رواية عشق لا يروض الفصل الثامن عشر 18 بقلم حنين محمود
اهلا بكم في مدونة مكتبة حواء نقرأ لكم ونكتب من اجلكم
عشق لايروض
الحلقه الثامنة عشر
بقلم: حنين محمود إبراهيم
______________________
سمر قالت بزعيق: ايه يا بيه كبرت وبقيت شايف نفسك خلاص راجل علينا وتصرفاتك من دماغك يا دكتور؟؟؟
يامن: في ايه انا مش فاهم حاجه
رائد: مالك يا امي في ايه
سمر: بقى رايح تتفق مع المحامي وتظبط كل حاجه وتجهز لكتب كتاب وكل ده ومن ورانا ليه وهو احنا هنقولك لا مش هتتجوز؟؟؟
يامن بغضب: عملها؟ لحق فتن؟ ماشاء الله دا مكملش ساعه
سمر: رد على سؤالي يا دكتور ايه للدرجادي مستهفأني انا وابوك
زين: كتب كتاب ايه انا مش فاهم حاجه
بصتلهم بعصبيه وقالت: اخوكم المحترم رايح جايب بنت من الملجأ وعاوز يتجوزها وفوق كل ده كتب كتابه عليها اخر الأسبوع والبنت لسه قاصر
رائد بصدمه: انت اتهبلت في عقلك ولا ايه يا يامن؟
يامن: اه بدأنا لا ما هو بصو بقى الشغل اللي حصل مع زين زمان مش هسمح بيه يحصل معايا انا مش عيل صغير قدامكم انا كبير كفايه واقدر احدد انا عاوز ايه وايه، لا والبنت اللي بتتكلمي عنها دي وقرفانه منها ياسمر هانم دي اشرف مليون مره من الاشكال اللي نعرفها وانا خلاص قررت ومش هتراجع عن قراري
سمر؛ ايه لحست عقلك عشان تاخد منك قرشين؟
زين: ماما من امتى وانتي بتفكري كده
سمر: لما تحسوا نفسكم عشان كبرتوا ف هتمشوا اللي في دماغكم يبقى تاخدوا على عنيكم بالجذمه انا هنا اللي اقول ايه يحصل وايه لا
يامن: انا مش فاهم فين المشكله بردو على الزعيق ده كله لو كنتي صبرتي شويه كنت حكيتلك بنفسي
سمر: يااااااامن وانت بتتكلم مع امك تحترم نفسك وتتكلم عدل ايه عشان كبرت مش هقدر عليكم ولا عشان على طول شايفيني ماما الكيوته الدلوعه لا يا حبيبي منك ليه مستعده حالا اوريكم وش مكنتوش تتمنوا تشوفوه
رائد كان بيقرب منها عشان يهديها وقال: اهدي يا حبيبتي الانفعال غلط عليكي
زقته جامد وقالت: ابعد عني منك ليه ومن هنا ورايح محدش هيخرج من القصر ده الا بإذني انا هعرف ازاي اربيكم من اول وجديد الظاهر اني دلعتكم كتير
يامن نفخ بضيق وقال: انتي اللي مش راضيه تسمعيني.!!
سمر: اسمع ايه.!؟؟ اسمع ان الدكتور المحترم رايح يتجوز بدون علم اهله؟ لا وكمان من بنت قد اخته ياريتها في سنه
يامن: دي اللي عجبتني واتشديت ليها وفرق السن ده مش عائق في حاجه يا ماما وادام انا بحبها هقدر اخليها تحبني وهي لو حبتتي حياتنا هتمشي كويس
سمر: يا حلاوتك وانت كمان هتتجوزها غصب عنها؟
يامن: ماما البنت فاضلها 5 شهور وتخرج من الملجأ ومش هتلاقي مكان تقعد فيه وانا حاسس اني اتشديت ليها بدل ما كنت افكر في حاجه غلط او حرام فضلت اني اختار حلال ربنا واكتبها على اسمي
ومتقلقيش طول الفتره اللي هتبقى فيها هنا وعد مش هقربلها الا لما احس ان قلبها بقى بتاعي وانا مش عيل صغير عشان مقدرش اتحكم في نفسي
سمر: شايف ان ده مبرر للهباب اللي انت عملته؟
قرب منها وباس راسها وقال: خلاص بقى يا سوسو عشان خاطري ما تنكديش عليا دا بدل ما تفرحي اني هتجوز
زقته وقالت: بس بس وسع كده ابو تلزيق اهلك اتنهدت وكملت: ماشي يا ابن بطني موافقه عشان هي ملهاش حد وكان ممكن في يوم من الايام اختك اللي كانت تبقى مكانها بس بشرط البنت هتبقى تحت عيني على طول هتنام مع ايسل في الاوضه
يامن: ايه انعدام الثقه دا؟
سمر: طالع لأخوك سافل ما صحيح ابن الوز عوام بس اقسم بالله لو حد فيكم انتو التلاته اتصرف من دماغه تاني ما هعديلكم الحوار وانت لسه حسابك مع ابوك اما يعرف المصيبه اللي هببتها دي
يامن: هه قلبك ابيض بقى يا سوسو دا انا حتى هبقى عريس
سمر: عريس بالستر يا اخويا
ضحكوا كلهم وبعد وقت كل واحد طلع اوضته
دخل رائد الاوضه كانت نيروز لافه الفوطه على جسمها وبتسرح شعرها
صفر بإعجاب وهو بيقفل المفتاح وراه وهي اتوترت اول ما دخل وقالت: ااا انت بتقفل الباب ليه
رائد: اوب اوب اوب موجة حلويات وضربت في وشي ايه الحلاوه دي كلها يا غزاله عليا الطلاق صاروخ ارض جو
نيروز وشها احمر وقالت بخجل: رائد.! مش هتبطل قلة ادبك دي.!!!
رائد برفعة حاجب: وهي فين قلة الأدب دي يا بيبي انا كده بعبرلك عن رأيي فيكي امال لو عرفتي انا هعمل ايه هتقولي ايه
نيروز وقفت على السرير وقالت: لالالا بقولك ايه وربنا لو قربت مني هصوت والم عليك الناس
رائد: وهتقوليلهم ايه يا حصره جوزي وبيتهجم عليا انتي عبيطه يابت؟ وبعدين وماله ياقلبي صوتي زي ما انتي عايزه واهو بردو تعمليلي حس في القصر
نيروز: طب بص بص انا عاوزه ماما وديني لماما وحيات اغلى حاجه عندك
رائد: هو انا واخدك الملاهي بروح امك
وبعدين انسي ياقطه هو دخول الحمام زي خروجه ولا ايه
وعاوزاني اشوفك بهيئتك دي واسيبك تخرجي بره باب الاوضه؟ دي تبقى عيبه في حقي والله وابقى راجل لمؤخذه
نيروز: راااااااائد.!!
رائد وهو بيقرب منها: ياروح قلب رائد وعيُونُه
بعد شويه كانوا كلهم قاعدين تحت بعد وصول هانم وياسين ورجوع ادهم من بره وكانوا بيهزروا
ياسين كان قاعد جمب نيروز حضنها وقال: عمل فيكي ياقلب اخوكي قوليلي وانا اقوم اكسرهولك دلوقتي
رائد الغيره ولعت في صدره وشدها من وسطها عليه وبقت في احضانه وقال: وسع كده ايه مالك بتتلزق في البت كده انت ما صدقت دي مراتي لو مش واخد بالك
ياسين برفعة حاجب: واختي بردو لو مش واخد بالك
رائد: لا يا حبيبي اختك دي كانت زمان قبل ما تبقى مكتوبه على اسمي لكن حاليا انسى محدش مسموح ليه يقرب منها غيري
ياسين: ابو وقاحتك ياجدع
منال: بس خلاص انتو الاتنين هنقضيها خناق ولا ايه وبعدين ما هي كويسه وزي الفل قدامك اهي يا واد
ياسين: بنتك عامله زي البسكوته يا امي والواد قد ضرفة الدولاب راعي فرق الاحجام شويه
رائد: ملكش انت داعوه اخرج منها بس
نيروز حطت اديها على وشها من كتر الاحراج
سمر: خلاص انت وهو بقى كسفتو البنيه
ضحكوا كلهم وقال أدهم: منورينا يا جماعه والله
ياسين: دا نورك ياعمي
سمر: قومي يا أيسل هاتي العصير من جوه
أيسل: حاضر يا سوسو
نيروز ما صدقت عشان تخلع منهم وقالت: اا استني يا أيسل انا جايه معاكي خلصت كلامها وجريت على المطبخ وهما ضحكوا عليها
زين: انا بقول بقى تتلم ياعم رائد وتسيبها في حالها
رائد: وهو انا كنت عملت ايه
يامن: لا يا حبيبي ملاك وهو انت بتعمل حاجه حاسب جناحاتك قبل ما تدخل عنينا
ضحكوا على كلام يامن
جوه اتنهدت نيروز براحه اول ما وصلت للمطبخ وقالت: يافرج الله كنت حاسه كان فاضلي لحظه واتمنى الارض تتشق وتبلعني
ضحكت ايسل وهي بتصب العصير وقالت: الصراحه معرفش رائد بقى قليل الادب امتى
نيروز: امتى مين يا حبيبتي دا من زمان وحياتك
ضحكوا الاتنين وبعدها اخدت نيروز الصنيه عشان تخرجها وايسل كانت بتقفل الحاجه اللي بهدلتها وراها
نيروز وهي خارجه قابلت ياسين في وشها اتخضت وقالت: بسم الله الرحمن بتعمل ايه هنا يا ياسين خضتني
ياسين: سلامتك من الخضه ياقلبي كنت جاي الحمام ورائد قالي امشي في الممر ده هتلاقيه بعد المطبخ
نيروز شاورتله عليه وقالت: اه هناك اهو
كملت طريقها لبره اما ياسين قبل ما يتحرك خطوه زياده كانت ايسل خارجه من جوه وخبطت فيه وشهقت بصدمه لدرجة انها اتزحلقت وكانت هتقع بس هو لحقها بسرعه قبل ما تقع وشدها عليه
ايسل جسمها اتخشب بين اديه من الموقف اللي هي فيه اما هو تدارك وضعهم حمحم باحراج وبعد عنها وقال: انا اسف مشوفتكيش
ايسل خرجت تجري على بره من غير ما ترد عليه
ياسين باستغراب: مالها دي بس وعليا النعمه ملبن
خلص كلامه ودخل الحمام
بعد شويه كانوا قاعدين كلهم بيضحكوا فجأه سمعوا صوت زعيق بره
قام رائد بسرعه وقال: خليكم هنا هخرج اشوف في ايه واجي
قاموا الرجاله وراه وخرجوا كلهم بره عند بوابة القصر كان أفراد الأمن واقفين سادين الطريق بينما كان في رجل صعيدي في أواخر الستينات طويل القامة جلابيته الصعيدي المكوية وعصاه في إيده واقف بكل هيبته وورا منه أربعة شباب شبهه في الملامح والوقفة
نعمان بصوت جهوري:
افتحوا الباب يا ولاد... جولتلكم عاوز أشوف حفيدتي
واحد من الأمن باحترام:
يا حاج حضرتك مين؟ ولو عندك معاد ندخل نبلغ
نعمان ضرب عصايته في الأرض وقال بغضب:
معاد إيه يا ولدي! جولتلك إني عاوز أجابل أدهم بيه وإحنا من الصعيد ومبنستناش على البوابات
فرد الأمن بثبات:
والأوامر عندنا محدش يدخل من غير إذن
واحد من أولاده اسمه حسن اتقدم بعصبية وقال:
إياك ثم اياك صوتك يعلى على أبوي إنت فاهم بتكلم مين؟
رجل الأمن:
وأنا بعمل شغلي وبس ياباشا اتفضلوا امشوا وبلاش شوشره
نعمان رفع إيده يمنع ابنه
وقال بنفاذ صبر: سيبه يا حسن الراجل بينفذ أوامر
أدهم وقف باستغراب وهو بيبص للرجاله وقال:
خير يا جماعة؟ فيه إيه؟ انتوا مين
لف نعمان ناحيته وبصله نظرة ثابتة وقال :
أني الحاج نعمان المصري كبير الصعيد
أول ما الاسم خرج من بقه
رائد اتجمد مكانه عينه اتسعت بصدمة وكأن الاسم وقع عليه زي الصاعقة
أما ياسين فوشه قلب في ثانية والغضب انفجر جواه وكان هيتقدم منه عشان بضربه لكن زين ويامن مسكوه بسرعه وهو قال:
إنت إيه اللي جايبك هِنا؟! امشي... اطلع برههه!
أحمد برق بعينه ناحية ياسين وصوته علي:
إياك يا ولد! إياك تتحدت ويا أبوي بالإسلوب ده وإلا وجسمن بالله نجلبها دم
ياسين لف له بعصبية: هتعمل إيه يعني؟! وريني عرض كتافك
أدهم رفع إيده بسرعة بينهم وقال بحزم:
بس كفاية!
بص لنعمان وقال بهدوء:
اتفضل يا حاج البيت بيتك ندخل الأول ونتكلم بهدوء
نعمان هز راسه وقال:
كتر خيرك يا ولدي
وبص لأولاده:
ادخلوا ومحدش فيكم ينطج بكلمة
ردوا كلهم في نفس واحد:
حاضر يا بوي
دخل نعمان وأولاده القصر بخطوات ثابتة بينما ياسين كان واقف بيضغط على سنانه بغضب ورائد لسه مصدوم وعينيه متعلقين بنعمان
دخلوا كلهم القصر واول ما هانم شافتهم قامت وقفت بصدمه وقالت: بابا.!! انت بتعمل ايه هنا
نعمان: ايه مش هتسلمي على ابوكي؟
منال: ايه اللي جابكم عاوزين مننا ايه تاني؟
نعمان: جيت اشوف الهانم اللي چوزت بنتها بدون علمي
ياسين بعصبيه: ميخصكش في حاجه مش انت رميتنا زمان عشان خاطر امي اتجوزت ابويا جاي وعاوز ايه مننا دلوقتي انت ملكش كلمه عليها هي كبرت على ايدي وبشقاها وانا اللي احدد تتجوز مين ومين لا انت ولا اي شيء في حياتها
حمزه: احترم نفسك وانت بتكلم جدك يا يا ياسين
ياسين: اه وانت انهي خالص فيهم بقى على كده؟
حمزه: وهتفرق معاك في ايه؟
ياسين: عندك حق مش هتفرق كتير كلكم خونه وزباله زي بالظبط
احمد الدم غلي في عروقه وكان هيروح يضرب ياسين بس حمزه وحسن مسكوه وقال: ولا انت ناجص اربايه ومحتاج حد يربيك من اچديد
نيروز وقفت قدام جدها عشان تنهي المهزله دي وقالت: افندم خير؟ افتكرتنا ليه بعد كل السنين دي؟
نُعمان: چاي اشوف الهانم اللي خلت رقبتنا جد السمسمه قدام اهل البلد كلياتها
نيروز: لا والله دا كل اللي هامك؟
نعمان: چرا ايه يا بت سامح عيشة مصر نستك اصلك ولا ايه يابت فوجي معايا اكده وردي عليا زين زي ما بحدتك.!
نيروز: لا يا جدي منستش اصلي ولا حاجه بس انتم بصفتكم ايه دلوقتي جايين تكلموني او تتعصبوا عليا؟
ايه لسه فاكر ان ليك حفيده يا جدي بعد ما ابويا مات ورميتني انا وامي واخويا طول السنين دي؟
ولا لما عرفت اني اتجوزت من غير ما اعرفكم العرق الصعيدي نقح عليك اوي وجيت تاخد طارك مني؟
نعمان رفع ايده عشان يضربها بالقلم لكن في لحظه لقى ايد من حديد بتمسكه
رائد: فوق لنفسك والزم حدودك انا كل ده عامل احترام انك واقف في قصر ادهم باشا المغربي
لكن هتقل ادبك علينا وتفكر مجرد التفكير تبصلها بصه متعجبهاش وربي وما اعبد هطربق القصر فوق دماغكم كلكم وهقلبها دم
ولا هيفرق معايا انت مين ولا جنس ملت اهلك ايه
بنتكم انا مش ماشي معاها ولا شاقطها من الشارع لا سمح الله عشان الطريقه اللي جايين تتكلموا بيها معانا دي
دي مراتي ومتجوزها على سنة الله ورسوله قدام الدنيا كلها
وبرضا امها واخوها غير كدا ميلزمنيش حد انا شاريها وعاوزها ومش هسمح لاي بني آدم يبعدني عنها ايًا كان هو مين
نيروز: امشي من هنا يا جدي وكفايه قلة قيمه لحد كده انا متجوزه راجل مش عيل صايع هيخاف من تهديداتكم
اما احمد اللي انا واثقه ان امه اللي هي بالاسم خالتي مسخناك ف احب اقولك ان هو
ميلزمنيش انا في عصمة راجل وسيد الرجاله كمان وعمري ما افكر ابص لغيره وانا مش همشي من بيت جوزي.!
نعمان: حلو كلامك زين والله ومفعوصة الرجبه بجى ليها صوت
رائد: بص يا حاج انا صبري اضيق من ممر قرموز ف تنجزنا كده الله يباركلك عشان احنا مش فاضين للحوارات دي
حسن: جدك كتب الورث بإسمك
نيروز: مش عاوزه منكم حاجه انتو سامعين ولا لأ خلي فلوسك معاك يا حاج نعمان متلزمنيش
الحمدلله عيني مليانه مش هجري ورا فلوسكم اخويا ربنا يخليه ليا مكنش حارمني من حاجه
ودلوقتي اتجوزت وجوزي لو شاورت على نجمه من السما هيجيبهالي
اوعا تكون مفكر انا مش عارفه انت جاي هنا ليه او اني لسه صغيره وهخاف منكم زي زمان
لا يا جدي انا معدتش الطفله اللي بتعيط على اي حاجه وانا بقولهالك في وشك اهو مش هرجع معاك واللي عندك اعمله
وكفايه بقى قلة قيمه لنفسك اكتر من كده واتفضل اخرج بره انت وعيالك وبدل ما تتكلم معانا روح شوف بنتك اللي مقضياها مع كل واحد شويه بتعمل ايه
نعمان: اخرسييي.!!
نيروز: لا مش هخرس انا بكرهك فوق ما تتخيل وبكرهكم انتو كمان وبكره هانم كلكم اوساخ كلكم غدارين كلكم بتوع مصلحتكم وبس امشي اطلع بره وياريت متجيش هنا تاني عشان صدقني وقتها رد فعلي مش هيعجبك
رائد: ايه يا حاج كفاالله الشر السمع على قده ولا ايه؟ ما قالتلك اطلع بره
نعمان: بقت اكده مجوي قلبك الواد الصايح اللي متچوزاه دي؟؟
أدهم: عندك لحد هنا وتلزم حدودك انا ساكتلك كل ده بمزاجي عشان انت راجل كبير وفي مقام ابويا الله يرحمه لكن هتغلط في عيل من عيالي يبقى تطلع تغور بره في داهيه الصايع اللي بتتكلم عنه ده يقوم بيك وببلدك كلها
حس نعمان بجبروت وهيبة العيله دي وانه مش هيسلك معاهم بص لبنته وقال: من هنا ورايح تنسي ان ليكي اب ومهما حصل مش عاوز اشوف خلجتك تاني وحتى لو جيتيلي جثه هرميكي بره الدار وهجولهم دي متلزمنيش
ياسين بهمجيه: برههههه اطلع بره يا راجل يا ناقص جاي تدعي على امي هنا كنت عملتلها ايه في حياتها اصلا عشان تتكلم اوي كده امشي غور بره اللهي اشوف جثتك وهي مولعه قدامي وساعتها هجيب المايه بس مش هطفيك بيها
منال: ياسين.!!!!
ياسين: قسما برب العزه كمان 3 ثواني لو لمحت حد فيكم قدامي هنسى وقتها اني اتربيت
خرجوا كلهم بغضب وهما بيتوعدوا ليهم
بص ياسين لمنال وقال: من هنا ورايح تنسيهم اصلا تنسي عيلة المصري دي من الاساس انجس عيله على وجه الارض رغم ان جدي الله يرحمه ابو بابا مكنش كده انا معرفش ده طالع لمين
بعد شويه من الوقت كانوا هديوا كلهم واخد ياسين منال وروحوا على بيتهم وكل واحد طلع اوضته
تاني يوم
يتبع......
وبكدا بتخلص حلقتنا للنهارده
عاوزه اعرف رأيُكُم فيها ايه
وتحليكم وتوقعاتكم للحلقه الجايه
دُمتُم في حِفظ اللهِ سالمين♥
