رواية فستان عذابي الفصل الثاني 2 بقلم مصطفي جابر
اعتبري بنتك ماتت و ملناش بنات من النهارده يا اعتماد يلا نمشي.
اعتماد بجمود: انا مش همشي معاك انا هروح بيت اهلي.
يحيي بغضب: عاوزة تروحي بيتك اهلك؟ هو انتي ليكي اهل اصلا.
اعتماد ببرود: اه ليا وقطع لسان اللي يجيب سيرتهم بكلمة واه صحيح انا لغيت التوكيل اللي عملته ليك و رجعت فلوسي لحسابي وبالمره بقي انا عايزة اتطلق وابعتلي ورقتي علي بيت اهلي
يحيي بصدمة: اييييييي انتي ازاي تعملي كدا من غير ما تعرفيني.
اعتماد ببرود: انت اللي اضطرتني اعمل كدا لما خلتني اسيب ضنايا مرميه هنا واجي معاك. ....وقفت جنب بنتها: ابقي ابعت لي ورقتي والا اخواتي هينسفوك من علي وش الارض يا ههه يا راجلي.
يحيي بغل: ماشي يا اعتماد براحتك بس انا مش هطلق وانتي هتيجيلي راكعه في الاخر.
مشي و اعتماد خدت بنتها بالحضن: ولا يهمك يا ضنايا انا جنبك ومش هتخلي عنك حتي لو مت فيها.
زينب بابتسامة: هاجي معاكي صح مش هتسبيني هنا معاهم.
عصام دخل: تروحي علي فين يا قطة في واحدة بردو تسيب بيت جوزها بالطريقه دي انا ذات نفسي معنديش مانع بس الناس لما تتكلم هقول اي البنت اتطلقت عشان طلعت مش كويسة.
اعتماد بزعيق: قطع لسانك بنتي اشرف من الشرف.
عصام ببرود: اثبتي واحدة اطلقت تاني يوم فرحها لي اكيد معيوبة وعشان ابقا جدع انا بنفسي هطلع في فديو واكد علي كلامهم و النسوان دي تشهد.
سهير بخبث: نشهد يا سيد الرجالة منشهدش ليه ولو عاوز نسيح اكتر معندناش مانع.
صفا بتبص ليها بحزن وساكته..
اعتماد بقرف: دا انتو عصابة بقا وانا مش هسكت لكم.
زينب بجمود: خلاص يا ماما انا هستنا هنا وهرضي ب نصيبي.
اعتماد بصدمة: انتي بتخرفي تقولي اي هتعيشي مع تلت ضراير.
زينب بهدؤء: اه يا ماما وابقي تعالي زوريني.
عصام بخبث: احبك وانتي هادية كدا تعالي معايا يا عروستي انا حجزت لنا احلى اسبوع عسل اعوضك عن زعلك والعربية جاهزة تحت لو كنتي مشيتي كنت هاخد سهير ولا نعيمة .
زينب بجمود: ماشي كدا كدا شنطتي جاهزة.
سهير بغيظ: طب ما تاخدنا كلنا معاك واهو نقضي يومين حلوين.
اعتماد بقرف: ياختي بيقولك اسبوع عسل وعرايس حسي علي دمك دا لو عندك دم اساسا.
سهير بغل: مش هرد عليكي عشان انتي ست كبيرة لولا كدل كنت مرمطك.
زينب بزعيق: مرمطيها وانا امسك اعلمك الربايا يا روح امك اللي يقل مع امي اكسر رقبته تحت رجلي.
سهير سكتت بغيظ...
بعد مرور شهر...
نعيمه بغل: هو ازاي مبيردش علينا ولا يعبرنا طول الشهر يا سهير ؟ دا قال اسبوع واحد وهيرجع .
سهير بخنقة: انا معرفش ياختي دا مصدق ولا اي شكله حب القعدة معاها.
نعيمه بسخرية: ياختي علي اي بس هيا اللي زي دي تتحب
صفا وهي بتكنس: سبوهم في حالهم اهو احنا مرتاحين اهو من علق كل يوم.
نعيمه بسخرية: ياختي اتكلمي عن نفسك مش عننا احنا.
سهير ببرود: خلصي كنس وروحي عشان تعملي لنا الاكل وروحي شوفي العيال ليكونوا صحيوا.
صفا بغضب: هم عيالي ولا عيالكم انا زهقت اي هو كله عليا انا وانتو لازمتكم اي هنا.
نعيمه وقفت قدمها: اي دا القطة طلع ليها لسان و بترد اهي اوعا تكون بتخربشي اصل زي ما قصينا شعرك قبل كدا هنقص لك لسانك.
صفا بصت ليهم بخوف وكره...
الباب اتفتح ودخل عصام و زينب..
سهير بفرحه جريت وزقت زينب وحضنت عصام ..
سهير بدلع: اي الغيبة دي كلها يا عصومي وحشتني اوي.
عصام بعدها: وانتو كمان وحشتوني تعالي يا زوزة نرتاح من السفر نعيمه اعملي لنا حاجه ناكلها.
زينب بابتسامة: صفا لما اصحا تعالي اقعدي معايا جبت لك حاجات حلوة اوي من شرم الشيخ..
نعيمه بصدمة: شرم الشيخ ازاي انا حجزت لكم ل اسوان.
زينب ببرود: ومين قال انه هنمشي ب رايك انتي ؟انا همشي بي رأي حبيبي صح يا عصام ؟
عصام بخبث: صح يا روح حبيبك.
دخلوا وهم بصوا لبعض..
سهير بصدمة: هو اي اللي حصل معقولة بيعاملنا كدا.
نعيمه بغل: اسكتي يا سهير مش ناقصه كلامك كفايه اللي انا فيه.
سهير بغيظ: ما اللي انتي فيه انا في ياختي هو انا مبحسش يعني بس دا علي مين انا هربيها.
بعد شويه...
زينب بحنان: وجبت لك الدريس دا كمان اي رايك حلو.
صفا بذهول: هو انتي ازاي بتعملي كدا اللي يشوفك من شهر ميشوفكيش دلوقتي.
زينب بسخرية حزينه: عشان عرفت اللي فيها يا صفا ومش هسكت لاي حد يقلل مني.
صفا بخوف: بس كدا انتي بترمي نفسك في النار.
زينب بجمود: مانا اترميت فيها واللي حصل حصل خلاص انا حامل في الشهر الاول.
صفا بابتسامة: الف الف مبروك يا حبيبتي ربنا يقومك بالسلامه.
ورا الباب كانت نعيمه وسهير بيتصمتوا..
نعيمه بصدمة: هي لحقت تحمل بالسرعه دي احنا لازم نروح للشيخه عنايات ونعرف هي هتخلف اي لو واد لازم نخلص منه ولو بنت نسيبها اهو نكسر شوكيتها و عصام يبطل يتجوز.
سهير بقلق: مش عارفه ليه مش مطمنه احنا عملنها مرة مع صفا ولو كررناها تاني هيتشك فينا لا مش مطمنه.
نعيمه بهمس وغيظ: مش هنتكشف ميبقاش قلبك ضعيف اوي كدا يلا عشان نلحق نعرف راسنا من رجلينا مع الحربايا دي.
سهير بتوتر: ماشي ربنا يستر من الدجالة اللي احنا رايحين ليها دي مش عارفه مش بطمن ليها لي.
نعيمه بخضة: تفي من بوقك دي اتلاقيها بتسمعنا خافي تاذيكي ياختي.
سهير اتخضت...
راحوا لابسوا و وصلوا عمارة قديمة..
عند الشيخه.
نعيمه بخوف: ها يا شيخه عنايات الجديدة حامل في اي طمنينى.
الشيخة بخبث: مش هقول غير لما تدفعو المعلوم.
طلعت فلوس: خدي دول بس ريحي قلبنا وقولي هتجيب اي.
الشيخه بطمع: اسمها زينب بنت اعتماد جايبة لكم الهم والحزن جاية تسيطر علي البيت وجوزك مال ليها وخطفت عقله البت مش سهلة.
سهير بغيظ: احنا بنقولك تقولي لنا حامل في اي مش تقعدي تقولي اي كلام وخلاص.
الشيخه بغيظ: متقطعنيش يا شابة وبعدين الحمل في الاول وانا معرفش.
نعيمه بردح: نعم ياختي اي اللي متعرفيش اومال احنا جايين لك وواخده فلوس قد كدا علي قلبك كمان.
الشيخه بتوتر: لا مش قصدي انا معرفش اقولك اي هي حامل في ولد اللي هيقش كل حاجه منكم ويخليكم خدم تحت رجليها هي وابنها.
سهير بصدمة: يعني ايي لا مستحيل دا يحصل علي جثتي عيالي يجي ليهم اخ منها و تبقا هي فوق راسنا.
نعيمه بتوعد: احنا الواد اللي في بطنها دا لازم ننزله باي طريقه وهي لازم نلبسها مصيبه اه.
سهير بغل: وانا معاكي شوفي لنا حاجه نعملها فيها وننزل الحمل دا.
نعيمه بتوعد: احنا نعمل خناقة بيني وبينك و نمثل اننا بنضرب بعض وهي هتيجي تسلك بينا نقوم مسكينها ضربينها و نبقا خلصنا منه.
سهير بخبث: ماشي وانا موافقة يلا وننفذ من دلوقتي ونستغل اننا منعرفش ولا حد قالنا عشان ميتشكش فينا.
نعيمه بخبث: ماشي يلا..
في الشقة..
عصام بخبث: مش عاوزك تتحركي لحد اما نعرف جنس الواد اي ماشي انا نازل اخلص شويه شغل وجاي لك حالا يا حبيبتي.
زينب بقرف: ماشي يا حبيبي روح انت ومتتاخرش.
خرج و بعدها ب دقايق طلعت سهير و نعيمه..
نعيمه بقرف وزعيق: انا بعد كدا مش هاخدك معايا عند اهلي انتي واحدة خرابه بيوت يا عرة النسوان انتي.
سهير بردح عرة نسوان مين دا انتي متسويش ربع جنيه حتي.
نعيمه مسكت فيها: انا دا انا ستك و ست بلدك كلها يا روحي انتي تطولي تكلميني اصلا.
سهير بخبث: انتي ماسكني لي كدا عاوزة تضربيني طب تعالي لي بقا...
بدوا يمثلوا الضرب في بعض...
زينب في نفسها بقرف: جتكم القرف انا قايمة ارتاح شويه هي ناقصة قرف.
قامت ببرود ودخله اوضتها نعيمه مسكتها من شعرها : علي فين يا حلوة انتي فاكرة انه هخليكي تجيبي له الواد وتاخدي كل حاجه عالجاهز ؟ لا يا روح امك دا انتي بتحلمي احلام اكبر منك.
زينب بغضب: اوعي ايدك دي عني وايلا هكسرهالك.
سهير بغضب مكستها من الناحية التانية: تكسري اي يا ماما انتي فاكرة هتقدري علينا يلا ودعي الحلو اللي في بطنك دا عشان مش هنخليه يلحق ييجي.
زينب حوطت بطنها بخوف: انتو هتعملوا اي و الله العظيم اصوت والم الناس و لما عصام يعرف مش هسيبكم.
نعيمه بسخرية: وانتي فكرك هنخليه يصدقك و يسيبنا ؟ ده احنا هنقوله حاجه بسيطة مراتك وهي في الحمام بتاخد دوش وقعت ولحقنها بالعافيه وهي بدل ما تشكرنا عاوزة تلبسنا المصيبة دي علشان تخليك تطلقنا وافضل هيا بس اللي معاك.
زينب بصدمة
