رواية ندبات الملا بابل الفصل الرابع 4 بقلم زينب جعفر

صلوا على محمد وال محمد

"قراءة ممتعه"

3

​⊱━━━━⊰✾⊱━━━━⊰

2

اشواق:: دخلت جوه ولكيت امي واكعه بلكاع مغمى عليها ركضت بسرعه صارخه بخوف ... يمه يممه شجاج اكعدي حبيبتي

10

اجت بيبي على صوتنه شافتها ذابه سبحتها على جهه واجت تصيح علينه

عذيه:: فيحااء مي مي بسررعه

6

هزت راسها كايمه واني وبيبيتي حاولنه نشيلها خليناها على الكرويته بقيت اضرب خفيف على خدها احاجيها اريدها تكعد وبيبيتي تلوب

3

فاقد:: شبيها ماما

4

باوعتله متچي على الحايط ودموعه بعيونه

عذيه:: دا تخوفينه بنتي كومي اخذي للغرفه وسدي الباب

3

اشواق:: وامي شلوون

1

عذيه_اني وفيحاء يمها كومي يلا

2

بقيت كاعده وعيني على امي روحي تلوب عليها

عذيه:: باوعيله شلون منخلس ولچ كومي

14

باوعت الفاقد خايف حيل كمت ساحبته من ايده

اشواق:: تعال ماما تريد تنام

3

فاقد:: لاتجذبين ماتت

26

اشواق:: لا اسم الله مابيها شي هيه لأن تعبانه نامت فجأة هسه تكعد وتلعب وياك

10

عرفته ماقتنع بكلامي بس سكت يباوعلها دخلته للغرفه وفيحاء ركضت بيدها ترش على وجه امي لعل وتصحى اني سديت الباب

8

كعدته على فراش امي مبتسمه

اشواق:: كلي يابطل اليوم اخذك اشتريلك؟

7

فاقد:: بابا ياخذني

2

اشواق:: شنو؟

2

فاقد:: سمعت المره البره تكول الأمي حنون يريده

29

بهتت ملامحي صافنه مامستوعبه

فاقد:: اختي ماريد اروح مثل عشير اريد ابقى يمكم احميكم

21

اتقرب شابگني قوي واني بس دمعي ينزل بهدوء على خدي حاسه گلبي منعصر ما اتخيل اصلا انو ياخذه من عدنه لهدرجه وصلت حقارته اليوم اجينه شبسرعه درى وقرر هل قرار !!

6

فاقد:: اشواق ماراح تخلون بابا ياخذني مو؟

6

لزمت خده مبتسمه واكعه دموعي على خدوده

اشواق:: مانخلي ماانخلي تبقى يمنه

4

فرح مكومني

فاقد:: خلي نلعب

3

اشواق:: شوية ونلعب عمري هلكانه هسه

فاقد:: بس محسن جان يلعب ويايه

2

اشواق:: اشتاقيتله؟

2

فاقد:: اي احبه هوه وهيثم وثامر وحتى عبودي

6

اشواق:: ياهوه عبودي؟

1

فاقد:: عبد... رفع عينه يحاول يلفظ اسمه.. عبد طلااا

15

اشواق:: عبد المطلب

1

فاقد:: ايي هوه... تدرين وكلوني اهواي فواكه طيبه وهيثم يشيلني على ضهره سويته حمار لزمته هيج من اذانه

29

قلدلي لازم اذاناته اثنينهم ضحكت بايسته..

اشواق:: اكول ليش ما ألكاك كبالي طلعت ملتهي وياهم

2

فاقد:: اي وعمو شبح هم

5

اشواق:: ها؟

1

فاقد:: عموو شبح العنده هيج شوارب.. قدم شفايفه اليكدام ماخذ خصله من شعري مخليها عود شوارب وطابگ حواجبه... وهيج معصب

11

اشواق:: أرقب؟

5

فاقد:: لاعمو شبح اشترالي كووومه حلويات اكلناهن كلهم انا ومحسن وثامر

10

اشواق:: انتوا زعاطيط ثامر شنو

10

ضحك بقى يسولفلي عنهم واني بالي يم امي حاولت اندمج ويه سوالفه وانسي جريته منومته بحضني

فاقد:: بس اني ماريد انام

2

اشواق:: لاكمل سوالفك هيج اللعب بشعرك اريد

2

هز راسه مكمل كلامه هزيتله برجلي لحد شوي شوي بده يغفى ونام خليته بلفراش وطلعت على كيفي ساده الباب لكيت امي كاعده بكوه يشربوها المي ركضتلها كاعده جوه رجلها ساحبه ايدها بايسه باطنهن قوي..

اشواق:: أروحلج فدوه لاتزعلين نفسج

2

همست مهدود حيلها..

منوه:: حنون... حنون

15

عذيه:: شبي المثروب شبي شجاج ولج راح توكعين مره ثانيه منوه

6

تريد تحجي ماتكدر راسها بكوه ترفعه جريت مخده مخليتها جوه راسها وكلت برود عكس غليان بداخلي..

اشواق:: يريد ياخذ فاقد

5

بيبيتي شهكت بسرعه لاطمه على خدها وفيحاء وكع من ايدها الكلاص مصدومه

عذيه:: شنوو شمدريج بيبي

2

اشواق:: فاقد كلي

4

عذيه:: خايبه منوووه صحيح هل الحجي كوولي

3

مانطقت بكلمه بس هزت راسها بـ أي..

عذيه:: شحده اكسرلج رجليه وحق محمد

4

فيحاء:: زين شمدري ابويه احنه هنانه

3

انداريت عيني على باب المطل على الطرمه ودخلت هيه كاشه وجهها بيدها المكناسه متبلله

اشواق:: هيج احنه ثگيلين صبح اجيناهم وضهر علگتها

3

فيحاء:: نعلعله ابوهاا شنوهاي صدك تحجي

2

عذيه:: اخ منج اشواق

5

اشواق:: اذا على موضوعي ويه أعياد مامتندمه ابدا لو يرجع الزمن هم اكتلهااا

6

عذيه:: بس هناك احسن من هنا بنتي بعدنه ستونه اجينه وامك ضاكت المر

2

اشواق:: يخسى اليضوكها مر امرررعده

8

فيحاء:: صح اهون امي تقبلها احد يحجي عليها تكول هوه وربه بس من توصل يمنه ماتقبل

6

اشواق:: واحنه هم من توصل يمها مانقبل

3

عذيه:: وهسه ياخذ حنون ضناهاا؟ !

3

اشواق:: فلا اقبل

دخلت سوزان وشافت الكلاص متكسر بلكاع صاحت تريد تبجي

سوزان:: هاي ليش هيج منو كسره !

8

فيحاء:: اسفه والله هسه ألمه

6

سوزان:: ولكم كلاااصي ماصارلكم ساعه من اجيتوا وكسرتوونه حرام عليكم

15

اشواق:: على كيفج عيني هوه كلاص؟؟

3

سوزان:: أنتِ ام السان والله امرمر اعضامج اسكتي من...

10

قبل لاتكمل كلامها كامتلها بيبي خازرتها

عذيه:: سوزان وازني اخلاقج ويه حفيداتي تره والله اخابر حنون هسه اخلي ينقلون قاسم للحدود

12

سوزان:: لاعلى بختج خاله مثل بناتي هنه بس تقبليها يكسرن الكلاص وكل وحده السانها شطوله عليه

10

عذيه:: احجي وياهن بأدب يردنج بأدب اني مربيتهن وشايلتهن بأيدي وهنه عمرهن يوم ماقبلج تصيحين عليهن

7

ضاجت تباوعلنه عافتنه ودخلت للمطبخ محترگ گلبها اختي كعدت تفكر بموضوع فاقد واني شابگه امي وعيني على بيبتي لا أرادي نطقت..

2

اشواق:: شغيرج؟

9

باوعتلي بسرعه مستغربه

عذيه:: شني ولچ؟

3

اشواق:: موماتحبينه

3

عذيه:: ياهوه حجه هيج صمخه

5

اشواق:: مادري اسلوبج ويايه بيت ابنج..

3

عذيه:: اشش كافي

5

عافتنه ودخلت للغرفه يم فاقد باوعت الأمي ساكته وجه باهت بستها امسح على أيدها

اشواق:: ماخلي ياخذه صدكي

2

منوه:: هذا حنون

6

اشواق:: الروحه

6

باوعتلي وعينها كلها دموع

منوه:: من يريد شي ياخذه.. راسه يابس

21

اشواق:: حتى ما اخلي يباوعله صدكي هوه راد نديمه خلي هيه تجيبله زعاطيط عود

4

فيحاء:: اني هم اصيرلج سداد امي

4

ضحكت امي جارتنه شبگناها اثنينه باست روسنه

منوه:: الله يحفظكم اليه ويرزقكم بزوج الصالح

4

فيحاء:: مؤمن كون

5

اشواق:: انا اريده سرررسحي

90

ضحكنه وامي سكتت شويه وهمست بحزن

منوه:: حبيب الشريان شوكت يردلي

8

اشواق:: يجيج وهوه يطلعنه من هذا الضيم

10

فيحاء:: شنو راح يسوي من مايلكانه بلبيت

2

اشواق:: راح يسأل ابويه

1

منوه:: بس لا ابوج يتعارك وياه سوده عليه

2

اشواق:: لاا متأكده بوكتها راح يبقى يدور علينه ويجينه

2

فيحاء:: مشتاقتله عشير

3

اشواق:: ادري... ههوه هم مشتاقلنه

2

منوه:: لازم نروح منا

3

فيحاء:: ليش

2

وخرت من عدنه تمسح دموعها

منوه:: لايجي ابوكم ماريد فاقد يروح مني اموتن والله واموتن نفسي هوه

7

فيحاء:: مالازم نروح عشير اكيد من يدري احنه موبلبيت راح يجي هنا وياخذنه

2

بقينه وحده تباوع للخ بحيره

فيحاء:: يا عشير.. يافاقد

4

اشواق:: محد يروح محدد

2

سوزان:: ماعدنه مسواك فا اعشيكم ان شاءلله وتنامون

11

فتحنه عيونه مصدومين ندري عندهم فلوس اعرفهم زين يجونه وندري بحالتهم

منوه:: أبني صغير مايتحمل

2

سوزان:: والله اني مامجبوره اصرف على احد منوه شبيج عود أنتِ الفاهمه وجايتني

5

اشواق:: من جنتي تجينه ماذكر اكول مامجبورين نصرف عليج؟

3

سوزان:: حبيبتي ابوج هلللكد عنده فلوس كلها تدري بي زنگيل وين اني ماخذتلي المعتر خرب حظي اي والله

7

باوعنه الأمي تأشرلنه نكوم للغرفه رحنه واحنه بداخلنه كسره نشوف ثگلنه على الكل ليش ابوي ماصارلنه السند والأمان بحنانه وبيته ليش خلانه نفتر بلبيوت منهانين

12

كل هل لحظات التصيرلي وكرهي الأبوي يزيد وافكر وتعيد مشاهد بالي وما ألكى جواب دائما اكول ليــــش؟..

5

سوزان:: ياريت ماتكولون العذيه تصيرلكم محامي وتعوف رجلي بحاله

4

ردت اجاوبها وامي لزمتني سكتت ساده الباب لكيت بيبيتي متمدده يم فاقد وبيديها سبحه تسبح

باوعت الأمي وابتسمت معدله كعدتها

2

منوه:: عمه ارجعي الولدج

3

عذيه:: اهوو رجعنه موكت...

2

قاطعتها امي تحاجيها بتوسل والغصه بزردومها..

منوه:: الله يخليج ارجعي

2

عذيه:: شنو يمه ضايجين مني؟

4

امي بقت تلح عليها وبيبيتي ماتقبل تكول رجلي على رجلكم وترجع متمدده دريت امي بالها شي ودا تحاول تقنعنها

3

حجيت برود

اشواق:: بيبي خوما ابتلينه بيج ارجعي يا ويه ابنج حنون يا خابري ظهير ياخذج

25

سكتت حتى اصابيعها وكفن من تسبيح امي واختي اندارن عليه مستغربات من الكلام الكلته والله ماريد احجي هيج بس حتى تقتنع هيه وتروح ابدا ماريد اكسرها بس ماجانت تقبل الا هيج..

6

رادت تجاوبني مبتسمه وسكتت عيونها مدمعات شوية وهمست بصوت مبحوح تأشر بيدها

عذيه:: علمودكم انا بيبي ماعوفكم لو حنون وظهير يردوني ارجعلهم

14

اشواق:: اي ارجعي وكفتج ماننساها

15

امي ماحجت بس تلوب وطكطك بـ اصابع ايدها عيونها على بيبيتي تخاف لاتبجي

عذيه:: شعندي انا.. هذا هوه اذا ماتردوني... كالتها وبجت مكمله... عادي اروح

32

امي ماتحملت طالعه من الغرفه تبجي وفيحاء كعدت على جهه ضامه وجها بيدها بقيت واكفه مبتسمه بكوه

اشواق:: راح نشتاقلج .

3

رجعت اليوره طالعه للطرمه مختنك صدري اخذت نفس قوي ماسحه دموعي

اشواق:: هاي ليش هيج دا يصير ويانه ياربي

5

دنكت مسنده على رجليه مخليه ايدي على خدي بحيره افكر وعيني على السماء سمعت صوت اغنيه

استغربت كمت دورت على مصدر صوت وشفت ولد الجيران واكف على السطح ويغني ختلت على جهه حتى مايشوفني متنهده

اشواق:: انا مفطور گلبي وهذا يغني .. هوه اني حزني صار موالي !

6

دخلت جوه كاعده والخوف كاتلني على امي واخويه من ابوي ومنقهره على بيبيتي..

ماحسيت على روحي ألا غفيت بمكاني وفزيت على ضربتها

اشواق:: هاي شبييج؟

3

سوزان:: ماعدنه نسوان ينامن كومي يلا كوومي

13

استغفرت وهيه دردم رحت الأمي لكيتها لازمه راسها وبيبيتي منطيتها ضهرها زعلانه

منوه:: اشواق ماقصدها تكول هيج

3

عذيه:: نفس كلامج بس أنتِ نعم الله عليج جاملتيني

2

اشواق:: بيبي ترا انتِ عزيزه علينه

7

عذيه:: اي وابتليتوا بيه موو صبيع

4

اشواق:: اني كلت هيج حتى ترحين

3

عذيه:: وليش تردوني اروح

3

اشواق:: بيبي مالازم تبقين ويانه بهل عيشه

4

ماجاوبتني صرت كبالها ودارت وجها مني مطنكره

اشواق:: هسه احنه بدون غده عافتنه و اول يوم النه شتسوي بينه باقي الأيام

5

عذيه:: خلي نرجع كلنا بيت خلدان

3

اشواق:: مانكدر بيبي

2

عذيه:: والله العيونج منوه اكسرلج ضهرها

9

منوه:: عمه هوه اني اضوج من تكولون هيج المره بيتها شنو عمي يكول تطلع ونبقى هيه

3

عذيه:: لازم تفرحين؟

منوه:: لاعمه الموضوع صار أنعاد وحتى نفس الكلام الصار وماقبلها انا

1

عذيه:: مافهمت قصدج منوه؟

3

كالت مبتسمه بكسره..

منوه:: كلهم يطلعون وأنتوا تبقون

4

بيبيتي افتهمت..

عذيه:: قصدج حنون من سواها

4

منوه:: الله يصلحه

3

عذيه:: بس مونفس الموضوع منوه ذيج تريد ابني وهيه غلطانه الحيوانه بس انتِ دره مال الله ماغلطتي وياهم واصلاً كلهم يحبونج هيه أعياد غلطت

5

منوه:: حتى لو يبقى بيتها وهيه الأحق الها بي

3

عذيه:: منوه لاتصيرين كلش

1

منوه:: ماكدر عمه أبني سعادتي ويخسرها غيري

5

عذيه:: لاتسودنيني ترا مامسويتلها شي أنتِ

8

منوه:: بيا وجه أگابلها واشواق كسرت رجليها احمدي ربج ابنها ماجان موجود

7

اشواق:: شيسوي مثلا افشخه هوه ثاني والله

5

عذيه:: كافي تأدبي اشواق

2

سكتت ضايجه..

فيحاء:: أمي ملابسي غاسلتهن نسيت اجيبهن

1

منوه:: بعدين اجيبلج غيرهن

2

عذيه:: لاملابسها يرجعن

2

فيحاء:: وفاقد ناسي لعبته هم هسه مامنتبه بس اذا انتبه يخبصنه بجي

1

منوه:: اي نحس بـ العابه

2

عذيه:: ربج كاتبلنه نرجع

9

منوه:: مارجع عمه لاتلحين عليه حبابه

2

بيبيتي بقت تحاول وياها وامي مصره ماترجع

منوه:: اني مونديمه

6

اشواق:: حشاج من هل زباله

2

عذيه:: ولاتصيرين لج انتِ بحساب بنتي اخلاقج وندارتج محد يوصللها ماجيب اسمج يم اسمها اصلا شنو هاي تروحلج فدوه منوه

8

منوه:: واتفقنه انا وابوكم

2

كلنا باوعنالها خايفين

منوه:: راح يعوفه يمي اسبوع وياخذه يمه

6

فيحاء:: عود صدك؟؟

2

اشواق:: ياخذ منوو فاقد !!

2

منوه:: احسن اله هناك يم ابوه

5

اشواق:: وتعوفينه يم نديمه الحيه

1

منوه:: وينام جوعان؟

10

اشواق:: امي والله عشير يجي وتنحل كلشي الله يخليج لاتسوين هيج

3

منوه:: بين مايجي اخوج ميتين احنه شنو ذنبه هل مسكين يبقى جوعان بلا احنه نتحمل وهوه؟

4

فز فاقد على صوتنه امي جرته شابگته طبطب على ضهره وتردد... اسم الله ابني نام نام..

اشواق:: انا اشتغل

4

عذيه:: شتمسلتين؟

1

اشواق:: عادي بين مايجي اخوي عشير راح ادور شغل واجيب فلوس واشتري بيهن اكل عادي

3

عذيه:: بنتج كامت تخربط هههههه صدك تحجين؟

3

فيحاء:: اشواق شبيج

1

اشواق:: اي شي اسوي حتى مانرجعله اصبرولي شويه واشتغل لا ليش تصبرون تردون من هسه اطلع؟

2

عذيه:: انتِ تنضيف وبكوه تنضفين ياشغل

3

منوه:: بره وحوش بنتي البنيه مومال شغل و وحدها

2

اشواق:: ليش شنو فرقي عن ولد صغير يسترزق؟

3

عذيه:: ولد صغير او زلمه عادي بس أنتِ بنيه مو ألج شغل

2

اشواق:: ليش اهواي يشتغلن

3

عذيه:: بيبي الوادم بره حيوانات ذاك من ذاك تلكينه ابن خير وحلال اكثريتهم من يشوفونج يتحارشون

7

اشواق:: يعني المشكله بشكلي؟

4

فيحاء:: اشواق شيلي هل فكره من بالج

1

اشواق:: والله انتوا شيلوا موضوع فاقد يروح من عدنه اني أستجن

3

منوه:: بنتي ذاك ابو

3

انداريتلها وضحكت بـ أستهزاء

اشواق:: سمعتي فيحاء امج شكالت ابو !! هههههههههه ليش مو احنه الأشهر مايدري بينه ولاسأل

3

هزيت براسي اريدها تجاوبني كمت احجي ومحترگ دمي

اشواق:: ولحد هسه درى بينه هناا اسأل تدرين شنو سوووه اول شي هل أب العضيم؟؟ كال شنو اليقهرهم هممم خلي اخذ فاقد منهم مو؟

6

عذيه:: كافي اشواق بيبي

1

اشواق:: لاليش كافي موانا عندي اهواي اسأله شبيكم هاا كلولي ليش تحبون تخلون ناس تهينه

2

منوه:: منو الهاينه؟

1

اشواق:: نبديها ب أبويه وتنتهي ب أبويه لو بيبيتي منطيته تربيه ما اتعامل ويانه هيج

باوعتلها رافعه حاجبي

اشواق:: موهاي جدي خلدان جم ولد رباهه من عفتي اربعه ارررربعه ولد واثنين بنااات من غير اولادهم والأحفاد هم كليلي بيبي ليش هذول الأربعه مايشبهم ابونه رغم هوه اخوهم كليلي

بجيت وكلت بعياط لاطمه على فخذي

اشواق:: عمي ظهير ورشيد وميسر وزهير كليلي ليش كلهم واحد يحب الثاني ويحبون عوائلهم ماعدا حنوووون ماطلع عليهم ولايحبنه وحتى غرام ورند حبابات عماتي

4

عذيه:: اشواق..

اشواق:: ابنج مادور عليج من عفتي البيت رغم اخذتي من بين جهالج السبعه وعفتي سته على جدي بدون ماتسألين رحتي وبعدين من باوعولج رغم انتِ عفتيهم شسووا

6

طردوج؟؟ طبعا لا بقوا يبجون ويبوسون بيج لحد اخر لحظه ماخلونه نطلع ويتوسلون بينه وطلعنه بدون مايدرون لو يدرون هم مايخلونه نطلع

تباوع الأمي وتبجي

اشواق:: ليش تبجين كليلي هل واحد ماكدرتيله وكلهم حاسديني علي ابووووج زنگيلل فلوسه تغطي الشمس موو وحنانه؟

2

اذا فلوسه هلكد حتى بيته ماخلانه بي رحمه ماعنده انا دا اتخبل شلون تردون تخلون فاقد يمه

1

منوه:: ابنه

14

اشواق:: ومن اول بلاء من ربج تذبين ابنج يم انسان ذره رحمه مابداخله؟

منوه:: علموده والله اشواق انتِ مو أم ماتدرين گلبي شلون دا يحركني هسه مجمر علي

1

فيحاء:: اشواق كافي فاقد خاف

اشواق:: اريد اكمل.. من تذبينه ماراح يدللهه ههوه ولدتي حتى ماباسه ولا اجه شافج اصلا يعني فاقد راح يفتقد حنانج وحنان الأب والله يعلم نديمه شتسوي

عذيه:: خلي يجي ويايه بيت خلدان

فاقد:: ماريد

سكتت كاعده على جهه راسي يأذيني من صياح وگلبي يدك سريع مامنتظمه أنفاسي

منوه:: احرك روحي احسن

11

فيحاء:: امي الله يخليج لاتفكرين هيج

منوه:: تعبت ليش هيج حياتي شمسويه من ذنب انا

اشواق:: هذا موبلاء... ربج يريدج تصبرين

منوه:: شسوي هسه كليلي

باوعتلهم كلهم صافنين عليه منتضريني احجي

اشواق:: ليش مو أنا الزعطوطه الماتسمعولها وكل كلامها غلط؟

2

عذيه:: والله تحيرين أنتِ

3

اشواق:: مو أحير بس كلامي كله صحيح من قبل وانتوا استهانيتوا بيه من قبل اكول الماما لادللين رجلج كلش لان هوه مايشوفها محبه بلعكس يرفع خشمه عليج بزايد وأنتِ بيبي كتلج احمد ربي واشكره ماخذتيهم كلهم ربيتيهم

12

عذيه:: شكد ادبسز

اشواق:: لعد باوعي واحد اخذتي ربيتي وهيج سوهه بينه من صدك نعمه عضيمه هايه عمامي وعماتي رباهم جدي

منوه:: اشواق عيب بيبيتج هايه

صار هدوء وفاقد كام جار راس بيبي بايسه ابتسمتله مكعدته يمها

فاقد:: ماريد اروح انا

ماجاوبناه هوه انتبه

فاقد:: بيبي

عذيه:: عيني

فاقد:: صدك البريعصي يجيب لو يبيض

44

استغربنه كلنا من سؤاله هسه وضحكنه

عذيه:: انتَ شتكول

فاقد:: يجيب

عذيه:: هذا هوه يجيب البريعصي

اشواق:: هسه شنو

منوه:: بعد كلت الأبوج ماكدر امنعه بنتي

اشواق:: وبيبي؟

عذيه:: حروح انا

انداريت الفيحاء منقهره لكيتها صافنه على بيبي وفاقد شلون يلعبون وتبجي انتبهتلي ومسحت دموعها متمدده منطيتنه ضهرها

اشواق:: هيج انا ضعيفه وماكدرت احميكم بغياب عشير اخويه ..

5

رحت ناحيه الشباك كاعده بلكاع فاتحه شوي البرده اباوع للشارع مابي ولاطير وشمس طلعت بحرارتها العاليه فكرت بيني وبين نفسي

اشواق:: ماخليهم.. رب العالمين راح يجمعنه بس موضوع يحتاجله صبر اشواق

1

اذن الظهر وكمنه اتوضينه نصلي كلنا وفاقد يشبگ بينه ويفتر حوالينه فرحان احنه بكوه خافيين ابتسامتنه مكملين صلاه

سجدت وهوه صعد على ضهري شابگني فكيت عيني طالعه روحي هوه يضحك

اشواق:: الله اكبرر

5

فيحاء خلصت صلاه وكامت موخرته مدمعه من ضحك اني كملت وسجدت داعيه الربي من كل گلبي انو ننجمع كلنا واكدر اشوف الفرحه بعيونهم مره ثانيه ..

2

فاقد:: لعبووووا وياييه

اشواق:: ولك ليش ماتخلينه نصلي براحتنه

فاقد:: احب العب وياكم

اشواق:: لا اليوم حكتلك

فيحاء:: يايمه راح تكتله

فاقد:: ماتكدرررين... طلع السانه يعيب ضحكت راكضه وراه وهوه رايح صوته من ضحك امي تباوعلنه مبتسمه اخر شي راح وره ظهر بيبيتي متعلگ بركبتها

عذيه:: ياا خايب خنكتني وخرر نعلعله ابوك حنييين خايب فاقد وخر

13

بقى شابگها يكمز وبيبي طلعت روحها ترفس بي

اشواق:: حلزمك

فاقد:: ماتكدرررين بيبي تحميني

عذيه:: هيه بيبي تريد احد يحميها ولك فقييد راح انعنع ضلوعك

10

ضحك بايس خدها وفات من يمي يركض لزمته شايلته هوه يرفس ويضحك قوي

فاقد:: عوفييني اشواق

اشواق:: نلعب ختيلان؟

نزلته هوه صفك فرحان يجرجر بـ أيد بيبي

فاقد:: اي اي ختيلااان يلا بيبي يلا كومي

عذيه:: يا شلعب تالي عمري يمعود

اشواق:: يلا حبابه

باوعتلي بصدمه ضحكت أشرلها يلا اتنهدت وكامت

عذيه:: أمري لالله

6

فيحاء:: يلا ماما

1

كامت امي وفاقد بده يحسب بيبي وامي ختلن وره البرده واني وفيحاء بلكنتور بس كل وحده على جهه

فاقد:: حلال؟؟

اشواق:: حلال دمم الغزال

فتح عيونه يدور علينه ويحجي بصوت شرير عود... ويينكم راح اكلكم همممم..

فيحاء:: امي وبيبيتي مبينات تره

ضحكت هوه سمع فيحاء غمتني اجه يركض على الكنتور فاتحه يصيح فرحان

فاقد:: لكيييييتكم اطلعواا حراميه

فيحاء رادت تطلع ضايجه و وكعت عليه طايحه خشبه مال تعلاگه علينه واني ادمرت اصيح مختنكه

اشواق:: ولچ يييمه انكسر ضهري

3

بيبيتي وامي ركضن لازمات الحايط

عذيه:: ربحت انا ههههههه

13

اشواق:: اااامي

فيحاء:: رجليه انلووت ماما

اجت امي وبيبي شافونه وفاقد يضحك علينه

عذيه:: خايبه فيحاء كووومي فطستيها للبت

1

فيحاء:: رجليه بيبي رجليه

كومتها امي واني حسيت شي ضرب براسي نازل من خشمي مثل المي خليت ايدي لكيت خشمي ينزف

منوه:: متوازيات

عذيه:: ياا خشمج اشواق

طلعوني وبيبي دور على شي تخلي على خشمي مالكت شكت من دشداشتها وصله صغيره وخلوني اتمدد رافعه راسي داحسين وصله بخشمي

منوه:: احنه مومال لعب

3

باوعتلها بيبي تضحك وكلهم فاطسين عليه اني مطنكره طابگه حواجبي زعلانه

فيحاء:: اختي بس لاأنكسر خشمج

10

فتحت عيني خازرتها

اشواق:: اششش

فاقد:: يلا دور بيبي التعد

عذيه:: ياخايب شحسب شوف اختك راح خشمها وبعده يريد يلعب

جرته امي مكعدته

منوه:: اكعد حبيبي

صار الليل وسوت سوزان على العشه طماطه حمس وجاي وماتقبل احد يدخل للمطبخ اكلنا واني نهيت على الطاوه كلها ماخليتهم ياكلون

قاسم:: خالو

منوه:: ها

قاسم:: بنتج سريعه ماشاءالله الدرجه اكلت بس لگمه

14

عذيه:: ماشاءالله ماشاءالله

باوعت السوزان مصدومه تباوعلي كحيت غاصه سمعتها تكول سم... شربت مي ورجعت متچيه على الحايط

7

اشواق:: الحمدلله

قاسم:: سوزان شو تباوعين

سوزان:: شسوي يعني؟

قاسم:: كلشي ما أكلت بابا گلي بعد طماطه يعني شتسوين

9

استغفرت كايمه گالبه خلقتها مسويه ضحكت شويه واجت حامسه واهلي اكلوا مره لخ بنص الأكل واندك الباب

قاسم:: ياهوه جاينه هسه

باوعت البيبي وفاقد حاسه مغص بطني صار من الهبطه ماريدهم يرحون كام واني جريت شال من فيحاء صاحت

فيحاء:: اذا تردين الحجاب المن ذبيتي حجابج ضهر تكولين متعوده وهسه ذبيتي

اشرتلها تسكت وطلعت لابسته خال امي شافني هاز راسه

قاسم:: شنو وين أنتِ؟

اشواق:: اريد اشوف منو

قاسم:: باع الصلافه ادخلي جوه لج شنوهاي

وكفت على جهه ضايجه من رزالته هوه عباله رحت فتح الباب وطلع عمي ظهير

قاسم::ياهوه انتَ؟

ظهير:: ابن خلدان

12

قاسم:: هها هاا هلا بيك شلونك

اتسالموا. اني طلعتله مبتسمه

اشواق:: عمو

قاسم:: موكتلج ادخلي استغفرالله استغفرالله

بقيت اباوع العمي فتح أيده مأشرلي اجي ارتبكت الثواني حايزه بخاطري ابوي ليش موهيج..

ركضت شامره روحي بحضنه شابگته قوي

1

باس راسي يمسح على ظهري

ظهير:: هيج تعوفونا؟

2

رفعت راسي اباوعله باجيه بسرعه هوه تنهد

ظهير:: ماتصير زحمه صيح امي

قاسم:: اي ادخل

ظهير:: لا اجيت اخذها

1

دخل خال امي جوه وعمي لزم ايديه متلمسهن

ظهير:: كولي؟

اشواق:: شكول عمو

ظهير:: هاي سوالفج مو

5

اشواق:: انا شعليه عمو

ظهير:: بس امي راح ترجع؟

هزيت راسي هوه ضيك عيونه..

ظهير:: جيبوا جنطكم وتعالوا ويانه

1

اشواق:: لاعمو شنجي

ظهير:: شنو ذول باقيين يمهم؟

اشواق:: امي ماتقبل

ظهير:: روحي صيحيها

اشواق:: ها

ظهير:: يلا بعد عمج

5

ركضت كلت الأمي وخالها ضاج يكول شنو تتطلع امي حاجته يلا قبل وطلعتله يحاجيها عمي كعدت وسوزان باوعتلي

سوزان:: سفطتي؟

اشواق:: لعد شسوي؟

سوزان:: كومي شيلي الأكل

ماجاوبتها اخذت من المواعين موديتهن للمطبخ واختي لحگتني

فيحاء:: روحي ويه عمي

اشواق:: ليش؟

فيحاء:: لج الغراض محتاجتهن والله ملابسي خيه ملابسي

1

اشواق:: ماما كالت تجيبلج

فيحاء:: شتجيبب ولج منيلنه فلوس حبابه موشويه هنه اهواي

سكتت صافنه ودفرتني

فيحاء:: يلا حبابه

اشواق:: خوش خلي اكول الأمي.. لا لا روحي انتِ

فيحاء:: ليش

اشواق:: لج وين اكدر ادخل عيب نوب أرقب موجود هسه غير يهد عليه والله

2

فيحاء:: قابل شمسويتله خيولي

اشواق:: لا ابد ماسويت شي بس كسرت رجلين امه مو

فيحاء:: اهووو

اشواق:: روحي أنتِ

سوزان:: انتِ روحي

فزينه على صوتها لكيناها ورانه مچتفه

سوزان:: فيحاء اريدها تغسل المواعين

اشواق:: نعم؟

فيحاء:: اساعدها شبيج

سوزان:: يلا روحي صعدوا جنطه بيبيتج تره

اشواق:: خلي انا اغسل وفيحاء تروح

سوزان:: لاا لااا انتِ ماتغسلين زين فيحاء نادره تغسل احسن منج

14

همستلي فيحاء..

فيحاء:: رروحي حبابه يلا

اشواق:: معليج منها روحي أنتِ اذا اني رحت راح تذب شغل كله عليج

فيحاء:: اشواق حبابه يلا

سوزان:: راح يرحون

استغفرت وطلعت اركض العمي

اشواق:: عمو

4

جان يريد يسوق بيبيتي يمه وامي واكفه على جهه تبجي عرفت ماقنعها

اشواق:: راح اجي اكو غرض ناسيهن انتضرني

ظهير:: كل وقتي الج

25

ابتسمت منداره لكيت امي بوجهي عفتها ولبست بس عبايه وتأكدت من فيحاء الغراض كلهن وين تريدهن وطلعتلهم صاعده اليوره

مشت سياره واني اباوع من جام

ظهير:: امج هم راسها يابس

اشواق:: لاا بس ماتحب تضوج احد

ظهير:: ياهوه مضوجته مونريدكم امي ماتكولين

عذيه:: يبس الساني يمعود منوه ماتعرفها بعدك

ظهير:: تخبل منوه حيل اعزها اخلاقها عاليه كلش

21

وصلنه وعمي طبگ سيارته على جهه واني الخوف بدمي يمشي نزلنه وعمي شال جنطه بيبيتي اجيت يمها هامسه

اشواق:: مو انكتل دافعيلي

8

ضحكت غامتني وهوه فتح الباب دخلنه صرت اخر شي كلهم فرحوا بيبيتي

اشواق:: منتضريها شنو دباع كلهم موجودين

1

دخلت وراها انصدموا من شافوني خطفت نضره سريعه ودخلت كبل رايحه الوره البيت

خلدان:: ولج انطي صبري تعاي نشوفج

وكفت كارطه اظفري..

اشواق:: ها جدو

5

خلدان:: سلمي علينه

ثامر::قنعتهم يجون؟

رشيد:: وين باقيين

ظهير:: لا ناسيين كم شغله واجت تاخذها

سلمت على جدي شابگني بيده لازم وجهي مبتسم

خلدان:: ليش رحتوا وحرگتوا دمنه ها جدو

7

ماجاوبته متوتره ردت اشرد وعمي جراني وكلهم سلموا عليه واني بس ساكته وكل واحد يحجيلي ليش رحنه وذا نرجع لحد عمي ميسر توقعت مايسلم بس سلم مبتسم

ميسر::شلونكم هناك؟

اشواق:: زينين

ميسر:: ديري بالج على امج واخوج واختج انتِ الخياله مالتهم

20

اشواق:: شنو يعني؟

ماجاوبني مطبطب على خدي اجت عيني على هيثم يباوعلي تنهدت منداره رحت اخذت ملابس وصعدت فوك ماخذه كم غرض منهم مشط الخشب مال امي

نزلت طالعه بطرمه وعبد المطلب لحگني

:: خويه اشواق

1

اشواق:: ها

عبد المطلب:: شلونج شلون امج فاقد... اختج؟

43

اشواق:: الحمدلله تسلم

عبد المطلب:: نسوان بلمطبخ ينتضرنج يودعنج

هزيت راسي داخله لكيتهن يتمشن ينتضرن وغرام منتچيه على الكاونتر وبعضهم كاعدات شافني واجني كلهن يشبگن بيه ويبوسني

نسرين:: ندري بيج ام السان بس موتعوفينه

4

حوريه:: عبالنه من تكولين ماريد هل بيت تشاقين

غرام:: اي والله كلت اتعودت علينه

ماجاوبتهن اعضعض بشفايفي بس احجي كلمه ينزلن دموعي عفتهن وطلعت رند رجعت شبكتني ماتحملت بجيت

رند:: تعالولنه اشواق

مسحت دموعي اهز براسي ومدنكه

اشواق:: ان شاءلله

طلعت وانضربت بصدره باوعتله لكيته أرقب ثبت عيونه عليه ماكايل كلمه يباوعلي بنضرات مافسرهن

اشواق:: معه سلامه عماتي

19

جاوبني كلهن... الله وياج

انتضرته يوخر حتى افوت ماوخر قابض ايده

همست ضاغطه على ملابس ناحيه صدري

اشواق:: شويه اخويه

34

من حاجيته يلا ادنه واني طلعت لكيت عمي منتضرني بره صعدت ورجعني للبيت

ظهير:: شوكت ماتحتاجون شي خابروني

خلى بـ أيدي رقمه هزيت راسي

ظهير:: اني هم ماعوفكم أمرلكم

اشواق:: ماتقصر عمو

ابتسملي سديت باب سياره وراح انا دخلت جوه لكيت الباب مردود سديته والأضويه مطفيه

اشواق:: شنو نايمين؟

دخلت من باب وجهني كبل على المطبخ

اشواق:: هسه هم ترتيب هذا شنو باب يطل على المطبخ وباب على الطرمه اليدخل منانه عبالهم ماعدهم طرمه

فيحاء:: ههههههه انا هم عبالي ماعدهم طرمه

اشواق:: ولج فززتيني شنو كاعده

فيحاء:: غير انتضرج جبتيهن

اشواق:: اي ذني

اخذتهن مني ورحت للطرمه لكيت بابها مسدود ومقفول جريت دواسه الصغيره گالبتها وكعدت صافنه على السماء

منوه:: اجيتي بنتي

اشواق:: اي عمو جابني

منوه:: تعاي نامي فرشتلج مكان بيبيتج

اشواق:: شوي واجي

هزت راسها مبتسمه وراحت بقيت كاعده شويه اجتني فيحاء دفر بيه تكعد يمي

فيحاء:: سويلي مجال

اشواق:: شو صايره وكحه شسالفتج

5

فيحاء:: غير أنتِ اختي

اشواق:: هاي شبيكم كلكم تشوفوني جني

ضحكت هيه واني سكتت اباوع للطرمه وصخه وبيها ريحه تكتل مال اكل مشمور

اشواق:: ليش اكل هيج طالعه ريحته خربان

فيحاء:: كتلها تكلي للبزازين اسوي عمل خيري هههههه

11

اشواق:: يابزازين ولابزون شاردين من ريحه

2

فيحاء:: اشواق تكلي طرمتنه خليناها منا حتى الناس عبالهم ماعدنه طرمه

اشواق:: من الحسد

فيحاء:: ايي شمدريج كلتلي هيج

اشواق:: مادري بي عنده كومه فلوس بس جلفف خال امي كلش ساد جيوبه وعلى كوله... سكتت هيه تباوعلي

فيحاء:: كملي على كوله منو

اشواق:: تذكرت عادل من رحنه للبستان يكول الصباح دكيتي بسامير بجيوب الساني

3

فيحاء:: راح نشتاقلهم

اشواق:: صدك... يمكن اشتاقلهم

فيحاء:: لا ليش يمكن حبابين همه

اشواق:: بس عندهم اثنين يضوجون

فيحاء:: هيه بس أعياد

اشواق:: وأرقب.. مكروه مادري مارتاحله

30

فيحاء:: بعد مانشوفهم.. كومي ننام

اشواق:: لاعوفيني روحي انتِ

دخلت جوه هيه واني شبگت رجليه مقدمتهن ناحيه صدري احسب النجوم

اشواق:: يمكن موخرافه صدك أعياد متروسه شامات انا.. عشير وينك انتَ هسه

4

استغفرت متچيه على الحايط مرةة ساعات واني بس افكر بحالنه وعيشتنه بنص تفكيري حسيت شي طاح على ظهري كمت فازه ولكيته بريعصي

34

عطت اكمز لعبانه روحي هوه شرد مني دخلت جوه مغيره ملابسي رحت للمغسله بيدي اخذ بلمي امسح على ضهري

اشواق:: هسه فوك ضيمي انتَ يانگس

رجعت متمدده بفراشي شوية وتذكرت ملمسه على ضهري غمضت عيني كاش جسمي بكوه يلا نمت حتى اتحلمت بي

15

كعدت الضهر على فيحاء كوه تكومني كلت بنعاس

اشواق:: عوفيني انام حبابه

فيحاء:: امشي اطلعي بفاقد بسرعه يلا

اشواق:: وين اطلعه متكليلي دوخري مني

فيحاء:: ابوي يريد يجي ياخذه

5

كمت بسرعه منخرعه صحت

اشواق:: شنووو شتكولين شبيج

فيحاء:: والله هسه اتصل على امي كلالها

اشواق:: ماكوووو مايروح

فيحاء:: هاي عود امي متفقه وياه يبقى اسبوع

اشواق:: حتى لويمرر سنين ماياخذ فاقد من عدنه ماقبل

فيحاء:: يلا بسرعه روحي

اشواق:: وين متكليلي

فيحاء:: مادري وين ماتفرينه فري حبابه استعجلي راح يجي

اشواق:: روحي أنتِ وياه اني ابقى يم امي خاف يسويلها شي

فيحاء:: اشواق حبابه لامانريد مشاكل يلاا

اتنهدت كايمه حتى مالحكت اغسل وجهي لبست عبايتي بسرعه واخذت فاقد امي انطتني شويه فلوس

فاقد:: وين حنروح

جاوبته واني اشد قيطان حذائه

اشواق:: نشتري ألعاب

فرح واخذته طالعه بي باوعت للفرع مالكيت احد بقيت امشي بي سريع هوه يمشي على كيفه

فاقد:: على كيفج اشواق ماكدر اركض

اتنهدت شايلته هوه ضحك فرحان ركضت بي ومادري وين اروح ولا أندل لكيت حجيه كبالي وسألتها

اشواق:: خاله منين السوك؟

:: اليوره مناك على ايدج اليمنى تمشين

فرحت لأن قريب اتشكرت منها ورحت وفاقد متعلگ بيه

فاقد:: اريد سياره

اشواق:: اي هوه اجيبلك سياره

فاتت سياره حديثه أشر عليها

فاقد:: اريد من هاي

اشواق:: غير يكعد

7

فاقد:: معليه اريد من هااي جيبيلياها اشواق

اشواق:: خوش تددلل علينه فوفو

1

فاقد:: انا رجال صيحيلي فاقد

9

ضحكت بكوه وانا هلكانه تعب دخلنه للسوك وناس ازدحام صايره اريد انزله مايقبل ضربته يلا نزل لزمت ايده هوه يمشي ويأشر

فاقد:: اريد من هاي.... اريد من هاي.. اشواق اريد من هاي

29

اشواق: انعل روح اشواق موتنني

فاقد:: ابجي؟

12

اشواق:: شتبجي غير ادفرك دمشي اجيبلك لعبه

رحنه البسطيه جبتله لعبه صغيره وانطيتها اله شبگها ويمشي ويكمز فرحان فاتت سياره دكلنه هورن سحبت اخويه..

فاقد:: اريد بعد عصير

دا اجاوبه وانضربت بچتف احد مار ردت اوكع

كال صوت خشن...

:: الله الله .. اعتذر منچ أخيتي

36

عدلت عبايتي ناكتتها منداره شفت بس ظهره لابس فانيله سوده نص ردان ولاف على رگبته شماغ بيده جكاره وسبحه سوده تلمع خرزها

درت وجهي مكمله مشي واحد حاجاه بصوت عالي

_سجيل هنا هناا !

71

وكفت متصنمه طابگه حواجبي

اشواق:: سجيل؟

رجعت اباوع احاول المحه بين الأزدحام وشفته الصايحلها كاعد على دچه محل هوه واكف كباله لبس شفقته شفت طرف وجهي خشمه بس كسره خفيفه وشواربه ثخان لحيته خفيفه سوده يضحك اله غمازه

25

فاقد:: اشواق

فزيت من صفنتي مباوعتله

اشواق:: ها

فاقد:: ليش تباوعين للرجال

8

خزرته حيل..

اشواق:: وين مباوعه ادبسز

فاقد:: شفتج

اشواق:: مره كالوا عمو ظهير الا ولد اسمه سجيل

4

فاقد:: ماكايلين

اشواق:: ماسمعتهم من يكلوله ابو سجيل

فاقد:: ها اي

اشواق:: ايي يمكن هوه اشك

فاقد:: بس هوه اسمه سجيل؟

اشواق:: مو اسم غريب

فاقد: بعيد بيت جدو الهنا

ضحكت كارصه خده

اشواق:: شدراك

فاقد:: غير من رحنه واجينه

مشينه اشتريت ببسي الي وعصير الفاقد اخذت بسكت وكعدنه على جهه ناكل

فاقد:: مليت شوكت نرجع

اشواق:: هاك بسكت اكل

فاقد:: بطني صارت كلها بسكت

8

اشواق:: لعد شسوي موتحب طلعات انتَ

فاقد:: صدك البارحه رحتي بيت جدو

اشواق:: اي جبت كم غرض

فاقد:: محسن اخويه شفتي

6

اشواق:: ححلو من شوكت صار اخوك ولك

فاقد:: هوه بكدي وحباب يلعب وياي اتونس... مومثلج طلعاتج ممله

3

اشواق:: ايا صلف.. ماسأل اصلا ماشفته نايم يمكن

صار المغرب وجامع بده يأذن وانا افكر نرجع او لا تنهدت وشفته كبالي يمشي ويه صحبان اثنين واحد منهم كال اله

:: عادي شوكت ماتريد تروح احنه وياك

11

طفى جكارته مبتسم

::خلي نفوت نصلي هسه والله كريم

9

كال صاحبه لخ

:: سجيل خدام الك احنه خويه

1

:: تسلم غلاي ماتقصرون

1

دخلوا للجامع هوه وخر الشماغ من ركبته شاده على ايد طفل

:: ابقى هنا موتبوگه املص اذانك

1

طفل جاوبه ويضحك بيده جبسه

:: اريده ححلو

:: هذا هوه چا حلالك

3

:: سجيل عمو افتحه من ركبتي

دنك هوه الطوله فاتحه مخلي بيده

:: كضه هاك

:: اخويه يكول شوكت يجي نريد نسمعله قصيده

2

:: احجيله من يبطل يطكك انا اقراله

ضحك طفل بايس خده

:: اموت عليك ملا .

124

طبطب على ضهره مبتسم ودخل للجامع

فاقد:: ضلمت الدنيا اشواق

اشواق:: امشينه يلا

رجعنه للفرع وكفنه مديت راسي وماشفت اي سياره تنهدت براحه راكضه ناحيه البيت فتحت الباب ودخلت منداره اسد الباب واجاني صوته

:: ياهلا؟

50

بهتت ملامحي داك گلبي سريع...

31

-

غرام:: وين الزلم شسالفه

11

نسرين:: للبستان

باوعتلهن كلهن كاعدات مخليات ايدهن على خدهن صافنات

غرام:: كافي ولجن شهل كئابه هم نشوفهم شنو سالفه

نسرين:: اخ لو ما أعياد متعاركه وياهن

حوريه:: بيت بدونهم وحشه

3

رند:: اي والله جانوا مونسينه بالأخص فيحاء ويانه واشواق وحركتها

غرام:: امي وين؟

صباح:: بلهول تبجي

عفتهن وطلعت لكيتها بيدها سبحه تسبح ودموعها على خدودها

غرام:: امي حتى انتِ تبجين

4

عذيه:: هسه لو أجن ويايه يايمه

غرام:: يرجعون

نبأ:: منو كال

غرام:: مادري گلبي يكلي يرجعون اصلا اخويه يكلي مبين ضايجين هناك ومشتاقيلنه اكيد... موصحيح نبأ

نبأ:: شمدريني انا خيه

غرام:: اريد اسويلكم كيكه يحتاجلي بيض

عذيه:: وكت كيكه

غرام:: الهي نفسيتكم شوي ارفهههاا

نبأ:: اكو بيضتين

غرام:: لازم اربعه وين محسن يجيبلي

18

نبأ:: راح وياهم كلهم ماكو

غرام:: شنوهاي ابوي مومايقبل يرحون كلهم

نبأ:: ولج صايره دكه هناك شتكولين انتِ

غرام:: شصاير

عذيه:: دوختن راسي كومن

أشرتلي نبأ نروح اني دخلت ماخذه فلوس ولبست عباييتي

غرام:: بنات اني حروح اجيب بيض اسوي كيك وحده توكفلي بلباب خاف يجون الولد

2

رند:: شو مامتأثره

غرام:: لامشتاقتلهم والله بس ماريدكم ضايجين هيج

3

صباح:: الدنيا مغرب وين رايحه بوحدج

غرام:: لعد شسوي

صباح:: رند روحي وياها حتى اوكفلكم بلباب

هزت راسها وكامت ويايه طلعنه اثنينه شفنه مجموعه ولد ملتمين يم بيت گبالنه

غرام:: هاي شنو شصاير؟

رند:: كاعدين هنا جيران جديدين

غرام:: مدا ينگلون شي ذول بس ولد ملتمين

رند:: اندري الله يستر بس لا سرسريه

جريتها لازمه ايدها مشيت للمحل جبت البيض برجعه لكيتهم يلعبون طوبه ومن بينهم واحد بنية جسمه ضخمه بدرجه تخوف ومقززه واكف يلعب وياهم

4

غرام:: هذا شكده شكبره يلعب وياهم صدك جذب الحمدلله وشكر على نعمة العقل.. اخوي وخرر نريد نفوت

اندار على صوتي شفته جنت طابگه حواجبي وانرخت ععينه ازرك على سمائي مضيك عيونه ملامحه مال واحد متعصب

37

توقعت راح يصرخ علينه على نضراته بس نزل عيونه بسرعه موخر

:: فوتي اختي الغاليه اعذرينه

24

جريت رند بسرعه داخليين للبيت

غرام:: ماشاءالله عيونه

رند:: مانتبهت

غرام:: سمائي عين بارده ليش مانولدت عيني زرگه

رند:: احنه انولدنه زرگ موعينه زرگه

38

ضحكت دخلت ذابه عبايتي وسويتلهم كيكه اجوي وابويه يرزل بأخواني و ولدهم لان مابقى احد منهم بلبيت وكل واحد منهم مطلع عذر صار الليل خلصت تنضيف المطبخ وطلعت

سمر:: عمه

2

فزيت منها لازمه گلبي

غرام:: لج ادبسز جم مره اكلج لاتسوين هاي سوالفج

1

سمر:: شمسويه شبيكم بس تفزون مني

2

غرام:: دباع شعرج شبيج مخليته على وجهج وشنوهذا الكحل شدعوه

3

سمر:: غسليلي هدومي

1

غرام:: ماعندج ايد تغسلين

سمر:: باجر عندي روحه ويه امي من صبح

غرام:: ليش تخليهن صبح مو نسرين تغسل الهدوم غير تخليهم لو أنتِ تغسلين هدومج

سمر:: يلا عمه

غرام:: بس هل مره

هزت راسها اخذتها وطلعت لكيت ابوي كاعد بلهول يعطس وبيبيتي على جهه نايمه

غرام:: بابا مايصير تكعد ويه امي

يعطس اهوايه ويباوعلي بكوه كايل

خلدان:: هوه ياهو...عطس خلى الكلينس.. ياهوه يمها

2

غرام:: بابا شجاك

خلدان:: ممريض بنتي حنام هنا اليوم

9

غرام:: حرام امي نايمه

هز بـ أيده غامها دار وجه للحايط متمدد ينام اتعجبت وسكتت اروح للحمام

خلدان:: بطريقج قفلي باب شارع بويه

12

غرام:: خوش

دخلت للحمام غاسله ملابس سمر خليتهن بطشت وطلعت

غرام::-أشرهن وره البيت لو بطرمه... تريدهن هاي خلي بطرمه احسن

رند:: ماتنامين؟

غرام:: هسه جايتج بس أشر ملابس سمر

هزت راسها واني طلعت أشرهن بلحبل سمعت صوت طكطكه قريبه رحت ناحيه الباب اباوع من فتحه باب صغيره ضلمه

غرام:: دخيلك ربي هيه بثمانيه ويختفي حس المنطقه مونوب هسه

1

ردت اوخر ونتبهت جيرانه جديدين بابهم مفتوح صار طكه وطلع منها نفسه ابو عيون سمائيه

غرام::ها شعنده هسه هذا

8

يدحس بشي بجيوب بنطرونه لاف على نص وجه لفاف ثخين ولابس كله اسود بـ اسود يباوع بلمنطقه اتقربت اكثر اشوفه

غرام:: بس لاحرامي... لاا يارب لا ان شاء لله صالح

وكف ينتظر واجت سياره نازل منها احد بيديهم ابطاله لافينها بعلاكه حاجاه بصوت ناصي

::-لك سنه شنو أنتَ شبيك؟

41

::- قبل عشر دقايق كلتلي تره

::-وعشر دقايق شويه؟؟

::-هسه دخذ هاك

::-شو جايب بس بطلين

::-ليش شكد تريد؟

::دسكت اثول... دخل جوه ضام البطاله وطلعله معدل لفاف على وجه

9

غرام::-ليش متلثم هذا.. ولسانه زفر مايحترم ايع

على كوله اشواق گبر

دنكت اقفل الباب وطلع صوت زنجاره عضيت شفتي خايفه رجعت اباوع من الفتحه مالكيتهم اتنفست براحه

انداريت ادخل واندك بابنه على كيف اتصنم جسمي سامعه صوته هوه بذاته

::-منو هنا؟

8

بقيت واكفه مادري شنو اسوي اكرط بـأظافيري والخوف محتلني راعش جسمي رجع دك الباب مره لخ

::-دريت بيج تره.. ادخلي جوه ولاتسنطين مثل الحراميه فاهمه؟؟

70

مجاوبته كاتمه على شفايفي عرگانه منگطع نفسي هوه حاجه الوياه

::-شغل السياره يلا

مشيت على كيفي ادخل جوه ورجليه احسهن بكوه يحملني وفزيت شايفته وكعت بلكاع ارجف قوي

صاعد على طرف حايط جيرانه البصفنه شافني وضحك نازع الثامه مورث جكاره هامس..

::-عبالي مادري ياهوه.. طلعتي أنتِ العصفوره

43

مانطقت بكلمه بس ازحف اليوره وگلبي حسيته راح يطلع من مكانه انتبه الرجفتي طابگ حواجبه

::-تؤ... تؤ... اذا أنتِ هيج ترعشين ليش تدخلين بمواضيع ماتخصج؟؟

دخن من جكاره بس صافن عليه متچي راسه على ايده ساندها على وحده من رجله.. كلت بخوف

غرام:: ماعيدها

11

::طبعا ماراح تعيدها عصفوري هههههه

44

اهتزت أچتافه شامر جكارته بطرمتنه

وبلحظه سريعه نزل من حايط على الشارع سمعته ينكت ايده كايل بصوت عالي

::-يلا امشي ولاتخاف ..

ركضت داخله قافله الباب المطل على طرمه متلمسه رگبتي ماسحه العرك

غرام:: مقزز... الله ياخذك.. بعير !!

8

باوعت منرعبه لاسمعوني لكيت ابوي وامي بعدهم نايمين مشيت بكوه خدرانه رجليه اتنهدت داخله للمطبخ صابتلي مي شاربه اهوايه

رند:: تأخرتي

فزيت طاخه بلكاونتر

رند:: شجاج

هزيت راسي لا..

غرام:: مابيه شي

رند:: يلا ننام

دخلت بسرعه للغرفه متمدده مغطيه نفسي حتى وجهي وجسمي رعشه بي خايفه

رند:: غرام ليش ترجفين

كلت واني اوتوت

غرام:: بـ .. بردت شويه نامي مابيه شي

بقيت للصبح يلا رعشه راحت مني غافيه كعدت على صوت نسرين

::شعندهم بابهم

غرام::-ياهمه؟

نسرين:: جيرانه جديدين بابهم شرطه

25

غرام:: ان شاءلله يعتقلونهم

نسرين:: شكلتي؟

غرام:: ماكلت شي

عفته كايمه داخله للحمام غاسله وجهي باوعت الروحي بلمرايه وجهي اصفر باهت من رعبه صارتلي

غرام:: انعل ابوك على هيج خلفه

4

دنكت مكلمه غسل ومشى يومي اشتغل وامي كل شوي تبجي وتنوح على منوه لحد ماصار الليل وبعد وكت حتى اهلي كاعدين بلهول يباوعون تلفزيون كلت اطلع من وكت امسح الأحذيه ماطولهم موجودين

طلعت ماسحه احذيه اخواني وقفلت الباب انداريت ادخل وانجريت قوي عطت كمم على حلكي

همس يم أذني كاش جسمي

::-اشش ..!

206

يتبع...