رواية احببت طريدتي ج2 ( ترويض الفهد ) الفصل الخامس عشر 15 بقلم اسماء المصري

لولا الحب ، ما تذوق الانسان سعادة الوجود .

ولا انتشى بخمرة الحياة .

ميخائيل نعيمة .

~~~~~~~~~~~~~~~~~~~~

و كأن العالم تبدل بآخر من حولهما ، فالعاشقان عاصرا كل ما افتقداه بزخات الحب الاول ، لقاءات مسروقه و خاطفه عن اعين الجميع و معها اوقات حميمية يُسرق الوقت معها و يضاف لكتاب العمر .

مكالمات بمنتصف الليل كالمراهقين ليخبر كل منهما الآخر وطأه الابتعاد ماذا تفعل به ؟ و اخيرا عاشا كل ما تمنيا أن يعيشاه بحياتهما السابقه من مشاعر و احاسيس .

هاتفها كعادته بالمساء ليستمع لصوتها حتى يكون آخر ما يسمعه قبل أن ينام فتساعده احلامه على نبذ شعور الفراق ، اجابت بصوت هامس :

_ حبيبى ، فارس !

رد عليها و بسمته قد اتسعت لاذنه :

_ عيونه .

ضحكت بخفه و همست بحب :

_ وحشتنى اوى ، انت مشغول عنى بقالك يومين ف ايه ؟

زفر بتعب و رد :

_ الشغل يا حبيبتى عشان بحاول اخلص اكبر قدر ممكن قبل ما امشي كارما .

تضايقت من سيرتها و سألته :

_ و ناوي تمشيها امتى ؟ الحكايه طولت كده .

رد بحيره :

_ مش لما الاقى البديل ، الشغل مينفعش يمشى من غيركم انتم اﻻتنين يا ياسمين .

شعرت بالغرور من مدحه بعملها فهمت تعرض عليه المساعده :

_ لو عايزنى انزل الشغل انا معنديش مانع .

سألها بمغذى :

_ و لما اهلك يعرفو انك رجعتى تشتغلى معايا هيبقا ايه الوضع معاهم ؟

تفقهت لما نطقت به و ما شجعه على فتح نفس الموضوع و اضاف بضيق :

_ انا خلصت تجهيز الجناح ، و عدتك المفروض فاضل عليها شهر فانتى بقا ناويه على امتى عشان آجى اكلم اهلك ؟

ابتلعت لعابها بتردد فاستمع لصوت اذدراءها للعابها ففهم توترها و قال يطمأنها :

_ سبينى و انا هتصرف معاهم بطريقه كويسه ، متقلقيش .

لم تعقب فردت شيرين التى كانت تتابع حوارهما من اسفل غطاء الفراش :

_ اسفه لو هتدخل ، بس انا شايفه افضل حل تقولى انك حامل و ده ...

1

قاطعتها بضيق :

_ بس انا مش حامل ، و لو الحمل اتأخر بعد كده هقولهم ايه ؟ انا مش حابه اكذب يعنى كل الحكايه اننا نخبى حاجات مش نكذب .

زفر اﻻخر بحنق و هتف بتأكيد :

_ خلاص يا ياسمين انا فاض بيا ومش هستنى كتير عشان يكون فى علمك بس .

1

~~~~~~~~~~~~~~~~~~~~~~~

وصلت مكتبها باكرا كعادتها و بدأت بتجميع اﻻوراق الخاصه بالصفقات و انتظرت وصوله على احر من الجمر فمنذ عودته من غيابه المؤقت و معرفتها بخبر طلاقه ممن عشقها عاد لها اﻻمل باسترجاعه فعادت محاولاتها المستميته لاستمالته ولكن دون جدوى .

دلف بخطا ثابته و القى التحيه عليها و على دهب و دلف مكتبه فقامت كارما بتجهيز قهوته و دلفت بدلال هاتفه بمرح :

_ عارفه ان قهوتى مش بتعجبك ، بس انا بحاول على قد ما قدر .

اخذها منها و رد :

_ تسلم ايدك .

نظرت له بعشق و اشتياق و هتفت دون خجل :

_ وحشتنى اوى ، ليه مش عايزنا نرجع زى ما كنا ، هو انت لسه بتحبها ؟

رمقها بنظرات حارقه و قال بحده :

_ روحى شوفى شغلك يا كارما انا مش فايقلك .

هتفت بغزل :

_ بيبقا شكلك حلو اوى و انت متنرفز ، معقول فارس باشا الفهد اللى كل البنات و الستات تتمنى بس يشاور لها يبقا مهموم كده عشان واحده ! و يا ريتها تستاهلك .

انحنت بالقرب من عنقه و قصدت ان تتنفس بسخونه حتى تضرب انفاسها بشرته و قالت بصوت مؤجج بالنشوة :

_ انا اهو ملكك و تحت امرك ، و مستنيه اشاره من صباعك .

كم ود ان يقتلها اﻻن بعد ان علم انها السببب الرئيسى لتخريب حياته و لكنه يعلم استحاله أن تعمل بمفردها لذا آثر الهدوء و تصنع تقبل ما تفعله و رفض معللا :

_ انا محتاج وقت بس يا كارما لحد ما اقدر ارجع لحياتى القديمه ، على العلم انى زى ما قولتلك بطلت الحرام .

اومأت بصمت و هو يستطرد :

_ فاصبرى و بلاش استعجال بدل ما تخسرينى انتى عرفانى مش بحب الزن .

دلف مازن فوجدها مقتربه منه بشكل كبير فتنحنح بحرج هاتفا :

_ سورى يا بوص .

شعر باﻻرتياح لمجيئه فابتسم له ناداه :

_ تعالى يا مازن انا عايزك ضرورى .

التفت ينظر لها و امرها بقوته المعهوده :

_ روحى انتى على شغلك .

لم تتركه يعيد كلمته مرتين فهرعت للخارج فالتفت مازن رافعا حاجبه بضيق و متسائلا :

_ انت ناوى معاها على ايه ؟ انا عارفك متسكتش كده اﻻ لو بتخطط لحاجه كبيره اوى .

ابتسم بخبث فاستطرد اﻻول مؤكدا :

_ يا ربى على دى بصه ، و الله انا بخاف منك اوقات كتيره جدا بس قولى عرفت مين بيساعدها ؟

فارس بتعقل :

_ لا .

هتف مازن بحيره :

_ مش عارف بس حاسس ان كارما هى اللى عملت الليله دى لوحدها .

اجاب مؤكدا :

_ مستحيل كارما تعمل كل ده لوحدها و الاكيد ان وراها ناس تقيله و لازم اعرفهم الاول لانها اضعف من انها تعمل ده لوحدها .

سأل مازن بحيره :

_ و محفوظ المحامى اللى عمل لها العقد ؟

اجابه موضحا :

_ منا بقولك وراها ناس ، محفوظ يمكن يكون معاها و يمكن يكون اللى معاها هو اللى زور كل حاجه و اللى يعرف يزور امضتى لدرجه ان ياسمين اللى حافظه امضتى صم تكون متأكده منها يعرف بسهوله يزور ورق المحامى .

تنهد مازن و هتف متسائلا :

_ و ياسمين ؟ قررت ايه فى موضوعكم ؟

ابتسمت عيناه قبل شفتيه من مجرد ذكرها و رد بحبور :

_ انا رايح انهارده لاهلها ، ايه رأيك تيجى معايا ؟

رفض بلباقه معللا :

_ بلاش انا عشان لو اهلها رفضو متاخدتش انا فى الرجلين و موضوعى مع نرمين يبوظ .

رمقه بنظره ماكره و سأله :

_ و انتو عاملين ايه مع بعض ؟

رد بضيق :

_ لا النسخه دى لسه و الله مش عارف احل طلاسم الكتالوج بتاعها ، دى ياسمين كانت سهله بالرغم من العذاب اللى شفتوه سوا الا نرمين ليڤيل عالى اوى اوى .

ضحك ساخرا منه و رد بتنمر :

_ احسن خليها تربيك ، اصلك ناقص ربايه .

غمز له مازن و رد مازحا :

_ منا تربيتك يا بوص .

ضحكا سويا على خفه ظله و معافرته لينال و لو بسمه مقتضبه منها .

~~~~~~~~~~~~~~~~~~~~~~~~

تناولوا العشاء بجو اسرى و حميمى و تحركت هدى لجمع الصحون و اﻻوانى الخزفيه لتجليهم فعرضت ياسمين عليها المساعده و تحركت صوب المطبخ فنظر جدها فى اثرها هاتفا بحزن على حالها :

_ اتيتمت بدرى و اتظلمت فى جوازتها و هى لسه صغيره و بقت مطلقه .

رد محمود بحزن مماثل يتذكر زوجه اخيه الراحل :

_ نفس حظ امها الله يرحمها يا بابا و لا نسيت ، الجمال اللى كانت محسوده عليه و فى اﻻخر ماتت فى عز شبابها .

خرجت هدى بعد ان استمعت لحديثه فصرخت بغضب :

_ انت لسه بتجيب فى سيرتها قدامى يا محمود ؟

قبل ان يتفاقم الوضع وقف الجد منتصبا رغم وهنه و كبر سنه و هتف بصوت حاسم :

_ بااااس ... مش هنبدأ الموال اياه من تانى ، الله يرحم موتانا جميعا .

لم يخرسها سوى صوت قرع جرس الباب فاتجه ياسين لفتحه ليتفاجئ بفارس الذى وقف امامه بشموخ مبتسما بسمه منمقه و تكلم بهدوء وثير :

_ ازيك يا ياسين ؟

ابتلع اﻻخر لعابه مجيبا بتوتر :

_ اهلا يا باشا .

اقترب محمود من الباب هاتفا بفضول :

_ مين يا ياسين ؟

لم يعقب نجله فقد رآه و انتهى فتجهم وجهه و تسائل بحده :

_ فارس بيه ! جاى ليه ؟

اجاب بقوه و ثبات :

_ مش هتقولى اتفضل ؟

زفر بضيق و لكن اكرام الضيف عند مجتمعاتنا المسلمه واجبه فاشار له بالتفضل و اتبعه فوجد جمع العائله بالصاله ما عدا معشوقته فردد بصوت عالٍ حتى تسمعه :

_ السلام عليكم يا جماعه .

1

فى الحال سمعوا دوى لكسر احد اﻻوانى الخزفيه فهرعت التوأمتان للمطبخ و جلس هو باريحيه رامقا الجميع بنظرات ثابته ، رحب به السيد بحيره :

_ اهلا يا بنى ، خير ؟

رد بهدوء :

_ كل خير ان شاء الله .

اقتربت منه هدى ببسمه سمجه و سألته :

_ تشرب قهوه يا باشا .

اومأ صامتا دون تعقيب و التفت ناظرا لياسين و سألع بصوت قوى :

_ انت مش راضى ترجع الشغل ليه يا ياسين ؟ ساجد بلغنى انه قالك اكتر من مره و انت رفضت !

اجابه فورا و دون تفكير :

_ عشان مليش وش ارجع و انا قدام زمايلى مختلس .

زم فمه بامتعاض و وضح بهدوء :

_ المحضر بتاعك اتحفظ و ...

قاطعه ياسين بغضب :

_ اتحفظ لكن مظهرتش برائتى .

عارضه هاتفا :

_ رجوعك فى حد ذاته دليل براءه .

رد رافضا :

_ لا طبعا ، لان كل زمايلى عارفين ان ساجد يبقا خطيب اختى و الكل مفكر انكم اتنازلتو عن المحضر عشان النسب اللى بينا و انا ....

قاطعه برفع كفه لاعلى ليصمت و نظر له بعيون حاده و مخيفه بعض الشيئ و رد بحزم :

_ مفيش حد هيفكر حاجه يا ياسين لان معظم المقربين عارفين القصه الحقيقيه ، فبلاش عِند و ارجع شغلك .

حاول اﻻعتراض او الرفض فاضاف فارس :

_ و مش هسمحلك تعترض او تتناقش معايا فى الموضوع ده .

تدخل والده هاتفا بغل :

_ و جناب سيادتك جاى انهارده مخصوص عشان ترجع ياسين لشغله ؟

اومأ رافضا و رد بقوه و وقار :

_ لا ، جاى عشان ارد مراتى لعصمتى .

~~~~~~~~~~~~~~~~~~~~

تلبكت حتى كادت ان تحرق يديها و هى تحضر قهوته و ابنتي عمها تقفان بجوارها تؤازرانها و لكن دخول هدى بشكل مفاجئ جعلهن تشهقن بفزع و هى تهمس بحنق :

_ قال جاى ارد مراتى قال ! ده بنى ادم فظيع.

تصنعت نرمين البله و سألت والدتها بحيره :

_ ايه اللى بيحصل بره ؟ معقول جاى عشان يرجع ياسين لشغله ؟

اخبرتها و هى تأخذ القهوه من يد ياسمين المرتعشه :

_ جاى يرد ياسمين ، و ربنا يستر من ابوكى و اللى هيعمله .

اقتربن منهم كثيرا حتى يستمعن للحديث الدائر و لكن الصمت كان سيد الموقف بعد ان القى فارس بقنبلته و انتظر جوابهم .

خرجت هدى حامله القهوه المعده بيد حبيبته و انحنت تقدمها له فاشتم رائحتها فعلم انها من اعدتها فاتسعت بسمته و نظر للجد متسائلا بحيره :

_ ها يا حاج ! ردك ايه على اللى قولته ؟

رد السيد بوجوم :

_ بتتكلم و كأنك جاى تاخد رأينا ، و انت ناويها من اﻻساس لما اصريت ان الطلاق يبقا رجعى .

تضايق من تلميحه الخفى بعدم التزامه بكلمته فرد مدافعا عن نفسه و لكن بقوه و وقار كما تعود دائما :

_ انا مكنتش ناوى و لا فى حد بيكون مبيت نيه الرجوع و هو بيطلق و اﻻ كان مين اجبرنى على الطلاق !

صرخ به محمود غاضبا :

_ اتسليت بيها شويه و لما زهقت طلقتها و دلوقتى جاى تردها و كأنها لعبه و لا تسليه ..

قاطعه فارس بحده و عيون جاحظه :

_ انا لا كنت بتسلى و لا رميتها و طلاقنا كان بطلب منها و انا نفذت لها اللى هى كانت عايزاه .

هدر به محمود بكره :

_ و خلصنا من النسب اللى بالقهر و الغصب ، عايز مننا ايه تانى ؟

سحب اكبر قدر من الهواء داخل رئتيه و طرده خارجا محاولا كتم انفعالاته و انحنى امامه ممسكا بفنجان القهوه و ارتشف رشفه صغيره اعادته للجنه من طعمها العذب على لسانه فتلذذ بها و اكمل ارتشافه لفنجانه و عاد لوضعه على الطاوله الصغيره التى امامه ، كل هذا و هم يتابعوه عن كثب و يتعجبون ايضا من بروده و هدوءه الغريب .

استند بظهره على ظهر المقعد واضعا قدم فوق اﻻخرى و وضح بغرور ليس له مثيل :

_ انا كنت اقدر اردها من غير ما اضطر اجى لحد هنا او حتى اتكلم معاكم ، بس انا عايزها بالرضا لانى بحبها و اظن انتو عارفين ده ..

قاطعه محمود بغل :

_ حب ايه ده يا اخى ؟ مفيش واحد بيحب واحده بيعمل عمايلك دى .

ابتسم من زاويه فمه و رد بجمود :

_ ما هو انا مش اى حد ، و انتو لا قابلتو و لا هتقابلو زيى تانى فى حياتكم ، فاﻻحسن لينا كلنا انكم تتعاملو معايا غير ما بتعاملو مع كل البشر اللى تعرفوهم .

6

غروروه حقا يجعل الحجر يتحدث و يعترض عليه و ينصحه بالتريث و ربما التواضع قليلا و لكن مثل هذا النموذج من البشر لا يمكن ابدا التكهن بما هو قادر على فعله وقت فرحه او غضبه .

رمقه محمود بنظرات حارقه و كارهه و رفض باصرار :

_ بنتى ربنا رحمها من ظلمك و حرمانك ليها من ابسط حقوقها ، و تفتكر احنا ممكن نقبل ترجعلك تانى ؟ ده بُعدك .

زفر فارس بضيق و اضاف اﻻخر باهانه :

_ ده انت حتى المؤخر استخسرته فيها و كتبت شيك مزور .

اندهش فارس من حديثه و ياسمين تتابعهم بترقب من خلف الباب فهتف بحده و فضول :

_ شيك ايه اللى مزور ؟

اجابه بغل :

_ بتاع المؤخر ، اترفض من البنك عشان التوقيع مش مطابق .

رفض بتعابيره قبل صوته و رد بغضب :

_ الكلام ده مش صحيح .

لم يتنظر ثوانٍ و كان صوته يصدح باسمها هاتفا بضيق :

_ ياسمين ، تعالى هنا .

دلفت برهبه و تردد و نظرت له فهتف متسائلا :

_ شيك ايه اللى اترفض ؟ فهمينى .

ابتلعت لعابها فهى قد نسيت ان تخبره بامره حتى لا يتضايق بعد ان اعرب ساجد عن رفضه للامر و وبخهن لتشويه صوره ابن عمه امام عائلتها بهذا الشكل .

صاح بها بحده اجفلتها :

_ انطقى ، شيك ايه اللى مزور ؟

ردت برهبه و غصه علقت بحلقها :

_ انا روحت البنك و كانت اﻻمضا مش مظبوطه و فا....

قاطعها بشراسه :

_ هاتى الشيك ده وريهولى .

سعلت لتزيل احتقان صوتها و قالت بخفوت :

_ انا قطعته و اصلا انا مش عايزه حاجه .

صر على اسنانه و هتف بغضب :

_ الفلوس هتكون فى حسابك بكره الصبح هى و الفلوس التانيه اللى حولتيها لحسابى .

نظر الجد لابنه مندهشا مما تفوه به و سأل محمود ابنته الروحيه بحيره :

_ فلوس ايه اللى بيتكلم عنها يا ياسمين ؟

اجابت بتلعثم واضح و تردد فى نبره صوتها :

_ اصل فارس كان فاتح ليا حساب و حاطط لى فيه مبلغ كده و انا حولته ليه تانى بعد الطلاق .

نظر لها بضيق و هتف متسائلا بمغذى :

_ كان فيه كام الحساب ده يا ياسمين ؟ قولى لاهلك احسن يفتكرو ان مبلغ المؤخر كان فارق معايا اوى و الا مكنتش كتبته من الاساس .

لم تعقب فهتفت نرمين مفصحه عن اﻻمر :

_ خمسين مليون جنيه .

انحشر صوت هدى بداخل حلقها و فزع كل من ياسين و محمود و ابتسم السيد فهو متأكد من حبه لحفيدته و لكن طريقته خاطئه تماما .

لم يشفع ذلك الحوار له عند محمود الذى هتف باستنكار :

_ انت مش هتشترينا بفلوسك ، انا بنتى مش للبيع .

زغر بعينه و رفع حاجبه هاتفا بضيق و غضب :

_ و مين قالك انى جاى اشتريها بفلوسى ؟ انا جاى ارد مراتى اللى بحبها و انا عارف و متأكد انها عارفه حبى ليها قد ايه و حتى لو انتو شايفين انى بنى ادم مش كويس بس هى عاشرتنى و عارفه انا ايه معاها حتى فى اكتر اوقاتنا الصعبه كنت بحاول مزعلهاش و يوم ما طلبت الطلاق انا نفذت لها طلبها .

رد محمود بسخريه :

_ ما كان اولى بيك انك متتجوزهاش غصب طالما بتسمع لرأيها اوى كده .

زفر بانفاس حاره و قال بجمود :

_ كل ده كلام ملوش فايده دلوقتى ، انا جاى انهارده ارجع مراتى و افتح صفحه جديده معاها و معاكم و مادد لكم ايدى بالخير .

صمت و مد ذراعه لعمها و سأل بصوت رجولى و تصميم :

_ هتقبلوها و لا لأ ؟

ظلت يده ممدوده امامه منتظرا جواب و لكن طال انتظاره و السيد ينظر لابنه لا يعلم ما يجول بخاطره فتنحنح ذلك الكهل و تسائل بحيره :

_ ايه رايك يا محمود يا بنى ؟

قوس حاجبيه و انعقدت بشكل رهيب دليل على رفضه البائن و رد بصوت هادر :

_ لأ .. لأ و الف لأ ، مستحيل اقبل انها ترجع لك بعد اللى عملته معاها و معانا .

انزل يده الممدوده ببطئ و غل و التفت ناظرا لها فرأى رجائها الخفى بالتحمل اكثر فتحدث بصوت قوى و مؤثر :

_ انا كبير عيله الفهد و من عادتى لما ادخل حوار مع اى عيله انى اتكلم مع كبيرها ، فانا حابب اعرف مين كبير العيله هنا عشان اتكلم معاه ؟

رد محمود بغضب :

_ انت كبير عليتك فى وجود عمامك ! عايز تتكلم كلمنى انا بصفتى ابوها و ملكش فيه من كبير العيله و من صغيرها .

نظر للجد و سأله بجمود :

_ و ده كلامك انت كمان يا حاج ؟ اتعامل من هنا و رايح ان كبير عيله غزال هو الاستاذ محمود ؟

نظر لوليده و سأله بضيق :

_ انت كبير العيله برده يا محمود ؟

3

ابتسم فارس بداخله بعد ان استطاع ان يصنع شقاق بينهما عله يستطيع اﻻستفاده من تضارب اﻻراء بينهما فهو لم يخفى عليه بسمه الجد عندما اخبرهم عن توفيره لحساب بنكى لحفيدته .

رد محمود باسف و اعتذار : انا اسف يا بابا مقصدتش ، بس حضرتك مش هتعرف تتعامل مع البنى ادم ده .

لم يستطع الصمت اكثر من ذلك على طريقه حديث عم زوجته فجحظت عينه و انتفخت فتحتى انفه و هدر بغضب و صوت اجش :

_ انا ساكت على اهانتك ليا بس عشان خاطر ياسمين ، لكن لازم تعرف ان فارس الفهد مينفعش حد يتكلم معاه بالشكل ده ابدا مهما كان مين ! بس انا هعديها عشان انت فى مقام حمايا برده .

اثناء صياحه اقتربت منه ياسمين و امسكت جانب ذراعه برجاء فالتفت ينظر لها بعيون حاده و نظرات حارقه فتوسلته بخفوت :

_ بلاش كده يا فارس عشان خاطرى .

صاح الجد عاليا بحده :

_ بس و لا كلمه تانيه .

تحركت رأسه تجاه حفيدته و سألها بجمود :

_ انتى موافقه ترجعيله ؟

التفتت النظرات لها بترقب و هو اﻻخر ظل منتظرا اجابتها فابتلعت لعابها بتوتر و هى ترى تعابير الجميع حولها من قابله لرافضه و بالاخص عمها الذى بدى عليه اﻻمر جليا فتنحنحت و هتفت بتلعثم :

_ مش عارفه انا ...

قاطعها صوت فارس الغاضب :

_ مش عارفه ؟ انتى بتستعبطى ؟

عادت لرجاءها فهتف محمود بفرحه :

_ اديك اخدت الرد ، اتفضل بقا من غير مطرود .

التفت ينظر لها بعد ان رمق عمها بجمود و تجمدت تعابيره و هو فى انتظار ردها و صرخ بها :

_ ياسمين ! جدك بيسألك عن رأيك ؟

تنفست بعمق و نظرت لابنتى عمها تطلب الدعم و لكن وجدتهما فى حيره من امرهما و عيونهما زائغه و لكن فارس لم ينتظر اكثر و اقترب منها و هتف بتصميم :

_ ياسمين .. سلطانه ، انا بحبك و انتى عارفه ده .

اختفت شفتاها من فرط قضمها لهما و تنهدت بعمق فامسك راحتها و ردد بنبره صارمه :

_ ياسمين !

صرخ به محمود هاتفا :

_ البنت مرعوبه منك ، ابعد عنها بقا و لا انت ...

لم يكمل كلمته حتى حملها فارس اعلى كتفه فتدلت رأسها خلف ظهره و هى تصرخ و تضرب ظهره بقبضتيها و كل من محمود و ياسين يصيحان بغضب حتى يتركها و لكنه لم يعبأ بالجميع و التفت ناظرا لهما بغضب و قال بجمود :

_ انا ممكن اخدها حالا من غير ما حد يقدر يعترض و اقول رديتها لعصمتى و انتهى ، بس مش عايز اعمل ده .

انزلها و انتصب امامها مقوسا فمه هاتفا بضيق :

_ ليه مصرين تخرجو اسوأ ما فيا مش فاهم ؟

ترجته بحزن و بكاء :

_ اهدى يا فارس .

سأله الجد بوهن :

_ و لو وافقنا هترجع تانى لطريقتك القديمه و تمنعها عننا و تحبسها ؟

نفى برأسه و رد بتأكيد :

_ لا .. البيت مفتوح لكم فى اى وقت لو حابين تزوروها او تطمنو عليها ، يعنى النظام القديم انتهى .

اومأ الجد برأيه ناظرا لحفيدته منتظرا جوابها و نظر فارس لها ايضا بنظرات حاده و غاضبه فالتفتت تنظر لعمها هاتفه بوجل :

_ حقك عليا يا عمى ، اوعى تزعل منى فى يوم من اﻻيام ابدا .

ربت عليها و هتف بحزن :

_ انتى اللى حقك عليا يا بنتى انى مش قادر احميكى .

شعرت بقلبها يتفتت بداخلها من هول كلماته و شعورها بالذنب مما مروا به جميعا بسببها و ها هى اﻻن تتلاعب عليهم لتشعرهم بضعفهم و قله حيلتهم اكثر و اكثر فأنبت نفسها أكثر على خيانتها لهم بهذا الشكل .

لم يدعها تسبح فى بحور خيالها فامسك راحتها و سحبها هاتفا بقوه :

_ يلا بينا .

اوقفته هاتفه :

_ مش لازم المأذون ي...

قاطعها هامسا باذنها و هو يصر على اسنانه من الغيظ :

_ مش محتاجه مأذون يا ياسمين ، اللى حصل بينا كان كافى و يلا بقا قبل ما افقد اعصابى عليكى و على عيلتك كلها .

~~~~~~~~~~~~~~~~~~~~~

2

مع انتظارهم لرب عملهم خرج زين من السياره و وقف مستندا عليها و تبعه كارم و طاقم الحراسه المرافق له ، تجمعوا بجوار بعض و تبادلوا اﻻحاديث الخفيفه مع تدخينهم لحين نزوله من اعلى .

لمح زين شخص مألوف له يقترب من البنايه بعد ان صف سيارته بجانب الشارع لضيقه و لضخامه حجم سيارات فارس المرافقه له فتمعن النظر به و هو يقترب اكثر و اكثر فوجد انه من ظنه حقيقة و ليس تخيل منه ، فغمز لطاقم الحراسه بطرف عينه مشيرا له فالتفوا حوله ليحاول هو المناص منهم بهوجائيه و لكن احكم زين قبضته على ذراعه و اخبره بصوت محذر :

_ الباشا فوق عند الجماعه ، و لو انت فيك ذره عقل هتمشى من هنا قبل ما ينزل و يشوفك .

هاج و صاح عاليا باستنكار :

_ حرام عليكم يا كفره ، عايزين ايه مننا ؟ ابعدو عنها و عنى بقا .

حقا فات اﻻوان على التراجع اﻻن فقد نزل فارس برفقتها و رأى بام عينه تردده المستمر عليهم فصر على اسنانه بحنق و هرعت هى تتعلق بذراعه هاتفه برجاء :

_ عشان خاطرى يا فارس بلاش تأذيه .

دفع راحتها المتمسكه بها و اقترب منه و اﻻخير يتحرك بانتفاضه محاولا التخلص من قبضة رجال فارس و هو يصرخ و يسبه :

_ بتتحامى فى رجالتك ؟ ما تقف لى راجل لراجل يا ***

4

شهقت ياسمين و وضعت يدها اعلى فمها لتكتم صوت شهقتها الذى كاد ان يخرج عاليا و رمقته بنظره متأذيه من افعاله التى توقعه بالمشاكل فهل جُن الآن و سب ذلك الغاضب ؟

حاولت حقا ان تحول بينه و بين ذلك الفهد الغاضب المستعد استعدادا تاما للانقضاض على فريسته و النيل منها و لكن هيهات فقد ان انطلق السهم من قوسه و انتهى .

اتجه ناحيته و نظر لرجاله هاتفا بقوه و غضب جحيمى :

_ سيبوه .

انصاعوا لامره و تركوه فورا و بدأ الجيران من اهل المنطقه بالتجمع حول تلك المشاجره و استمع من بالاعلى لاصوات التهليل و لكن فى بادئ اﻻمر لم يعيرو له اهتماما فقد كانو يتحدثون فيما بينهم عما دار منذ قليل .

اما فارس فقد خلع سترته الرسميه فظهرت عضلاته المنمقه و التى اصقلها حديثا بتدريباته المكثفه فظهر جسده عريض و ضخم مقارنه بشادى ضئيل الحجم .

1

ارتعد شادى بعد أن ظهر فارس امامه بقميصه اﻻبيض و هو يوليه ظهره يمد ساعده لزوجته بسترته حتى تحملها عنه و بدأ بطى اكمام القميص لاعلى و هو يقول بصوت خشن و محذر :

_ نبهتك اكتر من مره إن اللعب مع فارس الفهد خطر ، بس انت مبتسمعش .

اقتربت منه ياسمين مجددا تتوسله :

_ وحياتى عندك يا فارس بلاش .

التفت لها و رمقها بنظره جامده و اشار لها برأسه للابتعاد للخلف ففعلت بالرغم من خوفها على ابن عمها و ظلت تنظر لاعلى مكان شرفه منزل عمها عل احدهم يستمع لاصوات الشجار و ينقذوه من براثنه .

اكمل فارس سيره تجاهه و اﻻخر يعود للوراء بظهره هاتفا بتحذير :

_ قولتلك مراتى خط احمر و انت مش عايز تفهم اﻻ بالطريقه الصعبه .

صرخ به مستنكرا :

_ انت طلقتها ...

قاطعه بصوت اجش عالى :

_ و ردتها ... و بديلك اخر فرصه عشان ترجع عن تصرفاتك اكراما ليها مش اكتر .

توجهت نظراته لياسمين و سألها بغير تصديق يسألها :

_ انتى رجعتيله ؟ ده بجد ؟

اومأت له و فارس يحترق بداخله من مجرد فكره رؤيته لها لا الحديث معها فرفع حاجبه و هتف بقسوه :

_ هو انت غبى و لا بتتغابى ؟ ما انا لسه قايلك ردتها .

حاول شادى اﻻقتراب منها ليحادثها فاوقفته يد الفارس عن اﻻقتراب اكثر و امسك رأسه الملتفه تنظر لها و هدر بحده :

_ بص لى هنا و كلمنى انا .

دفع يده بقوه و عاد ينظر لابنة عمه هاتفا بغير تصديق :

_ ردك عافيه برده ؟ قوليلى ياسمين و انا كفيل ...

5

اوقفه عن استكمال حديثه ضحكات فارس الرجوليه العاليه و التى تنبه لها اخيرا من هم بالمنزل فخرجوا جميعا للشرفه و تفاجئوا بذلك المشهد المهيب لرجال فارس المحاوطين لهما و منظر فارس و هو مستعد للقتال فهرع كل من ياسين و محمود لاسفل و ظل الجد برفقة حفيدتيه و زوجة ابنه يشاهدون من الشرفه ما يحدث .

كشر عن انيابه و هدر بشراسه :

_ انت فاكر انك تقدر تعمل حاجه حتى لو مرجعها بالغصب ؟ هو انت الثقه دى جايبها منين فهمنى ؟

رد ببلاهه :

_ من انها خطيبتى و بنحب...

6

قطع حديثه انقضاض فارس عليه و تدخل رجاله و ياسين لفض الاشتباك بعد ان كاد فارس أن يقتله فابعد رجاله الذين حاولوا منعه بدفعهم جميعا بغضب و صاح بصوت ارتجت على اثره المنطقه السكنيه هاتفا بتحذير موجها حديثه لعم زوجته :

_ ذنبه هيبقا فى رقبتك انت لو مبعتدهوش عن وشى .

امسكه ياسين و سحبه و هو ينزف من انفه هادرا به :

_ تعالى يا شادى بلاش تضيع نفسك .

ظلت همهات الجيران من حولهم تتزايد فاستمع محمود لصوت احدى الجارات تتمتم بتشفى :

_ اهو ده اللى بيحصل للى بيبيعو بناتهم .

ردت اخرى تؤكد :

_ ايوه طبعا ، ده الواد ابنى قالي كلها يومين و يرميها .

احتدت تعابيره و نظر لاعلى يرمقهما بنظرات حارقه و اقترب من فارس هاتفا بضيق :

_ بلاش الفضايح دى يا فارس باشا ، سيره البنت بقت على كل لسان .

هدر بغضب اهوج :

_ محدش يستجرى يجيب سيره مراتى طول ما انا عايش على وش الدنيا .

ترجاه محمود بصوت هادئ :

_ طيب اطلع فوق بدل فرجه الناس علينا دى .

رد عليه بجمود محذرا :

_لو مستغنى عن ابن اخوك قولى و انا اخلصكم منه ، انما لو مس مراتى بكلمه و لا فعل من هنا و رايح مش هسكت و قد اعذر من انذر .

زفر بضيق و أومأ موافقا و هو يوجهه للامام هاتفا برجاء :

_ طيب تعالى فوق خلينا نتكلم فى البيت احسن و بلاش كل مره تيجى هنا تجيب معاك كل الحراسه دى ، محدش هنا عايز يأذيك .

تحرك معه و سحب سترته من بين يديها و القى بها اعلى كتفه و امسك ياسمين من راحتها مخللا اصابعه بخاصتها بوضع حميمى و تحرك بها للامام مع عمها و هو يجيبه :

_ انا مستهدف ، يعنى لا هي منظره و لا خوف من اهل المنطقه هنا و المره اللى مشيت فيها من غير حراسه اظن انت عارف حصل لى فيها ايه .

بالطبع كان يقصد محاوله اﻻغتيال القديمه فاومأ له محمود و صعدا لاعلى لاستكمال حديثهم عن اﻻحداث اﻻخيره بينه و بين شادى .

دلفوا بتتابع فهرعت نرمين تطمأن على نصفها اﻻخر ليس توأمتها و لكن اختها الروحيه و هتفت بقلق :

_ انتى كويسه ؟

اومأت بصمت و تحركت للداخل فهتف السيد بمعاتبه :

_ ميصحش اللى حصل ده يا بنى ، الناس كده هتاكل وشنا لاننا فى منطقه شعبيه و...

قاطعه فارس بضيق :

_ الغلط عندكم ، لما البنى ادم ده يتردد عليكم و هى لسه على اسمى و ببجاحه يقف فى نص الشارع يقولى خطيبتى و بحبها و الكلام اللى يفور دم اى راجل ده .

تهكم عليه محمود ساخرا :

_ ما هى كانت خطيبته و انت اخدتها منه بالغصب .

1

احتدت تعابيره الواجمه و التفت ناظرا لها و هى صامته يرمقها بنظرات معاتبه لما آلت اليه امورهما بسبب تخطيطها الابله هى و ابنة عمها و حاول التحدث ليخرج صوتها هاتفا :

_ انا رفضت شادى اكتر من مره و موافقتش عليه الا بعد ما حصلت حاجات اضطرتنى اعمل ده و فارس كان واضح معايا من الاول ، يعنى الغلط فى اللى حاصل بينه و بين شادى هو غلطى انا .

نظرات الجميع تركزت عليها عندما سألها جدها بفضول :

_ ايه معنى الكلام ده ؟

اجابت موضحه :

_ انا هقول لكم على كل حاجه .

~~~~~~~~~~~~~~~~~~~