رواية عودة عاشق الفصل الخامس عشر 15 بقلم منة الله الجزار
اهلا بكم في مدونة مكتبة حواء نقرأ لكم ونكتب من اجلكم
﷽
ـــــ
مراد بغضب.. بس إنتي وهي ولا إنكم معتبرين إني موجود في وسطكم ولا حتى محترميني أنا وميان.
ريم.. حضرتك على دماغنا إنت وميان بس ده ظلم وربنا ما بيرضاش بالظلم.
مراد.. كان فيكم واحدة دخلت ليها قالت ليها إيه؟
نانسي.. جابت اسكرين بكلامها هي ومايا.. ده اللي حصل بيني وبينها عشان محدش يقول إني بخترع كلام.. وكانت قصدها على مرام.
مراد عمل زوم للاسكرين وفعلاً حس إنه ظلمها..
ميان بعتاب.. شوفت يعني البنت كانت هتنفذ أهو مش كانت هتكسل زي ناس.
كان الكل بيتكلم وبيوجه كلام لمرام ومرام حست إن مراد هيقوم عليها اتصنعت الدموع.. بقيت أنا اللي وحشة دلوقتي يعني بجد شكراً أوي ومش هتشوفوا وشي تاني 
.
. استنت حد يمسك فيها ويقولها متخرجيش بس محدش اتكلم بس مراد.. هو لعب عيال هو ولا إيه أنا اللي غلطت وأنا اللي هصلح الغلط ده.
دخل في القايمة ملقاش الرقم بتاع مايا دخل في المغادرين ولقاه داس عليه وفتح ليها الشات بينه وبينها كان متردد فعلاً إنه يتكلم معاها وبعت ليها.. السلام عليكم.
بعد شوية.. عليكم السلام مين.
فضل ثواني يبص للرسالة.. هي فعلاً ردت عليه طيب دلوقتي هيفتح الكلام إزاي معاها.
فتح الرسالة.. أنا مراد.
مايا.. باستغراب.. مراد مين؟
مراد خاف ليكون بعت لحد تاني.. أو أبوها هو اللي معاه الفون يحصل ليها مشاكل.
مراد.. مراد العزايزي.. مش ده رقم مايا.
مايا.. أيون حضرتك خير في حاجة؟
مراد بتوتر.. عرفت من البنات إنك تعبانة فحبيت أطمن عليكي إحنا برضو عشرة خناقات.
مايا.. ضحكت.. وعملت فيه مقلب.. خناقات مين يا بني وبنتي تعرفك منين؟
مراد.. أحيه أبوها.. وبعت.. أنا اللي المصح بتاع الكورس اللي كانت الأنسة مايا مشتركة فيه.
مايا بضحك.. بنتي هي كانت مشتركة في كورس من غير ما تعرفني نهارها مش فايت إنهاردة.. وكمان تعرف رجالة ده أنا هقطم رقبتها.
مراد.. بخوف.. أحيه شكلي عكيت الدنيا.. اهدى يا عمو لو سمحت لو سمحت.
شافت الرسالة ومردتش عليه مراد قام رن مايا شافت الرنة اتخضت.
أول مرة مردتش تاني مرة ردت بس سكتت.
مراد بخوف.. يا عمو بنتك معملتش حاجة أنا بس كنت داخل أقضي واجب بس.
مايا ضحكت.. هه هه هه.
مراد بغضب.. بتضحكي على إيه؟
مايا بضحك.. شربت المقلب هه.
مراد بغضب.. مقلب إنتي عبيطة يا بت إنتي يعني أنا خايف عليكي لأبوكي يقطم رقبتك وإنتي بتقوليلي مقلب اقفلي.
مايا بسرعة.. طيب اهدى خلاص والله حبيت أهزر بس معاك أنا مخنوقة من الصبح ومش لاقية حد أتكلم معاه عشان كدا لما إنت بعتلي حبيت أعمل المقلب ده بعتذر لو ضايقت حضرتك وأنا هقفل.
مراد هدى شوية.. متعمليش كدا تاني بجد خوفت عليكي.
مايا باستغراب.. خوفت عليا أنا ليه.
مراد بحمحمة.. أح حم عشان إنتي بنت وأنا ما أرضاش كديه على أختي.
مايا.. إنت صعيدي؟
مراد.. أه فيها حاجة.
مايا.. لا بس إنت طريقة كلامك في الشات عادية يعني فكرتك من القاهرة.
مراد بضحك.. هه عادي الكل مفكرني كدا أنا كليتي كانت في القاهرة وعيشت هناك.
مايا سرحت في صوت ضحكته.. ضحكتك حلوة.
مراد ابتسم بغرور.. عارف.
مايا بغيظ.. يا عم يا أبو غرورك ده.
مراد ضحك تاني.
مايا.. المهم كنت داخل ليه؟
مراد بجدية.. كنت حابب أقولك ارجعي الشات تاني وبعتذر عن اللي حصل كان سوء تفاهم بينا أنا بس قولت كدا عشان ما بحبش أكون ظالم حد بعتذر مرة تانية.
مايا.. ولا يهمك أصلاً عادي أنا داخلاها هواية.
مراد.. إنتي كلية إيه يا مايا؟
مايا.. تكنولوجيا ومعلومات.. جامعة القاهرة
مراد.. أنا كنت سياسة واقتصاد.. برضو جامعة القاهرة هه.
مايا.. واو يعني كنت معايا.
مراد.. أيون.
مايا.. متخرج.. من إمتي؟
مراد.. بقالي أربع سنين.
مايا.. على كدا إنت صغنن مش زي ما صوتك بيقول هه.
مراد.. أيون أنا 26 سنة بس مش لدرجة صغنن دي دي لو أبويا سمعك وإنتي بتقولي عني كديه هيطخني عيارين هه.
مايا.. بعدم فهم.. انزل بالترجمة.
مراد ضحك أكتر.. يعني هيخلص عليا يا بنت بحري.
.. المهم دلوقتي محدش يعرف إني هساعدك المساعدة هتكون برايفت ليكي عشان تحسني الـ 3D عندك لأنه بايظ خالص وهتصحي في الشات هناك قدام الكل وبكدا أكون ساعدتك فيها تمام.
مايا.. طيب الدروس اللي فاتتني.
مراد.. ما تخافيش هرجعك الشات وأنا وميان معاكي تمام.
مايا.. تمام.
رجع مايا الشات من جديد وبدأت الحرب
وقعدوا يتكلموا سوا هيعملوا إيه؟
ـــــباك
مايا كان الوقت اتأخر وحسناء رنت عليها.. إنها تيجي تخرج معاها هي ومازن بس مايا رفضت لأنها تعبانة.
ـــــ
عند مراد
الغفير قال ليه على مكان أمه.. هي في البدروم يا بيه.
مراد بغضب جحيمي.. بتعمل إيه هناك؟
الغفير.. الست هي اللي قالتلي.
وكان بيشاور على هند أرحم من مراد.. وجنانه.
هند بسرعة وخوف.. إنت بتخرف بتقول إيه أني مشوفتها.
مراد راح ساحب الزناد بتاع السلاح وأطلق طلقة
في الهوا رعبت الكل... بجنون.. كل اللي حطوا إيدهم على أمي هيتعاقبوا مني أنا حتى لو كانت مرات أبوي.
وخلى رجالته يجيبوا أمه من البدروم وطلعوها وجابوا ليها دكتور وخيط الجرح ليها ولفه بشاش وكتب ليها علاج ومشي.
مراد كان بيبص لهند بنظرات مرعبة وهند كانت بتحاول تتماسك قدامه لكن لا حياة لمن تنادي.
"البارتات الجاية مراد هينيمك تحلمي بيه يا هند 
"
"واحد من رجالته جه عليه.. يا باشا اللي طلبته جهز والرجالة تحت مستنيين إشارة منك.
مراد وهو بيبص على هند بشر.. عاوز الأوضة دي محدش يدخلها إنتوا فاهمين لحد ما أرجع.. ولبس نظارته الشمسية وخرج وباين عليه الشر.
هند أول ما خرج طلعت تجري على أوضتها وقفلت بالمفتاح على نفسها وكانت بتردد وهي بتترعش.. جاك الموت يا تارك الصلاة يا رب استرها معايا ده أنا غلبانة ومكسورة الجناح في البيت ده.
مراد أخد رجالته وراح على القرية اللي فيها بيوت عيلة سعودي كانوا قاعدين في بيت كبيرهم.
الكبير.. بسخرية.. ما تخافوش محدش هيقدر يقرب لينا ولده ومش موجود في مصر كلها يعني هنتطلع منيها.
مراد زق الباب برجله.. وابتسم بشر.. مين قال كديه.
بصوا لبعض برعب.. م مراد.
مراد بشر.. أه مراد اللي كان بينيمك من المغرب يا شوية كلاب.. تتجرأوا وتهجموا أبوي إنتوا اللي حكمتم على نفسكم.. استحملوا بقى.
دخل في وسطهم.. مين فيكم اللي اتجرأ وعمل العملة دي في أبوي.
كلهم شاوروا عليه..
مراد دخل وسحبه من وسطهم من هدومه وجرجره بره البيت وضرب نار في الهوا والكل طلع على الصوت واتكلم بغضب.. إنتوا اتجرأتوا على أبويا ونسيتوا إن ابنه مين والكلب ده عملته السودة ولازم يتعاقب ورماه لرجالته وفضلوا يضربوا بغل في الراجل وهو معاهم الكل كان خايف مراد خلى رجالته ربطت الرجالة الموجودين في البلد جنب واحد وويتبع.
