رواية احببت مجنونة رسمي الفصل الثالث 3 بقلم صباح صابر

_شوف مجايبك السوداء يا عم خالد

شذا شهقت: سودا؟! مين دييا عنيا ده أنا لو سودا تبقي انت فحم و والله أنا مش زعلانة منك، أنا قلبي واجعني بس على نظرك. محتاج كشف مستعجل قبل ما تبص على حد تاني ده إنت ياض لو دخلت محل دهانات وطلبت الأبيض هيطلعولك أسود بشكلك ده.

خالد: بس رديو واتفتح وكمان ده تعبير مجازي وتبليغ إيه الي هتبلغي عني طب والله كويس أني بلدنا مبتعترفش ببلاغات الناس التعبانة في دماغها شبه حالتك..

_ ليه اسمي خالد ولا إيه ده أنا ست العاقلين

مهاب: يرضيك الي عملته في صاحبك

خالد: اسكت يا عم بدل متسمعك دي صغيرة في الحجم، بس كبيرة في المكبرات الصوت مش ناقص صداع

شذا بشر: بتقوله عليا حاجة

مهاب: بنقول ماشاءالله بجد ربنا عوضك عن الطول بطول اللسان

شذا: أنا ده أنا كيوت

خالد: إيه القرف الي أنا سامعه دلوقتي ده

شذا برفعة حاجب: تنكر اني كيوت وقمورة

خالد نظر لمهاب الي نظر ليها بشفة مرفوعة بضيق: الساعة بقت تسعة يلا عشان ننام وانتي يا بتاعة سريرك جوا

_ ليا اسم

خالد: مش مهم المهم اني يلا ادخلي غرفتك ونامي

شذا: هتنموا دلوقتي

مهاب: اه

شذا: يا كوتي طلعتي طفلة وبتنامي بدري

مهاب: البت اتجننت

خالد: فين رشاش الطوارئ

مهاب عندك في الدرج

خالد راح أخد الرشاش من درج

خالد بضيق: مين كوتي ده، ده خطيبك

_ لا أنا بوصفك

خالد بزعيق: طب متندينيش بالاسم ده تاني فاهمة بالإضافة اني ده نظام البيت النوم الساعة 9 والصحيان 7

شذا: أنا نظامي انام 4 الفجر واصحي على العصر

خالد: لا بروح أمك النظام ده عند ماما مش هنا أما هنا تمشي على نظامي

شذا بانفعال: لا مش همسي على نظامك

مهاب: هي قالت إيه دلوقتي

خالد ضحك بقوة: مش هتمسي على نظامي

ولسه هترد رش البخاخ في وشها حسيت بفقد توازن مسكها خالد بسرعة ودخلها على السرير حطها على السرير قفل الأنوار والباب راح ناحية الكنبة ونام أما مهاب قرر انه ينام على الكرسي

مهاب: هتفضل كتير هنا

خالد: لا يعم دي عملتلي صداع

مهاب: تصبح على خير يا صاحبي

خالد: وانت من أهله

أما في بيت شذا

حياة: خايفة عليها

محمد: طب حاولي تتصلي تاني

_ برن و مفيش أي رد انت لازم تروح تشوفها فين

محمد: ماشي ممكن تهدي

قال محمد كده ولبس الشوز ونزل يدور على بنته بخوف شديد و حياة كانت بتدعي انها ترجع بالسلامة

ويمر الليل وفي صباح يوم جديد فتحت عيونها نص فتحة واتكلمت بخنقة: يا ماما اقفلي الستائر مش معقول كده بجد

مهاب بصوت أنثوي: قومي يا حبيبتي انتي مش في بيتك انتي مخطوفة

_ عادي قالتها هي و بتحط المخدة على رأسها

أخد مهاب البس وخرج كان خالد قاعد وبيعمل التقرير

قعد جنبه مهاب: خلصت التقرير

خالد: ناقص إضافة الفيديو

مهاب: هقوم أجهز عشان أروح الجريدة هي البت دي مش هتقوم

_ خليها نايمة بلا قرف

قال كده وهو بيكمل التقرير عشان بعد ما يخلص مهاب ياخده بعد وقت كان جهز مهاب و أخد التقرير

مهاب بيشتغل صحفي

أما خالد فا هو هكر محترف مشهور با أسم الجوكر خريج كلية تكنولوجيا ومعلومات وبيحب شغله جداً وبيساعد مهاب في نشر المقالات والفيديوهات الي ماسكها على كبار الأعمال ومطلوب راسه من اكبر زعماء المافيا

مهاب اخد المنشور ومشي قام خالد وقعد قدام الأجهزة وبدأ انه يشتغل

بعد وقت من الشغل والتركيز سمع صوتها من وراه بنعاس: صباح الإجرام يا مجرم جيلك،هو انت ياض فاكرني هبلة ومش فاهمة انك نومتني امبارح وخد أعضائي وبعتها

خالد: صباح الزفت على دماغك هتلبسني مصيبة يا بت انتي

شذا بضيق: يعني أعضائي زي ما هي طب إيه الي رشيته ده كان إيه

_ كان منوم ولازم تعرفي اني أي حرك هتعمليها أو صوتك يعلى هستعمله فلازم تبقي عاقلة لحد ما اليومين دول يعدوا

شذا: سيبك من الكلام ده عندكم إيه يتاكل

خالد: المطبخ عندك اعملي الي عاوزة

_ هو انتوا معندكمش حد بيعمل الأكل

_ لا معندناش

_ طب ليه مقولتليش كنت خطفت ماما معايا تعملنا الأكل

سكتت شوية وبعدها كملت: انت عارف زمان ماما وبابا قالبين الدنيا عليا بس مش مهم لاني أنا هأكدلهم اني في فعلاً رجال مافيا واني الي بيحصل في روايات حقيقة عاوزة حاجة تسالني

بصلها بطرف عينه: شاطره.. روحي يلا العبي بعيد في هناك لعبة ابن أخت مهاب العبي بيها

_ لا أنا عايزة أشتغل معاك

_ لا ده شغل عيب

_ فيه نسوان أو رجالة

_ لا

شذا بزنه: يبقي مش عيب يلا عاوزة اشتغل معاك وكمان هاخد 10 جنيه بس

خالد: انتي زنانة على فكرة وكمان الشغل ده مش شغلك

_ أوف بجد انت ليه بارد ومستفز، أنا هدخل أشوف المطبخ بيقول

قامت وهي متأففة على آخر الزمن تقوم تعمل أكل لما عاشت عمرها تتمني تقع في إيد واحد عشان تأمر وتتامر دخلت المطبخ، وبعد ثواني سمع خالد صوت خبط ودوشة.

خالد من الصالة: إيه يا مصيبة وقعتي إيه؟!

شذا بزعيق وخوف: كرامتي

دخل خالد عليها عشان يلاقي المطبخ عامل كارثة صغيرة.

خالد بغضب: نهارك أسود كسرتي الكوبايات وداخلة المطبخ بكل ثقة وبتقولي داخلة أشوف المطبخ بيقول إيه عملالي نفسك الشيف الشربيني

شذا: غصب عني وكمان انا أكتر واحدة شاطرة في المطبخ وأشطر من الشربيني

_ أمال إيه ده بتسمي إيه

_ كنت بدور على السكر.

بص خالد حواليه: و هو السكر مستخبي في الدولاب فوق عليه ديون عشان طالعالي فوق الرخامة

_ عشان محدش يلاقي

خالد بغضب: سيبك من انك طلعتي على الرخامة أو تفكيرك وداكي اني السكر ممكن يكون فوق دولاب المطبخ في حد طبيعي يسند على رف الكوبايات

_ الاحتياط واجب يا عم خالد ومتشيلنيش ذنب أكتر الدولاب بتاعكم هو الي بايظ

قربت من البوتاجاز الي وراه خالد

_ ابعد كده يا جوكر

جوكر؟! إياكي تناديني بالاسم ده فاهمة

_ ماشي

خرج خالد وبعد دقائق كانت ماسكة الشاي وخارجة من المطبخ عيونها على كوباية الشاي السخنة في الوقت ده كان خالد رايح على المطبخ مرة واحدة خرجت صرخة منها لما كوباية الشاي وقعت على خالد

شذا بصدمة: أنا ولسه هتكمل

اتفاجئت من انفجار خالد فيها: انتي إيه غبية مبتفكريش من أول ما جيتي هنا وانتي كل الي بتعمليه هبل وجنون وبسببك دلوقتي اتحرقت بسبب إنسانة مستهترة شبهك مشوفتش فيكي إنسانة عاقلة في الأول كنت هموت بسببك ودلوقتي كبئتي كوباية شاي عليا انتي عاوزة إيه بجد

قال كده وراح يغسل ايده ورجله من الاحمرار والحرقان أما شذا اتجمعت في عيونها الدموع وخرجت تجري من المكان كانت بتجري مش عارفة هي رايحة فين بس مش عايزة تفضل في المكان ده خرج خالد بعد ما حس اني جسمه هدى عشان ميلاقهاش قاعدة يدور عليها وهو مش لاقيها أما على الطريق شافت عربية شذا وقفتها بسرعة

شذا: لو سمحت ساعدني أرجوك

خلع الراجل الي راكب العربية واتكلم بخبث

_ أكيد يا آنسة شذا

يتبع