؟

والدة مني : الحمد لله يانورا ..

نورا : اسفة ياطنط . انا كنت عايزة مني ...

والدة مني : حاضر لحظة اناديها لكي ..

نورا : لحظة ياطنط لو سمحتي ..

والدة مني : نعم ياحبيبتي ...

نورا : ممكن استاذنك ان مني تيجي ليا شوية ..انا لوحدي ياطنط ..

والدة مني : لا والله يانورا صعب .. عندنا ضيوف ..

نورا : طيب ياطنط .. ولا يهمك .. ممكن تنادي لي مني ..

والدة مني : حاضر ... لحظة واحدة .

ودخلت والده مني غرفتها وهي تنادي

مني .. يامني ... وفتحت الباب وقالت ..

اظن انا بنادي عليكي ..!!

فنظرت مني لامها وعينها احمرت من كثرة البكاء ..ولم تنطق ...

اتفضلي قومي نورا .. علي التليفون ..

فذهبت مني .وامسكت بسماعة الهاتف .

ايوة يانورا ...

مال صوتك يامني .؟؟ طمنيني عليكي ..

مني بحرن : صعب دلوقتي يانورا ... بعدين .

نورا : طيب كلامي صح !!!

فبكت مني وقالت ايوة يانورا...

فنظرت مني لاخيها في حزن ...

طيب يامني اقفلي دلوقتي وابقي طمنيني ..

وانهت مكالمتها وهي تنظر لاخيها وتقول ..

كلامي صح يااحمد ...

احمد في غضب : لا يانورا اتصلي بها وقولي لمني ترفض وتصمم كمان علي رفضها ..من فضلك يانورا .. اتصلي بها ..

نورا : يااحمد اصبر .. اكيد هنعرف كل حاجة ..

وفي ننفس اللحظة تنادي والدة احمد

احمد ..يااحمد ....

نورا : ماما بتنادي عليك يااحمد . كلم بس ماما..

احمد بحزن :ايوة ياماما

الام : مالك ياحبيبي ؟؟ ليه حزين كده ؟؟

احمد : ابدا ياامي .. عايزاني في اي ؟؟

الام : عايزاني في اي !!!!!! من امتي وانت بتكلمني باللهجة ديه !!!

احمد : اسف ياماما .. من فضلك انا مخنوق ومش قادر اتكلم

الام في قلق : ليه ياحبيبي ؟؟؟ مالك طمني !!

مني ياماما .. عمها بيطلبها لابنه ...وانا كلمتك ياماما. . وما اهتمتش بكلامي .. . اعمل اي دلوقتي ...؟؟؟

الام : يابني صعب اتكلم دلوقتي .. علي الاقل خلص جامعتك

حمد وقلبه يكتوي : ياماما قلت لك انا في اخر سنه وشقتي موجودة ..

الام : خلاص يابني علي العموم .. محدش يعرف النصيب فين!!

احمد ساخرا : النصيب .. ما خلاص ياماما ... ده ابن عمها ..
وانتي عارفة ابواها .. هيقول ابن عمها اولي والكلام الفاضي ده ... لازم تتصرفي ياماما ..

الام بعصبية : اتصرف اعمل اي يااحمد .. اروح اطرد الناس وقول لهم ما عندهمش بنات للجواز .وان احمد ابني بيحب مني !!!!! اصبر لغاية ما كله يبان .......

ولو اتخطبت ياماما . اعمل انا اي ؟؟

يبقي خلاص يااحمد كل شئ نصيب ..

لا مش خلاص ياماما ... عن اذنك ..

*************************************

واستقبل محمد ونادية . اخيه وزوجته وسيد في سعادة .

محمد : اهلا .. اهلا شرفت ياعبدالله ...

وقامت نادية بالترحيب باشجان وسيد ..

اتفضلو .. يااهلا ..

عبدالله : اي اخباركم يامحمد .؟؟

محمد : الحمد لله ياعبد الله كله تمام ...

عبد الله : وابراهيم اي اخباره ..؟؟ الحمد لله .

سيد مقاطعا : صحيح فين ابراهيم ياعمي ؟؟

محمد : ابراهيم عنده مذاكرة .. قال اي هو اصحابه بيشجعو بعض علي المذاكرة .وهما بيفسدو بعض ..

فضحك عبد الله وسيد وقال سيد لا بيفسدوا بعض ولا حاجة ربنا يوفقهم ..

فقالت ام سيد ....

امال فين عروستنا الجميلة .....

محمد : نادية. ..روحي نادي مني قولي لها عمها وصل ..

نادية : حاضر يامحمد بعد اذنك يااشجان لحظة ..

اشجان : اتفضلي ياحبيبتي ... وهمست في اذن سيد من اولها كده متكبرة تيجي تسلم علينا ..

فابتسم سيد ابتسامة باهته لامه وقال مزحا .....

وانتي ياشوشو من اولها كده هتعملي حماه ..اهدي شوية
ياا شجان .......... لاخلي الحاج عبدالله يرمي عليكي اليمين دلوقتي

فابتسمت اشجان وقالت ..

ربنا يسعدك يابني ..

سيد : يارب يا شوشو يارب

ودخلت نادية علي مني ..فاذا بمني تمسك بساعة احمد وتضع كتاب في كل مكان

فقالت لها نادية .. اي ده ؟؟ ليه الكتب كده كانك قاعدة في سوق .. فلم تنطق مني واكتفت بنظرة لامها .

نادية : يالا يامني فومي عمك ومرات عمك عايزينك ..

فنظرت مني لامها وقالت ....لا مش هقابل حد .

نادية : عيب يامني .. انتي عارفة ابوكي ..بلاش عناد ويالا ...

مني باصرار : قلت لا ياماما مش هقابل حد ...

فنظرت فاذا بابيها يقف امامها ..

امك هتتحايل عليكي تقابلي عمك ومرات عمك وخطيبك ....

مني: انا من حقي ارفض او اوافق .وانا مش موافقة علي سيد ...

فنظر اليها ابيها نظرة غاضبة وقال..

انا بس اللي احدد هتعملي ومش هتعملي اي ولما تروحي بيت جوزك يبقي هو المسئول عنك .اتفضلي جهزي نفسك ..دقيقة واحدة وتكوني قاعدة معنا ..

وفي نفس اللحظة رن جرس المنزل ..فذهب محمد ليفتح الباب ..فاذا باحمد ..

السلام عليكم ياعمي ..

والد مني : وعليكم السلام ..خير يااحمد ؟؟

احمد : لا .. خير . انا بسأل عن ابراهيم هو موجود؟؟!!

والد مني : لا .. يااحمد هو مش معاكم ..

احمد بارتباك : لا ياعمي انا اللي مش معاهم هو اكيد مع فاروق وحسين .. اسف ياعمي .وكان احمد يختلس النظر لمحاولة معرفة اي شئ ..

والد مني : طيب يااحمد .. ياريت تبلغه اني عايزه .

احمد وقلبه يعتصر الما : حاضر حضرتك . لكن خير لو حضرتك محتاج اي شئ انا موجود. .تحت امرك .

والد مني : لا يابني عندنا ضيوف ولازم يكون موجود .

احمد : حاضر ياعمي .. عن اذن حضرتك .

وانصرف احمد وقلبه يتمزق .. كان يتمني مني هي من تفتح الباب ...

ودخل محمد لاخيه ... اسف يا عبدالله ..

عبد الله : لا مافيش حاجة .. لكن خير في حاجة يامحمد ..

محمد (والد مني ) : لا ابدا .. لكن ...

فقاطعته مني ...السلام عليكم ..

عم مني : وعليكم السلام ... اهلا بالقمر ..

واحتضانها عمها وقبل راسها .. واحتضانتها اشجان وهي تقول ماشاء الله .. زي القمر ..

اما سيد فاكتفي بالنظر اليها وهو يبتسم ..فهو لا يستطيع وصف سعادته فقلبه يخفق بسرعة من شدة فرحه

اشجان: .. ماشاء الله يانادية مني كل يوم بتزيد جمال .

نادية : مني طول عمرها جميلة ..

فضحكت اشجان وقالت .: اكيد طبعا وهو في حد في جمال عروستنا ....

فنظرت لها مني وابتسمت ابتسامة مصطنعة ..

شكرا يا طنط ..

اشجان .: طيب اي رايكم نسيب العرسان مع بعض ؟

فضحك محمد وعبدالله وقال محمد . اكيد طبعا ..

وقام الجميع وانصرفو وتركو سيد ومني ..

سيد : عاملة اي يامني ؟؟

مني : الحمد لله . بخير ..

سيد : تعرفي انا مبسوط جدا .. واتمني انك تكون مبسوطة .

فاكتفت مني بابتسامة ..

فادرك سيد بعدم رغبتها فحاول التقريب اليها قائلا: صحيح اي اخبار الدراسة ؟؟؟

مني بحزن : ليه وانت مش بابا قالك انه رفض اني اكمل..

فنظر لها سيد وقال .. لا والله .. ليه حصل اية.

فقصت له مني ..

فتنهد سيد وقال : فعلا انتي غلطي لكن غلطك ما يستحقش العقاب ده. وصمت قليلا ثم قال : مني انتي عايزة تكملي ؟؟

فنظرت له مني وقالت . اكيد طبعا ..

فابتسم سيد . وانا بوعدك انك هتكملي دراستك اي رايك

مني بسعادة : حقيقي ياسيد .!!!

سيد وهو يبتسم لسعادة مني : حقيقي يامني ....انا اهم حاجة عندي ان مني تكون سعيدة ..

مني : سيد ممكن اتكلم معاك بصراحة ...

سيد : اكيد يامني .. اتفضلي اتكلمي براحتك ..

فسيد يشعر بداخله ان مني ترفض هذه الزيجة ..

فقالت مني .. انا طول عمري بحترمك جدا وبعتبرك اخ لي . ولكن انا اتفاجات باني مخطوبة لك ..

فنظر سيد في الارض ورفع نظره اليها وقال .

عارف انك مش موافقة .. لكن لو سمحتي اعطي لنفسك فرصة .. وانا علي استعداد اعمل لكي اي شئ علشان تكوني سعيدة .

فقالت مني في نفسها واضح ان مافيش فايدة . خلاص ياسيد لكن انت الطريقة الوحيدة علشان اعمل اللي انا عايزه..
فقطع سيد تفكيرها ..

سيد.: هااا قلتي اي يامني..موافقة .. نعطي لنفسنا فرصة و صدقني لا يمكن هسمح لاي مخلوق يفرض عليكي شئ بالغصب حتي لو كنت انا ..

فقالت مني طيب انا لي عندك طلب ..

فابتسم سيد وقال اتفضلي ..

انا عايزة اسحب اوراقي من التجاري وادخل عام ..

سيد: طيب اي رايك تكملي تجاري وممكن تكملي جامعة بعد الزواج اذا كان في نصيب.

مني : علي العموم كل شئ بوقته ياسيد . اهم حاجة عندي اكمل دراسة ..ده شرطي.

سيد بتفهم : وانا موافق يامني ..

فدخلت نادية عليهما لتقدم لهما العصير ..

فقام سيد واخذ منها العصير فابتسامة هادئة .

شكرا يامرات عمي ..

العفو يا بني ربنا يسعدكم يارب .

سيد وهو ينظر لمني بحب : يااارب يامرات عمي .. وقال.
مني تستاهل كل خير ..

والدة مني : وانت كمان يابني ابن حلال وتستاهل كل خير .

وتم الاتفاق علي موعد الشبكة ليكون احتفال بسيط بالمنزل ..وبالفعل اتفق سيد مع عمه محمد علي ان تستكمل مني دراستها ..و فعلا ابتدات مني للذهاب لمدرستها مرة اخري بعد غياب اسبوعين ..

************************************

احمد في فرح .. يعني مني رجعت المدرسة

نورا : ايوة يااحمد .. .

احمد بتوسل : نورا عايز اقابل مني .. ينفع؟؟

نورا بحيرة : مش عارفة والله يااحمد ..

احمد : اتصرفي علشان خاطري انا هتجنن عايز يشوفها ..

نورا وهي تبتسم ابتسامة رقيقة : حاضر يااحمد .. حاضر
واتصلت نورا ب مني

مني : نورا وحشتيني ..

نورا :وانتي يا بت .. طمنيني عليكي ..

تمني : تمام الحمد لله .

نورا : طيب وموضوع ابن عمك .. في جديد ؟؟

مني بحزن : لا خلاص بعد الامتحانات هلبس الشبكة .

نورا : مني ..

مني : نعم يانورا

نورا : احمد هيتجنن عليكي .. نفسه يكلمك ويشوفك .

فتنهدت مني وقالت : وانا كمان نفسي اشوفه ..

نورا : طيب اتصرفي .. اتصرفي يامني .

مني : نورا انا رجعت دروسي تاني اي رايك انا انهاردة عندي درس لكن مش هحضره .... ونتقابل .

نورا : تمام .. لكن عمي ممكن يسأل عنك او اي حاجة ؟

مني : لالالاا بابا ميعرفش حاجة عن دروسي ولا مكانها . هو بس عارف الايام والمواعيد .

نورا : تمام يا مني الساعة كام ..؟؟

مني : الساعة 4 اتفاقنا ..

نورا : اتفاقنا وهنتقابل فين ؟؟؟

مني : نتقابل علي محطة المنتزة .. لكن يانورا انتي اللي تقابليني وندخل لوحدنا واحمد يدخل لوحده .

نورا :تمام ياقمر .. اتفاقنا

وبعد ان انهت مكالمتها مع مني اسرعت لاخيها احمد ..

نورا مازحة : تدفع كااام وتشوف مني .؟؟؟

فانتفضت احمد من مكانه .. اللي انتي عايزه .. بس اشوفها .

نزرا : اممممممم تشوفها بس ولا تحب تقعد وتتكلم معاها .؟

احمد وقلبه تزداد نبضاته : ياريت .... ياريت يانورا .. قولي بقا ازاي ؟

نورا : الساعة 4 علي محطة المنتزة .. لكن هدخل انا وهي بس .

احمد : والله تدخلو فين يابت ؟؟

فضحكت نورا .. ندخل المنتزة .. وانت تدخل لوحدك .

ولما ندخل هتقعد وتتكلم معاها..

احمد : بجد يانورا .....

نورا : ايوة بجد بااحمد وربنا يستر ..

احمد بسعادة : يااااااااااااه يانورا .. انتي احلي واجمل نورا في الدنيا .

************************************

ماما ... ياماما .

ايوة يامني .. انا المطبخ...

مني : طيب انا عندي درس ومحتاجة فلوس ..

الام : حاضر يامني .. لحظة ...

ورن جرس المنزل .. روحي شوفي مين ..

واسرعت مني وفتحت الباب ..فاذا بسيد يقف امامها بابتسامة كلها حنان وحب ..

مني : سيد .. اهلا اتفضل ..

سيد : عاملة اي يامني .؟؟

مني : الحمد لله .. اتفضل .. لحظة واحدة وذهبت مني لامها في المطبخ ..سيد ياماما ..

الام بحيرة : سيد .. واي جابه دلوقتي ..

مني : وانا اعرف منين ؟؟

الام : طيب روحي يامني وانا جيه وراكي ..

مني : والدرس ياماما !!!!

الام : لسة بدري يامني .. الساعة لسة 2

وذهبت مني وقالت بتأفف .. حاضر .وذهبت لسيد وهي تبتسم له ابتسامة باهته .

اهلا ياسيد ...

سيد : انا اسف يامني اني جيت من غير ميعاد لكن

وصمت سيد ..

فقالت مني .. ولكن اي ياسيد !!! خير!!

ابدا انا ...

الام : اهلا ... اهلا.. ياسيد ..ازيك يابني ..

سيد : الحمد لله يامرات عمي .. انا اسفة اني جيت من غير ميعاد ..

الام لا يابني ده بيتك ...اتفضل ارتاح ..

سيد : لالا انا بس كان نفسي اقدم لمني الهدية ديه وياريت تقبلها مني وتعجبها..

فنظرت مني للهدية وهو يمد يده اليها بها ..

فاخذتها وفتحتها ... ولم تصدق مني ما فيها .

معقول ... معقول ياسيد ....

انا مش مصدقة عيني ........

*******************************************

احمد : نورا .... . انتي فين ؟

نورا : في اي احمد ؟ عايز اية تاني ..؟؟

احمد بشوق هنمشي امتي ؟

نورا : لسة بدري يابني قدامك ساعتين ....

احمد : ياااااااااااااااااااه ساعتين . كتير والله..

فضحكت نورا .... ااااااااااااااااه يا قلبي . اوعدنا يارب .

احمد : بعينك طيب انا هروح اشتري هدية لمني ..

نورا : هدية اي؟. وانا كمان ....

احمد : هدية ليه وانتي مالك ؟؟؟

نورا : بقا كده يااحمد .. حاااضر وامسكت بسماعة الهاتف ..

احمد : هتعملي اي يا بت ؟؟

نورا : هتصل بمني والغي الميعاد ..

احمد : خلاص يا مجنونة .. حاضر ..مش خسارة فيكي

فابتسمت نورا .. ايوة كده .. تراعيني اراعيك ...

احمد : طيب يا مادية .. انا هروح بسرعة وجهزي نفسك ..

نورا : حاضر .... عايزة هدية غالية .. تليق بمقامي ..

فابتسم احمد وقال : مقاااامك .. بلاش مقامك دية .

واسرع احمد لشراء هدية لمني ...

.......نورا ...

ايوة يانعمة ... عايزة حاجة ..

نعمة : هو في اي .؟؟ ممكن اعرف !!

نورا : لا مافيش ياحبيبتي ....

نعمة : طيب هي مني ليه مش بتيجي ؟؟

نورا : نعمة .. بصراحة انا عرفت كل حاجة ..
وعلي فكرة .. انتي وابراهيم كنتم هتكونو سبب ان مني تقعد من المدرسة ...

نعمة بقلق : ليه حصل اي ؟؟

نورا : ابواها شاف الجواب يانعمة وقعد مني من المدرسة.

نعمة بغضب : معقول للدرجاتي ..

نورا : لا وكمان قرا فتحتها علي ابن عمها ..

نعمة بحزن : حرام عليه .. مني بتحب احمد واحمد كمان ..واظن الكل عارف ده ...

نورا :خلاص يا نعمة اللي حصل ...المهم انتي ياحبيبتي فكري كويس في علاقتك بابراهيم .تفتكري ابواه هيوافق عليكي ؟؟!!

نعمة : تقصدي اي يانورا ؟؟

نورا : انا اسفة ياحبيبتي .. والله مقصد حاجة وحشة ..
انا قصدي لانك يعني ... وصمتت نورا

نعمة والحزن رسم علي ملامحها : عارفة تقصدي علشان اكبر منه ومطلقة صح ؟

فنظرت لها نورا نظرة حانية وقالت ..بصراحة ايوة ..

نعمة : حاضر يانورا عن اذنك ... ودخلت نعمة والحزن يملئ قلبها .. وتقول في نفسها ما ذنبي اذا كان نصيبي كده ... وان الشخص اللي ارتبط به .. مش كويس وظهر علي حقيقته ...

واتصل احمد علي نورا ..يالا بقا علشان نلحق .. انزلي انا تحت ..

نورا : حاضر .. ياحمد انا نزلة علي طول حاضر..

وذهب احمد ونورا لمحطة المنتزة . لحين وصول مني .

ووصلت مني في ميعادها بالتمام ...

الخامس من هنا

مدونة مكتبة حـــواء

رواية خائنة ولكني لم أخن الفصل الرابع 4 بقلم اميرة احمد