رواية كف الطاغية الفصل الرابع 4 بقلم سارة الحسن
بقيت متجمدة حتى النفس گطعتة
اريد أبلع ريگي واخاف السچين تحزني!!
غمضت عيوني بخوف واني ما ادري ياهو الليّ لزمني
وياهو الراح يحصل شَرف ذبحي بهاي الليلة!
أخوتي! ولد عمي! لو بيت شبلي!
أريد أنطق الشهادة من الخوف نسيتها،
فتحت عيني على وسعها كل ذرة بجسمي رجفت
من حسيت أيدة ثگلت وحاچاني بتعب، صوتة غريب!!
::- ما عندي نِية بأذيتك بس أحتاجك تساعدنــي
171
- بقت السجينة على رگبتي ووخر أيدة
الساد بيها حلگي ، سمعت صوت خرخشة نايلون ورفعة
گدام عيني الجيس الأصفر الدزني عليه غـازي!!
مديت أيدي بساع اريد ألزمة بس ما خلاني
ضغط بالسجينة على رگبتي محذرني، يحچي بصوت ناصي
::- تساعدنـي وتاخـذة وتنساني وأنسى الشفتة
117
- بهاللحظة حَسيت روحي واكفة بنص بحر وبليلة ظلمة حتى گمرية مابيها! لا أشوف شاطي وأرجعلة ولا ضوة يدليني دربي! بقيت خايفة من القرار الراح ينطقة لساني واني ما أدري شنو عواقبة! نزلن دموعي بقهر وخوف من شعور الضياع الداحس بي وبيبان الدنيا كلها انسدت بوجهي حتى باب أهلي ومأمني خفت أرجعلة ، ضايعة بين خوفي من الدايصير ومن الراح يصير بعد ما اساعدة! بس ما عندي حَل ، هزيت راسي أي متشنگة وهمست بخوف وصوت مخنوگ من البچي
زُبيــدة: أساعدك بس عوفني
75
- نفضني من بين أديه عبالك اتكهرب
بس سمع صوتي! اظن ما ركز بشهگتي وما عرفني
بنية ! بس عافني رجعت لورة خايفة منه
عيني عليه مدا أشوف منه شي لابس شفقة "كاسكيتة"
عاكس ظلها على ملامحة خافيتهن، أيد سندها على
اقرب شجرة والثانية الليّ بيها السجينة لازم بيها
خاصرتة، من نبرة صوتة عرفتة مصدوم يسأل بتعب
::- أنتِ بنية ؟
144
- أريد اكله أي ماگدرت بقيت اشهگ والغصة ببلعومي
موتتي، هزيت راسي اي وأتلفت خايفة اني شيصير بحالي
لو احد شافني هسه؟ وويامن؟ واحـد غريب!!
أحس روحي بداخل متاهة وهالمتاهة دا تحترك!
أبقى واكفة بمكاني راح احترك بيها،
واذا درت ظهري وأنهزمت مادري الدرب وين
راح ياخذني! للنجاة؟ لو للهلاك؟
مسحت عيوني حيل بگُفى أيدي اريد أشوف
زين الدموع ممخليتني أندل دربي وهمست بصوت يرجف
زُبيــدة: گلي بشنو أگدر اساعدك وأنطيني هالجيس وخليني أروح
- دنگ يباوع لأيدة اللازم بيها خاصرتة حركها شوية يشوفها جانت گلها دم! هز راسة بـ لا وگال
::- روحي وأعذريني جست المحرم على أيدي تجيسة
234
زُبيــدة: تنطيني الجيس وأعذرك؟
27
- رفع أيدة الليّ شايلة بيها ركضت بساع تفيتها منه هو ما مليان بي شي قليل بنهايتة مثل الطحين، حضنتة على گلبي وبقيت واكفة بمكاني مثل الدايس لغم جوة رجلة خايفة أبقى وخايفة أروح ، دنگت شلت التلفون، درت وجهي ومشيت لبيتنّا بس بقيت دايرة وجهي عليه أشوفة وكع بالگاع كوة يحرك روحة ! مبين متصاوب لو جرح قديم ودا ينزف، نص الدرب وگلبي ما أنطاني تخيلتة واحد من أخوتي بمكانة ، رجعت أركض عليه وكفت گدامة اسألة برجفة
زُبيــدة: عليك بداعة أمك أنتَ خوش لو شرير؟
201
- بقى ساكت گوة يجر النفس ويضغط بقوة على جرحة، تحرگ بصعوبة معدل كعدتة ساند ظهرة على الشجرة زين وجاوبني بصوت ناصي گوة سمعتة
::- أبن حــلال
94
زُبيــدة: أحلف
- رفع راسة علــيَّ بس بعدني ما أشوف ملامحة زين، وهز راسة أي فتحت التلفون موجهتة عليه شفت شفايفة وهيَّ تتحرك مادري إذا حلف لو حچة غير شي لأن ماطلع صوتة .
32
- گعدت گدامة بس مو كلش قريبة لأن خايفة وسألتة
زُبيــدة: أنتَ شسمك؟ ومنو أهلك؟
- ضويت بوجهة ميل راسة مغمض عيونة، ألتفتت منا ومنا أدور شي صارت بأيدي عودة شلتها دغيتة بيها بجتفة
زُبيــدة: يَـــالغريب!
105
- رد فتح عيونة بفزة أنتهى وضعة صار يخوف، مادري منين أجاه الحيل وسحبني قبل شويَّ وهو هذا حالة!! أباوع لصدرة من ينخفض زافر النفس يطول يلا يگدر يسحب نفس ثاني، رمش بثگل وعيني على شفايفة أنتظرة يحچي، جَر الكلمة بتعب عبالك يحجي وهو بلا وعي!
13
غَضنفر: غَضنفر ...
504
- وكع راسة بس نطق أسمة بعد ما فتح عيونة
بقيت أدغ بي بالعودة اريدة يگلي هو أبنمن ما حس علــيَّ
بعد، بقيت محتارة وشكبرها هالحيرة
گدامــي نــار وورايَّ ظلمة تخوف اكثر من النار!
بس بالحالتين اني متعذبة ومتأملة أحصل شي من
هالظلام غير الخــوف، وما إجت على بالـي غير فكرة وحدة!
إذا غـازي مسوي مصيبة وما يريد أهلي يعرفون
فـ ما عندي غير زبيـر! راح يطيح حظي بس راح يساعدة
وتهون هالطيحة بس كون ما يموت هالغريب
لان اموت وراه من تأنيب الضمير ..
74
- عفتة بمكانة ومشيت بخطوات سريعة لبيت زبيـر،
وصلت الباب ووكفت أدكها؟ نص الجيران تكعد على صوتها
وننفضح كلنا قبل لا يسمعها زييـر ويكعد،
لفلفت الجيس وضميتة جوة الحايط وحطيت فوگاه
طابوكتين أخذتهن من حافة الگبر ..
وعبرت من فوك الباب ، مشيت مثل الحرامية اتختل
ويَّ الحايط ولساني ما بطل يلهج بالدعاء
كون بس أخلص من رعب هالليلة !!
دكيت باب الصالة على كيفي مرتين وتلاثة ماظن
سمعوني! رجعت دكيتها أقوى من اول مرة
سمعت دبچة وخطوات تقربت على الباب، طگ القفل
وعت الباب بقوة وبقى صافن علــيَّ !!
تشاهدت يلا وخرت اللثمة عن وجهي جحظت عيونة
من الصدمة وأول سؤال نطقة
زبيـر: أخوتج بيهم شي؟؟؟
79
- هزيت راسي لا والخوف هذاك هو مبين بعيوني احچي وانفث بتعب من صعوبة الموقف الـ اني بي
زُبيــدة: إلك لو للذيب؟
84
- طلع وسد الباب وراه ما يريد امة تسمع وصار يرعد علــيَّ بصوت ناصي
زبيـر: من أنعل لشت عشيرتج واحد واحد وانعل الساعة الصرت بيها أبن عمج لابو حتى الذيب
174
- اريدة بس يسكت حتى أفهمة ما عاد يسكت انفتك من كل جهة منين ما ألمة ما ينلم ، هو ويسطر بالعشيرة وبعمامي صحت بي ميتة قهر
زُبيــدة: كااافي شبيييك؟ وكت رزايل الرجاااال راح يموووت
43
- سكت مستغرب من طاري الرجال! خرطت الليّ اكدر اخرطة بس ما جبت طاري غـازي! كتلة شفت رجال دا يموت بالبستان من ورة الحايط واريدك تساعدة، من الغضب صار ما يعرف شيسوي؟ شنو زُبيــدة طالعة بهالليل شنو دا تساعد رجال غريب! احس عقلة مدا يستوعب الدا احچي ومن صدمتة بقى ساكت وأشرلي أمشي وراه! هو يمشي واني اركض ركض وما ألحگ بي، فتح الباب الصغيرة وألتفت يسأل
زبيـر: وينة؟؟؟
- أشرتلة وين ما عفت الرجال، هـز راسة خـوش وأندار علــيَّ عيونة تحذر قبل لسانة
زبيـر: أبقي هنا ممنوع تتحركين، خـوش؟
39
- هزيت راسي خوش وهمست مترددة بس اريد أنقذ روحـي
زُبيــدة: وروح جدتي رحيمة مو صاحبي ولا أعرفة ولا يعرفني خاف تريد تتبلاني
57
- أشرلي أفوت وهو راح يمشي مديت راسي من الباب أنتظرتة يوصلة وطلعت أخذت الجيس من جوة الطابوگات وطكيتها ركضة لبيتنا، عبالة انــي زوج أبقى أنتظرة لما يرجع ويذبحنـي.
122
- دفعت باب بيتنّا وفتت لگيت غـازي بمكانة ما متحرك، ركضت كعدت يمة أبشرة لگيتة والضحكة تارسة وجهي ما خذلتة
زُبيــدة: جبتة جبتة باوع غـازي
- ما تحرك ولا رَد علــيَّ ، راحت أبتسامتي ومديت أيدي ترجف لوجهة درتة علــيَّ
زُبيــدة: غـ.. غـا.. غــاازي
72
- من خوفي ضربتة راشدي قوي أريدة يصحى وهستوني أريد أعيط فتح عيونة على النص مبتسم ويحچي بكلمات متقطعة
غـازي: الميت .. من .. الراشـ .. الراشدي يصحى
138
- رديت أبچي مدري منين أجتني هالدموع احس عايشة برعب وموقف أكبر مني، دنگت راسي مفرفحة روحي وسادة حلگي بجف أيدي حتى لا ينسمع صوتي، حسيتة يعتني من طرف دشداشتي السودة وهمس
غـازي: خلصت زُبيــدة ، خلصت أخيتي السباعية
49
- نزعت الشماغ من راسي رجعتة على جتفة وضميت الجيس الليّ مادري شنو بي جوة الحطب للصبح نشوفلة حَل، رجعت عليه سندتة كومتة حتى نروح للبيت حمدت ربي وشكرتة ألف مرة لأن كلهم نايمين ومحد حس علينّا، النهار كله يشتغلون ومن اول الليل ينامون من التعب .
30
- وصلتة لفراشة مدد وغطيتة، أحسة مو طبيعي بس هو ما يرضى أحچي شي، رجعت للمطبخ غسلت أدية على السنگ الدم يابس عليهن ورجعت للغرفة شلت مخدتي وبطانيتي وإجيت يم غازي، حطيت مخدتي يم راسة ومددت باتجاه معاكس إله، تغطيت وسحبت روحي من مكاني موصلة راسي ليم مخدتة اهمس يم أذنة
زُبيــدة: غـازي تنفس بصوت عالي يزعجني حتى من ينگطع نفسك احس عليك
72
- گلب روحة بثگل نام على صفحتة حتى لسانة ثگل
غـازي: قابــل ثـور؟!
72
- ردت أحجي بس من انگلب خَطاب رجعت لفراشي بساع غطيت راسي وسويت روحي بسابع نومة، وصورة براسي صارت تنعاد كل المشاهد العشتها بهاي الليلة من هبطتي على غـازي، ورجفة گلبي من الخوف بسبب هذاك الغريب! وكلها بصوب وزبيـر بصوب!! راح يسكت؟ لو راح يحجي علــيَّ؟ لو راح ينفذ كلامة من گال الثالثة ثابتة وهو يذبحني؟
65
- عصرت عيوني حيل انفض كل هالأفكار من راسي واحاجي ضميري أقنعة هو سوة شي زين ساعد بشر جان ممكن يموت! بـس بنفس اللحظة يوكف عقلي بسبب الشك! ويرجع صدى السؤال براسي الليّ سويتة صح لو خطأ؟
55
- ما گدرت أغفى من خوفي على غـازي بقيت كل شويَّ أمد أيدي احطها على صدرة أشوفة يصعد وينزل؟ يعني بعدة دا يتنفس .. لما أذن آذان الفجر گمت أصلي، جيـداء و أُميمة هم كعدن يصلن ويبلشن يدرسن، اني كملت صلاتي ورجعت مددت بفراشي أسمع ونين غـازي! حطيت أيدي على گصتة أتحسسة نـار ومشتعلة بي، فزيت كعدت يمة اندهة أريدة يكعد ما يكعد!! الدموع ترست عيوني وأنداريت على خَطاب اصيح عليه بصوت مخنوگ ، فـز من نومتة على صوتي وحسيت گلبة وكع من شاف حالي، ابچي وأشرلة على غـازي ، تقرب بساع يتحسسة ورفع راسة علــيَّ يهَديني مستغرب حالي
خَطاب: أششش زُبيــدة بس مصخن عليمن هالبچي
60
- على اصواتنّا أجن البنات يتراكضن والكل كعدوا، عادل خابل على عدنان يريدة يجيب سيارتهم ويجي حتى ياخذونة للمستشفى، من شالوا يريدون يطلعون ركضت وراهم اكول لابوية
زُبيــدة: بابـة خلّ يشوفون رجلة هم ملتهبة ومايقبل يروح للطبيب
55
- هـز راسة أي وطلع وياهم، بقيت ألوب مادري شسوي ولا هم الليّ رجعوا بسرعة .. بقيت من شغلة لشغلة اريد ألتهي حتى يمر الوكت وأمي هالأيام مخلية كل الشغل علــيَّ علمود البنات يدرسن .. هيَّ كعدت تخيط واني سويت ريوگ لجدتي بدرية وربيـع وطلعت للحوش تعزيل وكنس ورش ورجعت للبيت كله نظفتة واخر شي بقن مواعين الريوگ غسلتهن وكعدت بالهول مهدود حيلي ، النسوان طابة طالعة علينّا لأن امي خياطة .. من طلعن صاحت علــيَّ تگلي
حَفصة: سوي غدة
زُبيــدة: ميخالف بس خابري ابوية شوفي غـازي شلون صار؟
حَفصة: فاتحين رجلة منظفينها لأن ملتهبة وهسه راجعين للبيت
67
- أبتسمت واني اشكر ربي وأحمدة لان ما صارلة شي، رَدلي حيلي وركضت للمطبخ حتى أسوي الغدة ومخبوصة وما خليت شي ما سويتة .. من وصل غـازي منتهي فد مرة بس مدد بفراشة نام ومخليلة كانيولا وعلاگة أدوية شكبرها .
18
- بذاك اليوم لا أبوية ولا خَطاب راحوا للشغل ومعن وعـادل رجعوا الظهر من مدرستهم .. صاحت علــيَّ أمي گالت صبي الغدة، عدنّا سُفرة نايلون مشجرة نفرشها وكت الخطار ونرد نغسلها ونضمها، طلعتها فرشتها من شافوها يأجوج ومأجوج ضحكوا
معن: الوجبة دسمة اليوم
عـادل: ما تتعامل بالخفيف العشا طيور وهسه راح تمدلنّا الطلي
54
- أبتسمت بوجهم ورحت لملمت المواعين بصينية وشلتها گوة، حطيتها بالگاع وصرت اوزع المواعين على السُفرة "بيتنجان، بتيتة، زلاطة، طرشي، طاوتين طماطة حمس بس غرگانة مي عبالك مرگة" ، وأخوتي متحمسين ينتظرون شراح اجيب بعد
معن: خوش مقبلات، تحمست للطبق الرئيسي
116
- رجعت للمطبخ صابتلهم مواعين على عددهم "كشري" (تمن وعدس) وهم وزعتهن على السُفرة .. وأخير شي فرغت جدرية الروبة الليّ مخثرتها أمي بطوس صغار وخليت يم كل ماعون طاسة .. باوعت لـ معن وعادل كل ما اخلي شي يقربونة من الحواف ويعوفون مجال بالنص
زُبيــدة: هاي ليش؟
عادل: للطبق الرئيسي يلا جيبي
زُبيــدة: هذا كل الليّ سويتة، گولوا الحَمـدُ لله واكلوا يلا
91
- باوعوا واحد بوجه الثاني ورجعوا يباعون علــيَّ
معن: هم أنعم الله، بس وين المرگة؟
- اشرتلة على طاوات الطماطة الحمس مطوفات مي ودهن
زُبيــدة: هاي مرگة طماطة وإذا ما تحبها اكل كشري و روبة
41
- أبوية كمل صلاتة وإجة يضحك مسح على راسي وگال
أسماعيل: عفية ببنيتي النادرة
49
- يأجوج ومأجوج ما عجبهم الوضع وأنداروا على أمي من إجت تكعد
معن: يمة صدك تحچين؟
حَفصة: ما يعجبك كوم طكلك بيضة واكل
34
زُبيــدة: تارستلكم السفرة بكل ما لذ وطاب وتتذمرون؟ شيسوي بيكم الله بعد
62
- ضلوا يحششون علــيَّ شلون مسوية خبط غريب عجيب لما رزلتهم أمي يلا سكتوا، خَطاب ما حچة شي كمل ماعونة وگام ساكت .. وجيـداء خلصتها تضحك عليهم تگللهم حتى تحسون بقيمتي، بـس ربيع مونسني ياكل كشري وورة كل خاشوگة ياكلها يباوعلي يگلي
ربيـع: الله اكلج طيب زُبيــدة
100
زُبيــدة: مية ميتين تلثمية اربعمية خمسمية الف عافية على گلبك يحوشي
32
- بعدني اكل واسمع عمتي ام غايب تصيح علــيَّ من ورة الحايط، ركضت طلعتلها
زُبيــدة: هـا عمة
أم غايب: شعندج هسه؟
زُبيــدة: داتغدة سويتلهم كشري اليوم تگرطين الماعون وراه اجيبلج؟
24
- ضحكت وگالت
أم غايب: لا عمة متغدية اني بس اذا ماعندج شي تعالي يمي اريد أفل النضد وارجع أسفطة
زُبيــدة: جايتج
76
- رجعت لأمي انطيتها خبر وخليت شالي على راسي وطلعت، جان عدنا برميل يم الحايط ويمة جلگانات كبار، صعدت عليهن وعبرت الحايط على بيت عمتي أم غايب، لگيتها واكفتلي بباب الصالة أبتسمت ودفعت باب الهول وفاتت واني فتت وراها الضحكة تارسة وجهي ومنطلقة بالحچي
زُبيــدة: رحم الله والديج عمة خلصتيني من المواعين جان هسه بقـ..
75
- فزيت راجعة لورة ونسيت كل الحچي من شفت زبيـر كاعد بالهول! درت وجهي بساع اريد أنهزم مسوية روحي ما شفتة واگول لعمتي
زُبيــدة: المواعين المواعين عمة اغسلهن وأجيج
113
- بعدني بس لبست تك من نعالي صاح بيه هبط ضغطي من الفزة
زبيــر: تعالـــــي غضب
115
- أنداريت علــيه لون وجهي مخطوف، أشرلي أفوت اكعد يمة رجعت فتت للهول وعمتي تگلي
أم غايب: تعالي يمة ما ياكل
39
- اوف يا عمة لو تدرين شضاملي ضميمة ما تلفينة ببيتج، وكفت گدامة مدنگة وگتلة
زُبيــدة: شوف هو أنتَ صح أبن عمي بــس ترا هم حرام احچي وياك عفية لا تشيلني ذنب اني بنية طاهرة الگلب
93
زبيـر: أمسحي على راسي خلّ تصيبني بركاتج
145
- عمتي ضحكت ومشت تگلة راح تسويلة چاي، أشرلي اكعد باوعتلة عيونة تگول هاي اخر مرة أأشر، كعدت گدامة هو بجهة واني بجهة جان مخلي دفتر يمة شالة شمرة علــيَّ وشمر وراه قلم وگال
زبيـر: أكتبي الصار البارحة بالتفصيل
49
- شلت الدفتر گلبت بي فارغ، مديت أيدي الفاضحتني رجفتها للقلم شلتة وبقيت صافنة بالورقة حايرة شكتب! أحس كاعدة بأصعب أمتحان بحياتي .. بقيت ادعي واتأمل يصير شي يخلصني من هالموقف من ما لگيت وهو گام يحچي كتبت
زُبيــدة: "اني أُمية ماعرف أكتب اتمنى تعذرني"
172
- طبگت الدفتر وحطيت فوگاه القلم وگمت انطيتهيا وگتلة
زُبيــدة: رايحة اني
- سحبة من أيدي وگال
زبيـر: من اكلج روحـي تكدرين تروحين
زُبيــدة: ترا أخوتي يذبحونك إذا عرفوا بيك تعاملني هيج بس اني اگول خطية وساكتتلك
30
- فتح الدفتر متجاهلني قرأ المكتوب ورد طبگة ورفع راسة يباوعلي
زبيـر: تگدرين تروحين، وسويلنّا قوري چاي راح نجيكم اني والزلمة الصايرة سباعية ومساعدتة يريد يشكر أخوتج على هالتربية
120
- دمعن عيوني ميتة قهر اني تالي عمري رگبتي تصير بين أديّن هالخبل المعقد؟! همست خانگتني العبرة
زُبيــدة: شتريد؟
- شمر الدفتر يم رجلية وگال
زبيـر: لا تبچين، أكتبي الصار البارحة وروحـي لبيتكم
73
- دنگت أخذتة ورجعت كعدت بمكاني أحاول اكتب شي معقول والطشها بدون ما أذكر طاري غـازي والجيس الأصفر .. بين كلمة وكلمة أرفع ايدي امسح دموعي الليّ داتخوني وتنزل، بعدني هسه اريد أكتب اخير كلمة وفزيت من شمر باگيت الجگاير مالتة رگعة بالحايط البظهري وشخطت الدفتر حتى الورقة انشگت، صاح بيه يرعد عبالك چيلات برنو
زبيـر: كافـــي بچي غضب كاااافــــييييي، حاط سچين على رگبتج؟
295
- طبگت الدفتر اريد أشمرة بوجهة بس أخاف، رگعتة بالگاع يمي حيل ورگعت القلم فوگاه خازرتة
زُبيــدة: أحمد ربك أخلاقي عالية ودا أنجبر أحترمك جان عرفت شرد عليك
29
زبيـر: وأحمدي ربج أنتِ بنية مو زلمة بس الله اليخلصج مني
23
زُبيــدة: واني لو زلمة تگدر تفك حلكك ويايَّ؟ أفركة بالقـ..
109
- گطعت حچايتي متلاحگة روحي وطكيتها ركضة على عمتي ام غايب بالمطبخ وهو ركض وراية يرگع بالبوب، ختلت ورة ظهرها وهو واكف بباب المطبخ عيونة بگصتة ويضرب بالباب
زبيـر: خرب رووووح عشيرتج ألزمي لسااااانج لااااا تجفصيييين بمصااريني لجججج غضب
82
- گامت عمتي وكفت على حيلها واني مچلبة بظهرها
أم غايب: حلفتك بالعزيزة ما تصيح عليها وهسه تريد تضربها؟ يااا ولك أنتَ ما رايـد روحك
56
- رجع للهول بدون لا يحچي وطلع من البيت كله بس رگع البيبان مسموع وراه مثل المزنة من تجي ترعد علينّا وتروح .. باوعت لعمتي جانت مخلية القوري على النار ومنصيتها وهيَّ كاعدة تقرأ قرآن
زُبيــدة: عايفتني يم هذاك الطكة ونص وأنتِ كاعدة هنا ترقين الچاااي؟؟ ليش هيج عمة على بختج
47
- كعدت ساندة ظهري على الحايط گلبي تعب وهو يدك حيل، مسحت وجهي وغمضت عيوني وهيَّ كعدت يمي تحمد وتصبغ بـ زبيـر
أم غايب: والله گلبة طيب لا تشوفينة هيج عصبي ويصيح غير عمامة حرگوا گلبة وهالحرگ لهسه ما طاب
67
زُبيــدة: عمة شسوي بگلبة الطيب اتعشة بي؟ على روحة بس خلّ يكف بلاه عني
62
- ضربتني على أيدي ما تقبل احچي عليه، وعرفت هو مسولفلها سالفة طلعتي بذاك الليل .. بقيت يمها شويَّ ورجعت لبيتنّا وكل ما يندك باب الحوش يفز گلبي بخوف أكول إجة زبيـر يفضحني، غـازي هالفترة بقى بالفراش حالتة كلش تعبانة رجلة ملتهبة من جكة السلية وما حار بيها وإجتة ضربة بگزيزة وصخة وزادت الطين بَله .. العصر فرشتلة بالحوش ورحت ساعدتة يكوم، حط أيدة على جتفي ساند طولة علــيَّ ومشيتة طلعتة برا وهو يگلي
غـازي: كفو من حزام ظهري، يروحلج فدوة معن وعادل وفوگاهم خَطاب
89
- ابتسمت طايرة بحچاياتة من واحد يگلي هيج أحير شنو أسويلة حتى ابقى اسمع هالكلام منه .. صار يوم عن يوم تتحسن صحتة أكثر والجيس الأصفر من سألتة شسوي بي گال
غـازي: أغسلي بالحوض لا تخلين كلشي بي وأشمري بالزبالة، وغسلي أديج بصابونة ورة ما تغسلينة
81
زُبيــدة: ليش هو شبي؟ وشجنت تسوي؟
- مسح خشمة بگُفى أيدة و دار وجهة عني
غـازي: يجي وكتها وأحچيلج بس هسه انسي الصار
78
- رغم الفضول بـس بعد ما اكدر احجي دام گال هيج، سويت الليّ گال عنه وطمطمت مصيبتة المادري شنو .. بالليل إجوا عدنان وعايـد يشوفونة بس عمي ما إجة زعـلان، وحتى عدنان گالب وجهة على خَطاب لا سلم عليه ولا حچة وياه، خَطاب يباوعلة بطرف عينة وگال
خَطاب: لا تصير زعطوط عدنان
48
- طلع سبحة من جيبة يگلة
عدنان: راح أمشي ورة نصيحة خالك وأستغفر ربي مية مرة يلا أرد عليك
85
- غلس عليه خَطاب وهذاك كاعد يستغفر ما وصل العشرين ونتر بي بعصبية
عدنان: شبيه ومااااا تنطيني مرة هـاااا؟؟؟
120
خَطاب: سد حلكك عدنان
- حچاها ضايج وعدنان بقى يحچي ليش وشبيه ومادري شنو! ما سكت گام خَطاب على حيلة يصيح صاروا بيناتهم الولــد وعدنان زاد الطين بَلة من صاح بي يرعد
عدنان: على هذا عنااادك غصبًا على شااااربك أخذها
70
- عت روحة خَطاب من بين الولد ولزم عدنان من خوانيگة ما عافة إلا من صاح بي أبوية، حلف على خَطاب ما يحچي بعد ودفع عدنان طلعة وگالة
أسماعيل: ما طردك أبني، گال يبني بيت ويجي ياخذ لا تسولنّا مشاكل
13
عدنان: يدري بيه ماكدر أبني بيت وگال هيج يعني طردة
21
- طلعلة خَطاب يشيل روحة ويرگعها بالگاع شايط
خَطاب: لو تبنيلهاااا قصررر بعد تحلم بيهاااا سمعتتتت؟؟؟
40
- هز راسة خَطاب بوعيد
عدنان: تصير نكس اصير انكس منك هَينة
65
- طلع من يمنّا زعلان وعايـد طلع وراه يدردم هم ضاج ، ابوية رجع يحچي على خَطاب ما راضي عليه وهو بقى ساكت .. لليل كلش هو كاعد بالحوش ضايج وصاح على أُميمة يگللها صيحي لـ جيـداء، وخطية هيَّ من خوفها سحلتنّا أثنينّا وياها من شافها رفع حاجبة خازرهـا
خَطاب: جايبة هالذبانتين وياج عود اذا ردت اسويلج شي يحمنج مني؟
121
- دنكت راسها ساكتة أشرلها تكعد يمة وأحْنـا بقينّا واكفين فوك راسها، باوعلنّا ودار وجهة يستغفر، باوع لـ جيـداء يحاچيها بهدوء
خَطاب: تردين عدنان؟
- جيـداء وجهها صار أصفر وبقت بس تبلع بريگها
خَطاب: ما أريد اقرر بمكانج واشيل خطيتج، اذا أنتِ ما رايـدة خلّ اخصمها ألهم عسى ما أتخارب وياهم، واذا أنتِ تردين هم گليلي حتى أضمن حقج وراحتـج
41
- بقت تفرك بأديها وتحچي بصوت ناصي
جيـداء: بكيفك
خَطاب: اني هالسوالف ماحبها، گليلي اي لو لا؟
53
- بقت ساكتة وهو يريد يستفزها رجع جسمة منتجي على الحايط وگاللها
خَطاب: خوش الأفتهمة منج ما تردينة، تگدرين تروحين
48
- كامت على حيلها تباوع بوجوهنّا تريد تبچي، رجعت دنگت ومشت خطوتين واني نبصت من يمي گتلة
زُبيــدة: تريد بس تستحي
- ضيگ عيونة علــيَّ واني أنطلقت
زُبيــدة: تشوفة خوش زلمة لان هيج يفزع وياكم وكت الطك، كالتلك رجال ينشد بي الظهر يعني للصدك هو خوش رجال وأنتَ تعرفة بعد خمو تريدني اعلمك بي؟ اكيد لا، فَـ هيَّ مو لان معجبة بي لا بـس لأن شافتة رجال شهم اخو خيتة گالتلك يفيـ..
144
- سدت حلگي أُميمة يلا سكتت! دفعت أيدها ماخذة نفس لأن نفسي أنگطع وسألتة بخوف وصوت ناصي
زُبيــدة: وضحت؟
28
- هز راسة أي
خَطاب: وضحت ست زُبيــدة
74
- بلعت ريگي وهو أشرلنّا نروح وبعد ما أنفتح الموضوع مادري شنو براسة، زبيـر بقى بين كل يوم يدز علــيَّ يم عمتي أم غايب ويخليني أكتب الصار بهذيج الليلة وراها ياخذ الدفتر ويمشي بدون لا يحچي ويايَّ! لحد أخيـر مَرة وجانت الرابعة دا أكتب وسألتة بدون لا أرفع عيني
زُبيــدة: شلون صار الغريب؟
43
- بقىٰ ساكت رفعت عيني أباوعلة داير وجهة على باب الهول يباوع للحوش ومن كثر ما ضاغط على الجگارة أنكسرت بين أصابيعة
زُبيــدة: لا تفهمني غلط من باب الأنسانية سألت
98
- جعص الجگارة بالنفاضة حيل وگام من مكانة كعد گدامـي ثاني ركبة وسحب الدفتر من أيدي شك الأوراق الليّ كتبت بيهن الصار هذيج الليلة وسفطهن گدامي وطلب مني أقراهن، شلت وحدة وحدة قريتها وخفق گلبي بخوف من شفت شلون مخربطة بالچذب! بوحدة منهن كاتبة سمعت صوت وطلعت وبورقة ثانية كاتبة شفتة يم شجرة التُكي وهو يم النهر!! بلعت ريگي وبقيت مدنگة عيني بالأوراق
زبيـر: هسه عرفتي بروحج چـذابة مـو؟
117
- ضاگ النفس من الخوف والتوتر ما عـاد اعرف شحجي وشگول ومنين أجيب چذبة تطمطم الصار! دغني بالقلم برجلي من باوعتلة ضيگ عيونة علــيَّ يسأل بحدة
زبيـر: ليش سَممتي بستان بيت شبلي؟
154
- صفنت بوجهة كلشي ما مستوعبة! أحاول أربط شي بشي بس أحس عقلي وكف كلشي مدا أفتهم!! نزل عيونة وكمل كلامة
زبيـر: كعدتي يم الجهة التوزع مي للبستان من النهر، وشسويتي؟ نثرتي السم على المي اليعبر للبستان بس! من ضمنتي وصل لكل البستان رجعتي السد
41
- أشرت على روحي مصدومة
زُبيــدة: اني؟؟؟؟؟
6
زبيـر: وهناك شفتي غَضنفر وأنجبرتي تساعدينة حتى لا يفضحج ولو ما هو جان هسه أنتِ صدك مفضوحة يا غبية، بستان اهلج وبستان بيت شبلي من نفس النهر ماااايهن، بهالفترة شيصير براااس أخـــــــووووتج
50
- اخير حچاية صاحها بوجهي خلاني ألزك روحي بالحايط، إجت عمتي أم غايب تركض دفعتة من جتفة ووكفت گدامي
أم غايب: زبيـر وروح عمك بعد ما سويلك شي اذا تصيح عليها
6
- لزمت بدشداشتها وهو تخبل جان كاشفني أچذب بس رادني اكشف روحي حتى ما يبقالي حجة! صاحت بي عمتي تريدة يسكت فرك وجهة ووكف گدامها يباوعلي
زبيـر: ما احجي اني، أنتِ گليلي شسوي بيج؟
2
- شهگت أبچي واحچي من كل عقلي
زُبيــدة: شد بيه بلوكة واشمرني بالنهر
71
زبيـر: غيــــر لو أكــدر، غيــــر لو أكدرررر
- صفگ أيد بأيد يصيح بخبال عبالك ناهبة مو مصيبة تتطمطم
107
- أشرلي على الباب ونتر بيه
زبيـر: ما اريد أشوف وجهج بعد زُبيــدة
38
- أشرتلي عمتي أروح لبيتنّا حتى ما أبقى گدام عينة، طلعت أمشي بخطوات سريعة وصلت باب الهول وألتفتت عليه
زُبيــدة: هذاك الغريب حچالك مو؟
- أندار علــيَّ طاك شريان بگصتة من العصبية، خازرني يريدني أسكت بس ما گدرت
زُبيــدة: گلة ما مسامحتة ولا راح أسامحة ليوم الدين
37
- إجة علــيَّ مثل العاصفة وعمتي ركضت صارت گدامة تدفع بي من صدرة وهو تخبل عبالك سبيتة، شهگت أبچي متگطع گلبي اني شنو ذنبي من كل الصار وياهو اليچي يريد يكفخ زُبيــدة ويصيح عليها، بقيت واكفة الدموع تكت وصحت بي مختنگة بعبرتي
زُبيــدة: شتريد تسوي يعني تضربني؟؟ تعال أضرب يلا، حتى المرة التجي من اوكع بمصيبة ما أفكر اروحلك اول واحد، حتى اكول أبن عمي مو گد مصيبتي
59
زبيـر: خرب بلشت عشيرتج ولج سديييي حلگج ..
58
زُبيــدة: لو محاجيني ومعاملني مثل البشر جان ما ضميت عليك، أنتَ وكل أخوتي لو حاسة بيكم أمان ماضميت حچاية عنكم بس اني لو ردت احچيلكم شي ماشوف غير أديكم ملطخة بدمي وأسكت
100
- عاط بعمتي يصيح سكتيهاااا تخبل، عمتي عافتة ورجعت علــيَّ تدفعني تريدنــي أطلع گبل لا يفقد ويسوي شي وتخاف بنفس الوكت لا ينسمع صياحة وننفضح، مسحت دموعي ومردت عيوني مرد اني وامسحهن بطرف عبايتي
زُبيــدة: بعد لو حياتي توكف عليك هم أفضل الموت ولا أجيك
80
- عفتة ومشيت بساع مندارة ورة البيت طلعت من الباب الصغيرة اريد أرجع لبيتنّا، ألتفتت على حافة النهر لمحت واحد كاعد هناك عرفتة الغريب من الشفقة الليّ لابسها، إجة ببالي أروح أشرب من دمة بس ما أكدر وأكتفيت بحسبي الله ونعم الوكيل .
42
- رجعت للبيت عيوني فاضحتني مبين باچية وكلها بقت تسألني شبيج؟ وليش باچية، رجعت أشهگ وأبچي من جديد أحس نار بگلبي وصحت بيهم مختنگة
زُبيــدة: من السعادة والراحة العايشتها گلت أبچي، عايشة يم جدتي رحيمة وبعدني أداوم بالمدرسة وأفتر بالبستان شوكت ما يعجبني مليت ملييييت من هالعيشة
51
- طبيت لغرفتنّا ورگعت الباب ورايَّ حيل، ضميت روحــي ورة البردة وكعدت أبچي وأتذكر كل تفصيلة صارت ويايَّ من يوم رجعت لبيت أهلي لهذا اليوم وأبچي عليها، انـي مو قريبة من اخواتي مثل باقي الأخوات، ولا قريبة من أمي واگدر احچيلها كلشي، ولا أخوتــي احسهم حنينين علــيَّ مثل ما يحنون على أُميمة وجيداء ، بس ربيع وغـازي .
77
- أمي جابت "برهان وخطاب، وراهم غازي" وأبوية يدور بنية تزوج مرة ثانية وجابتلة "جيـداء و أُميمة" بعدها أُميمة عمرها أشهر وماتت أمها وامي ربتهن وتحن عليهن أكثر مني ..
341
- وراها جابت توأم "معن وعادل" وبعد خمس ولد يلا إجيت اني وختمتنّا بـ ربيع .. من اني وصغيرة متعلقة بـ جدتي رحيمة گالت امي بفترة من الفترات هيَّ تمرضت وبقيت اني صغيرة كله يم جدتي لحد ما صار عمري 6 سنوات وأخذتني يمها، صرت ما أجي لأهلي بس بالمناسبات ويَّ جدتي وأرجع ولا مرة جايتهم بدون جدتي! لحــد ما صارت سالفة نهيبة عمتي فيحاء رجعوني غصبًا علــيَّ بسبب حچي العالم وبسبب عمي كامل يخافون أنزل راسهم! أتذكر شلون طلعوني من بيت خوالي واني ابچي مفرفحة وأعيط على جدتي رحيمة اتوسل بيها
زُبيــدة: جدة لااااا تخليهم ياااخذوني مااااريـــد أرووووح
43
- هيَّ تبچي واني ابچي گطعت روحي وخالـي تعارك ويَّ أهلي بوكتها وصارت مذابح بيناتهم بس حچاية كامل الناقص لهسه تدك براسي من يگلة
كامل: اول وتالــي الحگ يرجع لأهلة وانتو مو أهلها
27
- يوم يومين تلاثة اريد اتعود! ما تعودت وبقيت معارك وياهم وويَّ اخوتي بس اريدهم يرجعوني ما قبلوا بعد، تمرضت بقيت فترة طويلة اني مريضة وجدتي رحيمة تمرضت ونامت بالفراش ماطولت بعد ما أخذوني 6 أشهر وماتت، احس الدنيا أنتهت بموتتها وتمرضت بقيت أشهر اني مريضة وراها حتى انجبرت أأجـل سنة بالمدرسة بسبب المرض ومن يومها وأحس امي نفرتني، كل ما تباوع بعيوني احس نظراتها محملتني مسؤولية موت أمها .
75
- وأكثر واحد مو قريب علــيَّ هو برهان! حتى مرات أنسى هو أخوية، من هو وصغير انحبس وراها تدير وبالسنة لو اشوفة مرة لو ما أشوفة من الأساس، إلا رجعت يم أهلي من يجي يشوفهم الفجرية اسلم عليه وعبالك غُربة .
22
- هدأت شهگاتي ومسحت عيوني من سمعت صوت باب الغرفة أنفتحت ، بقيت حاضنة رجلية لصدري وضامة وجهي بيناتهن، الليّ فات إجـة كعد يمي ووخر البردة حتى يشوفني، مسح على راسي وگال
غـازي: لا تبچين زُبيــدة گليلي شنو التردينة وأنطيج عيوني وياه
87
- رفعت راسي اباوعلة متگعة روحـي من مصيبتة
زُبيــدة: ليش سممت بستانهن؟
- دنگ راسة وضعة غريب أحسة ضام شي أكبر من الليّ گالة
غـازي: حتى يعرفون ماكو شي يدوملهم حتى السلطة والجاه المستقوين علينّا بي يجي يوم ويخسرونة
28
- عجزت أفتهم تفكيرهم كل واحد من أهلي يفكر شي
زُبيــدة: أخــوك الكاتل أبنهم وتزيد على ضيمهم ضيم! بيــا ذنب؟
61
*
9
- راويـــــــة ..
بيــــــــاا ذنــــــب؟؟؟
أول سؤال إجة على بالــي من سمعت البستان
داتذبل يوم بعد يوم! من بستان عبارة عن جنة
لبستان اصفر ذبلان وكل ثمارة ماتت!
من زمن اجدادي هالبستان واكثر فترة نفرح بيها
هيَّ فترة حصادة، يطلعونّا الولد للبستان نعيش احلى
لحظاتنّا، والربح منه كله يتوزع ثواب على روح
جدي وجدتي اهـل أبويــة .
ورجع تردد براسي هالسؤال: بيا ذنب؟
من سمعت زيـدان يگول لعمي هزبر
زيــدان: مو من الله داتموت البستان، هاي فعل فاعــل
65
- عمي كاعد ساند ظهرة على الكرسي وايدة على التچاية بين أصابيعة الجگارة ، باوع لـ زيـدان مضيگ عيونة بساع ضحك زيـدان يگلة
زيـدان: داتفكر نفس تفكيري مو؟
23
- نهض عمي من مكانة يگلة
هزبـر: أنتظر هاليومين اذا ما ماتت بستانهم معناها همة
31
- هز راسة خـوش وعمي أنطى خبر راح يغيب هاليومين عندة شغل، لبس سترتة وسلم على الموجودين وطلع .. عمي واحـد من أعضاء مجلس المحافظة إله أسمة وصيتة بين النـاس، أباوع لمرتة الصغيرة تباوع وراه من طلع وهو متهندم والضحكة تارسة وجهها
تقوى: يابعد طولي طـولك الله يحفظك إليّ ويطول بعمرك
24
راويـة: تحبينة؟
- أندارت علــيَّ تضحك مستغربة
تقوى: يـا غير رجلي وابو بناتي والله أموت عليه
17
- رفعت جتافي ما مقتنعة بالحب
راويـة: اني ما أتوقع اكو حب ورة الزواج، واحدكم متحمل الثاني علمود الجهال
26
- ضربتني على أيدي ميتة ضحك، تقوى صغيرة وحلوة حيــل رغم هو أخذها بس حتى تجيبلة ولد بس هيَّ تموت عليه .. جابت بنات أثنين وبعد ما صار عــدها وبقت عايشة بخوف وقلق خاف يتزوج فوگاها واكثر من مرة أسمعة يضحك يسايرها
هزبـر: بعد ما تسوى لا تخافين، اذا رب العالمين كاتبلي يصير عندي ولد راح يجيني منج واذا ما كاتبلي لو اخذ عشرة فوگاج ما يجيني
28
- من صارت تشرحلي شلون الحب يزيد ورة الزواج عطت ودرت وجهي ركض للغرفة وهيَّ تصيح ورايَّ تريد تقنعني ما رجعت عليها بعد، فتحت باب غرفة بينات وطبيت اضحك واحجيلها على سوالف تقوى بس وكفت بمكاني جامدة! لگيتها مطلعة هدومها من الكنتور شايلتهن بأيدها تباوعلهن مصدومة لأن مشگگات!! رفعت راسها علــيَّ وجهها أصفر وهمست
بينات: منو مشگگهن؟
29
- تقربت أخذتهن من أيدها اباوعلهن هذن اشترتهن جديدات حتى ما لحگت تلبسهن! اخذتهن وطلعت أركض على أمي وعمتي دلال من شافنهن بقن مصدومات
عهود: ياااا صخام بوجهي منو شگگهن ولــج؟
- بينات واكفة ترجف مدري شبيها وتهز براسها ما تدري
دلال: وينها أرجوااان؟ خاف أرجوان مشگگتهن عبالها لعبة
14
- أرجوان بنت عمي "هزبر وتقوى" الجبيرة عمرها 8 سنوات، هادئة وما إلها صوت وحتى ما تحچي ويَّ بشر بس ويَّ أمها وأبوها وبالمدرسة ويَّ المعلمات، صاحت عليها تقوى أجت تتصفن علينّا وتدير بعيونها بيناتنا من شافت هوستنّا خافت، سحبتها أمها وكفتها گدامها تسألها بهدوء
تقوى: أرجوانة ماما هاي أنتِ مشكگة هدوم بينات؟
15
- هزت راسها لا، باستها وگالتلها ترجع يم أختها الصغيرة تكمل لعب، بقن حايرات بهالسالفة وخصوصًا أحْنـا محد يطبلنّا غريب والليّ يطبلنّا هم ما يفتر بالبيت ، حاولن يطمنن بينات ورجعت لغرفتها تريد تدرس .. أسمع أمي تگول لأمها
عهود: بنتج مو طبيعية حيري بيها
20
- عمتي باوعتلها بصدمة وخوف
دلال: شبيها؟ هيَّ فترة مراجعة بس تكمل امتحانات كلشي مايبقى بيها، تذكرين بالسادس ابتدائي من خوفها شلون تمرضت وبطلت سنة وبالثالث نفس الحالة اني هسه هم متوقعتها منها
31
- المغرب طب حَمد جان يفتر بالبستان يشوف وضعهة ، كعد بالحديقة ماطب للبيت .. أخذتلة مي وطلعت عليه استفسر گال
أبو بكرة: وضعة غريب لو شجرة شجرتين تلاثة عمي خل نص البستان يموت مو هيج فجأة كله، صارلة سنين هالبستان ما صارلة شي شمعنى هالفترة ذبل فجأة
26
راويـة: أتوقع عمي وزيـدان شاكين ببيت أسماعيل
- اتنهد ضايج
أبـو بكرة: أن شاء الله مو همه لان راح تصير مصايب بس الله اليعلم بيها
21
- ألتفتنّا اثنينّا على باب الحوش من انفتحت وفات شبل، ضحك حَمد يگلة
أبو بكرة: هــااا التاجــر لازم اليوم النسوان قليلة
30
شبل: اي بعناهن بساع، اعذرني ما ضميتلك أم عيون چتالة
58
- حَمد سحب مسدسة ابو البكرة وطلع البكرة يشوفة بيها طلقة وحدة
أبو بكرة: تريدها تصير من نصيبك؟
13
شبل: كلشي من نصيبي إلا نصيبي المو نصيبي
- مشى للبيت يسوي روحة مهموم وأبو بكرة فر أيدة وويَّ فرتة اني هم فريت أيدي كلشي ما مفتهمة
راوية: وبطتنّا بطت بطن بطتكم
41
- دنگت اسأله بهمس
راويـة: عليك الله شبل شنو يشتغل؟
- باوعلي صفح
أبو بكرة: تاجـر، شنو مو بعينج المبگگة؟
46
- گام طب ورة شبل للبيت عافني ما مقتنعة، ياهو الليّ نسألة من الولد على شغلة يگول شمدريني المهم يشتغل بس أبو بكرة يگول تاجر ويأيد كلام شبل! ومحــد مقتنع بي تاجر وين اكو تاجر شغلة ورة الظهر ..
55
- طبيت وراهم شبل كاعد يم أمي أبو بكرة بس أشرلة بعيونة كام لحيلة وأبو بكرة ركضلهم شالوها واحد منا وواحد منا يشمرون بيها بالهوى عبالك جاهل صغيرة خفيفة بين أديهم وهيَّ تعيط تريدهم ينزلونها، ميتين ضحك عليها وكل ما يشمرونها وتوكع بين أديهم صوت بتوتها تخرخش ويطكونها بضحكة هرجوا البيت
77
- ما نزلوها إلا فَح گلبها من العياط وبقت تدردم وتغلط عليهم، رجع كعد يمها شبل عود متأثر
شبل: صدك لو گال هذاك الزلمة سوي خير وأشمر بالشط، هاي عود نلاعبها نريد نونسها تغلط علينّا
15
- رجعت تضرب بي وتحلف إلا يگوم من يمها، زيـدان كاعد يباوع عليهم يضحك گال لشبل
زيـدان: سوي خير وأشمرة بنهر جاري، إذا ضاع ويَّ العبد ما يضيع ويَّ الباري
58
شبل: تعجبني أنتَ متحدث
15
أبو بكرة: قصدك متكلم
10
شبل: بثنينهن يلغي شنو الفرق
- هز راسة زيـدان لا وگالة
زيـدان: يختلفن، كل متحدث هو متكلم ولكن ليس كل متكلم هو متحدث
75
راوية: وبطتنّا بطت بطن بطتكم
38
- ضحكوا وشبل يفر بأيدة كلشي ما مفتهم وبقى زيـدان يشرحلة يوضحلة انُّ المتكلم الليّ يتكلم مع شخص مفرد عكس المتحدث الليّ يتحدث مع مجموعة كـ خطاب رسمي او مؤتمر وغيرها وشبل يگلة
شبل: لا تعب روحك وعلي ولا أفتهمها
26
- مشى شبل يگللهم اريد اسبح والولد كاعدين بالصالة إجتهم "مودة" بت عمي هزبر بعدها ما كاعدة بالمدرسة بس لسانها اطول منها ويموتون عليها من ورة لسانها، تبوس أبو بكرة وتركض تبوس زيـدان بوستين وتگلة
مودة: الك اثنين لأن أنتَ جبير
21
أبو بكرة: والبعير الگدامج؟ عينج شتشوفة فرخ دجاج؟
34
- زيـدان يموت ضحك من تفضلة عليهم لان هو الجبير گبل يشيلها ويطلع يگللها اليوم أشتريلج المحل كله ويرجعها شايلة علاكة أكبر منها كلشي تريدة تاخذة .
17
- غفيت وبينات كاعدة تدرس وكل شويَّ أفز ألگاها بعدها .. من فزيت أخير مَـرة فزيت ما لگيتها، رفعت راسي أباوع بفراشها ماكو!! گلت لروحي هسه تجي بس تأخرت گمت طلعت وراها أدورها هيَّ هالفترة مو طبيعية خفت لا بيها شي .. وصلت للمطبخ أدورها ماكو، أحْنـا نطفي كل الاضوية من ننام، اريد أرجع للغرفة ولمحت ضوة الاستقبال مشتعل! گلت يمكن إجت تدرس هنا، مشيت ناحية هسه مديت أيدي على يدة الباب انفتحت الباب وطلعت بينات لون وجهها مخطوف ومبين على عيونها باچية! سدت الباب وراهـا تبلع بريگها كوة ابتسمت وگالت
بينات: ضجت وردت أبچي بس خفت اكعدج
48
راويـة: وليش تبچين؟
- توترت مثل المسوي مصيبة تريد تضيع توترها بقت تضحك
بينات: هيج طاقة سلبية وطردتها بالبچي، تعالي خلّ ننام
34
- سحبتني من أيدي ورجعتني وياها للغرفة بس بقيت مـا مرتاحتلها! بقيت كاعدة وأفكر شممكن صاير وياها؟ ليش هيـج حالها يوم عن يوم يزيد سوء؟ لحــد ما فزيت على صـــوت "عــدي" أبـــن عمتي وهو يصيح بصوت هزت حياطين البيت
عـدي: خالــــي صفــوااااان خاااالـــي حرگــــواااا البستاااااان
143
*
2
- زُبيــدة ..
صياح گوم الدنيــا وكعدها وما نسمع غير "حرگــوا البستان" طلعوا الولد يتراكضون وأبوية وامي بدون لا تفتهم شصار گامت تدك وتلطم، من أندارينّا ورة البيت وطلعنّا من الباب الصغيرة وكفنّا مصدومين! بس بستان بيت شبلي المحترگة!! والبستان مالتنّا كلشي مابيها!! دگ گلبي بقوة ورجلية ماتت ما عــاد تشيلنــي من تذكرت حچاية زبيـر "بهاي الفترة شيصير براس أخوتي"!!
53
- اباوع بوجوهم واحــد واحد صدمتهم مو أقل من صدمتي، وخوف الدنيااا كله أستوطن عيون أبوية! سحبهم طببهم ورگع الباب ورجعهم للبيت يدفع بيهم من حيرتة يگللهم
أسماعيل: ولا واحد منكم يضل هناااا بسااااع اطلعوا روحوا لبيت خالكم
18
- كلنّا أفتهمنّا قصدة وعرفنّا راح توكع براس ولدنّا بس خَطاب أعترض
خَطاب: اذا نهزمنّا راح نثبت الجريمة على روحنّا يابة
26
- صاح بي گلبة محترگ
أسماعيل: شسوي لعد شسوي؟؟ تريـــد اشوفهم يشمرونكم بالسجن واضل سااااكت؟؟؟
6
خَطاب: ماكو شي يثبت أحْنـا، وما راح ننهزم عيب على شواربنّا
17
- أبوية بقى يصيح يريدهم يطلعون وهمه ما قبلوا، امي تدك وتلطم بس سمعت بالسالفة موتت روحها .. اني واخواتي ما عدنّا غير دموعنّا تشرح خوفنّا بهالموقف !! للصبــح وهمه يطفون بالبستان يلا طفت، جبيرة وكلها احترگت ما بقى ولا متر صاحي بيها!
- إجة خالي بس سمع بالخبر ووياه صهيب وأبوية يتوسلة يريد يقنع الولد يروحون وياه، طبطب على جتفة خالي يگلة
حكمت: حتى لو مو همه اذا أنهزموا راح تثبت عليهم والفاعل الحقيقي يضيع أثـرة، أصبر وربك يحلها
35
- الفاعــل جان ذكي عرف شلون يوگع بيناتنّا! حرگ بستان بيت شبلي بس ما حرگ البستان مالتنّا علمود يبين أحْنـا السبب! ما مرت ساعة ورة ما طفوا البستان ووكفت سيارات الشرطة بالباب! أمي كعدت بالگاع تدك وتلطم ملخت روحـها كوة سكتها خالــي، أخذوا أبوية وخَطاب وغـازي ومعن وعادل، طلعت اركض وراهم شاغت روحي وأبچي مفرفحة وعدنان واكف بالباب ما يخليني أطلع، وأسمع صوت أبن شبلي يگللهم والغضب يتطافر ويَّ الحروف الينطقها لسانة
زيـدان: جبتوا نهايتكم بأيدكم، وسادسكم كم يوم ويجيكم نلم شملكم حتى لا تگولون زيــدان قَصر ويانة
74
- من حرگة گلبي دفعت عدنان حيل وطلعت على الليّ اسمة زيـدان متخبلة
زُبيــدة: بييييك خييييـر روح لاگي الحرگ بستاااانكم مو تذبونهاااا برااااس اخوتـــي، بس كل خيـــر ماااابيكم
137
- خَطاب بسيارة الشرطة وتخبل يصيح علــيَّ يريدني افوت، وعدنان صار كدامي يغطيني عن عيونهم يرعد ويشيل روحها ويرگعها ما يريد يلزمني بس كون افوت واني شطت شطت روحي فرفحت
زُبيــدة: بيييك خير وتكول أنتَ رجاااال؟؟؟ لاويهم ذرااااع بذراااع حتى يعلمونك على الرجولة شلوون تصير
107
- انسحب من گدامي عدنان وجرني خالي حكمت طببني للبيت وطب ورانّا عمي كامل الناقص عتني من ايد خالي بغفلة وضربني راشدي بكل قوتة حسيت اذني كامت تصفر، دفعة خالــي من صدرة راد يوكع على ظهرة لو ما عدنان وراه ولزمة، صاح بي عيونة بگصتة
حكمت: لااا تخلينــي أهييييين شيبتك أبــــو عدناااان
40
- تخبل عمي عبالك ضربة طلقة ويصيح بخبااال شلون خالي يمد ايدة عليه ويدفعة!
كامـل: البنية بنتنّاااا اضربها اذبحهااااا أنتَ مـاااا تفك حلكك
34
صهيب: أحترم نفسك عمي
13
- عبالك ذب بانزين فوك النار وگب عدنان متعارك ويَّ صهيب، خالي سحب صهيب ما خلاه يتعارك وگال لعمي
حكمت: أقسم بالله اليمد أيدة عليهاااا اسويهاااا ليلة ظلمة على راسة، اخوك صار بالسجن وبيت اختي يتعذرك ابو عدنان من يطلع اخوك تكدر تجيهم
27
كامل: البيت بيت أخوي، أخــذ ثورك وأطلع برااا يلاااا
23
صهيب: عمي كافي تجفص بمصاريني
- نتر بي عدنان بعصبية
عدنان: سد حلكك أنتَ لا أدوس راسك
48
- تقدم عليه صهيب يأشرلة يجيه
صهيب: تعال علمني شلون أســد حلگي
- رفع أيدة خالي حطها بصدر صهيب ورجعة لورة ما يقبل يتعاركون
- طلعت امي من المطبخ عيونها مورمة من البچي والخدود مزلغة وكفت يمي بظهر خالــي وگالت لعمي
حَفصة: تضربها لأن حچت الماگدرتوا تحچوه؟ بدل لا جاي تطردني وتضرب بنتي روح حيــــر بمصيبة أخـــوك وولــــدة
65
- هَــز راسة بوعيــد وطلع من البيت هو وعدنان راگـــع الباب وراه حيــل، خالـي أندار علينّا وصد عينة على صهيب يگلة
حكمت: اكعد بالباب وأدفن كلمن يتگرب عليهن، اني رايح اشوف حَل
10
صهيب: بخدمة الخال وبت اختة
185
- طلع خالــي وصهيب يريد يكعد بالباب برا گالتلة امي
حَفصة: اكعد هنـا شعندك بالباب
- كعد بالحوش وربيــع كعد يمة واسمع صوت هرجتهم يلعبون مصارعة، جدتي كاعدة تبچي وتنعي وامي وياها .. جيـداء و أُميمة كل وحدة بجهة كاعدة والعيون تكت دموع، باوعتلي جدتي تگلي
بدرية: اخذي لگمة لأبن خالج خطية جايين على لحم بطنهم
21
- كمت للمطبخ مادري شسويلة، غسلتلة تلث خيارات وطلعت عليه كعدت يمة وشمرتهن بحضنة ضحك يگلي
صهيب: ما تبطلين سوالفج
زُبيــدة: من تتعدل احوالنّا اسويلك كشري
62
- رجفت شفايفي خانگتني العبرة أريد ابچي، كعد ربيـع يمنّا وأندار علــيَّ يگلي
صهيب: خلّ ينحبسون حتى يصيرون زلم
زُبيــدة: زلم بدون سجن
- عض من الخيارة يهز راسة لا يضحك
صهيب: لا لا، شكد ما تحس روحك زلمة بس من تفوت للسجن تصير زلمة تربيع تشوف اشياء ما شايفها
45
زُبيــدة: والبنية التفوت للسجن؟
صهيب: تطلع بـ..
- سكت ما كمل وغير حچايتة
صهيب: مادري والله من تفوتين أنتِ نشوف شتصيرين
136
- سكتت هيَّ بقت بس هاي اطب سجن وتكتمل، رجع يحاچيني يسألني شلونهم أهلي ويايَّ
زُبيــدة: مثل الورد
صهيب: ورد ورد؟ لــو صبارة؟
زُبيــدة: ورد وبرهان شوكة
- ضحك يسأل
صهيب: ليش شبي؟
زُبيــدة: جنت اشوفة لطيف بريئ الصخر يبچي على حالــة بـس من ماقبل ارجع للمدرسة صرت اشوفة چتال احلامي
31
صهيب: هههههههههه لا لا خوش زلمة برهان، بس أنتِ فصلوج من المدرسة وما تگدرين ترجعين بعد ومانگدر ننقلج هم لان خلصت السنة بـس أبوية اتفق وياهم السنة الجاية ينقلج بمدرسة يمنّا
24
- فتحت عيوني بصدمة
زُبيــدة: عليك راس الحسين؟ يعني راح ارجع أداوم؟
- هز راسة اي
زُبيــدة: لعد ليش يحرگون گلبي
صهيب: سرسرية
65
- لو مو عيب من المصيبة الليّ أحْنـا بيها جان هلهلت وهو يضحك من شاف الفرحة على ملامحي، كمت على حيلة من صاحت علــيَّ أمي وقبل لا أمشي رفع راسة يباوعلي وگال
صهيب: لا عبالج من رجعتي يم أهلج نسيناج وبعد ما يهمنّا أمـرج، ترا أنتِ بنتنّا وخالج مستعد يحرگ الأخضر واليابس علمودج
103
- عدل ياخة التيشيريت اللابسة ويگلي بضحكة
صهيب: وأبن خالج هم
159
زُبيــدة: معدل وحگ راس الحسين
4
- عفتة يضحك وركضت على أمي، عمتي ام غايب إجت يمنّا وخلص اليوم بدون اي خبر عن اهلي وخطية صهيب ما عافنّا، المغرب اندگت الباب وراح صهيب يفتحة جان عدنان امي طلعت تركض بس سمعت صوتة تخافهم يتعاركون، ما حچة شي ويَّ صهيب وباوع لأمي
عدنان: عمة ما محتاجين شي؟
13
صهيب: اكو من ساد حاجتهم ما تقصر
- حچاها وسد الباب بوجهة يكرهة ولا يطيقة مادري ليش، خلة عدنان يرفس ورة الباب ويركع بيها شايط
58
- على صوتة إجة عمي كامل وفضحونّا بصياحهم، أمي بقت لازمة صهيب من أيدة تتوسل بي يسكت وما يتعارك لما إجة خالـي حكمت زهگان وروحة بخشمة صاح بيهم يسكتهم وصار يدردم بزعل لأن تصرفات عمي كامل تصرفات جهال، گالة عمي
كامـل: أحْنـا ما نرضاها صهيب بالبيت وماكو رجال
30
حكمت: صهيب راح يمشي لبيتنّا واني راح اضل يمهن بعد؟
كامل: أنتَ هم غريب على جيـداء وأُميمة
65
- تخبل خالــي من حچايتة ورجعت العركة كبرت بدل لا تهدأ! خالي ما رضاها شلون يحچي هيج يگلة رجال بگد أبوهن اني والشيب تارس راسي شريد اسويلهن! وعمي كامل دكّ رجلة محد يبقى يمنّا، طلعت امي على خالـي تتوسل بي يروح ويقصر الشر لأن عمي ما ناوي على خير، ولخاطر أمي وحتى لا تكبر هالمشكلة أخذ صهيب ومشوا .
16
- خلصت هالليلة بألف يا علي، خايفين من كلشي!
الصبح من وكت كعدتني جيـداء تريدني اساعدها بالخبز،
عيوني وعيونها مورمات من البچي، اندارينّا ورة البيت
شتگلي اسويلها .. وكفت اشلع الخبز من يستوي وسألتها
زُبيــدة: عدنان عايل مو؟
- هزت راسها لا
جيـداء: أنتِ لأن تحبين أبن خالج تشوفينة هو الصح، بس صهيب لو بنات عمة باقي يمهن أبن خالهن جان ما رضاها
81
- أنــداريت على الباب الصغيرة من أندگت،
مشيت بساع فتحتها بدون تردد وصارت بوجهي أم عفريت
جمدت الدم بعروگي، جانت مدنگة راسها
من فتحتلها الباب رفعتة تباوعلي بنظرات غريبة!!
رفعت عگازتها حطتها فوك رجلي سرت رجفة
بكل جسمي من الخوف وهيَّ أبتسمت تگلي
أم عفريت: لو ردتي تخلصين أهلج من هالمصيبة تعاليلي الليلة ..!
