رواية نوائب شام الفصل الثاني والعشرين 22 بقلم الكاتبة ايلول
إنتَ و الدَنيا و هلي ،
شوغتي و ونات لِيلي
و دمعتي بالمُغربية
وجع گَلبي و وجع رَوحي
و أثار إيدية
و هسة آني لوحدي مَحد إليه .
""""""""""""""""""
118
رويــده :: ااخ يا گـــلبي الما اله نيه يرتاح تلوعت والله تلوعت اباوعله ينتر ايده منهم وهم مخلينها وره ظهره ولازمينه منا ومنا صعدوه بالسيارة وراحو وشام مفرفحه بحضني تكمز وتجر بروحه تصرخ وراه بكل صوتها ابجي بحركة والمح عمو حيدر ومجتبى اجو مديت ايدي على حلك شــام اكتم صوتها مسحت دموعي ووكفت ساحبه شــام المفرفحه باوعت بعيونها گـــلبي مشتعل نار
94
- ادخلي ابجي جوا اذا ما تكدرين تسكتين كدامهم .
35
وهي دخلت للبيت ركض باوعت الغزل وافاطم واشرتلهن يرحن وراها وعمو واكف كدامي مبتسم بشماته ويگلي
- ها ولج شني هم كتله احد ؟
216
سكتت اباوع بعيونه بس اريد الغصه تروح من صوتي وما ابين مكسورة بلعت ريك رافعه راسي واحجي
- اخوي مو قاتل وكلكم تعرفون هالشي
52
- انجبي واحجي عدل لا افر وجهج فر المن اخذوه
107
- يرجع مو مشكلة انتَ بس لا يضل بالك .
12
خزرني وتقدم يريد يمد ايده لزمه مجتبى يسكته وتقدم هو كدامي كال
- شنو رويــده شسالفة ليش اخذوا
- ما ادري
- أستغفر الله وتالي شلون ؟
- الله موجود
81
عض شفته يباوع لعيوني كال
- شو جنج مكيفه شنو فلمج ؟
- اكيف اخوي ينسجن ؟؟؟
- اندري يعني عادي اشوفج ما مهتمه ؟
220
سكتت وهو رجع تقرب خطوة واني ثابته بمكاني كال
- هسه اروح وراه اشوف شنو السالفة
- ماكو داعي ابن عمته وابن خالته راح يجون
خزرني ينتر
- غير انا موووجود شكو بعد
ابتسمت على اعصابي كتله
- ثق لو يبقى طول عمره بالسجن او بمصحة هالمره ما الك فرصة تساومني
سندت روحـــي على الحايط ووكفت عدل
- اطلع برا
- تطرديني ؟
- انتَ وابوك برا ، غززززل خابري الشرطة .
274
صحت بكل صوتي على غــزل وهم يباوعولي بصدمه رفع ايده مجتبى يهدد
- سهله رويــده سهله ما انساها الج
- الباب وراك
اخذ ابوه وراه بس لمحتهم طلعوا من الساحة وعبروا السياج طحت على اركبي اجر نفس بشهكه واحس مو دموع نار تطلع من عيوني
53
- كومي رويــده
1
مسحت دموعي والتفتت عليها أفاطم واكفه بباب المطبخ
- اوكفي على حيلج لا توگعين تنوكلين .
280
وكفت مختنگه سحبتها من أيدها ودخلت للبيت ادور صوت شــام لكيتها بالغرفة مالتنا كاعده بصف الكنتور تبجي بحركه وغزل كدامها بس دموعها ينزلن
- شــام
- رويــده عفيه عفيه ليش اخذوووه
عضيت شفتي محتارة شنو اجاوبها سحبت التليفون وطلعت من يمها إتصلت على حيــادر
62
- الو حيــادر
- هلا بيج خوية
سكتت مختنكه اريد احجي ما اكدر كال بغصه
- غــزل بيها شي ؟ لا توجعين گـــلبي ؟
212
- حيــادر اخذوا هجــام تعالوا
باستعجال كال جاي وسد التلفون بالثانية رجع اتصل
- خابري يُســر
106
سديته منه شلت الحضر من يُســر وخابرته
- رويــده ؟؟
- يُســر اخذوا هجــام عفيه گـــلبي راح يوكف
سكت مصدوم
- جايج لا تخافين
1.3K
سد التليفون التفتت على شهكات شــام صعدت الدرج مجلبه بالمحجر وصوت بجيها يوجع الگلب الثانية التمر عليَ تاخذ ثلث من حيلي
طلعت للساحة واباوع للمكان الاخذوه منه مو جنا متونسين ونضحك مو جنت فرحانة بيك رفعت راسي للسماء ويا صوت آذان المغرب وشهكت بغصة ولوعه
- اللهي بحق أسمك العلي أمنت اخوي يمك اللهي مابيه صبر ارجع لنقطة الصفر يا رب ياا رب لا تلوع گـــلبي عليه بكل مره
281
أفاطم :: تعالي نصلي
84
التفتت عليها هزيتلها راسي اي
- بس خلي أقفل باب الساحة
قفلتهم ورجعت صليت وياهم وصعدت الشام گـــلبي متملخ حايره بشنو احاجيها دخلت للمخزن ما لكيتها رحت الغرفته على صوت بجيها المكتوم متمدده بالگاع نفس نومة هجــام وتبجي بخنگ كعدت يمها وسحبتها من ايدها امسح بدموعها
- شــام اذا من اولها هيج راح تتعبين ، جنت مثلج اضعف لدرجة الموت من ياخذونه مني بس الضعف ما يفيد الدموع ما تفيد
101
ضمت وجها بحضني تشهك وتحجي بصوت يرجف
- ليش اخذوا ليششش
- هسه يجون حيــادر ويسر ويفهمون السالفة
- ويطلعونه بسرعة ها رويــده يطلعونه ؟
- ان شاءالله بحيل الله ، بس كافي بجي
64
مسحت دموعها واخذتها من ايدها نزلنا جوا كعدتهم ورحت للمطبخ اجت وراي أفاطم تسأل
- شتسوين ؟
- اي شي تاكلنه
- ايدج مخيطه ما تكدرين عوفي
حجت واجت هي سوت كوه جبرتهن اكلن شوية وسمعت هورن سيارة لبست شالي وطلعت بسرعة فتحت باب المطبخ اباوع للساحه ضوء سيارتين ركضت فتحت باب السياج دخل حيــادر صف السيارة ونزل ، وراه سيارة يُســر
338
حيــادر:: السلام عليكم
- عليكم السلام
يُســر :: السلام عليكم
تسالم ويا حيــادر ، ودنك ساكت وحيادر يباوعلي ويسأل دخلتهم للديوان ورجعت اجيبلهم ماي
37
حيــادر :: تعالي اكعدي رويــده كلشي ما نريد احجي شصار
كعدت بالباب. اسولفلهم وكف يُســر وهو يگول الحيادر
- كوم نشوف ، سهله ان شاءالله سهله لا تخافون
63
يحجي ويباوع الحيادر طلعوا ورجع حيــادر نزل من السيارة يسأل
- منو وياجن بالبيت ؟
- بس اني والبنات
9
- يُســر شنو يبقن وحدهن ؟
رجع يُســر نزل كال الحيادر ويسمعني
- يقفلن الباب ما عليهن شي غير ؟
159
- اي حيــادر روحوا ماعلينا شي لا تخاف
هز راسه موافق وطلعوا بقيت كاعده بالساحة منتظرة ، اروح يم البنات شوية وارجع وشام اااخ يا شــام ما بطلت بجي شوية وحسيتها وراي كعدت يمي سندت راسها على كتفي
- لا تخافين شــام
37
- رويــده اني والله احبه
حجتها وبجت بغصه وهي تگول
-هالمره گـــلبي التوذر مو گلبه ، رويــده هجــام اول شخص يدافعلي اول شخص يحميني اول رجال ما احس نظرته الجسمي نگسه ، آول أنسان احتمي بيه وانام بغرفتة واني مطمئنة ما يسويلي شي ، رويــده والله النفس جاي يوجع گـــلبي بدونه
616
تحسرت امسح بدمعها وابتسم من لاچاره
- لا تخافين يجي يجي ويداوي كلبج بس خليج قوية
كامت فاتت جوا من رجعوا الولد اجوا وكفت على حيلي نزلوا ثنينهم رحتلهم بسرعه
- ها حيــادر
16
- والله محد يحاجينا ولا يخلونه ندخل ونفهم شنو الموضوع هسه راح اوكل محامي
- حيــادر يبات بالسجن شيرررررجعلي شيرررجع
بجيت تعبـــت لطمت على وجهي
- ابويه انتِ غير تنطيني صبر لا هيج تسوين بروحج بعد اخوج
159
يُســر :: لا تخافون ماكو شي خطر ان شاءالله
189
التفتتله يتقدم ويرجع ويباوع للگاع والحيادر دخلوا للديوان صاح حيــادر
- رويــده چاي واليرحم امج راسي طك
321
سويتلهم چاي ورجعت يمهم حيــادر يخابر بالمحامي خليت استكان الچاي گدامه والتفتت اليسر اخذ الصينية وهمس
- رحم الله والديج
كعدت على جهه اركز بحجي حيــادر سد التليفون عيونه ناطة وحمر متحلف گال
- هاي أهل اسلام رافعين عليه دعوه وهاي القريقوز سجود هم مشتكيه عليه
1.3K
يُســر :: أستغفر الله ولا حول ولا قوة الا بالله ،
شلون نوصل الهذا أسلام نروح نحاجيهم
80
حيــادر :: خيولي ، رويــده صيحيلي غــزل
131
يُســر :: يعني الولد بس اجه خطب لو عنده تواصل ويا غــزل ؟
11
سأل حيــادر وحيادر ساكت دنكت احجي بغصة
- لا ما عنده تواصل بس اجه خطب
رأسًا گال
- ليش ضربة هجــام ؟
15
- لان اجه خطب
رفعوا راسهم ثنينهم واحد باوع بوجهه الثاني ساكتين وحيادر كال
- عاشت ايده
1.3K
يُســر :: تحجي صدك ؟ تشوف تصرفه سليم ؟
262
- إي طبعاً خيولي مو ضربة بالكليه وكاله ما الوحك يمها شكو يجي يخطب بعد
18
- ترا مو هجــام المريض انتَ المريض حيــادر
260
واحد ينتر على الثاني اعصاب وكبت بينهم واني اباوعلهم ساكته احس راسي راح ينفجر وكفت على حيلي
- تگدرون ترحون ما قصرتوا مشكورين
346
باوعولي ساكتين واني روحـــي مشتعله حجيت بحركه
- اني بيا حال وجايين تقررون تصرفات هجــام غلط لو صح ، غلطط اني اكللكم غلط اخوي غلط وكله غلط بس اررريده اخوي هذا اريده كدام عيني جاااي امووت وما عندي غيركم انخاه جاييني تتعاركون
197
سكت حيــادر وكف يعتذر من يُســر عفتهم وطلعت يم البنات كلنا ملتمين بالغرفة وكاعدين بحيرة دك تليفون غــزل باوعتلي تمسح بعيونها كالت
- هذا حيــادر
9
اخذت التليفون من أيدها وطلعت اريد اشوفهم خاف يريد شي لمحته بالساحة وبس سمع صوت التليفون بايدي التفت سد الخط وباوعلي وصلت يمه
- ها حيــادر تريد شي
سكت محتار شوية وكال
- فراشات الولد متمدد بدون فراش تعبان
- صار هسه اجيب
293
التفتت اريد ارجع للبيت صاح
- بلكي تصيحين الغزل
رجعت باوعتله عاكده حاجبي كال
- خلي افهم منها شنو سالفة أسلام!
145
هزيت راسي موافق صحت الغزل كامت وياي على العكازات أخذت فراشات وطلعنا سوا حيــادر بعده واكف اجاها سلم عليها واشرلها على مصطبة بالساحة كالها
- تعالي كعدي هنا
52
عفتهم ، الفراشات بأيدي راح يطيحن دفعت باب الديوان ودخلت يُســر متمدد ايده على عيونه وقميصه نصه مفتوح رفع أيده وبس لمحني كعد بفزة دنكت وفتت اريد افرش وكف هو يحجي بارتباك ومدنك ولا عبالك نفسه اليتصل
319
- عوفيهم أنا افرشهم
عفت فراشة مسفط ورحت للجهه الثانية افرش الحيادر تحسر مدنك عيونه واني افرش واباوعله ساكته عدلت المخده ووكفت بدون ما اباوعله رحت اريد اطلع والتفتت على صوته
14
- رويــده
باوعتله خله تليفونه على الشحن ورفع عيونه باوعلي رجع دنك وسحب نفس بقوة
- لا تخافين محلوله ان شاءالله
- الله كريم ، محتاج شي ؟
51
رفع رأسه لام شفته الداخل حلكه يباوعلي واني وجهي من الحركه مايكصه السيف والدنيا طالعة من عيني عكدت حاجبي منتظرته يحجي وهو بس يباوع حتى مايرمش ثواني ودنك حجه همس
- لا اكتفيت بعد ما احتاج شي
عفته وطلعت
641
غــزل :: كعدت على المصطبة ساكته واباوع گبل كال
- انا مو كتلج بطلي من هذا الولد ؟
التفتت عليه بعصبية
- اااني شعليه هو مجلب
دفع ايدي الرافعتها بوجهه ونتر
- لو راافضته ما يجلب
70
دنكت مغمضة امنع دموعي ينزلن زفر نفس بحيرة دنك وجهه بين ايديه ورجع باوعلي اندار مقابيلي
- غــزل ما يفيدج الولد عوفيه ما مرتاحله ، انا گـــلبي صاير نار واحاجيج كوه على روحـــي دايس گـــلبي برجلي واكلج يا بشر افهمي وعوفي هالطريق بعدج ببداية عمرج وعندج دراسه ليش مستعجله
73
درت وجهي ساكته اكل بشفتي ودموعي ينزلن اجت رويــده يمنا باوعلها وكالها
- احجي وياها فهميها
40
رويــده :: سكتت اباوع الغزل وكف حيــادر ودنكت اني مديت ايدي الغزل أسندها وهي ملتهيه بالعكازات تجيبهم منا وتوديهم منا كلام هجــام لعب بعقلي وخلاني غصب أراقب نظرات حيــادر الغزل خفت حيل خفت من شفته يباوعلها بحسرة لام شفته الداخل حلكه وما ينزل عينه منها بس من لمحني مركزه وياه ارتبك بلع ريك يمسح بوجهه وكال
- احنا الصبح نطلع للمحامي
206
اخذت غــزل وفتنا للبيت دورت اباوع وين شــام كالت افاطم
-صعدت فوگ
بقيت شوية يمهم افاطم نامت وغزل صافنه بالفراغ عيونها مدمعه عفتهن وصعدت بخطوات هادئة خاف شــام نايمه ما اريد افززها
فتحت باب غرفة هجــام على كيف نايمه على الجرباية بمكانه دخلت يمها تحسست كصتها خاف مصخنه لمحت عطر هجــام بصفها فالت من ايدها اخذته رجعته المكانه مسحت دمعتي النزلت اباوع الاغراضة وكلبي يتگطع ، غطيت شــام وطلعت نزلت يم افاطم وغزل ثنينهن نايمات عفتهن ورحت كعدت بالمطبخ ورا الباب كاتمه صوتي بأيدي وابجي مهدود حيلي مسحت دموعي وبقيت بمكاني مابيه حتى اوكف على رجليه اباوع للساعة صارت بثلاثة ونص واني النوم ما لافي لعيوني
132
سحبت رجلي الصدري أكثر من حسيت مقبض باب المطبخ تحرك بهدوء نفتخ وصوت شخص يتحمحم ويگول يا الله بصوت ناصي يابه روحـــي راحت حجاب ما على راسي ضوء المطبخ حيل خفيف واني بالزاوية بين الباب ولكاونتر اذا نفتح الباب يغطيني ما انشاف دخل مدنك بأيده دولكة الماي الكزاز فارغة دخل للمطبخ غطاني الباب دنكت عيني وكلبي صوت دكاته مسموع سمعته اخذ ماي من البراد وخطواته صارت قريبة يريد يطلع رفعت وجهي لزم الباب يريد يسده وصارت عينه بعيني رجع ليورا فاز وفلتت الدولكه من أيده تكسرت وهو عيونه علي فاتحهن بصدمة دنك بسرعة داير وجهه معتذر وكفت حايره
866
- اعتذر منج عطشت احم عطشت انا وتوقعتج نايمه ما ردت اكعدج أعتذر
197
يحجي ويتحمحم واباوع الايده تنقبض وتنفك بتوتر. رفع ايده وهو داير وجهه مني مسح كصته ودنك يلم الكزاز واني باقيه على وكفتي ورا الباب شال الكزاز جمعهم عافهم على الكاونتر وتلفت منحرج ومتوتر واني مدري شبيه حالي اريد اتحرك واروح رجلي ما يشيلني. باوع للقنينه عليها وصلة مسح سحبها وكعد على حيله مسح الماي. شالها وراح للسنگ عصرها وصاح بوجع يباوع الايده واشوف الدم غطه جفه بلا وعي رحتله خايفة اريد الزم أيده سحبها مبتعد وغمض يحجي صوته يرجف
217
- حج حجاب رويــده حجاب البسي حجاب .
948
باوعت بوجهه ولعيونه المغمضهن بقوة ركضت للغرفة جريت حجابي اخذت شاش ومعقم وطلعت ما لكيته بالمطبخ فتحت الباب وطلعت للساحة ماكو رجعت اخذت تليفوني وكتبتله رسالة
- هذا شاش وتعقيم لا تلتهب أيدك
50
التفتت على فتحة باب الديوان اجه مدنك نظرة كعد على المصطبة المخلينها بصف السياج ومد ايده اخذهم من عندي خله تعقيم على الجرح وفتح الشاش يريد يلفه مايكدر
- نطيني ماجاي تگدر تلفه
بدون ما يحجي هز راسه لا احس داس ببطني كعدت بصفه وسحبت ايده ألفها عدل رفعت راسي اريد احجي لمحته مغمض وتفاحة ادم تصعد وتنزل اباوع الجلد ايده قشعر جسمه شديت الشاش وعفتها وكفت رأسًا فتح عينه مدنك وكف صوته راح يريد يحجي ما يگدر
- شكرًا تعبتج
906
حجاها ورجع للديوان يريد يفوت ورجع تقدم يمي كم خطوه وهو يگول
- ليش كاعده ؟ لا تخافين والله يطلع هاليومين
- الله كريم هسه راح انام .
60
هز راسه موافق وراح للديوان آخذت الأغراض وفتت للبيت صعدت اتطمن على شــام وماكدرت افوت للغرفة من سمعت بجيها وهي تحجي وياه بصوت مخنوك وتكله
- بس ارجع والله ما اسأل على شي بعد ولا اريد اعرف اي موضوع يخصك أرجع وكلشي ما اريد قابله بازعاجك المايخليني ادرس قابلة بصياحك ليخوفني قابلة تعصب بلا سبب وتبتعد بس ارجع بس ارجع والله اخاف بدونك اخاف .
464
اسمعها وكلبي احس بيه ينعصر عصر نزلت بدون ما احاجيها ماعندي كلام يواسيها تمددت يم البنات مغمضة عيني وفزيت على صوت رسالة فتحتها كاتب
- لا تنامين بعد عشر دقايق للصلاة صلي ونامي .
902
فتحتها وما جاوبت صليت ورجعت لفراشي احارب عقلي بلكي اكدر انام شوية وهيج غفوة وفزيت على صوت أفاطم
- هااا شكو
- ماكو شي بس سمعت باب المطبخ ندك خاف الولد يردون ريوك حتى يرحون الاخوج
64
كمت بسرعة طلعت فتحت باب المطبخ صار بوجهي حيــادر
- صباح الخير
- صباح النور
- چاي وليرحم امج خلي نروح نشوف المحامي
- صار .
التفت يروح ورجع يمي
- رويــده تطمني والله ما اعوفة وبحيل الله ما تطول السالفة هاليومين تنحل ان شاءالله
هزيت راسي موافقة رجعت للمطبخ جاي احضر ريوك ونزلت شــام يمي عيونها منفخة والصوت رايح ساعدتني هي وافاطم ، كملنه الريوك وديناه الهم تريكوا وراحوا ، ورجعنا كعدنا كل وحده صافنه بمكان
162
غــزل :: شكد اكول النفسي اني حماره بس اطلع حماره اكثر اخذت التليفون وطلعت من البيت للديوان شلت الحضر من إسلام واتصلت اول ما جاوب غلطت
- ليش مشتكي على اخوي شكد حقير
- غــزل ؟؟
- حقير انتَ مثل ايه ثنيكم حيات
- شبيج شدتحجين يابه فهميني
- ليش اشتكيت على هجــام واذا كسر خشمك قابل ما راح يطيب هاا؟
798
- منو مشتكي عليه سالمين ؟
- انتَ!
- لا والله شلون اشتكي وانا اريد ارجع اجي وين عقلي ، هسه اجي غــزل
سد التليفون بوجهي مسحت دموعي دقايق ورجع أتصل وهو يحجي بنتر
- غــزل اسف مو انا اهلي وبدون علمي وهسه راح اتنازل
- الله لا يوفقك ولا يوفق ايه الحيه مو عيب عليك تخلي ايه تهددني
176
- تهددج ؟؟ شبيج بابا شنو هالحجي
- ما تدري؟
- بشنو فهميني
- امدداني ، اني ما اريدك وايه هددتني اذا ما اقبل بيك تحجي الهجام شغله ، شوف عيب عليك تحب بنيه ما تحبك شنو انتَ جا لزكه ليش مجلبلي والله اني ما احبك شنوو عوفني .
365
حجيت ابجي وامسح بدموعي
- غــزل ما اعرف بهالحجي انا هي كالت غــزل تريدك بس تخاف وتستحي روح تقدملها لهذا السبب اجيت
- والعباس ولا اريدك
260
- ليش غــزل ممكن اعرف انا رايدج
- ما اريدك ما اريدك ، بس تنازل عوف هجــام
-هسه اتنازل
360
سديته بوجهه وأمسح بدموعي بلعت ريك بخوف ويا فتحة الباب لمحت أفاطم واكفه مكتفه ايديها
- كومي رويــده تدور عليج
اجت يمي كومتني وانطتني العكازه مشينا. وهي ساكته
118
شــام :: "يا روحـــي الاحج حزن يچوي واسود لا يفض ولا يبرد"
569
اريد احاجي رويــده وما اكدر صوتي مبحوح ومتغير وهي تفتر وتسوي اشياء دافيه اشربهم شوي وصعدت نزلت كتبي خلتهم كدامي باوعتله أضحك باستهزاء دغتني براسي مركزه بعيوني
- باجر عندج أمتحان ومخلصتها بجي زودتيها ترا مو اول مره هجــام يشتكون عليه ما تشوفيني ما مهتمه لان متعوده وادري يوم يومين ويطلع
43
- عوفيني رويــده عوفيني يا امتحان هذا
- كل ما اكول عليج قوية اتندم ، اني اخوي مسجون بمصحة وكل البيت ضدي ضرب واهانه ومذلة واني كتابي بأيدي رغم القلق والخوف والبجي والنوح ما عفت كتابي لان هو سلاحي هو اليوصلني
229
- تخرجتي استفاديتي شي ؟
- استفاد وقت اني اريد ، بس كلشي بوقته حلو ، ادرسي عفيه شــام لا تشلعين گـــلبي كافي
85
سكتت اباوعلها گـــلبي متگطع وهي كعدت يمي تأشرلي وتسأل بس تريدني اركز صعدت جابت الايباد طلعتلي محاضرات درست شوية ما اكدر اركز عقلي مو وياهن عقلي هنااك يمه شكاعد يسوي عصب صيح كاعد بين اربع حيطان نام نفس ما ينام هنا شوية وأتصل حيــادر على رويــده اخذت تليفونها وابتعدت
16
رويــده :: الو
- ها رويــده ، هذا الزفت متنازل بعد بس هاي القريقوز
يحجي بحركة واسمع صوت يُســر وراه يستغفر
516
- والحل حيــادر ؟
- ما ادري انسطرت بالله العظيم رويــده شبيج جبانه كتيلها كتله مرتبه وخلي تجي تتنازل
778
يُســر :: لا اله الا الله حيــادر يابه صدك جذب
492
حيــادر :: رويــده اذا صعد محكمه تصير طواله ، لان المحامي هسه ما يكدر يسوي شي .
4
- الحل حيــادر الحل شنو ؟
- اكتلي القريقوز
888
- حيــادر
- اكلج همه وين
- بالزيارة
- شوكت يجون ؟
- ما ادري
- خلي يجون سهله سهله اذا ما اطردهم وانعل والديهم بالعباس
241
يُســر :: أستغفر الله انا رايح للسيارة من تخلص تعال
- يله رويــده روحـــي جايين احنا
374
سديت التليفون منهم أيدي على گـــلبي واباوعلهن شــام لمت رجليها الصدرها ونزلن دموعها سكته التفتت على صوت هورن وعرفته سيارة ابوي ركض كعدت كدام شــام مسحت دموعها
- بعد ممنوع تبجين اشش .
37
سكتت تباوع بوجهي طلعت فتحت باب المطبخ شفتهم نزلوا الجهال يمشون بتعب وسجود مبتسمه بحقارة هي وزهراء وابوي بس شافني كال
- هاا اخذوه هذا المسودن
ابتسمت مكتفة أيديه
- سهله ويرجع ان شاءالله الصعب ورا رجعته
71
غماني وهو يصيح
- جبح هالوجه حتى ماتعرف تكول زيارة مقبولة
دخلوا للبيت صوتهم عالي يحجون بينهم ويتأمرون من اول ساعة خلافة يردون يذلونه ، سيارة يُســر جانت بباب الديوان لان راح ويا حيــادر ، كال ابوي
- يُســر شيسوي هنا
199
- هو وحيادر اجو علمود هجــام
سجود:: هههه عود سباع ويطلعونه
بعدني ما راده عليها وسمعت صوت سيارة ، ابوي فتح باب الصالة وطلعولهم هو وكرار رحت للمطبخ وكفت بالباب اباوعلهم نزلوا سلموا وابوي يكلهم
- ما عليكم بوية ياهو مالتكم انتم
71
حيــادر :: شلون ما علينا ؟ بلا زحمه ممكن تفسر ؟
94
- اي مالكم شغل خلوه يتأدب المسودن يكسر بخشوم الوادم
151
يُســر :: عمي واليرحم والديك صيح الزوجتك تجي ويانا تتنازل عيب ونكران معروف كاعده ببيته وتشتكي عليه
171
وطلعت سجود بصوتها العالي تغلط على يُســر وهو داير وجهه منها وفاتح عينه بصدمه كالتله
- هذا بيتنا وهو اخذاه بالغش يرجع اول تالي يرجع النا
220
حيــادر :: هسه عوفيلنا البيت على صفحة وامشي تنازلي
43
وانصدم بابوي يطردهم ثنينهم بسرعة رحتلهم مفرفحه واحجي بسرعة ارجف
- منو انتَ وتطردهم هم هأولى منكم بالبيت
ثانية هي ثانية الحجيت بيها وحسيت شعري والحجاب نجرن ونزلت ضربة بقوة على خدي من أيد كرار وبنفس الثانية شفت كرار بالگاع امدد وحيادر ويسر يضربونه وابوي مجلب بيهم هو وسجود جروه منهم يغلطون ويسبون صاح حيــادر بعصبيه بوجهه ابوي
896
- اطلع برررا خلك غريب انتَ ، انا الي الحق اطردك من بيت ابن خالي ويسر اله الحق يطردك من بيت ابن خالته ، هسه ارتاحيت الا نعاملك بنفس اسلوبك
693
صياح وغلط وسجود تفشر عليهم ويسر طكن عيونه يفتر ميت قهر ولاول مره اشوفه هيج يصيح بعصبية من كام كرار يريد يرجع يضربني سحله من ياخته ولزم فكه عاصره بقوة ينتر
120
- مد ايدك عليها وشوف شسوي بيك حيوان ، حيــادر خابر الشرطة
478
دفعه حيل رجع ليورا وابوي يحاجيهم وحيادر طلع تليفونه ورجع ليورا يحجي بالتليفون بصوت عالي وهو يكلهم
- اي خلك غريبين ويردون كوه يكعدن ببيتنا ، البيت الابن خالي وزوجته واخواته كاعدات بيه وهم مستفردين بيهن هسه انطيك العنوان اي
220
حسين :: عمي سده سده شني. احنا اهل بيت
697
وحيادر ما مهتم صاح يُســر بوجهه ابوي
- تتنازززل لو يجون يسحلونكم من البيت. ووتبهذلون ؟
وسجود ساكته صوتها ما طلع كالهم ابوي
- اي تتنازل تتنازل جا هي مثل امه ورادت تعلمه ما يمد ايده عليها
1.8K
حيــادر سد التليفون وأشرلي تعالي بعصبية رحت وكفت كدامه رفع ايده باوع لوجهي والخدي ودار الكرار خازره بغضب تقدم يُســر وكف يمنا مايباوعلي
حيــادر :: هسه أخذها واروح حتى تتنازل ، يُســر أبقى يم البنات ما يتأمنون هذول ، رويــده ديربالج على غــزل اقل ضربه على رجلها تنتهي
376
هزيت راسي موافقة ويسر سحب حيــادر من ايده مبتعد يحجي وياه بصوت ناصي شوية وصاح على سجود
- اصعدي يله
78
وهي وجها ما يكصه السيف صعدت هي وابوي ويا حيــادر طلعت سيارتهم من يمنا ويسر افتر يريد يدخل للديوان هستوني أريد اتحرك وادخل للبيت وكرار مد ايدة خانگني يسب ويفشر دفعته حيل اريد افك نفسي وسحله يُســر من عندي ضرب ظهره بالحايط وخنگه بقوة رافعه من الگاع ويحجي من بين اسنانه
- اكسرررررها ايدك اكسررررها
1.3K
يابه روحـــي انذبحت هذا اخوي هذا المفروض يوكفلي مو يمد ايده علي والناس تحميني منه دخلت للبيت الهواء خانگني التمينا بالغرفة ساكتين وكلبي يدك حيل همست شــام بصوتها المبحوح
- يعني راح يطلعونه ؟
- ان شاءالله
63
ساعتين ورجعوا طلعت أركض نزلوا سحود وابوي وحيادر بس هجام ماكو رحت الحيادر ويسر طلع من الديوان يسأل
حيــادر :: تنازلت بس ما قبلوا يطلعونه لان المدير ما مداوم كالوا باجر يطلع
يُســر :: خير ان شاءالله
- حيــادر شفته عفيه ؟
- لا والله ما شفته بس رويــده ،
34
رفع راسه بقهر يباوعلي گال
- رويــده واحد من الجنود من طلعنا سألني اذا هجــام بعقله شي ، ما ادري اليا مرحله واصل وخلاه الجندي هيج يحجي اريد تعرفين شي واحد احنا وياج انا ويسر اخوتج ونساعدج ترجعين هجــام مثل ما جان لا تشوفين روحج وحدج حايرة بيه
331
رجفت شفتي والدموع احس غوشن عيوني مقاومة ما أريد ابجي مسحت وجهي اهز براسي اي كال
- لو تكتلين القريقوز والله تبردين گـــلبي
1.8K
يُســر :: الله يهديك هاي وعود انتَ دكتور ودارس ولازم تتمتع باسلوب ارقى من هيج مو تشجع عليه
573
حيــادر :: يُســر كل فئة إستخدم وياهم الأسلوب اليناسبهم الانسان الزين أعامله احسن معامله الهمجي يلكاني همجي اكثر منه االشيطان يلكاني بليس اخذ الكل على شاكلته .
506
سكت يُســر ما قابل على حيــادر الصاير أعصاب
- ادخلوا للديوان ارتاحوا صلوا
21
عفتهم وفتت للمطبخ اجت سجود بحركة تريد تضربني لزمت أيدها لاويتها حيل
- الاسكتلج علموده مو بالبيت لا تحاولين اكسر ايدج ترا
دفعتها بحركة رجعت عليه تغلط وتمد أيدها تريد تضربني
- ام الولد من البارحه يمجن هااا من البارحه
192
- اي ونمنا فراش واحد شتردين هسه ؟
857
صاحت بصوت عالي
- تعال حسين تعااال شوف بتك الشريفة
اجه ابوي اعكاله بايده وعصبي يغلط عليها وعليَ كالتله
- شوف بناتك وبنت اخوك يتگلبن بين حيــادر ويسر الليل كله
342
باوعلي خازرني
- اذا تشوفنا ساقطات وما متربايات اقلها ثق بتربيتهم هم وأعرف زين ما يغدرون هجــام ويباوعون الاخواته ، مرتك البلا شرف مرتك التعلب لعب من وراك
255
شهكت فاتحه حلكها وتلطم وتصيح وهو مد ايده دافعني على الكاونتر ساد حلكي ويضرب رجلي بالعكال دفعته حيل احس رجلي نااااار نار مشتعلات
36
- ربي اختبر صبري بأب مثلك بس شي واحد اگوله شي واحد أستحي واخجل اكول عنك اب وحرامات انتَ أب حررامات
70
رجع علي ينتر ويضرب بجف أيده وأرجع أدفعه وخر يغلط ويسب يفشر على امي
- هي امجن غلطط قابل انتن تصيرن صح
- اااي والله كلش غلط كلش بس تدري ليش ؟ لان عرفت واحد مثلك وبنتك من الصفر بين الزلم ما جان الك وجود هي السوتك هي الخلتلك قيمه وشخصية والا انتَ لاا شي قبلها لا شي
187
حجيت كل البگلبي وهو لهنا وفقد احس روحـــي امدده بالگاع والدم مغطيني صوت البنات شــام وغزل يمي يصرخن وصوت أفاطم تعارك فتحت عيني مغوشة لمحتها ملخت ابوي شككت دشداشته عليه وتملخ بيه وهو يضرب وكرار يضرب
974
احس غركت بدمي راسي حسيته مفتوح وعيوني يصير عليهن ضباب وما اكدر أشوف لمحت شــام طلعت تركض وغمضت عيني اخذني الظلام ونهزم جسمي نحضن وصوت يرجف
احس بروحي نرفعت من الگاع فتحت بثگل اباوع لروحي بحضن يُســر اريد احجي الساني ثگيل كوه كدرت اهمس وطلعت مني
724
- البنات يضربونهن
- يمهن حيــادر يمهن اششش يا روحـــي اششش
2.8K
غمضت احس بروحي جاي تطلع نزلن دموعي ساكته والله حسيت روحـــي جاي تنسحب مني ونحضن وجهي بين ايدين وصوت شــام تبجي وتحلفني
- رويــده رويــده يمه فتحي فتحي فدوه فتحي
130
اسمع بس تصير وشه باذني وعيوني ثگلن اريد ارفع جفني ما اكدر صوت يُســر وهو يصيح
- اضغطي على الجرررح خوية دمهااا خلص
وشام تبجي وتضغط راسي حيل شهكت اريد اتنفس ماكو هواء ماكو راح اموت روحـــي روحـــي جاي تطلع فتحت عيني واجر نفس بشهكه
87
شــام :: حضنتها الكلبي اصيح فرفحت يا علي فرفحت ما ادري شسوي وهي بأيدي احسها جاي تموووت. لزمتني من ايدي تشهك وفاتحه عينها على وسعها ما تكدر تتنفس تحرك حلكها تريد تحجي وصوتها ما يطلع. كوووه همست وهي لازمه بأيدي
- هجــام
86
بجيت أصيح على يُســر
- بسرررعة بسرررعة
فقدت وعيها بقيت الطم نزل يُســر اخذها من ايدي ودخل للمستشفى يركض أخذوها منه دخلت وراه حافي وبس بالدشداشه طاح على ارگبه وسجد بالگاع كعدت بالزاويه لامه رجليه الصدري وهو يريد يوكف على حيله ما يكدر وهم يصيحون عليه يردون يفهمون شصاير راحلهم واني بقيت بمكاني احس حتى الدمع نشف بعيني
اليفوت من يمي يحاجيني واني فاصلة ما اريد اسمعهم وفزيت على صوت يُســر
- خووووية
259
وكفت فازة كال
- تعالي يمها .
4
رحت وراه باوع الرجلي أستغفر يمسح بوجهه واني وراه دخلت للغرفة راسها ملفوف معلكيلها مغذي ونايمه تقربت يمها ابجي
- رويــده يا روحـــي
68
احاجيها مفرفحه روحـــي ويسر طلع نص ساعة ورجع بأيده علاكه خلاهن على الجرباية وراح وكف بالباب ويحجي
- البسي خوية
222
فتحت العلاكه واني امسح بوجهي طلعت منها عباية وجواريب وشحاطة رفعت راسي اله منطيني ظهره بباب الغرفة واكف
لبستهم بسرعة
- شكرًا خوية
486
دخل ساكت كعد مقابيلها مدنك للگاع شوية ورفع راسه باوع لوجها وبقى بنفس النظرة يباوعلها ويرمش بثگل الحد ما دك تليفونه جاوب مختنك
10
- ها حيــادر ، الحمدلله والشكر ، عشر خياطات براسها عشرررة يا ظالمين النفس ، لا والله مو بس شك ، فطر بالجمجمة صاير عدها
، يصير خير يصير خير ،نطينياها ، ها غزولة لا يضل بالج زينه يجوز بالليل لو باجر يطلعونها
1.1K
سد التليفون متحسر وطلع من الغرفة ساعتين يله رجع وهي ولا صحت وكل شوية يجي دكتور يشوفها صار الليل وثنينا نباوع لوجها شوية وكال
14
- خوية انا اصلي واجي ديربالج
هزيت راسي ساكته راح وراها بشوية سمعتها تون بوجع تقربت احاجيها وهي بس تهمس بصوت كوه ينسمع
- ااااخ يمه
- رويــده
- هجاام
- رويــده فتحي عينج فدوه فتحي رويــده
48
فتحت عيونها منتفخات وحمرررر باوعتلي وهمست كوه شفايفها يابسات
- هجــام هجــام لا تگولوله
- رويــده باوعيلي والله گـــلبي راح يوكف
105
اجه الدكتور وخرت وهو حاجاها وخلالها إبره بالمغذي سولف وياها ردت عليه وتجاوب على اسئلته كالها
- هاي اختج جا ماتت من الخوف عليج يله بابا سلامتج ماتشوفين شر
- شكرًا دكتور
305
طلع وهي التفتت تباوعلي بوجع فتحت ايدها تقربت دموعي على خدي لزمت أيدها
- البنات منو بقى يمهن ؟
- حيــادر لا تخافين
- خيطو راسي ؟
- اي
- زينوا مكان الجرح حتى يخيطونه ؟
رفعت اكتافي ما ادري وبس دموعي تنزل تحسرت بوجع وهي تگول
438
- لا تبجين ما بيه شي
التفتنا ثنينا على صوت يُســر واكف بالباب وهو يگول
- يا الله
حجاها ودخل باوع لرويده لام شفته الداخل حلكه بقهر ومن لمحني اباوعلهم دنك وتقرب كالها
- الحمدلله على سلامتج
- الله يسلمك
- شلون تحسين نفسج
- زينه ، يُســر شوف شوكت يطلعوني اريد اروح خاف يطلع هجــام وما يلگاني
40
- وين ترحين باجر يطلعونه
- لااا روح حاجي الدكتور اريد اطلع هجــام اذا اجه وما لكاني يتخبل واني ما ادري شنو وضعه وشصاير وياه اخاف
36
سكت محتار حاجه الدكاتره وما قبلوا يطلعونه بس هو كالوله ما يصير تبقى هنا هسه طلع كال بالممر أبقى شوية واجه الدكتور وجلبت رويــده
- دكتور اريد اطلع
6
- ليش مستعجله بابا غير تبقين الباجر الصبح تطلعين
- دكتور اهلي يجون من الحج الصبح واذا ما لكوني تنكسر فرحتهم عفيه اكتبلنا خروج
684
- بس اذا حسيتي روحج مو تمام رأسًا تجين انطيج كارت العيادة اذا ما تردين للمستشفى تعاليلي للعيادة
- ان شاءالله
106
طلعت صحت اليسر ساعدتها وكفت وجلبت بيه دايخه وهو داير وجهه ويحجي
- هسه ليش ما تبقين الباجر ؟
وهي ساكته بس مغمضه ومستنده علي الحد ما راحت الدوخه منها وسيطرت كالتله
- مابيه شي
14
التفت باوعلها ودنك
- ابقي اروح اجيب عباية واجي
- وين تلكه عبايه الساعة ب١٢ ؟
وكف محتار دنك وحجه بتردد
45
- خوية خلي عبايتج عليها انتي صغيرة اطلعي للسيارة ركض
باوعتله ساكته ورويده ما قابله شلت العباية خليتها على راسها وكتله
- عادي ملابسي عريضات
سكت ورويده مجلبه بأيدي كوه تمشي وهو كدامنا يمشي ويتلفت بدون مايرفع عيونه التفت وشافها حافي كلت راح يكلي انزعي شحاطتج انطيها الها بس سكت وتقرب يمنه مد أيده يسد العبايه من يم رجليها ولزم أيدها يمشيها الحد ما وصلنا للسيارة ورجعنا للبيت تلكنا أفاطم وغزل وحيادر اباوع الافاطم شك شكده بحاجبها وغزل عيونه مقفولات كد ما مورمات من البجي نزلنا رويــده وحيادر يحاجيها وكفت وكالتلهم
1K
- ما اريد هجــام يعرف
حيــادر :: صدك تحجين اكله واخلي يطردهم شهالعبان نفس ينحسبون على البشر هذول
- حيــادر انا الاعرف اخوي شنو راح يكتله موت ما يطردهم
144
سكتوا ثنينهم محتاربن اخذناها ودخلنا للغرفة ذبيت العباية ورحت للمطبخ اسويلها شوربة واجت أفاطم كالت
26
- رويــده تصيحلج
رحتلها غــزل نايمه بحضنها وهي تمسد على شعرها كالت
- شــام ولو اتعبج بس مجبورة عفيه عيب من الولد ماتوا من الجوع
- هسه اسويلهم عشا
أفاطم:: اني وياج
187
واجت وياي حضرنا العشا أخذته الهم وافاطم راحت توكل رويــده
كملنا كلشي ورجعنا ملتمين عليها كلنا متمددين داير ما دايرها وهي كاعده على الفراش سانده ظهرها على الحايط وماده رجليها الحد ما غفيت وفزيت على أيدها
18
- شــام اكعدي صلي وبدلي حتى ترحين للمدرسه
35
كعدت على حيلي اهز براسي لا
- ما اروح
- نجبي وكومي ، اني ما بيه شي والولد يتريكون ويرحون يجيبون هجــام بعد شكو عايفه امتحانج كومي
21
سكتت محتارة كمت صليت وكعدت يمها أراجع كتلها
- ليش ما نمتي
- اذا هجــام سأل شبيج واكله طحت من الدرج يصدك ؟
- والله ما ادري
- المشكلة هجــام ما يعبر عليه شي
96
- احجيله الحقيقه
- حتى يذبح ابوي وينسجن مؤبد اذا مو اعدام ؟
- لااا يمه اسم الله
116
رويــده :: سكتت متحسرة وشام تقرأ بس تردد كلمات وبالها ولا يم الامتحان كمت كوه على روحـــي جسمي يرجف وكل شوية احس الگاع تفتر بيه سويت چاي احضر ريوك الولد طلعت سجود باوعتلي مكتفه ايديها كالت
- حسبالي تموتين واخلص منج
218
- ما تخلصين لان راح تموتين وراي بنفس اليوم ، شنو تتوقعين هجــام يعوف واحد بيكم عايش ؟ دبة نفط وعود شخاط ويحرگكم كلكم حتى منسه التكسر گلبه لا تتوقعين احد يوكف بوجهه !
267
حجيت وابتسمت رغم رجفة ملامحي بقت تدعي وتغلط عفتها واجت أفاطم يمي تساعدني ومن سجود تأمر عليها تضحك التفتت على صوت ابوي وهو يسبني ويسب أفاطم شفته وجهه مزلغ وايديه مزلغات طلع. من المطبخ التفتت على افاطم احاجيها همس
- هاي انتِ هيج مسوية ؟
208
- اي كتلته كطعته تگطع بس الچلاب كتلوني هو وهذا الخرطي ابنه وحماني حيــادر
1.1K
- خوما تأذيتي؟
- لا عادي ضربات الجسد مو مهمه البالروح يوجعن اكثر
179
تحجي وتگلي ما تلتفت كملت الصينية
- عوفيها بس خلي أتأكد منهم كاعدين واجيج
عفتها وطلعت اتجه على الحايط الحد ما وصلت للديوان دكيت الباب وراساً انفتح صار بوجهي حيــادر
- شلون صرتي
- الحمدلله ، كاعدين اجيبلكم ريوك
- يابه عوفي الريوك جعل اكلنه سم بس اكعدي بمكانج لا تتخربطين
668
- لا تحجي هيج حيــادر شبيك خوية
- اسكتي رويــده گـــلبي صار هاكده لعد ثنينا هنا وتنضربين هالضرب حرامات ننعد زلم
474
- ما بيكم غلط وما الكم ذنب هم الغلط ، اجيب الريوك واجي
13
رجعت للبيت افاطم جابتلهم الصينية وكعدت اني اصبلهم چاي تريكوا وحيادر راح يجيب هجــام ويسر بقى يمنا شــام راحت المدرسة اخذت الصينية أفاطم طلعت وكمت وراها بأيدي قوري الجاي
10
- رويــده
التفتت اباوعله يلم بالفراش
- اخذتي علاج ؟
- هسه اخذه
- ممكن تنتبهين النفسج ؟
356
سكتت اباوعله يحجي ويسفط بالبطانيه خلاهن على صفحة ووكف متحسر تقرب وهو منزل عينه وكف ببعد مسافة ورفع عيونه باوعلي ورجع بسرعة نزل عيونه گال وصوته متوتر
- اخذت بشي من عندج بريني الذمه !
765
عكدت حاجبي مافاهمه غيو لو يرفع عينه
- شنو ما فهمت ؟
باوعلي وطول بنظرتة بدون ما ينزل عيونه ينتقل بين عيوني من عين العين كال
- بدون ما تعرفين
- شلون ابريك الذمه واني ما اعرف شنو ماخذ من عندي
75
دنك فرك وجهه وحجه بتوتر مايدري شلون يوضحلي
- شي نوخذ منج بدون ارادتج بس جان لازم ينوخذ أستغفر الله شجاي احجي لااا ما عليج مو هيج قصدي لا رويــده أستغفر الله
1.6K
بلعت ريك اباوعله. توترت كد ما هو متوتر رجع يحاول يهدي نفسه رافع ايديه ويشرح
- شي راد ينشمر وانا اخذته
- ما فهمت ؟
- لا تفهمين رويــده لا تفهمين بس ابريني الذمه
- مبري الذمه
1.3K
زفر نفس براحه باوعلي نظرة سريعه ودار وجهه وهو يهمس
- رحم الله والديج
131
عفته ورجعت للبيت تريكنا اني والبنات سوا وسجود تمشي من يم باب الغرفة وتدعي علينا واحنا مغلسين منتظرة اللحظة اليجي بيها هجــام شوكت شوكت
38
شــام :: بالكوه جاوبت هيج اجوبة عاديه توصلني لل٥٠ وطلعت كعدت بالساحة أيدي على خدي اجت بنيه يمي كعدت باوعتلي مبتسمه سكتت مارديت الابتسامه من فقدت رشا بعد ما ردت أصاحب كالت
189
- شــام زهراء بنت عمج ؟
هزيت راسي اي كالت
- تدرين وين هسه هيه
- بالصف غير
- لاا تشوفين هذنيج الغرف
264
أشرت على مكان ورا المدرسه صاير بس ضمن سياج المدرسة كالت
- ويا الحارس هناك
2K
فتحت عيني على وسعها مكزبر جلدي وكفت بسرعة والبنيه وكفت بخوف وهي تكول
- والله كتلج لان سمعتهن يحجن عليج وما قبلت انتي مو مثلها هي ادبسز حيوانه وهذا ثاني حارس تصاحبه
373
- اسكتي اسكتي لا تحجيلي شي ما اريد اعرف شي
63
عفتها وابتعدت جسمي يرجف بس اريد توصل نهاية الدوام واطلع شوكت اوصل واشوف هجــام وأرجع افكر خاف اروح والكاه ماكو خاف انصدم كوه كملت لنهاية الدوام اخذت كتبي وطلعت مدنكه وكوه امشي مضيكه عيوني من الشمس ورافعه ايدي اصد بيها حتى اشوف عدل والكه الخط مالتنا تمشيت بين السيارات ادور
15
صيحت فازه واني اشوف هجــام كدامي ساند ظهره على السيارة رجفت ابجي ورجلي ماشايلاتني لكيت روحـــي اركض مفرفحه ما هامني احد ما ببالي اي شخص غيره أركض وابجي اريد بس اوصل الحضنه بس يلمني بين ايديه شهكت اشمر نفسي بحضنه لماني بين ايديه حيل يضمني الصدره بقوة
- هجااام
1.8K
- يا كل عمره
5.1K
يتبع 🦋
