رواية ندبات الملا بابل الفصل الثالث 3 بقلم زينب جعفر
صلوا على محمد وآل محمد
"قراءة ممتعه"
1
⊱━━━━⊰✾⊱━━━━⊰
بقيت اقره المعوذات متقربه واسمع صوت صريخ قوي الـــمره !
9
ركضت طالعه بشارع ومالكيت أي احد!! شارع فارغ وأضلم
_ليش طالعه
5
صرخت منخرعه
فاقد_اشواق شبيج هذا انا
14
اشواق_انتَ عايف الباب مفتوح
فاقد_ستوني كعدت اريد مي عطشان
1
سديت الباب قافلته واخذته للمطبخ وجسمي كله يرعش متخبله وحالفه مابقى ليله ثانيه بهذا البيت
انطيته مي ورجعته للفراش
اشواق_بعد لاتكوم وحدك كعدنه لو انا لو فيحاء
فاقد_ماردت اكعدكم
26
ابتسمت جريته شابگته على صدري امسح على راسه
فاقد_ليش ترجفين
3
اشواق_لان شوي بردانه
هوه كام من حضني جار البطانيه متغطي ومغطيني وياه ضحكتله بكوه ونام الا انا ماكدرت انام وليل كله افكر بموضوع صرخه وأعياد
اشواق_اني ادري بصوت أعياد ... موصوتها هذا
13
اتنهدت بحيره..
اشواق_ لو اتوهم لو اتخبلت
شلت فاقد مخليته يم امي ونمت على جهه ثانيه مدحوسه بين امي واختي فيحاء متغطيه زين وجسمي مابطل يرعش ستوني بديت اغفى وفزيت على صوت مشي
اشواق_منوووو منووووو أعياااد؟؟
سمر_هاي انا اشواق
3
لزمت گلبي متأذيه هيه واكفه على الدرج شعرها مكوش ولابسه ثخين بس ترمش وتباوعلي
اشواق_فززتيني
سمر_ترا بس مشيت ماطكطكت ولاكلت
اشواق_اعذريني اني صايره افز بسرعه
ماجاوبتني اندارت صاعده فوك رجعت متمدده شابگه ايد امي قوي ريكي يبس مرة دقايق وانتبهت
اشواق_سمر موغرفتها جوه؟.. ليش صعدت فوك
26
لزمت راسي متخبله مادا افتهم شنو يصير..
منوه_بنتي
انرعبت جرتني شابگتني طبطب على ضهري ونعاس بعيونها
منوه_ويامن تحجين گلبي
اشواق_لا خفت حسبالي سمر جني
14
ضحكت مغطيه راسي
منوه_نامي
دفنت روحي بصدرها حاسه بحراره جسمها وعطرها المسك والمخمريه متلمسه اطراف كصيبتها شبه رايح مني الخوف حاسه بـ أمان يمها ماطولت ونمت..
صبحت على رزاله وصريخ
ثمره_ماااامااااا
10
خلدان_دسكتي راح اكتلج نبأ لزمي بنتج لاتصرخ هيج
2
ركضتلهم حجابي طايح وشعري واكف
اشواق_ماتت ماتت مووو
21
نسرين_اي اشواق اي
ثمره بجت شابگه امها فتحت حلكي مخليه ايدي راعشه اجت عيني على أعياد بلمطبخ طلع جدوره رحتلها
كلت والغصه بزردومي..
اشواق_مو حرام عليج ليش هيج سويتي
أعياد_شنو ولچ؟
عذيه_ياااخايبه اشواق منتبه الروحج راسج راسج
اشواق_روح هاي شلون الج نفس تكتلين بشر اني حيوان وارحم بي شلون انطاج گلبج هيج وانتِ عندج ابن ماتخافين ربج يطلع الحوبه بوحيدج !!!
2
كامت بسرعه خازرتني
أعياد_اسم الله على أبني بعدوينه ان شاءلله شكو تكولين هيج منووه عساها بنتج ترد الدعوه
منوه_اسم الله عليها شبيج انتِ
ظهير_عمي شجاج
باوعتلهم كلهم مصدومين يباوعولي والولد منزلين روسهم
اشواق_أعياد شفتها بعيني هيه الكتلته
17
غرام_قصدج بحلمج
2
مافتهمت عليهم ثمره صعدت الغرفه اهلها بيديها القفص وبي طير واحد من طيور الحب خلدان جان مدنك وكام بيده وصله عليها الطير
خلدان_جدي احنه نكول على الطير شتحجين أنتِ
23
عذيه_تسودنت الفرخه
2
فركت عيونهم صافنه كلهم طكوها بضحكه واجت فيحاء تركض مخليه الحجاب عليه
نسرين_ لو ما ادري طير جان صدكتج ولج شنوهاي
أعياد راحت من يمي منطيتني نضره سريعه خازرتني بنات اجن يمي
نسرين_امشي يلا راضيها
2
فهيت بوجهن هنه يأشرلي اروحلها
اشواق_ليش اروح
غرام_يمعوده هذا ابنها الوحيد مامباوعه شلون تحبه وتحسبه بس هوه بدنيا
رند_يلا اشواق
صارن يلحن عليه عفتهن ورحت للحمام غسلت وجهي ولكيتهن كبالي يأشرلي
غرام_عيب تره أعياد مره جبيره الكلام الكلتي وياها موهلكد ححلو يعني
نسرين_كلش موحلو
ماجاوبتهن وجرني مودياتني الها لكيتها بغرفتها واكفه على جراره منطيتني ضهرها وباب غرفتها مفتوح رجلها متمدد نايم
نسرين_يلا روحي
اشواق_انطن صبر شبيجن ولجن
غرام_اكو وحده تكول العمتها ولج ادبسز
ردت اجاوبها ومالحكت دفعني قوي واكعه بنص غرفتها اندارت بسرعه مصدومه وعمي ميسر كام فاز
ميسر_لا اله الا الله.. لا اله الا الله شكو
15
اشواق_انا عمو انا
سمعت ضحكهن وره الباب كمت متفشله انكت بـ ايدي
أعياد_ومرض ومرض
اشواق _عليه؟
ميسر_أعييياااد
أعياد_ادري شبيج بس كليلي موهذيج اختج شو كاعده وساكته الا انتِ بس تكمزين
13
اشواق_عود اجيت اتأسفلج
أعياد_شيلي دعوتج
4
اشواق_مادعيت انا
أعياد_بس جبتي اسم ابني شيلي دعوه يلاا
1
اشواق_شلتها
3
ميسر_شنوهاي عمي روحي معليج بهاي مخبله
18
ضحكت واعياد تخوزره هوه غماها ورجع نام متغطي طلعت بسرعه لكيتهن نازلات نزلت ادور عليهن وشفتهن بلمطبخ يضحكن
اشواق_هيه هاي هم سوايه تسونها
3
نسرين_اعذرينه ععيني
اشواق_بلا ذني خبيثات أنتِ اختي شبيج
1
غرام_يا ادبسز ولج عمتج انا عمتتتتج
نسرين_ااحنه خبيثات اشواق
3
سكتت طالعه صار ضهر وفرشنه الوصله ننگل الأكل
ثامر_لك دجيببهاا
4
رشيد_دعييفها بيده
ثامر_بس شوي اريدها
خلدان_جاهل انتَ شنو ولك انعدل
سكت ورجع يحوم على محسن لأن بيده طياره من گصب
باوعت المحسن يعيب الثامر هوه يعضعض بـ أصبعه متحلف كعدنه كلنا ناكل
خلدان_وين هريستكم
اجت بيبيتي محميه الباقي من الهريسه وخلتها كاعده يمي بقينه ناكل ويسولفون همه وانا بالي وتفكيري كله اطلع منا بهل ليله !
هيثم_شو ماتاكلين
22
انتبهت لكيته صافن بوجهي مبتسم كاعد يمي بينه محسن مخلي ابتسمتله وكملت اكلي
أعياد_ارقب عمت عيني عليك ابني
ميسر_ااكلي يمعوده مايطول ويرجع
أعياد_ياا مايطول لعد ذني الايام كلها خطيه وين يكضيها كله بدوام حتى من يجي ما اتهنى اباوعله براحتي ولا هوه يتهنى يبقون يتعاركون وياه
دريت تقصدني ماهتميت
أعياد_شنو ذنبه اليوم اجته دعوه من وحده.. خليني ساكته
14
باوعتلها مصدومه ردت احجي وبيبي كالت
عذيه_شو ماتعرفين تحجين لچ؟
2
أعياد_ماقصد اعتذر
1
عذيه_تنجبين غشمرتج هاي موعليه سكتتلج قبل شوي لان مره جبيره مومال ارزلج كدامهم بس مبين تحبين المهانه انتِ
23
عادل_صلوااا على محمدددد يمعوودين
10
حجه وهوه يكرط البصل
ثامر_ماتستاهل ماتستاهل لااا
37
أعياد_ميسررر
عذيه_شنو ميسر هااا ترا اني امه اطبگم اثنينكم واركضكم بنعالاتكم احترمي روحج ولاتندكين بحفيدتي
52
أعياد_طبعا دافعيلهااا خو هذا موحفيدج ليش هيج تفرقين وماتحبينه موحرام عليج مره جبيره انتِ
12
خلدان_سكت مرتك ميسر
عذيه_لامايسكتها انعل والديه اليسكتها اذا مو اني اشك حلكها ما ارتاح
32
كامت بيبيتي خفنه كلنا كايمين راحتلها خازرتها
عذيه_يابه والحسين وابو فااضل الي يمس حفيدتي بحجايه شايفين بكد اصبعي اموووته واموت ابو واموت الجابه
32
أعياد_شو تغلطين شنو ترزليني علمود هاي زعطوطه
15
عذيه_من اجينه وانتِ حاطه گورج بگور هل بتايه غيراانه منها لان صغيره عود لو شني سالفتج ولچ
6
نسرين_عذيه موهيج عيب
عذيه_اسكتي لج لا الوف عليج
15
أعياد_خووو ماتكولين على هاي مخليه عينهاا على ابني
18
شهكت مامستوعبه
اشواق_انااا !!!
3
أعياد_نسرين كولي مودائما يمه تلكيهااا وين مالكته خلت روحها وياه وذاك اليوم دفعت سمر ودحست روحها بلتوزيع وحتى روحه للبستان تتقصد تتأخر حتى ابني يوصلها وحدها
بيبيتي رادت تحجي واني هديت عليها اصيح
اشواق_دخذي ابنج ميته علي انا قابل كل ماشافني ولزكلي وكلها تدري اني شكد اكرهه ويضوجني
أعياد_باوعوا تكررهه ابني ولج هوه وحيدي
منوه_ماسمحلج تكولين على بنتي هل كلام أعياد احترمي نفسج
خلدان_كاااافيي اكعدواا ششنوهاي مالي احترام
7
عذيه_هنه يحترمن انا لاا أعياد وخري شرج من حفيدتي احسن الج
أعياد_دخلي تبطلل غرورهاا بالأول باوعيها شايفها روحها مادري على شنو وهيه متروسه ترس شامات حتى ملامح ماعندها
35
اشواق_والله عاد على الغرور يحق الي وشاماتي نقاط سود بيه حارگات دودتج لو بيض شنو تسوين؟
28
أعياد_باع السانها... هوه أنتِ بزراگج هذا وطولج ياهوه ياخذج
12
اشواق_اسألي أبنج عود
48
سكتت فاتحه عيونها عليه عفتهم وصعدت اسمعها تصيح
أعياد_ شوفوهاا تريد ابني تريييييده !!
صار صريخهن واخر شي سمعته
أعياد_عذييييه تضربييني !!!
45
كعدت بغرفه عمي ظهير لكيت ثمره نايمه على الكرويته سديت الباب رحت للمرايه اباوع الروحي
فتحت حجابي عيني على شاماتي ثلاثه بركبتي عشوائيات وبوجهي وعلى شفتي عضيت شفتي نازله دمعتي
اشواق_اصلا هنه مخلياتني حلوه
27
ثمره_شاماتج؟
لكيتها كايمه تفرك بعيونها من نعاس ومبتسمه
لفيت شال عليه كاعده يمها
اشواق_كعدتج
ثمره_لاكعدت قبل شويه بس عبالي ماما سويت روحي نايمه لان اذا شافتني راح تسبحني
17
ضحكت مرتبه شعرها
ثمره_شعري يوكف مرات عادي عادي من نوم
اشواق_منيلج هل عيون الححلوه
ثمره_منج
كرصت خشمها..
اشواق_والله السان يخبل عسل ابوسه
ثمره_اني اريد مثلج ذني
اشرت على شامه البحنجي
اشواق_حلالج كلهن
1
ثمره_وأنتِ
اشواق_شسوي بيهن ماحبهن
3
ثمره_اشبهج بوحده حلوه انا
اشواق_ياهيه
ثمره_ديانا
14
بهتت ملامحي..
اشواق_بس لاعود الأميره
ثمره_ايي سمر تحبها
اشواق_دكعدي يمعووده وين طيرتيني ايه من الجمال ذيج
ثمره_تشبهينها والله
اشواق_لاتحلفين وين داده وين هيه بيضه انا سمره هيه وجها ضعيف انا سمين هيه انيقه اني
10
ثمره_أنتِ شنو
اشواق_على كوله اعياد زريگه
ثمره_وين الازرك
اشواق_لاعود موحلوه انا
ثمره_لعد تدرين بيمن اشبهج
اشواق_هسه تكلي مارلين حتى اتخبل
ثمره_لاا ماعرفها هاي
اشواق_يعني بس تعرفيهن تشبهيني بيهن
ثمره_سهير تشبهين
29
اشواق_ثمره عمري اسكتي تشبهيني بلحلوات بس
ثمره_هوه انتِ ححلوه
اشواق_رحمه الله والديج وهاج بوسه بس اسكتي
ثمره_انتِ شسمه اخوج
4
اشواق_موتلعبين وياه لوتيه ماتدرين بـ اسمه شنو
ثمره_مو فااقد
اشواق_لعد
ثمره_سمعت تره افهم انا عندج اخ ثاني
اشواق_ها عشير اسمه
ثمره_شعيرر
31
اشواق_لاتقلدين ههههههه
ثمره_لاححلو اسمه مال واحد اله جمال
اشواق_تتغزلين بـ اخويه؟
ثمره_شلون شكله حبابه كولي
اشواق_صارلي خمس اشهر ماشايفته
ثمره_ننسيتي شكله؟
1
اشواق_لاشلون يمه
ثمره_لعد شلون شكله
اشواق_ هوه حنطي لونه اصل ابيض بس من شمس تشوفين ايده چتف ابيض وباقي اسمر
خلت ايدها مكممه تضحك
ثمره_تمرهه
19
اشواق_خطيه يتعب اجتافه هيج عراض.. اشرتلها فتحت حلكها مسويه واااو... عيونه صغار وبيهن شوي سحبه شعره اسود كلش وخشمه عدل
19
ثمره_احسه ححلو
اشواق_هوه حلو غير صدك .. وهاا اله ندبه
ثمره_شنو يعني ندبه؟
اشواق_اثر بجسمه اكو و بعينه واضحه هم هيج خط طويل ومن جوه جفنه خطوط هم
27
ثمره_ايع
اشواق_موبيده صارتله
ثمره_من شنو صارتله
1
سكتت مادري شنو اكلها وانفتح الباب داخله نبأ كمت بسرعه اطلع ولزمتني ساده الباب
نبأ_اكعدي عمري
اشواق_دخلت بدون ماكلج
نبأ_انجبي واكعدي
7
رجعت اكعد لكيت ثمره نايمه وشابگه مخدتها شعرها عشوائي خصلاته على وجها صاير
نبأ_دكومي عيني ثمرتنه تضحكين عليه
ماسوت حركه اجت امها جارتها شايلتها ضحكت قوي ضحكت ويه ضحكتها
ثمره_كشفتيني
نبأ_سفطي بطانيتج يلا
ثمره_ماما ام شامه تدرين شنو كلتلي
نبأ_اسمها اشواق
ثمره_بابا يكول عليها ام شامه
اشواق_عادي صيحيلي ام شامه
13
ثمره_اي ماما كلتلي على اخوها
نبأ_صدك شكلتلج
كالت وهيه تأشر..
ثمره_عنده ندبه بعينه هيج بطووول
نبأ_صدك اشواق اخوج مايجي؟
اشواق_ملتحق بلعسكريه
نبأ_اي الولد عبد المطلب وثامر باقيين هم سنتين ورجعوا
7
اشواق_اي هوه سنتين يلا يجي
1
نبأ_لاعمري يكدر ينزللكم كل فتره
اشواق_هوه اول ايامه نزلوهم كال راح ابقى بيت صديقي لأن قريب
نبأ_لعد مايشوف امه
اشواق_لامو ابويه موجود
نبأ_ها
انتبهت شنو كلت وكمت
نبأ_وين
اشواق_انزل الأمي
نبأ_دا يتعاركون عوفيهم
اشواق_امي واختي لاتسويلهن شي
نبأ_يمعوده بيبيتج فاتحه الساحه الها
20
ضحكت فاتحه الباب
اشواق_حتى لو كلشي يصير
هزت راسها ونزلت لكيت أعياد لابسه عبايتها ومحضرة جنطتها
عذيه_وروحتهم
4
أعياد_نسرين عوفيني اروح الأهلي انا
10
عذيه_والله ثبرتينه دروووحي تريد واحد يتوسل بيها
15
أعياد_عمي والله ماحسبتها منك سنين وياك انا
2
خلدان_بويه مواكلج اكعدي نتفاهم
طلعت شعرها من الحجاب
أعياد_ما اتفاهم باوع شعري عمي باوع
19
خلدان_استغفرالله
عذيه_الا حفيدتي ما اقبل عليها
8
باوعت البيبيتي كاعده على الكرويته ورجل على رجل لافه شيلتها طالع شعرها الاحمر صابغته من الحنه وبي شوية شيب وتهز برجلها دايره وجها رافعه حاجبها بتكبر
37
حصرتني ضحكه
أعياد_والله اشو عناد ماطلع ثامر وخررر خلي اكعد
2
منوه_بيت بيتج تبقين أنتِ
3
عذيه_شقصدج عود؟
منوه_اني هسه اخابر خالي ويجي ياخذنه مانريد نسويلكم مشاكل وازعاجات اني وبناتي
خلدان_بيت بيتكم هذا كلهم يطلعون وانتوا تبقون
20
سكتت متذكره كلامه نفس كلام ابويه بس القصد بوكتها موعلينه ... على نديمه ..!
امي بسرعه رفعت عينها الجدي عيونها مليانه دموع
أعياد_يا انا ياهمه
خلدان_اذا تكولين هيج فا همه ابقوا عمي ابقوا
2
امي بكوه حجت والغصه واضحه بصوتها
منوه_لا عمي .. تسلم
بقيت اباوعلها اتمنى بداخلي ماتنزل دمعتها بس نزلت على خدها حسيت جمر صار بگلبي
اشواق_امي خلينه نروح
1
خلدان_والله فلا طلعون شنو بابا منوه عذيه كوليلهم
بيبيتي بقت تباوع مفتهمه
عذيه_اذا تردين نروح منوه
خلدان_موبكيفكم وين ترحووون مثلا
ظهير_امي ماطلعون وين ترجعون الحنون؟؟
رشيد_على جثتي ماتمشون منا
8
منوه_عمه تردين تبقين ابقي انا اروح
ميسر_خويه ولاحتى انتِ طلعين شنو سالفه هسه اكسرلج ظهرها بالله
14
منوه_لاخويه هيه مرتك لاتكول هل كلام
أعياد صارت عيونها الكصتها من العصبيه كامت الغرفتها رايحه
عذيه_منوه رجلي على رجلج مثل ماطلعنه مناك ... باوعت الجدي بطرف عينها ... نطلع منا هم
1
خلدان_ظهير سد الباب ذول مايدرون شيمسلتون
10
هزت بـ أيدها ...
عذيه_خاييبب هيه بكيفك تهي بهي
41
ماجاوبها رايح الامي يحاجيها كلهم اتجمعوا عليها ونسوان هم يتوسلن بيها وامي تباوعلهم مبرطمه كاتمه دموعها
ظهير_والله ماخليهم يضوجونج لو يضوجون بناتج بكلمه بس ابقي
1
فيحاء_عمي موقصه تضوجونه بس امي ماتقبل اهل البيت يطلعون واحنه نبقى
ظهير_عمي انتوا اهل البيت
7
زاهر_منوه خويه عيونه الج أنتِ وامي لاطلعون متعودين عليكم تره
منوه_تسلمون بس لااخابر خالي
صار كدامي هيثم كايل بتوسل..
هيثم_اشواق قنعيها بربج
20
اشواق_اني اريد نروح
2
هيثم_ليش هيج اشواق مو انا.... بلع ريكه هامس.. احبج.
188
رفعت عيني بسرعه بصدمه هوه بعيونه دموعه
هيثم_ليش منصدمه.. عيوني مابينت الج؟
55
مانطقت بكلمه وحده مامستوعبه كلامه وخر وراح الغرفته منزل راسه عفتهم دخلت للمطبخ كاعده شويه واجتني فيحاء تتلمس ايديه
فيحاء_ليش ترجفين شجاج
اشواق_راح نروح
فيحاء_مادري دا يحاجون امج
1
شبگتها قوي ابجي
فيحاء_خلي تروح معليج بيها
اشواق_هيثم يحبني
1
فيحاء_ها؟
اشواق_ستوه كلالي
بقت صافنه بوجهي رجعت شابگتها دخلت غرام باهته ملامحها شافتني وضحكت
غرام_اكول قويه طلعتي تتبجبجين بلبسكوت
6
ضميت وجهي بحضن فيحاء
اشواق_لاتباوعيلي
1
فيحاء_ههههههه عمه اطلعي يلا اطلعي
لاتباوعيلها
ضحكت رايحه..
غرام_طلعنه طلعنه
فيحاء_شوكت حباج الأصفر
10
اشواق_اندري
فيحاء_عبالي تبجين من كلام أعياد
هزيت راسي لا
فيحاء_لعد شنو لان يحبج هذا
اشواق_لا دا ابجي على حظي
18
فيحاء_ياا امداج شو دوخري مني
ضحكت بنص دموعي وهيه كامت
فيحاء_اكول المن تتبجبج
صار العصر واحنه بلمطبخ ويانه نسوان صافنين
اشواق_سمر ليش ماتكعد ويانه
نبأ_ماتحب ععيني احنه نكشش
حوريه_ههههههه كخه
1
اشواق_ممبينات امهات والله
عدلت كعدتها مضيكه الدشداشه عليها
حوريه_ماتباوعين الكرشي شكده
1
نسرين_اشواق انتِ هم بربوك
24
اشواق_يا عزا شهل كلام
نسرين_امهات تكولين موامهات واني تكليلي... قلدت صوتي تقلد... عبالي جنتهم وامهم الذول البعران بره
حوريه_بس لاعلى هيثم تكولين
نسرين_اولهم
ضربت على صدرها..
حوريه_يمه ابني
10
فيحاء_عبد شكد عمره؟
6
صباح_عبد المطلب عمره 26
فيحاء_ماشاء الله مامبين
20
صباح_والله لوتصيرين چنتي اوفف
11
اشواق_ها صباح شنو عيني
صباح_باع صلافه اليسمعها اني اختها
2
اشواق_تره اختي صبوووححه اختي هايه
صباح_سكتنه ام السان سكتنه
ضحكنه كلنا ودخلت غرام ترفرف بحواجبها
رند_ها ساعي بريدنه
غرام_ولچن كووووومن راح نروح
لكيت بيد نسرين حب اخذت شويه خزرتني وضحكت اكرز من الحب
غرام_راح ياخذووونه بستان ابو بشير
اشواق_ماريد اروح
غرام_دنجبي لج مانصدك احنه هل طلعه تجينه
اشواق_امي ماخابرت خالها؟
نسرين_اكليخره
10
حوريه كرصتني حيل
_تبقون تبقون
اشواق_حوريه عود اكول انتِ الفقيره طلعتي تكرصين من جوه الجوه
حوريه_ياا شكد ادبسز
غرام_دبدلن هسه وعلى كوله ابويه تمسلت مانريد
1
اشواق_روحن انتن ماروح انا
وحده باوعت للثانيه وهزن راسهن
صباح_بكيفج مانجبرج احنه
اشواق_اي طبعا
نسرين_صاحبه شأن أنتِ تدرين وين تروحين وين تجين وشيعجبج مايعجبج
اشواق_اي اكيد اادري
رند_واحنه معلينه أنتِ ماتردين
اشواق_ولو احترمجن بس والله لحيتن
7
غرام_انجبي لج احترمي نفسج اني ورند عماتج وذن خالاتج نسرين و صباح وحوريه ونبأ
3
فيحاء_واني اختها
بقيت صافنه عليهن مامفتهمه لحظه سريعه كلهن شالني عطت
نسرين_اششششش يمعوده
3
اشواق_نزلوووني شجااااجن خرب شياطينجن
5
صباح_شو ماتحترم هاي
اشواق_شيااااطين شياطييين
1
ثامر_هاي شننوهاي
عذيه_سوده بوجهجن نزلن الفرخه
مانزلني يفترن بيه واني اعيط ماتحملت وضحكت
نسرين_ترحين لو لا
اشواق_اروح اروح بس نزلوني بطني كامت تأذيني من ضحك
نزلني هلكانات ضحكتن على وجوهتهن
غرام_يلا يمعوده بدلي انكسر ضهري
رحت وبدلنه لبست ثوب ابيض منقط اسود وربطه سوده حددت شفايفي بلون بني وحمره ترابيه مثل كل مره جريت الكحل موضحه شاماتي
27
ونزلت لكيتهم متحضرين
اشواق_بيا سياره حنروح
خلدان_ياسياره بابا حنروح بلعربانه
8
فيحاء_هااا؟؟؟
باوعت الثمره اول وحده صعدوها
خلدان_نفر نفر ناخذكم
ثامر_رحمه الله والديكم بسررره بسره أوكفوا
19
اشواق_جدوو ماصعد
خلدان_اركبج على الحمار شبيج
9
اشواق_ياحمار جدوو اخاف
خلدان_على شنو الخوف بنتي الحياه مره وحده اتونسي
3
اشواق_وذا نطح وكعني على راسي ونزف
4
گلب شفته بحزن طابگ ايده
خلدان_بوكتها الله يرحمج
29
اشواق_شنو السالفه جدو الله يخليك ماصعد ماروح اني
خلدان_اكو احد يريد يروح مشي ويه اشواق
عذيه_خايب صدك تحجي وين مصعدنه
خلدان_بطياره
8
هزت ايدها غامته ضحكت ونص بنات اجن وياي بس غرام ونسرين بقن بلعربانه
خلدان_عبد المطلب وثامر وصلوهم للبستان
هيثم_وانا جدي
20
خلدان_انتَ اصعد
احنه بقينه نمشي وجدي يقنع بيبيتي ماتجي مشي
عذيه_الي حيل امشي تره شتحجي انت
خلدان_دصعدي اصعدي الها حيل باقي بيج نفس
2
عذيه_من وره ضيمك
3
حوريه_علمودجن اجيت
اشواق_فدوه الوجهج هم موتكولين عندج كرش هسه راح يطير
ضحكت معدله عبايتها
عادل_بستان قريب موبعيد
انداريتلهم يمشون ورانه وعبد المطلب يأشرله يسكت مايحاجينه
اشواق_حباب انتَ حيل
3
عبدالمطلب_ها انا؟
اشواق_اي متأدب الف مره
صباح_غير ابني تربيتي
17
عادل_خوش بسمار رحمه الله والديج دكيتيهن بجيب الساني بعد
14
كممت على حلكي بيدي اضحك وفيحاء تخوزرني اسكت شويه ومرواا من يمنه جدي وثمره بحضن غرام وياهم نسرين وبوسطهم بيبيتي بكوه مكفيتهم
3
يأشرولنه فرحانين
خلدان_هاااا ولكم ههههههههه
17
نسرين قابضه ايد وتضربها بـ أيد الثانيه يعني على عنادكم
غرام_الوووداع
12
بيبي_خايبين نزلوني جذابين مطنكرين جانوا من شافوكم فتحوا حلكهم
13
جدي زگط على الحمار وزادت سرعته عابرينه وثمره دزلنه بوسات
اشواق_ببنات خلي نركض
نبأ_ياعزه شنركض يمعوده
اشواق_حبابييين بس هل مره احنه مادايمين الكم
صباح_لاتكولين هيج ماتروحون
اشواق_فيحاء يلا
هزت راسها لا مدنكه
حوريه_اذا شافونه رجولتنه يموتونه
3
اشواق_موهناا بعيدين صارواا حبابين مابقى شي ونوصل احنه مو
انداريت باوعلي عادل
_ها شنو
اشواق_مو ماضل شي ونوصل
هز راسه
نبأ_اني اندل
اشواق_يلا حبابات
وحده ضلت تباوع للثانيه بـ أرتباك اني سبقتهن وركضت قوي اضحك
عبد المطلب_هاي شنووو شجاااج
9
باوعتلهن أشرلهن وهنه ركضن وياي بعبايتهن يضحكن
عادل_يمعوووودين
61
صباح_ولچ يمه راح يموتوووونه
حوريه_أنگطع نفسي بنااااات
اشواق_علمود كرشج علموده
17
سيارات تفوت وتباوعلنه مستغربين وعادل وعبد المطلب يصيحون ورانه ويركضون انداريتلهم لكيتهم يلهثون ويأشرولنه نوكف
اشواق_ههههههههههه خطيه
فيحاء مخليه طرف عبايتها بحلكها وتركض قوي حتى سبقتنه كلنا بقينه فاتحين شفايفنه مصدومين
48
اشواق_موجانت ماقابله
1
صباح_أندري شنوهاي ببي صارت
2
اشواق_اي ولج
صباح_ولج ياولج اكبررر منج انا
6
اشواق_نسيت والله.. منين بنااات تعبت
نبأ_اخ من سوالفج شبينه طاوعنااج
اشواق_نبؤؤه حبيبي منين هسه
نبأ_يسارر
3
رحنه يسار وشفناهم موكفين عربانه نازليين بس جدو خالد صاعد بيها شافونه واستغربوا وغرام تضحك
عذيه_يمه خبااااال هذا بستان طبعا بي شي كل مانجيله وحده تتخبل
8
نسرين_هل مره دا اباوع خمسه متخبلات... شافت عبد المطلب وعادل يركضون ورانه كالت بضحك... لاوالله سبعه ذول
9
عادل_اوكفوااااا ولج ااامي
3
وكفنه منگطع نفسنه بطنه تأذينه من ركض
خلدان_شنوهذا ركض
اشواق_فكرتي
خلدان_موعيب بشارع هيج تركضون صغار انتوا؟
1
عذيه_خلدان حفيدتي
2
خلدان_هسه بلا هاي جاهله أنتن شبيجن امهات ماتستحن على عمرجن هسه الوادم شافتجن
بقى يرزلهن كدامنه هنه ساكتات باوعت الفيحاء متندمه مامتوقعه هيج رزاله يحصلن
فيحاء_كتلج لاا
8
اشواق_اسكتي انتِ عبرتينه كلنا
1
جنه عركانين كلنا وجوهتنه حمر من الشمس وره ماخلص رزالتنه دخلنا كلنا للبستان باوعتلهم ضايجه
اشواق_اني اسفه والله مادري بي هيج راح يضوج
صباح_وخري من عدنه زاعلناج
3
عبرني ورند فرشتلهن وصله جبيره كعدن عليها هلكانات تعب وغرام تهفيلهن وميته من ضحك
صباح_غرام راح اكتلج كتله
غرام_ولجن شكلجن يضحك انتن والعبايات صدك جذب
نبأ_ديلا ولج علساس ماتركضينه بلبستان حتى نسمع قصصج
غرام_موتحجين على قصصي
نبأ_هسه كايله
غرام_ايي
بقيت اباوعلهن اطكطك بـ اصابيعي شوي وباوعلي يضحكن
صباح_لاخوش ركضه ححلوه
حوريه_بنات نزل من كرشي؟
7
رند_منيلج كرش
حوريه_غير اللبس عريض مايبين
كمنه اني ورند نفتر بين زرع لكيت المي يجري بلكاع
اشواق_والله ححلو شكله شلون يسوونه
رند_هاي ساگيه
18
دنكت ماخذه شوي بيدي
اشواق_اشربه
رند_نضيف
شربت منه وكمت
اشواق_سمر ليش ماتجي
1
رند_ماتحب تطلع
17
اشواق_هيه تدرس شنو
رند_بعدها مامكمله دوامها
همهمت وعبد المطلب اجه يحجي على امه ضحكنه وهيه تباوعلي وتعض بـ اصبعها متوعده
اشواق_شعجب الولد لحد هسه مامزوجيهم
رند_بيتنه صغير.. وبربج ذول مال مسوؤليه
2
اشواق_عبد المطلب حباب
رند_وأرقب؟
اشواق_ها
رند_احس اذا زوجناهم يبدون يزوجون أرقب اول
اشواق_لاتزعلين مني عمه بس اهواي تحبونه
رند_حباب هوه.. صح امه اتحبه كلش ومرات تصير غثه من وره حبها اله بس وحيدها هوه تدرين بعد
اشواق_يكولون اخذي وحيد العالم ولاوحيد امه
17
رند_ههههههه لااا أرقب اذا اتزوج اضمنلج يطلع مرته بيت وحدها
اشواق_هوه عنده مارسيدس
رند_شبح
16
طبگت حواجبي مبتسمه
اشواق_شنوه؟
رند_سيارته يسميها الشبح
اتذكرت امه وسوالفها بليل.. همست..
اشواق_خاف يقصد امه
8
رند_شكلتي
اشواق_اكول خوش سياره ماشاءالله
رند_لوتباوعين يا ام شامه من جابها البيت طكوها بهلاهل حتى جيران طشت جكليت
1
اشواق_ههههههه شنو سالفه
رند_يحب سيارته كلش دومه تلكينه مرتبها وينضفها مرات حتى يبوس اضويتها... تعبانه من الركض
20
اشواق_رايح نفسي عمه
رند_من نكلج كوليلنه عمه انا وغرام نشاقه وياج بعدنه صغار
2
ابتسمتلها وجرتني من ايدي النخله كعدنه جواها باسطين خشب وساگيه المي على جهه تصب
رجعت تسولف واني اجت عيني على خشمه دور بيها مي ابتسمت
اشواق_هاي شنو
رند_شنو
أشرتلها هيه دنكت تلم بتمر بلكاع
رند_ناعور
24
اشواق_ححلو البستان ها
رند_يرجعلج انفاسج حيل احب زرع
اخذت من المي غاسله تمرات منطيتني منهن أشرتلي اتقرب اتقربت وشاورتني
رند_ابويه مصاحب ابو بشير علمود البستان
5
اشواق_هههههههههه
رند_اشاقه هوه صدك يحبه وياه من طفوله لو تكعدين ويه ابويه يبقى بس يكلج عنه شنو سووا من مصايب وسوالف
اشواق_هوه وينه ابو بشير
خلت فصم بيدها..
رند_رجال جبير هوه قبل عنده اثنين ولد وبنيه
اشواق_موجودين هنا؟
رند_لا... عافوه
اشواق_ليش
رند_امهم مونفسه يعني من ذني مستهترات حشاج
اشواق_هوه ماشافها من اتزوجها؟
1
رند_طبعا لا تقليدي بيوم العرس خلوها بوجه وكحه كلش وسوتلها مصيبه وجهاله شكد مدللهم يااشواق وعافوه وحده هسه خطيه مريض وكبر بوحده
اشواق_وين راحوا؟
رند_امهم من البصره راحوا بس مرات يجون
اشواق_يحنون اله
رند_لا.. ياخذون فلوس منه ويرحون حتى مايسلمون عليه
بقيت صافنه متذكره ابويه دنكت اكل بتمر شويه وهمست بكسره..
اشواق_احنه بلعكس !
رند_اخويه حنون ماشايفته غير مرتين وانا صغيره
منوه شايفتها اكثر منه
اشواق_شلون شفتي امي اكثر من ابويه؟
رند_امج تعرفنه وتسأل مرات امي تجينه وهيه تجي وياها يسلمون ويرحون
اشواق_ماعرفكم انا جنت
رند_حقج
كامت وكمت وياها نتشمى
رند_امي اطلكت من ابويه.. عافتنه كلنا بس ابويه مازرعلنا حقد وكراهيه اتجاهه رغم بوكتها خلت اخوها ياخذها واخذت بس حنون
3
اشواق_ابويه اكبركم؟
رند_اي... بس كل الهنا يصيحون ابويه ابو ظهير
اشواق_مره سمعت بيبيتي تكول ابو سجيل هوه نفسه عمي ظهير
3
كالت وهيه صافنه..
رند_اي
اشواق_منو سجيل؟
23
باوعتلي متغيره ملامحها ابتسمت بتصنع
رند_شنو رأيج اشوفج بعد شنو بلبستان
70
دريت بيها تغلس مالحيت وكمنه شوفتني بيت الگصب واجاني من من الناعور دا نتمشى وشفت رجال جبير ايده مگطوعه بس بـ أيد وحده لازم فأس ويطك الخشب
اشواق_يمه منو هذاا
رند_دخيلك ياهوه
اشواق_هذا هذا بيده فأس
رند_هوه هذا عمي ابو بشير وبيده مكوار
جرتني قويه ناحيته
اشواق_ييمه وين ماخذتنه
رند_نسلم علي عيب
اشواق_صدك تحجين خاف مايقبلون
رند_يمعوده هذا محسوب نفر من عدنه ههههههه
بقت تجرجر بيه واني ماريد وصلنه يمه شافنه وابتسم
ابو بشير_ها جدي شلونج
رند_الحمدلله انت شنو اخابرك صحتك احوالك
ابوبشير_الحمدلله على الله وضعي
بقيت اباوع الايده ماكو ويضرب قوي بلخشب ضربه ضربتين ينكسر نصين
رند_اصيح الولد يساعدوك
ابو بشير_لا لا خلصت بس اخر خشبه اجيبها
اشواق_اني اجيبها
ابوبشير_بنات حنون مو
انصدمت يعرفني ضحكتله
اشواق_اي عمو... ياخشبه
أشرلي رحت ردت اشيلها ماكدرت اني وعمتي رند شلناها يلا
اشواق_عمي تشيلها بوحدك
بلمكوار ضربه منكسر فكيت عيوني اصلي على نبي
ابو بشير_ اي والله
اشواق_ماشاءالله عضلات
6
ضحك مهتزه أچتافه ورند تهز بـ أيدها
رند_ماتكعدين راحه
اشواق_دباوعي يشيلها وحده واحنه اثنينه ماكدرنه شلون
ابوبشير_خلصت اني راح اطلع ابقوا شكد ماتردون اتونسوا وديربالكم على زرعات
اشواق_يمي
3
ضحك وراح رجعنه للبنات بطريق وفزيت على لعابه جبيره بنص بستان مخليها بگصب موكفيها ومسويلها شعر احمر ودكمتين بلوجه يعني عينها
14
اشواق_شنوهاي
رند_الحيوانات حتى ماتدخل وعبالهم انسان
5
اشواق_يا انسان يوكف هيج وكفه وشكبره
ضحكت ورجعنالهم لكيتهم كلهم كاعدين وأعياد مطنكره كاعده على جهه وامي كل شوي تباوعلها
الولد راحوا يفترون بلبستان واحنه كاعدين
غرام تكش ذبان
_اكللكم قصه؟
جاوبها جدي وهوه متمدد مغمض عيونه
خلدان_اسكتي يابه
8
غرام_انتوا الخسرانين
أعياد_عفيه مستحه ماكو مايكولن محرم محمررات من طول للطول
ميسر_تردين مشكله هنا هم؟؟
6
أعياد_السانك بس عليه دباوع بت اخوك محمره ومكحله
فيحاء_الكحل رسول يستخدمه مايعتبر مكياج
7
أعياد_وحمرتها الجوزيه
اشواق_لون خفيف وتحديد هوه
أعياد_لاخوش تحترمن هل شهر
امي باوعتلي منطيتني كلينسه اخذتها ومسحت الحمره من حلكي شامره الكلينسه على صفحه
أعياد _سوتلها زينيه عود
14
خلدان_كافي !
فزينه كلنا على صوته تنهد وكام
خلدان_يلا امشوا نرجع
ماصدكت كمت بسرعه واول وحده صعدت بلعربانه بس حتى اخلص رجعنه للبيت اخذت جرجف اعلگه
منوه_ماما خو خلي برده موغسلتها
اشواق_وينها
منوه_بطرمه مشروره
طلعت لكيت هيثم كاعد على المرجوحه حس عليه رفع عينه جريت برده سريع ادخل وكال ..
هيثم_اشواق
وكفت بدون ما أندار
هيثم_راح ترحون؟
اشواق_هيثم كلام الكلته الي بنهار انساه
بلع ريكه شويه وهمس بغصه..
هيثم_ما اكوله بعد بلغلط اصلا كل...
35
قاطعته..
اشواق_مو من السانك... من گلبك
11
عفته ودخلت جوه علگت البرده وفرشتلهم بسرعه وصلوا باقيين داخلين
عذيه_اليوم من وكت فارشه شنو بعدنه مامتعشين حتى
اشواق_اني ماريد اتعشى
عذيه_لازم القبيله نفسج ولج خلينه نتسمم نزليها البرده نزليهااا اكلج
اشواق_اهووو بيبي
عذيه_چا وين نتزقنب متحجيلي
1
اشواق_ اي مكان اكلواا
عذيه_شني وين بلممرر نزليها خايبه
نزلتها مطنكره وهيه تهز بـ ايدها نمت بفراشي وباقيين سووا عشى وصبوا واني مغطيه حتى راسي منقهره
ظهير_عمو كومي اتعشي
سويت روحي نايمه وخر من وجهي الغطوه ورجعها
ظهير_خطيه نايمه بحجابها نبأ لو نايمه بغرفتنه
نبأ_والله مادري بيها حتنام
ردت انام صدك واجتني حكه بخشمي
اشواق_مو وكتج شنوهاااي يمه
بقيت شويه وماتحملت عطست
عذيه_خايبه كومي اكلي
23
بقيت مواصله عود نايمه واندفر
عذيه_كوووومي
2
اشواق_اريد انااام
عذيه_صارلج ساعه انخمد وانخمد وين انخمدتي
ماجاوبتها كايمه دخلت للمطبخ لكيت أعياد لازمه نسرين وتحجي بصوت ناصي
أعياد_دخل طير هيه وبناتها...
27
شافتني ونسرين نغزتها مبتسمتلي
نسرين_ها مانمتي
اشواق_عليمن تكولين خلي طير؟؟
نسرين_عيب اشواق اكبر منج هيه
2
اشواق_اذا نمشي بلعمر امي اكبر لازم تحترمها موتكول خلي طير
1
أعياد_دمشي ما احجي ويه زعاطيط
عافتني وطلعت بقيت اباوع مصدومه لحگتها
اشواق_هاي زعطوطه تشك حلكج لج انتِ تغلطين على امي
نسرين _اشواااق !!
أعياد_هاك عمي مي
اشواق_مو احجي ويااااج !!
أعياد_لاتخليني اكسر ضهرج لچ بكد قندرتي والسانج شطوله اشوف ابوكم شمركم من وره هل زرگه هايه !
27
ميسر_أعياااد اصعدي الغرفتج
زهير_شصاير
7
اشواق_تغلطين عليه اقبلها لأن ماعندج عقل واكول الوجه الله اسامح بس على امي فلا اقبل
عذيه_أعياااد
فيحاء_بقيت اباوع الاشواق ترجف من عصبيه بلعت الگمه بحلكي سريع كايمه وياهن.... شنو كالت
3
أعياد_منوكال عليجن والله يالله
اشواق_فيحاء سمعتها تكول خلي طير هيه وبناتها
فيحاء_ردت احجي وأعياد ذبت المي من ايدها كايله بعصبيه..
أعياد_اشووو كدامج ولي أنتِ وامج شتسوين
فيحاء_احترمي نف... قبل لا أكمل كلامي اشواق هدت تصيح
1
اشواق_وحق ابو علي اطبگج ويه نديمه أعيياد !!!
شالت الدولكه بيها مي
منوه_اشواااق لاااااااا
13
شمرتها قوي على رجلها نصها راح على الحايط متكسره الدولكه صار الهول عباره عن كزاز متكسر
2
بقينه كلنا مصدومين أعياد عاطت تكمز من الألم ورجليها اثنينهم تنزف
4
أعياد_لچ يييمه ررجلي يابوويه ميسررر
راحت تركض بطرمه متأذيه ماتعرف شتسوي
خلدان_هاي سواااايه اشواق !!
1
كالت متخبله..
اشواق_اليندك بـ أمي ويجيب سيرتها بلسانه انزفه هيه مو تايهه شايفين رجلهاا الخرگه عافهاا وابنها مويمها عبالكم اقبل تحجي عليها براحتها لاوالله اقبل اكعد بشارع ولا بيت بي ينحجي على امي
43
تحجي ومحترك دمها وجها احمر وفاتحه عيونها على حيلهن هلكانه تتنفس سريع انداريت الامي لكيتها مصدومه لازمه راسها
ركضنه وره أعياد تصيح وتبجي
خلدان_ميسررر خلي نوديهااا بسرعه يعالجوها
كعدت بلكاع تون وتضرب على الكاعيه قوي ملخه شعرها
أعياد_رجلي راحن حمووت !!
23
الساعه دكت 1الوحده بليل يلا جابوها للبيت ماتكدر تمشي بلعربانه دخلوها مطلعين كزاز من رجليها ولافين رجليها اثنينهن
رند وغرام هنه الكنسن الكزاز وكلنا كاعدين ساكتين اشواق مچتفه ايديها وكاعده تعلج
4
فيحاء_بقيت اباوع الأعياد حتى ماباوعت الأشواق خلوها تنام هل ليله بغرفه غرام ورند لان ماتكدر تصعد فوك بيبيتي ذبت عبايتها تباوع الاشواق
عذيه_لچ هاي دكه تسوينهاا خايبه صبيييع
اشواق_محد كلالها تحجي على امي
عذيه_وأنتِ ياهوه حجه على أمج تفشخينه !!
2
اشواق_طبعا
عذيه_لا اله الا الله حتسووودن من وراج حتسودن المره راحن رجليهاا راحن
5
اشواق_ترا جرح جم اسبوع ويداون نفس نديمه
2
عذيه_ابو علي ياهوه تكولين وحق ابو علي
اشواق_الأمام الحسين عليه السلام
15
امي نزلت تسأل على أعياد وميسر عمي ضايج وجه ثگيل عليها
منوه_شكد عيب
اشواق_عمي شبي هيج مثگل وجه
عذيه_لاا كومي بعد فشخي هاج كلاص وفشخي ابني
17
اشواق_أنتِ سأله على ابنج ستوج شفتيهم
منوه_اشوااق كافي لاتتوكحين
اشواق_امي من بدايه كتلج نروح
عذيه_لج وين نروح يابيت يريدنه ماتحجيلي
اشواق_بيت خال امي
عذيه_ايباااخ علساس شلونه الخال.. هاي وين
نسرين_مي الأعياد وضميتلها من العشى
11
عذيه_ماتباوعيلي اجيت تعبانه غير تنطيني اني هم مي
اجت كبالها صابتلها من دولكه بلكلاص شربته ذابه نفسها
عذيه_ولو يطكن بلاعيمي بس يخبل يزهر گلبي وره مصايب... باوعت الأشواق خازرتها
1
فيحاء_امي شنسوي هسه
اشواق_نروح مابقى هنا انا
نسرين دخلت للغرفه بيها أعياد دا نحجي وسمعنه صريخها متخبله
أعياد_وخرري دولكه من وجهي وخرييهاا
18
نسرين_مي الج أعياد حبيبتي
3
أعياد_كتلج وخررريها ماريد اباوعلهااا مارييد ميسر كللها
6
ميسر_اطلعي نسرين موهسه
1
باوعت الأشواق تمد راسها تشوفها
فيحاء_حرام عليج عوفيها للمره
جرت راسي للباب..
اشواق_ههههههه باعي ششعرها كناري
45
شفتها طلعت صابغه شعرها اصفر كناري واكف كيرلي وعركانه متمدده على جربايه وتبجي
3
فيحاء_خطيه
اشواق_خلي تروح بس تخوف بيه ام سحوره
1
فيحاء_وين مخوفتج شبيج اشواق
صفنت بوجهي شويه وغلست تباوع الأمي
اشواق_هسه شنو
منوه_خابرت خالي
عذيه_صدك تحجين واني
فيحاء_بيبي عيب نبقى وكل هذا سويناه
3
اشواق_ماسوينه شي بس اريد اروح لان لعبت نفسي من هل البيت وبيبي تجين ويانه
عذيه_دروحي وين اجي ناس غربه انتوا بلا تعودولهم اني شني
اشواق_يقبلون غصبا ماعليهم
اخذت كلاص بيبيتي
فيحاء_ماوصيج اذا ماقبلوا.. اشرتلها تشمره
2
اشواق_هههههه اش
منوه_بليل نطلع بدون مايدرون احسن
عذيه_الله كريم بعد.. بس ادري من وره هاي صبيع راح نصفى بشوارع
1
منوه_عمه ابقي هنا يم ولدج احسن
عذيه_خوش عوفه تعوفوني
منوه_لاوالله موهيج الموضوع بس ماريدج تبتلين بيه
عذيه_لاعلى كوله هاي صبيع رجلي على رجلكم
1
رفرفت بحواجبها مبتسمه..
اشواق_عاشت ذوذو
12
عذيه_ياا غمه ذوذو شني
6
ضحكنه وصار الفجر اجت امي كلتلي لبست عبايتي وطلعت لكيته واكفلنه
فيحاء_خالو شلونك
_ههلا بيج يلا استعجلواا يلا
3
هزيت راسي مكعده اشواق وماتكعد
فيحاء_يلا موخبصتينه راح نروح شنومج اشواق ماريد اعلى صوتي لايكعدون... اشواق
صفنت اباوع للبيت متنهده حاسه راح اشتاق للبنات واجواءه الححلوه الحنينه..
انداريت لكيت اشواق بوجهي صافنه فزيت منخرعه
اشواق_شبيج انخرعتي راح نروح اكلج
1
فيحاء_اي اي كوومي يلا
اشواق_كمت لابسه عبايه بيبيتي وهيه تصيح عليه ودردم اجت عيني على غرفه غرام ورند تذكرت بيها أعياد غميتهم غمه اخيره وطلعنه بيدي جنط
4
خليت الجنطه بصندوك وصعدنه كلنا بسياره باوعت الأختي جانت لازمه دموعها وماتحملت شبگت امي تبجي وتشهك
مشت سيارتنه انداريت اباوع للبيت وسيارته وكفت بابهم نزل بيده سترته وبزي دوامه خطف نضره بلغلط وانتبهلي رجع يباوع يتأكد طابگ حواجبه منصدم !
33
درت وجهي منه بسرعه بالعه ريگي طلعنه من المنطقه وفيحاء تبجي
اشواق_دكافي يمعوده
فيحاء_متعوده عليهن
سكتنه وفزينه كلنا على صوته
قاسم_شبيهااا هاي شبيهاا
16
عذيه_اسم ربك الهي
4
منوه_ياهيه خالو
قاسم_هاي بنتج راسي دااااخ دسكتيهاا
23
امي أشرت الفيحاء تسكت هيه بقت مخليه الكلينسه على شفايفها بقيت اباوع للجام هازه ايدي
اشواق_لامبين من اولها شنو راح نعيش... كلها مخابيل لو شنو استغفرالله ربي
4
باوعت من مرايه مال سايق شفت عيونه عاگدهن ويفرك بخشمه لعبت روحي دايره وجهي بسرعه
17
ماصدكت وصلنه ونزلنا جان نهار ستوه طالع هوه طبگ سيارته ونزل وكف ويانه يباوع على بيته
قاسم_الله شنو هذا البيت
10
اشواق_ها
قاسم_ادري مخابيل صافنين علي ادخلواا يلا
عبرنه ودخل..
عذيه_خايبين مسودن هذا ههههههه
21
ضحكت ويه بيبيتي ودخلنه جان عباره مطبخ بطول وصغير كلش وعلى طرف حمام وههوه تواليت وهول وغرفه وحده
مرته نايمه بلهول دخلت بيدي جنط وهوه كلشي ماشال شمر روحه على صفحه نايمين بلكاع ونام
حجيت بداخلي...
اشواق_دخيلك ربي هاي شنو سعلوه ليش هيج فكها ولغلوغها واحد
10
انخرعت من خال امي رفع راسه فجأة
قاسم_مادخلون للغرفه هناك استغفرالله استغفرالله
11
اشواق_رايحين رايحين خالوو
هز بـ ايده مدردم بصوت ناصي نايم على جهه لخ
دخلنه للغرفه سادين الباب بيبيتي كعدت بلكاع ذابه شحاطتها
عذيه_ها ولج اشواق ارتاحيتي هنا؟؟؟
فيحاء_همه موعدهم فلوس؟
4
عذيه_ياااا دشوف هاي يحظي ههههههه تهي بهي خلي انام احسن الي اشوف سالفتجن وين توديني بنهايه
اشواق_اني معليه
5
كلهم باوعولي فاتحين عيونهم
اشواق_سكتنه وياكلمه ردي المكاانج
2
عذيه_اي
فرشنه بلكاعيه سادين الباب ننام شويه وكعدت فيحاء فزت تباوعلي
اشواق_جوعانه
فيحاء_عيب ناس مانعرفهم
اشواق_لعد ما ناكل
فيحاء_انطي صبر نامي هسه
اشواق_مدا يجيني نوم
فيحاء_اكيد اذا خلصتيها نوم هناك وبسياره
اشواق_نمت شويونه بسياره فيحاء كومي يلا جوعانه
فيحاء_اشواق اريد انام نعسانه والله مو أنتِ شبعانه نوم وجايتني
اشواق_اهوو
عافتني ورجعت نامت بقيت بوحدي لازمه بطني وضايجه رحت الأمي شابگه فاقد ونايمه
اشواق_ماما اكعدي حبابه
منوه_شكو
اشواق_ماكو شي بس جوعانه
منوه_ماما شوفي شنو بثلاجه واكلي
اتنهدت طالعه من الغرفه امشي على اطراف رجليه لكيتهم بعدهم نايمين ردت افتح الثلاجه ومتنفتح دفعتها قوي وطلع صوت عضيت اصبعي
باوعت بس بيها ثوم وخبز وعلبه صفره جريتها مخليه شوي ب اصبعي مجربته لعبانه روحي
اشواق_اكو احد يخلي زيت بثلاجه
سوزان_شتسوين؟؟؟
7
انداريت بسرعه لكيتها كبالي تخرع وتخوزر نوب
اشواق_جوعانه
سوزان_ستوج اجيتي ونعستي.. جرت العلبه من ايدي مأشرتلي... يلا روحي نامي دنيا صبح هسه بعدين تكعدون تتريكون
16
ركضت بسرعه للغرفه متمدده بقيت اتگلب جوعانه اتذكرت الاكل بيت جدو
اشواق_لو متعشيه
4
بطني كامت طلع اصوات واني انتضر لحد مابديت شوي اغفى ودخلت مكعدتنه كمت لابسه حجابي
منوه_مايحتاج خالي هذا
اشواق_اتعودت
منوه_براحتج گلبي
لبسنه حجابات وكعدنه على سفره مخليه بس علبتين جبن مفتوحات وجاي
سوزان_عافيه ان شاءلله
11
عافتنه وكعدت على جهه تكصكص اظافر رجلها امي ابتسمت وسوتلنا لفات جبن اكلنا اول ماكملت لفتي كالت
سوزان_عمري اذا كملتي شيلي الأكل
هزيت راسي وشلتهن كعدت شويه واجتي بيدها وصله
سوزان_ححبابات فحياء
12
اشواق_فيييحاء اسمها
سوزان_أيي شي هسه هاج الوصله امسحي الغراض وأنتِ ام السان شسمج ماتذكر؟
5
اشواق_سبحان الله اليسمعج ما اجيتي زعلانه البيتنه
2
بهتت ملامحها بالعه ريكها
سوزان_تذكرت اشواق اسمج اي اغسلي طرمه
اشواق_تعبانه هسه انا ارتاح وعود الله كريم
سوزان_كومي لاتجادلين شنوهاي شو أنتِ مو على امج نضيفه؟؟
4
اشواق_الحمدلله وصخه انا
15
قاسم_اشواق خالو يلا اغسلي طرمه ساعدوها المرتي
5
دنكها لازمها من ركبتها بايس خدها وهيه لعبانه روحها همست
اشواق_حقها ماتحترمك... اطول منك
10
هزيت ايدي كايمه معلگه الصونده وبديت اغسل دقايق وسمعت فيحاء صاحت
_امي !!!
12
ذبيت الصونده ومكناسه من ايدي داخله جوهه..
____
عَــــــشير:-
89
نزلنه معدل جنطتي
مسلام_ولك متنه شنوووووهاااااي بويه
عشير_هههههههه لك ماشفت التعبان ذاك يوسف
مسلام_يامشفته غير صلبخ عيني ادري مايعرف شي اسمه صابون مي ولك عماهن العيني دباع
وكف كبالي يلزم بعيونه فاتحهن لزمت كبات رجلي اضحك من كل گلبي
مسلام_خو الجواريبب بويه لحد هسه ريحتهن بخشمي
1
عشير_اني كمت اشكك بروحي كل شوي اشم نفسي
مسلام_ياخويه احمد ربك انت بعيد اني حظي خلاني فوكاه بجربايه منا وهيج ادفر بجربايه بلكت اوكع على صماخه واموته
12
دك الباب وطلعت امه باستنه فرحانه بينه تهلهل
ام مسلام_نورر البيت بوجودك عشيررر
مسلام_بياع خضره اني هنا شنو يوم
ام مسلام_اسكت انتَ تعال حبيبي عشير
12
جرت وجهي تبوس بيه ضحكت قافل عيوني من شمس
مسلام_رجال شكبره تبوسينه دباع نوب تكرص خده صدك جذب
جريت راسها بايسه
عشير_شلون صارت ايدج حجيه
ام مسلام_من باوعت الطولك رددحت دباع
رفعت ايدها تحرك بـ اصابيعها جريت ايدها بايسه
عشير_الله يحفضج وينطيج صحه
ام مسلام_اروح فدوه للعيون العمص
34
عشير_هههههههه
1
جرتني معلگه سبحتها بركبتي دخلت جوه متحمحم
ام مسلام_ماكو احد ابني ادخل
مسلام_المن اتحمحم الخالتي لو اليه
1
غمزتله..
عشير_الك سمسمي
16
مسلام_خرب لششتك
14
بدل ملابسه واني رحت سبحت باوعت الروحي بلمرايه الحمام معدل شعري اليوره
عشير_يا امي يا ام الوفا ياطيب من الجنه
ياخيمه من حب ووفا
جمعتنا بالحب ڪـــــلنا
15
لبست فانيلتي مكمل متلمس ندبتي
عشير_ياماي عيــوني امي... گلب هالبحر امي
2
اندك الباب وطلعت
ام مسلام_هذا يصير على كدك
عشير_جبير خاله
ام مسلام_لايصير ماشاءالله أچتافك عراض
ضحكت ماخذه ماكاسر بخاطرها
ام مسلام_صبيتلكم غده
كعدنه كلنا بلكاع ناكل مسلام ضرب البصل بيده منطيني نصه عضيت منه
عشير_دا تقلده
2
مسلام_دخل يمشي الكلب شقلده بلوصاخه
ام مسلام_عشير ابني شعرك لاتعوفه يذب مي هيج نازل على وجهك مشطه
عشير_صار تددللين حجيه
مسلام_ما راح تنزل تشوف امك
عشير_اليوم ارتاح وان شاء لله باجر
5
سبحت تباوعلي مبتسمه..
ام مسلام_مشتاقلها
عشير_حيل حجيه حيل... حتى انفاسها احب اشمهن
3
مسلام_الله
عشير_ انجب
6
ام مسلام_الأم عزيزه وليدي
كملت اكلي كايم مغسل دخلت للغرفه متمدد بفراشي صافن دخل مسلاام ينشف بلخاولي
مسلام_هسه تلكاهم ناسينك
عشير_اخخخ
مسلام_توجع
5
عشير_ههههههه دنجب هوه صارلي خمس اشهر مو خمس سنين مانازللهم
كعد مشغل جكاره وشامرلي وحده..
مسلام_ابوك شنو تصالحت وياه لا
ورثتها هاز ايدي
عشير_اي بلحلم تصالحنا
مسلام_وهذيج شنو وضعها
رفعت عيني مبتسم
عشير_عود ياهيه؟؟
مسلام_ههههههههه كواد عليه خرب باع الضحكه انرسمت عليك
32
عشير_دنجب يلا موضحكنالك
مسلام_وين ضاحكلي ضحكت على موضوعها الأخت
عشير_اخخ مسلام اتمنى طير انا
مسلام_***؟
53
كمتله خازره ضحك رافع ايده
مسلام_اشاقه والله
عشير_ااكسر ايدك
مسلام_نشاقه شنووسالفه عشير اي كمل تريد تصير طير
عشير_دمشي لك فلا اكمل
مسلام_وداعت عيونك عمص اشاقه
عشير_يابه دطير
2
صفن كاتم ضحكته خزرته شامر المخده وهوه تمدد يضحك قوي
عشير_السانك زفر ابن الحلال
مسلام_عود تروحلها للشباك؟
عشير_رايحلها هسه شعندي قابل
1
مسلام_عش عصفوري موعندك اني ماتگابلني بربك
عشير_احمد ربك 15يوم مگابلك ولك هنا اجي بس ابقى اشوف امك لأن بزعت روحي منك
مسلام_طاح حظك هيه هاي صداقه افا عليك مو صاحبك متصوب
عشير_بزايد
كمت مخلي عطر ولابس جورايب وحذاء
هوه طلع ايده المنجرح بيها
مسلام_ااخخ متصوب
عشير_متصوب بلحرب شنو
مسلام_لابتدرييب
1
عفته وهوه يصيح وراي طلعت لابس شفقتي متلمس شواربي معدلهن طريق بيتهم طويل بس امشيله متعنى..
شافني الحجي ابو المحل وضحك
_نزلت عشير
عشير_اي والله عمي
بقيت اباوعله واضحك هوه افتهم دخل جوه بمحله بيده جريده مالته شلت حصوايه وشمرتها على شباكهم
انتضرت شويه مخلي ايدي بجيوبي وانفتح الشباك طالعه ابتسمت حيل صافن بيها
29
_عَشير اجيت !
9
عشير_عيونه، روحه العشيــــر .
177
يتبع...
