رواية نوائب شام الفصل السادس والعشرين 26 بقلم الكاتبة ايلول
"""""""""""""""""""""
17
ضميني عُطر خِدران بثيابچ ، هذا أنا العنيد الصّرت حبابچ
341
""""""""""""""""""""""
5
شــام :: سمعتها وتمنيت ما سامعة كافي أريد أعيش براحة وياه بدون خوف وقلق بدون ماضي ووجع ما اريد اعرف شي ،
نمت وهو أيده بشعري وكل شوي يبوسني
89
الحد ما فزيت على شهكته وكف بسرعة شامرني من حضنه اباوعله بصدمة وهو متخبل يباوع بالغرفة يدور
65
- هجــام شكو ؟
8
- وينه وينه؟
261
وكفت خايفة عليه عبالك مو وياي يدور بخبال بالغرفة مد ايده جر الساطور گـــلبي وكف نزل يركض وآني اركض وراه كلها نايمه دفع باب غرفة رويــده فزن ثنينهن مخروعات رويــده وافاطم وهو يصيح
60
- وينها غــزل وين ؟
510
فاتحين عيونا بصدمه وهو صفن استوعب نفسه نحرج كعد على الجرباية ضم وجهه بأيده كعدت يمه رويــده تباوعلي بقلق حاجته بهدوء
370
- شبيك هجــام ؟
15
وخر ايده من وجهه باوع لرويده ورفع أيده محذر
- اطلع غبي وكلشي ما افتهم اذا طلع حيــادر ما حاط عينه عليها
2.2K
- أستغفر الله لا حول ولا قوة الا بالله
257
وكف خازر رويــده ويحجي بعصبية
17
- لا تحجين مثل ابو الحلقات روميو
3K
وهي واكفه محتارة شنو تحاجي لزمتني الضحكه واكفه وراهم كوه ساكته التفت عليَ بسرعة دنكت ساكته اسوي نفسي ما منتبهه وهو يحجي يحجي وطلع من الغرفة يغلط عليهم باوعتلي رويــده وضحكنا اني وافاطم كالت
93
رويــده :: بله رجاءً شــام لزمي رجلج شلون سالفة هاي
405
أفاطم:: هذا البارحة حلم بصاحب رويــده المتدين يجوز اليوم حلم بحيادر يفتر عليهم حتى بالحلم
790
رويــده :: يبووي والله عيب فد انحررج منهم كل ساعة واحد متصل يشكي من هجــام اريد الطم ترا حيــادر متزوج وغزل نحطبت حجي هجــام كلش عيب وحيادر ما يستحقه
159
باوعت بوجهه أفاطم ونفجرنا من الضحك ثنينا وهي تصيح
- شبيه احجيلجن اني
126
أفاطم:: تطبعت باطباع صاحبها المتدين
152
شــام :: باجر تكعدنا وتصلي بينا جماعة
849
نحجي ونضحك وهي وجها صار احمر منحرجة ما تدري شتسوي اخر شي كالت بعصبية
- يعني قابل بس هو يذكر الله شكلت اني شبييجن لا تضوجني شــام أفاطم
55
شــام :: يله بدون حموضة سكتنه ايعع شبيج ما تتحملين شقة
173
أفاطم:: قابل احنا متدينات وتتحمل شقانه
205
حجتها تهز بايدها وكامتلها رويــده وهي ضمت روحها بالغطا خنكتها بالمخده وتدغدغ بيها ولاول مره أفاطم تضحك بصوت عالي ومن گلبها واغاني هجــام عالكه للستار رحت ويا رويــده الزم برجلين أفاطم حتى ماتدفرها وافاطم بس تريد تفرغ نفسها من عدنا
520
التفنا على فتحة الباب سجود خازرتنا وتنتر على رويــده
- نايمين ترا امشييي سكتي لا اسويلج كارثة بهالليل
140
رويــده :: بيته بكيفه اليكعد وياه يتحمله
81
وبمجرد حجت رويــده دخلت سجود بعصبيه جرت رويــده من شعرها وعصرت فكها بقوة وهي تكلها
- جا اتحملي اليجيج
110
رويــده فرغت روحها ودفعت سجود
- المبلل ما يخاف من المطر
287
عافتنه وطلعت كعدت رويــده ضايجة تمددت وتغطت عفتها وصعدت دخلت الغرفتة اباوعله كاعد على الكرسي مرجع راسه ليورا منزله ومخلي رجل فوك رجل وصوت الاغاني يدك بالراس تقربت يمه طفيتهن رأسًا رفع راسه بخزر حجيت بسرعة
289
- نعسانة تعال ننام !
187
ومديت ايدي الايده بدون ما أسمع جوابة سحبته للچرباية تحسر ساكت عدلت الغطاء تمدد واجيت الحضنه سحبت أيده من جوه راسه خليتها على المخده وخليت راسي عليها مديت ايدي لزمت وجهه من يم حنكه ودرته عليَ
91
- باوعلي لا تباوع للسگف
90
زفر نفس ونگلب صار مقابيلي يباوع لعيوني بتركيز أبتسم بهدوء
6
- اعاينلج وانا وعيوني الممنونين .
778
عضيت شفتي مبتسمه اباوع لوجهه اريد اعضه مدري ابوسه مدري اضربة مدري املخ وجهه مدري شريد اسوي
771
راحت ضحكتي واجه ببالي سؤال
- هجــام اذا صرت عميه هم تحبني ؟
بقى ساكت ومركز بعيوني ينتقل بنظرته من عين العين
334
- زين لنفرض عيوني انسدن بعد ما ينفتحن تبقى تحبني؟
128
ضحك بصوت عالي ورفع أيده سد عيوني وباسهن باس وجهي كله يحجي بضحك
- انا اعشگج لو تضلين بس نفس
243
سحبت أيده من عيوني نزلتها
- وإني احبك لو تصير جرح بگلبي .
263
بلع ريك لم شفته الداخل حلكه وتغيرت ملامحه خله أيده على خدي يسأل
- أذا أذيتج ؟
56
- بقصد ؟
16
هز راسه لا مركز بوجهي رفعت ايدي خليتها على خده مثل ما هو مسوي
- ما اضوج منك اذا بلا قصد أبقى احبك .
66
سكت ضايج عبالك رغم اني احجي بفرح وحماس تحسر
- بله عيديها شــام !
17
- شنو ؟
4
تلمس شفتي بين اصابعة
- تحبيني ؟ عيديها انا احب أسمع صوتج وانتِ تنطقيها
65
صار ساعة ارطن بلا مستحى ومن كال عيديها خربط دكات گـــلبي وخجلت بقيت ساكته اباوع لوجهه
108
- تسرسحتي ؟
731
هزيت راسي لا وهو كوه لازم ضحكته الا اني احس وجهي نار ضحك بصوت وتقرب بهدوء ضم وجهه بركبتي غمضت عيني ذبلانه روحـــي ويا شفايفة التتنقل على رگبتي الحد ما وصل الاذني باسها وهمس
182
- بس هسه اكيد تسرسحتي مدام متسرسحة
869
بقيت مغمضة اجتي النعسه راح أنام ضحك حيل سحبني الحضنه ضميت راسي بصدرة ساكتة
13
- المفروض اسمج شــام المتسرسحة
495
واني ساكته كل عقلي يم أيده التتلمس زندي بهدوء وهو سكت شوية واحس أيده قبضت على زندي وشوي شوي تقسى لزمته الي رفعت وجهي من صدرة مرجع راسه على المخده مغمض وواضح على ملامحه الغضب ايدي اذتني من لزمته همست بخوف
96
- ايدي هجــام !!
29
فتح عينه وبسرعة رخت ايده كعد وسحبني كعدني روحـــي راحت من عرفته أعصاب من ملامحه وأيده التنقبض بقوة. سندت ظهري على تاج الجرباية وهو كدامي كاعد مسح زندي مكان لزمته
19
- ما اذيتج ؟
27
بلعت ريك اهز براسي لا بخوف رفع ايديه ثنينهن رتب شعري ورا اذني وهو يحجي
- راح اسأل شي لا تضوجين ولا تجذبين متفقين !
263
وكف النفس ببلعومي عضيت شفتي بخوف مدنكه رفع وجهي يباوعلي بعصبية
- عينج بعيني ، ما تجذبين متفقين ؟
53
- ما اعرف شي اني !
155
- لا لا تعرفين ، كولي ما أجذب!!
16
برطمت خايفه اريد اشرد هسه ، حجيت برجفه
- هجــام والله ما اعرف شي
33
رفع ايده بعصبيه يسويلي
- اشششش ، لا تخافين ترا ما اطكج ولا افقد انا بس جاي اسأل ليش تخافييييين ليششش ؟؟
128
مسحت عيوني بسرعة ما اريد ابجي ورغم رجفة صوتي احجي
- ما خايفة ما خايفة
6
- كوولي ما اجذب
7
- ما اجذب بس والله ما اعرف شي
60
خزرني خزره اخذت روحـــي وكام بعصبية افتر ايديه ثنينهن فوك راسه محتار شيسوي اخر شي راح على الباب دفرة دفرتين سديت اذني بخوف رجع كعد كدامي لزم أيدي يحاول يحجي بهدوء
58
- انتِ من كبل لا تعرفين شنو اريد اسأل جذبتي ليششش؟
116
- ما ، ما مجذبه هجــام حباب لا هيج تسوي
9
- تلعبين بعقلي تطفريني السابع سماء احجي ما تجذبين ؟
37
سحبت ايدي منه لميت رجليه الصدري وحضنتهم اباوعله بزعل وعيوني متروسه دمع حجيت بخنكه
- ما اجذذذب
25
بقى ساكت يباوعلي منصي راسه وعينه لعيوني حجه بهدوووء وتركيز كلمة كلمة يحجي
3
- اذا احد غيري تلمس رگبتج يعني احد حاول يتحرش بيج ، تسكرين بأيده مثل ما يصير بيج بأيدي لو تنتبهين وتدافعين النفسج ؟
2.3K
فتحت عيني على وسعها ساكته اباوعله الحد ما نزلن دموعي گـــلبي يدك حيل وجسمي احس بيه رجف وأني اتذكر شكد دافعت على نفسي مد أيده راد يلزم وجهي دفعتها بنتر شهكت امسح بدموعي ويرجعن ينزلن
37
- لا تبجييييين لا تبجيييين بس جاوبي
68
- انتَ شنو اشايف نفسك وخررر
225
دفعته اريد انزل من الجرباية سحلني طبك ايديه بايده وسحلني الحضنه ظهري بصدرة بجيت بصوت
- وخرررر والله وخر
140
- اشششش كلت لا تبجين شامي هو سؤال
335
اسحب بايده بس اريد افك نفسي منه رفع أيده لزم ركبتي مثبتني وخانگني برخاوة يحجي من بين أسنانه
- راح اخنگج اسكتي كلت
217
غطيت وجهي بأيديه ابجي نزل راسي على رجليه
- شامي
118
يحاول يسحب ايدي من وجهي وخرهن لزمهن بايد وبايد الثانية مسح دموعي
-ليش تبجين؟ اذا بأيدج اعقل بدموعج اتخبل
129
- بس عوفني خلي اروح للمخزن
17
- انا سألت واذا ما اخذت جواب ما ترحين كوه كاض روحـــي شــام كوه ، عقلي ضل شعره احجي جاوبي على سؤالي لا تسممين روحـــي
202
هزيت راسي خوش امسح بدموعي ردت اكعد ما قبل لزم اكتافي
- ضلي نايمه على رجلي واحجي
30
تنهدت بحسرة عاضه شفتي ميته قهر واني اتذكر والغاثني سؤاله مد ايده يبعد شفتي عن اسناني
- اسمعج
46
- ترا بس يمك ضعفت بس انت الماكدرت ابعدك عني شنوو لان انطيتك مجال توقعتتي ويااا الكل هيج ؟؟
212
سدحلكي بأيده
- انتِ تضعفين شــام اذا اتلمس رگبتج تموع روحج وتسكرين
427
وخرت ايده من حلكي نترت ابجي
- بسسس يمك بس يييييمك ، اموت وما اخلي احد يلزم ذرة من جسمي انتَ الوحيد الاضيع يمه وريت ميته ولا مخليتك لازم شعره من شعري
357
رجع سد حلكي بقوة كتم تفسي ودنك يبوس براسي ويحجي سريع
- تموتيني تردين تموتيني ليش هيج تحجين تگطعين بگلبي وذر
309
دفعت أيده أمسح بدموعي بس أريد اكعد وهو مايخليني سكت واني ساكته الحد ما هدأت ايده تصعد وتنزل على خدي بهدوء
9
حسيت بيه شوي شوي وصلها لعيوني غمضت عيني تلمس رموشي فتحت بهدوء وهو بطرف اصبعة يتلمس رمشي شوي وخله ايده على عيوني ثنينهن
42
- غمضي شــام لا تفتحين
122
وخر ايده وبقيت مغمضة هادئة واتذكر كل لمسه غصب الجسمي اسمع صوته يهمس بهدوء وايده ساعة بشعري ساعة تتحسس رگبتي وخدي
6
- نمتي ؟
18
واني مغمضة هزيت راسي لا
- سولفي البعقلج بشنو جاي تفكري لا تفتحين عيــونج بس سولفي حسبي نفسج وحدج
329
بقيت ساكته وعقلي يرسمهن موقف موقف واني مغمضة حسيت بشفته على شفتي بهدوء باسني ابتعد ورجع باسني طول يبتعد يهمس ويرجع يبوسني
- احجيلي البعقلج شامي ، التفكرين بيه هسه وانتِ مغمضة سولفيه
515
ابتعد مسح شفايفي بين أصابعه الغرفة احسها بردت حيل بس وجهي نار حجه بهدوء قريب على اذني
- منو متحرش بيج ؟
186
واني مغمضة لكيت دموعي تنزل بلا وعي حجيت بصوت يرجف
- كل شخص شافني بلا ابو استضعفني وتحرش
587
تحسر بقهررر واني احجي بروح تعبانة كلشي ينسي الا التحرش
- جنت صغيرة هستوني مسجلة بالمدرسة ما اعرف شي واحمد ابن خالي مراهق يصيحلي للغرفة ويفتح تليفونه يراويني مقاطع سخيفة اخجل اباوع اغطي عيوني وهو يسحب ايدي يكلي باوعي حلو ورغم صغيرة ما عجبني اباوع هيج ورفضت كمت اشرد من يصيحلي ما اروح بس اخاف لان صغيرة اخاف منه من اهله ينامون الظهر واني وبت خالي نلعب يطردها يكلها نامي ويجرني لغرفتة يهددني اذا اكلهم شافت هيج يموتونج يكتلونج واصدك كلامه اخاف صدك يكتلوني يجبرني اسكت من يتلمس جسمي رغم طفللة والله طفلة وهو مثل الحيوان ما مهتم لدموووعي وبجيي المهم يريح حاله
1K
احجي بغصة وشهگة مخنوكه كد ما كابته افعالهم القذرة
28
- كم مره عادها ، وبالليل من اروح انام أبقى ابجي لان جسمي مايتحمل لمساته القذرة حجيت الامي ومن ساعتها كامت ما تعوفني وحدي وياه وعلمتني أدافع على نفسي كمت ما أسكت بس يريد يلزمني اشرد لو اصيح بصوت عالي ويخاف الحد ماكبرت ورجع تحرش بيه دفعته من الدرج نكسرت رجله برد گـــلبي رغم وراها شكد نضربت بس عادي المهم اخذت حقي
ورحنا بيت وحدنا اني وامي ارتاحيت وخلصت ومن رجعنا يمهم هم حاول يعتدي بس دافعت دافعت عن نفسي وما خليته يسويلي شي ملخته وصرخت ما خليته يسويلي شي والله ما خليته
173
ابجي بحركه سد حلكي بايده يمسح بعيوني ساكت واني ما أريد أفتح عيوني واسكت اريد احجي كلشي بكلبي اريد اوضحله شكد تحرشوا بيه ودافعت عن نفسي مو مثل ما يفكر بعدت ايده اشهك واحجي
24
- من ماتت امي، المعاونة بالمدرسة رادت تساعدني كالت ازوجج الاخوي قبلت لان ردت اكمل المدرسة ومره نجبرت أصعد وياه ومن شفت أسلوبه ويريد يبطلني كتله ما اريدك وهم تحرش بيه وداافعت عن نفسي والله دافعت
213
مره مره ماكدرت احمي روحـــي مره من كد الضرب تعب جسمي
من شردت منا عشت ويا مريه وابنها دخل الغرفتي يكلي نتونس بس ما اخسرج شي صرخت وردت بس احد يساعدني ماكدرت افك روحـــي منه اذاني لمساته اذني واذا ما خسرني شي شنو الفايده شنوو اذا جسمي تحمل لمساتهم القذرة وافكارهم الجايفة .
640
بجيت بجيت بتعب روحـــي توجعني واملخ بركبتي من أتذكر شنو العشته لزم ايديه ثنينهن ونزل راسه على راسي ساكت دموعي حركن وجهي والغصه البكلبي ذابحتني بجيت الحد ما تعبـــت وحسيت بأيده تمسح خدودي بلا ما يحجي كعدني وافتر تمدد على المخده وسحبني الحضنه حاضني بقوة يبوس بشعري الحد ما غفيت
126
كعدت فازه ادوره ماكو رأسًا دنكت اباوع للگاع نايم بصف الچرباية ابتسمت اباوع لوجهه
83
كمت بهدوء طلعت منه شفت الساعة بالعشرة غسلت وصليت مديت راسي من المحجر اباوع كلهم كاعدين بالصالة رجعت الغرفة هجام اريد اخذ كتبي احب ادرس قبل لا اتريك احس عقلي يستوعب اسرع لزمت الكتب باوعتله عفتهن ورحت للجرباية غطيته كعدت يمه صافنه بوجهه ومبتسمه نعلعله الدراسة ختولي عفتهن وتمددت وياه ضميت روحـــي بحضنه حضني بست خده وعصرت فكه
777
- اكعد نتريك سوا
18
وهو ما يرد بس يرفع حاجبه وهو مغمض عود لا
- هجــام يمكن اتذكر اني زعلت البارحه
157
هم هز راسه لا ضحكت رجعت الحضنه ايدي على صدره احس لزمت جرح تحسسته بايدي مافاهمه شنو هو وخرت الغطاء من صدرة اباوع للمكان وشم جديد صغير وجهه بنيه وملتفات على راسها حيايه ونازل من عيونها دمع باوعت بوجهه نفسه ثكل رجع نام
600
عفته وكمت نزلت الرويده للمطبخ وكفت يمها
- هجــام ما يقبل يكعد
- اي عوفيه جان طالع هستوه اجه
- وين ؟
- مادري يمكن جاب إيجارات المحلات والبيت
459
مديت راسي باوعت خاف احد يجي حجيت واني اباوع لرويده بقلق
- داك وشم جديد ! هسه شفته
2
باوعتلي بصدمة ورأسًا سألت
- من رسمات ملاك؟
- وينهن هن رسمات ملاك ؟
- بحايط غرفتكم !
30
- لا هاي رسمة مو شخابيط
- وين داكه ؟
- على گلبه
172
سكتت محتارة وكملت شغل من دخلت زهراء تشرب ماي وبس طلعت اجت يمي كالت
- يعني جان يم صديقة العلمه يدك وشم كل ما اكول تحسن يرجع
57
- بس رويــده هو ما بيه شي يعني اشوف تصرفاته كلش زينه
6
سحبتني من ايدي طلعنا للساحة تحجي بصوت ناصي خايفة احد يسمعها
- منتظرة أكمل اخر علاجاته ولازم نقنعه ونروح دكتور حتى اكدر اخذ تقرير من الدكتور يثبت هجــام بعقلة ومابيه شي
77
سكتت محتارة رجعت يمها يالمطبح كالت كعدي أفاطم جبتها كعدنا يم رويــده نتريك شوية ونزل مبدل يمشي بسرعة لزمته رويــده
8
- بس كلي وين رايح حتى ما يضل بالي
17
- بشغل
58
- هجــام يا روحـــي ادري بشغل بس وين حاجيني وين
43
باسها من راسها مبتسم يباوع ليورا عمو حسين واكف وهجام مانزل عينه منه كال الرويده
3
- اشتريت محل جديد رايح اشوفة
24
وعمو رأسًا حجه وهو يتقدم الهجام
- ها وين اشتريته بيا صفحة اجي وياك خاف يغشونك
901
ضحك هجــام بصوت عالي ورويده عيونها نترسن دموع مبتسمه بفرح كرص خدها وراح وعمو يباوع وراه شوية ورجع يسأل برويده
21
- جا هوه وين يضم فلوسه ؟
304
رويــده :: ابتسمت ساكته افتر بالمطبخ فتت من يمه كتله
- يم صديقة
17
- وهسه جم محل صارن عده ؟
38
وكفت كدامه ورفعت اصابعي اعدله
- واحد ثنين ثلاثة اربعة وهذا الخامس
433
ينتر كام مايعرف شنو يحجي كال بقهر
- ما يسجله محل باسمج جا بس بالاسم اخو طاحظ هيج اخوه
292
يحجي واني ساكته طلع للصاله شوية ورجع يسأل
- والبيت البالمدينه بعده مأجره ؟
رفعت اكتافي ما ادري غلط وسب هجــام تجاهلته مايستحق الرد
110
شــام :: ما رجع طول اليوم ورويده قلقانه وخايفه عليه نمت وهو ماكو بااليل حسيته شالني من المخزن جلبت بركبته نومني بغرفته فزيت الصبح مالكيته كالت رويــده هم طلع .
212
حيــادر :: استحي من روحـــي من الكاني مشتعل نار عليها ساعات الوم بروحي انا الضيعتها من ايدي وساعات اعض اصابعي ندم يوم العقدت عليها بلا علم أخوها
284
عفت القلم حاير لا كادر اكمل بلاياها ولا كادر اروحلها ولا أنساها مو بين نارين بين اربعه التفتت على صوت التليفون متحسر جاوبت من شفته رقمها
65
- الو غــزل
- حيــادر ، تعال رجلي نلوت
72
حجتها وبجت ضاك الهواء بصدري هذا انا السبع بادن رجليه
شيوصلني من قسمي القسمها وانا حيلي رايح
طلعت بخطوات تركض شفتها كدام القسم تبجي وملتمين عليها
95
غــزل :: بجيت ادفع بأيد اسلام ما اريد يلزم رجلي وهو يصيح
- كومي اخذج للمستشفى
104
واني ما رايده غير حيــادر يجي اباوع من بينهم ابجي بوجع لمحته رافعتله أيدي رأسًا لزمها وكعد يمي خايف واني ارطن واكله
- نلوت بالدرج
57
عبد علي :: حيــادر لازم مستشفى حاجيها
17
اسلام :: تعالي حبيبتي هسه اخذج
ومد أيده يريد يشيلني لزم ايده حيــادر خازره يباوع للطلاب دفع ايده وشمر سويج السيارة على عبد انطاه كارت كاله
- جيب السيارة عبد
172
وبراء لازمتني بقلق خايفه أشرلها اسلام وخري ابتعدت وهو كعد بصفي مد ايده على وجهي يمسح بدموعي وهمس بصوت ناصي
- اذا رحتي ويا حيــادر هالساقط ما تلومين الا نفسج
580
وبلا ما احس غلطت بصوت واضح
- نجب عيب عليك
797
فتح عينه كلها ولد اصدقائة ثنين واكفية وبنيه من القاعة دار عليهم واني بلحظتها تندمت هز راسه متحلف وكام راح باوع الحيادر مبرطمة وامسح بعيوني غمض بغصب مسح وجهه وكال
71
- ما يصير تغلطين بابا
333
دنكت ساكته الحد ما اجه عبد بالسياره ورحنا للمستشفى والدكتور عبالك منتظرني حتى يرزلني بجيت بجي من كال ثلث أشهر بعد يله تشيل البلاتين روحـــي فرفحت اباوع بوجهه واحجي بحركة
85
- مو قبل كلت ثلث اشهر وخلصن
- سبحان الله تضاعفن
339
- دكتور حباب تعبـــت يأذني والله
- بابا مايصير مايصير رجلج بعدها وتدرين لو هالوكعه قوية تسكط رجلج تنتهي انتِ ليش ما تنتبهين
57
حجه وياه حيــادر واني احس بروحي فرفحت فعلًا البلاتين جان يأذيني واحسب شوكت اخلص منه شوكت ارتاح براء احتاريت بيه هي ساندتني صعدتني بالسياره وما صعدت عبد كال
34
- الحمدلله على سلامتج كونها بعدوينج ، حيــادر اي شي تحتاجه خابرني
62
حيــادر::حبيبي عبود مشكور تعبتكم
203
سلموا وراحوا اخذوا تكسي سندت راسي على الجامه اباوع للشارع التفتت على صوت حيــادر
- اخذج يمي بين ما تصيرين زينه
69
سكتت اباوع لوجهه وهو يسوق واتخيل ايه راجعتله اموت گـــلبي يشتعل نار مسحت دموعي درت وجهي وحجيت
- لا هجــام ما يقبل كال لا تشوفين حيــادر ولا ترحين المكتبة ابد ابد
53
- معليج خلي يكول
32
- لا اخاف منه ما يقبل والله
4
- معليج معليج عود يحاسبني اذا عرف كليله اخذني للبيت غصبًا عليه
137
سكتت ودموعي ينزلن بلا صوت وصلنا لبيته افتر يريد يساعدني انزل لازم يلزمني دار وجهه بحيرة ومد أيده لخصري نزلني وسندني سحبت نفس بقوة بس دخلت للبيت امسح عيوني ويرجعن الدموع يتجمعن من اتذكر جنت وياه فد بيت وصلني الغرفتي فتح الباب ووكفنا باوعلها ملابسه على الجرباية مالتي التشيرت والفراش مخربط ويم المخده قميصي باوعت لوجهه دنك يمشيني ويحجي
287
- نمت هنا لان البارحه مدري شبيه تبريد هذيج الغرفة
706
كعدت على الجرباية رفع رجلي
- نامي غزوله ارتاحي
14
حجاها وطلع دك تليفوني باوعت اسلام جاوبته اريد اعتذر لان غلطت وبس فتحت الخط سبني يصيح
- حيوانه ساقطة شعندج رايحه وياه
- انتَ الحيوان ليش تغلط والله اكوم الهجام اخليه يكسر خشمك مره الثانية
272
احجي بفهاوة عبالك جاي اسولفله سالفة لان متردده اغلط بس لان هو رأسا تجاوز عليَ تخبل بجيت بس بقى يفشر واني اصيح
- عيب عليك ما تستحي انتَ شنو تحجي هيج
158
وهو يصيح
- تستحيييين هسه تستحين استشرفتي
دخل حيــادر يباوعلي بصدمه وخرت التليفون ابجي بحركه واكله
- يغلط عليَ بكلمات عيب ينكالن
474
سحب التليفون من ايدي وطلع من الغرفة اسمع بس صياحه
3
حيــادر :: هيج بشر بلا كرامه واخلاق ما شايف سديت التليفون بوجهه دمي محترك درت على تليفوني بس شفت اسم هجــام اهوو انتَ تشتم الاخبار دخيل ربك
789
- الو
- سؤال
416
- اول شي يكولون السلام عليكم ويسألون عن الاخبار بعدين يسألون خاب ابقى اعلم بيك انا لشوكت
138
- كلتبن يله كلتبن اذا انطيك اسم تكدر تجيبلي عنوان
438
- خويه رحمه الامك وابوك انتَ شايفني استخبارات ؟
230
- لا شايفك ..... من تريد شي تلكاه احجي حيــادر بلا جر وعر تكدر تجيبلي عنواان
256
- هجــام عنوان منو شتريد سالمين ؟
4
- واحد اسمه أحمد يصير ابن خال مرتي
1.9K
- تريد تسلم عليه ؟
87
-اي سلام ساطوري
2.2K
- اركد هجــام فلا تنبلع اكعد يابه زوجناك وماعقلت شوكت تعقل
194
سده بوجهي ابن الشريفين إتصلت على رويــده
رويــده :: هااا حيــادر غــزل بيها شي
87
- انتِ واخوج عندكم عداوه ويا السلام؟
- السلام عليكم
825
- بعد وكت اخذيلج فره ، اكلج هذا اخوج على شنو ناوي خابرني يسأل على احمد يكول ابن خال شــام شيريد منه ؟
120
رويــده :: باوعت الشام مستغربة وهي تهز راسها شكو
- شيريد منه ما كالك ؟
5
- لا ماكال بس واضح متحلف بيه بعد ما ينرادلها تفكير مبينه
- يمه ليش شلون وياه ؟
16
ايدي على حلكي محتارة سديت التليفون من حيــادر وشام تباوعلي بقلق كتلها
- هجــام يدور على ابن خالج احمد
32
فتحت عينها مصدومة وجها فهه حجت بخوف
- اني البارحه حجيتله شنو جان يسويلي احمد
60
لطمت على وجهي محتارة لا بيه الوم شــام ولا بيه أسكت اتصل عليه ما يجاوب
- لا تبجين شــام هسه يرد شبيج
49
- والله ما توقعت يروح يدور عليه حجيت لان صار موقف نجبرت احجي واوضحله لو ادري يروح ما احاجيه
22
أفاطم:: ابو ساطور ينلزم
701
رويــده :: عفت التليفون بأيدها وطلعت من صيح عليَ ابوي نطيته ماي ورجعت للغرفة يمهن التليفون بأيد شــام نتصل وماكو شوي وجاوب بعصبية
12
- هااا هااا
93
سكتتت أشرت الشام انتِ حاجيه وهاي بس تبجي كوه كالتله
- وين انتَ هجــام ؟
- ليش تبجين منو وياج ؟
35
- عليك ليش ما ترد خوفتني وين رايح؟
- بالليل اجي حبيبتي شامي لا تبجين شبيج قابل وين رايح افتر افتر وارد لحضنج مچاني هذا .
1.6K
عضيت شفتي متفشلة اباوع لرويده وافاطم منحرجة همست
- فاتحه السماعة هجــام
380
سكت شويه وكال
- وينها رويــده
رويــده :: اخذت التليفون سديت السماعة وحاجيته
- وين انتَ عمــري ؟
- بالليل اجي لا تخوفينها كليلها راح يشتغل اي شي بس لا تخوفينها ، يله جاي اسوق انا
44
سد التليفون واني القلق ماكلني رجعت اتصلت على حيــادر كال
- والله ما ادري انا هستوني راجع من الدوام
- ها مو عطلة اليوم ؟
- لا السبت نداوم حتى غــزل لان عندهم نقص محاضرات لازم يعوضونه بايام السبت يداومون
10
- اني بس أشوف شلون ارهمها واجي علمود عمليتها
- تأجلت رويــده ثلاثة أشهر مابيها شي بس تحتاج وقت
14
حيادر :: بالالف يا علي قنعتها وسديت التليفون منها دكيت باب غرفة غــزل ماردت من فتحته لكيتها نايمه رجعت طلعت محتار
ما مرت ساعة وندك الباب اول ما فتحته صار بوجهي هجــام
2K
من صدمتي بيه سديت الباب بوجهه رجع دكه
- اوكف خل ابدل
- حيوان جاي اخطبك انا شنو ؟
4.1K
رجعت فتحت الباب دخل يباوع بطرف عينه دخلته للصالة عفته ورحت الغرفة غــزل كعدتها هسه شيفهمه جبتها لان نلوت رجلها فزت موعوبه سويتلها اششش
- هجــام هنا لا تطلعين
61
وهي ما مستوعبة فاتحه عينها بصدمة طلعت نطيته مي وكعدت يمه يابه احلف عليه كاشفني وقاريني باوع بالبيت وحجه
- مرتك ما اجت سلمت ؟ كل مره تتلكاني للباب !
261
- يم أهلها خطار
- اممممم
179
باوعتله ساكت حجارة على حظي الجابك بهاليوم ما تروح اليسر شبيك تفتر وراي
2K
- جوعان سويلي ريوك
- عفوًا اشتغل يمك انا ؟
291
خله رجليه على الطاولة ورخه ظهره على القنفة رافع حاجبه
- حيــادر جوعان كوم
216
- تعال وياي للمطبخ نسوي اكل سوا حتى ما احس بروحي مغلوب
192
ضحك وكام وياي مسطور بيه سطر اسأل على احمد وأستفسر منه ليش يدور عليه درت اباوعله من ما جاوب مسحت وجهي بحيرة من شفت عيونه على حذاء غــزل كال
480
- هاي الحذاء انا مشتريها الغزل
1K
- يمكن مرتي مستعارتها منها
246
سكت يباوعلي وانا داير وجهي منه اجذب على روحـــي مدري عليه التفتت عليه طالعه روحـــي شيريد يصير خلي يصير
- يابه اختك هنا بغرفتها نلوت رجلها وجبتها .
1.6K
غــزل :: نكتم حتى نفسي ساده حلكي وارجف بخوف رفعت عيني للباب من انفتح شوية شوية وبجيت بس لمحت هجــام واكف مكتف ايديه ويدفع الباب برجله بهدوء رأسًا حجيت
165
- هجــام والله احجيلك الحقيقه والقرآن رجلي نلوت بالكليه واجيت هنا
123
ابجي وابرر موقفي وحيادر واكف وراه ساكت باوعت بوجهه دم نازل من خشمه وهجام عيونه حمر تقدم بهدوء كعد على الجرباية كدامي وخر الغطا يباوع الرجلي
908
- شنو كالج الدكتور
3
- كال ، كال بعد ثلاثة اشهر للعمليه
2
- توجعج ؟
4
هزيت راسي اي تقرب مسح دموعي ويهمس متحلف
- بس اكشف شنو ضامين عليَ انتِ وياه حظكم اطيحه
751
طلعه حيــادر من يمي صوتهم عالي شوية وسكتوا رجع هجــام يمي بالغرفة ينتر
- زوجته وين ؟
49
روحـــي رايحه من الخوف ساكته وبس دموعي تنزل حيــادر صاح
- هسه تجي صخامتي لا تخبصنننه
149
وهجام يفور يفتر بعصبية وخازرني شوية ودخلت ايه مسحت دموعي اباوعلها بطنها صاير جبير مدري لان اعرف بيها حامل احسه مبين ، وهي سلمت على هجــام واجت يمي عبالك صدك خايفه عليَ تبوس بوجهي وتحجي بخوف
139
- سوده عليه خوما توجعج ؟
314
هزيت راسي لا مسحت عيوني وتبوس بوجهي وتكول الهجام
- كل الهلا بيك نورت بيتنا سكت هجــام شويه خفت عصبيته من اجت ايه وصاها بوسني وطلع وهو يحذر .
17
بس راح ضحكت إيه أيدها على بطنها كالت
- نقذتكم من الفضيحه مو مخطوبة شعندج ويا حيــادر
95
واني مدنكه ساكته ما ادري شنو ارد عليها باوعت الايدي ونترت
- مو كتلج البسسي الحلقة وراويها الحيادر
10
- روحـــي شكد حقيرة شبييج
اجت يمي بسرعه تنتر
- منو حقيره حيوانه
19
حيــادر :: تفضلي برا حاسب مساعدتج يوصلج باجر
78
وهي ضحكت بحقارة وطلعت رأسًا خليت حيــادر يرجعني للاقسام وثاني يوم اسلام جاب ورد ويعتذر شكد احاول اتماشى وياه ما اكدر يعثني .
226
شــام :: خايفه اروح للمدرسة خايفه تسويها صدك وما تدخلني وزاري كاعده ادرس عدنا أمتحان تجريبي ونفتح باب الغرفة دخل هجــام مبتسم بايده علاكه تقرب باس خدودي وخلاها كدامي
89
- اكلي وادرسي
هزيت راسي موافقه مبتسمه دخل للحمام واول ما طلع كال راح انزل يم رويــده نزل وما رجع الحد ما نمت حسيت بيه حضني ونام فزيت الصبح على دكت الباب ابتعدت من حضنه وهو فز يباوع تك عين فتحت الباب الرويده بايدها دفتر العربي خلته بايدي مبتسمه
كالت
79
- كمل
فتحت عيني بصدمة
- كله ؟؟؟
- اي
- عززززا لحكتي ؟
- اني وهجام البارحه هو كمل اخر شي ، يله يله بسرعة بدلي وراج دوام
1.6K
طرت من الفرح بدلت بسرعة دخلت وزاري كملت دوام اسبوع وكعدونا للمراجعة يا خوف رويــده وقلقلها آكثر من قلقي محتارة بيه
وهجام شد سبلت بالمخزن حتي ما ياخذ من وقتي واني ادرس ويلهيني بس ما يكدر يبتعد كل يوم يجي يكعد كدامي يكلي
- اعتبريني ما موجود ادرسي
446
ادرس وكل شوي اباوعله وهو على نفس النظرة مركز وياي ساعتين ثلاثة يبقى مكابلني وكاعد والفجر بالخمسه يكعدني ادرس وهو يطلع ساعتين ويرجع نتريك سوا ورغم صعوبة هالايام جانت تخبل بالنسبه الي بسبب هدوء هجــام وتحسن حالته وسجود كافة خيرها شرها عنا مدري لان ما انزل جوا ما احس بيها
158
ادرس وهجام متمدد كدامي ويباوع لوجهي بحسرة أساسًا مرات اركز بعيونه مدمعات واجذب نفسي عفت الكتاب باوعتله
- كوم نام مبين نعسان
- تجين بحضني صار هواي عايفتني ؟
542
هزيت راسي اي راح الغرفتة اخذت ملابسي ركضت سبحت أفكر بس أخلص امتحانات اكله ما اريد عرس ولاشي اريدك الك لا عيب هسه شيكول بس تريد نكمل زواجنه فشله ولج هو لازم يطلب هالشي
لا بس هو متردد لان حسباله راح يجي يوم واكرهه شبيج تشجعي انتِ هاا لا اني اكلج شتسوين بس لا تتحيونين كليله اريد طفل يا عززا والله لو اموت شكد عيب طاحظج شلون هيج تفكرين اوكفي شــام ركزي ركز عقلي فكر عدل
1.7K
زين اكله اني ما اريد عرس اريد نتزوج محكمه ونعيش براحة وهو يفهم انُ اني اريد زواجنه يكمل لا شلون هم عيب اكلج احسن شي سدي عقلج وحلكج لا تفكرين اسكتي امداني ومده افكاري
402
طلعت من الحمام اغلط على روحـــي كعدت بالمخزن نشفت شعري خليت عطر واباوع لملابسي قميص نوم لابسه فتحت الدكمه الاولى اريد اطلع ورجعت شام لا تصيرين ادبسزز احس ما عرفت اربي روحي دكمي وستري روحج. يله. دكمت مسحت وجهي لاخر مره ورحت الغرفتة متردده معمر نركيله اشر على الجرباية
498
- تعالي تمددي اباوع لوجهج وادخن
132
فتت ساكته تلزمني ضحكه صايرة مدري شبيه
تمددت كدامه قرب الكرسي للجرباية يجر نفس من النركيله يزفره ويباوع الوجهي كحيت مختنكه كام بسرعة عافها وفتح الباب والشباك الحد ما خف الدخان يله سداهن غسل واجه تمدد ورا ظهري حاضني يسأل
28
- سابحه ؟ شعرج مبلل والسبلت بارد راح تتمرضين
- نشفته
- بعده ماناشف بس حلو ريحته هيج
378
حجاها وضم وجهه بشعري درت وجهي عليه تمددت بحضنه ساكته هادئة كال
- شــام باليوم التكملين بيه امتحانات احجيلج شي متأكد بعدها ما راح تنامين بحضني ولا تعاينين بعيوني ولا يعجبج ذكر إسمي
699
رفعت راسي بست خده
- احبك للأبد وما اريد اعرف شي الماضي ماضي مالي علاقة بيه
هجــام يا ريت تستوعب اني ما اعوفك الاي سبب كان
111
تحسر باس راسي
- يا ريت شــام يا ريت بس ما ترهم
80
- تراهن ؟
- على شنو ؟
- اعوفك او ما اعوفك ، بس لازم نحلف بشي غالي ننفذ شرط اليفوز بالرهان الحكم انُ اليخسر بالرهان أسبوع ينفذ كل كلام الفائز بدون اي اعتراض لو يكله اطلع صرخ بالشارع يطلع هاااا
213
- الموضوع مو مال رهانات شــام
95
- انت متأكد اعوفك وآني متأكده ما اعوفك ولا مهتمه للتريد تحجيه الأفضل نخلي رهان اريد اربح واتحكم بيك أسبوع بكيفي
111
بقى ساكت هو مقهور واني احجي بحماس كتله
- متفقين ؟
هز راسه اي
- لازم تحلف بسي غالي على كلبك حتى تنجبر تنفذ
- احلفي انتِ
- وروح أمي اذا اني الخسرت بالرهان انفذ كل مطالبك لمدة أسبوع يله احلف انتَ
154
رفع وجهي من حنكي باوع لعيوني وحلف
1
- وعيون شــام الاحبهن اذا انا الخسرت بالرهان انفذ كل مطالبها المدة شهر
361
- الله شهررر
66
هز راسه اي ودنك يبوسني ومن يشوف ردة فعلي ضعف يتمادى
يسحب ملابس من ركبتي وصدري شويه وينتبهه النفسه يبتعد متنرفز ، رجع على المخده واني مغمضة ذايبة بلمساته طبع شفايفة على سفايفي لاخر مره
517
فتحت عيني من حسيته ابتعد نزل من الجرباية تمدد بالكاع تقربت مديت راسي اباوعله
- انتَ ليش تكول تعالي يمي اذا تنزل بالكاع ؟
19
عض شفته يباوع لوجهي
- اخاف عليج من عندي
88
- لا والله ؟
79
- انا اتمادى شــام وانتِ بايدي تغدين اتراب ما تمنعيني اكض روحـــي عنج مدري شلون.
134
نزلت عيني اعض بشفتي اريد الحجاية بس تطلع من عندي گـــلبي يدك حيل كوه نطقت واني مدنكه
- بس اني مرتك
1.8K
رفعت عيوني من الخجل حسيت اريد ابجي برطمت من بقى ساكت يباوعلي رأسًا بحركه سريعه تقرب خله أيده ورا راسي وباسني صعد للجرباية مرجعني للمخده يرجف واني ضايعه بأيده اضعف بلمساته ألحد الضياع جلبت بأيده وهو يفتح بالدكم وخر أيدي باعدني هز وجهي بأيده
1.6K
- عاينيلي شــام
41
فتحت عيوني الذبلانات اباوع لوجهه عيونه حمر ووجهه عركان. لم القميص بايده سداه وسند كصته على كصتي يتنفس بقوة
134
- بعدين تتندمين ، ما اريد احس بروحي مستغلج ، انا أموت من اشوفج كدامي وحلالي رايدتني ورايدج أضعاف بس ما اكدر الزمج مثل ما اريد ما اكدر ، اصبر روحـــي بحضنج بشفايفج لا عبالج مو صعب عليَ صعب صعب ابتعد بس عاينيلي شــام فكي عينج شــام شبيج
601
تلمس وجهي راح ابجي أريد بس يوخر دكم قميصي ويحجي بهدوء
- اليوم الاحجيلج بيه كلشي رغم متأكد راح تعوفيني بس افتراض اذا ما رحتي راح يكمل زواجنه هسه ما اكدر اموت ولا احس بروحي مستغلج انذبح شــام
352
مسحت دموعي أهز براسي اي تمدد بصفي حاضني ويهمس
- بعد ما انزل واعوفج غصبًا عليه اتحمل تنامين بحضني بلا ما المسج أتحمل لخاطر عيــونج ما تعاينلي بعتب بعدين
159
ما جاوبته ضميت وجهي بركبته ساكته الحد ما غفيت .
61
غــزل :: حيــادر ما شفته بعد اني احجي على ايه من جانت تخونه ليش اصير مثلها واخون اسلام حتى لو ما احبه بس حرام وعيب عليَ هيج احاجي نفسي واقنعها
رغم هو تصرفاته تقهرني حيل بس يضوج يغلط ويفشر ويسب هجــام يحرك گـــلبي وشوية ويرجع معتذر ايه بعد ما شفتها اختفت ولا اتصلت توقعتها رجعت لحيادر ابتعدت عن الكل ماعدا براء وعبد التفتت على صوته
74
عبد علي :: طلب اخوي وهسه اخابر هجــام كدامج استأذن منه
ابتسمت كعد يمي متوتر كال
- دحكي عيد ميلادها ورايدن اسوي بمطعم وهيج شي هادئ تساعديني تخابرينها وتجيج للمطعم وبعدين اجي انا
103
- اكول الهجام بالاول
خابرت هجــام كدامه بالبدايه ما اقتنع الحد ما حاجاه عبد وكام من يمي سولف وياه تفاجأت بضحكة عبد وطول ويا هجــام الحد ما قنعه وافق وطلعنا نتختل حتى من تطلع براء من الامتحان ما تشوفنه رحنا المطعم قريب على الكليه وخابرتها كالت اشوف عبد واجي اتصلت علي استأذنت منه راح هو يمهم متفق وياهم وشوية واجت هي خايفه وقلقانه كعدت يمي نسولف ولازمتني الضحكه كلساع اريد اكلها عبد مسويلج مفاجأة
105
شوية واجه بأيده الكيكه وبالونات وكفت هي مصدومة بجت حضنته كدامهم وهو وجهه صار احمر يباوع منا ومنا منحرج ويهدي بيها يخبلون يخبلون منظرهم يجنن كعدنا فرحانين وهي متحلفه بيه
391
التفتت من حسيت سمعت ضحكة اعرفها اباوع بين الطاولات لمحتها ايه بطنها هوواي كبرانه فكيت عيني كلها من لمحت زوجها وياها كعدوا ويضحكون ثنينهم گـــلبي يدك حييل وعيوني فاتحتها بصدمة وكفت ارجف واسحب بالعكازة وعبد يحجي
499
- غــزل وين ختولي كعدددي
3
ارجف رحت عليها ما افكر بتصرفاتي ابجي دفعت بطل المي من كدامها اصيح
- الحقيرررة الجذابة
80
وهي وكفت مصدومة وزوجها يصيح شكو روحـــي راحت اول مره اتصرف هيج واغلط بهالطريقة واصيح بدون ما أهتم للناس اصيح بوجهه زوجها
13
- مو كالتلي عافني كالت عااافني واني حامل منه كالت اذا اهلي يعرفون يذبحوني
47
وهي تسد بحلكي دفعت أيدها ابجي واحس براء لازمتني صيحت ارجف
- هددتني اعوف حيــادر واتزوووووج أسلام لان كالت حامل منك بالسر وانت عايفها
198
وهي تتلفت للناس التباوع وكف زوجها مبتسم مكتف ايديه كال
- حيــادر ضيع سنين من عمرنا حقها تنتقم منه مو ؟
718
فتحت عيني ما مستوعبه وهي تقربت لزمت ايدي تنترها وتحجي بعصبية
- حيوانه ضبي السانج خزيتينا متعلمه على الفضايح وللي مناااا
50
عبد علي :: نزلي ايدج مره عيب امد ايدي عليج بس لا تجبريني
65
حجه وتلازم وياه زوجها الحد ما طردونه كلنا من المطعم صعدت ويا عبد وبراء ارجف واصيح دموعي عشرة عشرة متت وهو متخبل شلون مهددتج وساكته نوب دكيت ولطمت
- راحح تحجي الهجام راح تدزله الصورررر
184
- غير اشك حلكها وحلك الخلفها هسه نروح الاهلها
296
بجيت مفرفحه وهو أتصل يسأل على اهلها دزوله رقم ابوها وخابره اخذ العنوان ورحنا بعدنا ما واصلين واتصل هجــام
5.3K
- يتبع 🦋
