رواية خائنة ولكني لم أخن الفصل الخامس 5 بقلم اميرة احمد

اهلا بكم في مدونة مكتبة حواء نقرأ لكم ونكتب من اجلكم

رواية خائنة ولكني لم اخن

الحلقة الخامسة

ووصلت مني في الميعاد المحدد وعندما راءتها نورا اسرعت اليها وقالت..

اهلا بالقمر ...

مني : عاملة اي يانورا ؟؟

نورا : تمام ياقلبي يالا ..

ودخلت مني ونورا لحديقة المنتزة ..واقترب احمد منهما ومد يده ليسلم ع مني

احمد وهو يتاملها بتركيز شديد

عاملة اي يامني ؟؟؟

مني وعيناها يبرقان سرورا

الحمد لله .. المهم انت ؟

احمد : انا بخير مادام انتي بخير يا غالية..

فابتسمت مني ونظرت في الارض ..فقاطعتهم نورا .. اية مش هنقعد في مكان ؟؟

فرد احمد .. لا طبعا اتفضلو..

نورا :لا معلش بقا انا لازم امشي ..

مني : تمشي !! يعني اي ؟؟ وعلي فين!!

احمد :: ليه يانورا وهتروحي فين ؟؟

نورا وهي تغمز بعينها : انا هروح وانتم خدوا رحتكم . وكل واحد يخرج لوحده ..

مني : لالالالالا يانورا خليكي .

فرد احمد : انتي وراكي حاجة ؟

نورا : ايوة والله مذاكرة كتير .... اسفة يامني . حقك عليا ..

مني : لا ولا يهمك يا نورا ..

وذهبت نورا وتركت مني واحمد..

فنظر احمد وقال : انتي قلقانه.

مني : لا يااحمد هقلق ليه ..

فنظر احمد في يد مني وقال .. انتي لبستي الدبلة .

مني بحزن : ايوة ..

فغضب احمد وقال ..اخلعي الدبلة..

مني : يعني اي يااحمد؟؟

احمد باصرار

يعني اخلعيها من ايدك ...ممكن!!

فنظرت مني لارض ... فامسك احمد بيديها وخلع الدبلة من يدها وامسك بحقيبتها ليضعها بداخلها ..

اي ده يامني ؟؟؟ انتي اشترتي موبايل ؟؟؟؟.

مني : لا .. ده .. وصمتت مني

احمد بغضب

سيد يامني ...صح ؟؟؟

مني : ايوة....

فتاملها بتركيز شديد ثم قال

طيب اتفضلي اقعدي ..انتي ناوية علي يا غالية ؟؟؟ هتكملي مع سيد!!!

مني : صدقني يااحمد غصب عني ... انا اتفاجأت باني مخطوبة لسيد ومن انا صغيرة..

احمد : طيب والحل ؟؟؟؟ انا مقدرش ابعد عنك ياغالية..

مني : الله اعلم بكرة فيه ...

احمد : بتتكلمي وبتقعدي معاه يا غالية ؟؟

مني : عادي ... مش للدرجة اللي انت متوقعها .صدقني يااحمد سيد طيب وعلي فكرة هو سبب رجوعي للمدرسة ...
وعنده استعداد يعمل اي شئ ليرضيني وده اللي تعبني
ياريته كان وحش .

احمد : خايف ياغالية بعد كلامك ده تحبي سيد وتنسيني ..

مني : لا ابدا يااحمد .. هو محترم وانا طول عمري بيحترمه لكن هو ابن عمي وبمثابة اخ ...انا طلبت منه انه يساعدني ادخل ثانوي ... وعدني انه هيساعدني اني اكمل لو فيه نصيب..

احمد : خلاص ياغاليه .... عايزة تدرسي ثانوي عام ؟؟

مني : ياريت يااحمد ... لكن ماليش نصيب.

احمد : لا ياغالية .... اي رايك قدمي ثانوي عام منازل .

مني : ازاي يااحمد ومدرستي ...

احمد : افهمي انا ممكن اساعدك انك تقدمي ثانوي عام لكن تستمري في تجاري .. وتحضري بس الامتحانات .

مني : يعني ادرس عام وتجاري .... وده ينفع ؟.

احمد : ايوة لي صديق ابواه اقدمله عام وازهري وكان بيحضر امتحانات الا ثنين لغاية ثانوي وبعد كده إو اللي قرر يكمل فين ...

فنظرت مني نظرة حماس وقالت

لو ينفع انا موافقة .....

وبالفعل ساعدها احمد لتدرس عام منازل وتستمر في تجاري امام الجميع ..و كانت مني بالفعل مجتهدة ... فاجتهدت كثير لتستطبع ان تحقق حلمها ...وكان احمد ونورا هما العون والحافز لها علي الصبر حتي توفق بين المرحلتين .
واقتربت الامتحانات فقلقت مني
واتصلت باحمد ..

احمد : ايوة يا عالية ...

مني : احمد انا قلقانه ..

احمد : ليه ياغالية. .؟؟؟

مني : الامتحانات قربت . قلقانه جدا ..

احمد : حبيبتي امتحانات التجاري قبل العام .

ركزي انتي في مراجعة دروسك في التجاري .واطمني ياغالية...

وبعد انتهاء مني من امتحانات التجاري ..بدات تستعد لامتحانات الثانوي العام ..وصارحت سيد بكل شئ ليساعدها في حضور امتحانات الثانوي العام .وبالفعل ساعدها سيد لتستطيع حضور الامتحانات ...وجاء يوم ظهور نتيجة التجاري وبمجرد ما عرفت مني النتيجة . فامسكت بهاتفها ..
لتخبر سيد بنجاحها ...

انا نجحت ياسيد ...

سيد : مبروك يامني .. الف مبروك عقبال العام ..

مني : الحمد لله ياسيد ...ويارب يستر في نتيجة الثانوي العام ..

سيد بحب واضح : اطمني يامني .. لكل مجتهد نصيب .. وانتي تعبتي فالمذاكرة يامني ..

مني: يارب ياسيد ..

سيد : مني ممكن طلب ؟؟

مني : اتفضل ياسيد طبعا ...

انا نفسي اقدم الشبكة وده كان اتفاقنا انا وعمي ..

مني : طيب ياسيد اصبر بعد نتيجة العام ..

سيد : اطمني انا واثق من نجاحك وبعدين عمي ما بيعرف بموضوع العام ...خلاص يامني هكلم عمي ..

مني والحزن يملا قلبها : خلاص ياسيد اعمل اللي يريحك. .

وانهت مني مكالمتها وبكت فهي تحب احمد ..ولكن سيد اصبح الصديق والمنقذ لها والوسيلة الوحيدة التي عن طريقها تفعل ما تريد ...وبمجرد انتهاء سيد من مكالمته مع مني .. اتصل بعمه

سيد : السلام عليكم .. ازي حضرتك ياعمي .

والد مني : الحمد لله يابني .. واخبارك والاهل ..

سيد : تمام ياعمي ..لو تسمح ياعمي كنت عايز اتكلم مع حضرتك ..

والد مني : اتفضل ياسيد ..

سيد : لا بعد اذن حضرتك ما بينفع في التليفون ..تسمح لي بزيارتكم ...

والد مني : اكيد ياسيد البيت بيتك يابني ... حتي مني بتجيب النتيجة

سيد : ايوة ياعمي عارف انا كلمتها ...

والد مني : خلاص يابني وانا في انتظارك ...

*************************************

احمد : مبروك ياغالية ...

مني : الله يبارك فيك يااحمد ..عقبال العام ..

احمد : ان شاء الله ياحبيبتي ..

مني بتردد : احمد ...

احمد : نعم ياغالية. .

مني : كنت عايزة اقولك علي حاجة ..

احمد : اتفضلي..

فارتبكت مني .. ولكنها جمعت شجاعتها وقالت .

سيد انهاردة هيحدد مع بابا كل شئ ويحدد ميعاد الفرح

احمد : والحل يامني ؟؟

مني : مش عارفة ... مش عارفة اعمل اية؟؟

احمد : ارفضي ياغالية ده حقك..

مني : صعب يااحمد .. وخصوصا بعد اللي سيد عمله علشاني .

احمد : اااه فهمت .. قولي انك موافقة يا غالية..

مني : لا .. يااحمد عمري ما هكون راضية حتي لو في بيته..

احمد : طيب اي رايك اكلم ابراهيم ..ابراهيم صديقي وهيفهمني ..

مني : لالالا يااحمد ... بلاش .. معلش انا هقفل علشان وصلت ..

احمد : ابقي طمنيتي ...

مني : حاضر يااحمد ... حاضر.

واغلقت مع احمد .. ورنت جرس منزلهم ..ففتحت لها امها ..

عملتي اية يامني ؟؟

مني : الحمد لله ياماما .. نجحت

الام : ومالك زعلانه ليه كده؟ ؟

فنظرت مني لامها وقالت .. مافيش ..

الام : طيب يالا غيري هدومك خطيبك علي وصول هيحدد ميعاد الفرح..

مني : مين قالك ياماما ...

الام : ابوكي اتصل وقالي ان سيد عايز يتكلم معاه ..

فاكيد بما انك النتيجة ظهرت .. يبقي عايز يحدد ميعاد الشبكة

مني : حاضر ياماما .. حاضر

ودخلت مني حجرتها .. فهي في حيرة .....حيرة بين اثنين شخص تحبه وتتمناه .. وشخص يحبهاويحاول ارضائها باي وسيلة .. وقالت في نفسها ....سيد وقف بجانبي كثير .. وفعل من اجلي الكثير ....لو صارحته بحقيقة مشاعري اتجاهه واتجاه احمد هجرحه جرح عمره ما هيسامحني عليه.
وحتي لو فعلا ارتبطت باحمد عمر ما ضميري هيكون مرتاح لاني ظلمت سيد..ولو كملت حياتي مع سيد .. مش هقدر انسي احمد ..ولو استمريت مع احمد وانا مرتبطة بسيد بكده هكون خائنة .. فامسكت مني راسها .. وبكت

يارب .ساعدني .. يارب محتاجة لمساعدتك.

وفي نفس اللحظة حضر سيد..

الام : اهلا .. اهلا.. اتفضل ياسيد ..

سيد : حضرتك اخبارك اي يا مرات عمي ؟

الام : انا بخير يابني اتفضل. ...ودخل سيد الصالون ..

هو عمي مش موجود؟ ؟

الام : هو لسة واصل حالا لحظة وابلغه بس يخرج من الحمام

فابتسم احمد وقال : طيب ومني موجودة ..؟

الام : ايوة طبعا موجودة .. وعلي فكرة مني نجحت كمان

سيد : عارف يامرات عمي كلمتها وهي بتجيب النتيجة

الف مبروووك ربنا يوفقها .. مني تستاهل كل خير.

الام : وانت يابني ..ابن حلال وتستاهل كل خير .ربنا يسعدكم ياسيد يارب .

سيد : يااااااااارب يامرات عمي..

عمه : اهلا سيد ..

سيد : اهلا ياعمي .اخبار حضرتك ؟

عمه : تمام يابني بخير ... اتفضل ارتاح

سيد : شكرا ياعمي .. عمي الحمد لله النتيجة ظهرت ممكن نحدد ميعاد الشبكة ..

عمه : طبعا ياسيد ... ممكن ..

سيد تمام في موضوع تاني ياعمي ..

عمه : خير ياسيد . اتكلم

سيد بقلق : انا خلاص هتنقل من فرع اسكندرية لفرع الشرقية . وحضرتك كنا متفقين ان مني هتعيش هنا لاني مستقر هنا..لكن دلوقتي انا هستقر فالشرقية .. وحضرتك عارف ان شقتي هناك جاهزة من كل شئ مش ناقصها غير مني.

عمه : يعني اي ياسيد . تقصد ان مني تعيش عندكم فالبلد ..

سيد : ايوة ياعمي ..

عمه : لا طبعا مستحيل اوافق .

سيد : ليه ياعمي ؟؟

سيد : ده كان اتفاقنا ياسيد ان مني تعيش في اسكندرية وفي العمارة هنا ..وانت وافقت علي كده وكمان صممت انها ترجع مدرستها .

سيد : ياعمي انا عند وعدي انها تكمل دراسة . لكن انا خلاص اتنقلت وهستقر هناك . وصعب اتجوز واسيب مراتي واستقر في مكان تاني ..

عمه : لا اتصرف ياسيد .. يا هنا في اسكندرية او بلاش .يبقي كل شئ نصيب .

سيد محاولا إقناعه: ياعمي من فضلك حضرتك عارف ان الزوجة بتعيش مع زوجها مكان شغله .

عمه : اسف ياسيد الموضوع ده منتهي .. مني تعيش في اسكندرية ..

سيد : ياعمي افهمني حضرتك .. صعب انا اتنقلت فعلا.. وصعب ارفض مش اختياري .

عمه : يبقي خلاص ياسيد ..

سيد : خلاص اي ياعمي .؟؟؟!

عمه : كل شئ قسمة ونصيب ....

سيد : ليه كده ياعمي .. اقسملك بالله مني هتعيش مرتاحة

عمه : انتهينا ياسيد...

سيد : طيب ياعمي فكر .. وانا هنتظر قرارك..وقام سيد وهو حزين من وموقف عمه ..

عمه : انت اللي تفكر وتاخد قرارك ياسيد ...

وانصرف سيد وهو لا يدري ماذا يفعل ..
وبعد انصراف سيد وهو في حيرة من امره ماذا يفعل وكيف يرفض قرار نقله ..فقرر السفر وبالفعل سافر سيد وبمجرد وصوله استقبلته

والدته اشجان : اهلا بالعريس .طمني عملت اي مع عمك.

فتنهد سيد وقال...اسف ياامي انا تعبااان جدا بعدين نتكلم ..

وتركها ودخل حجرته .. فدخلت اشجان وراءه ..

مالك ياسيد ؟؟؟

ابدا ياامي بعدين ممكن ...من فضلك سبقني دلوقتي

اشجان : براحتك يابني .. وانصرفت اشجان والقلق بملأ قلبها.وبعد ان خرجت واغلقت الباب خلفها . امسك سيد هاتفه واتصل بمني .."الو" ايوة يامني ... عاملة اي؟؟

مني : سيد !!! انا بخير .انت ا للي في اية؟؟ وحصل اية ياسيد؟

سيد انتي عرفتي باللي حصل ؟؟

مني لا .. لكن حاسة ان في شئ غريب ..والأغرب انك تمشي قبل ما اسلم عليك ..

سيد : ممكن سؤال يامني ؟؟

مني : اكيد اتفضل اسأل ياسيد..

سيد : انا اي بالنسبالك ؟؟؟ انا بحبك وعندي استعداد اعمل اي شي يسعدك ....فصمتت مني وطال صمتها ...

سيد : خلاص يامني .. الاجابة وصلت ..

مني : ممكن افهم حصل اي ياسيد ؟؟؟

وقص سيد لمني ما حدث ..

مني : يعني انت خلاص اتنقلت فعلا

سيد : ايوة يامني ... والامر في ايدك انتي ..

مني : انا ازاي يعني !!!!

سيد : ايوة انتي..... تقولي لعمي انك موافقة تعيشي معايا في اي مكان ...فارتبكت مني وظهر الارتباك في نبرات صوتها ....

مني : صعب ياسيد .. انت عارف بابا..وبعدين انت عارف اني ماليش راي ولا قرار..

سيد : طيب يامني ... انتي عايزاني ولا لا...

مني : انت انسان محترم واي بنت تتمناك ..لكن انا مقدرش اتكلم مع بابا....

سيد : خلاص يامني ان شاء الله خير ..

وطرقت اشجان باب حجرة سيد ..

لحمة سيد : لحظة يامني ...

مني : اتفضل براحتك ...

سيد :٠ ايوة ادخل ... فدخلت اشجان ....

سيد .. ابوك عايز يتكلم معاك ..

سيد : حاضر ياامي .. لحظة واحدة ..

وخرجت اشجان ...

سيد : ايوة معاكي يامني .. علي العموم ان شاء الله خير .

انا مضطر اقفل دلوقتي وهتصل تاني ...

مني : ماشي ياسيد ... وانهت مني المكالمة وهي في قمة السعادة .. معقول بابا اختلف مع سيد .. ياااه الحمد لله ..

يارب سيد ما يوافق يرفض نقله . يارب وامسكت مني بهاتفها واتصلت ب احمد ..

مني : احمد ... عندي لك خبر بمليون جنيه...

فضحك احمد وقال ... طيب هاتي المليون جنيه وخلي الخبر لكي ...

فضحكت مني وقالت ..

لا والله ... طيب انا غلطانة يالا اقفل ..

احمد : لامش هقفل ... قولي ياغالية ..

٠مني بسعادة : .. بابا وسيد اختلفو وبابا فسخ الخطبة ..

فانتفض احمد من مكانه وقال ... معقول .. بتتكلمي بجد...

مني : ايوة .. طبعا يعني ههزر في كده...

احمد : ياغالية .. ده خبر مش بمليون جنية ده ولا يساويه عندي كنوز الدنيا ...

مني: وانا كمان يااحمد .. مبسوطة جدا جدا...:

احمد : صحيح ي غاليه عايز اقولك حاجة...

مني : قول خير يااحمد ...

احمد : اناااااااا بحبك ...

فارتبكت مني ولم ترد ...

فضحك احمد ... وقال ..

انطقي .. قولي حاجة . اي حاجة .

مني ساخرة : والله انت قلبت علي عبد الحليم ...خلاص

فضحك وكمل احمد كلامه قول بحبك.. قول كرهتك . بس قولي اي حاجة.

فضحكت مني .. بس كده ..لا كرهتك يااحمد ..

فضحك احمد بصوت مرتفع . وقال

انا راضي ياقمر ... اي حاجة منك حلوة ...لكن نفسي اسمعها ...فلم ترد مني..

اوك ياغالية .. انا سمعتها باحساسي .

المهم ..طمنيني اول باول .. حاضر يااحمد..

مني .. ينفع اشوفك ..

مني : مش عارفة هشوف لو قدرت اخرج هتصل بك ..

احمد : ماشي .. حاولي يا غالية ...نفسي اشوفك..

مني : ربنا يعلم يااحمد .. حاضر هحاول..

**************************************

وذهب سيد لابيه ..وكان والده ينتظره وهو في شدة الغضب من اخيه محمد وعندما دخل عليه سيد .. قال والده مباشرة بدون اي مقدمات :ا ي اللي حصل ياسيد ؟؟؟

قص سيد علي ابيه ما حدث ..

يعني اي الكلام ده ..؟؟ هو عمك هيتحكم فيك !!

سيد محاولا تهدءته : ولا بيتحكم ولا حاجة يابابا .. هو بس ده فعلا كان اتفاقنا

عبدالله : لا بيتحكم .. وبعدين ما الواحدة بتعيش مكان ما زوجها موجود. .بقولك انت كده خلاص خلصت اجراءات نقلك لهنا ..

سيد : لا لسة بكرة ان شاء الله ..

عبدالله بعصبية : واية اللي جابك لما هو بكرة ..

سيد وهو ينظر لابيه تارة وتارة اخري في الارض : ابدا قلت اغير جو ..

عبدالله : تغير جو ولا ما تحملتش تقعد في اسكندرية علشان بتحبها ..

سيد : بابا لوسمحت .. سواء حصل نصيب او محصلش مني بنت عمي . ومافيش داعي نتكلم عليها اي كلمة .

عبد الله : ياسيد .. مني في مقام بنتي لكن عمك عليه تحكمات في رايه وطول عمره كده ..وامسك سماعة الهاتف ..

فنظر اليه سيد في قلق وسأله : هتعمل اي يابابا .؟؟؟

عبد الله : هكلمه يابني . اشوف اخرة كلامه اي ؟؟

سيد متوسلا : لالالالا .. بلاش دلوقتي .. سيب الامور تهدي شوية

عبد الله : لا ياسيد .. واتصل باخيه محمد.

......ايوة يامحمد ..

محمد (والد مني ) : عامل اية يا عبد الله ؟؟

عبد الله : مش مهم انا .. المهم اي اللي انت قلته لسيد ده.
وهو من امتي الرجل هو اللي يستقر مكان زوجته ..
طول عمرنا نعرف الزوجة تعيش مكان زوجها ما يعيش

محمد : عبد الله لو سمحت .. احنا اخوات بصرف النظر عن موضوع النسب ده ..لو موافقين علي شرطي انا اكون سعيد بموافقتكم .لكن لو رافضين .. يبقي كل شئ قسمة ونصيب.

عبد بغضب وقد ارتفع صوته : لا يامحمد انا مش موافق علي كلامك انت هتتحكم في ابني .. انا ابني رجل ..وكفاية اخلاقه المعروف بها واي بنت تتمناه ..ولو ابني وافق يبقي لا ابني ولا اعرفه ..

محمد : خلاص ياعبد الله ... يبقي كل شئ قسمة ونصيب ..
واغلق الهاتف .

فتنهد سيد بحزن وقال : ليه كده يابابا .. قلت لحضرتك لما الامور تهدي..

عبد الله : هو ده الصح ياسيد . عمك عايز يتحكم فيك ..ليه هو مافيش غير مني .انت خلص بس اجراءات نقلك وانا اخطبلك اجمل من مني.

فنظر سيد لابيه في غضب وانصرف ..

اشجان : ليه كده ياعبد الله .. كنت سمعت كلامه وصبرت ..سيد بيحب مني .. والله حرام عليكم..حرام تكسروا بقلب الولد كده ....

عبد الله : اسكتي يااشجان .. الحب اللي يذل الانسان يغور في داهية ..

اشجان : حرام ياعبدالله .. يعني ابنك مش صعبان عليك ..

عبد الله في صرامة : الموضوع ده انتهي ولو حتي اخويا غير رايه انا لا يمكن اوافق .. ولو ابنك خالف رايي يبقي لا ابني ولا اعرفه.

*************************************

نادية .. يانادية ..

ايوة يامحمد ... خير

محمد : فين مني ؟؟؟

نادية : مني في اوضتها .. خير في اية .؟

محمد : ادخلي خدي من مني كل الهدايا اللي سيد اقدمها لها .

نادية : ليه بس حصل اي طمني ..!!!

محمد : خلاص فسخت الخطبة ..

نادية : ليه يامحمد بس سيد شاب ابن حلال وطيب وبيحب بنتك .

محمد : خلاص كل شئ قسمة ونصيب ..

نادية : طيب اصبر بس يمكن الامور تهدي ..

فجلس محمد علي المقعد القريب منه وقال : لا خلاص .. حتي لو وافقوا علي شرطي انا مش هوافق اعملي اللي قلتلك عليه ...

فتنهدت نادية : حاضر يا محمد .. براحتك

لاحول ولا قوة الا بالله ...ودخلت نادية علي مني

مني ...

ايوة ياماما ..

نادية : بتعملي اي ؟؟؟

مني : ابدا ياماما .. في اية ؟؟

نادية : هاتي يابنتي كل الهدايا اللي سيد ابن عمك اتقدمهالك ..

فقامت مني واقفة وقالت : ليه حصل اية فهميني ؟؟

نادية : أبوكي وعمك اختلفو وفسخو الخطبه ...

وفي نفس اللحظة رن موبايل مني .....
يتبع

السادس من هنا

مدونة مكتبة حـــواء

رواية خائنة ولكني لم أخن الفصل الخامس 5 بقلم اميرة احمد