رواية نوائب شام الفصل الرابع والعشرين 24 بقلم الكاتبة ايلول
ياحَبيبي وصاحبي وحِزن القَصيدة
أنتَ أول ضيَم يچويني وَأريده ...
""""""""""""""""""""
153
شــام :: خنگني حتى النفس گـــلبي احس بصوت دكته ترن باذني جسمي انتهى من الخوف كمت ما اكدر ادفع الباب ما عندي طاقة تعين أيدي وادفع باب الحمام. التفتت الغرفة ملاك واني اتخيل هجــام بداخل الحمام وهالدم منه بكتفي إدفع بالباب ودموعي بلا وعي نزلت بخنگ اريد اصرخ ما اكدر ما أعرف شنو الاسوي باب الحمام ثكيل مايندفع شهكت بصوت مخنوك جمعت كل طاقتي يله كدرت ادفع الباب. وصيحت بفزعة فاتحه عيني على وسعها
84
وإني أشوف غــزل ورا الباب والدم يسيح من أيديها ثنينهن لحظة هي احس النفس وكف ببلعومي اجر نفس اريد أصرخ صوتي ما يطلع اريد رجلي تعيني واتحرك من مكاني ما اكدر
634
وفززتني صوت فتحة باب غرفة ملاك التفتت بفزع وإني أشوف هجــام طلع من الغرفة رجعت ليورا مرعوبة وعيوني فاتحتهن بصدمة اهز براسي لاا بخوف من شفت ايديه كلهن دم راح صوتي راح
150
وهو يتقدم عاكد حواجبة ويباوعلي بصدمة همست مختنگه
- انتَ ؟؟ انتَ
383
عثرت ببايات الدرج اصرخ بكل صوتي
- رويددددددده روووووويده رويــده
95
رويــده :: ركضت مفزوعة بس اريد الحك افتح ألباب ركضت للدرج وأشوف شــام على اول بايه ساده أذنها ترجف وتبجي وهجام يريد يلزمها وهي تدفعه بقوتها وتصرخ متخبله گـــلبي راح اريد اوصل الدرج ما يخلص
28
سحبتها من كتفها الي الزم بوجها وهي بمجرد لمحتني صرخت وهي تبجي
- كتل غزززل كتل غــزل غــزل ماتت غــزل
1.2K
واني ما مستوعبة حجيها بس اريد تسكت إبتعد هجام مصدوم بكلامها روحـــي راحت ليش هيج تحجي شهكت كاطعة نفسها وتملخ بركبتها تريد تتنفس وتصيح
- غززززل بالحمام غزززل ماااتتت كتلها كتلها
359
التفتت الهجام جسمي منتهي اباوعله واباوع للدم الينزل من أيديه مصدوم التفت الجهة الحمام نزلت ايدي من شام گـــلبي حسيته وكف كمت بخطوات ترجف وهجام تقدم خطوة للحمام فتح عيونه على وسعهن وشهك شهكه من كل كلبه رجع ليورا متعثر صيح بوجع وكعد على ركبه بعد ما بيه حيل اريد اتحرك ماكدر
116
ركضت بكل حيلي المتعوب لا يالله لا تكسرني يا رب ارحم يحالي صرخت واحس كل وجع الدنيا بكلبي من شفت غــزل والدم جريتها الحضني واباوع لايديها اصيح لزمت ايديها ثنينهن عاصرتهن قوي صفره اختي صايرة صفرة دمها خلصان شرايين ايدها ثنينهم مكطعات.
- غززل غــزل يمه. لا تموووتيني لا تموتيييني
- هجــام كوم هجاام اختي رااااح تموووت ، كررررررررار بوووويه لحكوووني ، وووولج شاااااام تعالي شــام
68
اجت يمي وهي ما تدري شتسوي عبالك مو بوعيها تردد كتلها كتلها وتفتر فاتحه عينها على وسعها درت الهجام ابجي واتوسل
- كوم فدوه راح تموووت غــزل راح تموت
104
سند روحه على الحايط كل ذرة بجسمه ترجف رجليه مايتحركن انتهن وحده يكدر يخطي بيها ووحده تبقى تسحل وصل يمي وسحبها الصدره بقوة حاضنها جريت شال شــام من ركبتها شديت ايدها بايدي الترجف وشديت الثانية بالطرف الثاني
47
واسمع صوت كرار من جوه يصير خير شتريدين سحبت وجهه هجــام اتوسل
- كووووم كوم تكدر تكددر
42
وكف بخطوات ترجف شايلها الحضنه وطلع من الحمام وهو يردد بصوته المخنوك
- ما تموتين غزوله ما تموتين لاترحين لا تعوفوني غزوله
168
وشام كاعده بالزاويه ترجف كلها سحلت ايديها من اذانها ابجي روحـــي رايحه ضربتها راشدي اصيح
- اصحيييييي اصحي ساعديني راح اموووت
144
فتحت عينها نزلن دموعها تشهك وايدها على كلبها كمت اركض لغرفة هجــام اخذت قميصة وفلوس وطلعت وابوي يصيح شكو شكو شصار اجر بالشال والعباية وافاطم تباوع ساكته طلعت وصارت بوجهي شــام صيحت بوجها
- افاطم امانتج
85
رحت للسيارة ركض ضامتها بحضني متگطع گـــلبي وهو يسوق بخبال ويردد
- لا تموت لا تموت يا رب وغلاتها بگلبي أموت
132
واني احس گـــلبي مات اختي بس جسد بحضني ودمها بأيدي التراك الابسته نصه دم ودموعي التنزل احس بيهن بلا معنى مايسون شي
49
وصلنا للمستشفى وافتر بسرعة يريد ياخذها من حضني مديت ايدي على وجهه اريد يشوفني
- البسس قميصك
جر القميص من ايدي لبسه وبدون ما يدكم اخذها يركض واني وراه لاول مره احس ماعندي طاقة لاول مره احس منتهيه افر بعيوني ادورهم ما ادري وين راحوا ادوخ كل شوية وعيوني يغوشن ومن أفتح عبالك بغير مكان افتر يحيرة لمحته كاعد بباب غرفة مغطي راسه بأيده مشيت بخطوات ترجف كعدت كدامه
- وينها هجــام غــزل وينها
45
ونفتح الباب طلعت بنيه تركض وراها ولد ثنينهن يصيحون دم فقدت احس براسي نركع بالكاع واحس بروحي من نسحبت من الكاع الحضن هجــام وراها رحت رحت بظلام اعاتب بيه امي العافتني ويا حمل يهد الحيل كبرتني قبل عمــري
295
وين يله حسيت بصوت بجي مخنوك يمي فتحت احس بعيوني مورمه وراسي يوجعني حيل اكو ثگل على أيدي وصوت يبجي ببحه تلفتت بتعب رفعت أيدي الثانية هجــام ضام روحه الحضني ويشهك دموعه احسهن بللن ايدي گـــلبي راح
- هجــام ، غــزل ؟
210
رفع راسه يمسح بدموعه دنك بسرعه يبوس بوجهي ويهمس
- يغديلجن تراب هجــام يروح فدوه الصوتجن موتيني
477
- غــزل ؟
16
- بعدها
21
رجفت شفتي ودموعي نزلن اباوع لوجهه لم ايديه باثنين ايدي وهمس مختنك ودموعه يمسحهن وينزلن حجه بوجع يباوع الوجهي
- رويــده معقولة انا السويت بيها هيج ، ما اتذكرر. ما أتذكر
491
- اششش لا يا روحـــي لا مو انت هي هيج سوت
30
- ليششش ليشش توجع گـــلبي
51
سكت من دخل الدكتور تحمد بالسلامة وفتح عيوني يباوعلهن
- دكتور اختي شلونها ؟
13
- بابا انتوا على گد ما تجون حفظناكم ، لا تخافين بس يستقر وضعها تشوفينها
3.1K
التفت للممرضة الوراه يحاجيها على العلاج ساعدني هجــام كعدت سانده ظهري على السرير سحبته من ايده وكف كدامي ومديت ايدي ادكم قميصة والدكتور يحاجيني أبتسم كال
18
- انا اگول شبيه اخوهن هيج متخبل عليهن هسه عرفت السبب .
708
سكتت مدنكه كل ذرة بجسمي توجعني شوية ودخلت شــام وافاطم وياهم ابوي وكرار حضنتني شــام تبجي بفزع
- غــزل رويــده غــزل
49
- ادعيلها
حجيتها ومسحت دموعها وأبوي يحجي يحجي ويغلط الحد ما سحبة هجــام دفعه على الحايط خانگة وكفت رجلي ترجف
- هجــام عفيه هجــام
43
عافه التفتلي يحجي بعصبية
- ارجعي نامي لا توكفين
32
سحبته من ايده رجعت للسرير التفت عليهم خازرهم ينتر
- اطلع ما اريد اشوفك هنا اخذ الجرو مالك وولي
409
وابوي تخبل وكرار طلعت مراجله يخزر بهجام وهذا ينجن شيلزمه يصيح بحركه- اشششلع عيونك اشلعهن
251
ابوي جر كرار وطلع وهجام يمسح وجهي بأيده الترجف
- نامي لا تتعبين
11
- أريد أشوف غــزل فدوه
3
- تعالي
9
كمت وياه باوعت للبنات افاطم وشام
-ابقن هنا مايدخلونه كلنا
9
أفاطم هزت راسها ساكته وشام عيونها الهجام الماباوعلها ، رحنا الغزل اني وهجام الكاع تفتر بيه ما اسيطر على خطوتي يابه من شفتها امدده والمغذي معلك وأيديها الاثنين ملفوفات وجها اصفر وشفايفها بيض غصب عني بجيت رجلي ماشايلاتي كعدت بالكاع ايدي على حلكي وابجي بحركة
388
اباوع الهجام كعد على اركبه دنك على أيدها يبوسها ورفع راسه يباوع الوجها صافن مسحت دموعي وكمت انا مو مال اضعف انا حتى البجي محرومه منه لان عندي الازم اواسيه واحميه
خليت أيدي على كتفه دنك وجهه وغطه عيونه بايده كعدت بصفه وسحبته الحضني بجه واخذ روحـــي وهويگول
63
- خايف رويــده خاف انا الاذيتها
241
حضنته حيل گـــلبي متگطع
- ليش هيج تحجي شعليك انتَ ها هجــام مستحيل تأذينا مستحيل هي غبيه هي حيوووانه والله بس تصير زينه الا اطيح حظها هي هيج سوت
118
- رفع وجهه يباوعلي عيونه دم حجه بخنگه
- شــام كالت انتَ كتلت غــزل
401
- لاا ، معليك بشام نصدمت انسه كلامها
35
أشر على گلبه مغمض
- لو اموت ما انساه ما انسه خوفها ما انسه كلامها ما انسه ما انسه
1.1K
سكت من سمع صوت غــزل تون بوجع وكفنا ثنينا خايفين فتحت عينها رايحه روحها وهجام بس شافها صحصحت استجوبها خايف ما مقتنع مو هو المأذيها لزم وجها بأثنين ايديه وهي بس دموعها تنزل گالها
12
- منو هيج سوا بيج ؟
وهي تبجي خنك تهمس
- اني
247
فتح عينه بصدمه إبتعد عاكد حاجبه مسح وجهه بعصبيه ورجع عليها وكفت بوجهه فرفح محتار شيسوي كالها
- ليشش ليششش ناويه تموتيني هااا هو انا ميت وضال بالدنيا بس علمودجن شتردين شتردين علمود هذا ابن الكلب والله اذبحه والخلقه اذبحه سمعتي اذبحه
149
- هجاام عفيه عوفها لا تصيح بالمستشفى احنا عيب
44
عافني وطلع يرجف باوعت الغزل وباوعت وراه وين اروح اخاف يسوي شي اخاف يروح الإسلام طلعت من يم غــزل مجلبه بالحايط حاجيت افاطم وشام راحن يمها واني طلعت أدور عليه لمحت سيارتة موجوده وهو ماكو أفتر وأدور والناس تباوعلي باستغراب
11
- المن طلعتي
17
التفتت عليه
- وين رحت ليش تعوفني وحدي
5
سحبني من أيدي رجعنا للمستشفى يمشي بعصبية واني الرجفه مجلبه بيه كوه أتحرك هستونا وصلنا للغرفة ووكف مسكتني يتنصت
45
شــام :: غــزل تبجي وإني وافاطم بس نباوعلها كمت كعدت يمها امسح بدموعها
- هسه ليش تبجين
5
- كون ميته المن بقيت عايشه المن شلون اباوع لهجام
29
أفاطم:: شكد تلعبين النفس تنتحرين لان اخوج ما قبل ينطيج ؟
336
غــزل :: معليكم معليكم وارجع انتحر الحد اموت
222
شــام :: بجت بحركه ودارت وجها من عدنا أفاطم هزت ايدها باستهزاء ونفتح الباب دخل هجــام ورويده تقرب يمها حاجاها والتفتت باوعتله عيونها غركانه بالدموع حجه ببرود
12
- ما وكفت بوجهج الا لمصلحتج تردين تعيشيني بنارين لو انطيج الواحد متأكد منه مليون بالميه يأذيج لو ادفنج ، تعاقبيني انتِ ؟
87
وهي بس دموعها تنزل مد ايده مسح عيونها وگالها
- هاي هيه انتِ الربحتي انتِ القوية الما تنازلتي وانا الضعيف الما اگدر على أذيتج ، " عشت وجع الخسارة مرتين "
415
وكف يباوع الرويده كالها
- راح اكعد بالسيارة اي شي تحتاجينه ودي عليَ
13
طلع واني گـــلبي يوجعني من أتذكر الموقف ورويده كاعده يم غــزل ساكته وهذيج بس تبجي لحد ما سكتت وكعدناها كالتلها رويــده بزعل
6
- اذيتني وجعتي روحـــي مو بس گـــلبي .
31
وهي حرف ما يطلع منها بس دموعها تنزل
رويــده :: خليتي هجــام يشك بروحه ولج يكلي خاف انا المأذيها خاف اني ما حاس على نفسي واذيتها هيج يهون عليج هجــام هيج تسوين وما تفكرين بيه
45
ترجف وتباوع لرويده تشهك وهي تگلها
- مو عبالي الحمام الفوك محد يدخله كلت مايلكوني الحد ما اموت
293
حجت وخلت رويــده تلطم حارت شتسوي من الحرگه وهاي حجيها يقهر حد الليل طلعونه اخذناها وطلعنا خايفه اخلي عيني بعين هجــام وهو ما يباوعلي ابد رجعنا للبيت بعدنا ما نازلين من السيارة هو نزل عاف السويج فوك السيارة وراح للبيت نزلنا رويــده لازمه غــزل وافاطم لازمه رويــده باوعتلي كالت
29
رويــده :: قفلي السيارة وجيبي السويج
15
قفلتها واخذت السويج بأيدي دخلنا للبيت هم كاعدين بالصالة رأسًا ابوها فشر عليها بكلمات بذيئة ورويده تباوع للدرج بخوف وهو من شافها هيج سكت وسجود تضحك بشماته دخلنا للغرفة غــزل تمددت بجربايتها غطت وجها ورويده تباوعلها بحيرة
40
أفاطم:: راح اسويلكم شوربة
44
شــام :: اني راح اودي السويج الهجام واجي
423
بقت ساكته طلعنا من يمها ثنينا صعدت فوك گـــلبي يدك حيل أتذكر شلون جنت ادفعه خايفه بس مو بأيدي من شفت ايديه كلهن دم وغزل بالحمام وغركانه بدمها خفت غصب عني خفت دخلت الغرفته السويج بأيدي وهو ما موجود سمعت ماي الحمام مفتوح عفت السويج على الميز والتفتت عليه من طلع بدون ما يخلي عينه عليَ فات گبل للكنتور بحوش بين اغراضة واني واكفه بمكاني محتارة شنو احاجيه شنو اكول باوعت الايده الاثنين مجرحات. مسحت وجهي بحيرة وتقدمت بخطوات متردده احجي بهدوء
105
- هجــام
48
عافني احجي ورجع دنك على الميز طلع جمر النركيله اخذه وراح للطباخ شعله خله الجمر عليه ما مهتملي ولا عبالك موجوده
- هجــام آسفه
49
أبتسم وهز راسه لا
- ما غلطانة ليش اسفه ؟
77
- اني والله بس خفت لان شفت بايدك دم آسفه
21
- عادي جنتِ الوحيدة الرافضة فكرة انا قاتل وهسه اقتنعتي مو مشكلة
1K
اباوعله بحيرة گـــلبي يوجعني ما اعرف ابرر موقفي حجه بسرعة
- انا فعلًا قاتل ومخبل وكلشي يخطر ببالج اسويه لهذا السبب من تكملين امتحانات اطلكج روحـــي أقسام داخليه ببغداد واخصصلج مصرف كل شهر يوصل الايدج وعيشي حياتج بعيد عن الكتل والذبح والخبال
513
لميت شفتي الداخل حلكي بقهر واحس بجمر ينزل على خدي مو دمع وهو بالمنكاش شال الجمرات خلاهن على النركيله كعد على الكرسي يباوع من الشباك للساحة اختنكت اريد احجي الكلمه توكف ببلعومي
13
- اني ما اريد اعيش بعيد عنك
36
- من تكملين امتحانات انتِ منج ومن كيفج تقررين ترحين بعيد
65
مسحت دموعي وتقربت كعدت على الجرباية كدامه
- شوف اني اسفة على الصار الصبح بس
14
سكتني وهو يگول
- لا تتأسفين مو شي جديد عليَ أخواتي هم خافن من عندي كبلج وانتِ جنتي تشوفيني أمان وخفتي بحيث ما خليتيني الزمج جنتِ تشوفيني عاقل ورآها شفتيني مجنــون وقاتل وما الج ذنب فعلًا انا قاتل
72
هزيت راسي لا متحسرة وهو يضحك باستهزاء
- مو قاتل
29
كعد عدل يضحك ويهز براسه يحجي بصياح
- قاااتل ومجنون شوووفي شوفي
47
يحجي ويضحك وبالمنكاش شال وحده من الجمرات خلاها بايده وسداها قوي صيحت بخوف وهو يضحك وعيونه حمر صيح بعصبية
- هالايد موتت اشخاص هالايد ارتكبت جرائم
652
ابجي وافتح بأيده عيونه صارن دم وهو عاصر أيده قوي ويضحك بصوت عالي دخلت رويــده كوه تمشي. صيحت واني ابجي
- رويــده الجمر بأيده
37
وهي اجت متخبله تلزم بايده وياي نريد نفتحها ماكو غمض عيونه يردد بهدوء
7
- حتى الجنت امان الها خافت مني
723
بجت وهي تجر بأيده بقوة فتحها شمرت الجمره منها تنفخ على ايده ودموعها عشرة عشرة اباوع لمكان الجمرة شصاير روحـــي اشتعلت نار وهو يباوع لرويده بهدوء كالتله
17
- حرام عليكم حرام عليكم ارحمو بحالي شلعتوا گـــلبي كل ساعة مفرفحة على واحد بيكم تعبتوني تعبتوني
262
نزل من الكرسي كعد يمها ما مهتم الايده حضنها ويبوس براسها
- شتردين رويــده شتردين
16
- بطل هالتصرفات بطل تأذي نفسك لان توجع گـــلبي .
13
- بطلتهن
38
- لا تعصب لا تتنرفز على كلشي
9
- اي بس لا تبجين
33
ابتعدت وهي تباوع لوجهه كالتله بتردد
- أقبل بالولد اختك رايدته وهو رايدها
136
عض شفته بقهر وهو يگلها
- يأذيها رويــده
156
- نسأل عليهم اذا خوش ناس ننطيها ، احسن من ما تسوي شي أكبر ماجاي اكدرلها هجــام واموت اذا صار بيها شي
28
- لا هيج تحجين
9
- وعيونك تعبـــت من التفكير اخاف عليها اخاف
16
- هاي هي بس وحك معزتها بگلبي يا رويــده لو عرفت بيه منزل دمعه من عيونها اكتله لا تكولين ما كلت وين ما الكاه اكتله
149
سكتت رويــده محتارة رجع كعد على الكرسي ويهزه بعصبية كالها
- طلعن برا
- أيدك
48
مدت أيدها رادت تلزمه نترها منها بغضب ويهز الكرسي بسرعة طلعنا من يمه محتارين وصار هاليوم مثل الكابوس من طلعنا من غرفتة الحد ثاني يوم الصبح هو مشغل اغاني على أعلى صوت بحيث محد بالبيت كدر ينام رحت للمدرسة عيوني يلزكن .
577
رويــده :: صافنه عليها بحيرة مو قبل هجــام بعد شكو تبجي كوه تاكل الا افاطم تكلها اكتلج يله تاكل وهو ولا قبل ياكل لگمة ولا قبل يشرب علاج حيرني كل ساعة اصعدله كعدت يمه بالكاع وهو متمدد يباوع لرسوم ملاك
86
- كوم اكل
8
ما اهتم تحسس الرسومات بطرف ايده لزمته من كتفه رفع راسه من الگاع الحضني يضم وجهه عني ويحجي بقهر
5
- شــام وغزل ثنينهن قهرني ، شــام نبتت سجين بگلبي مو حچايات
375
- هجــام تدري بيها شكد تحبك بس خطيه نصدمت بغزل وهي اول واحد شاف غــزل نرعبت
15
- خاب اسكتي اسكتي رحمه الامج اسكتي
275
وهاي اختج اذا ما عضت اصابيعها اذا ما بجت دم وهي تكول يا ريت سمعت من هجــام ياريت هجــام بقى رافض ووحك الله وعالي سماه لون لحته مبچيها دمع ابچيه دم .
199
- انتَ بس على كيفك اني خابرت حيــادر كتله يسأل عليهم
49
- ههههههههههه اي بله شكالج ؟ حلو هو حاط عينه على غــزل ويسأل على الولد اليريد يخطبها ههههههههه
748
- فد عليك سوالف تطلعن من جوا الگاع الرجال متزوج تستوعب انتَ متزوج ومايباوع الغزل
37
- ههههههه اي شنو گال أستاذ حيــادر ؟
17
- ما گال ما لحگ يحاجيني طفه تليفونه
127
يضحك مستهزئ باوعت الايده المحروكه سحبتها الوجهي بست الحرك سحبها بنتر وهو على رجلي باوع الوجهي
- لا تعيدينها
22
- حلال انتَ تبوس ايد اختك ، واختك ما تبوس أيدك ؟
49
- ايدج طاهره تنباس وتتقدس بس أيدي وبالاخص هاي ماخذة اروح .
477
- تكوم تشوف غــزل ترا بس تبجي لان انتَ زعلان منها كتلها قبل وهي بعدها تبجي
52
هز راسه لا وخر من حضني رجع نام بالكاع بصف الحايط ويباوع للرسوم عفته وطلعت محتارة دخلت للصاله اسمع ابوي يخابر وكفت اريد افهم وهو يحجي بتوسل
- لا بويه البنيه الكم اي والله ما الكم شغل بهذاك مسودن شنسوي
بويه تعالوا نحطكم على راسنه لا لا شحده يمد ايده افصم ظهره
608
اتفق وياهم وسد التليفون يباوعلي بانتصار احير شنو احجي وياه رجعت يمها صافنه وعيونها من البجي مورمه تباوع التليفونها كل شوية يصير إتصال لو رسالة وهي ما ترد بس تباوعله
17
- منو جاي يتصل عليج
8
بدون ما ترد طفت التليفون ورجعت لفراشها ساكته أفاطم اشرتلي على عقلها عود مخبله وهمست بصوت ناصي
- ترا عندكم وراثة
593
شــام :: ماكدرت اركز بدروسي كد ما أفكر بيه رجعت للبيت رأسًا صعدت وبس صليت رحت الغرفتة اريد احاجي لكيته قافل الباب بدون ما ادك الباب نزلت يم رويــده روحـــي احسها مشتعله نار دخلت سجود تنتر وتصيح بواهس وضحكه حقيرة
29
- كومن نظفن الديوان باجر ناس تجينه
44
سكتنه مستغربات رويــده هزت راسها تسأل
- مكيفة شعجب ؟
- هههه اي اخلص منجن وحده وحده
- هههههههه حقج ما تعرفين وراها شيصير !
70
وهي هم ضحكت مستهزئة وطلعت كمنا أني وافاطم نظفنه الديوان هي رجعت للبيت تجيب وصل مسح نمسح بيه الصورة المخلينها واني صاعده على كرسي وبالمكناسة ام العصا اسعف بالبنكات فزيت على فتحة ألباب رأسًا نزلت من شفت كرار كدامي يابه نظراته شتسوي بيه تكرهني بروحي وبجسمي وبكل جنس ادم باستثناء هجــام
362
باوعلي من فوك ليجوا عض شفته بطريقة قذرة وهو يگول
- مو حرام هالجسم الحلو باقي بس لمسات من ايد مخبل
510
-حيوان حيوان ما عليك عتب ولي منا لا اصيحله والقرآن خاف اني عميت وحده من عيونك هو يعميهن ويشلعهن
66
ضحك مستهزئ يباوع ليبرا ويرجع يباوعلي گال
- تصدكين اذا اكلج هالجسم راح يجي يوم وهو يتوسل بأيدي
278
- تصدك اذا اكلك راح اصيح الهجاااااام
23
- صيحي ينسجن ههههههههه
17
نقبض گـــلبي اباوعله بقهر بلل طرف شفته يباوع الاجزاء من جسمي نظراته تقرف كال
20
- انزلي اليوم الغرفتي ورا الساعة ١٢ اخذ الاريده واحجيلج سر يكرهج بهجام واخواته واهله وناسه شرايج ؟ ها شكلتي ترا ما اعوفج
600
أفاطم :: ها حيوان اكطع النعال على حلكك اذا اشوفك يمها
1.1K
دفعته وهو جرها من شعرها عصر وجها حيل وهو يكلها
- اربيج من جديد انتِ
57
دفعته حيل سحبتها من أيدها يمي ضحك وطلع دفعتني من ايدي وهي تصيح
- نيمي الطابوكة براسه انتِ حاركته حاركته موتيه فد مره
206
سكتت ومحيت حجيه ما أريد أفكر بيه ولا اصدك شي منه رجعنا يم رويــده المحتارة بغزل الي بس تبجي واني روحـــي وعقلي يم هجــام وأفكر أسهر بالليل حتى يجي يمي أكيد يجي مايكدر صعدت للمخزن وعيوني على غرفتة تمددت بفراشي اقاوم النعاس وماكدرت تعبـــت حيل خليت شكالتي ورا الباب اذا لكيت مكانها متغير معناها اجه نمت يمكن ساعة وفزيت على صوت الاغاني العالي يدك براسي اريد انام ما اكدر لصلاة الصبح يله طفاهن كمت صليت ورجعت نمت بسرعة ماكعدت الا اجت أفاطم وهي ترزل
104
- تكول رويــده راح تروح عليج المدرسه فضيها
لبست وطلعت حتى بدون ريوك .
5
رويــده :: إتصل حيــادر وصوته يخليني حتى اني اشك يحجي بقهر وكل شوية يتحسر
- بعدها صغيره رويــده ليش هجــام قبل ينطيها ؟
59
- حيــادر ، انتحرت لكيناها بالحمام غركانه بدمها كاطعه شرايين أيديها
39
سكت احاجي وما يرد وين يله كال
- رويــده بروح امج شلونها ها اجي ؟ اجي اشوفها
163
- لاا ، زينه والله وطلعنا من المستشفى الحمدلله على كل حال ، هجــام نجبر يقبل بعد شيسوي هي تحبه وهي رايدته مابيدنا شي
20
وهو يسكت مايرد يطول وين يله كال بقهر
- هاي هيه براحتها الله يسعدها ديربالج عليها
شوكت تداوم فاتنها محاضرات ترا ؟
69
- يمكن هاليومين
- انا عندي شغل يمكم وامرلها .
- لا حيــادر والله خجلانه منك بس شسوي تعرف هجــام هو يجيبها يريد يسجلها أقسام داخلية
15
- شنوو شنو ليش ؟ شدتحجين ليشش اشايفني ؟
89
- حيــادر أعذرني والله ما بيدي شي هو هجــام هيج شسوي
8
احجي وهو تخبل نصدمت بيه غلط على هجــام اول مره أسمعه يغلط واول مره يرفع صوته وهو يحاجيني اعتذر وسد التليفون للعصر اجو الناس ، شــام وافاطم محتارات بالچاي والماي واني محتارة بغزل شوية بعد واضربها
45
- عليمن تبجين هاااا عليمن مو هذا الردتي مو هذا العاندتي حتى هجــام عليه شبيج بعد
279
وهي بس دموع حيرتني عفتها وصعدت الهجام أريده ينزل ولا قبل فرفحوني هو واخته رجعت نزلت بدلتلها وطلعتها للصالة الثانية سجود كاعده يم النسوان تغير حتى لهجتها باوسنها النسوان المره كعدتها يمها تبوس بيها وتكلها
- تنتحرين علمود أسلام ها ؟ هههه عليمن يا هو اليسوه
490
اباوع بالوجوه واضح شكد رافضين وجلبوا يعقدون يله يرحون تخبلت شفهمنه وتعقدون صعدت الهجام اركض نزل بعصبية ومن لمح غــزل تبجي وكف يباوعلها بقهر كال
- كليلها لا تبجي ما راح اطردهم
119
راح للديوان واني گـــلبي راح من سمعت صوتهم عالي لان هجــام شرط مايتزوجون الا تكمل كليه وهمه يگلوله لا النهاية السنه يتزوجون كالهم والله انا هذا العندي بكيفكم بعد تكمل كليه يله يتزوجون قبلوا وهم الممنونين عقدوا الغزل والمره توعدها تسويلها أحلى عرس واحلى حنه لان ماكو حفلة عقد وسجود تكلها
- عليمن ماكو داعي
262
اباوعلها ومقاومة ما اريد ابجي وهي كاعده يمهم جسد بلا روح شنو يحاجونها بس تهمس اي لا وتهز براسها اجه هجــام يمي يحاجيني بغضب وطلعت ام الولد باوعت الهجام تحاجي بهدوء وتكله
- اخيتك بنيتنا وهذا نصيبها قابل توكف بوجه
42
وهو ساكت الحد ما كالت
- وين يكعدون يلبسها الحلقة
18
نتر بوجهه المره
- ماكو داعي
50
سحبته من أيده اسكته وهو تخبل أسلام مايدخل ويشوفها ويلزم ايدها انجن
- بينهم عقدددد هجــام شبيك
60
- اشكك العقد على راسه وراس الخلفه وخري لا اطگج
405
- راح تجلطني والقرآن عيب شبيك عيب لا تكسر بخاطر غــزل ما تشوفها روحها طالعة وبس تبجي لان انتَ زعلان
62
خزرني بغضب يفتر بالمطبخ بعصبية وهم دخلو أسلام للصالة وسجود ركضت خلت كراسي وكعدت غــزل گـــلبي يوجعني حسيت بهجام وراي واني واكفه وبس اباوع الغزل الولد يضحك ويا امه مكيف وغزل مدنكه شفايفها يرجفن وعيونها حمر نطوه الحلقة ومد أيده لزم أيدها وهجام يهمس بغضب
- والخلق هالكون اكسر ايده
430
- اششش
13
رفعت عيونها غــزل باوعت الهجام وبجت بصوت تشهك غطت وجها بايديها تبجي تقدم هجــام لزمها من اكتافها وكفها ومد أيده الإسلام جر الحلقه منه يمسح بعيون غــزل ويحجي وياها
54
- اششش لا تبجين احركه اليبجي هالعيون غزالي يا روح اخوج اشش شبيج بابا غزوله بله شنو هالحلقة تكفيلج بله البسيها
305
خلاها بايدها وهي لبستها تبجي وتهز براسها تكله
- چبيره
68
وبسرعه نزعها من ايدها شمرها بحضن إسلام وكال الغزل
- اجيبلج اغاتها
664
أسلام يباوعله بغضب وامه واخته وخالته ماقابلات وسجود تاشرلهن على راسها عود مجنــون هجــام حضن غــزل وهو يكلها
- تعالي ارتاحي تعبانه انتِ
97
مشاها بصفه والتفت عليهم كالهم
- تشرفنه بيكم بس تعرفون اختي هسه طالعة من المستشفى مو مال تتعب .
155
واخذها لغرفتنا أسلام يباوع الامه ويهز أيده باستهزاء وهي تكله
- هاي بعد اختيارك شبيدي عليك
98
وكف لبس حلقته وخله حلقة غــزل بالعلبة مدها الي وهو يكول
- خلي تلبسها ما اريد احد بالكليه يباوعلها وحسباله ما مرتبطة
1.5K
اخذتها من ايده ساكته هم طلعوا وهجام صعد الغرفتة دخلنا كلنا يم غــزل اني ساكته وشام تحاول تضحكها وتمشي الموضوع عادي بس هي مفرفحه من القهر كالت
13
غــزل :: باجر لازم اروح للكليه
53
- اي هجــام ياخذج
شــام :: روحـــي تفرفح من القهر ما ينطيني مجال ولا يقبل اعتذار اني شبيدي اذا شفت ايده كلها دم وخفت وكفنا آني وافاطم نسوي عشا وزهراء تاكل من الصحون لحد ما صاحت عليها افاطم
92
- راح اخلي الصحن براسج مثل الحيوان بس تعلف
344
- ههههه وغصبًا عليج تخدميني
152
حجتها وطلعت من المطبخ وافاطم تفتر وتهمس ويا روحها
- يجي اليوم الاحركج بيه انتِ وامج
141
التفتت وجن گـــلبي علمني هالخطوات العلى الدرج اله نزل بخطوات سريعة مبدل وسويج السيارة بأيده فات من يمي بدون مايباوعلي طلع من البيت
45
أفاطم:: هسه يطلع رايح يكصب اسلام يجيب راسه ويجي يخلي بحضن غــزل
1.1K
- اسم الله يمعوده
23
سكتنا ثنينا وورا العشا صعدت للمخزن احاول ادرس وما اكدر حارة تخنك وتفكيري بهجام ماكدر اشيله من بالي واركز بدراستي كل شوية اروح اغسل وارجع گـــلبي يوجعني تمددت وغفيت بلا ما احس وفزيت على سدة باب قوية فتحت باب المخزن اباوعله واباوع للساعة بالخمسة الصبح شوية وصعدت وراه رويــده دقايق وطلعوا ثنينهم طلعت بهدوء اباوعلهم من فوك الدرج اخذ غــزل وراح .
40
غــزل :: اباوع للشارع ساكته وهجام يسب كل شوية واني احس ماعندي مشاعر ماعندي طاقة روحـــي احسها بارده وكل ما افكر بحيادر نار تشتعل بگلبي خاصة من شفت رسائله وهو كاتب
" ما يستاهلج "
وراها كاتب "رايحه أقسام داخليه ؟"
164
وهم ما رديت الحد ما اجت رسالة التليفوني باوعت الهجام مركز بالشارع فتحتها من ايه كاتبه
- خلي حيــادر يشوف الحلقة بأيدج
391
دخلت الرقمها حضرته قفلت التليفون وعفته الحد ما وصلنا هجــام اعصاب ومقهور سجلني بالاقسام الداخليه يباوعلي بقهر
- تداومين من هسه ؟
37
- اي بلكي الحك على اخر محاضرة
6
مد أيده بجيبه فتح المحفظة
- انطتني رويــده
6
- ميخالف ، غــزل لاخر مره راح اثق بيج اي لقاء ويا أسلام ممنوع
49
هزيت راسي موافقة مسح وجهه وكال
- لا ترحين المكتب حيــادر نهائيًا
40
بلعت ريك بخوف اباوعله ساكته رفع حواجبه وهو يگول
- هاااا؟
28
هزيت راسي اي عافني وراح دخلت للاقسام وياي بنات عفت اغراضي يمهم ورجعت للكليه ولان بالعكاز حركتي بطيئة واتأخر حييل يله اوصل لكيتهم طالعين بالكافتيريا لمحني عبد علي من بعيد اجه عليَ كعدت على المسطبات وصل يمي سلم وكعد مقابيلي وجهه تعبان ويباوعلي بقهر رأسًا كال
38
- غبيه انتِ ليش قبلتي بإسلام
91
دنكت ساكته اكل بشفتي ما اريد ابجي نتر
- يول عليمن هالقهر عجل مو هذا قرارج ؟ بله دحكي تبجين ؟
459
مسحت عيوني دايره وجهي منه وهو ينتر بعصبية
- احددد جابرج ؟
98
هزيت راسي لا مسحت وجهي وباوعتله
- براء وينها مشتاقتلها ؟
13
تحسر داير وجهه كال
- الحد هسه ما مداومه وعجزت اوصللها
25
- عزززا ليش
2
- لان تقدمت ورفضوا
52
- لااا عفيه وهسه شلون
3
- ادعيلنه انا ما اهدها ارد أتقدم مره ومرتين وعشرة لمن يجزعون ويكبعونها الي
108
- والله ادعيلكم بكل وقت واني اكول شبيها ما تحاجيني
14
وكف مبتسم بقهر كال
- اخذي راحتج واي شي تحتاجينه يجيج
1
حجاها وراح بقيت بمكاني اصفن والعكازات بصفي حسيت عليهن نسحبن من وحده نطكت بوحده التفتت إسلام كعد بصفي مبتسم
60
- وخرررر
6
- شبيج غــزل
6
- وخر لا تلعب روحـــي ما تستحي ماعندك كرامه مو كتلك ما اريدك ايه تهددني
57
- غــزل انا ما اتحمل رفضج الي ومعاملتج بهالطريقة وتقليلج الي شوفي حسني اسلوبج وشوفيني فترة خطوبة اذا ما توالمنه ننفصل
202
سكتت مرات احس بقهر عليه لان ماشفت منه موقف مو حلو بس من افكر يدري بايه تهددني وقبل اكرهه وهو ينكر ويكول لا كالت ما اهددها عفته ورجعت للاقسام ماكدرت ادخل محاضرة .
41
شــام :: هجــام ما رجع ورويده ميته خوف طول الليل واكفه بالساحة وتباوع للشارع بلكي يجي طلعت يمها محتارة تتصل عليه يرفضها وهي تلوب شوية وجاوبها كالها نامي اتاخر
16
- وين انتَ
27
- ما عليج
11
- هجــام عفيه وينك
3
- بالمذبح عندي خرفان اكصبهم وارد
818
- متظرتك
1
- اتأخر نامي
6
حجه وسد التليفون بوجها صعدت فوك عفت المخزن ورحت الغرفتة نمت بمكانه حسيت بيه من دخل للغرفة وبقيت مغمضه سحب الغطا فوكاي غطاني ودخل للحمام فتحت، گـــلبي يوجعني
كمت طلعت للمخزن تمددت بفراشي ميته قهر هو يغلط اني اسامح واني اغلط ما يسامح كارهني لدرجة ما خله أيده على خدي مجرد غطاني وابتعد يطبج مرض كلساع راكضتله اكليها يله الحماره
446
مسحت دموعي من نفتح الباب باوعتله ودرت وجهي حجه بهدوء
- حاره هنا كومي نامي هناك
69
- ما اريده
14
- شــام
7
- زفت احسن
230
دخل للمخزن سحبني من زندي غصب الغرفته دفعني بهدوء للچرباية
- نامي هنا
52
مسحت وجهي وتمددت ساكته حسبالي راح ينام بالگاع بس شفته اخذ مفاتيح غرفة ملاك رأسًا وكفت بخوف ركض صرت كدامه ولازمته من ايديه
7
- لااا لا تروح هناك ابقى بغرفتك اني انزل يم رويــده
27
سكت يباوع لوجهي رجفت شفتي مختنگه
- كل ما تروح هناك تأذي نفسك عفيه أبقى
14
- بس انام
22
- نام هنا اني اروح يم رويــده
5
سكت يباوع لعيوني بحيره حجه بقهر
- أكثر بشر حجيه أثر بيه انتِ ما اكدر انسه شكلج وانتِ خايفه من عندي ما اكدر انسه عيــونج التهمتني وشككتني بروحي
138
بجيت بصوت اباوعله
- آسفه
13
سد حلكي بايده
- عليمن اسفه حقج ما الومج
22
- انسه عفيه آنسه
18
- ما ينسن
75
كعدت بالكاع مغطيه وجهي وابجي رأسًا كعد يمي يغمض بوجع
- لا تبجين شــام لا تبجين
77
كتمت صوتي امسح بدموعي شمر المفاتيح على بقايا الميز وسحبني من اكتافي وكفني حضني جلبت بيه حيل روحـــي رايحه
- لا تزعل من عندي
77
- زعلان من روحـــي مو منج زعلان لان شفتيني غير عن كل مره زعلان لان خليتج تخافين من يمي
116
سحب أيدي للجرباية مسح دموعي تمدده واجه بصفي حاضني الصدرة رجعت راسي ليور اباوع بعيونه مديت أيدي على خده
- انتظرتك بالليل حسبالي تجي وماتكدر بس ما اجيت
148
- كارهه روحـــي شــام
13
- ميخالف اني احبك واحب روحك
70
أبتسم وعصرني بحضنه حيل متحسر
- وخوفج ؟
- ترا مو اني !
- ها؟
- هذيج مدري منو تولي معليك انتَ عليك بيه هسه
778
ضحك جريت نفس براحه وفتحت عيوني كال
- عيــونج الحلوه من اصدلهن شيصير بحالي؟
150
ابتسمت اباوع للسگف نگلبت خليت ايدي جوه خدي صرت مقابيله مد ايده لوجهي تحسس حاجبي ورموشي يباوعلهن بتركيز
22
- شيصير بحالك ؟
8
- روحـــي تغدي تراب
433
مبتسمه طايرة گـــلبي من كد الفرح احسه يريد يطلع من بين ضلوعي خله أيده على خدي غطا صفحة وجهي
13
- شــام
6
-ًياعيونها
84
- ميت عليج
207
حجاها وبطرف اصابعه تحسس شفتي ونزل نظرة الها ، تضاعفت دكات گـــلبي توترت نار تطلع من وجهي وهو يرسم شفتي باصابعه ويتحسسهن بهدوء
128
- كون تفكين عينج وما تخليني وحدي ، عيــونج تصحيني ما تخليني اغلط
51
يحجي واني بس اسمع صوته وذايبه روحـــي ويا لمسات أيده كل جسمي احس تلزمه رجفه وكلبي اكوم اسمع دكته رجع شعري لأذني وتلمسها يحجي
154
- عاينيلي شومه ترا لازم روحـــي بشعره لا تضيعيني أكثر ، تالي اتندم
345
فتحت عيني اباوعله ركز بعيوني تحسر بقهر راحت ابتسامته وكعد مبتعد وخر من يمي عبالك تذكر شي راح كعد بالزاويه سحب رجليه الصدرة ولازمهن بأيديه كمت بهدوء مرتبكة كعدت مقابيله خليت أيدي فوك أيده غمض حيل مرجع راسه ليورا وحجه بوجع
48
- ما حبيتج لان تشبهينها بس بسس
433
- هجــام اششش فتح باوعلي اني شامك
169
وهو مغمض عيونه حيل ويجر نفس بخنك اباوع الايده بقت ترجف روحـــي راحت من الخوف بس اريد اعرف شسوي وهو كوه الكلمه تطلع منه گال
6
- بس بس هسه شفتها شفتها بعيونج
670
كلمه حسيتها ضربة قوية على راسي وهو ويا جرة النفس احس بروحه تطلع من يحجي بقهر
18
- موتج يا روح ابوج كتلتج بايدي بابا
257
وتمدد يتحسس رسومها البالحايط اباوع الرجليه هم يرجفن عرفت بيهن نشلن منتبهه هاي الرجفه من تصير ينشل فترة ما يكدر يمشي عليهن مرات دقايق ومرات نص ساعه
31
مديت أيدي على وجهه سحبها بهدوء الشفته
- انا موتتها شــام انا انا موتتهاااا بنتي روحـــي
102
تقربت اكثر ساكته مديت رجلي ورفعت راسه من الكاع خليته على رجلي نگلب ضم وجهه ببطني گـــلبي تملخ واني اسمعه يشهك ويحجي بوجع
- يا روح ابوج يا عيونه انتِ
171
بلعت ريك خايفه بهدوء همست
- تحجي ترتاح إذا تسولف
22
- تكرررررهيني تكررررهيني
124
دنكت بسرعة بسته براسه اهمس
- ما اكرهك والله ما اكرهك وبكيفك لا تحجي شنو التريده حباب بس لا تسوي بنفسك هيج
20
سكت هادئ رفع ايده الحركها بالجمره راوانياها وهو يهمس
- هالايد هي السبب بكلشي هي السلبت أروح
30
باوع لعيوني ودموعي التنزل
- خايفه ؟
11
هزيت راسي لا ضحك باستهزاء
- محد يعرف انا القاتل ههههههه
51
- مو انتَ
9
- احجيلج وعود كولي مو انتَ
43
- احجي رغم متاكدة مو انتَ
237
اسمعي .....
3.5K
يتبع 🦋
