رواية احببت طريدتي ج2 ( ترويض الفهد ) الفصل العاشر 10 بقلم اسماء المصري

مفتاح الحياه هو عدم الاستسلام عندما تشعر بالضعف .

افلاطون .

~~~~~~~~~~~~~~~~~~~~~

ان الانسان دائما يشعر بالعجز و الضعف عندما يتعلق الامر بما يؤلمه و يؤثر فيه و خصوصا احكام القلب ، فالقلب ليس له سلطان لذا فان الاستسلام لن يكن خيارا متاحا عند نقطه معينه ، فقط سيثور الفرد عندما يجد ان كل ما حارب لاجله قد يضيع بلحظه .

خرج من عمله بعد ان اجرى بعض المكالمات الهاتفيه و صرف سائقه و حرسه و قاد سيارته بنفسه متوجها لمكان واحد يعلمه و يمقته بنفس الوقت .

وجد الطبيب فى انتظاره مبتسما بسمته التى يعتبرها فارس سخيفه و سمجه فاشار له الاول بالدخول هاتفا :

_ طولت الغيبه يا فارس باشا .

جلس فارس صامتا و لم يعقب عليه و ظل هكذا لاكثر من ربع ساعه و الطبيب امامه يسجل كل ملامحه و شروده و ردود افعاله .

همهم بحرج :

_ مش عايز تتكلم ؟

زفر بضيق و تنهد عميقا و رد :

_ فاكر البنت اللى كنت حكيت لك عنها قبل كده ؟

اومأ الطبيب و سأله :

_ بتاعه الحلم ؟

اومأ فاعقب جابر :

_ اتجوزتها مش كده ؟

نظر له بتعجب و دهشه فازال الاخر دهشته مفسرا :

_ خبر جوازك نزل فى كل الصحف و المجلات و كان تريند و خبر الموسم يا باشا .

تنهد و اطرق رأسه فهمهم الطبيب :

_ و بعدين ؟

رفع بصره ناحيته و رد بحزم :

_ انا عايز اتعالج من الساديه ده لو ليها علاج !

ابتسم جابر بفرحه و لكنه عاد يفكر ما السبب الذى دفعه اخيرا للاعتراف بمرضه و التفكير بالعلاج فسأله بحذر :

_ ايه سبب القرار ده ؟

اجابه بحزن :

_ لانى اتأكدت انى سادى ، و بعد ما قريت عن الموضوع فى النت خوفت استنى حالتى تبقا اسوء .

1

امسك جابر دفتره مبتسما و قال بفخر :

_ تمام ، يلا توكلنا على الله .

~~~~~~~~~~~~~~~~~~~~~~~~~

منذ تلك الليله التى عاقبها بها و تغيرت الامور بينهما تماما فياسمين قد تعلمت درسها و اصبحت هادئه و مطيعه خوفا من بطشه و عقابه و لكنها ظلت بغرفتها غالبيه الوقت .

و اما من ناحيته هو و بعد ان داوم على جلسات العلاج النفسى استطاع ان يكبح غضبه قليلا بعد تأكيد طبيبه له باستحالة تقبل اى امرأه لقبله رجل لا تحبه ، و هو ما عاصره معها اكثر من مره و تقبلت قبلاته بل و بادلته فى بعض الاحيان فاكتفى بهاتين المرتين اللتان اخذها فيهما عنوه و لم يمسها مطلقا و بدأ بمعاملتها بصوره طبيعيه على امل ان يستطيع استمالتها بمره من المرات ليتأكيد من مزاعم طبيبه فظل يمر عليها يوميا بعد تأكده من نومها ليحتضنها و يشعر بدفئ قلبها .

جلس الجميع على مائده الافطار ما عدا ياسمين التى نزلت لتوها و هتفت برقه :

_ صباح الخير .

..

اجاب الجميع :

_ صباح النور .

نظرت لفارس و تحدثت بجديه :

_ لو عندك وقت بعد الفطار عايزه اتكلم معاك شويه .

اومأ موافقا :

_ حاضر ، اعمليلى فنجان قهوه من ايدك و تعالى نقعد فى المكتب .

فعلت ما طلبه منها و جلست معه بغرفه المكتب فاستمع لها و هى تقول بجمود :

_ عايزه اعرف ناوى تطلقنى امتى ؟

رد بهدوء اعصاب :

_ مش ناوى .

هتفت بحده طفيفه :

_ يعنى ايه مش ناوى ؟

اجابها بتلاعب و مرواغه :

_ يعنى مش ناوى اطلقك دلوقتى خالص .

انتفضت واقفه بغضب و وضعت يدها بخصرها ترد بحنق :

_ ليه بقى ان شاء الله ؟ مش فى بينا اتفاق ؟

رد بنفس النبره الهادئه بالرغم من طريقتها الفجه :

_ و انا لغيته لما منفذتيش البارت اللى يخصك .

هتفت بحزن :

_ حتى لو منفزتوش انت اخدت اللى انت عايزه .

اجابها بقسوه :

_ ما اظنش ان اللى اخدته يساوى 10 مليون ؟

1

نظرت له بألم فكيف له ان يكون بتلك الرقه معها اثناء نومها و كيف يتحول ليحدثها باقصى و افظع الكلمات ؟

سألته بغصه بكاء :

_ لو اتنازلتلك عن المؤخر هتطلقنى ؟

اجاب بحزم و غضب :

_ لا .... ثم و مين قالك انى عايزك تتنازلى عنه ؟

ردت عليه بحنق :

_ مش انت لسه متكلم عليه !

ضحك بسخريه و قال

_ يا ستى انا مسامح فيهم ، بس على الاقل اتبسط بيهم شويه .

انتحبت ببكاء و سألته بقهر :

_ يعنى عايز ايه بالظبط ؟

رد بجمود :

_ انتى عارفه انا عايز ايه .

اغلقت عينها باستسلام و سألته بتعجب :

_ كل اللى يهمك ده و بس ؟ الجواز و الحب و المشاعر عندك بتتمثل بس فى ده ؟

انحنى و امسك فنجان قهوته و ارتشفه باستمتاع و هى تنظر له بغضب و اوشكت على المغادره و لكن ليس قبل ان يعقب :

_ سيبك من المشاعر و الحب لان واضح انها مش موجوده بينا ، خلينا فى الجواز و اللى ربنا حلل كل حته فى جسمك ليا و منعك لنفسك عنى فى معصيه لربنا .

ابتسمت بسخريه و ردت باستهزاء :

_ من امتى الايمان ده ؟

أجابها بحنق :

_ مش مهم من امتى ؟ المهم ان الواحد يفوق قبل فوات الاوان و انا فوقت و الحمد لله ، عقبالك .

ضربت الارض بقدميها بحده و سألت :

_ طيب يعنى و اخرتها ؟

رفع كتفيه لاعلى و هتف بلامبالاه :

_ عايز حقوقى فيكى مش اكتر ، زوج و عايز حقوقه الزوجيه .

هتفت باستسلام :

_ طيب ما انا قدامك .

اجاب بامتعاض و رفض :

_ امم .... زى المرتين اللى فاتو يعنى ؟ قولتلك ان انا مش عايز كده .

تسائلت بحيره و بكاء :

_طيب عايز ايه و انا هعمله بس اخلص ؟

نظر لها فارس بألم و اغلق عينه و امسك راسه الذى انتشر فيه الألم بقوه فرأت تعابيره فسألته بقلق :

_ مالك ؟

اجابها ببرود :

_ عادى الصداع اللى متعود عليه .

سألته باهتمام :

_ اجيبلك مسكن ؟

رد بإيجاز :

_ لا ، دوا الضغط فى درج المكتب .

نظرت له متفاجئه و سألته بلهفه :

_ ضغط ! انت عندك الضغط ؟

اجاب بضيق :

_ اه .

سألته بقلق :

_ من امتى ؟

اجابها بضجر و زفره قويه :

_ من قريب ، لو هتجيبى الدوا اخده لان دماغى مش متحمله رغى .

اسرعت لتعطيه دوائه فشعرت بثقل و ألم فى قلبها فحاولت التحدث معه بهدوء :

_ ممكن نحاول نتفق انا و انت بالعقل ؟

لم يستطع رؤيتها تتفاوض معه بهذا الشكل على حياتهما معا فهتف بغضب :

_ اسمعى يا ياسمين ، هجيبلك الخلاصه عشان انا زهقت .

ابتلع لعابه و اردف :

_ شوفى نفسك وقت ما تكونى مستعده انك تكونى معايا بمزاجك و من غير رفض ، من غير ما تحسسينى انى بدبحك .

نظر لها بتركيز و قد اكتسحت الحمره وجهها و حقا لا يعلم هل هى حمره خجل ام غضب و اضاف :

_ عرفينى انك مستعده و لو بالتلميح و انا هفهم ، و اوعدك ان بمجرد الليله دى ما تخلص هطلقك و كده انا عدانى العيب و الكوره فى ملعبك انتى .

1

نظرت له ياسمين بحيره و الم و هتفت :

_ ماشى يا فارس اول ما استعد هعرفك .

~~~~~~~~~~~~~~~~~~~~

جلست دينا تتحدث مع نجلها تسأله باهتمام :

_ ليه اصريت ان الخطوبه تتعمل هنا فى الڤيلا ؟ مش كنا حجزنا مكان احسن !

أجاب ساجد بتنهيده حزينه :

_ لا كده كويس ، اهل شيرين اصلا فيهم اللى مكفيهم و عايزين يطمنو على ياسمين اللى بقالها اكتر من شهرين ميعرفوش عنها حاجه ، و انا ما صدقت ابوها وافق اصلا .

حركت رأسها بحزن على حال من اتخذته ولدا لها و اعقبت :

_ انا هكلم فارس اعزمه و هترجاه يجيبها معاه ، ربنا يحنن قلبه عليها احسن ده مبهدلها خالص يا حبيبتى .

رمقها ساجد بنظره بها الكثيرمن الخزى و المعاتبه و هتف بحنق :

_ انتو اللى وصلتوه لكده ، لدرجه انه مش بس مبيخافش منكم و لا بيعمل احترام لا لكبير و لا لصغير ! ده وصلت بيه انه حتى مش بيخاف ربنا .

انسحق وجهها من شده تجعيده و هتفت ترجوه :

_ بلاش الكلام ده يا ساجد انت متعرفش حاجه و لا تعرف هو عاش و مر بأيه ! حتى حكايه ياسمين انت متعرفهاش ف ....

قاطعها صائحا بضيق :

_ اللى اعرفه كفايه اوى انه يخلينى مبقاش عايز اعرف البنى ادم ده تانى .

صرخت به رافضه :

_ لا يا ساجد ... فارس ده اخوك ، فاهم و اوعى فى يوم تبعد عنه و تسيبه لوحده هزعل منك اوى يا بنى كفايه الدنيا كلها عليه .

تركها و غادر فامسكت هاتفها و اتصلت به لدعوته على خطبه ساجد فاجاب بعجرفه زائده :

_ ده على اعتبار انى ضيف بتعزمينى يا دكتوره زى الغريب ؟

صححت له الامر هاتفه بتوضيح :

_ ليه بتقول كده يا فارس ؟ ده انت ابنى و انا برده هتصل بمازن اعزمه و اتصلت بيك قبله .

ابتسم بسخريه و هتف بحده و تذمر :

_ و العيله دى ملهاش كبير يتاخد رايه الاول و لا انا مليش لازمه ؟

ردت دينا بمهادنه :

_ يا حبيبى انت الخير و البركه ، بس عمك قال يبعدك عن الصدام معاهم كفايه اللى حصل .

رد بطريقه فجه :

_ قصدك خاف ليرفضو بسبب اللى حصل ! بس انا كنت كفيل اخليهم ....

قاطعته بحنان :

_ ربنا يخليك لينا يا حبيبى ، احنا بنحتاجك فى الحاجات الكبيره ....

قاطعها باستفزاز :

_ ماشى يا دكتوره ، هاجى و اعمل الواجب زى المعازيم فى حاجه تانى ؟

هتفت بتردد :

_ اوعى متجبش ياسمين معاك .

رد مؤكدا :

_ لا متخافيش هجيبها .

سألته بحيره :

_ و هى عامله ايه انهارده ؟

اجابها بايجاز :

_ كويسه .

عادت تسأله بعمليه و مهنيه محترفه :

_ طيب من ساعه اليوم ده مفيش اى تطورات .

سأل بفضول و حيره :

_ تطورات فى ايه مش فاهم ؟

وضحت له هاتفه :

_يعنى الم اثناء الجماع او نزول دم كده يعنى ؟

هل يخبرها انه لم يمسها منذ ذلك اليوم و يظهر امامها بمظهر الضعيف الذى لا يستطيع اخذ ابسط حقوقه الزوجيه ، ام يدعى كذبا بان كل شيئ على ما يرام ؟

اتخذ قراره و رد كذبا :

_ لا مفيش .

هتفت دينا براحه بعد ان طردت زفيرا قويا :

_ طيب الحمد لله

~~~~~~~~~~~~~~~~~~

اجتمعت العائله يوم الجمعه و لاول مره منذ اسابيع بحضور شادى و ياسين و ساندى فنظر الجد للجمع بحزن و هتف بتمنى :

_ اللمه دى ناقصها ياسمين .

ربتت شيرين على كتفه هاتفه بطمأنه :

_ متخافش يا جدو ، ساجد اكد لى انها هتحضر الخطوبه يعنى كلها اسبوع و نشوفها ان شاء الله و رمضان قرب و ساجد قالى ان فارس بيعزمهم كتير عنده فى رمضان و هبقا اروح معاه عشان اطمن عليها .

تدخلت نيڤين ابنة عمتها تقول بمكر :

_ الخبث ده عشان تبقى مع خطيبك مش عشان خاطر ياسمين .

ردت هدى بضجر صارخه بهما حتى تكفا عن الشجار :

_ باااس ، مش هتبدءو كفايه اللى احنا فيه ، انتو ناسيين ان اللى اسمه فارس اكيد هيكون هناك !

رد محمود بغضب و هو يكشر عن انيابه بكره و غل :

_ و احنا مالنا و ماله ؟ دى خطوبه بنتنا .

هتف ياسين ممتعضا :

_ انا مكنتش موافق على الخطوبه دى عشان كده .

تخوفت شيرين من حديثه فهتفت برجاء :

_ليه بس يا ياسين ؟ ده ساجد بنى آدم كويس و غير فارس بيه خالص .

رد بسخريه و حِده فى آنٍ واحد :

_ اولا اسمه فارس باشا يا شيرى ، عشان لو سمعك بتقللى من قدره و تقولى بيه ممكن يسجنك و لا يقتلك ايهما اقرب .

صاح شادى بغضب جم :

_ القوى فى الاقوى منه .

اومأ معقبا بحده :

_ و ثانيا شادى مش هينفع يحضر و ثالثا كلنا هنكون متوترين بسببه ، يبقا خطوبه ايه دى اللى كلها مشاكل ؟

رد شادى بثقه :

_ على فكره انا هحضر الفرح .

سأله ياسين بتعجب و دهشه :

_ و فارس باشا !؟

اجاب بلامبالاه ظاهريا و لكن لا احد يعلم ما بداخله الا هو :

_ عادى هتعامل و لا كانه موجود .

رد السيد :

_ اكبر صح يا شادى يا بنى .

~~~~~~~~~~~~~~~~

استيقظ من نومه و بدأ يستعد للسفر لمعرض السيارات العالمى بباريس فخرج من جناحه و توجه لغرفتها فوجدها تصفف شعرها الطويل على مراحل فاقترب منها هامسا بهدوء :

_ عايزه مساعده ؟

انتبهت لوجوده فلملمت شتات شعرها و ردت بحرج من شكلها المبعثر :

_ شكرا .

ابتسم و قال بحبور :

_ مش انا اللى هساعدك ، هخلى داده او چنى لو حابه !

اجابته رافضه :

_ لا انا اصلا قربت اخلص .

اومأ باستحسان و هتف يأمرها بصوت جاف :

_ طيب خلصى و تعالى حضريلى شنطه السفر عشان قدامى ساعه و اتحرك .

انتهت من التصفيف بسرعه تلك المره على غير العاده و توجهت لجناحه فهى تشعر بالاشتياق منذ الآن له حتى و ان وبخها عقلها عن تلك الافكار الساذجه الا ان قلبها لا يطاوعها على كرهه او نبذه خارجا .

4

بدأت بتحضير حقيبته فاقترب منها و وضع يده على كتفها و وقف خلفها و هى منحنية ترص الملابس بداخل حقيبه السفر و همس بصوت هادئ :

_ متاكده مش عايزه تيجى معايا ؟

ارتبكت و ابتعلت لعابها هاتفه بتلعثم من قربه و سخونه أنامله على جسدها :

_ انت عارف انى بخاف من الطياره .

ادارها و نظر بعينها و قال ببسمه رقيقه :

_ معنديش مشاكل اسافر بحرى .

شعرت بتأثيره الطاغى عليها ، و لما تشعر تجاهه بهذا الضعف ؟ و زاد الامر اكثر بعد ان امتنع عنها تماما فحاولت تصنع الجديه و القوه و هتفت مفسره :

_ ايه لازمته ؟ روح انت و ترجع بالسلامه ان شاء الله .

ابتسم و رد بهمس :

_ الله يسلمك .

صمت و تحدث كأنه تذكر لتوه :

_آه نسيت اقولك ان الجمعه الجايه خطوبه ساجد على شيرين .

هللت بفرحه و ارتسمت السعاده على عينها :

_ بجد ! ربنا يبارك لهم .

اتسعت بسمته عندما رأى سعادتها و هتف مكملا :

_ الخطوبه فى الڤيلا عند عمى .

سألته بتردد :

_ هتودينى ؟

غمز لها بابتسامه ماكره مجيبا بعبث و هو يداعب شعرها :

_ اه هوديكى ، طول ما انتى عسل كده و هاديه هعملك كل اللى نفسك فيه .

اطرقت رأسها تحاول إخفاء بسمتها و هتفت هامسه :

_ شكرا .

اجاب برقه : العفو ، ممكن بقا تكملى تجهيز الشنطه عشان متأخرش ؟

اجابت بادب : حاضر .

1

انشغل هو بتصفح جهازه اللوحى لمتابعه بعض الاعمال و تشجعت هى عندما حدثها بتلك الرقه ان تطلب منه ما تريده فنظرت له اثناء تجهيزها لحقيبه سفره و ترددت قليلا فى الحديث و لكنها استجمعت شجاعتها الهاربه و هتفت تسأله :

_ هو انا ممكن اطلب طلب ؟

أجاب و هو لا زال يراجع بعض الرسائل الالكترونيه على جهازه اللوحى :

_ اطلبى .

هتفت بتردد :

_ مينفعش يكون معايا موبايل ؟ حتى لو تابلت من غير خط !

على الفور جاء برأسه استغلالها لهدوءه و ربما غيابه لتتواصل مع غريمه و هو ما لا يمكن قبوله مطلقا فسألها بمكر :

_ محتجاه فى ايه ؟

اجابته بعفويه :

_ حاجات كتير ، اطمن على اهلى و صحابى او ادخل نت و اتسلى بالاغانى يعنى .

صاح عقله يردد بشيطانيه :

_ او تكلمى حبيب القلب تطمنى عليه ! او تحاولى تهربى تانى و تروحيله ؟

2

ليرد عليها بصرامه لا تتماشى مع رقته معها منذ قليل :

_ لا .

لم ترد الدخول معه بمشاجره و اخراجه من هدوءه الذى تتمنى ان يستمر طويلا و الى الابد فاكملت تجهيز حقيبته و التفتت له بعد ان انتهت من تحضيرها هاتفه بضعف و انكسار :

_ ناقصك حاجه تانى كده ؟

نظر داخل الحقيبه و رد بإيجاز :

_ لا كده تمام اوى.

سحبها داخل احضانه فاختل توازنها و استندت بكفيها على صدره فشعرت بسخونه جسده و شعر هو بارتعاش جسدها بين يديه فانحنى يهمس لها بأذنها هاتفا بتحذير :

_  و انا مسافر لو سمعت انك خالفتى تعليماتى هتزعلى منى جامد .

دمعت عيناها رغما عنها و هتفت ببكاء :

_ حاضر .

مسح بابهاميه عبراتها و ردد بابتسامه :

_ ماشى يا عيوطه .

اغلقت عيناها و ابتلعت لعابها مبلله شفتيها بطرف لسانها فلم يتمالك نفسه و انحنى مقتربا من شفتيها و ظل هكذا فلم تدفعه مما شجعه على تقبيلها قبله عاصفه و مؤججه عصفت بتماسكها الزائف امامه فبادلته اياها ليخرج تأوه عفوى تسمعه منه لاول مره و ربما يخرجه هو لاول مره فابتعد عنها بصعوبه لاهثا بانفاسه و نظر لها و هو يبتلع باثاره يركز انظاره عليها .

1

همس بالقرب من اذنها :

_ هتوحشينى .

ودت ان ترد عليه بالمثل و لكنها صمتت و انبت نفسها على تخاذلها هكذا امامه .

سافر فارس لاربعه ايام و خلال غيابه انتهزت عاليا الفرصه بالتودد الزائف لياسمين و زياراتها المتكرره وسط تحذير چنى منها .

ابتسمت عاليا  و هتفت بتملق :

_ انتى طلعتى لذيذه خالص ، انا مش عارفه فارس ليه مزعلك كده ؟

ردت كذبا :

_ فارس مش مزعلنى مين اللى قالك كده ؟

حركت رأسها للجانب هاتفه بتوضيح :

_ كل العيله عارفه ظروف جوازكم .

تضايقت منها ياسمين و من تدخلها فى شأنها الخاص فهتفت بتحدى :

_ كل العيله عارفه قصه الحب اللى بينا و مش شويه زعل حصلو قبل الفرح يخليهم يتكلمو علينا .

سألتها بسخريه مبطنه :

_ يعنى افهم من كلامك انكم كويسين مع بعض ؟

احابتها بتزمت و ضجر :

_ ايوه .

سألتها بمكر و دهاء :

_ اومال ليه حابسك و ممنوع تخرجى ؟

فسرت لها بمنطقيه :

_ هو مش حابسنى ، بس مش بيحب يخرجنى لوحدى و ده خوف عليا مش اكتر و اكيد انتى عارفه ابن خالك كويس و فاهمه طباعه !

اجابتها مؤكده ببرود :

_ اممم ، معاكى حق طول عمره عنده حب التملك رهيب .

وجدت چنى ان الحوار قد ينتهى بنتائج غير محببه فتدخلت محاوله انهاء الحديث :

_ مش كفايه كلام عن فارس يا لولو و احكيلنا عن مغامراتك فى امريكا .

~~~~~~~~~~~~~~~~~~~~

عاد فارس من السفر فى منتصف الليل فدلف لغرفه ياسمين ليجدها نائمه فاقترب منها و اشتم عطرها و مسد شعرها و هو يتنهد بهمس :

_ وحشتينى اوى ، يا ريتك تعرفى بحبك قد ايه ؟

انحنى و قبل وجنتها ففتحت عينها فتحه صغيره و همست بخمول :

_ فاارس !

رد هامسا :

_ ايه يا حبيبتى .

احتضنته ياسمين و هى ما زالت فى سلطان النوم ظنا منها انها تحلم به و قالت بنعاس :

_ خليك جنبى .

تنهد عميقا و اردف بحب :

_ انا جنبك

احتضنت يده بقوه فاتكئ بجوارها و ادخلها داخل صدره ليناما فى سبات عميق .

استيقظت من نومها فى الصباح لتتذكر ما حدث بالليل فتنظر حولها لا تجد اثره بالغرفه ، اذن هو حلم و لكن رائحه عطره ما زالت تملئ اركان الغرفه حتى الوساده تنطق برائحته .

نزلت الدرج بتمهل فوجدته يجلس مع اخوته يعطيهما هداياهما التى احضرها معه فابتسمت ياسمين من حنانه لاخويه فنظر لها و اخذ من الحقيبه بضع حقائب صغيره و اعطاها لها ببسمه منمقه :

_ يا رب ذوقى يعجبك ، لان المره دى فعلا ذوقى .

اتسعت بسمتها و تناولت منه الحقائب هاتفه برقه :

_ كفايه انك افتكرتنى .

اعقب عليها بغزل امام اخوته غير عابئ باحد :

_ يا ريتنى قادر انساكى .

ابتسمت له و اخذت هداياها و صعدت بلهفه لغرفتها بهروله و ضربات قلبها تعلو و تهبط لتنظر لما احضره لها ، فوجدته قد اشترى لها فستان سهره رقيق لامع باللون الرمادى يصل للركبه ذو اكمام و محتشم غير عارى فتمتمت فى نفسها :

_ اكيد جايبه عشان احضر بيه فرح ساجد و شيرين .

اكملت فتح الهدايا لتجد لباس ليلى جذاب ( لانچيرى ) اسود من الستان و به فتحه تصل للفخذ و ظهره عارى باشرطه فاعجبت بتصميمه و قامت بقياسه و وقفت امام المرآه تنظر لنفسها باعجاب .

_ زى القمر .

تفاجئت بصوته يهتف من الخلف بتلك العباره فالتفتت بحرج تسحب المئزر المخصص له لتضعه عليها فضحك فارس ضحكه عاليه و ساخره  :

_ قميص النوم ده ارحم ميت مره من الفستان اللى كنتى لبساه يوم حفله يوسف .

تضايقت من سخريته فردت بحده :

_ مش تخبط !

اجاب بهدوء مغاير لطبيعته الشرسه :

_ خبطت بس واضح انك مسمعتيش .

ردت بارتباك و هى تراه يتمعن بمفاتنها الظاهره من اللباس الليلى :

_ طيب انا هدخل اغير هدومى

اعترض طريقها و امسكها يسحبها قريبا منه و نظر لها برقه و قال متسائلا :

_ قيستى الفستان السواريه ؟

أجابت بارتباك :

_ لسه هقيسو دلوقتى .

هتف موضحا :

_ و جبتلك الجزمه و الشنطه بتوعه كمان .

هتفت بخجل و دلال :

_ مشّكره .

تذكر ترديدها تلك الكلمه عندما اشترى لها اول فستان وقت حفل الافتتاح فردد ضاحكا :

_ برده مشّكره ؟ وحشتينى .

رددها و هى يحكم قبضته على خصرها اكتر فشعر على الفور بانتفاضه جسدها و ارتعاشه لترد بتوتر :

_ و انت ...

قاطعها و قد لاحظ توترها :

_ مش لازم تتغطى على نفسك عشان تقوليلى و انت كمان بالكذب .

رفعت وجهها هاتفه بهمس :

_ مش كذب .

انحنى يسألها بحيره :

_ وحشتك فعلا ؟

اومأت فانقض على شفتيها و قبلها قبله طويله لم تبادله اياها فقط لمجرد تذكرها انه كان برفقه من تظن انها زوجته فابتعد يرمقها بنظرات متضايقه  فسألته دون مقدمات :

_ عملت ايه هناك انت و كارما ؟

اجابها بتأكيد :

_ انا لغيت تذكره كارما فى اخر لحظه لان ال Assistant الجديده شغلها تعبان و مش هتقدر تصد لوحدها و كده كده كارما مش بتعرف فرنش و لا بتعرف شغل شركه السيارات يبقا هاخدها ليه ؟

ابتسمت بفرحه و سألته بتلاعب :

_ عرفت قيمتى ؟

1

قبلها قبله خاطفه على طرف شفتيها و اطرى عليها بغزل :

_ عارف قيمتك و من زمان .

~~~~~~~~~