رواية عودة عاشق الفصل السابع عشر 17 بقلم منة الله الجزار
اهلا بكم في مدونة مكتبة حواء نقرأ لكم ونكتب من اجلكم
﷽
ـــــ
عند مراد
صحي من النوم قام دخل الحمام ولبس وجهز نفسه وخرج راح أوضة أمه يطمن عليها لقاها فاقت راح باس إيدها وراسها.. كيفك ياما دلوقتي؟
جليلة بفرحة وبقت تحس على وشه وشعره.. مراد ولدي.. وخدته في حضنها وقعدت تعيط.
جليلة.. اتوحشتك قوي يا ولدي.
مراد وهو في حضنها.. وأنا أكتر يا ست الكل.
جليلة.. كان قلبي حاسس إنك راجع يا ولدي.
مراد..بشر.. رجعت يا ما وهعاقب كل واحد على غلطه اللي غلطه هيتحاسبوا كل واحد حسابه غير التاني ما تخافيش قوليلي مين كان حابسك في البدروم تحت هي صح وربي وما أعبد ليكون عقابها غير الكل وتبقى عبرة للباقين.
جليلة.. هي عملت كتير قوي يا ولدي بس استني ما نطمن على أبوك وبعدين اعمل فيها اللي إنت عاوزه.
مراد.. بتنهيدة.. ماشي.
هند كانت واقفة على الباب وسمعة ده كله وهي قلبها يتشاهد من كتر الرعب.. يا مصيبتي السودة هو أنا كان عقلي فين لما ضربتها ده مراد مش هيرحمني.
كانت واقفة بتترعش.
مراد من جوه.. ادخلي يا مرات أبوي بدل ما إنتي واقفة تسمعي من ورا الباب كديه.
هند لطمت على وشها... هو عرف منين؟
ودخلت وهي بتترعش.. كنت جاية أطمن على ضرتي بس عاملة إيه إنهاردة يا أم مراد.
مراد كان بيبص عليها بطرف عينه وهيموت ويقوم يجيبها من شعرها على اللي عملته في أمه ده.
جليلة بقرف.. الحمد لله زينة طول ما ولدي جنبي.
مراد.. أني جنبك دايماً يا ست الكل موجود أو غير موجود ليكي احترامك من الصغير قبل الكبير.
وكمل بوعيد.. وكل اللي لمسوكي هنا أولع فيهم وهما عايشين ما تخافيش.
طبطبت جليلة على إيده بحب.. ربنا يخليك يا ولدي ويحفظك يا رب من كل عين راضية.
مراد.. مرات أبوي تعالي.
هند اتقدمت بخوف.. نعم يا ولدي.
مراد ببرود.. ادعكي رجل أمي.
هند بصدمة.. إيه؟
مراد ببرود.. إيه إيه سمعتي الرعد في ودانك بقولك تعالي ادعكي رجل أمي.
هند برعب.. حاضر.
وراحت وهي بتتوعد لمراد وجليلة وقعدت جنبها على السرير ومسكت رجليها تدعكها وقرصت على رجليها جليلة صرخت.. آه براحة.
مراد طلع سلاحه وهند ارتعبت.. معلش يا أختي هدعك براحة..
وبدأت تدعك رجليها.
مراد في سره.. هو إنتي لسه شوفتي حاجة يا مرات أبوي.
ـــــ
عند مايا
الصدمة وقعت على الكل
كلها تصميم مايا واللوجو بتاعها متشال من عليهم ومحطوط لوجو جديد.
مايا بصت لحسناء بصدمة.
مايا بغضب.. وقفوا التصميم دي مسروقة.
السكوت كان علامة على وش الكل وخرج بلال..
بلال ببرود.. إنتي عارفة حضرتك بتقولي إيه؟
مايا بغضب.. أيون عارفة أنا بقول إيه كويس التصميم مسروقة ومعايا التصميم الأصلية.
كمال كان بيبص عليها بمكر.
مايا.. أهو الملف اللي فيه التصميم الحقيقة يا شوية حرامية.
بلال أخد الملف وفتحه وانفجر في الضحك ورفع الملف في الهوا.. شوفوا يا جماعة أهي التصميم الحقيقة هه حضرتك ده مجرد ورق مفيش تصميم أصلاً.
مايا أخدت منه الملف بصدمة.. إزاي؟
حسناء بغضب.. أكيد لعبتوا فيه عشان تاخدوا التصميم التصميم دي بتاعتنا إحنا مش إنتوا.
بلال.. بغضب.. التصميم دي بتاعتنا إنتوا اللي شكلكم حرامية وأنا هرفع عليكم قضية.
مازن بغضب.. ما تعليش صوتك عليهم وبعدين ارفع قضية براحتك وإحنا كمان هنرفع قضية بتهمة الاحتيال والسرقة وشركة الجارحي الكل عارفها كويس وليها مركزها مش شركة لسه طالعة جديدة هي عشان يتقال عنهم كدا التصميم دي باينة أوي إنها مسروقة.
مايا بتذكر.. الكاميرات.
بلال وقف مصدوم.. وبص على كمال اللي غمض عيونه بمعنى اهدأ.
حسناء.. دلوقتي الكل هيعرف مين الحرامي الحقي أستاذ كمال.
مازن.. مايا مش إنتي معاكي الكاميرات متوصلة على الفون عندك وصليها في شاشة العرض وخلي الكل يشوف مين الحرامي الحقي.
مايا فتحت فونها وحطته في جهاز العرض وفعلاً آخر حاجة شافوها كانت مراد وهو شايل جميلة وخرج وبعدين الكاميرات فصلت.
كمال بخبث.. لما كان بيستخبى من أمه راح أوضة الكاميرات وفصل الكاميرا بتاعت مكتب مايا.
.. اللعب على كبير يا مايا.. خلاص وضعي سمعتك وشركتك للأبد.
بلال.. شوفت حضرتك مفيش حاجة إنتوا اللي كدابين وحرامية.
مايا بصدمة.. والله ده شغلي أنا وتعبي وحرام أوي حد يسرقه.
مازن.. أنا هعمل فيكم شكوى والقانون هيثبت مين الحرامي ومين لا.
وأخد مايا وحسناء ومشيوا.
ـــــ
في البيت عند مايا
مايا بدموع.. إزاي إزاي التصميم دي اتسرقت دي كانت في مكتبي.
حسناء.. لا والكاميرات كلها فصلت حتى الدليل الوحيد راح.
كمال بخبث.. مايا أنا شوفت حد من رجالة مراد كان في مكتبك يوم الحادثة وأخد بنت ومشي.. ممكن يكون بدل الملفات وباعهم لشركة البحيري.. أو مراد مثلاً.
حسناء.. هو مراد حقير فعلاً بس ما يعملهاش إحنا عارفينه كويس قدام حاجة هتأذي مايا مش هيعملها أو هيخلي رجالته يعملوها وفعلاً في واحد جه أخد البنت بس أخدها مني أنا ومدخلش مكتب مايا هو استلمها مني.
كمال بغضب.. في سره.. لازم أخلص منك قريب.
كمال.. ممكن أنا بفترض.
مايا.. مراد ما يعملهاش ولو كان كدا كان أذاني من زمان.
مازن.. فعلاً مراد بيأذي اللي بيقرب على مايا مش العكس.
كمال.. تمام.. بس مين اللي ليه مصلحة إن مايا تبقى ضعيفة غيره بالعقل كدا.
مايا بغضب.. مش مراد وبعدين مراد قالي إن شركة البحيري دي أصلاً صحابها ماتوا في حادثة.
الصدمة وقعت على كمال.
حسناء باستغراب.. حادثة إزاي؟
مايا.. قالي إن يوم موت كايا أخوه كان في نفس المستشفى كان فيها الحادثة وبيسأل قالوله إن عربية مقلوبة باللي فيها ونسبة نجاتهم صفر ٪ يعني هما ميتين.
مازن..بشك.. أمال مين كمال ده؟ وبعدين آه أنا فاكر حاجة زي كدا بس دي قبل سنتين.
كمال بتوتر.. ممكن تشابه أسماء يا جماعة.
مازن.. ممكن برضو.
كمال.. لازم أخلص منهم قبل ما يكشفوني ووقتها مراد مش هيرحمني فعلاً.. لازم أدمرهم قبل ما هو يرجع.
مايا.. لازم نفكر هنعمل إيه.
وقعدوا يفكروا.
ـــــ
عند مراد
رن على مايا يعرف منها إيه اللي حصل معاها حكت ليه اللي حصل كله.
مراد بصدمة.. كيف؟
مايا بدموع.. معرفش شغلي وحياتي كلهم راحوا يا مراد.
مراد.. طيب اهدي تمام وأنا هتصرف.
مايا.. هتعمل إيه؟
