رواية نوائب شام الفصل السابع والعشرين 27 بقلم الكاتبة ايلول
""""""""""""""""""""
16
ضميني رسالة شوگ
مابين الغراض الحابهن گلبچ
ولميني بصابيعچ مثل لمت خصل شعرچ
داريني ترة استاهل صار هواي ما مرتاح
من چنت بعمر جاهل.
134
""""""""""""""""""
البارت بدون تدقيق وتصحيح تغاضوا عن الاخطاء مالحكت
""""""""""""""""""""""""
258
غــزل :: بجيت خايفة والتليفون يرجف بأيدي صاح عبد بعصبية
55
- جيبييي نطيني وصوتج ما أسمعه
84
براء سحبت التليفون من ايدي واني سديت حلكي كاتمه صوتي وكل ذرة بجسمي ترجف وهو جاوب هجــام بهدوء
12
- ها خوية يحفظك الله بويه بنيتكم فاهيه ماخذة تليفون مرتي وعايفه تليفونها
356
ودار وجهه البراء يأشرها احجي وهي رأسًا كالتله
- لا تگول على صديقتي فاهيه
131
عبد علي :: هسع راجعين للكليه ننطيها تليفونها ، واعذرني يخوي خاف صار بيها احراج ، ممنون ممنون منك يا طيب
158
سد التليفون وانطانيا يحجي بحركة وعصبية يصيح
7
- يول مال صكع انتِ هاكد فطيرة عجل كل هالمدة وما تحجييييين ما تحجييين وهي مهددتج
539
واني من الحركه والخوف بس ابجي وبراء تهدي بيه طبك بباب بيت وصيح
19
- انزلي
23
نزلت واني ابجي وكف كدامي يرجف باعصاب صاح
- دحكي لون شفتج تبجين يمهم اسحلنج سحل صيري سباعيه كليلهم هيج وهيج وانا ماعايفج وياج
614
مسحت دموعي اعز راسي اي وهو دك الباب بعصبية وبراء ساندتني واجه صوت رجال وهو يكول
- اجيت بابا
75
نفتح الباب رجال جبير بالعمر شعره ولحيته بيض وعيونه بلون السماء أبتسم مرحب رغم ما يعرفنه عبد سلم عليه وكاله
دخلنا للاستقبال يرحب ويهلي بينا وعيونه علي لان اني حمارة وما اكدر ما ابجي رأسًا كال
- صديقة ايه انتِ مو ؟
38
بجيت اهز براسي اي وحجيت بسرعة
- عمو ايه اذتني
31
- افا اكسرلج راسها لا تبجين حاجيني ومايصير خاطرج الا طيب
371
وعبالك جنت منتظرة سؤاله اشرحله كلشي كلشششي بذمه وضمير من تزوجت حيــادر ومن هي. تزوجت حبيبها ومن كالت عافني ومن هددتني بالصور الحد موقف المطعم تغير شكله من الهدوء للعصبية ندفع الباب. ودخلت مرته تغلط وتسب هاده عليَ وهو صاح بصوت جفلت روحـــي منه خزرها بغضب خنست وتكله تصدك الناس الغربة وهو متخبل يتصل على آيه وهي ما تجاوب وعبد يكله
88
- الحد هسه أخوها ماعنده علم ويستر الله اذا عرف احد مهدد أخته
70
التفت عليَ كال
- عندج مراسلاتها عمو
38
مسحت دموعي اهز براسي اي وايدي ترجف أفتح بالتليفون دخلت للمحادثة الصور ما مفتوحات باوعتله
- اوكف عمو افتح النت
28
فتحت البيانات رأسًا وصلني منها رسائل جديدة ما اهتميت رجعت بالمحادثة فوك فتحت الصور الجانت تهددني بيهن وراويتهن الابوها
- باوع عمو والله اني جنت أحبها تكلي ادز هذن الاخوج واخوي عصبي أخاف منه
72
دخل هو للرقم أتأكد منه رقمها وشغل بصمه من البصمات بصوتخا انطاني تليفوني متحلف وكف عبد وهو يستأذن ويگل للرجال
- عمي دحك احنا ما ندور طلايب بس اليدك الباب يلگه الجواب الصور اذا طلعن من يم بتك الحجي يصير ما يعجب
543
سلم عليه وطلع هو كدامنا واني وبراء ورا صعدت ورا بس خرك السيارة رجعت فتحت التليفون اباوع الرسائل ايه الجديدات كاتبتلي
- حيوانه
108
وراها صورة بمحادثة هجــام كاتبله اريدك بموضوع بلا زحمه وهو ما فاتح الرسالة بجيت اشهك وامشي بالرسائل الحد اخر شي فيديو انتظرته يفتح واول ما نفتح
ولد من قاعتنا ثنين وثلاثة من غير قاعة وايه وصديقة اسلام واسلام اليصور صديقة إسلام صورة وجها ونوب دارته عليهم وهي تكول
- وااااجه النچر الما يخسر
225
دخل اسلام يضحك رافع ايده ويشمر بيها منا ومنا وهم وكفو كلهم يضحكون بصوت عالي وهو يحلي الحلقة بوجهم واحد واحد ويصيح
- جبتهاااا لو ما جبتهااااا جبتهاااا لو ما جبتهاااا
800
فاتحه عيني كلها اسمع صوت عبد وبراء وفاصلة منهم تركيزي كله بالفيديو واحد من اصدقائة ضربة كاله
- من ورا ما شبعت كتل غير
47
وهو يضحك ويكله المهم
- محد تصعب عليَ يله حركوا جيوبكم
ايه :: طبعًا كلشي بمساعدتي لهذا السبب اني اخذ ما انطي
أسلام:: انتِ بعدين تاخذين جائزتج
332
يضحكون حيل ووشه صارت بأذني وهم يطلعون محفظاتهم والبنيه تقرب الكامره على كل واحد وهو يحسب بالفلوس خمس أوراق يخلوهن بايد اسلام وهو من كل كلبه يضحك ويكلهم
- بعد لا تتورطون وتتراهنون وياي ابويه انا ماعندي شي صعب الشريفة بيومين انزعها
1.6K
ورفع تليفونه يراويهم واحد واحد الحد ما وصل للبنيه التصور بيهم خله تليفونه كدام الكامره وشفتها صورتي وياه بيوم العقد الحد
110
لهنا واحس بروحي انشالت من جسمي التليفون حسيته طاح من أيدي
ما ادري شصار بيه حسيت بنغزة ابره بأيدي وفتحت عيني بثگل باوعت ورجعت نمت غصب عني مادري شكد يله حسيت شي بداخل أيدي فتحت عيوني بثگل بس لمحت حيــادر رجفت شفتي مخنوگه وهو عيونه حمر دم وبراء بصفي وكف يسأل
- شلون صرتي ؟
72
وبلا ما احجي هزيت راسي زينه ساكته دار وجهه بعصبية ورجع باوعلي يريد يلزم أعصابه بس ماكدر نتر ويتلفت خاف احد يجي
- تضميييين عليَ ليشش ليش هالغباء ليش تضيعين نفسج هيج هاا ليش
250
- كالت بس تحجين اكول الهجام
حجيتها وغطيت وجهي ابجي وهو متخبل أكثر من هجــام دخل عبد
شوية وسأل حيــادر شنو راح تسوي وحيادر كاله
19
- ما بيها غلط انا الغلط انا من الأول غلطت وحتى نغطي على اول جذبة جذبنا وراها الف مره
70
طلعنا من المستشفى ادور بتليفوني على محادثة ايه ماكو باوعتله كال
- حرف لا تحجين غــزل حرف لا تحجين تخاااافين من هجــام اقلها كولي الي الرويده اناا انا ليش ما حجيتي الي ها ليش شبيج تخلين اليسوا والمايسوا يتحكم بيج
114
صيح بعصبية يرجف وعيونه حمر فتح دكم القميص وعله التبريد مال السيارة جر كلينكس ومده الي يحجي ويباوع للشارع
- امسحي عيــونج لا تبجين لا تبجين انا اخذ حقج لو هجــام يذبحني .
168
وصلنا البيته نزلت وحدي كعدت بالصاله وهو راح جاب ماي واجه يباوعلي وميت قهر
- كومي نامي ارتاحي
- عفيه حيــادر حباب خلي هذا يفك العقد
376
غطه وجهه بأثنين ايديه ودار بعصبية رجع باوعلي هز راسه اي وكفت وهو وراي يباوع لخطواتي الثگيلة دخلت للغرفة تمددت وهو بقى بالباب باوعلي نظرة اخيرة طلع وسد الباب عضيت اصابعي ندم ابجي بحركة يوميه الوم نفسي لان ما أتصرف ويا أسلام زين يوميه ضميري يأنبني عليت وهو يكلهم الشريفة بيومين انزعها ومتفق عليَ ابن الحمار امداك امددددداك امده امك امده ابوك خايسين ما عرفوا يربوك مون ساعتين واني بس ابجي واباوع للتليفون أسلام يتصل حضرته ويرجع يتصل من غير ارقام وما اجاوب بس اباوع الحد ما تعبـــت. طفيت التليفون وضميت وجهي بالفراش .
300
ما ادري شلون كدرت انام وحسيت احد يوخر بشعري من وجهي فزيت برعب بس شميت عطره وعرفته عطر هجــام كاعد بصفي ويباوعلي بعصبية رجعت ليورا ارجف مد ايدة بهدوء الوجهي غمضت واني اشهك واحجي بخوف
- هجــام حباب
446
- سولفي
- لا تضربني
حجيتها وبجيت ارجف غمض عيونه بغضب زفر تفس ورجع تلمس خدي يحجي بهدوء
89
- سولفي غــزل .
53
- كول والله ما اضربج !
لحظة هي لحظة الحجيت بيها وحسيت نار أشتعلت بخدي وراسي كله اندار للجهه الثانية لزمت خدي ابجي وهو وكف افتر بعصبية يصيح ويغلط رجع كعد يمي بسرعة ولم وجهي بين ايديه ابجي واجر بروحي خايفه انضرب
457
- احجي غــزل انطقي ماكادر ألزم أيدي فضيييييها احجي
29
- ايه والله ايه هي الهددتني
20
- متزوجه حيــادر جنتي ؟؟؟؟؟؟؟
1.1K
بلعت ريك اباوع لعيونه وعيوني من البجي مغوشة مسح دموعي بايديه الحاضنه وجهي ونزل ايده الركبتي شهكت ارجف هزيت راسي اي لم شفته الداخل حلكه بغضب
- اذبحج غــزل اذبحج
249
- والعباس والقرآن الكريم كالو حرام تبقين وياه وحدكم وسوه عقد وفكاه من كتله فك العقد
110
بعصبية رفع ايديه غمضت ضامه وجهي وهو بدل ما يضربني ضرب الحايط وشاطت روحه لان ايده اساساً مجروحه ومن ضربها نكثت دم تخبل أفتر بالغرفة يصيح بعصبية وعاصر ايده قوي
- ما اريد امد ايدددي عليج ما اررريد امد ايدي بس لو اذبحج ما يبرد گـــلبي . لو اذبحج
255
واجه بعصبية لزمني من فكي قوي غمضت اشهك
- ليشششش ليششش مو كتلج ثاق بيج ليشش كومي تحرررررركي
142
صرخ قوي وكفت ارجف سانده روحـــي على الحايط وارجف رجلي شايلتها من الكاع باوعلي. وسحب العكازه خلاها بأيدي وجر شالي من الجرباية لفاه على شعري لزمني من أيدي يمشي بسرعة واني من الرهبة والخوف مرتين طاحت العكازه من أيدي يجر بيه واني اتلفت أريد أشوف حيــادر وينه ليش عافني مو گال معليج وانا اتحمل مسؤولية الصار وين راح
393
هستونا طلعنا للكراج وفتحت عيني على وسعها صرخت بصدمة وأني أشوف حيــادر طايح والدم تارس وجهه وقميصة الابيض صاير أحمر جريت أيدي من هجــام أصرخ متخبله سد حلكي غمضت ابجي بحركه وهو يسويلي
- ااششششششش اشششش صوتج ما أسمعه
1.3K
دفعني على جهه سديت حلكي بايدي كاتمه صريخي وهو راح على حيــادر فتح ماي المغسله ترس ايديه واجه يمه شمره على وجهه وكعد كدامه ثاني ركبه لزمه من ياخته يحاجي بنتر
- اكعددددد ابن الكلب اكعد
811
وحيادر كعد يمسح الدم من وجهه أيده من كتفه مجروحه باوع الهجام وباوعلي وكف هجــام شال حيــادر من ياخته وكفه ودفعه ليورا يسأل بعصبية
- وين بيت هذا ؟؟؟
116
وحيادر ساند روحه على الحايط يريد يتوازن وبس رجز باوعلي باوع الهجام وضربه على وجهه يغلط عليَ وهو يصيح
حيــادر :: حيوووان حيوان كتلك معليها هيه معليهاااا
243
حتى صوتي ما طلع وآني اباوعلهم واحد يضرب الثاني بس فاتحه عيني بروح وجسم يرجفن حيــادر دفع هجــام قوي باعده ورفع أيده يصيح
- لو رجال ما مديت أيدك على اختك وهي مالها ذنب
183
التفت هجــام بعصبية عيونه دم تقرب يسأل
- ضربتج ؟
700
بجيت اهز راسي اي راح على حيــادر لازمه من ياخته ويحجي وياه نتر بصوت ناصي دفعه حيــادر ووكف على مغلسه غسل وجهه وهجام يصيح
52
- احجي بيته ووووووين وين وين احجي
88
وحيادر ما مهتم غسل وجهه ودخل للبيت وهجام يمشي وراه ويدفر كعدت بالكاع مهدود حيلي أيدي على اذني ما مستوعبه كل ساعة يصير شي اقوة غمضت مدري وين اريد عقلي يشرد دقايق ونلزمت من أكتافي فزيت اباوع لهجام وحيادر مغير قميصه وبأيده كلينكس متروسه دم سحبي هجــام بأيده صعدني بالسيارة وصعدوا ثنينكم ليكدام اباوعلهم واحد يصيح على الثاني بس احس بعقلي ما يستوعب مدري رافض يفهم شنو يحجون غمضت بتعب وفززني صوت هجــام ولزمته الايدي نزلني وكفت على جهه لازمه بيه سحب العكازه خلاها بايدي درت اباوع الحيادر بعيون تتوسل
73
وحسيت بايد هجــام لزمت فكي خازرني
- وياااااي
مسحت دموعي اهز براسي اي رجع مد روحه جوا الكشن وطلع الساطور وحيادر تخبل
لزمه يجر بيه من ايده يصيح
- تررريد ترجع للسجن
813
هجــام :: اررجع ما يهم أرجع بس ما اعوف الراهن على اختي عايش
549
حجه وسحل الساطور حيل من ايد حيادر صيح حيــادر بوجع لازم ايده والدم يقطر بالكاع سند ظهره على السيارة وهجام افتر لبست الناس والساطور بأيده هستوه وصل للباب وصاح عليه حيــادر
62
- بس تنسجن اتزوجها
1.1K
وكف والتفت بعصبية اجه عليه الساطور بايده وروحي رايحه شمره على بنيد السيارة خانگه يرجف ويصيح
- ما تجيس شعره من راسسسها ما تلحك اذبحك اذبحك لا عبالك عقابك خلصص
139
دفعه حيــادر وسحب الساطور من أيده يصيح عليه
- صير خوش ادمني وتحكم باعصابك لخاطرهن
83
شمر الساطور بالسيارة ودفعه لباب الناس رجع هجــام سحبني من ايدي يمشيني ويدفر بالباب سمعت صوت أسلام يصيح
- الجرس المن مخلييينه
1.5K
وبمجرد فتح الباب بلحظة شفته ممدد بالكاع وهجام فوكه يضرب وحيادر ولا تقدم ولا ساعده على صوت أسلام اجو اهله امه واخواته يصرخن وابوه يسحل بهجام منه إبتعد متحلف وهم يغلطون ويسبون حيــادر جر تليفونه يراويهم الفيديو ماخذه من تليفوني يصيحون ويغلطون واني مدري شجاي يصير بحالي ارجف كلي وكلساه يغوشن عيوني وما اسمع كلامهم احس بروحي من اغنض اروح بظلام
104
وتفززني لزمة هجــام لوجهي ينتر بعصبية وهو يكلي
- باوووعي بوجه هذا النكس
74
رفعت عيني أسلام واكف كدامي أبوه سانده وهو كوه واكف وامه تغلط وتسب باوعت بعيونه امسح بدموعي كال
- انتِ طالق .
وتقدم هجــام بعصبية يريد يضربة لزمه حيــادر وهجام يصيح
- بعددددد ثلث مرات احجيها احجيهااااا وهيج هيج كول زوجتي غــزل انتِ طالق طالق طالق احجييييي ابن الخايسسسس
849
- زوجتي غزل انتِ طالق طالق طالق .
1.7K
وبمجرد نطقها رجع هجــام يريد يضربه وحيادر لازمه والام تصيح اخابر الشرطة عليكم وهو متخبل بس يريد يخلون إسلام بأيده سحبه حيــادر يصيح عليه
- اختتتتك راح تتخربط اختك
33
التفت يرجف باوعلي بعصبية تقرب مسح وجهي وجر أيدي نريد تطلع التفت عليهم وكال الاسلا
- انا كتالك راجعلك
456
صعدني بالسيارة وحيادر صعد بصفة ساكتين ثنينهم وبس صوت بجيي المكتوم. وكف بنص الشارع ومد روحه فتح الباب اليم حيــادر وصيح
- انزل
150
حيــادر :: اذا تحاجيهااا هالمره انا الاسجنك
158
وهجام بعصبية ضربه بوكس ودفعه من السيارة للشارع اباوعله وابجي روحـــي رايحه سد الباب نزل الجامه وصيح عليه
- راجعلك حيــادر راجعلك بعدنا ما تحاسبنه
565
حجاها وشخط السيارة بسرعة درت ليورا اباوع الحيادر وكف بالشارع عيونه علينا فززني صوت هجــام يصيح ويصرب الستيرن
- غــزل غزززززززل
342
مسحت دموعي اباوعله بالمراية الكدامه خازرني بغضب نزلت عيوني وتقربت للجامه سانده راسي عليها ودموعي ينزلن سكته بلا صوت كل فكري بحيادر حاجاني هجــام رأسًا غمضت ما اريد يسألني شي من خوفني منه اجبر نفسي انام فزيت من حسيت ايده على وجهي رجعت ليورا بخوف مغطيه خدي بأيدي رهو يباوعلي ساكت ماد نفسه الجهتي رفع ايده للشال سحبه من كدام
48
- غطي شعرج سيطرة
318
هزيت راسي موافقة رجع المكانه عدلت شالي وهو طابك على طفحة والسيارات تفوت من يمنا بالسريع شمر بطل ماي عليَ يحجي بهدوء
- غسلي وجهج
129
فتحت الباب وتقربت غسلت رجعت للنص كاعده وراه التفت ماد ايده لوجهي
- بله
60
يمسح باصابعه على مكان الراشدي يباوع لخدي بقهر تحسر ورجع المكانه ساكت شوية باوعت للمرايه اصابعه مطبعات بوجهي أثر صايرات مو مجرد إحمرار حرك السيارة ساكت واني روحـــي تلوب يا من يوصلني الحضن رويــده .
210
رويــده :: اذا هجــام يعقل اني الاتخبل بسبب تصرفاته يطلع بالليل ويرجع بالليل وما يحجي اي شي ما يفهمني وين يروح كاعده بالمخزن يم شــام مكصصتلها فواكه واحجي وياها بوقت استراحتها
كالت
46
- زوجي الكريم وين ؟
819
- زوجج الكريم بس الله يدري بيه وين جاي يغط
87
تاكل وتحجي تهز براسها وهي تكول
- هذا صاير يلعب بكيفه يمكن تزوج عليَ واني يا غافل الك الله اليوم احصره واطلع سولفه
1.4K
- اكليتبن ولج تردين تحصرين اخوي جان استحيتي مني
512
- لا يعني قصدي الزمه
141
- ونوب تلززززمين اخوي ؟
198
- يااا رويــده قصدي يعني احصره
376
- همممم كالت احصرررره
493
- ولج يعني قصدددي شلون قصدي هذا شلون اضايقة لا شنو اضايقة قصدي احقق اي اي احقق وياه وين يروح وين يجي هذا قصدي ايععع تفكيرج
170
ضحكت بصوت وهي وجها ورد وتضحك من جوا ليجوا شمرت الصحن بحضني فارغ تصيح
- هاج فواكتج اخذيها وروحي منا
67
شلت الصحن وهو فارغ خليته كدامها
- اكلي عفيه
- ابدد اخذي فواكتج وروحي
197
- بس تذوقيها يجوز تعجبج
47
دفعت الصحن الي
- ما اخليها بحلكي ابد ابددد
- ابددد؟
84
- ابد !
28
ضحكت ضربتها وطلعت من يمها نزلت للمطبخ دخلت سجود مكتفه أيديها مبتسمه
هستوها تريد تحجي وسكتت من سمعت صوت سيارة التفتت ليورا شغلت ضوء الساحة العالي راحت ابتسامتي من شفت غــزل نزلت طلعت مرتبكة وهجام فات رأسًا بلا ما يحجي عبرني بخطوات سريعه حتى السيارة ما اخذها المكانها عافها بنص الساحة وغزل واكفه تباوعلي وكل ما اقترب اسمع بجيها الحد ما وصلتها بلا وعي حضنتها بخوف ساكته وكل تفكير اسود صار بعقلي وهي بس بعذت وجهي منها لزمت خدها تشهك وتحجي بخنك
53
- ضربني هجــام
355
اباوع لوجها ساكته عيوني حركني وكفت بصفها امشيها وسجود تحجي تحجي واني ما اسمعها كد ما بعقلي افكار فتحت باب الغرفة فزت أفاطم وراساً ابتعدت من جرباية غــزل تباوع بصدمة كعدتها على الجرباية
- شصار غــزل شكو ؟
31
بعدها ما حاجيه وسمعت صوته من فوك يصيح طلعت بسرعة اريد اصعد وعلك صوت التكسير طلعت شــام تركض وكفنا ثنينا بياب غرفته دكيت الباب احجي وروحي رايحه
- هجــام حاجيني هجــام
31
سكت على غفلة شوية وصيح بحركة
- من اكلج بشي صدددكي صدددكي لا تضلين تكليلي غلطان وتخليني اشك بروحي غلط. كتلج هالحيوان عيونه عليهاااا كتلج اكو شي كتلج اكوو شي وطلع متزوجها الحيوووان يتزوجها ويطلك ويضحك عليها وانا مثل الغبي ثاق بيه ومأمنها يمه وكتلج هذا ما يحبها هذا يريد اذيتها لحيييييتي لحيتي اقبل ما اقبل ارتاحي طلع مراهن عليها واذا ما ذبحته يا رويــده اذا ما ذبحته فلا اني اخوجن
684
يابه روحـــي راحت بس اريد يفتح الباب ويحاجيني وشام بس تصفن ما فاهمه نزلت اركض الغزل سحبتها كعدتها أمسح بدموعها وهي تحجي مختنكه تبجي مديت أيدي اريد اسحبها الصدري غطت وجها تصيح
- لا تضررربيني لا تضربين ماحجيت حتى ما تضربوني
265
- غزززل اني اني شوكت ضاربتج
32
اختنكت سحبتها الصدري ضمت روحها الحضني تبجي بصوت روحها رايحه واني ما ادري شنو الاسوية كد ما مصدومة عقلي قفل ندفع باي الغرفة بس لمحته هجــام غطيتها بظهري وهو بلا تفاهم دفعني منها ودنك شالها مسيت وراه خايفة حيل خايفه وشام تهمس بخفوت
- لا يضربها رويــده لا يضربها
105
وهذيج ميته بايده عيونها علي وتتوسل وصل الباب الغرفة والتفت بعصبية صاح
- المره بيجن تجي
929
- اذا مديت ايدك عليها ما تشوفني رويــده !
65
دخل للغرفة ما مهتم وقبل نا ينسد الباب لمحتها كعدها على الجرباية ماكدرت خلي يضربني الي ولا يضربها فتحت الباب باوعلي وبس لمح عيوني بلع ريك ورفع أيديه مستسلم وتقرب الي يحجي
- والله ما اطكها بس اسألها
161
ضميت وجهي بين ايدي ابجي وهو بسرعة تقرب حاضني ويهمس
- بس لا تبجين رويــده بس لا تبجين
80
- ليش هجــام ليش اصابعك طابعات بوجها
167
وخرني من حضنه يمسح بعيوني ساكت عافني وراح جر كرسي كعد كدامها
- احجيلي الصار من البداية وبلا جذب غــزل بلا جذب
30
تقربت كعدت يمها من جهه وشام من جهه باوعلنا وفرك وجهه بعصبية وغزل تحجي كلمة وتغص بالثانية تحجي الهجام كالها
59
- ليششش ما حجيتي ليش ما اجيتي وكلتي ليشش
14
شهكت ضامه وجها وهي تكل
- خفت تضربني
72
بهتت ملامحها يباوعلها بقهر وخرت ايديها من وجها امسح بدموعها مد أيده على وجها تحسس اثر اصابعه وعض شفته بقهر
وكف بعصبيه يصيح
- مربع اخذ الحگ
349
- هجــام حباب لا تسوي شي
24
هز راسه موافق وادري بيه يضحك على عقلي أشرت الشام آخذت غــزل وطلعت وكفت يمه
- ما تبطلها ؟؟
35
هز راسه لا
- عندها امتحانات هسه شلون ؟
11
- من اكمل شغلي ارجعها
- شنو شغلك هجــام ؟؟
32
- أدب حيــادر واكتل الساقط
مسحت وجهي لزمت ايديه
- حيــادر ما أذاها سمعتها شنو كالت من طلك عقد عليها حتى مايدخل ويدخلها حرام ومن رادت تتزوج رأسًا طلكها حتى بدون ما نحس
85
فتح عينه يصيح بحرگه
- تبرررين اغلاطه انتِ تبررين افعاله
165
- لااا ما ابرر افعالة ولا اكلك ما غلط بالعكس بس جاي اوضحلك انُ ما سوه شي يضر بيه غــزل عقد عليها ومن آيه هددتها وهي مشت وره تهديدات ايه حيــادر على باله فعلاً تحب كالتلك رأسًا انفصلوا وعافها لان نيته واضحه هو بس ما راد يدخل بحرام وراد غــزل تكمل دراسه ما تبقى محتارة وين تروح بما انُ انتَ جنت رافض الأقسام الداخليه
43
ضحك يهز بأيده
- تغشمين روحج انتِ يرررجف عليها مثل ما اني ارجف على شــام
3K
ضحك باستهزاء وتقرب دغ راسي باصبعه وحجه من بين اسنانه
- لا تستغبيني رويــده ترا كاشف كلشييييي كلشيي
95
- وتريد تحاسب حيــادر ؟
8
- احاسبه
28
- على وكفاته النا ؟ لو اخابره نص الليل يعوف الدنيا ويجي يركض تحاسبه على خوفه عليَ وجني اخته لو على خوفه عليك وركضته الك بكل مره وحتى العقد بينه وبين غــزل لو اشوفة اتشكر منه وما الومه ما ضرها راد يحميها ويخليها تكمل دراسة هذا كل ما بالآمر وان كان يحبها مثل ما انتَ تگول رجال وسبع لان من كالتله احب عافها بحال سبيلها ما كالها احبج وبينا عقد ورايدج ويكدر يضغط عليها وتنجبر تسكت مثل من سكتت على تهديدات ايه
287
هزني من ايدي حيل ما قابل
- شتحجين انتِ شتحجين
59
- والله اذا تعرضت الحيادر يا هجــام
نزلن دموعي رافعه ايدي بوجهه ركض للتليفون سحبه يتصل وحجه بسرعة
- زياد لا تسوي شي لا تسوي شويه واحاجيك
1.5K
ضحكت مستهزئة سد التليفون يباوعلي مسحت وجهي
- شنو جنت ناوي
ابتسم
- اروحله
20
- اي وتضربه وبكل ضربه تكله شكرًا لان بغيابي حاولت تحمي اخواتي شكراً لان انا تمرضت وكفت الرويده شكرًا لان عقدت على غــزل حتى تخليها تكمل دراسة مو ؟
66
- طلعي برا رويــده
34
- باجر ترجعها للاقسام
24
- ما ارجعها الحد ما اكتل الچلب أسلام
- ماشي اكتله وارجع نسجن واحنا نشبع مذله
167
كعد بالكاع عاصر راسه بعصبية يرجف تقربت كعدت يمه خايفه هواي ضغطت عليه سحبته من ايده الحضني نترها مبتعد رجعت سحبته تمدد على رجلي يحجي بقهر
- امنتها يمه رويــده امنتها يمه وخان الامانه يخلي عينه على أختي . يحبها احلف يحبها تعلميني انا مراقبه مراقب نظراته
241
سكتت فز رفع راسه فاتح عينه بصدمة رأسًا كال
- خاف هي هم تحبه ؟
1K
هزيت راسي لا مرتبكه خايفه صدك كلامه وهو يباوع للفراغ بخوف ويرجع يباوعلي بحيره
- واذا تحبه رويــده واذا تحبه شسووي ؟؟؟؟؟
523
التفت على دكت التليفون ضحك بس شافه رقم حيــادر فتح السماعة ويباوعلي مستهزئ وحيادر رأسًا كاله
13
- هجــام أسمع باجر جايك وشتريد تسوي سوي بس بروح كل عزيز على كلبك لا تحاجيها مالها ذنب ترا اني جبرتها على ابو حرام ومايصير رادت تخابرك وتكلك ما خليتها يعني ما الها اي ذنب بالصار كل الصوج من عندي
104
- صح لهذا السبب انتَ التستحق تتعاقب
47
- آي اجيك ويصير خير
17
- اشك حلكك
115
- حيوان لا تصير مثل الحمار شغلك تزاكط أفهم واسمع
354
- تعال وجيب جفن وياك
181
- الفك بيه غير
608
- نشوف منو الينلف بيه سهله سهله
129
- شوف هن حجايتين باجر جاي ومرجعها للكليه وياي تبقى ببيتي تبقى أقسام بعد بكيفها بس مال تخليها تعوف الكليه اكتلك والله
160
هو يحجي وهجام تخبل بقوا واحد يسب الثاني ويهدد سديت التليفون وهذا يرجف باوعلي بحرگة گال
44
- أضمن الچلب ما يتعرضلها وارجعها.
256
هزيت راسي موافقة كمت طلعت من يمه هستوني سديت الباب ورجع دك تليفونه بقيت بمكاني أسمعه يحجي بهدوء
- ها زياد ،، دبرت السيارة ؟ بدون ارقام غير ؟ خوش حجي عاشت ايدك لا لا مو هسه فد يومين ثلاثة اني انطيك خبر لا ما احتاجك بس السيارة اريدها مشكور تعبتك
1.5K
أيدي على حلكي ساكته هذا زياد الوشام اقرب صديق الهجام بس اخاف من هجــام يطبك وياه ، نزلت محتارة اريد اشوف غــزل لكيت أفاطم ناصبة عليها وهاي تبجي وتضحك خلتني تفر بعقلي
344
افاطم:: لبطرانة تبجي هسه المفروض تسوين ثواب تصلين شكر جابج سالمة ما مقطعه هو غير جايكم بساطور
397
شــام :: ساطوره مثل هويته بجيبه
442
أفاطم:: لازم يسوي هويه للساطور يعبره السيطرات بدون تهريب
514
غــزل :: ههههه أفاطم خلي ابجي حبابه لا تضحكيني
747
- ديله ابجي والله لو مكانج ادك والطم اگلبها مناحه اخوي يضربني واسكت ولج ابجي ابجي حيييل امداج بعدهاا ساكته بعدها شلون نبجي بمكانج اني وشام بس بفلوس بجي ساعة بعشرة ساعتين بخمسة وعشرين
502
شــام :: لا اني وقتي ثمين لان جاي ادرس اذا تريد اساعدها ابجيلها ساعة بس دموع بخمسة وعشرين ابجيلها ساعة دموع وصوت شهكه بخمسين اذا دموع ولطم وصياح ونياح بخمسة وسبعين
1K
رويــده :: اباوعلهن ساكته ضحكنها رغم دموعها على خدها التفتت شــام تباوعلي وتسأل
19
- زال الخطر لو بعدها، امان اصعد ؟
228
- عوفيه فد ساعة يخلص مود العصبية ابقي يمنا
31
حجيتها وغمزتلها علنود غــزل كعدت لزمنها هي وافاطم تحشيش واني عيني على الباب هسه يجي مايكدر هسه يجي وكل ما تفوت دقيقة تخيب آمالي الحد ما ندفع الباب ولمحته كدامي ابتسمت وغزل تباوعله مبرطمة تقرب كعد يمها مدنك شــام وافاطم من شافنه بقى ساكت طلعن وهو. التفت الغزل يباوع الخدها بحسره باس خدودها حاضن وجها بين ايدي يحجي بعتب
147
- غلطتي وجبرتيني امد ايدج عليج ،
ما افكر بيج انتِ شلون راح تنسين مدت ايدي عليج أفكر انا الشينسيني طبع اصابعي بوجهج
437
بجت غــزل تضم روحها بحضنه حضنها ويعتذر منها بهدوء مسح دموعها مبتسم عدل شعرها وره اذنها يباوع لعيونها كالها
48
-خليج صريحة وياي لا اعصب ولا اطكج بس من تغشيني واكتشفج اموت وافقد امد ايدي بلا ما أحس
23
هزت راسها اي كالها
- زين اسألج شي ولا تجذبين غــزل
89
اباوعلها بعت وجها بخوف تباوعلي كاعده على جهه اراقبهم ساكته وهو يحجي بهدوء كالها
- حيــادر من عقدتوا تمادى لزم ايدج شاف شعرج ؟ لزمج ؟
754
فتحت عينها بصدمة ساكته وهو يحاجيها بهدوء ويسوي نفسه هادئ يطمنها ويكلها
- جاوبي عادي لا تخافين بس احجي الصدك وما اتخبل
93
بلعت ريكها ومن ملامحها عرفت جوابها بس صارت عينها بعيني خزرتها اهز راسي لا رجعت باوعتله همست بخوف
- لا
16
- ولا شاف شعرج ؟
- ما تضربني ؟
32
- ما اضربج
- مو اني عفت الحجاب لان مو حرام بالبيت
277
غمض مبتسم زفر نفس كد مابيه يحاول يخلي نفسه هادئ ويسحب منها كلام وهي الحمارة نغشت باسلوبة ومركزه وياه رجع عدل شعرها ويحجي بقمة الهدوء
165
- زين غزوله بابا أريد اعرف شي بعد ، من انفصلتوا ضجتي ؟
134
-ايي وشكد بجييت .
5.6K
گـــلبي . راح اريد بس ترفع عيونها تباوعلي واخزرها ماكو كل تركيزها وياه وهو استدرجها بهدوئه يطمنها ويسأل
78
- غــزل اخر سؤال حتى تنامين واروح
- اجاوبك بس حلفت ما تضربني ؟
52
- اكسر أيدي اذا رجعت نمدت عليج بس ما تجذبين حتى لا غاشتني ولا غاشج متفقين ؟
74
هزت راسها موافقه أبتسم وحجاها بضحك يباوع لوجها
- تحبين حيــادر رايدته ؟ هااا اعترفي ها احجي حبيبتي ما اعاقبج ولا اطگج جاوبي حتى تنامين همم ؟
1.2K
بهتت ملامحها تباوعله بتردد رفعت أيدها تأشرله لامه اصابعها السبابه والابهام وهمست بخوف
- شوية .
1.9K
- تحبينه شويه ؟
هزت راسها إي أبتسم يكلها
- جذابه ، يعني اذا هسه اجه خطبج تقبلين ؟
493
عضت شفتها ودنكت ساكته اياوع الايده المقبوضة بغضب ووجهه اليباوع الغزل بابتسامه وهدوء رفعت اكتافها ما ادري كالها
- ليش حبيتيه شنو المميز بيه جبير ليش ما حبيتي طالب وياج من الكليه
363
وهي بتردد تجاوب بخوف بس من تلكاه مبتسم تتشجع كالتله
- عيونه حلوات
4K
- يعني لان عيونه حلوات ؟
- لا
- جا ؟
- هجــام احجيلك الصدك ؟
726
- هههه اي هو اني اريد الصدك يله ولج نعست احجي اريد اروح لمرتي
1.4K
- من ايه كالت تطلكين منه وهددتني لكيت گـــلبي يحبه لان شوف بقى گـــلبي يوجعني وأفكر بيه ومدري شلون بعد والله ما جذبت عليك حجيت الصدك هالمره
1.2K
رويــده :: التفت عليَ نظرته تكلي هاا شكتلج مسح على خدها ووكف اختفت ابتسامته وكالها
- لو يطك راسه بالف حايط شيليه من بالج
2.1K
وهي ساكته بلا صوت تباوعله وتباوعلي راد يطلع ركف يمي كال
- من احجي شي صدگي
366
فتح باب الغرفة وطحن بحضنه أفاطم وشام جانن مخليات اذاناتهن على ألباب افاطم دخلت لازمتها الضحكة وشام تباوعله ويباوعلها عافها وصعد دخلت شــام يمنا عصيت ايدي بقهر
1.7K
- ثووولة مثل غــزل ما شفت
113
شــام :: شصار ؟
16
- ولج غبية غبية حجايتين بهدوء خلاها تحجيله كلشي الطممم
78
شام :: لااا اني غالبتها بالغباء يخلي ايده على خدي اسردله اسرار حياتي من جابتني امي الهاليوم
1.2K
- تحبين حيــادر غززززل تحبين حيــادر ؟؟؟ ولج لو عنده بنيه هسه بكدج فرق بينكم ١٦ سنة شبيجج
2.1K
شــام :: فرفحت رويــده ميته قهر وغزل بس تبجي راحت رويــده كعدت يمها ماتكدر تعصب عليها حضنتها وغزل تبجي وتكلها
- معليه رويــده لكيت گـــلبي يحبه من وحده والله من وحده حباه
127
- وينج وين الحب غــزل وين تورطتي انتِ
80
أفاطم:: يدري بيج تحبينه ؟
- لا عيب
654
شــام :: رويــده ترا مو بأيدها لا تلومينها
باوعتلي بحيرة ماتدري شتسوي عفتهن وصعدت ركض للمخزن مخبلة اروحله هسه لميت كتبي بدلت وتمددت بفراشي هستوني نمت وحسيته سحب الغطا وتمدد وياي درت عليه تحسر كال
41
- ضربت غــزل شــام
58
- اممم
31
- امممم؟
- امممم.
- اممم؟
1.9K
- اششش
- كعدي شبيج
89
دغني بخاصرتي واني قافلة أريد أبقى نايمه دفعته بزعل مبتعده ومغمضه
- اهو هجــام
34
- كعدي
-مااا وخر
88
دفعته نمت غفيت ورجعت احس بأيده على بطني رأسًا تصير على الجلد مو على التشيرت دفعت ايده فازه كعدت على حيلي انزل بالتشريت وهو متمدد يباوعلي بابتسامه
181
- شتسوي ؟
12
- اكعدج عندج دراسة
24
- بيش الساعة ؟
- بالخمسة.
- جذذذب ؟؟؟؟
65
ضحك كعد عدل مقابيلي رتب شعري لان صاير كوشة مبتسم حضن وجهي بين ايديه كال
- جذب بس ردت أشوف عيــونج ضلي عاينيلي هيج شوية
260
باوعت بعيونه ساكته مرتبكة. وهو يرمش بثگل ينتقل بعيوني من عين العين آكثر من دقيقتين وهو ما عايف وجهي تحسر وبهدوء تقرب باس عيوني ثنينهن وسحبني من ايدي رجعني لفراشي
181
- يله نامي
- وانتَ ما تنام تعال !
فتحتله ايدي لزمها وهز راسه لا رجع ايدي عاصر اصابعي بسن اصابعه عافها بحضني ومسد على شعري يباوع لعيوني
20
- ليش هيج تباوع بيك شي ؟
ابتسم مسح حواجبي ساكت شوية وحجه بجدية
- حتى احفظ عيــونج عدل
103
- رايح المكان ؟
- لا ، حتى من أروح راح أضل يمج بلا ما تحسين وين ما تلتفتين انا موجود
111
- هجــام والله اذا عفتني ترا أموت وأنت عبالك تريد تبتعد مدري شنو
32
ابتسم سحب ايديه ثنينهن باس باطنهم يحجي بهدوء
- ما اعوفج شامي ، يله نامي وراج دراسة
86
هزيت راسي اي خليت أيدي جوه خدي اباوعله وهو كاعد مقابيلي يباوعلي بتركيز بديت اغفى ابتسم خله أيده على عيوني غمضت همس
- نامي لا تقاومين
52
هزيت راسي اي وغمضت رجعت فتحت من عصر شفتي بين اصابيعه ورفع اصابعه لشفايفه باسهن كزبر جلدي اباوع ساكته الحد ما غفيت
169
يومين مرن الوضع هادئ غــزل يمنا وهجام ما اشوفة دائمًا لان يطلع بالليل ولو يرجع لو ما يرجع الحد الليل وحيادر خابرته رويــده وطلبت منه ما يجي هي تقنع هجــام يجيب غــزل اضطر يسكت
25
ثالث يوم كاعده بالخمسة الصبح حتى ادرس رحت الغرفتة مالكيته كعدت ادرس بالغرفة دقايق وسمعت صوت سيارتة باوعت من الشباك مبتسمه واختفت ابتسامتي من نزل .
4.4K
- يتبع 🦋
