رواية نوائب شام الفصل الخامس والعشرين 25 بقلم الكاتبة ايلول
اَنه الَمبيوك حِلمَه
وضحكَته ونبضَه
اَنه السَويت كلشي
وما كعد حَضه.
"""""""""""
162
شــام :: لامته الحضني بخوف ومطمئنة ما مهتمة للراح يحجيه وهو يهمس خاف تكرهيني شــام تكرهيني انذبح لو شفت بعيونج كره الي
139
- ما اكرهك يا عيون شــام ما اعوفك .
129
دموعه التنزل مردت گـــلبي شهك شهگة حسيته سجين نام بصدري گبل صدرة يغص بالكلمة وكوه يحجيها ضام وجهه ببطني امسح على شعره بهدوء ساكته اريد يحجي ويفضفض بلكي يرتاح وبدأ ويا كل كلمة ينطقها يجر نفس بوجع وجسمه يرجف بأيدي كال
81
هجــام :: اعز من اخواتي بس بنتي شفتها دنيا اخطط الحياتها اخطط المستقبلها لو تطلب عيوني انطيهن الها بس موتتها موتت حبيبة ابوها
197
الحجته الج رويــده صح هذا الهي تعرفه بس ما تعرف ما تعرف اخوها هو الكتلهم ماا تدري ما تدري
237
سكت يجر نفس مختنك ما يكدر يتنفس حضنت راسه باثنين ايدي وابوس بشعره اهمس بصوت ناصي خايفه
- يمك اني هجــام ما اعوفك .
47
- ما متقصد ما متقصد جنت اصلح بالسيارة وهي وامها طلعن يمي كدام عيني مستندات على الحايط اشتغلت السيارة وبنتي تجي وتروح تضحك وياي رجعت السيارة ليورا وقدمتها عليها ضحكت مكيفه وتشرد الامها غشششتني غشتني ضحكتها وبقيت أقدم السيارة عليها وارجعها ليورا باخر مره رجعت السيارة ليورا هواي وهي راحت تركض الامها عثرت ونضرب حلكها برجل امها
خفت عليها ما ادري شصار ما ادري رجلي شلون ضغطت بانزين بقوة
وهو بس الشهگة ببلعومه مايكدر يتنفس كح بقوة عيونه دمم صارت ووجهه احمر وجسمه منتهي حضنته الصدري ابجي بخنك وهو بجه بقهر مكمل كلامه
45
-بلحظتها طفت السيارة وانا نشليت اريد بس ارجع لسيارة منهن ماكدرت ماتن رجليه وايديه ، بنتي تبجي وتباوعلي وتصيح بابااا وانا ما كادر اسوي شي اريد حل اريد اوخر السيارة منهن ما كدرت ماكدرت حاولت حاولت شكد اتحرك
549
الحد ماشفت كام يطلع دخان من البنيد وكبت شفت النار تحركهن شفت النار وهي تاكل وجهه بنتي كدام عييييوني شفتها وهي تتمنى أساعدها وتصيح عليَ وأنا مشلول بمچاني
1.1K
كدرت احرك ايد وحده ورغم ثكلها فتحت الباب وشمرت روحـــي احاول أحاول اوصل ماكدددرت حسيت بروحي طلعت ويا ررروحها فقدت ما حاس على اي شي
136
يابه روحـــي راحت حاضنته حيل وثنينا نبجي بصوت اني راح اموت هو شلون تحمل يغص بالكلمة ذبحني بخنگته ودموعه وشهكته التطلع من نص گلبه الزم ايده الترجف يضربها بالكاع بقوة واسحب بيه الحضني حايره شلون ابرد نار البگلبه صيييح بوجع
63
- ما دفنتها ما شفتها ما زرتها روحـــي روحـــي جاي تحترك
249
ماعندي ماعندي شي يواسيه احس سمعت صوت شهگة غير صوته التفتت للباب بهدوء مفتوح على كيف رويــده كاعده على اركبها بالباب وايدها على حلكها دموعها عشرة عشرة فاتحه عيونها بصدمة أشرتلها لاا ما اريد تحجي ما اريد يتندم لان حجه رجعت ليورا ضامه روحها بالحايط وتبجي بلا صوت وهو شوية شوية صوته يخفت
133
أتخيل منظرة ونار تشتعل بكلبي حسيته نام شوية وهمس بصوت مبحوح
- لا تكرهيني شــام
176
رفعت وجهه مسحت عيونه وهو مغمض ودنكت بست شفته اهمس بدموع
- ما اكرهك روحـــي انتَ .
376
- خليني بحضنج تعبان انا حيل تعبان .
460
مديت أيدي للجرباية جريت المخده والغطا تمددت ساحبته الحضني امسد على شعره وماكادره اكف دموعي أتخيل شنو من وجع عاشه شصار بحاله وهو يشوفها تبجي وتستنجد بيه وماكادر يساعدها احس الف علامة أستفهام صارت براسي بس ما اكدر أسأل هسه ما اكدر احجي
160
ما حسيت بنفسي من نمت وفزيت على صوته مختنك إبتعد عني نزل من الجرباية كعد بالكاع يجر نفس بشهگه ماكادر يتنفس ايده على رگبته وكلبه روحـــي راحت كعدت كدامه خايفه
- هجــام
31
اسحب بايده وهو يدفعها ويرجع ليورا سند ظهره على الحايط لم رجليه الصدره وضم راسه بينهن فرفحت اختنكت من يمي كد ما هو مختنك ارجف ما اعرف شسوي وهو حاله يفلش الگلب كام من مكانه منتفض وكفت بخوف اريد الزمه يدفعني طلع من الغرفة واني وراه راح الغرفة ملاك بقيت واكفه بالباب صعدت رويــده عيونه مورمه وحمر تباوعلي وثنينا نبجي
كعدنا بالكاع بباب الغرفة نسمع بجي هجــام وكلامه البنته وهو يكلها
63
- انا وياج مشيع روحـــي وعقلي وحيلي يلچنتي حلاوة الدنيا بعيني
812
گـــلبي حسيته تملخ لاول مره اني الاواسي رويــده مو هي التواسيني كعدت يمها سحبتها الصدري بجت بجت بوجع وهي تكول
- يعين كلبك يا نظر عين اختك الله ياخذني يوم الي لمتك على حزنك
98
- اششش رويــده اشش لا هيج تحجين
14
- ولج اعاااااتبه الومه جنت الومه ليش هالحزن ماكافي اثاري اخوي الوجع نايم بگلبه
160
مسحت دموعها مبتعده تسمع صوته باوعتلي
- روحيله شــام
10
سكتت اباوعلها بخوف
- خاف ما يريد أحد
6
- راح يأذي نفسه شــام
18
وبمجرد نطقت فزينا على صوت ضربة مشيت اريد ادخل لزمت أيدي مانعتني باوعتلها وهي شفتها ترجف
- عوفيه تتأذين
26
سحبت ايدي منها مسحت دموعي اباوع لوجها
- ميخالف
64
عفتها وفتحت الباب جان كاعد يم جربايتها وصورها بصفة
باوعلي بغضب ورغم خوفي ورجفتي تقدمت بخطوات سريعة هستوه يريد يدفعني وحضنته ذب تفس بحسرة وتعب سند راسه على كتفي
124
- تعال هناك عفيه هجــام گـــلبي يوجعني من تجي هنا
24
وهو ساكت ابتعدت اباوع لوجهه منزل عيونه على الصور احتضنت وجهه بين ايديه ورفعت راسه باوع لعيوني
- وياك اني ما اعوفك
6
- مجرم انا
55
- حادث هذا مو بأيدك
12
- كرهتيني ؟
25
- للموت ما اكرهك
107
حجيتها وتقربت ابوس بوجهه عيونه خده حضني حيييل وكف ابتعدت سحبته من أيده ما قبل
36
- روحـــي شــام
4
ميلت راسي على جهه اباوعله بتوسل يجي وياي زفر نفس بقوة خله ايده ورا راسي وسحبني اله باس راسي يهمس
- خليني وحدي، دام واعي روحـــي لا تتأذين
47
بجيت ميته قهر
- بس لا تأذي نفسك
18
إبتعد دار وجهه ورجع للزاويه كعد اباوعله وروحي تفرفح طلعت من الغرفة رجعت للمخزن تمددت افكر بيه وبلا وعي الكه دموعي على خدي الحد ما غفيت وفزيت على رويــده تمسح بوجهي وتحجي بعتب
15
- ليش تنامين هنا حارة مو كتلج نزلي يمنا بالغرفة
25
كعدت على حيلي اسأل
- شفتي هجــام
4
بقت ساكتة
- رويــده صار شي ؟
4
- لا بالغرفة قافلها، كومي اسبحي راح اسويلج ريوك وراج مدرسة
43
لزمتها من أيدها
- رويــده خاف يطلع هجــام هو خالق هالافكار بباله يجوز الحقيقة الحجيتيه انتِ بس هو يفكر غير شي
419
رويــده :: باوعتلها ساكته ما ادري شنو اجاوبها كامت سبحت واني نزلت سويت الريوك حتى سجود ما الي خلك ارد عليها اسمع وساكته نزلت شــام وما قبلت تتريك راحت رأسًا للمدرسة ببالي حيــادر هو بوقت الحادث جان موجود هو وبيت عمو حيــدر اول اشخاص وصلوا الهجام من توفت ملاك وامها بس كملت شغلي اخذت التليفون اباوع الافاطم نايمه صعدت للمخزن سديت الباب واتصلت عليه رأسًا جاوب بس سلمت عليه كتله
40
- حيــادر عندي كم سؤال
- تفضلي رويــده
4
- من توفوا ملاك وامها انت جنت موجود ؟
5
- اي ، جان عندي شغل بالمحافظة واجيت يمكم
13
- حيــادر أمانة الله لا تغشني احجيلي الحقيقة خلي اعرف اخوي وين واصل
4
سكت متلعثم
- حيــادر منو اول شخص وصل الهجام انتَ لو بيت عمو حيدر ؟
24
- ثنينا
- منو الاول حيــادر ؟
- انا جنت هستوني واصل وشفت السيارة تحترك
6
- وبيت عمو حيدر ؟
- هم شافوني من نزلت أركض وأصيح واجو يركضون جانوا بالبستان
22
- وين لكيت هجــام ؟
- رويــده وين تردين توصلين؟
- للحقيقة
24
- دفاتر قديمة
- هالدفاتر حابسه اخوي بداخلها
27
تحسر ساكت مسحت دموعي
- احجي حيــادر
- يم باب السايق ، جسمه بالگاع بس رجله بالسيارة وسحبته لبعيد قبل لا يوصلون بيت عمج حيدر ورجعت دفعت السيارة منهن
200
اختنكت ابجي مفرفحة
- ابويه انتِ هسه شنو فايدة هالدموع
- ليش ما حجيتلي
82
- رويــده لو احد عارف هجــام هو الداعمهم وحتى لو بدون قصد يسجنونه ترا بالالف يا علي قنعته يغير اقوالة الخاطرجن ويكول رحت للبيت ورجعت لكيت السيارة سارحة عليهن
190
- وجعت گـــلبي يا ريتك حاجيلي وما مخليني الوم اخوي على حزنه
15
سكت واني انشعل وانطفي من القهر على هجــام وفعلًا من صحه من الغيبوبة حيــادر اول شخص شافة
- هسه انتِ شدراج ؟ رويــده لا تفتحن هالموضوع لا يرجع يحجي بيه ؟
9
- حجه الشام وسمعته
4
- هاا خوش ديربالج مو هاي القريقوز تسمعه وتسويلنه سالفة لو تسجل عليه شي. انتبهي
313
- الله كريم ، يله اخذ راحتك عفيه عينك على غــزل
22
سكت مختنك وشكي يوم عن يوم يزيد كال
- بعد اسبوعين لعمليتها
58
- ان شاءالله آجي قبل العمليه
8
سكت سديت التليفون منه ونزلت لكيت أفاطم بالمطبخ تسوي گهوة وجها احمر وعيونها حابسة الدمع بيهن لزمتها من أيدها اريد احاجيها نترتها مني بقوة ورفعت السجينه بغضب تنتر
13
- هذا مووو اب مو اب حتى اذا اذبحه الله ما يحاسبني
160
مديت ايدي سحبت السجينة من ايدها مسحت وجهًا أسال
- شسوالج ؟
3
- هههه سجود كعدتني سحل شلون دفعتها يكلي تخدمينها وهسه تسويلها كهوه
91
حجتها ترجف افترت شالت المكناسة من سلة الزبالة اخذت منها عوادين وخاطت بيهن الكهوه تهمس بحركة
- كهوه بطعم الزبالة وهواي عليهم
1.6K
- عوفي اني اسوي كعدي بس ابقي يمي
- لاااا صبيها الهم هاي نفسها
24
- اي والله اصبها بس عوفي
كعدت على جهه تباوع للفراغ عيونها كبار وتفتحهن حيل حتى ما ينزلن دموعها ومن تتجمع الدموع بعيونها ويصيرن حمر گـــلبي يتفلش عليها
74
صبيتلهم كوبين واخذتهن للصالة بس شافني صاح
- وين هذذيج الچلبه انا مو كلت هيه التسوي الكهوه ؟
42
سجود :: وانتَ تگدرلها ترد منك هيه
32
تقدمت خليت الصينية كدامه لزم زندي حيل ينتر
- العجيز ضليتي على گـــلبي اصفي على بر لو تاخذين يُســر لو مجتبى
282
سحبت أيدي منه بنتر ابتعدت صار الدرج بظهري رفعت راسي باوعت ليفوك مبتسمه ورجعت باوعتله مكتفة ايديه
- ليش ضالة على گلبك شنو كاعده ببيتك ؟
86
وكف يريد يسحلني صعدت بايه رافعه ايديه واحجي
- بايعه الدنيا ترا وتعودت عادي يرجع للسجن اذا يشفي گـــلبي بيكم .
106
فتحوا عينهم بصدمة رغم الحجيته جذب بس عسى ولعل يخوفهم ويكفون شرهم عنا رجع كعد بغضب يريد يحجي وسكت التفتت على الدرج نزل هجــام بخطوات هادئة كعد على بايات الدرج كعدت كدامه أحاول أبتسم رغم خوفي عليه
74
- جوعان هجــام ؟
14
هز راسه لا نظراته على ابوي احاجي وهو ما مهتملي وابوي يحير وين يباوع سجود كامت طلعت للساحة وابوي يشرب كهوه يدير وجهه ويرجع يباوع الهجام المانزل نظراتة منه خليت راسي على كتفه واحتضنت كتفه الثاني امسح عليه بهدوء
185
- لازم تشرب علاج خلي اسويلك ريوك
6
- شــام تريكت ؟
102
- اممم بس هالاسبوع تداوم وتكعد حتى تدرس
74
بقى ساكت حاولت اسحب وجهه الي خفت من نظراتة الابوي وابوي اخذ فنجان الكهوه وراح للمطبخ أسمعه حاجه افاطم بهدوء اجت أفاطم يمنا باوعت الهجام وكالتله
45
- عفيه ما تنطيني ساطورك محتاجته للخروف المكتوب اسمه ورا إسمي
4K
وكف يباوعلي ويحجي وياها
- ما بقى شي
363
سكتت مرعوبة سحبني من ايدي وصعد بسرعة اتبع خطواته بخوف لزمته الايدي بقسوة دفعني للغرفة يباوعلي بغضب تقدم وهو يحجي من بين اسنانة
13
- ابوج متحرش بشام ؟
806
بلعت ريك ارجف واهز براسي لا وصل يمي ودنك جوه الجرباية سحب الساطور ورجع باوعلي
32
- الجرو ما تاب رجع تحرش بيها مو ؟
363
- لاا لااا هجــام شبيك
19
مديت ايدي اريد اسحب الساطور منه ابتعد مانعني ورفع أيده بوجهي
- اكو احد متحرش بيها ابووووج لو الجرو يا تكليلي منو يا اكتلهم ثنينهم
536
- هجاااام هجااااام محد كتلك محد ليش هيج تحجي هي تنام يمك ومحد يصعد لهنا وبالنهار يمي منو يوصلها
17
احجي وابجي لان ادري بروحي ماكادره أحميها من التحرش رخت ملامحه من شاف دموعي مسح وجهه وهو يكول
29
- البارحة وهي نايمه اجيت يمها سمعتها كالت اكرهم يتحرشون بيه احجيلي اكيد كالتلج احجي الجرو رجع تحررررش بيها ؟
377
سحبت الساطور من أيده شمرته على الجرباية مفرفحة
- كتلك لااا وبعدين ليش تقفل باب الغرفة شنو ماتريدني اجي يمك
44
دار وجهه مني راح كعد على الكرسي
- راح اسويلك اكل علمود العلاج
- ما اريد رويــده ما اريد
22
- ليش ؟ ماجاي تشوف نفسك شكد تحسنت شكد تغيرت ليش ترفض العلاج وتشلع گـــلبي .
13
بقى ساكت شوية وكام لبس تشريت وفتح الخزنة البالكنتوره
- وين رايح هجــام ؟
29
خله فلوس بمحفظته وباوعلي مد أيده على خدي
- بشغل
78
- شوف ودي تطلع وتروح وتجي بس شسوي الگلبي الخايف عليك بس كلي وين رايح حتى ما أقلق
7
- لا تخافين اشوكت ما تردين خابريني وارد
27
هزيت راسي موافقة وطلع وكفت بباب المطبخ فر السيارة نزل واجه علي وكف كدامي باوع ليورا محد موجود حجه بتحذير ويباوع لوجهي
7
- يُســر خوما يخابرج ؟
360
بلعت ريك ساكته وهو يكول
- صاير روميو جايب حلقة وعلي اذا الزمه
2.7K
- هجــام
7
- سكتي سكتي
47
- هسه هو يمك حذاك شنو جاب طاريةً شبيك تفتر وراه
106
- تحلمت بيه كاض ايدج ويلبسج بالحلقة
2.8K
مدري شبيه لزمتني الضحكة وهو مخنزر كتمتها
هز راسه وهو متحلف كال
- رويــده ما يخابرج ؟
105
- لاا
11
- يله رايح من تجي شامي ديربالج عليها
846
ابتسمت اباوع لعيونه وأشرت على عيوني
- هنا اخليها
28
مد ايده سحبني عليه باس عيوني وابتعد باوع وراي وحجه بصوت عالي
- وارررريد من الله واحد يغثجن بحجاية
655
التفتت ليورا سجود واكفه بباب المطبخ الداخلي ساكته راح هو وهيه بس شافته طلع سيارتة كالت
- تردين ارجعه للشماعية متقوية بيه عبالج صحه هاا؟
107
- هههه اي والله الحمدلله تحسن هواي وقريبًا تنشمرين بالشارع
117
ضحكت بحقد وهي تكول
- نشوف سهله
295
عافتني وراحت جاي اسوي الغدا واجت افاطم تليفوني بأيدها تباوعلي بتك عين وهي تكلي
- صاحبج المتدين
1.4K
اخذت التليفون منها وضربت ايدها بزعل وهي تضحك طلعت من البيت لورا الساحة كعدت مرتبكة وكلبي يدك حيل خايفة كعدت خلصت المكالمة واني ما مجاوبة رجع أتصل اريد اقوي روحـــي واجاوب ما اريد صوتي يرجف وياه
13
- احم الو
- السلام عليكم رويــده
- عليكم السلام
- هواي اتصلت ما تجاوبين
112
- ما ادري بالتليفون
- رويــده هجــام شعرفه بالحلقه ؟
571
عضيت شفتي فشلاانه وايدي على كصتي شكد عيب كال
- حاجيني ترا هذا حاط خلك وخلك وياي يريد يذبح وحاب يستفتح برگبتي كلساع مصورلي الساطور يدزله الي وقبل ما اجاوبه يحضرني
6.1K
- يُســر عذره
21
- فهميني الحلقة شنو الوصلها الايده
- ليش ؟
12
- راح اسد المكالمة اصورلج محادثة هجــام وارجع إتصل
- تمام
61
سد المكالمة واني اكل باظافري بقلق ندزن الرسائل فتحتهن مرتبكة ومنتظرة الصور يفتحن فتحت اول صورة للمحادثة دازله صورة للساطور وكاتب جواها كل ما تخطر ببالك اختي تذكر ساطوري
2.1K
الصورة الثانية الحلقة فوك الساطور عززززا بعيني شلون اخذها وين لكاها ضميتها بكنتوري وهو ماداخل لغرفتي مخليها فوك الساطور مصورها دازها اله وكاتب ابو الحلقات اذا الزمك تدري وين اخلي هالحلقة
5.1K
واخر محادثة بالخمسة الفجر دازله انتَ زلمه وتكض أيدها رد لا اجيك
2.3K
صخام بوجهي يحاسب الولد على حلم رجع أتصل يُســر جاوبته خجلااانه منه كال
276
- انا لازم ايدج شوكت ؟ ويتصل عليَ الفجر ردت بس اكمل الصلاة واجاوبة وهو مكالمات ورسائل حركني حرك ومن جاوبته متخبل شلون تكض ايد اختي كتله كاعد ببيتي شايفك انا شايف اختك شبيك
573
- ها مو شسمه والله ما ادري شگول متحلم بيك لازم أيدي
215
- لا حول ولا قوة الا بالله حظي يخلي احلامه بيه ، ما يحلم بحيادر شكو جاي عليَ
1.8K
سكتت يُســر صاير بالمكالمة يحجي عادي من بقيت ساكتة كال
- اخذي راحتج أنا أسف اذا جاي اخذ من وقتج
26
- ها لا آهلًا سلملي على خالة وموسى
41
سكتنا ثنينا سمعته تحسر وبقى ساكت توترت لا هو ساد الخط ولا اني عركت اريد يسد الإتصال كافي حجه مرتبك حسيت بصوته يرجف كد ما مركزة
11
- رويــده
26
- هممم
33
وبقى ساكت وترني بعد التليفون يستغفر شوية وانسد الخط كمت رجعت للبيت غسلت وجهي احسه نار شكاعد اسوي اني ليش اجاوبة واحجي ويا واني رافضته ليش اجبره يتصرف بتصرفات هو ما مقتنع بيها
82
سكتت من دخلت شــام تبجي گـــلبي وكف اريد افهمها وهي شايلة بأيدها جلاد مال دفتر تبجي وتحجي بسرعة واني بس احاول افهم منها
19
- ام العررربي لان ناسية الضمه بس الضمه ناسيتها ما كاتبتها على الكلمة شككت دفتري كله شككته وتكلي تكلي بعد ما ادخلج ما ادخلج وزاري بدرسي الا تعيدين الدفتر كله الاحد
1.9K
تبجي بحركة مفرفحة ودخلت زهراء تضحك عليها وهاي مدري شلون فلتت من ايدي وطفرت على زهراء سحلتها من شعرها بحركة ملختها وسجود اجت تركض دفعتها احمي بشام واصيح على أفاطم اريدها تفرغ زهراء من ايد شــام وهاي مثل الخبلة راحت ويا شــام تضرب بزهراء
1.6K
الحد ما دخل ابوي وهنا احير ادفعلهن لو ادافع الروحي بسبحتة الچبيرة يضرب ويصيح
- تمدن ايدجن على بتي
822
وعبالك بس هي بنته ضامه شــام وافاطم بظهري ورافعه ايدي الاحس بيها الخياط نفتح من الضرب دفعته أصيح وادفع بالبنات للغرفة دخلتهن وسديت الباب اباوعلهن شــام تبجي وافاطم مبتسمه وتباوعلها هستوني اريد احاجيها ودك التليفون باوعت هجــام
41
- شــام اسكتي عفيه
حجيتها وجاوبته رأسًا كال
- شــام اجت ؟
17
- اي هسه
- وينها
- يمي
- اريد احاجيها وينها
96
باوعت الشام أأشر مسحت دموعها تأشرلي على صوتها عود يبين باجية حرت شنو اكله فتحت الصوت واكلها احجي من بعيد كالتله
- الو هجــام !
18
بقى ساكت شوية وكالها
- شبيه صوتج وليش فاتحه السماعة الخارجيه
855
شــام :: باوعت لوجهه رويــده مصدومة وافاطم ضحكت بصوت حجه بعصبية
- منووو وياج
64
بجيت مختنگه واحجي
- ام العربي شككت دفتري لان ما مخلية الضمه على الكلمة وتگلي تعيدين كتابة الدفتر كله اذا ما تعيدينه ما ادخلج وزاري
169
- تولي حرف ما تكتبين انا اروح وياج الأحد وأشوف
818
باوعت لرويده لطمت على خدها كتله
- لا شنو تجي وياي ما اريد
31
- ختولي لا تدخلج وزاري غصبًا عليها تدخلين
90
- جا اني شاطرة بالعربي
بجيت من جديد ورويده تلطم
169
- خلي ارجع ويصير خير
76
سد التليفون واني مفرفحه طلعت دفتر بنيه من الصف جايبته وياي عود انقل منه فتحتة لرويده واني أكلها
- باوعي شكد كاتبين وين اكدر اعيده بيومين وين اكدر
45
- لا تعيدينه ولا شي مو بكيفها ما تدخلج وزاري وانتِ درجاتج عاليه
11
- لاا هي معاونة تكدر كلشي تسوي واخت المديرة خاف تخبث وياي وما تدخلني صدك
60
- اكتب اني وياج نلحك ؟
28
- جا عندي امتحان الاحد شلون اكدر شلون
- اكتبلج اني ووين ما نوصل تكليلها ست نهاية الأسبوع اكمله
22
أفاطم:: خطي كلش يلعب النفس ما اكدر اساعدج
268
مسحت دموعي وخشمي اباوعلها واحجي
- المهم ساعدتنيي من كتلت زهراء
417
ضحكت ورويده تهز بايدها حايره بينا اخذت اغراضي وصعدت فوك ركض سجود بالصالة تصيح وراي متحلفة صليت وكعدت بالمخزن كل ساعة افتح الدفتر اشوف الاوراق شكد وابجي. شوية وامسح دموعي ادرس بمادة الامتحان واتذكر العربي افتح الدفتر اباوع للكتابة وابجي اقهر بروحي .
436
غــزل :: كد ما جنت فرحانة بالدوام صار عله وصرت اكرهه يجي الصبح واروح للقسم ، البنات الوياي بالغرفة حيل حبابات وكلمن عليها بنفسها بس الصبح من يلبسن وحده تنطي ملاحظة للثانية على البس بهاليوم بس اني وبنيه اسمها آيات كعدنا والاثنين لبقية بقن نايمات مايردن يرحن بدلنا وهي تساعدني لو بلفت الشال لو تاخذلي الملازم بايدها كملت لبست والتفتت تباوعلي كالت
244
- ها غــزل شلونه لبسي
- حلو والله مرتب
- احس روحـــي فاهيه بيه
- البسي نظارات رأسًا تصيرين شخصية
455
- يا ماعندي
- انطيج اني شكد عندي
واخذتلها من أغراضي نطيتهن الها لبستهن وتباوع بالمراية دارت عليَ
- عليج الله حلوه خاف اصير مضحكة للشعبة
66
- والله حلوه شخصية
- ولج غــزل خوما يطلعن من هذن امهات الف ؟
132
- لاا هاي هجــام جابهم الي غاليات وحتى لو بألف اهم شي حلوات معليج
49
ضحكت ورجعت لبستهم طلعنا سوا نفوت بالبداية على قسم أستاذ حيــادر وبكل مره احس گـــلبي يدك بقوة واتخيله كاعد بالمكتب والسجلات كدامه
8
البنيه راحت القسمها واني القسمي دخلت للمحاضرة أسلام بالاستيجات الكدامي ولا اهتم ولا اباوعله واضوج من يحاجيني
خلصت المحاضرة والدكتور بقى يسولف وياهم فزيت على صوت اسلام وهو يگول
1
- دكتور ما باركتلي خطبت
282
والدكتور باركله ورجع إسلام باوعلي يأشر وهو يگله
- خطيبتي
78
سكت الدكتور يباوعلي باستفهام كال
- غــزل ؟
27
والطلاب يباوعولي حسيت بروحي أريد ابجي باوعتله خازرته وهو يكله
1
اسلام :: اي غــزل حبينا بعض وخطبنا الحمدلله
560
روحـــي بقت ترجف وكفت بعصبية الزم بالعكاز واحجي بسرعة بسرعة
- عيب عليك تحجي هيج
445
وطلعت من القاعة مدري شسوي بروحي كعدت بمكان بعيد أمسح بدموعي ميته قهر الا انتقل من هاي القاعة شهكت فاكة عيني كلها من شفت براء وعبد علي اجو باتجاهي واثنينهم مبتسمين رفعوا ايديهم ثنينهم يأشرولي من بعيد ويراووني الحلقات. مسحت دموعي والضحكة شكت حلكي
1.3K
وكفت واجت براء ركض وعبد يصيح وراها
- يواش يواش
683
حضنتها اضحك وهي تبجي وتبوس بوجهي وعبد وكف على جهه يباوعلنا مبتسم وخرت من حضني حيل فرحانة رحنا كعدنا بالكافيتريا طايرة بيهم طايرة كام عبد يجيب اكل وجلبت بايد براء
- خيانات ليش ما تتصلين
9
- سكتي ولج طيحو حظي اجه تقدم ورفضوا ومن عرفوا بيه وياي يالكليه شبعوني كتل وابن عمي يحميني منهم خطيه الولد مايريدني وهم يلزكوني بيه نوب من يحميني يجلبوله اكثر ويكلوله تريدها وهو يكلهم لا متخبل لان يحب تالي هو لكفني احجي ويا عبد بالتليفون وصار وياهم ضدي هم يضربني بس يكلهم زوجوها وهم قافلين مايقبلون شبعت كتل ولج
207
- سوده عليه طاحظهم
26
- ياا ولج اهلي
- اي صدك يله نسيت مو طاحظهم
398
- اي نوب رادوا يزوجوني الابن عمي الاصغر مني تخبلت دكيت ولطمت وخابرت عبد من تليفون امي لان هي واكفه وياي وبالليل اسمع صياح طلعت أركض لكيته بالطارمة كدام اهلي وبأيده سلاح حطه بأيد أبوي كاله
- لو تكتلني وتزوجها للتريده لو انا اكتل كلمن يگرب عليها
762
- اووووي شلون حلو وشصار
58
- حلو ؟ حلو ؟ رعب ولج رعب وين الحلو ! اجوا اهل عبد وجايبين ناس سدوا الشارع من الرأس للراس وكلها تصيح ما نطلع اذا ما تطونه مطلبنه هم يخطبون واني شابعة كتل بالغرفة وتالي مدري شلون الله نطق ابوي وخلاه يوافق ونخطبنااااااا
346
صفكت بحمااااس فرحانة والتفتنا على عبد علي يرزل
- يول ارگدن لا اهفجن بعلابي يعلم نهار بوجهج شعلامجن طفكه
1.2K
براء :: مو اني عرفتك تعنف المرآة هو العنوان مبين من غلافة
234
غــزل :: ضحكت واصححلها بالكلام نسولف تغير مزاجي كله الحد ما حسيت ايد لزمت ايدي سحبته فازه واني اشوف أسلام كدامي مبتسم
- تعالي حبيبتي
250
ورجع مد ايده يلزم ايدي دفعتها ما حابه فكرة صار اله حق يلزم أيدي التفتت اباوع العبد وبراء عبد قابض ايده بغضب وخازر اسلام حجيت بهدوء ما اريد تصير مشكلة جديدة بسببي
- شتريد
- نكعد هناك
اشر على طاولة بنهاية الكافيتيريا كاله عبد
12
عبد علي :: تفضل اكعد انتَ هنا
- لا تدخل بيني وبين خطيبتي
109
وكف عبد بعصبية وبراء لازمته سحبت العكاز ووكفت اروح وياه للطاولة مد ايده يريد يلزم ايدي
- وخر والله أصيح
32
سكت مبتعد وسبقني للطاولة كعدت گـــلبي يدك حيل واعصابي ترجف كعد مقابيلي مبتسم
- شبيج حبيبتي ليش ضايجة
درت وجهي منه ساكته وكل ما يريد يلزم أيدي انترها منه بعصبية
- لا تلزمني شبيك انتَ
41
- ترا خطيبتي غــزل شنو ما الزم ايدج
- ما احب اني ما احب هيج
74
- ليش تقهريني ؟ انا بكلمة ما غاثج وانتِ من اول يوم شفتج الهاليوم حاقدة عليَ وتحاولين بكل صورة تضوجيني يعني لان حبيتج كلتي هاي هي اذلة واطيح حظة ؟ اخووج مد ايده وضربني وما مديت ايدي عليه بس لآنه اخوج ، انرفض وانضرب وارجع اتقدم من جديد ليش ؟ لان احبج . بس ذليتيني غــزل
956
مسحت عيوني اباوعله
- جا لا تضوجني واني ما اضوجك انتَ تغثني حيل
12
احجي واحس نلرمت من زندي ونسحبت من الكرسي اباوع حيــادر يباوعلي بغضب وكفني وهو كال
130
- اخوج يگول جيبها الي للمستشفى عندها مراجعة
77
وكف أسلام وهو يگله
- آنا آخذها
75
ما اهتم حيــادر اشرلي امشي طلعت كدامه شوية واجه هو يمشي بصفي لو يسبقني بخطوة صعدت وياه اسأل
- العمليه شوكت
15
وهو ساكت حرك السيارة دك تليفوني سحبته اباوع أسلام ردت اسده وتذكرت كلامه جاوبت ساكته كال
- صارن هواي غــزل
406
- شنو هنه ؟
50
سد التليفون بوجهي باوعت الحيادر وهو عيونه على الطريق الحد ما وكف السيارة يله درت عيني لكيتنا بباب بيته
- هجــام هنا ؟
17
بقى ساكت خله ايده على راسه
- لا اغراضج هنا جبتج حتى تاخذينهم
63
- شتائيات خليهم بعدين اخذهم
التفت باوعلي بقهر برطمت مختنكه وراساً كتله
- ايه رجعتلك ؟
20
عكد حاجبه ما فاهم ضحك باستهزاء يهز بأيده
- شبيك اني شكلت
12
- عفوًا منو ايه ؟
39
- طليقتك
1
- للأسف ما اعرف وحده بهالاسم طليقتي اسمها غــزل
784
حجه وباوعلي بخزر سكتت مدنكه ودايرة وجهي شغل السيارة ورجعني للكلية
41
رويــده :: حاولت اكتب الشام لان انتهت من البجي فرفحت تسكت وترجع تبجي وتكعد تحجيلي وتشرح شلون المدرسة شككت دفترها كدام البنات
78
- كومي ننزل بالغرفة كتلني الحر هنا
11
شــام :: لا روحـــي ما أريد
2
اخذت دفترها ونزلت اكتبلها جوا كل شوية إتصل على هجــام خايفه عليه حيل لليل الساعة بالعشرة يله اجه رأسًا صعد الغرفتة اخذتله أكل وعلاج ورحت وراه باوعلي كعد عدل
11
- تعالي
خليت الاكل يمه راح للجرباية عليها اوراق سحبهن ووكف كدامي
فتح الأوراق
- رويــده اشتريت بيت ببغداد
606
ابتسمت
- صدك ؟ عاشت ايدك الله يرزقك اكثر واكثر
ابتسم يهز راسه لا
3
- مو الي ، البيت بيه شقة فوك الشقة الشام والجوا الجن انتِ وغزل والبنيه أفاطم الها حصه هم
899
فتحت عيني بصدمة لزمت بأيديه
- وين هجــام وين شنو براسك
20
- دماغ بلا عقل
403
- هجــام حاجيني حاجيني شنو ببالك ها ليش هيج اشتريت شكو
9
- ماكو شي وبعت هذا البيت بشهر الثاني يوم عشرة لازم نطلع من البيت بس لا تحجين الأحد خليتبهذلون
1.6K
اباوعله بصدمة وخوف وهو يحجي بهدوء طبك الأوراق خلاهم بأيدي
- شــام من تكمل امتحاناتها ما راح تبقالي وما اريد تضيع هذا حقها تكمل دراستها وتكعد هنا
124
- وانتَ ؟ هاا وانتَ شنو تريد تعوفنا ؟
9
- لاا ما اعوفجن لهذا السبب ردتلها شقة فوك حتى تعيش بيها براحتها مچانها محد اله حك عليها لا انا ولا غيري
54
- عليك الله ما ببالك شي ثاني ؟
3
- لااا كتلج لا ما اعوفجن شلون تعيشن وحدجن
49
زفرت نفس براحة كعد ياكل واني يمه تحمحمت اسأل
- رحت البغداد
هز راسه اي
- شفت غــزل ؟
- لا
سكتت اخذت الصينية ونزلت
15
شــام :: رفعت راسي على فتحة الباب بس شفت وجهه ابتسمت ووكفت فاتحة ايدي تقرب حضنته حيل ضامه وجهي بركبته اريد اثبتله من حجالي لا ضجت منه ولا كرهته ، بسته واهمس
-اشتااقيتلك حيل حيل اشتاقيتلك
152
سحب أيدي وخرني من حضنه ولزم وجهي بأثنين ايديه تقرب يبوسني رفعت نفسي على أطراف اصابعي ذبلت روحـــي بأيده واحس برجلي مايوكفن لزمني قوي يضحك كعدني على الفراش
- مدام متسرسحه شبيج تسكرين
1K
بقيت مدنكه خجلانة واكل بشفتي تلمس أيدي ورفعها باس الوشم واثر الجرح رفعت وجهي اله راحت ضحكته باوع لوجهي وحجه بقهر
- شكد اذيه بجسمج مني
29
نزلت ردني على اثر الجرح وباوعت لوجهه مبتسمه
-شحلو اسمك مخطوط بأيدي
120
عض شفته متحلف وسحلني الحضنه يجعص بوجهي ويبوس يعصر خدودي حيل ويبوسني بقيت راسي على رجليه وهو بايده حاضن حنكي ويتحسس النونه بابهامه
- أحبك هُجــاامِ
350
دنك بسرعة خله وجهه برگبتي شهكت جسمي متقشعر ومغمضه حيل يبوسني يشمني ويهمس
-عاشگج يا حيل هجام
577
ابتعد واني احس بوجهي جمر مسح رگبتي بأيده كعدني رتب شعري وراه اذني مسح عليه
- ليش باجيه ؟
13
- ها مو ام العربي شككت دفتري
حجيتها وتذكرت الدفتر شكده وشكد تعبـــت عليه ورجعت ابجي كال
- تندلين بيتها ؟
744
مسحت دموعي اهز براسي لا
- كومي ادرسي بغرفتي حارة هنا
42
اخذت كتبي ورحت يمه فرشتهن بالكاع ادرس اجه يمي تمدد يباوع لوجهي ساكت كل ما ارفع راسي الكاه نفس النظرات سحب دفتر وقلم يشخبط واني اباوع بالسكته عليه شفته رسم نفس رسمة الوشم على صدرة وراها تواقيع بعدين كتب اسمي واسمه وبنصهم قلب ابتسمت
203
باوعلي ضحك
- درسي لا تباوعيلي
- حلو ما اكدر ما اباوعلك
139
- انتِ هم حلوه ومن اباوعلج ابوسج تعالي بوسيني
331
تقربت بضحك بست خده بوسه قوية وبأيدي لازمه وجهه هو متمدد واني كاعده ومدنكه عليه
- هاي يسمونها اقشمر عليك مو بوسه
280
حجه وخله أيده ورا راسي ساحبني اله طبع شفايفة على شفايفي ببوسة طويلة ابتعد يغلط على نفسه
- اكل الروحي لا تبوسها عوفها تدرس صحصحي ارجعي لدراستج
527
رجعت كعدت مقابيلة وهو رجع تمدد ويشخبط بالدفتر الحد ما نام والقلم بأيده اباوعله مبتسمه يمكن رب العالمين جبر خاطري بيك عن كل كسر عشته
214
مديت ايدي بهدوء تحسست لحيته وطرف شفتهه مبتسمه
سحبت الدفتر منه الم بكتبي كاتب احرف بالدفتر تارسه احرف عشوائية على الاسطر ضحكت واحجي بصوت
- كاتبلي احرف شنو ابتدائية شصار لو كاتبلك سطر غــزل
114
هستوني اريد اسد الدفتر وركزت عبالك كلام مكتوب بس بدون ما يجمع الاحرف جمعتهم اول سطر كاتب
3
- ذنب أعظم من ذنب وهي لا تغفر
1.2K
بلعت ريك بخوف اباوعله واخاف اجمع احرف السطر الثاني دنكت أقرأ
8
- عندما تعلم تفر هاربة حاقدة كارهه تلك الفراشة التي كسرت اجنحتها .
1K
احس نار كامت تطلع من وجهي عيوني دمعن وكلبي يدك حيل متردده اجمع باقي الاسطر
- عندما ترحل اعود لجنوني مجددًا تحتضنني حياطين غرفتي الجافة بدلًا من يدها الناعمة
365
- احببتها بخوف ضممتها بارتجاف عشقتها بجنون لمستها بهدوء
لا اريد جرحها لكنها الحياة
238
- لا شي يشبهه سوداوية اليوم الذي ستذهب به
254
- ترحل دون وداع دون النظر للخلف ترحل عندما تعلم بأنني قاتل
ترحل كارهه ليومً جمعني بها .
498
لكيت دموعي تنزل ويا كل كلمة اقراها مسحت وجهي اباوعله
- ليش هيج مقتنع انا اعوفك شلون اقنعه هو مو قاتل
332
عفت الكتب على جهه سحبت الغطا من الجرباية تقربت بهدوء دخلت روحـــي بحضنه حييل حضنته تحرك حاضني يحجي
- شومه
42
- يا عيونها
7
تحسر وحضني بقوة
- لا تكرهيني
- مستحيل اكرهك مستحيل
114
فتح عيونه رفع وجهي من صدرة يباوعلي ابتسم
- على بالي أحلم
23
- بالحلم وبالحقيقة اني يمك
- هههههه شحلو سوالفج وصوتج وروحج شومه
140
رجعت خليت راسي على صدرة مغمضه وحاضنته
- للموت ما اكرهك ولا اعوفك
بقى ساكت وايده بشعري هستوتي اريد انام بديت اغفي وهمس بأذني
21
- حتى لعيوني ما تعاينين بس تعرفين شنو ضام عليج .
4K
يتبع .🦋
