رواية ترويض ولد العشماوي الفصل الثالث 3 بقلم مصطفي جابر
اول واخر مره تتكلمي معا امي بالشكل ده يا ملك..المرادي لحقتك وحميتك منها المره الجايه معرفش اي اللي هيحصل
ملك ببرود : محدش طلب منك تحميني أنا كنت هعرف أرد عليها كويس
سراج بغضب : يظهر ان مفيش فايده في لسانك ده ...خشي البسي عشان تنزلي تحت وبلاش تقفي قدام امي عشان المرة الجاية مش هحوش عنك
بعد شويه...
ملك نزلت وحماتها كانت قاعدة ببرود عالسفرة
نوجة بقرف : العروسة نزلت أخيراً ده إحنا فطرنا وشرينا الشاي والنجع كله سرح وراح شغله وانتي لسه. ..
شاكر قاطعها : اكتمي يا نوجة وعدي اليوم.... صباح الخير يا بتي نورتي سفرتك وعمرتي دار عمك متسمعيش كلامها العروسة مسموح لها تدلع في أول يوم
ملك بهدوء : يسلم عمرك يا عمي الصباح منور بيك وبالدار اللي منورة بأصحابها
شاكر باستغراب: فين جوزك يا بتي لسه نايم زي عادة
فجأة سراج نزل السلم وبيلبس ساعته بسرعة وقعد على الكرسي
سراج بأبتسامة: صباح الخير يبوي انا نازل جعان اووي وراسي هتنفجر حد يصب لي الشاي ده بسرعة
شاكر بأستغراب : سبحان مغير الأحوال من امتي وأنت بتفطر معانا يا سراج ده أنت كنت بتقضي يومك كله نوم وبتصحي لما الناس تيجي تنام إيه اللي غير حالك وخلاك تصحي بدري كده
سراج بغيظ وهو بيبص لملك: الدار بقت تفتح نفس الواحد يبوي وبعدين انا غلطان يعني؟ هتفطروني ولا اقوم؟
فجأة الباب اتفتح ودخلت منه هايدي طليقة سراج والكل بص بصدمة
هايدي بدلع قربت من سراج : سراج وحشتني أوي يا حبيبي معقول قدرت تبعد عني كل ده ومتسألش عليا يا سراج؟ أنت وحش أوي بجد
سراج بصدمه : هايدي؟ أنتي إيه اللي جابك هنا وأنتي بأي عين تدخلي داري بعد ما طلقتك ورميتك كيف الكلاب غوري من هنا قبل ما أعمل فيكي جناية
هايدي بخبث : أغور فين يا سراج حرام عليك تظلمني وتظلم نفسك أنا مقدرتش أعيش من غيرك وجيت عشان أقولك إنك مينفعش نفضل بعاد عن بعض ولازم ترجعني
شاكر بغضب: اي مكفكيش الفلوس اللي نهبتيها من ورا ابني وجايه تكملي تاني؟ اطلعي برا الدار دي قبل ما أسلط عليكي الكلاب تنهش في جتتك... سراج اتجوز وستك وتاج راسك قاعدة قدامك أهي
هايدي بصت لملك بقرف : ست مين يا حاج دي مجرد نزوه في حياة سراج..اصل سراج هيرجعني وهبقي انا ست البيت ده من اول وجديد أصل الخبر اللي جيت أقوله لأبنك هينسيه اي زعل بينا ...هايدي بتبص لسراج..... أنا حامل يا سراج أنا شايلة ابنك في بطني حفيد العشماوي اللي كنتوا بتحلموا بيه قريب هينور الدنيا ويشيل أسمك
صدمه نزلت عليهد زي الصاعقة سراج متجمد مكانه
سراج بزعيق : حامل؟ انتي كدابه أنتي جاية ترمي بلاكي عليا وتعملي فيلم هندي عشان تاخدي فلوس تاني لكن ده في حلمك
هايدي بدموع : بتقول علي ام ابنك كدابه ؟ حرام عليك يا سراج ده أنا لسه عارفة الصبح وجيت جري عشان افرحك والحقك قبل ما تضيع نفسك مع الفلاحة دي ...واشوفك عايز وريث العشماوي ولا أرميه في الشارع؟
شاكر بجمود: الحديت ده ميتصدقش كدة بالسهولة ديالصعيد.... أنتي هتقعدي هنا وهنجيب حكيمة تكشف عليكي الليلة ولو طلع كلامك صوح لينا كلام ولو طلع كدب قسماً بالله ما هتطلعيمن هنا على رجليكي
هايدي بابتسامة خبيثة : موافقة يا حاج أكشفوا عليا في أي وقت أنا متأكدة من اللي في بطني
هايدي لفت وراحت وقفت قدام ملك وبصت لها من فوق لتحت
هايدي بشماتة: أهلا يا عروسه معلش بقا النصيب غلاب وسراج مهما راح ولا جه ملوش غيري أنا وابنه أنتي شكلك هتكوني مجرد مربية لولدي في البيت ده
ملك ببرود: ده لو طلع ابن سراج فعلاً يا بندرية... الصعيد ميعرفش اللف والدوران بتاعكم ده وبعدين البيت اللي يدخله أمثالك ميشرفنيش أنا اقعد فيه لكن حاليا أنتي ضيفة هنا ويوم ما الحقيقة تظهر هتبقي انتي المطرودة اقعدي كلي لقمة أصل الكدب بياكل في أعصاب صحبه
سراج بجمود: اسمعوا الكلام اللي ملوش تاني.. هايدي هتفضل في البيت ده في أوضة الضيوف اللي تحت لغاية ما الحكيمة تأكد الخبر لو حامل فعلاً هتفضل هنا لحد ما تولد
هايدي بفرحة وجريت عليه: كنت عارفة إني مش ههون عليك يا سراج
سراج زق إيدها وبص لها ببرود : متفرحيش جوي قولت هتفضلي لحد ما تولدي وأول ما الواد يجي هتاخدي قرشين وتغوري مكان ما جيتي والواد ده هيتربى هنا في حضن ملك مراتي ست الدار دي اما أنتي هتكوني مجرد وسيلة لأبني مش أكتر فاهمة
هايدي بزعيق : أنت بتقول إيه ترميني بعد ما أخلفلك الوريث عشان خاطر دي؟ دي متجيش ضافر في صابع رجلي يا سراج
سراج وقف بجمود وهيبة ومسك إيد ملك ورفعها قدام الكل: الضفر اللي بتتكلمي عنه ده بعشرة من عينتك... ملك دي بنت عمي وشرفي والمرة اللي علمتني الأدب في ليلة واحدة دي اللي تشيل اسمي وتكون أم لعيالي بجد أما أنتي فـ غلطة وبصلحها بالعافية عشان اللحم اللي في بطنك لو كان صوح
هايدي بغل : أنت اتجننت يا سراج بتفضل فلاحة عليا أنا
سراج ببرود: الفلاحة دي هي اللي خلت سراج يعرف إن الست عبارة عن حياء وكرامة مش وش كداب اطلعي على أوضتك يا هايدي من غير ولا كلمة وإلا والله هرميكي برا الدار اللحظة دي والولد يضيع معاكي
ملك سحبت يدها من ايد سراج بهدوء واستأذنت وخرجت على المطبخ
أول ما دخلت دموعها نزلت غصب عنها وهي بتمسحها بطرف شالها
سراج دخل وراها بهدوء ووقف قدامها: بتبكي ليه عاد الكدابة اللي برا دي متسواش بصلة في نظري ومتساويش مداسك
ملك زقته بعيد عنها ومسحت عينيها : مداس اي وزفت اي أنت فاكر إن الكلمتين بتوعك قدامهم هيجبروا خاطري أنت جايبلي طليقتك وضرتي في أول يوم جواز وتقولي متزعليش ابعد عني يا سراج أنا مش من بقية أهلك عشان تطبطب عليا
سراج قرب منها وحاوطها : حقك عليا بس اللي في بطنها ملوش ذنب وأني راجل ومقدرش أرمي ابني في الشارع خليكي عاقلة يا ملك أنتي الست والكل في الكل وهي مجرد غيمة وهتعدي
ملك بتريقة : يا حنين يا بتاع الأصول الحنية دي كانت فين وأنت بتلف على حل شعرك في البندر ولا الحنية مبيجيش وقتها غير لما المصايب تنزل فوق راسنا وفر حنيتك دي للي شايلة ابنك يا ابن عمي
سراج بمرح : يا مري من لسانك اللي زي المبرد طب والله العظيم الكفين بتوع امبارح خلو عقلي يطير وبقيت خايف أهزر معاكي لا تديني التالت وأنا هيبتي ضاعت خلاص في البيت ده
ملك ضحكت غصب عنها وسط دموعها خلت سراج يتنح في جمالها من تاني في اللحظة دي كانت هايدي واقفة ورا الباب بتسمعهم وبتكلم نفسها بغل
هايدي بهمس : بتضحكي يا فلاحة ماشي والله لهخلي الضحكة دي تقلب عياط العمر كله سراج ده بتاعي أنا
هايدي دخلت المطبخ فجأة وهي ماسكة دماغها وبتمثل الدوخة
هايدي بتمثيل: آه راسي سراج الحقني الدنيا بتلف بيا ابني هيضيع يا سراج
سراج تجاهلها وهو بيبص لساعته: أني رايح الشغل يا ملك المصنع محتاجني ومش هتأخر عليكي واصل لو عوزتي أي حاجة كلميني على طول
ملك بصدمة : شغل اي؟ أنت هتسيبني هنا معاها في أول يوم جواز وتروح المصنع أنت بجد ملكش كتالوج والست اللي هتموت ورايا دي مش هتعبرها
سراج بابتسامة وغمزة: ده كله تمثيل يا بت عمي والبيت فيه رجالة وحرس وهي عارفة طريق أوضتها زين يلا في رعاية الله
سراج سابهم وخرج بكل برود هايدي واقفة شايطة
هايدي بغل: فاكرة إنك كسبتي ؟ سراج بيهرب من الحقيقة بس ومصيره يرجع لحضني عشان ابنه استعدي بقا للأيام السوده اللي هتشوفيها معايا
ملك بثقة : الأيام السودة بتبقى على دماغ أصحابها يا هايدي وأنا في داري اللي يقدر يقرب مني أو يمس طرفي أخد روحه بيدي اما انتي خشي ارتاحي اصل الحمل والتمثيل بيتعبوا برضه
هايدي بزعيق : لعلمك أنتي حتة فلاحة ملكيش تمن والبيت ده بتاعي أنا وابني اللي في بطني وسراج هيرجعلي راكع وانتي مجرد نزوة بالنسباله علشان ينساني
دخلت نوجة ببرود: سيبك من الكلام يا هايدي البت دي لسانها طال ومحتاجة تتربى من أول وجديد سراج مش هنا عشان يحميكي يا بت فتحية والنهاردة هعرفك مقامك الحقيقي في البيت ده
نوجة مسكت ملك من شعرها بقوة وهايدي استغلت الفرصة وبدأت تضرب فيها بغل
ملك بصراخ ودموع: سيبيني يا مرت عمي والله لقول لعمي شاكر ولجوزي على عمايلكم دي أنتوا معندكمش رحمة أنا عملت فيكم إيه لكل ده
هايدي وهي بتضربها: عملتي إنك موجودة عملتي إنك خدتي مكاني خدي دي عشان تفكري ألف مرة قبل ما تتحديني تاني يا بيئة
نوجة وهي بتزقها في الأرض بقرف: اديها كمان يا هايدي خليها تعرف إن ست الدار ملهاش غيري أنا ولو نطقتي بحرف لشاكر ولا لسراج هقول إنك أنتي اللي تهجمتي على الحامل وكنتي عاوزة تسقطيها وشوفي سراج هيعمل فيكي إيه وقتها
ملك فضلت في الأرض بتعيط بقهره وجسمها كله بيترعش ونوجة وهايدي بصوا لها باحتقار وسابوها مرمية وخرجوا وهما بيضحكوا
هايدي بقرف وهي خارجة: امسحي دموعك دي أصلك لسه هتشوفي أيام أسود من شعرك اللي فرحانة بيه ده
ملك قامت بالعافية سندت على الحيطة ودموعها مش راضية تقف طلعت جناحها وجريت وقفلت الباب وراها بالمفتاح اترمت على السرير
ملك بشهقات ووجع: يا وجع قلبي يا بوي كان ينقطع لساني قبل ما اوافق عالجوازه دي يا ريتني موت ولا دخلت البيت ده.... سراج اللي كنت فاكرة إنه حماني سابني لل ديابة تنهش فيا
بليل
دخل سراج ومعاه أبوه الضحكة كانت مالية وش سراج لأول مرة من سنين وكأنه راجع لمكان غالي عليه بجد
شاكر بغمزة وتريقة: إيه يا سراج يا ولدي رجلك خدت على المصنع النهاردة وعملت فيها الشاطر حسن لاه وملهوف جوي علي الراجعه خايف ترجع تلاقي المهرة مش فوق
سراج بضحكة: يا بوي عاد متصغرنيش أني بس قولت أشوف الشغل والمهرة اكيد فوق يعني واني هعرف أروضها زين بس استنى أما أشوفها الأول وحشتني بطلتها جوي
دخل سراج الصالة لقى امه قاعدة وحاطة إيدها على خدها ومعاها هايدي اللي رابطة راسها بشال وبتمثل التعب
سراج باستغراب: في إيه مالكم قاعدين كدة ليه وفين ملك
نوجة بخبث : راجع ملهوف علي ملك اللي كنت هتضيع ابنك وتكتم على أنفاسنا النهاردة البت دي غولة يا سراج أول ما أنت مشيت مسكت هايدي وهبدتها في الأرض وقالت مش هخلي ليكي عيل يورث فينا وحاولت تسقطها لولا ستر ربنا وأني دخلت بعدتها عنها بالعافية
سراج بصدمة: بتقولي إيه يا أما ملك تعمل كدة مستحيل
هايدي بدموع : الحقني يا سراج كانت عاوزة تقتل ابني قالتلي أنتي خدامة هنا وأنا الكل في الكل وضربتني بغل أنا خايفة على اللي في بطني منها دي واحدة مجنونة
شاكر بصدمة: الحديت ده حصل صوح؟؟ ملك الهادية تعمل كدة مستحييل
سراج بجمود : أني طالع أشوف المصيبة دي بنفسي ولو الكلام ده صوح يبقى حسابها معايا عسير
طلع سراج الجناح فتح الباب اتسمر مكانه ملك كانت قاعدة في ركن الأوضة ضامة رجليها وبتعيط
سراج بخضة: أسيل بتبكي ليه كدة
أول ما شافته جريت عليه وارتمت في حضنه
سراج بلهفة وهو بيحضنها: في إيه يا بت عمي حد مسك بسوء قولي لي مين اللي عمل فيكي كدة
ملك بدموع: ضربوني يا سراج أمك وهايدي ضربوني وذلوني في غيبتك مسكوني ونهشوا فيا كأني مليش حد وهددوني يلبسوني تهمة عشان يخلصوا مني أنا عايزه ارجع لأبويا يسراج والنبي مشيني من هنا
سراج بصدمه :