رواية فستان عذابي الفصل الثالث 3 بقلم مصطفي جابر
أنتو هتعملوا اي و الله العظيم اصوت والم الناس عليكو ولما عصام يعرف مش هسيبكم.
نعيمه بسخرية: وانتي فكرك هنخليه يصدقك و يسيبنا ؟ ده احنا هنقوله حاجه بسيطة مراتك وهي في الحمام بتاخد دوش وقعت ولحقنها بالعافيه وهي بدل ما تشكرنا عاوزة تلبسنا المصيبة دي علشان تخليك تطلقنا وافضل هيا بس اللي معاك.
زينب هتصوت سهير كتمت بوقها: بسس اخرسي يلا يا نعيمه اديها في بطنها مترحمهاش خلينا نخلص من كابوسنا.
نعيمة بخبث: لا انا مش همد ايدي عليها احنا نجهر و نزوقها من علي السلم بلا حمام بلا غيرو عشان بدل ما يشك فينا ينسي و يقعد يسالها اي يخرجها و هي اللي تلبس التهمة.
زينب بتحاول ترفص وتتكلم: امممم اممممم..
جروها علي برا و شافوا انه مفيش حد.
نعيمة بشر: اي يا زوز خايفه متخفيش هو وقعه سلم يا اللي في بطنك يموت يا انتي اللي تموتي زوقيها يا سهير يلااا.
جت سهير تزقها صفا شدت لحقتها وبعدها عنهم: انتو كنتوا هتعملوا فيها اي يا غجر انتي كويسه يا زينب.
زينب برعب: عاوزين يرموني من هنا عاوزين يسطقوني ويخلصوا مني الحقيني.
نعيمه بغضب زقت صفا بعيد: ملكيش دعوة انتي والا هحدفك معاها يا جربوعة تعاليلي
زينب جريت علي فوق و نعيمه وراها هي وسهير..
صفا بصريخ: الحقوووناااا يا ناااس ضرايري عاوزين يقتلوا زينب وابنها الحقووونااااااا.
زينب وصلت علي السطح...
نعيمه بغل وهي سامعه صفا: بنت الكلب دي فضحتنا هنعمل اي.
سهير بخوف: ا انا مليش دعوه انا نازلة مش هعمل حاجه انا معملتش حاجة اتصرفي انتي..
سابتها ونزلت جري..
زينب بخوف: ابعدي عني كدا انتي هتتسجني الكل عرف دلوقتي انك عاوزة تسقطيني.
نعيمه بهدؤء : انتي اتجننتي ؟مين عايز يرميكي يلا يا حبيبتي استهدي بالله وانزلي من عالسطح مينفعش اللي بتعمليه دا
عصام جاه بسرعه: زينب في اي انتي عاوزة تسقطيها بجد يا نعيمه ليلة امك سودة
نعيمه بدموع كذب: انا اسقطها يا عصام ؟ الغندورة مراتك كانت هتطفش من البيت و انا حاولت امسك فيها انا و سهير و صفا افتكرت اننا عاوزين نوقعها حق عليا كنت بحافظ لك علي مراتك اللي عاوزة تهرب من بيتك يا راجل.
زينب بدموع: كدابة والله العظيم دول قالوا لي عاوزين يسقطوني عشان ابني مياخدش اي حاجه وو...
نعيمه بسخرية : ابنك مين هو احنا نعرف منين انك حامل اصلا حتي لو نعرف هنعرف ازاي انه ولد مراتك الجديدة جاية توقع بينا يا عصام.
عصام بغضب: بسسس انتي وهي مش عاوز اسمع حسكم يلا علي شقتنا تحت وانا هعرف مين صادق ومين كداب قدامي.
نزلت نعيمه و زينب مسكت في عصام بخوف...
بعد شويه...
عصام بجمود: قولي الحقيقه يا صفا شوفتي اي بالظبط كانو ماسكينها بجد ولا عاوزين يوقعوها.
صفا بهدؤء: كانو ماسكينها و عاوزين يوقعوها وانا صوت ولميت الناس وكويس انك جيت.
نعيمه بخبث: اي اللي يثبت كلامك اسمع يا عصام انا معايا دليل امه مراتك كانت عاوزة تهرب وانا و سهير كنا بنحوش فيها بص حتي هتلاقي شنطة هدومها ورا الباب وفيها كل حاجه تخصها.
زينب بصدمة: اي اللي جاب الشنطة دي هنا انا مجبتش حاجه والله ومعرفش هم بيعملوا كدا لي.
سهير بتوتر: نعيمه صادقة وانتي بتحاولي تبرئ نفسك عشان عصام ميزعلكيش لما يعرف انك عاوزة تسبيه.
عصام بغضب مسك زينب من شعرها: يعني يا بنت اعتماد رايحه تهربي و بتتبلي علي مراتاتي هم اصلا يعرفوا منين انك حامل هااا عاوزة تسبيني وتاخدي اللي في بطنك ياختي خديه لو بنت لكن لو ولد دا انا هرميكي واخده.
زينب بالم: سيبني متصدقهمش دول بيضحكوا عليك الحقيني يا صفا.
صفا بخوف: خلاص يا عصام دي حامل حرام عليك اللي حصل حصل خلاص.
عصام سابها بغل: اوضتك مش هتخرجي برها تاني لحد اما اعرف انتي حامل في اي و ساعتها هقرر هعمل فيكي اي.
سابها ومشي..
نعم بدلع: انا هحصل جوزي حبيبي اروق عليه ابقي خدي بالك منها يا صفصف ههههههه.
سهير بتريقه: يا حرام هو مش صدقك معذورة اصله بيحبنا موت و اكيد مش هنضحك علي جوزنا حبيبنا يعني.
زينب دموعها نازلة بصمت..
نعيمه بهمس: المرة دي عدت الجاية الله واعلم ب يلي ممكن يحصلك وقتها يا قطة.
صفا بقرف: انا وانتو عارفين الحقيقه وانه انتو اللي غلطانين بس هقول اي غير كل واحد وله يوم و اه صحيح حماتكم جاية بليل.
سهير بخوف: حماتي جاية لي هي مش كانت مريحانا وعند ابنها عز جاية لي وعاوزة اي مننا اكيد مجيتها وراها مصيبة.
نعيمة بغيظ: متخفيش يا بت اكيد جاية زيارة و ماشيه تشوف المحروسة.
سهير بقلق: ربنا يستر انا مش مرتاحه لمجيتها دي بقولك اي انا هروح بيت ابويا بكرة و مش عاوزه اشوفها كفاية اللي عملته الزيارة اللي فاتت.
نعيمة بتوتر: ما خلاص بقا قولنا اكيد هتزور وتغور متقعديش تندبي انا دخلة ل عصام النهارده ليلتي انا.
مشيت و سهير دخلت ل عيالها..
زينب باستغراب: هو في اي ومالهم مرعوبين اوي من ام عصام لي هي بتعض.
صفا بحنان: لا مش بتعض بس هي شديده حبتين المهم تعالي ارتاحي و خدي بالك من نفسك وانا هكون جنبك علي طول و متاكليش حاجه من ايديهم و خطواتك تكون محسوبة هم كدا حاطينك في دماغهم.
زينب بشرود: انا عاوزة اخرهم وحياة ابني اللي لسه بقاله ايام وعاوزين يقتلوه ما هسيبهم يتهنوا وهعرفهم مقامهم كويس اوي يا صفا صبرهم عليا.
تاني يوم...
سهير خارجة من البيت ولسه بتفتح الباب وقفت بصدمه: حماتي انتي جيتي بدري اهلا وسهلا اتفضلي.
حماتها ببرود: كنتي رايحه فين يا مرت ابني اييي موحشتكيش ولا مش عايزه تشوفيني ؟.
سهير بخوف: لا مشوفكيش ازاي يحماتي دمتي وحشتيني اووي ...انا بس امي تعبانه ف قولت اروح ازورها واطمئن عليها
حماتها ببرود: قولتلك قبل كده البنت مش بتزور اهلها الا لو حد فيهم مات غير كده هما اللي ييجو لحد هنا يزروها يلا غوري من وشي قبر يلمك
سهير بخوف: ح حاضر مش رايحه ... يا نعيمه يا صفا تعالوا حماتنا جت.
دخلت حميدة بيرود: متقفليش الباب في حاجات تحت هتنزلوا تجيبوها.
نعيمة جت بابتسامة صفرا: وانا اقول اي النور دا كله منوره يا حماتي
حميدة بسخرية: خلصتي ترحيب يا بت بياعة الجرجير يلا خدي الحريم اللي هنا وانزلو هاتو حاجاتي من تحت.
زينب جت بابتسامة: ازاي حضرتك انا زينب الرابعه.
حميدة ببرود: عارفكي كويس ابني حكالي عنك ياختي يلا بسرعة العربية واقفه تحت.
زينب بهدؤء: انا مينفعش اشيل حاجه تقيلة عشان حامل يا طنط.
حميدة بعصبية: طنط اييي ياللي ينططك قرد قوليلي يا حماتي وبعدين عندنا في البلد الحريم اللي شبهك بيكون حوامل في السادس وبيعزجو الارض وكل واحده فيهم تشتغل زيها زي جوزها كمان يلا بلا دلع ماسخ.
صفا بهمس: اسمعي الكلام وانا هشيل مكانك يلا بسرعة
نعيمه بهمس ساخر: حنينه من يومك يا صفصف طب ما تشيلي عني انا كمان.
حميدة بزعيق: انتو بتتهمسوا علي اي يلا اسمعوا الكلام بسرعة
نزلوا الاربعه ووقفوا بصدمة قدام الشنط واقفاص البط والوز..
زينب بصدمة: هو انتو متاكدين انه زيارة يوم واحد ولا هتعيش معانا ؟
سهير بخضة : نهار اسود دا انا اموت فيها ادعو انها تكون زيارة خفيفه وتمشي علطول . .
شالو وطلعو الحاجة كلها وكانو بينهجوا..
حميدة قاعدة ببرود: اي يا حرمة منك ليها تعبتوا ولا اي.
نعيمه بغيظ: لا طبعا نتعب من اي دا انتي خدمتك دي علي قلبنا زي العسل اه والله .
حميدة بجمود: وانتي تقدري تقولي غير كده ولا اي ؟ يلا عشان تطبخو لنا لقمة ناكلها زمان ولدي جاي من شغله تعبان وانتي يا نمرة رابعه تعالي ادعكي لي ركبتي علشان قايده ناار.
زينب بهدؤء: حاضر يا حماتي.
بعد شويه...
حميدة بقرف: بس كده روحي يلا نادي لي علي ضرايرك عايزة اقولكم حاجة كلكم.
زينب بغيظ: حاضر يا حماتي صفا نعيمه سهير تعالوا بسرعه.
جم باستغراب..
حميدة ببرود : انتي يا حلوة انتي وهي كلمتي من النهاردة هتمشي عليكم واحده واحده واللي أقوله يتنفذ علطول كل واحده تخش اوضتها زي الشاطره كده تجيب لي دهبها عشان هلمه منكم كلكم.
الكل بصدمة: اييي عاوزة تاخدي دهبنا لي.
حميدة بهدؤء: عشان اشيلهم معايا دهبكم و حالكم ومالكم هيكون كله في ايدي من النهارده عارفين ليه يا مرتات ابني؟.
الاربعة باستغراب: لييي يا حماتي.
حميدة بهدؤء: لاني هقعد معاكم هنا شهرين تلاته كده
الأربعة بصدمة:
الرابع من هنا
