رواية نوائب شام الفصل الحادي والعشرين 21 بقلم الكاتبة ايلول
الجَرح لو طَاب هـم يَترك نياشِيـن
"""""""""""""""""""
131
رويــده :: طلع ابوي وراه يركض ايده على راسه لازم عگاله ويصيح :: اندهرنا اندهرنا راح يشردون
1.9K
واني بس اجر بأيدي من غــزل التبجي اريد اروحله ادري محد يگدر يلزمه جريت ايدي حيل منها واني اسمع الصياح لفيت شالي عدل وطلعت واشوفه يجر بالولد طلعه للساحه يضرب بيه وام الولد تصرخ واهله يلزمون بهجام يردون بس يطلعون ابنهم من أيده والولد مارفع ايده على هجــام بس يصيح بيه :: اجيتك البابكم ما مسوي غلط .
590
دفعه على بنيد السيارة وضربة بوكس بوجهه ركضت اريد بس اوصل اله ، الزلم لازمينه واحد منهم ضربة لان شافوا اسلام وجهه تغطى بالدم ضرب هجــام صرخت دفعت ايد الرجال ولزمت هجــام من زنده التفت وشافني وهو تخبل خنك الولد ويصيح عليَ ارجعي للبيت
162
رجع الولد ضرب هجــام حيل بس يريد يطلع أسلام من أيده وهو عيونه خازرتني ويصيح يريد اروح بجيت عاجزه صرخت بوجهه لاول مره
32
- عوووووف الولد عووووفه كافي
205
سكت يباوعلي واسلام دفع ايديه من رگبته وكعد بالكاع ايده على خشمه ويگح وهم ملتمين علي ناس تغلط وناس تصيح وهجام غمض ايده على گلبه لزمته ابجي دنك ساند راسه على راسي
53
- بس على كيفك فدوه اروحلك لا تتصرف هيج هجــام يا روحـــي باوعلي باوع
38
فتح عيونه خازرني عيونه دم
- اموته
208
- اشششش ، مو كلنا بعد ما نتسرع ها ؟ مو كلنا بالهدوء نفتهم ونتصرف بدون ضرب ؟
20
- اموته
668
حضنت وجهه بين ايدي كل جسمي يرجف
- اموت اني من هيج تتصرف اموت يهون عليك هجــام يهون تأذيني هيج ؟
50
غمض عينه حيل ساكت وهم يحجون بصياح وابوي وراهم يحجي بصوت ناصي ويكلهم
- عذرونه هذا شوية مو بعقله
599
خزرته حيل رفع اكتافه وسد حلكه درت اباوعلهم ملتمين على ابنهم بالگاع الدم ما جاي يوكف من خشمه كالت المره
- نكسر خشمك نكسر .
هو يحجي واني حاضنه وجهه هجــام واهمس بصوت ناصي
- بهدوء بدون ضرب بدون تسرع بتفاهم أرفض ويرحون هجــام باوعلي تعال
22
سحبته من أيده أريد أغسل وجهه جر أيده من عندي ورجع على اسلام شالاه من ياخته من نصهم دفعه على السيارة حيل وهو يصيح
36
- اذا شفت عينك صارت على الظلها اشلعها
222
اسلام :: ما اباوعلها بس ارجع اجي مره ومرتين وعشرة هيج متمسك بيها
632
حجه بحركه الولد كلامه مابيه اي غلط بس شنو. اليقمع هجــام الرجع يضربه بخبال دمه الولد جروه منه والولد الابس قاط ضربة على وجهه صرخت خايفه على اخوي وهم يصيحون علي
95
- مو بس انتَ تعرف تضرب
233
اجره منهم ويرجع ما مهتم الهم حتى لو يضربونه كل همه إسلام يريد ياكله سحبته حيل باعدته عنهم صاح عليهم ويأشر بحركه
21
- عيدوها وتعالوا حتى تطلعون ابنكم منا جنازة
197
هوسه وصياح كب صريخ النسوان من طاح أسلام فاقد وعيه لا يحرك ايد ولا رجل ركضت ارجف جبتلهم ماي غسلوا وجهه صحى خشمه ينزف وعيونه حمر كوموه صعد بالسيارة وابوي يفتر ويحجي وياهم همس خايف هجــام يسمعه
64
- عودوها عودوها البت الكم
1.6K
مسحت دموعي ورجعت الهجام كاعد بالكاع ايده ما نزلت من گلبه
كعدت كدامه محتضنه وجهه
- هجــام
- گـــلبي رويــده
289
حجاها وغمض عيونه بوجع مسحت على كلبه شفتي ترجف ودموعي تنزل فتح عينه خازر ابوي بغضب من گاله
- المن طكيت الزلمه جا هيه اختك مصاحبته
270
قبض أيده بغضب يريد يگومله جلبت بيه
- اششش كوم الغرفتك كوم حتى انطيك علاجك
33
وكفت واخذته من ايده هستونا فتحنا باب المطبخ واشوف سجود واكفه يم غــزل جارتها من اذنها وعاصره فكها بقوة تغلط وتفشر عليها وكرار كاعد بالباب الثاني يباوعلها وغزل تبجي وكاتمه صوتها
243
لحظة هي لحظة وحسيت هجــام فلت من ايدي وصار يم سجود الفتحت حلكها بصدمه بدون اي تفاهم رفع أيده ومثل ما ضرب أسلام ضربها طاحت بالگاع وهو يفتر بالمطبخ مثل الخبل يدور شي يضربها بي وابوي وكرار حامينها ويصيحون عليه يفتر بحركه يدور يدور شهكت ارجف واني اشوفة جر السجينة لااا احس كلشي نعاد كدام عيني صرخت بخوف
759
- هجــام هجاااام
33
جلبنا بيه كلنا اني وابوي وكرار يابه روحـــي راحت الدم نشف بعروكي رافع السجينه يصيح بحركة يفلت من ايدينا مانكدر نلزمه كد ما اعصاب ويرجف يجر روحه من عدنا وبس يريد يوصل السجود الصايرة ورا كرار وابوي سحبته بقوة بدون ما يلتفت دفعني حيل ضرب راسي بالكاونتر احس الدنيا غوشت بعيوني امد ايدي اريد ارجع الزمه ما اشوف صوتي گوه يطلع
77
- هجــام
23
ورجلي الترجف اخذتني اله ايده الازم بيها السجينه يوديها منا ومنا بس يريد يوصلها السجود رفعت ايدي اريد الزم ايده واجرها منه لزمتها بجف ايدي وسحبها بقوة حسيت جفني انكص من الطول للطول بس حرورة صواب وما مهتمه، اخوي اهم ايدي التقطر دم ما همتني دفع ابوي حيل وكرار لازمه بقوة
333
فزيت على صوت صرخة شــام واكفه يم الدرج أيديها على أذنها تبجي وصرخت بكل صوتها وهجام رأسًا شمر السجينه بعيد ويهز براسة لا وهي بس دموع تنزل
244
غــزل :: رويــده ايدج رويــده رويــده
59
بجت تحجي وتريد تلزم أيدي واني روحـــي رايحه وكوه فاتحه عيني اباوع الشام الوجهه احمر والهجام الي اول مره بكل حياتي اشوفة خايف وعيونه تتوسل عيونها تقربت عليه رفعت روحها حضنته تبجي وتحجي بحركة
192
- كافي كافي
37
سكت مصدوم وايديه نازلات منا ومنا ابوي كعد تعبان وسجود تبجي وتمسح بخشمها من الدم فتحت عيونها شــام وهي حاضنه هجــام لمحت ايدي شهكت مبتعده منه التفت ضميت أيدي بالدشداشة واباوع للگاع كلها دم غمضت دايخه وحسيته لمني الحضنه بخوف يبوس بوجهي يرجف
60
- رويــده رويــده بابا حاجيني
394
بلعت ريك بعد ما اكدر ابقى واكفه نزلت للگاع وهو وياي يرجف ويحضن وشام تشد ايدي بالشال وغزل تبجي بحركة عيني بعيون هجــام ثگل جفني وهو يتوسل احاجي
49
- م ما .. مابيه شي ، هجــام
48
- ايددج ايدج
42
شــام :: مسحت دموعي وركضت ارجف جبت ماي اغسل وجها وهو حاضنها حيل الصدره غسلت ورفعت أيدها تحضنه ضم وجهه بحضنها وهي تهمسله
20
- مابيه شي والله مابيه شي هجام حبيب اختك باوعلي كلشي مابيه
48
- اذيتج اذيتج هم اذيتج
52
- كوم نروح للمستشفى حتى يخيطونها وأصير زينه
46
رفع وجهه منها يهز براسه اي وكفها وعافها طلع للسيارة وهو بس بالبنطلون باوعتلي رويــده وباوعت الغزل الروحها رايحه كالت
- شــام سويج سيارتة قميص ومحفظته عفيه
134
صعدت ركض اخذت اغراضة ونزلت وهي بالغرفة تبدل طلعت وراه للساحة ادوره ماهو افتريت يم السيارة لكيته كاعد بينها وبين الحايط لام رجليه الصدرة وايده فوك راسه كعدت بصفة
43
- هجــام
14
وهو مدنك رفع ايده لعيونه مسحهن وباوعلي
- كوم يله لا تسوي هيج يله أخذها للمستشفى خلي يخيطون الجرح
45
بقى ساكت سحبته من أيده وكفته عفت السويج والمحفظة على البنيد
وفتحت دكم القميص مدلي ايده لبسته ودكمته اباوع عيونه وراي يباوعن التفتت رويــده مبدله واكفه مبتسمه رغم ملامحها توحي شكد جاي تتوجع ايدها ملفوفة بشال ثاني كالتله
74
- ها بيك حيل تاخذني لو اروح اني ؟
50
راحلها بسرعة حضنها حيل يشهك ويهمس
- اسف رويــده اسف امي انتِ اسف يا روحـــي
535
ضحكت تطبطب على ظهره
- حبيبي مابيه شي لا تخاف جرح شوية بس يخيطونه حتى يطيب بسرعة
89
هز راسه موافق صعد وهي اجت علي تحجي وعيونها حمر
- شــام احمي غــزل وافاطم
53
- راح انزل ساطور هجــام واكعدلهم على الدرج
2.7K
- اي هسه كملت وياي .
189
- روحـــي لا تخافين .
17
صعدت وياه وراحوا رجعت للبيت اركض هسه طلع صوتهم الفشار والغلط والسب صار بفلس علينا كلنا كومت غــزل من المطبخ امسح بدموعها رغم مادري شنو الصار اخذتها اريد ندخل للغرفة يم أفاطم عمو يفتر ويدردم وسجود كاعده رافعه راسها وكرار يمسح بخشمها التفت على ابوه كال
14
- مكسور خشمها هاي العظم مبين شلون مكسور ، كومي كومي اخذج للمستشفى
158
وهي كامت الغرفتها تدعي ومتحلفة عمو صاح
- المسودن كسر خشوم الوادم
1.7K
عفناه يحجي ودخلنا يم أفاطم حجتلنا غــزل وهي الرجفه ماخذه حيلها
وتبجي بحركة ، كرار اخذ امه وراح للمستشفى ، شوية واجت زهراء والجهال من المدرسة وعمو يحجيلها شصار من عرفت هجــام ورويده مو هنا اخذها العزم وبقت تصيح وتغلط بصوت عالي وتگول الابوها
43
- اشتكوا عليه اشتكوا ملينه ترا خلي يخيس بالسجن ويطبه طوب
440
هي تحجي واحنا كاعدين بالغرفة ساكتين شوية وعمو كالها رايح لحيدر هسه اجي دقايق ودفعت باب الغرفة تصح
18
- كوومن الجايفات حطلنا سم ناكله
354
تحجي وتخزر بيه سحبت ايدي من ايد غــزل ووكفت خليت ايدي على صدرها بهدوء دفعتها طلعتها من الغرفة وطلعت وياها اشرتلها على المطبخ
- روحـــي تسممي حبيبتي منو لازمج
155
تخوصرت تضحك وتهز بروحها
- وانتِ شنو شغلج ؟ غصبًا عليج تصبيلي غدا
84
- هههههه مصدكه نفسج والله ، روحـــي منا وصيري حبابه لا العب ساطور هجــام على راسج
549
حجيتها ودرت اريد ارجع للغرفة وهي رأسًا جرت شعري والشال تغلط وتصيح
10
- ترديني اربيج من جديد التايهه
165
وعبالك داست بيه دكمه مدري اني متحمله عليها ولكيتها فرصة مدري اطلع بيها حرگة سجود جريت أيدها من شعري عاصرتها حيل وجلبت بشعرها اضربها وتضربني ملختها واسمع وراي بس ضحك أفاطم تصفك وميته ضحك وحسن ومنسه يغلطون عليَ
601
دفعتها حيل رجعت ليورا تلم بشعرها وتحجي بحركه گلب
- والله اذا ما ندمتج انا مو زهراء
322
- لج مو ارررجع اكطعج صرتي طلي بايدي حيوانه
342
هي تغلط واني اغلط تسب اسب راحت تغسل والسانها يرش الحد ما اجو هجــام ورويده باوعتلهم مصدومة الاتذكره رويــده المجروحه وراحت للمستشفى اشو هجــام الايده ملفوفة ورويده الساندته
1.6K
باوعتلهم بقلق وهي ساندته بايد وايدها الثانية المجروحه ملفوفة بشاش ورافعتها يم بطنها بدون ما تحجي حرف واحد صعدت هجــام فوك. درت على البنات غــزل راح تموت من الخوف وعيونها من البجي راحن ، سديت الباب عليهن وصعدت فوك بخطوات متردده وكفت بباب غرفتة اباوع من بعيد
تمدد ورويده تغطي بيه غمض عينه وهو لازم بأيدها كعدت بصفة ورا ظهره ودنكت باست راسه وتمسح عليه بهدوء تحاجيه
28
- نام أرتاح
24
- لا ترحين رويــده
17
- يمك ما اعوفك .
15
ضم أيدها الحضنه أكثر وهي تباوعله ودموعها تنزل سكته بدون صوت دخلت للغرفة بهدوء باوعتلي ولمت شفتها الداخل حلكها بقهر باوعت الايدها المجروحة بحضنها همست
- خيطوها ؟
13
هزت راسها أي بهدوء فز هجــام وكف على حيله عبالك تذكر شي افتر بالغرفة بعصبيه كالها
47
- انزلي صيحي الغزل
621
ابتعدت على جهه اباوعله من بعيد ورويده وكفت كدامه تحاجي
- هجــام عوف كلشي هسه بس ارتاح أيدك مخيطة مايصير تنزلها وتنترها هيج ينفتح الخياط
26
- عوفيني عووووفيني صيحيلي غــزل
46
غطت وجها بأيدها وبجت بحركه بلع ريك يباوعلها مسح وجهه واجه يمها سحب ايدها من وجها كالها
- بس اريد احاجيها
41
- مو هسه انتَ تعبان وبس تعصب كلبك يوجعك. نام هسه ارتاح وبعدين تكعد وياها وتسولف بهدوء وتفهم منها حباب لا تشلع گـــلبي أكثر من ما هو مشلوع
62
هز راسه تمام ورجع للچرباية تمدد غمض عيونه متحسر رجعت كعدت بمكانها أيدها على زنده تباوعله بقهر غطته واشرتلي نطلع مشيت وياها طلعنه من غرفتة بس سدت الباب كعدت على حيلها ساده حلكها بأيدها ودموعها عشرة عشرة كعدت كدامها محتارة شلون اواسيها باوعتلي وحجت وهي تغص بالكلمه
27
- تعبـــت تعبـــت
215
مديت أيدي أمسح دموعها سكتت ووكفت هيج ضعفت لحظات ورجعت قوية وكفت وياها اسأل
- شبيها ايده
8
- مو خليته بالسيارة ودخلت خيطوا ايدي طلعت لكيت ايده مشگوگة احاجي شبيها ايدك ساكت وكوه قنعته خيطوها اله
450
نزلنا جوا للغرفة عافت عبايتها وكعدت يم غــزل المدنكه راسها ساكته وعيونها مورمه كالتلها
7
- سولفيلي غــزل لا تخلين اليسوا والمايسوا يگول ما عرفت اربيج
الحد هاللحظة انا ما عندي ذرة شك بيج حاجيني وخلي اسمع السالفة من عندج ولا تخافين اذا انا گـــلبي تلوع ما اخليج تصيرين مثلي .
44
شهكت غــزل مدنكه وتعض بشفتها رفعت وجها وحجت وهي تبجي
- والله ما عندي شي وياه وحتى ما حاجيه وياه والله هوه اجه يخطب
46
- وياج هو نفس المرحله ؟
- اي بس انا ماكتله تعال اخطب هو اجه
5
- لا ، لا تجذبين علي جاي اكلج صارحيني احجيلي الحقيقة حتى افهم وأفهم اخوج لا يسويله مصيبة وتودينا بداهيه شفتي الصار اليوم شفتي ما عنده تعال احجي وسولف واسمع منك وافهم واجاوبك كلام هو يجاوب قتل وانتِ تعرفينه تعرفينه احجيلي شصار وشنو التردينه ، غــزل والقرآن راح تعمين حتى على حيــادر جاب الطريق كله يهدد لا تخبليني احجييي شبيج
50
- رويــده عفيه والله ما سويت شي حاجيه
- احجيلي احجيلي خلي افهم
- هوه كال راح آجي اخطبج واجه طالب وياي هوه وكال احبج واجه هاي هيه
126
رويــده :: سكتت بحيرة أيدي على حلكي وهي بس تبجي مسحت دموعها اسأل
- غــزل وديتج تدرسين اني مو صح ؟
19
رفعت راسها تباوعلي وترجف ساكته
- ماصارلج ثلاثة أشهر شوكت عرفتيه شوكت حبج وراد يخطب
- ما علي اني
- لا ماكو معلي اني اكو مصيبة صارت والسبب الرئيسي انتِ ولازم تشرحين حتى واحد يلكه حل وينسد الموضوع
81
- كل ساعة اكلج كل ساعة وياي بالقسم وكال احبج واني ما قبلت بالبداية وهو بقى يلح جلب جلب ومن اجه هجــام للكليه ضربة لان شافة لزم الكرسي مالتي وهاي هيه بس هيج عفيه صدكيني
65
تحسرت بحيرة ما مرتاحه وخرت شعرها من وجهه
- وانتِ شنو هم رايدته ؟
20
بجت بصوت غطت وجهه وهزت راسها اي گـــلبي تگطع سحبتها إلحضني ساكته محتارة شلون اتصرف ، بعدها صغيرها يا زواج هذا ، وحتى لو تغاضيت عن عمرها ، هجــام شيقنعه
840
شوية واجوا كرار وسجود ثنينهم هادئين ماحاجتنا خشمها ملزك وعينها شوية منفوخة ، عفتهم ودخلت للمطبخ بايد وحده احاول اسويلهم اكل اجت وراي شــام ما قابله وكفت هي تسوي باوعتلي بحيرة ودارت للباب تتأكد محد موجود أجت يمي مرتبكة
24
- رويــده اسألج شي ؟
52
هزيت راسي اي تحسرت وحجت بصوت ناصي
- من صار الحادث وتوفت ملاك وامها ، اذا محد جان بالبيت وهجام أغمى عليه ودخل غيبوبه منو حجالكم شلون صار الحادث ؟
273
- هو كلشي جان واضح وهم هجــام من صحى كال .
64
شــام :: عضيت شفتي مرتبكه خاف اكلها شاكه بهالموضوع خاف اقهرها سألت بغير طريقة
65
- يعني كعد يسولفلكم لو شنو
6
- لا مو هو جانت عليه دعوه من اهل ريم واحنا موكليله محامي وصار استجواب هجــام من قبل دكتور نفسي لان هو داخل بصدمة وحجه الحادث للدكتور .
28
- رويــده اكلج شي بس لا تعصبين
14
عكدت حاجبها تسأل شكو. تقربت اكثر بخوف احجي
- البارحة سمعت هجــام بغرفة ملاك يبجي ويگلها انا الكتلتج شلون انسه
45
هزت راسها اي ابد ما مرتبكه ولا شي كالت
- اي صح مو كتلج الحد هاللحظة يعتبر نفسه هو الكاتل ملاك وامها
62
زفرت نفس بحيرة اتلفت خاف احد يجي
- رويــده خايفة اكو شي اكثر من هيج احس اكو شي بهجام
92
وهنا توترت دنكت عيونها باوعتلها بشك رجعت تباوعلي تحاول تتغاضى كالت بجدية
- شــام موضوع ملاك السمعتيه حقيقة وغلات اخواني وروح امي هذا الصار أتمنى بعد ما تفتحين الموضوع ولا تلچمين الجروح كل ساعة
331
هزيت راسي اي واني ما مقتنعه ولا واحد بالمية كملت الاكل كالت
- اخذي اكل هجــام
56
اخذت الصينية وصعدت لكيته نازل نايم بالگاع نفس كل مره عفت الاكل وكعدت يمه اباوعله ، ايده المخيطة الدم يابس على الشاش فوك حاجبه جرح صغير بس مورم ويم شفته اثر ضربة
31
مديت ايدي بطرف أصبعي تحسستها نگلب على ظهره وفتح عيونه يباوعلي بنظرات عجرت افسرهن لا هن ندم ولا هن عتب وهو متمدد رفع أيده الكصتي يسأل
25
- شلون صرتي
32
هزيت راسي ساكته نزل ايده وكعد على حيله دخل للحمام يغسل مسحت وجهي مرتبكة طلع بدون مايباوعلي يحجي
- اخذي ما اريد شبعان
15
- بس شوية علمود العلاج
6
زفر نفس بغضب وكعد ياكل سريع عبالك واجب ويريد بس يخلصه فتح علبة العلاج اخذ حباية بلعها وكعد داير وجهه ًوساكت نزلت الصينية بسرعة ورجعت صعدتله ديله هي روح لو روحين خلي احاجيه والأرواح بيد الله
592
اول ما دخلت باوعلي وكال
- صيحيلي غــزل
26
ما اهتميت تقدمت كعدت كدامه لزمت وجهه درته الي باوعلي بنظرة بارده ورجع كرر كلاامه
- صيحلي غــزل لا انزللها
- اذا ما حجيت وياك ما راح اخليك تحاجيها
168
غمض عيونه وسد ايده بقوة مديت ايدي لقبضة رخت ايده وحجيت بسرعة
- خلي نسولف اني وياك بالأول
هز راسه موافق تحمحمت خايفة اول ما افتح الموضوع يجيلي راشدي يفر وجهي بس توكلت على الله وحجيت
- ليش هيج معصب واذا حبت ؟
256
فتح عينه خازرني دفع ايدي بهدوء يردد
- وخرري وخري
- دوووكف خلي اكل تبن والغي
408
باوعلي بغضب
- تفضلي
143
- شكرًا يا ريت تتحلى باسلوب النقاش!
115
- انا اتحلى باسلوب الساطور عاجبكم لو لا ؟
1.6K
باوعتله بخزر متخوصره واعيب :: لا والله ما عاجبنه احنه ناس نحب نناقش بهدوء
78
- انا والهدوء إعداء
67
- طلكني جا
519
- الساطور قريب
913
ابتسمت ورجعت كعدت يمه رسم ابتسامة جذبية على وجهه يباوعلي بحسرة
- هجــام احجي صدك والله غــزل تخاف من عندك كلش يعني مستحيل تسوي شي خطأ واذا احد نعجب بيها وبتربيتها واجه دك الباب هاي من الزينات ودليل على انُ اختك مترباية احسن تربية ما بقت تسوي علاقات وتطلع وتتونس وانت ما تدري بشي
94
غمض بقوة عصر راسه بيه ايديه يحجي بحركة
- غززل صغيرة صغيرة انتِ شتحجين شنو تحب شنو
68
ضحكت اباوع لوجهه
- أنا أصغر منها بسنه وحبيتك بجنون
598
سكت عيونه بعيوني بلع ريك مترقب نظراتي وعيوني المدمعه
- غــزل مو صغيرة غــزل طفولية وخايفة تحتاج تحاجيها بهدوء وبحنية مو راعبها اذا ينذكر اسمك تبجي وتصيح ما مسوية شي
61
- انا اعرف اخواتي شنو وادري ما يغلطن ، اضمن رويــده ماكو واحد يگدر يضحك عليها ، بس غــزل تنغش غــزل ينضحك عليها
وهذا هذا واحد چلب لا يحبها ولا شي
390
- لو ما يحبها ليش يجي يخطب
- يجوز لان ضربته بالكليه يريد يكسر خشمي باختي يحلم يحلم يحلم
375
- بس على كيفك جاي نسولف وحلوين لا تعصب
حجيتها مسحت على خدوده دفع ايدي متنرفز
100
- هجــام لازم تتأقلم وتتعلم تسيطر على غضبك جان المفروض ترفض بهدوء اذا ما عاجبك مو تضرب الولد
24
ضحك مستهزئ لزم وجهي باثنين ايديه بقوة فزيت خفت ، حجه بحركة
- اليباوع الشي راجع الي اشيل عيونه من مچانهن
626
بلعت ريك اباوع لعيونه الخازراتني بغضب وجهي معصور بأيديه همست
- جاي تأذيني
رخت أيده يباوع الخدي نزلهن داير وجهه
26
- اول وتالي يتزوجن خوما تريدهن طول العمر يمك ؟
36
بقى ساكت بس قابض ايديه بغضب وداير عينه للشباك
- هجــام اذا البنيه تح...
28
- اششش ما تحب غــزل ما تحب ممنوع
- شنو الممنوع حلال عليك وحرام عليها ؟
174
باوعلي خازرني شوي بعد ويجيبني براشدي
- والله شبيك شنو هو بكيفك لو بكيفها هو گلب ويختار بكيفه يورط صاحبه
161
أبتسم بطرف شفته
- مثل ما ورطج وحبيتي مجنــون ؟
213
- يا ريت كل ورطه هيج حلوه
حجيتها مبتسمه وهو ما كدر يكتم ابتسامته مسح وجهه وگال
443
- بالمستقبل تبجين دم وندم
- اي عود نشوف منو اليبجي اكلك شو عبالك تريدني بس اروح ؟
274
سحبني طيحني بحضنه عصر فكي ويبوس بخدي بوسات سريعه ويحجي ورا كل بوسة
- وين ترحين وين اذبحج
868
ضحكت اوخر بيه من عندي هو كاعد واني متمدده بحضنه راسي على رجله دفعت وجهه مني رجعت راسي ليورا نزلته من رجله وصارت رگبتي كدامه اضحك واحجي
- تذبحني بسجينه لو بالساطور
201
احجي ومبتسمه ما ببالي شي اكيف من يضحك واضل الغي اي شي المهم يضحك ارتبكت من شفت نظرته ثبتت على رگبتي هستوني اريد إرفع راسي وهو بسرعة مد ايده على حنكي مثبتني ويهمس بتعب
- لااا ، ضلي هيج ضلي
561
يحجي وعيونه ماشالهن من رگبتي ، رجفت جسمي مقشعر من نظراته الحايرة وتباوعلي بتعطش جفوني ثگلن بهدوء رفع ايده تلمس رگبتي بطرف اصابعة غمضت بقوة متقلصه ومرتبكة
191
فتحت عيني اباوع لنظراتة ودك گـــلبي بخوف من كد ما ركز اجت ببالي يمكن اشتهى يذبحني صدك يمكن جاي يفكر وياخذ قياسات للذبح
2K
هستوني ادفعه ولزمني بقوة مثبتني ووجهه برگبتي شهكت مصدومة وجسمي متقلص خله أيده على حلكي مرجع راسي ليورا اكثر ماكدرت اتحرك وهو بلمسات شبهه قاسيه يتجول على رگبتي الحد اذني باسني وهمس
- اذبحج بوس
1.9K
ابتعد مبتسم ويباوعلي كوه فاتحه عيوني
- ليش هيج تموتين بأيدي ؟ بين قوسين تتسرسحين
813
يحجي ومبتسم الا اني مدري شصار بيه كعدت مبتعده مدنكه عيني واحس حرارة تطلع من وجهي كرص خدي وهو يگول
- كملي نقاشج
88
باوعتله اتحمحم
- اي حاجي رويــده بتفاهم واذا حبت ماسوت جريمه
395
- بس احنا نقاشنا على غــزل مو على رويــده
428
باوعتله امسح بوجهي وبرگبتي وهو نظرته تخوف غطيت عيون
- هجــام لا تباوعلي هيج
71
ضحك بصوت باوعتله حجه بجدية
- هدئت صيحيلي غــزل
154
وكفت وهو مبتسم طلعت من يمه اهفي على وجهي تلاكت وياي رويــده وغزل على الدرج تمشي خطوة وتوكف خطوة اباوعلها ترجف خايفة ومجلبه برويده
11
- لا تخليني وحدي يمه ما اعرف احجي
25
رويــده :: ما اعوفج
2
- شــام شــام وانتِ هم حبابه لا تخلنه يحاجيني
54
سكتت مرتبكة دخلت وياهن وكف ساكت يباوعلها كعدتها رويــده على الجرباية وهي مدنكه كعد كدامها بالكاع ورافع راسه يباوعلها حجه بهدوء
9
- اطلعن انتن
214
غــزل :: التفتت على رويــده خايفة وعيوني تتوسل لا تروحين وتعوفيني كالتله
26
- هجــام
- ششششش روحن كلت روحن روحن .
81
ورويده وشام يباوعلي بحيرة مسحت دموعي وهزيت راسي اي طلعن دنكت راسي رفع وجهي وحجه بهدوء
26
- احجيلي غزوله بابا سولفي ، من اجيت للكليه مو كلتي ما عندي شي وياه ليش جذبتي عليَ انا شكلت مو كتلج ممنوع الچدب مو كتلج احجيلي بالحقيقه دائمًا ولا تضمين شي عليَ ؟
147
رجعن دموعي ينزلن ساكته واكل بشفتي يا ريت اكدر احجيلك يا ريت ما تورطت وحجيتلك كلشي من الأول بس كلشي فات اذا احجي هسه اورط حيــادر مسح دموعي
- اني ولله ما جذبت عليك من اجيت وشفته يمي ما عندي شي وياه أصلًا هو يلحكني واني اشرد منه ما اريد احاجيه بس هو چلبلي وكال اجي اخطبج واجه
32
- حجيتي وياه بالتليفون ؟
- والعباس لا
- طلعتي وياه من الكليه؟
39
- لا والله لا والعباس لا ان شاءالله ارسب بالمرحله الأولى كل عمــري اذا اجذب عليك ، مره وحده راسلني وكبل حضرته وما طلعت وياه منا لهنا والله ما اجذب والله
326
ابجي واحجي بسرعة بسرعة بس اريد اقنعه مسح دموعي هز راسه موافق
- بعدني اثق بحجيج
37
وكف ومد ايده رفعني من الچرباية ساندني مشاني الحد ما وصلنا لشباك غرفته الشمس صايرة باتجاه الغروب لزم وجهي بين ايديه كال
- ما امد ايدي عليج ولا اعاقبج ولا اسوي شي بس عاينــي
86
دار وجهي للشباك اباوع منها وكمل كلامه
- الشمس اقرب اله منج لا يحلم ولا انتِ تحلمين على جثتي .
557
گـــلبي يدك حيل وجهي يرجف بأيده باوع بوجهي متحسر
- مو ضد الزواج ولا ضد انُ شخص يحبج ، انا ضد هذا المهتلف
ومثل ما متأكد حيــادر كالج راح اشتاقلج متأكد إسلام ما يحبج
1.7K
هو يحجي واني حرف ما انطق
- ارجعج أقسام داخليه ما تبقين ببيت حيــادر بعد
- هجــام حباب شتريد سوي بس لا تزاعلني
195
بجيت اشهك
- ديربالج على روحج وانا بخير ، راح اسألج شي وجاوبي الصراحه وعد لا اتخبل عليج ولا اضربج
30
هزيت راسي اي باوع بعيني كال
- انتِ تردين أسلام ؟
73
دنكت راسي اعصر بايدي روحـــي ترجف هزيت راسي اي بخوف بقى ساكت واني مدنكه حجه بصوت مخنوك
- اطلعي
1.8K
رفعت راسي اباوعله غمض استندت على الحايط اباوع للعكازات شلون اوصلهن افتر جابهم خلاهم بأيدي ووصلني للباب رويــده وشام وكفن جانن كاعدات بحيرة اجت رويــده بسرعة اخذتني من أيده سد الباب وهي تسأل
- هاا شكالج
11
بعدني ما مجاوبتها وسمعنه يصيح بعصبية ويضرب بالباب بقوة
92
رويــده :: تعالن ننزل تعالي شــام
4
سندت غــزل ونزلنا جوا كعدت أفاطم من النوم اباوعلها باستغراب
- ترا من البارحه تكعدين ساعة وترجعين تنامين شبيج
كعدت على حيلها مبتسمه بعدم مبالاة بقينا الورا العشا وطلعت شفت سجود تحضر باوعتلي وكالت
- سويلنا جدر برياني ، الفجر نطلع للزيارة ارتاحلي يومين من جهرتكم
799
ابتسمت ودخل أبوي يباوع الايدي الملفوفة
- حيل كونه ذابحج
57
- لا ، لا تخاف ما اله نيه يذبح اخواته نيته وحده وكلكم تعرفونها
36
- اي متعود جا شلون غير متعود
36
ابتسمت اهز بايدي باوعت السجود
- ايدي تأذيني ما اكدر اسوي شي اطبخي انتِ
وبمجرد نطقت حسيت شعري انجر من ورا جلبت بأيده وهو ينتر ويجر بشعري قوي
- اموتنج شسوي بيج وتتوبين
45
- شييل ايدك لا ينزل هجــام
7
دفعني حيل من أيده وسجود كتفت أيديها وهي مبتسمه
- بكيفج خلي ينزل تطبخين لو لا
14
هزيت راسي موافقة طلعت زهراء من غرفتها بأيدها كلادتها الذهب جابها الها من نجحت عيونها مدمعه وتريد تبجي اجت الابوي وهي تكله
- بابا كلادتي فالته
- شو بله منين فالته
399
اخذها من ايدها يگلب بيها كعد على حيله بالمطبخ كالها
- سهله هاي هسه اسويها الج
وكعد يعدل قفل الكلاده عضيت شفتي حاز بخاطري وما اريد دموعي تنزل سواها لبسها الها يضحك ويبوس بيها بلعت ريك الغصة جلبت ببلعومي درت عيوني اريد اروح باوعتلي سجود مبتسمه وتأشر عليهم بحاجبها
610
سكتت وفتت للغرفة يم البنات گـــلبي حيل يوجعني شــام تدرس وتحجي ويا أفاطم وغزل نايمه ، بقيت يمهن واني احلف ولا اسوي شي الصبح أقفل الباب واذا بيها خير خلي تصيح درت عيني هاي أفاطم هم رجعت نامت وشام بعدها تشرح الحد ما بقت تتثاوب اخذت كتبها وصعدت مديت فراشي بالگاع وتمددت أفكر بغزل محتارة
43
درت على صوت تليفوني كعدت على حيلي مستغربة من شفته رقم خاله وترددت اجاوب خاف يطلع يُســر رديت خليته على اذني ساكته شوي واجاني صوته
- رويــده
62
سكتت گـــلبي يدك حيل كل ما أسمع صوته يا ريت الي سيطرة على گـــلبي مثل ما اسيطر على مظهري بقيت ساكته كال
- يابه هذا اخوج خابرني
33
- هجــام ؟
- جا يا هو غيره ، يهدد شو
- شنو ؟
134
- انا من شوكت مباوعلج يكلي لون لحتك تعاين عليها افكس عيونك رحمه الامج رويــده انا عيوني ما رافعهن بعينج عمــري خلص اتحسر على النظرة
780
غطيت وجهي بالبطانيه فشلانه حيييل وهو يحجي
- شاكيتله عليَ شنو
- لا والله
40
- يهددني ابو ساطور ، وحضرني الحيوان
- لا تغلط عليه
447
- ابويه انتِ خابرني كاب ويتهدد اشلع وافكس واذبح صدك جذب
شككني بروحي يكلي اذا لحتك حاط عينك على ظلها عيونك اشلعهن ، رويــده كضي اخوج . لان اريد ارجع اجي
634
- تمام
14
اعض بايدي سكته فشلانه فعلًا الولد ما مباوع شبيك هجــام شبيك ردت اسد الخط وسمعته تحسر وحجه بخنك
- رويــده أسبوع وارجع اجي لا ترفضين
48
- لا ، لا تجي
12
- تعبتيني
27
- رحمه الاهلك والدينك خليني بروحي انا حايره بالعندي
39
بقى ساكت سديت التليفون ايدي على وجهي ورجعت فزيت على صوت الاتصال حسبالي هو كعدت عدل حيــادر هذا
- الو
- الو غــزل وين
261
سكتت عاكده حاجبي وكلام هجــام دك براسي رجع حجه متوتر
- شلونج ، اعذريني خابرتها هواي وما ردت قلقت
- نايمه
7
- رويــده صاير شي ؟
- ليش شكو
- مو هجــام خابرني
2.9K
غميت كصتي حيل فشلانه لا يا رب ما يطلع محاجي الولد شي كال
- يگول طاحظك وحظ اليثق بيك اذا لحتك مباوع لغزل اشلع عيونك
ردت افهم صاير شي
3.2K
- ها لا لا ما صاير شي اسفه كلس اعتذر بس تعرف وضع هجــام هو هيج لان شافك تشاقيت وياها بالريوك
143
- يعني ما محاجي غــزل
- حاجاها مو اليوم اجه ولد من الكليه تقدملها وهجام ضرب الرجال وشوي صارت هوسه وانت تعرف غــزل خوافه
28
سكت احجي وهو ساكت شوية وحجه بخنگه
- رفضت غــزل ؟
- هو قابل أخذ رأيها رأسًا ضرب الرجال وطرده عفيه حيــادر انتَ تعرف هذا الولد إسلام اسمه يداوم وياها
112
نسد الخط بوجهي سكتت مستغربة وتذكرت سوالف هجــام وشلون مخابرهم والله عيب شلون تاليها وياه تاليها شلون قافل باب الغرفة لا اكل ولا طلع منها ، كوه كدرت انام وفزيت على دكة الباب وصوت سجود تحجي بهمس
24
- اطلعي حيوانه اذا ما كطعتج
210
بقيت ساكته اباوع للباب فزن أفاطم وغزل أفاطم تسأل حجيتلها ضحكت بصوت عالي وحجت
افاطم :: انتِ حرام تزورين
452
وسجود تغلط عليَ وعليها وافاطم بس تضحك شوية وراحوا سمعت صوت سيارتهم كلهم راحوا تريد تزور كرار لان البنيه رفضته ويا بنيه يروح عليها ترفضه ، صليت ورجعت نمت ساعتين وكعدت افتريت بالبيت وحدي طلعت للساحة رشيتها ورجعت سويت چاي اخذله ريوك بلكي يقبل ياكل اليوم جمعة شــام ما تداوم اخذت ريوك وصعدت دكيت الباب وحاجيته لحد ما تعبـــت وماطلعلي نزلت كعدت البنات تريكنا سوا اباوعلهم بحيرة واضحك على حظي بمنو التهي افاطم الصايرة جثة لو بغزل والورطة الجابتها
لو هجــام لو شــام لو روحـــي الحمدلله على كل حال صعدت اريد اكعد شــام بس دغيتها بكتفها ابتسمت وتحضن بالمخده مبتسمه
685
- ولج شااام
65
فزت بخرعة تباوعلي أيدها على كلبها
- ادبسز ويا منو جنتي تضحكين ؟
286
- هاااااه
- شهاه عيني شهاه لكفتج تتمضحكين
احجي وهي فاتحه عينها مصدومه ما مستوعبه ضحكت ضربتها على راسها
- كومي يله اريدج بمهمه
164
- وكفتي گـــلبي ترا رويــده خرب بمهماتج
- شبيج لازم تساعديني
19
شــام :: مسحت وجهي وتربعت عدل كوه فاتحه عيني كالت
- اريد اجرب نطلع هجــام واحنا سوا هيج ورا البيت على الساگيه نفرش ونكعد بفي الشجر ونسويلنا جدر دولمه
538
- الله فكرة تخبل
39
سكتت وباوعتلي بحيرة كالت
- شــام مهمتج تقنعين هجــام ما اظن يقبل بس حاولي هالشغلات تحسن من نفسيته وكلت اليوم لان محد هنا يعني ما اخاف يغثونة
42
- سهله أقنعه اكدر
208
كامت من يمي مبتسمه نزلت وياها تريكت وهي حضرت كلشي وخلت غــزل وافاطم يلفن الدولمه خلتها على النار ورجعت سوت ريوك وصعدت الهجام شوية ونزلت ماكل شوية باوعتلي كالت
- مهمتج الظاهر صعبة روحه بخشمة كتله صباح الخير باوعلي بطرف عينه
434
دكيت صدري واني اكلها
- يمي معليج أقنعه غصبًا ما عليه
145
أفاطم:: ههههههه ، وبعدين نلكه راسج بالمخزن وجسمج بغرفته
خوما يجازف ويشمر جسمج شيحضن بعد
813
دنكت مرتبكه وغزل تباوع بحيرة كالت
- شــام تنامين بحضن هجــام ؟
364
رويــده :: غير مرته
15
غــزل :: والله عيب
1.8K
افاطم :: دكج الجفاف غزوله يا عيب مرته
129
رويــده :: ولج أفاطم انتِ شتعرفين اخويه فد سرسري مرات اصعد للمخزن اريد احاجيها ادورها ماكو تالي تطلعلي من غرفتة هو يصير الليل وهو سحلها للغرفة
685
أفاطم:: صفي نيتج يسحلها لغرفتة لان يعتبرها گمر بس بالليل يريديها تضوي يمه
530
يحجن ويباوعلي واني احس وجهي طك اثرم بالزلاطة وميته خجل وتذكرت احب الزم شي على رويــده هي جاي تشرب ماي واني وكفت كدامها وكتلها
- واتصالاتج ويا يُســر تالي الليل والأحضان والعشق والمشق ويطيرلج بوسات بيد الزواجل
636
فتحت عينها على وسعها تباوع وراي بصدمه رشت الماي بوجهي ركضت للمغسله اتقيئ وهي تصيح
257
- هجــام والحسن جذابة تتشاقئً وروح امي تتشاقى
861
غسلت وجهي اباوعله واكف بجمود يباوعلها وهي تحلف بكل دين اني جذابة تقربت اني هم احلف اني جذابة واكفه كدامه واكله
- اني جذابة والله
647
رويــده :: اي والله جذابة
44
شــام :: والقرآن اني جذابة
925
بقى مركز عيونه على رويــده دمعن عيونها رأسًا كالها
- ادري مصدگج
136
ابتسمت اله واني رجعت ليورا گـــلبي راح كالتله
- تريد شي ؟
- شــام .
195
حجاها يباوع لرويده سكتت دارت عينها الي مدت ايدها سحبت ايدي انطتني اله
- أخذها
1.1K
دار وجهه يرجع فوك ويجر بايدي وراه واني ماده ايدي الرويده واسوي حركات الماخذينها غصب وتبجي واحرك بحلكي بالحركة البطيئة التطلع بالافلام وهن يضحكن بلا صوت وكف فجأة درت عليه يباوعلي باستغراب وكفت عدل فشلانه
1.6K
- اصعدي
38
فتت كدامه وهو صعد وراي وكفت بين المخزن وغرفتة سحبني من أيدي الغرفتة باوعتلها مابيها مجال بعد لازم تنشمر مكسرة باب واحد باقي بالكنتور مدري ليش مقاوم
340
جر أيدي للجرباية ارتبكت كعدت عليها مثل ما يريد ساكته تمدد وخله راسه على رجليَ رفع ايدي من حضني الشعره حركت اصابعي على راسه ساكته وهو مغمض عينه هواي وقت فات ومتردده احجي اعض بشفتي بس اريد الكلمه تطلع ماكو توكف ببلعومي جبرت نفسي ونطقت بصوت يرجف
26
- حبيبي
425
تحسر متنهد نزلت ايدي لوجهه امسح حواجبه باصابعي وارتبهن دنكت بست حاجبه فوك الجرح همس
10
- شــام يا عيون هجــام
444
ابتسمت طايره بكلامه وهو مخلي ايدي على شفته يحرك شاربة عليها لو يبوسها ، من بقيت ساكته كال
- احجي
51
- عادي اطلب شي من عندك ؟
- انفذ بمقابل !
415
سكتت أفكر كمت اذا يكلي شلونج أفكر خاف قصده غير شي حجيت بسرعة
- المقابل مالتك تخوف طلب صغير ، هجــام مو لازم تدللني وتكلي تأمري وتدللي شني السالفة عمي طلكني ما خوش انتَ
332
هستوني خلصت حجيي وصرخت فازة من عض أيدي جريتها من عنده فاتحه عيني كلها وهو نگلب على ظهر ويباوعلي
- لا تگولين طلكني من هسه
247
- عضيتني ؟
- اي
40
- صدك جذب شقة هذا ؟
- لا مو شقة بله جيبي
50
سحب ايدي يشوفها واني مطنكره حمضت اباوعله بطرف عيني باس العضه ومسحها
- يله اطلبي بدون مقابل تعويض للعضه
- كلشي ما اريد
114
حجيتها ودرت وجهي كعد عدل هو مقهور بس جاي يحاول يلهي نفسه او ما يفكر بالشي القاهره
- شــام لا تدلغمين
204
- شنو ادلغم ؟
- تلوين وجهج يعني ترفعين شفايفج ليفوك تنفخينهن ليبرا
وتضيكين عيــونج وتعكدين حواجبج عود ضايجه ما تدرين شكلج يصير مال
680
سكت يباوعلي مبتسم
عدلت ملامحي كال
- اي هيج
- اطلب ؟
- اطلبي ونشوف
- نطلع نتغدا برا يم الساگية مال الماي
54
هز راسه لا وشمر روحه على الجرباية بصفي باوعتله ودغيته بظهره حجيت اجر باسمه جر بالطريقة اليضوج منها
- هُجــاامِ
566
دار عليه يباوعلي عاض شفته
- حباب
- لا تلفظين اسمي هيج بدلع
168
- قصدك هيج ... هُجــاامِ
224
احجي مبتسمه هز راسه اي
- يعجبني احجي هيج معليك
17
بقى يباوعلي ساكت صافن بعيوني
- حباب
- شنو
- كوم
19
- ججج
- عفيه رويــده تحدتني كالت ما تكدرين تقنعينه
- ثقي بالتگًوله
120
- ما معليه كوم هُجااااام
غمض عينه ساكت دغيته بصدرة فتح عينه يسويلي
- جججج
- شلون اقنعك ؟
41
- روحن انتن
- أريدك يمنًا
- خلي يرحن وابقي يمي انتِ
76
- لاا حباب حباب شلعت گـــلبي شنوووو
- روحـــي ومن ترجعن تعالي يمي
- ماااا
64
جر المخده نگلب نام على بطنه وخله المخده فوك راسه أيست يقتنع
بقيت كاعده أيدي على خدي ومقهورة دك گـــلبي حيل الفكرتي الفاسقة نجبي لا شهالفكار مستهتره صايره شويمه اووي واذا غير زوجي لااا واذا زوجي شو صايره ما استحي وجع وجع زوجج عادي المهم تقنعينه وتطلعون لا لو يحبج يقتنع بدون ملحه دنجبي انتِ غير مريض تشجعي امداج نمونه شبيج صيري سباعيه
1.1K
غمضت عيوني بحيرة زفرت النفس وباوعتله مرتبكه وكلبي يدك حيل تمددت بصفه وسحبت الغطاء تغطيت وياه وتقربت الزنده بهدوء خليت شفتي عليه همس صوته رايح
- شــااام
221
تبخري شــام تبخري اختفي طاحظج اسكتي لا تخليني اتردد كملي معليج معليج عفيه خوش خطوة شبوس هسه شتبوسين نطمي شاوريه شاوريه بصوت مايع طاحظج صوت ابو شهاب شيسوي مايع
1.5K
تقربت بهدوء اكثر الاذنه طخت شفايفي ببشرته همست بصوت ناعم
:: هُجــام
نگلب بسرعة دفعني للمخده شهكت فازة لزم أيدي بقوة مبتسم
- مو كتلج انا ما انغش
303
بلعت ريك هزيت راسي اي طبك ايديه فوك راسي لزمهم بايد وحده ولزم وجهي بأيده الثانية
- شتردين ؟
- ما اريد شي
103
- والساگيه ؟
- تولي
- هاه؟
- اريد اروح يم رويــده
- والهستوه مسوي روحه بطل ويتحرش.
- خلي احجيلك ليش .
- مو هسه بعدين احجي بالأول ارجعلج سوالفج
378
بعدني ما ناطقة وكتم نفسي بشفايفة عايف أيدي حتى يحتضن وجهي بأثنين أيديه دفعته من صدرة مختنكه واجر نفس بقوة رفع راسه مبتسم حجيت وعيوني مدمعه
- اني ما سويت هيج
197
- محد كالج لا تسوين هيج
72
يحجي ومبتسم مسحت حلكي وكعدت وجهي راح يطك مدنكه ساكته رجعت باوعتله مدمعه
- حباب خلي نروح للساگيه
68
مد أيده مسح عيوني وهز راسه موافق ضحكت بصوت عالي اريد اكمز مد ايده سحبله قميص لبسه كال
92
- شوكت ؟
- هسه يله تعال
سحبته من أيده ونزلت فرحانه حيل لكيت رويــده واكفه كدام الدرج منتظرة ومن لمحته الضحكة شكت حلكها كالها
- ام المصايب
185
ضحكت وهو راح الغزل بوسها وسندها يمشيها اخذنا الاغراض وطلعنا لورا البيت بستان حلو ويمه ساگية ماي چبيرة جنها نهر جاري فرشنا على الزرع وكعدنا باوعت لرويده مبتسمه
88
رويــده :: رفعتلها حاجبي وهمست
- عفيه قنعتيه
52
ودرت عيني الافاطم تتلفت للزرع مبتسمه وهو يحاجي غــزل ويضحك وياها گـــلبي من كد ما فرحان احس دكاته تخربطت اجت شــام بصفي نگلب الدولمه ونحجي همس كالت بجدية
29
- اني وياج نرجعه مثل قبل شوي شوي
150
هزيتلها راسي اي كلبنا الدولمة وافاطم اخذت الفواكه وراحت للساگيه حافيه غسلتهم ورشت الماي الباقي بأيدها بوجهه شــام تضحك وكلبي يرفرف بس اريد ارجعها زينه اكلنا وغزل تفيك علينا وتحمد بروحها ندمجت تحجي الهجام واني لازمه گـــلبي بأيدي خاف تجفص بشي كالتله
70
- وشنو هجــام الما تلبس نظارات بالكليه يعني مو شخصيه
112
هجــام :: تلبسين انتِ ؟
12
- ااي جا شلون هو اني من البسهن اصير كلش شخصيه كلش
50
أفاطم:: نيلز انتِ وينج وين الشخصيه
184
رويــده :: ههههه نوب محدده اليلبس نظارات شخصيته
8
شــام :: الحمدلله احنا شخصية بلا نظارات
106
هجــام :: نجبن يله معليج بيهن انتِ كلش شخصية بس من تلبسين نظارات تصيرين حميد الأعمى عوفيهن بداعت الخوة
2K
ضحكنا بصوت عالي وغزل طنكرت عليه بقى يشاقيها ويضحكها كام افتر يباوع للشجر والماي واحنا نسولف بيناتنا على الملابس وغزل تحجي شنو اشترت وتعارك لان ما اشتريتلها شي اسولف وياهن وعيوني الهجام كعد بالگاع الزرع الكاعدين عليه احنا اسمه سباح يمتد بالگاع كطع منه جمع بأيده وبس التفت سويت روحـــي ما شفته تقرب يم شــام بدون ما تحس خلاهن على راسها مبتسم التفتت عليه وهي تمسح على راسها ضربته على صدرة تضحك
378
كعد بمكانه واحنه نسولف عيونه ما نزلت من شــام يباوعلها ويتحسر يا روح اختك شنو من هم شايل گلبك سكتنه كلنه من مد ايده على خدها كرصه وباس ااصابعه خجل ودار وجهه من استوعب احنا يمهم وشام وجها صار طماطيه من الخجل دار وجه مبتعد
747
رجعت اسولف نضيع السالفة وهم رجع يباوع الشام بحسرة وهي تكصص فواكه كالتله
20
- هجــام
3
فز باوعلها دارت مبتسمه انطته برتقاله هز راسه لا
- شبعان ما اشتهي
44
رجعت يمنا نلعب بدفتر مسوين جدول نكتب رقم ونشوف منو تعرفه لعبنا اني وافاطم وغزل تخبث علينا شــام راحت كعدت بصف هجــام
81
شــام :: باوعتله مبتسمه لزمت ايده وحجيت همس
- كلش احبك اني
- عاشگج انا
480
عضيت شفتي مدنكه خجلانه همس
- شــام
رفعت راسي اباوعله. عصر ايدي بايده وكال
6
- انتِ اهل گـــلبي
1.1K
عكدت حاجبي مبتسمه ما فاهمه كال
-من تصييحين اسمي هيج اريد اجاوبج
باوعت بعيونه وهمست
- هجــام
- اهل گـــلبي
430
- هههههه حلوه بس ما فهمتها
26
هز راسه موافق وتذكرت كلام رويــده من كالت جنت من اكله هجــام يگول يا كل هله ابتسمت باوع للزرع وگال
8
- شايفه هالجذور شلون ممتده بالگاع ويوم عن يوم تمتد اكثر
انتِ هيج مثل السباح تمتدين بگلبي
361
- الله شكد حلوات سوالفك فدوووه أحبك
138
ضحك ملتفت الرويده عدل كعدته بقينا ساعتين ورجعنا للبيت رأسًا صعد الغرفتة واني اكمز يم رويــده
47
رويــده :: ضحكت اعزللها بالمواعين وهي تغسل نسولف ونضحك راحت ضحكتي ودك گـــلبي بخوف واني اسمع صوت سيارات شرطة جريت نفس بوجع كانُ المواقف نعادت بس اجذب روحـــي واكول مشتبهه
727
مديت راسي من باب المطبخ شفتهم ببابنا والهواء ضاك بصدري اريد احجي ما اكدر اباوعلهم وهو يتوزعون داير ماداير البيت وارجف بخوف وشام تصيح شكو شكو طلعت ورجلي ترجف وسمعت صوته وراي يحجي بحركة
56
- ادخلييي رويــده
66
التفتت عليه اشهك
- امووت والله اموت
30
عافني ما مهتم طلعلهم سد باب المطبخ وراه ركضت للشباك ابجي وشام متخبله تكمز بحركة ادعي يا رب غلطانين يا رب لا تختبرني بهجام من جديد وتبخر كل املي من شفتهم جتفوه وفززتني صرخت شــام وهي تطلع من المطبخ مفرفحه وتركض وراه ركضت جريتها وكعدنا بالگاع ثنينا نبجي وهي تصرخ وتصيح وراه مثل الطفل اليبجي وره اهله
- هجــام
3K
يتبع ... 🦋
